رواية بين هذا وذاك الفصل السابع7والاخيربقلم مريم سمير
_ الجزء التاني _
مسحت وشي = تحبي تقعدي في مكتبي لحد ما تهدي ؟
فجأة لقيت حد ماسكه من هدومه
' تقعد مع مين يحبيبي؟
عيني وسعت _ يوسف !!!!
= حضرتك مين؟ واي الي بيحصل هنا بالظبط؟
' انت واقف معاها بتاع اي يعم الحنين؟
= أنا ساكتلك عشان في مكان محترم ، نزل ايدك بدل ما ازعلك
' تزعل مين ؟ انت تسوي اي عشان تزعلني؟ بقولك رد عليا واقف معاها لي؟
زعقت _ سيبه ، سيبه بقولك!!
بابا طلع علي صوت زعقينا ° في أي في اي؟ أي الي بيحصل هنا بالظبط!
_ بابا يوسف كان..
' أنا جيت يعمي ولقيت البني ادم دا واقف مع مريم وقاعد يلطف ، دا يطلع مين دا ؟
° دا دكتور احمد ، أي الي بتعمله دا ييوسف! سبيه
سابه ' مهو أنا ليا حق لما الاقي واحد غريب واقف مع خطيبتي اعمل كد يعني؟
= أنا مش هسكت يعاصم بيه علي الإهانات دي ، لما يتردلي وضعي في المكان ابقي ارجعله
مشي!! ، رجعت بصيت ليوسف _ انت أي مبتفهمش! انت ازاي تعمل كد؟ ب أي وجه حق تسمح لنفسك تتدخل في حياتي ؟
' حق اني خطيبك وبعد فترة هبقي جوزك
_ نجوم السما اقربلك !!!
سيبته ومشيت ، مفكرتش في حاجة قد أحمد الي ممكن يخسر شغله بسببي ، كان عاوز بس يساعدني!
تاني يوم رجعت علي المستشفى تاني
° طيب يفندم دي بيانات شخصية مينفعش تطلع غير للضرورة القصوي ، مستحيل اديكي عنوان دكتور هنا
_ أنا بنت صاحبه المكان!
° طب يفندم دا العنوان بالتفصيل ، في رعاية الله
ضحكت وخدت الورقة ، كتبت علي الفون اللوكيشن وسوقت ووصلت قدام بيته ، سألت علي شقته ، خبطت وفتحلي
= مريم!! ، قصدي آنسة مريم ؟ انتي جاية هنا لوحدك؟
_ أيوة ، كنت عاوزة اتكلم مع حضرتك شوية
= أنا قاعد لوحدي ، طب استني ، يا ام جمالات أيوة انزلي عاوزك
بصيتله ب استغراب = ثواني بس هتنزل
جت ست كبيرة ودخلنا احنا التلاتة ° مين البنت الحليوة دي يولا؟
= بعدين يا ام جمالات بعدين
° لاء بس ذوقك حلو يمضروب
= بقولك أي ما تقومي تعمليلنا شاي الله يكرمك؟
° سكرك كام يحلوة؟
= مظبوط يطنط
دخلت المطبخ ف رجعت بصيتله _ احممم ، ازيك؟
= الحمد لله ، انتي احسن دلوقتي ؟
_ أيوة ، أنا جاية عشان اعتذرلك علي الي حصل امبارح ، ارجوك تسامحني وارجوك ترجع شغلك تاني
= انتي ملكيش ذنب
_ ازاي بس! دا كل دا حصل بسببي ، معلش حقك عليا وانا مستعدة اعوضك ماديا عن اي حاجة حصلت
= والله! وهتعوضيني ماديا ازاي؟
_ اي مبلغ حضرتك هتطلبه هيبقي عندك بكرة بالكتير
= الظاهر انك طالعة ل باباكي كل حاجة عندك بالفلوس
_ ها!!! طب أنا لازم امشي حالا
وقفني صوته = استني ، أنا.. اسف معلش مش عارف أنا قولت كد ازاي ، حقك عليا ، اقعدي لو سمحتي
رجعت قعدت = بصي انا ميهمنيش الفلوس نهائي ، أنا كرامتي فوق أي حاجة ، ف معلش أنا مش هرجع غير لما والد حضرتك هو الي يكلمني ويطلب دا ، غير كد مستشفيات البلد كتير محدش هيغلب
_ معاك حق ، أنا هتكلم مع بابا ، واتمني بجد متكونش زعلان من الي حصل
° الشاي
_ تسلمي بس انا لازم امشي دلوقتي فعلا عشان ورايا حاجات كتير
= متشكر انك جيتي
_ ولا اي حاجة ، دي غلطتي ولازم اصلحها ، اشوفك تاني
مشيت وروحت الفلة وطلب بابا في الفون يجيلي علي هناك ° خير يستي أنا سايب حسابات قد كد في المستشفى ، عاوزة اي؟
_ طيب طيب ، الدكتور أحمد
° ماله؟
_ هتتصل بيه تقوله يرجع الشغل من بكرة
° نعم يختي؟ ، مين دا الي هيكلمه؟ دا يوسف قايلي ميدخلش المستشفى تاني و..
بابا سكت ف ضيقت عيني _ بقي يوسف الي قايلك ؟
° مش بالظبط
_ بابا انت لو مرجعتوش تاني مش هفكر في موضوع يوسف دا نهائي
° يعني لو رجعته هتفكري؟
_ أيوة ، تسمح بقي تطلبه دلوقتي ؟
بابا طلع فونه وكان مسجل رقمه ف كلمه
° أهلاً دكتور احمد ، عامل اي؟
= الحمد لله يفندم ، أي الاخبار ؟
° عال عال ، مش ناوي ترجع المستشفى بقي؟
= يعني عجبك الي حصل امبارح دا ؟
° لاء ميعجبنيش يسيدي وحقك علينا بس معلش دا ابن واحد صديقي اوي وهو عصبي حبتين وميعرفكش ف امسحها فيا انا
=..
° ترجع الشغل من بكرة وبالنسبة ل الشهرين الي قولت هخصمهم تمن العملية ف مفيش كلام من دا ، بس مينفعش اشطر دكتور عندي يسيب المستشفى ويمشي
= ربنا يكرمك يفندم ، ماشي إن شاء الله
قفل معاه ° ها يستي مبسوطة؟
_ اوييي ، متشكرة
° بس زي ما اتفقنا ، تقلبي يوسف في دماغك ، دا فرصة انتي سامعة ؟
_ اكيد طبعاً ، متشيلش هم
روحت المستشفى بعدها عشان اطمن أنه رجع _ أهلاً يا دكتور احمد
= ازيك يمريم اخبارك اي؟
_ الحمد لله ، حمدالله على السلامه
ضحك = دا هو يوم الي غبته
_ مكنتش هسامح نفسي لو مشيت من هنا بسببي
= يعني لو طلبت منك اي طلب ممكن تساعديني فيه؟
_ اكيد ، بس طلب اي؟
= فيه حالة ، جارتي ، عاوزة عملية ، دورها في المستشفى الحكومي متأخر اوي ، يمكن تموت وهي بتستني دورها ، هي لازم تعمل استئصال ورم ، الست دي عزيزة عليا اوي ، ف ممكن تتوسطيلي عندك باباكي تعمل العملية هنا؟ أنا ممكن اساعد في تمنها
_ أنا ممكن اتكلم معاه والعملية تتعمل مجاني
مسك أيدي ب لهفة = بجد يمريم بجد؟
_..
= أنا آسف ، أنا مش قاصد والله
_ حصل خير ، أنا هدخل اتكلم معاه دلوقتي
دخلت مكتبه ° غريبة يعني مكنتيش بتجيلي المستشفى كتير أي الي حصل؟
_ جاية اشوفك
° والصراحة؟
_ هطلب منك طلب
ضحك ° كنت عارف انك بكاشة ، اطلبي يستي زي ما انتي عاوزة
_ فيه واحدة معرفة عوزاها تيجي تعمل عملية هنا ، بس في اسرع وقت عشان حالتها حرجة
° وهو كذلك يستي ، خليها تحضر فلوس العملية وتيجي علي طول ، هدخلهالك مخصوص قبل العمليات التانية
_ أنا مش بقولك عشان عاوزة دورها يتقدم ، أنا عاوزة العملية تتعمل مجاناً
° نعم يختي؟ مجاناً الي هو ازاي ؟
_ عشان خاطري يبابا ، دي مريضة اوي ولازم تعمل العملية بسرعة
° فيه مستشفيات حكومي كتير
_ دورها لسه بدري عليه ، وبعدين يعني اوضه العمليات متتفتحش عشان خاطر بنتك حبيبتك؟
° أنا مش بأخر عليكي اي طلب ، بس دا شغلي وانتي عارفة اني مش بحب أي حد يتدخل فيه
_ المرادي وبس ، اعتبرني خدت الفلوس أنا
° عملية اي؟
_ استئصال ورم
° انتي عارفة دي بتتكلف كام !!!!
_ المرادي وبس خليها علينا بقي
° لاء وانتي الصادقة لو الي في دماغك دا حصل عربيتك مش هتتغير قريب
_ يبقي اتفقنا
خرجت كان واقف قدام المكتب = ها ؟ عملتي أي ؟
_ تتقدر تفتح غرفة العمليات من بكرة
= انتي بتتكلمي بجد؟
_ اقنعته وهو وافق
= أنا مش عارف اقولك اي ، انتي طيبة اوي ، أنا متشكر بجد
_ ولا اي حاجة ، هي تهمك اوي كد؟
= هي الي خدت بالها مني من ساعة ما اتنقلت للبيت الي عايش فيه حالياً بعيد عن اهلي
_ ربنا يشفيها ويقومها بالسلامة
= أنا مش هعمل ارد ربع الي عملتيه دا ، لو احتاجتي أي حاجة أنا موجود
كان غريب فرحة وشه لأجل حد! ، كان بيفرح لما يلاقي الي حواليه مبسوطين ، كل المستشفي بتحبه ، اسمه دايما علي كل لسان ، يشهد عليه المرضي قبل الدكاترة زمايله ، كان انسان سوي ، وجميل!
عدت العملية علي خير ونجحت ، كان هو الي عملها ، كان مسؤول عن كل العمليات الصعبة في المكان ، بابا كان عنده حق لما قال إنه اشطر دكتور في المستشفى .
_ ازيك يدكتور؟
= الحمد لله ، انتي عاملة اي يمريم
_ اديته دعوة الحمد لله ، ممكن اعزمك علي عيد ميلادي؟
= كل سنة وانتي طيبة يمريم ، هو امتي؟
_ بكرة إن شاء الله ، هتيجي؟
= أنا مشغول بكرة والله بس هحاول
_ مشغول؟ يعني في احتمالية انك مجتيش؟
بص علي الدعوة ورجع بصلي = لاء هاجي اكيد إن شاء الله
_ هستناك يدكتور
مشيت وروحت لفيت اكتر من خمس محلات براندات ، مفيش اي فستان كان عاجبني! ، كنت عاوزة اطلع في الحفلة جميلة ، عشان هشوفه! ، لي مهتمة اطلع ولا غلطة عشان هو جاي ؟ مكنتش كد في عيد ميلادي الي فات!
لفيت اربع ساعات لحد ما لفت نظري فستان اسود علي مانيكان ، دخلت المحل وقيسته ، كان كأنه متفصل عشاني ، اخيرا!! روحت البيت وبدأت اجهز ليلتها كل التحضيرات .
استنيت ل بليل وليلي جت عملتلي الميكب وخلصت ، نزلت تحت استقبلت كل الي عزمتهم ، كنت بدور عليه ، كل لما حد يدخل من الباب نظري يجري عليه بس مطلعش هو ، كنت خلاص فقدت الامل أنه يجي!!
= الفستان تحفه ، الاسود حلو اوي عليكي
لفيت لقيته ف ملامح وشي اتغيرت _ مرسيه يا احمد ، مبسوطة انك جيت
= اتفضلي
كان بوكيه ورد لونه احمر _ دا يجنن!
= بجد عجبك؟
_ حلو اوى بجد ، متشكرة اوي تعبت نفسك
= كل سنة وانتي طيبة ، طيب هسيبك أنا عشان معازيمك
راح قعد علي كرسي جمبي كنت لسه بصاله وقطع شرودي صوته ' كل سنه وانتي طيبه يمريوم
_ اه وانت طيب ييوسف
' هديتك
فتحت العلبة لقيت فيها كوليه _ دا شكله غالي اوي اوي!
' مفيش حاجة تغلي عليكي ، عجبك؟
_ اممم ، زي هدية السنة الي فاتت ، وقولتلك وقتها اني مش بلبسه
' بجد ؟ قولتيلي كد فعلاً؟
_ وانت هتفتكر أي ولا اي كان الله في العون ، عمتا متشكرة تسلم ايدك
' علي اي ، تحبي نرقص؟
_ لاء مش قادرة ، قومي ارقصي معاه يليلي انتي
° يلا بينا
رجعت قعدت مكاني _ امممم تشرب اي؟
= فيه هنا عصير ؟
_ فيه ، اجبلك عصير لمون ؟
شاورت للويتر ف نزلنا كوبايتين = كنت عاوز اجبلك حاجة اغلي من الورد الصراحة بس انا معرفش ذوقك اوي
_ بالعكس ، دي احلي هدية جاتلي النهارده
= يشيخة حرام عليكي! دا ما شاء الله خطيبك جايب هدية بالشئ الفلاني ازاي معجبتكيش بس ؟
_ خطيبي !! خطيبي مين؟
= يوسف! هو مش خطيبك؟
_ لاء طبعاً ، العيلتين صحاب من زمان، هي دي علاقتي بيه ، لكن مفيش علاقة رسمية
= بجد؟ لاء ثواني امال اتخانق معايا يوم المستشفى لي؟
_ الصوت هنا عالي اوييي
= ينفع نخرج برا؟
_ ياريت
خرجنا وروحنا الجنينة = بيتك ما شاء الله جميل اوي
_ وانت كمان شقتك جميلة وفيها روح
= اه الحمد لله مريحاني ، كنا بنقول اي؟
_ يوسف؟
= اه يوسف ، مين هو؟
خدت نفسي وطلعته بالراحة = لو مش عاوزة تتكلمي بلاش ، أنا الظاهر الي بسأل في حاجات مينفعش اسأل فيها ، أنا همشي
_ احمد استني ، أنا عاوزة اتكلم معاك ، مينفعش تمشي
رجع قعد تاني = مالك؟
_ يوسف يبقي ابن صاحب بابا الانتيم ، من ساعة ما كبرت وهو بقي زي ضلي ، بيطلعلي في كل مكان ، مبعرفش اخد راحتي أو اتبسط ب حاجة ، أنا بالنسباله زي الكوليه عاوز يشتريه ويملي عينه منه ، لكن بعد كد لو شاف كوليه تاني احلي هيرمي القديم في الدرج ، انت فاهم ؟
= فاهم ، كملي
_ أنا مش عاوزة اتجوزه ، مش عاوزة جوازة محصلتش أو عريس لقطة ، مش عاوزة ابقي ست متخانة ، عاوزة بس ابقي ست مبسوطة ، محدش فاهم دا ، الي كانت فهماني هي ماما ، يوسف بقي قدري الي مش عارفة اهرب منه ، مش عارفة اتخلص من حقيقه أنه ممكن يملكني في يوم ، بحلم بكوابيس واصحي خايفة من فكرة جوازي منه ، هبقي زي حتة الانتيكا ، بابا مش قادر يفهم أنه كد مش بيطمن عليا ، مش قادر يفهم اني عاوزة واحد بحبه مش واحد عنده فلوس يشتري بيها الي هو عاوزه حتي لو كان أنا ، ماما لو كانت موجودة كان زمانها قالتلي اعمل ايه
مد أيده في جيبه = متخافيش عامل حسابي ، اصل انا كل مرة اشوفك لازم تعيطي
خدت منه المنديل وضحكت _ أنا اسفة معلش دوشتك
= لاء ولا اي حاجة ، دا انا مبسوط انك اختارتيني عشان تقوليلي كل دا
_ انا فعلا كنت محتاجة اتكلم ، عمري ما قولت أي حاجة من دي لحد ، بجد شكراً
= شكراً علي اي ؟ ، معتيش تعيطي فال وحش اوي في عيد ميلادك!
_ معاك حق
= اتمنيتي أمنية ؟
_ لسه
= طب اتمني يلا
كنت بصاله ، حاسه ب حاجة غريبة ، شعور حلو وغريب في نفس الوقت! ،مش عاوزة اتحرك من قدامه ابدا ، عوزاه يفضل جمبي علي طول! في لحظة نسيت حفلة عيد ميلادي ، المعازيم ، الهدايا ، كنت مبسوطة وأنا معاه!
' طب اجيب شجرة واتنين لمون؟
_ يوسف؟ انت أي الي جابك هنا؟
' معازيمك بيسالوا عليكي جوا ،وانتي قاعدة مع..
= جاية حالا ، ادخل انت
' هدخل معاكي
كان باصص لأحمد والشر في عنيه _ طيب! ، احمد أنا لازم ادخل
= لاء مش لازم ، لو مش عاوزة تدخلي معاه متدخليش ، متعمليش أي حاجة غصب عنك عشان ميحصلش مشاكل
' انت بتقول اي؟
= بقول أنها لو مش عاوزة تدخل معاك مش هتدخل
' وانت بقي المحامي بتاعها؟
= يعني ، اعتبرني كد
' اه أنت شكلك شارب ومش عارف بتقول أي
= أنا بردو الي شارب؟
وقف جمبي = يلا يمريم عشان ادخلك
بصيت ل يوسف الي كان باصصلي _احمد الي بتعمله دا..
= ملكيش دعوة ب الي بعمله ، يلا عشان ادخلك!
دخلت معاه ، التورتة اتحطت قدامي ، كان جمبي ف همسلي = متنسيش الأمنية
ضحكت وانا بغمض عيني بتمني الاحساس الي حساه دا يدوم ، إن يطلع الصوت الي جوايا صح
يوسف مسك المايك ' يجماعة بالمناسبة دي عندي ليكم خبر تحفه
الكل بدأ يهلل أنه يقول بسرعة ' أنا ومريم فرحنا الشهر الجاي
_ ايييييي؟؟؟؟
= عاصم بيه أنا الي عاوز اتجوز مريم
_ احمد!!!
_ الجزء التالت والأخير _
الكل بدأ يهلل أنه يقول بسرعة ' أنا ومريم فرحنا الشهر الجاي
_ ايييييي؟؟؟؟
= عاصم بيه أنا الي عاوز اتجوز مريم
_ احمد!!!
كان قلبي مقبوض ، الاتنين بيبصوا لبعض ب منتهي الغضب ، يوسف مسكه من هدومه
' انت شكلك اتجننت وانا مش سايبك النهارده
احمد مسكه هو كمان = انت لو متظبطش أنا الي هعدلك
بابا زعق ° احنا فين هنا؟ أي الي بتعملوه دا؟
سابوا بعض وكانوا لسه بيبصوا لبعض ب عصبيه
° طيب يجماعة حفلتنا النهارده خلصت ، شكراً جدا علي حضوركم ، أنا متأسف جدا علي الموقف البايخ دا
المعازيم بدوا يمشوا لحد ما مفضلش غيرنا احنا الأربعة
' انت جاي تقول انك عاوز تتجوز خطيبتي قدام كل الموجودين ؟ انت أي راحت منك؟
= مش خطيبتك ومش هتبقي
° والله عال يدكتور احمد! طب ما تخليك انت ابوها واتكلم بالنيابة عني؟
= العفو يفندم أنا مقصدش ، الي انا اعرفه إن مريم مش عوزاه
° وانا الي اعرفه اني من حقي أنا الي اختار جوز بنتي مش اي حد تاني!
= حقك طبعاً ، بس بنتك بردو مش حقها تختار ، الايام الي هتعيشها معاه دي عمرها
° طيب نسيبنا من الفلسفة الي مبتجبش همها
' انت لسه هتتكلم معاه يا اونكل؟؟ ، دا لازم يتأدب ويعتذر ويمشي من المستشفى حالا ومعتش اشوف وشه
° استني انت ييوسف
' استني اي؟ واحد جاي يقول إنه عاوز يتجوز الي هتبقي مراتي ؟؟ اقعد اتناقش معاه لي؟
كنت بصاله ب طرف عيني ، قال يعني بيعمل كده غيرة!!
بابا رجع بص ل احمد
° خلينا نتكلم بالعقل يدكتور احمد ، انت طبعا عارف مستوايا الاجتماعي عامل ازاي ، ومقدر جدا موقفي ك أب اني عاوز ل بنتي احسن واحد والي يعيشها عيشة مرتاحة ، يعني ب اختصار هتعرف تعمل دا؟ ، انت عندك اي يا احمد؟
= عندي..
_ يبابا مش لازم يبقى عنده فلوس كتير وهو الي بيصرف علي نفسه وبيشتغل و..
° مريم ، ياريت لو هتقعدي ف متتكلميش دلوقتي ، أنا عاوز إجابة حالا من الدكتور
= أنا ممكن اضمن لحضرتك أننا لو اتفقنا هعرف اعيش مريم مبسوطة ، وعمري ما هاجي عليها وهشيلها في عنيا
° كلام جميل ، بس كلام ، ميأكلش عيش ، انت عارف مصروفها كام في اليوم؟ في الشهر؟ في سفرية من بتوعها؟ اظن الحمل هيبقي تقيل عليك اوي خصوصا انك لسه شاب في أول حياتك ، ف أنا هعتبر نفسي مسمعتش أي جملة اتقالت منك النهارده ودا عشان مستقبلك الي الظاهر انك مش خايف عليه!
= يفندم أنا كنت..
° انت لازم تتفضل دلوقتي ، ودي أخر فرصة بدهالك يا احمد انت لو مشيت من المستشفى بتاعتي مش هتعرف تشتغل ف اي مستشفى تاني عشان هحطك في دماغي ، وربنا ما يوريك لما احط حد في دماغي بعمل في أي
بصلي ، كنت بعيط ، مش عارفة اعمل اي؟ مشي!
_ بابا ، لي عملت كده؟ لي؟
° أنا عارف مصلحتك كويس
_ بابا انت مش عارف أي حاجة غير الفلوس ، أنا مش بيعة هتديها للي معاه فلوس اكتر! احمد اطيب راجل انا شوفته في حياتي ، انت حتي مفكرتش تاخد رأيي!
' هو انتي بتقولي اي؟ ناقص تقولي انك بتحبيه!
انفعلت _ ليك عندي حاجة؟ ليك عندي اي عشان تيجي تحاسبني في كل حاجة بعملها؟ انا شيفاك ولا حاجة ، بخاف منك ومن قربك ليا ومن صوتك ، عاوزة اهرب منك ومش عارفة والمصيبة إن بابا شايف كل دا وموافق عليه ، انت ملكش أي دخل فيا تاني انت سامع؟
' أنا مش هحاسبك دلوقتي ، لما نتجوز لينا كلام تاني
مشي وهو متعصب رجعت بصيت لبابا ونزلت علي الارض
_ متعملش فيا كد يبابا ، عشان خاطري لو بتحبني ، أنا عمري ما هسامحك لو عملت فيا كد
نزل لمستوايا ° بكرة تعرفي اني كنت عاوز مصلحتك والخير ليكي ، أنا عارف انا بعمل أي كويس
كنت خلاص يأست اني اعرف اغير رأي بابا ، في نفس الوقت مش عارفة ارضي ب المفروض عليا ، زي ما احمد قال! الايام دي عمري! ، مينفعش اتنازل عشان ببساطة هيجي يوم ألاقي نفسي لوحدي ، ست تعيسة ضعيفة هتبص جمبها مش هتلاقي حد! ، مكنش قدامي حل تاني
كتبت ورقة وسيبتها جمب بابا ومشيت ، هربت! هروح فين؟
ليلي كانت مسافرة وصحابي التانيين كل واحدة فيها طلعت ب حجة! ، كنت مغفلة وانا بنقي صحابي ؟
= مريم؟؟؟ انتي جيتي هنا ازاي ؟؟؟
_ لاء متخافش
= قولتي ل باباكي انك جاية الحمد لله ؟
_ لاء أنا هربت
= طب بركة و.. ايييي؟ هربتي؟ ام جمالات عبايتك وتعاليلي وقتييييييي
طنط نزلت ودخلنا الشقة = شايك الجميل بقي يا ام جمالات
رجعت بصيتله بعد ما سابتنا ودخلت المطبخ
_ بابا محكم رأيه اني لازم اتجوز يوسف
= طب اهدي ، اكيد فيه حل
_ ما انت شوفت بنفسك!! ، احمد أنا جاية أسألك سؤال
= اي هو؟
_ انت لما قولت انك عاوز تتجوزني ، لي قولت كد؟
= يعني هربانة عشان جاية تسأليني السؤال دا؟ يعني مفيش في دماغك اختراع اسمه واتساب ؟ مسدجات؟
_ أنا مش بهزر ، جاوبني
= مكنش ينفع اشوفك بيحصل فيكي اكتر حاجة بتكرهيها واقعد ساكت ، كان لازم اساعدك
_ بس؟ ، يعني عملت كد مساعدة ليا؟ مفيش اي سبب تاني ؟
رفع حاجبه وضحك = سبب تاني؟ زي اي مثلا ؟
_ ها؟ وانا اي يعرفني أنا بسألك
= انتي ساعدتيني اعمل العملية وقدمتيلي خدمة عمري مهنسهالك ، ولو طلبتي مني اي حاجة مش هتأخر عليكي ابدا يمريم
_ اه يعني بتردلي الي عملته؟
= بحاول ، بس للاسف معرفتش
سكتت! ، معرفش ليه كنت عاوزة اسمع السبب الي كنت جاية عشانه ، أنه عاوز يتجوزني وعرض عليا دا عشان بيحبني! ، هو انا لي مضايقة ؟ هو انا حبيته؟ أكيد لاء ، طب ولي لاء؟؟؟
_ أنا لو رجعت هيجوزوني غصب عني
= أنا هاجي معاكي وهتكلم مع باباكي
_ انت لي مش قادر تفهم إن بابا الي في دماغه في دماغه ؟
= عشان في الاول والاخر أب ، هو شايف الموضوع من منظوره هو ، لو حاولنا مع بعض يمكن نصحح وجهات النظر
_ ولو متصححتش؟ ألبس أنا ؟
= الصراحة الواد سمج دا انا مستحملهوش تلت دقايق هتستحملي انتي ازاي العمر كله
_ أنا مش عاوزة ارجع هناك تاني ، أنا عارفة مصيري هيبقي أيه لو رجعت
= أنا مش هسمح لأي حاجة تحصلك ، ولا هتعملي اي حاجة غصب عنك ،ومش هتتجوزي واحد مبتحبهوش ، أنا عاوزك بس تثقي فيا وانا هعرف اتصرف
_ ولي تعمل كد؟ هتضيع وقتك لي في حاجات متهمكش؟
= انتي تهميني
_ نعم؟
= قصدي يعني.. ، إن مينفعش اشوفك كد ومحاولش اعمل حاجة
_ اه ، أنا واثقة فيك يا احمد ، وحتي لو منجحتش تعمل حاجة هفضل دايما شايفة الي عملته معايا خدمة مش هعرف اردهالك
= يبقي نمشي قبل ما باباكي ياخد باله أو يحس ب حاجة
_ لاء مهو..
= انتي عملتي حاجة؟
_ سبت ورقة مكتوب فيها اني هربت ، بص هو عمتا زمانه قرأها وقالب عليا الدنيا
= قولي انك بتهزري؟
بصتله _ متخافش أنا مش هسبب ليك أي مشاكل
= استني استني ، انتي راحة علي فين؟
_ مش عارفة لسه
= وانا مستحيل اسيبك تخرجي لوحدك ، مريم الدنيا برا مش زي عندك في الفيلا ، لو حد اتمكن منك مش هيرحمك ، وانا مش هعرف اخلي حاجة تأذيكي
_ وانا مش هبقي سبب أذيتك ، اكيد هيجوا يدوروا عليا هنا
= يبقي يحلها حلال ، انتي ممكن تفضلي هنا لحد ما الموضوع يهدي ، وانا هكلم باباكي تاني متخافيش
_ اقعد هنا !!!!
= معلش مش قد المقام
_ لاء مش قصدي ، بس انا ملقتش ولا اي حد من صحابي الي قدمتلهم كل حاجة ، انت الوحيد الي عاوز تقف جمبي وتشوفلي حل!
= كله هيبقي تمام ماشي؟
ابتسمتله وانا بهز راسي = هجبلك حاجة تكليها ، أكلي هيعجبك اوي
_ انت بتعرف تطبخ؟
= كلي واحكمي
° الشاي يحبايبي ، أنا هطلع يا احمد عشان اخد العلاج
= تعبتك معايا ، تسلميلي
راح وصلها ورجع نزل وكلنا سوا
_ احمد معلش هو انت هتبيعني أعضاء امتي؟
= اي؟
_ اصل مستحيل تكون طيب كد ، انت بتعمل كده عشان تطلب فدية ؟
= مريم انتي الي يعتبر خطفاني!
_ أيوة صح أنا الي جاية
ضحك = كملي أكل وياريت متشغليش دماغك تاني
كنا قاعدين ، قاعدة افكر يتري بابا هيعمل ايه ؟ لو عرف اني عند احمد اكيد هيحصله مشاكل كتير ، مكنش قدامي حل تاني غير اني اجي هنا ، مكنش قصدي أني ممكن اكون سبب في تعبه !
= مريم
_ ها؟ نعم
= متفكريش في حاجة ، كل حاجة هتبقي كويس ، انتي مش هتتجوزي غصب عنك ، اطمني
_ شكراً يا احمد ، أنا عمري مهنسي الي بتعمله معايا ، قال قولي صحيح انت ما شاء الله دكتور ، بتفهم في الميكانيكا ، بتعرف تطبخ ، انت بتعرف تعمل كد ازاي؟
= أنا اشتغلت كتير اوي ، مرة في ورشة ، مرة في مطعم ، وكنت بذاكر بردو عشان حلم ابويا وامي أنهم يشوفوا ابنهم دكتور يعوضهم عن كل الي شافوه ويفتخروا بيه ، ف كنت بحاول علي قد ما اقدر اشتغل وأوازن بين الشغل والدراسة لحد ما دخلت طب واتخرجت والحمد لله اشتغلت بشهادتي
_ أنا مبعرفش اعمل اي حاجة!
= يعني اي؟
_ كل حاجة بتيجي قدامي من غير ما اتعب فيها ، مبطلبش حاجة غير لما تبقي عندي ، أنا عارفة إن بابا بيشتغل كتير اوي عشان منقلش في مستوانا ، لكن كان نفسي يفهم اني محتجاه ، محتاجة اشوفه ويقعد معايا ، ماما لما كانت عايشة مكنتش حاسة اوي ب الفجوة الي بيني وبين بابا عشان كانت هي بتحاول تقرب بينا ، لكن بعد ما مشيت مين هيقرب بينا؟ ، كان نفسي يفهم اني مش بحب يوسف واني لو اتجوزته هكرهه وهكره نفسي ، كان نفسي اختار مش يتفرض عليا
= فيه مناديل جوا اجيب؟
ضحكت _ لاء مش كل مرة ، مش هعيط متقلقش
= ربنا يرحمها ، باباكي اكيد مبيحبش حد قدك بس مش عارف يوصلك دا ، واحدة واحدة وهيعرف أنه كان بيفكر غلط ، متزعليش انتي بس اهم حاجة
_ انت طيب اوي يا احمد ، مش هتقتلني بجد ولا اي؟
= تاني؟؟؟
قعدنا نتكلم كتير ، كتير اوي ، محستش ب الوقت خالص غير لما كل واحد فينا كان عاوز ينام
= دا مفتاح الاوضه دي ادخلي واقفلي علي نفسك
_ وانت هتنام فين ؟
= أنا متعود انام في المستشفى علي استراحة اصلا ، هنام هنا علي الكنبة ، تصبحي علي خير
_ وانت من أهله
صحيت علي صوت خبط في الباب
= أنا آسف اوي والله عشان الشغل وكد عاوز هدومي بس
_ لاء ولا اي حاجة اتفضل
راح عند الدولاب وبدأ يبص علي الهدوم
_ اختار معاك ؟
اختارتله طقم كلاسيك ، لبس وطلع بصلي
= أنا بخبط تلت خبطات علي الباب ، زودت عن تلاتة هاتي طبلة وافتحيلي
ضحكت _ متبقاش تتأخر
= لاء متخافيش هاجي بدري إن شاء الله
مشي ووصل المستشفى
= هو في أي
° المدير قالب الدنيا عليك
= اقسم بالله ؟
° حالف يعدمك العافية
= اممممم
° قالنا اول ما تعتب المستشفى نمشي كلنا
= لي هيقلبها حلبة مصارعة وياخدني جولة؟
° ادخله ، بس نصيحة من اخ؟
= اخويا
° اتشاهد قبل ما تدخل
= حبيب اخوك بالسلامة انت في رعاية الله
دخل المكتب = بلغوني انك عاوزني يفندم؟
° بنتي فين يا احمد؟
= بنتك مين يفندم؟
° انت هتصيع؟ مريم فين يا احمد؟
= اكيد في بيتك! ، أنا مش فاهم حاجة
° مريم هربت
= هربت؟ لا حول ولا قوه الا بالله ، طب لي كده
° استهبل استهبل ، كمل
= في أي يفندم انت شاكك فيا؟
° لاء يراجل شاكك أي ، أنا متأكد
= الله يكرمك ، طب أي يفندم اخرك اي؟
° بنتي لو مرجعتش هعلق راسك علي باب المستشفى يا احمد
= هتقلبها مدبح ولا اي لاغيني؟
° انت هتفضل تستظرف كتير؟
= وانت لي مفكرتش في السبب الي خلاها تهرب؟
° سبب؟ أنا عمري ما حرمتها من حاجة
= حرمتها من اهم حاجة ، انت
°..
= كان اهم حاجة عندها وجودك ، مكنتش عاوزة تحس انها لوحدها بعد ما مامتها اتوفت ، كانت فاكرة انك الأهم عندك انك تشوفها عروسة مبسوطة مش واحدة مستقلبها هيتأمن ميت سنة قدام ، كانت عاوزة تحس بالأمان بدل ما عينها كلها خوف ، خوف من يوسف ومنك ومن كل الي حواليها ، حاولت تطمنها؟ حاولت تسألها مرة واحدة مالك؟ بدل دا كنت بتغيرلها عربية وبتديها فلوس سفرية ، مريم مكنتش محتاجة كل دا ، كانت محتاجة تسمعها ، كانت محتجاك انت!
° بنتي فين يا احمد؟
= بنتك في الحفظ والصون ، أنا ميرضنيش احرمك منها ، بس توعدني انك متجوزهاش غصب عنها ، بدل ما تكرهك وتخسرها ، سيبها هي تختار ، أنا متأكد إن بنتك هتحب شاب كويس وساعتها هتعرف تبقي مبسوطة وانت مطمن عليها
° أنا عاوز اشوفها
الباب خبط _ طيب طيب يا احمد
فتحت لقيت بابا ف وشي رجعت خطوتين ل ورا
_ ب بابا!! أنا.. ، أنا مكنش قصدي
قرب مني ف غمضت عيوني جامد ، حضني وعيط! ، كنت مخضوضة ف كنت متخشبة ، بصيت علي أحمد الي كان بيشاورلي اني احضنه زي ما بيحضني
حضنته وانا كمان عيطت ° حقك عليا ، أنا مش عاوزك تكرهيني ، أنا كنت فاكر إني عارف مصلحتك ، اكيد ذينب لو كانت هنا مكنتش هيعجبها الي بعمله كانت علي الاقل هتقولي المفروض اعمل اي ، متزعليش مني يمريم أنا بعمل كل دا عشانك ، أنا مليش غيرك
_ مش زعلانة منك يحبيبي ، متزعلش انت مني
بعد عني ° يعني هترجعي معايا؟
_ مش هتجوز يبابا
° متخافيش ، مش هجوزك ابدا غير ب رضاكي
رجعت حضنته تاني ° أنا متشكر اوي يا احمد ، كلامك ليا فوقني أنا مش عارف اقولك اي
= ياريت يفندم لو تزود مرتبي هكون شاكر جدا لحضرتك
ضحكت _ انت الي كلمته؟ بابا ينفع بس خمس دقايق ونمشي؟
خرج ف رجعت بصيت ل احمد
_ أنا مش عارفة اقولك أي
= معملتش حاجة ، المهم انك مبسوطة ومرتاحة دلوقتي
_ اكتر مما تتخيل ، أنا لو فضلت اشكرك من هنا لبكره مش كفاية يا احمد
= خلي بالك من نفسك ، هشوفك تاني مش كده؟
_ اكيد إن شاء الله
مشيت ، بس والمرادي وانا متأكدة اني بحبه ، قلبي بيرقص جوايا ، كنت فاكرة اني مش هيبقي ليا قصة حب زي ما بسمع عنها ، لكن قصتي؟ كانت احلي من أي حاجة كنت عوزاها ، كنت بحب اطيب راجل في الدنيا!
بابا كلم ابو يوسف ونهي معاه اتفاقه، بابا اتغير! رجع يهتم بيا ويقعد معايا وقت كبير ، نتكلم ونهزر ونفتكر ماما ونزورها ، رجع تاني عندي عيلة ومبقتش لوحدي ، رجعت تاني مبسوطة ومش خايفة .
° متقدملك عريس
_ بابا مش انا قولتلك لسه امبارح علي عريس امبارح لاء؟
° لاء مهو عريس تاني
_ بردو لاء!
° لاء بس ما مينفعش ترفضيه
ربعت أيدي _ نعم يسي بابا؟ رجعنا تاني ل فرض الرأي ولا اي؟
° لاء خلاص مدام انتي مش عاوزة الدكتور أحمد يبقي بلاها جواز
_ أيوة مش عاوزة قوله مش موافقة و.. اي؟ قولت مين ؟
° عندك حق هكلمه حالا اقوله مش موافقة و..
_ بابا استني ، احمد احمد؟؟
° اه احمد احمد
_ يوه انت بتضغط عليا لي
° لاء خلاص تمام هقوله مش موافقة
_ بابا متضغطش عليا اكتر من كد ارجوك ، خلاص ماشي الي تشوفه
ضحك ° يشيخه؟ دلوقتي بقت الي اشوفه؟
كنت حاسه اني طايرة! ، مش مصدقة الي سمعته ، جاي النهارده! ، روحت اشتريت فستان جديد واستنيته يجي
° مريم هانم ، البيه وصل تحت
_ حاضر نازلة
نزلت وقعدت قدامه _ احمممم طيب يعمي؟
° اه عاوزني اسيبكم شويه؟
_ يعني لو عصير او اي حاجة من المطبخ بالله عليك
بابا ضحك وقام ورجعت بصيتله
_ وحشتيني اوي
= أحمد!
_ كنت عاوز اشوفك ف قولت طب متتجوزها وتشوفها علي طول
= يدكتور!
_ الفترة الي فاتت كنت بفكر فيكي طول الوقت ، واكتشفت حتة اكتشاف محصلش
= أي هو ؟
_ مريم أنا بحبك ، انتي الست الوحيدة الي عاوزها تبقي معايا وجمبي
= ها ؟؟
_ تتجوزيني ؟
= زي بعضه
_ اقسم بالله؟ زي بعضه؟ دا ردك؟
= خلاص ماشي موافقة
_ أيوة موافقة لي ؟
=..
_ يعني انا جاي وقاعد وبتكلم ومدرب ميت مرة قبل ما اجي عشان اعرف اتكلم قدامك وتقوليلي زي بعضه؟ لي بنفض خناقة ؟
= عشان أنا كمان بحبك
_ مهو مينفعش الي بيحصل دا والله و.. اي قولتي اي؟
° العصير يا احمد
_ يعني دا وقته يعمي ؟؟؟؟
تمت