سيف ٠٠ هو انا موعود كل ما أجى الاوضه دى حد يتطلعلى
هنا اتفتح الباب قالت مايا
مايا ٠٠ سيف انت ايه إللى جابك هنا..
سيف ٠٠ أنتى إللى بتعملى ايه هنا . وفى الوقت ده
مايا ٠٠ صح انا أسفه انا نسيت خالص انكم متجوزين
قالت إيلا بأرتباك و أحراج
بقلم٠أروى٠عادل
إيلا ٠٠ لأ أحنا مش متجوزين
سيف ٠٠ نعم يعنى ايه مش متجوزين
إيلا ٠٠ أقصد احنا متجوزين بس مش متجوزين
سيف ٠٠ أنتى بتقولى إيه
إيلا ٠٠ سيف اسكت شويه انت بتلخبطنى
مايا ٠٠ إيلا انا مش فاهمه حاجه
إيلا ٠٠ مش في خطوبه و كتب كتاب مع بعض قبل الجواز
مايا ٠٠ أه بتبقى شبكه و كتب كتاب
إيلا ٠٠ أحنا كده كتبنا كتب الكتاب قبل الخطوبه و الجواز فهمتى
مايا ٠٠ تقريبآ فاهمه .يعنى انتم تقريبآ لسه مخطوبين
إيلا ٠٠ برافو عليكم تقريبآ إللى قولتى هو صح
مايا ٠٠ بس بردوا لسه مش فاهمه سيف بيعمل ايه عندك فى الاوضه الساعة ٥ بعد الفجر و انتو لسه مخطوبين
سيف ٠٠ أنتى هتحسبينى. و بعدين لم انتى عارفه انا الساعة ٥ الفجر جايه هنا ليه
مايا ٠٠ أنا كنت عايزه اتكلم مع إيلا لم شوفت نور الاوضه منور عرفت انها صاحيه قولت اجى اتكلم معاها
سيف ٠٠ فى ايه البيت كله النهاردة مش جايله نوم
مايا ٠٠ على العموم انا اسف ابقى اجيلك وقت تانى
إيلا ٠٠ مايا استنى خليكى
سيف٠٠ خليها تمشى ابقوا اتكلموا بعدين
غادرة مايا لذلك قالت إيلا
إيلا ٠٠ ليه كده بس يا سيف يمكن كانت عايزه تقولى حاجة مهمه
سيف ٠٠ يا سلام من أمتى الحنيه دى .
ده انت وهى مبتقبلوش بعض
إيلا ٠٠ يا ساتر عليك ده بدل ما تكون مبسوط يمكن ربنا يهدى النفوس بينا شويه
سيف ٠٠ أنتى و مايا طيب ازاى
إيلا ٠٠ مافيش حاجة بعيده عن ربنا..
سيف ٠٠ سيبك من مايا . و قوليلى انتى ايه إللى مخليكى صاحيه لحد دلوقتى
إيلا ٠٠ كنت بفكر فيك.. كمان مش عارفه انام وانت زعلان منى
هنا اقترابه منها و أمسكها من ذراعيها برفق وقال
بقلم٠أروى٠عادل
سيف ٠٠ واللهى عشان كده مردتيش على تليفونى ماكنتيش عايزه تفتحيلى باب البلكونه
إيلا ٠٠ ما انا كنت خايفه تكون لسه متعصب منى
سيف ٠٠ أقولك على حاجة تعمليها أول ما أكون متعصب
إيلا ٠٠ ايه هى الحاجة دى
سيف ٠٠ حضن منك .. صدقينى حضنك في سحر بيخلينى انسى الدنيا وما فيها .
إيلا ٠٠ خلاص من هنا و رايح اول ما تكون متعصب هخدك فى حضنى على طول
سيف ٠٠ على فكرة انا متعصب دلوقتى أوى
إيلا ٠٠ هنحمرق
سيف ٠٠ هنحمرق انتى. جيبتى الكلمة دى منين
إيلا٠٠ ايوه اتريق بقى على كلامى
سيف ٠٠ لأ و اللهى مقصدش أتريق
إيلا ٠٠ طيب يلا روح نام لك ساعتين دول.. انت عندك تحقيق مهم النهاردة
سيف ٠٠ لأ انا لو نمت مش هصحى ولا بطبل البلدى
إيلا ٠٠ يعنى هتفضل من غير نوم
سيف ٠٠ أنا أخد على كده.. انتى عايزه تنامى
إيلا ٠٠ لا انا هفضل صاحيه معاك
سيف ٠٠ بس انتى بردوا لازم تحضرى فى النيابة النهاردة
إيلا ٠٠ مش مشكله ابقى انام لم ارجع من النيابه..
سيف٠٠ طيب تعالى أقعدى هنا جانبى
إيلا ٠٠ أوكى بس ممنوع المس
سيف ٠٠ طبعآ من غير ما تقولى
إيلا ٠٠ سيف أحلف
سيف ٠٠ و حياة الأخوه إللى بينا
إيلا ٠٠ اخوة ايه دى.. سيف انت بتضحك عليا
سيف ٠٠ أوعى تقولى كده أزعل منك
إيلا ٠٠ سيف روح على أوضتك
سيف ٠٠ خلاص تعالى بقى متخافيش واللهى هحاول أكون مؤدب
ثم جلسوا الاثنين مع بعض يشاهدون طلوع الشمس مع بعضهما
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى إحدى المستشفيات الخاصة
فى الصباح
شريف طريح الفراش لم يستطيع الحركة أثر اصابته برضوض و كدمات متفرقة فى جميع أنحاء جسده كما يوجد كسر بأنف نتيجة ضرب سيف له
الدكتور ٠٠ أنا المفروض اعمل محضر بالواقعة الضرب دى
شريف ٠٠ قولتلك محدتش ضاربنى
الدكتور ٠٠أنا دكتور و عارف كويس أوى ان الأصابات إللى عندك دى نتيجة ضرب
شريف ٠٠ اسمع يا دكتور انا بدفع فى المستشفى دى ألفات مش عشان يتحقق معايا
الدكتور ٠٠ ماحدش بيحقق معاك.. بس انا عايز إللى عمل فيك كده ياخد جزائه
شريف ٠٠ ياريت تعمل شغلك و متشغلش بالك باى حاجة تانى تمام
رامى ٠٠ خلاص بقى يا دكتور هو عارف مصلحته
الدكتور ٠٠ تمام تحت أمركم
غادر الدكتور . وقال رامى
رامى ٠٠ أنا مش قادر أفهم ازاى بنات يعملوا فيك كده
شريف ٠٠ قولتلك انا ماكنتش فايق .. بعد ما ضربتنى إيلا على رأسى ماحستش بحاجة
رامى ٠٠ بصراحة و متزعلش منى انا معجب باللى اسمها إيلا دى . بنت بمليون راجل
شريف ٠٠ استنا بس لما اخرج من هنا . أقسم بالله لخليها تبوس رجلى عشان أرحمها من إللى عملوا فيها. واللهى لأجيب منخيرها الأرض
رامى ٠٠ بعد كل إللى حصل ما أظنش تقدر عليها
هنا دخل محامى شريف وقال
شريف ٠٠ خير
محامى٠٠ حمدالله على السلامة الأول
شريف ٠٠ خش فى الموضوع على طول
محامى ٠٠ انت عندك إستدعاء فى النيابة النهاردة
شريف ٠٠ أنت شايف حالتى مش هقدر احضر
محامى ٠٠ تمام انا هاخد أفادة بحالتلك من المستشفى و أقدمها فى النيابة
شريف ٠٠ اوكى اعمل شغلك
محامى ٠٠ طيب عن أذنك عشان الحق النيابة
بقلم٠أروى٠عادل
¤¤¤¤¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎
فى تحقيقات النيابة
دخلت إيلا قبل ما يبدء التحقيق
سيف ٠٠ إيلا جاسر هياخدك للرسام هتقوليلوا وصف تفصيلى للبنت إللى شوفتيها جانب ج*ثة معاذ تمام
إيلا ٠٠ بس انت عارف شكلها انت مش شوفت صورتها
سيف ٠٠ إيلا احنا عايزين كل حاجة تمشى قانونى
ثم اخدها جاسر إلى إحدى الغرف التى بها الرسام
بعد نصف ساعة رجع جاسر معاه الصور التى رسمها الرسام من أوصاف التى أخدها من إيلا
و بعد ما شاف سيف الصوره
سيف ٠٠ برافو عليكى يا إيلا الصوره مطابقه الأصل ١٠٠ %
جاسر ٠٠ يلا نبدء التحقيق
هنا بدأت التحقيقات
أول شخص بدؤوا التحقيق مع هو البواب و بعد التحقيق معاه
قدر سيف يثبت أن العوامة كانت عبارة عن مكان لأستقطاب الفتيات للممارسة الرز*يلة معاهم
البواب ٠٠ يا باشا انا كنت عبد المأمور . و خدام لقمت عيشى.. يقوليلى اعمل
يا حسين اعمل إللى عايزينوا . جهز القاعده يا حسين اجهز القاعدة... ظبط المساءل يا حسين أظبط المساءل.. غير كده ماليش دعوة
سيف ٠٠ البنات إللى بتيجى العوامة كتير
البواب ٠٠ كتير اوى يا باشا من كل شكل لون. يا تاجر
سيف ٠٠ كان فيهم بنات تحت السن القانونى
البواب ٠٠ أه كان فى اتنين او تلاته ١٨ او ١٩ سنه
سيف٠٠ انت ماصعبش عليك بنات فى السن ده
البواب٠٠اذا كان ماصعبش عليهم نفسهم هيصعبوا عليا .. بعدين البنات إللى كانوا بيجوا العوامة . كانوا بيجوا بمزاجهم
سيف ٠٠ أنت عرفت منين انهم بيجوا بمزاجهم
البواب ٠٠ يعنى ايه إللى يخلى بنت تيجى برجلها لشاب فى العوامه غير بمزاجها
سيف ٠٠ طيب ايه رأيك ان شريف او رامى كانوا بيستقطبوا البنات بعد تهد*يدهم و ابتزازهم و بيستغلوا خوفهم من الفضيحة عشان يعملوا إللى هم عايزينوا فيهم .. وانت طبعآ كنت بتساعدهم كنت بتظبط المساءل زى ما قولت
قال برعب ممزوج بندم و أرنباك
بقلم٠أروى٠عادل
البواب ٠٠ أنا ماليش دعوة واللهى ماليش دعوة. انا معرفش ان البنات دى جايين غصب عنهم..انا كنت فاكر انهم.....
هنا قطع سيف عبارته
سيف ٠٠ أنك متعرفش ده مش هيعافيك من العقاب..انا عايزه أعرف راجل زيك فلاح اتربه على الأصول و الصح و العيب و الشرف .. ازاى كنت قابل تكون كده
هنا نظر البواب فى الأرض بالخجل من كلام سيف
سيف ٠٠ تعرف البنت إللى فى الصوره دى
البواب ٠٠ دى البنت إللى كانت مع معاذ فى اليوم اللى اتقت*ل فيه
سيف ٠٠ متأكد
البواب ٠٠ ايوه يا باشا متأكد
سيف ٠٠ تمام اكتب .عندك أمرنا نحن رائد سيف يحيى هلال أبو اليزيد حبس حسين عبدربه ٤ ايام على ذمة التحقيق
هنا أمر العساكر بأخذ البواب للحبس
بعد خروج البواب مع العساكر دخل جاسر
سيف ٠٠ فهمت إيلا إللى قولتلك عليه
جاسر ٠٠ فهمتها هى هتدخل وقت التحقيق مع رامى زى ما قولتها
سيف ٠٠ تمام لازم رامى بتكلم النهاردة .. هو الوحيد إللى عارف كل بلاوى شريف
جاسر ٠٠ قولى مين عليه الدور
سيف ٠٠ عزه
حينها قال لعسكرى
جاسر ٠٠ دخل عزه يابنى
دخلت عزة و قالت بتوتر
عزة ٠٠ فى ايه تانى يا باشا انا قولت كل حاجة فى التحقيق قبل كده
جاسر٠٠ متأكده انك قولتى على كل حاجة
قالت بأرتباك وقلق
عزة ٠٠ ايوه متأكده
جاسر٠٠ لأ انتى مش متأكده .يعنى مثلآ انتى مقولتيش انك كنتى مع رامى فى العوامة يوم إللى اتق*تل فيه معاذ صح..
سيف ٠٠ كمان ماقولتيش انك كنت موجوده وقت ق*تل معاذ حتى ماكنتيش لوحدك كانت موجوده معاكى إيلا .ملك.ميرنا.رقية
اصدمه والذهول كانت واضح على ملامح وجهها و قالت عزة بتأتأه وهى مرتعبه
عزة ٠٠ أنا معملتش حاجة ..والله انا ماليش دعوه بق*تل معاذ
جاسر ٠٠ أقعدى متخافيش
هنا أمر جاسر العسكرى ان يحضر لها كوب ماء
بقلم٠أروى٠عادل
سيف ٠٠ أشربى و خدى نفس و واحده واحده عايزك تحكيلى انتى اتعرفتى على شريف ازاى
عزة ٠٠ أنا شغاله فى مركز تحميل كنت بروح عندهم الفيلا عشان اعمل لأم شريف باديكير و مناكير هناك شوفت شريف أول مره ابتدا يرسم عليا دور الحبيب المتيم . بعد ما حبيته و اتعلقت بيه ابتدا يطلب منى طلبات الصور ليا وانا
حكت عزة كل شئ بالتفصيل
سيف ٠٠ شوفت البنت إللى فى الصوره دى قيل كده
عزه٠٠ متهيألى انها شبه شهنده أخت شريف
سيف ٠٠ متهيألك . ولا هى فعلآ
عزة ٠٠ مش عارفه . بس انا شوفتها مرتين فى الفيلا عندهم . بس .. لا هى اه هى
جاسر ٠٠ طيب أمضى على أقوالك
و اتفضلى
عزة ٠٠هروح
جاسر ٠٠ اه هتروحى مافيش عليكى حاجة
خرجت عزة من الغرفة مسرعة وهى لاتصدق نفسها انها خرجت بسلام
وقتها قال سيف
سيف ٠٠ أخيرآ حد عرفها
جاسر ٠٠ لسه التحقيق شغال اكيد حد هيعرفها تانى
هنا دخلت ريهام التى كان جسدها كل ينتفض من بالرعب و و جهها شاحب
جاسر ٠٠اسمك و سنك و عنوانك
يتأتأه قالت
ريهام ٠٠ ريهام... ريهام فتحى عبدالسلام ١٨ سنه عنوانى......
جاسر ٠٠ تعرفى شريف يوسف الجبرى منين
ريهام ٠٠ انا روحت ..مع ..عزة ..مره .. تقابله
سيف ٠٠ و بعدين كملى و مخافيش
ريهام ٠٠ اهو اخد .. رقم تليفونى..بعد كده بقى يتصل عليا..كتير لحد ما فى يوم قال. انه بيحبنى
حكت ايضآ ريهام كل ما حدث بينها و بينا شريف
ريهام ٠٠ بعد ما رقية اختى عرفت غيرت رقم تليفونى و قفلت الواتساب من يومها معرفش عنه حاجة
جاسر ٠٠ أمضى على أقوالك
بعدها خرجت ريهام و دخل رامى
قال جاسر بسخريه
بقلم٠أروى٠عادل
جاسر ٠٠ اهلا أستاذ رامى اتفضل
رامى ٠٠ خير انا قولتلكم على حاجة
سيف ٠٠ جاسر هو ليه كل حد اول ما يجى هنا يقول انا قولتلكم على كل حاجة و بعد كده يطلع ناسى حاجات كتيرة
رامى ٠٠ تقصد ايه انا مش فاهم
جاسر ٠٠ يعنى الفترة إللى فضلت فيها جانب ج*ثة معاذ كانت أد ايه
رامى ٠٠ قولتلك قبل البوليس ما يوصل بدقائق
سيف ٠٠ دقائق ولا نص ساعة
رامى ٠٠ أنا ماقولتش نص ساعة دى خالص
سيف ٠٠ بس البواب قال نص ساعة و شريف كمان
رامى ٠٠ شريف قال كده مش ممكن
سيف ٠٠ طيب أحسبها . والله هتلاقيها اكتر من نص ساعة كمان .. صحيت من النوم و شوفت ج*ثة معاذ
بعد كده روحت انت و شريف شوفتوا تسجيل الكاميرات و لما عرفتوا شخصية القا*تل قصدى القا*تله اخفيتوا الكاميرات بعدها روحتوا على ج*ثة معاذ و اخدتوا السك*ينة و الموبايل طيب قوليلى بالله عليك كل ده فى كم دقيقة بس
التوتر رامى و أحمر وجهها بدء يعرق بغزاره وهو يقول
رامى ٠٠ لأ مش صح . الكلام ده كله كدب و محصلش
سيف ٠٠ بس انا عندى شهود على الكلام ده
رامى ٠٠ لأ مستحيل مافيش شهود
هنا دخلت إيلا و أول ما شافها رامى اتنفض من مكانه .. لم ينطق بكلمة كان فقد ينظر لإيلا بذهول
لقد حدث ما كان يريده سيف فوجود إيلا كان عباره عن كارت أرهاب لرامى
هنا قال سيف
سيف ٠٠ انت تعرفها
هز رأسه بالنفى
سيف ٠٠ أيه القطة أكلت لسانك.. ماتنطق
هنا صرخ رامى وقال
رامى ٠٠ انت عايز منى إيه انا ماليش دعوه بحاجة
ضرب سيف بيده على المكتب الذى أمامه مما جعل رامى يترعب أكثر
سيف ٠٠ واطى صوتك انت هنا فى النيابة مش فى الشارع .
رامى ٠٠ أنا معملتش حاجه
سيف ٠٠ تنكر انا حاولت تبتز إيلا.
و ملك .و ميرنا و رقيه . بتسجيل الفيديو إللى اتق*تل فيه معاذ
بدون مقدمات او تفكير قال رامى
رامى ٠٠ ده شريف مش انا . إيلا عندك اهى أسألها شريف إللى كان بيهد*دها بالفيديو و بصماتها على التليفون .. واللهى مش أنا
هنا ابتسم سيف وقال
سيف ٠٠ أيوه كده يا راجل اتكلم و اطربنى و سمعنى
لقد أيقن رامى ان أمره قد انتهى بعد ما زلف لسانه بكلام ما كان يجب أن يقولوا عن تسجيل الفيديو و بصمات إيلا على الهاتف
لذا جلس رامى و وضع يده على رأسه
و أستسلم للأمر الواقع وقال
رامى ٠٠ أنا معملتش حاجة شريف هو إللى خطط لكل حاجة
إيلا ٠٠ أنا فكره كويس أوى يوم لما كنت فى النادى ساعتها كنت انت و شريف بتقسمونا على بعد زى ما نكون جوارى عندكم. انت و هو تستاهلوا الشنق على كل بنت حرمتها من شر*فها و عيشتوها فى شبح الفضيحه
رامى ٠٠ أنا معملتش غير إللى شريف كان بيقولى عليه
سيف ٠٠ أيه إللى حصل يوم الحا*دث ق*تل معاذ
حكى رامى كل إللى حدث يوم ق*تل معاذ
بقلم٠أروى٠عادل
سيف ٠٠ يعنى شريف هو إللى. اخد السك*ينه و التليفون
رامى ٠٠ اه هو إللى اخدهم
سيف ٠٠ انت شوفت تسجيل الفيديو كامل
رامى ٠٠ لأ شريف هو إللى شاف التسجيل كامل انا شوفت الجزء إللى فيه إيلا و أصحابها جانب ج*ثة معاذ .
انا أصلآ ماكنتش أعرف أن فى كاميرات فى العوامة غير وقتها
سيف ٠٠ يعنى انت ما شوفت فى تسجيل الفيديو مين إللى ق*تل معاذ
رامى ٠٠ لاء شريف قالى ان إللى ق*تل معاذ همآ البنات
سيف ٠٠ و انت صدقته
رامى ٠٠ هو هيكدب عليا ليه
سيف ٠٠ طيب تعرف صاحبة الصوره دى
بأستغراب قال
رامى ٠٠ ايه ده . دى شهنده أخت شريف بس صورتها هنا ليه
سيف ٠٠ هتعرف بعدين . قولى تعرف امتى شهنده سافرت لندن
رامى ٠٠ معرفش . كل اللى اعرفوا انها سافرت فجأة
سيف ٠٠ قولى هو كان فى علاقه بتجمع بين معاذ و شهنده
رامى ٠٠ اه كان فيه مشروع خطوبه بينهم
سيف ٠٠ أمضى على أقوالك .. اكتب عندك أمرنا نحن رائد سيف يحيى هلال ابو اليزيد حبس رامى صادق ابوالعز أربع ايام على ذمة التحقيق
بعد خروج رامى مع العساكر دخل جاسر
جاسر ٠٠ عندى ليك خبر هيفرحك
سيف ٠٠ خير
جاسر ٠٠ مافيش تأشيرة سفر لندن بأسم شهنده يوسف الجبرى