رواية احببت اخي الفصل السادس والعشرون26 بقلم اروي عادل

إيلا ٠٠ هى دى ..هى دى

سيف ٠٠ أنتى متأكده 

إيلا ٠٠ طبعآ متأكده انا استحاله انساها هى صحيح لون شعرها متغير بس انا متأكده انها هى 

سيف ٠٠ أنتى عارفه دى مين 

إيلا ٠٠ مش عارفه بس واضح انها مقربه لشذى

سيف ٠٠ دى شهنده يوسف الجبرى

أيلا بدهشه قالت 

إيلا ٠٠ أخت شريف.. بس ليه قالوا انها مسافره بره مصر

سيف ٠٠ هى فعلآ مسافرة السؤال هنا هى مسافره من امتى . ده إللى لازم أعرفو

إيلا ٠٠ يعنى هو كان بيهددنا بجر*يمة أخته هى إللى ارتكابتها ايه الجبروت دى

سيف ٠٠ خلاص الحكاية قربت تنكشف 

إيلا٠٠ بكرة فى النيابة هقول انها هى إللى ق*تلت معاذ

سيف ٠٠ أوعى تعملى كده .. انتى قولى كل إللى حصل من غير ما تقولى شخصية القا*تله. و مع التحقيقات هتظهر شخصية القا*تل . انا عايز كل حاجة تكون قانونيا مش عايز محامين يوسف الجبرى يلاقى صغره صغيرة يقدروا يهربوا منها شريف و أخته من العقاب

إيلا ٠٠ يعنى شريف ممكن يهرب من العقاب بعد كل عملوا

سيف .. لأ مش هيقدر يهرب .. و اقسم بالله هخلى يدفع تمن أبتزازه ليكى 

و أندمه على كل دمعه نزلت من عينك بسببوا 

إيلا ٠٠ ربنا يخليك ليا و ميحرمنيش منك أبدآ

سيف ٠٠ طيب مافيش بو*سه على الكلام الحلو ده

إيلا ٠٠ أنت قليل الأدب 

سيف ٠٠ ليه بس الغلط ما كنتى ماشيه حلو

هنا طرقت سعاد و قالت العشا جاهز

سيف ٠٠ تمام . احنا هناكل فى الجنينة

¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎▪︎ 

فى الجنينة

بعد ما تناولوا العشاء 

جاؤوا أصدقاء إيلا و ايضآ جاسر و حازم 

و أنفقوا على أنهم يقول كل ما حدث فى التحقيق 

سيف ٠٠ أنا مش عايزكم تخافوا .. 

رقية ٠٠ يعنى انا لازم أجيب سيرة اختى فى التحقيق 

جاسر ٠٠ لازم تقولوا ايه سبب دخولكم العوامة. و ليه

إيلا ٠٠ بس ريهام أخت رقيه لسه صغيرة أكيد هتخاف

كان سيف واضح عليه التوتر و العصبيه عندما قال

بقلم٠أروى٠عادل 

سيف ٠٠ طالما عرفت الحب يبقى مش صغيرة.. احنا كل إللى فيه دلوقتى بسبب حبها لشخص الغلط 

رقيه ٠٠ بس اختى اتضحك عليها ..هى مش كده 

سيف ٠٠ مش هتفرق.. فى النهاية النتيجه واحده انتو إللى كلكم بسبب  غلطتها هى 

إيلا ٠٠ فى ايه يا سيف .. انت عارف و متأكد أن شريف له أساليبه إللى يقدر يضحك بيها على أى بنت 

حازم ٠٠ كلام إيلا صحيح .. كمان أحنا هنا بنحل مشكله .مش بندور على أسبابها 

سيف ٠٠ تمام بس ريهام لازم يتذكر أسمها و هيتم استدعائها فى النيابة بعد ما البنات يعترفوا ساعتها لازم تقول كل حاجة عملها شريف

رقية ٠٠ بس هى هتخاف . تعمل كده . واللهى هى لسه صغيره على ده كله 

سيف ٠٠ ماتعصبنيش و تقوليلى تانى اختى صغيرة 

ملك ٠٠ ريهام عندها ١٨ سنه يعنى فعلآ هى لسه صغيرة

جاسر ٠٠ بس بردوا هى لازم تحضر فى النيابه.. كمان عزة بردوا لازم تقول الحقيقة عشان يثبتوا اعترافكم

هنا قالت ميرنا برعب شديد

ميرنا ٠٠هو احنا لازم نروح نعترف بكره فى النيابة 

سيف ٠٠ طبعآ .ضرورى تروحوا بكره الساعه ٩ الصبح 

ملك ٠٠ ايشمعنا يعنى الساعة ٩

سيف ٠٠ لان شريف هيخرج بكره الصبح و اعترافكم. ممكن يأجل خروجه من السجن 

ميرنا ٠٠ بس انا خايفه .. انا مش هقدر اعمل كده

جاسر ٠٠ لازم تعملى كده وانا معاكى متخافيش

بعد ما اتفقوا على كل شئ غادروا جميعآ هنا اقتربت آيلا من سيف و قالت

إيلا ٠٠ ليه كنت قاسى مع رقية ..

سيف ٠٠ لانها مش مقتنعه ان أختها هى السبب

إيلا٠٠ لأ مش ده السبب.. مالك يا سيف

سكت سيف لحظات ثم قال 

سيف ٠٠ قلقان يحصل حاجة جديده تفجأنا فى التحقيقات .. و خايف عليكى اوى يا إيلا 

إيلا ٠٠ بس انا مش خايفه. بالعكس انا متطمنه عشان انت معايا .

سيف ٠٠ أنتى كده فاكره نفسك بطمنينى  انتى كده بتقلقينى اكتر

إيلا ٠٠ بقولك أيه انا اساسآ خايفه 

و مرعوبه و كلامك ده بيخوفنى اكتر ..

هنا حضنها سيف و قال لها

سيف ٠٠ متخافيش . انا معاكى 

□□□□□□□□□□□□□□□□□□□□

فى صباح اليوم التالى 

فى النيابة

حضروا محامين شريف لدفاع عنه و قالوا 

المحامى ٠٠ لا يوجد مبرر قوى للحبس الاحتياطي لموكلى خصوصآ ان موكلى من عائله معروفه لها سمعتها لذلك اطلب الإفراج عنه بضمان محل أقامته 

قانونآ كان لابد من أخلاء سبيل شريف لانه لا يوجد أدله كافيه لأدانته 

و كان سيف بيحاول يأجل خروجوا لحين وصول إيلا و أصدقائها لكنهم اتأخروا و ما كان أمام سيف الا أخلاء سبيل شريف بضمان محل أقامته 

بعد خروج شريف اتصل سيف بأيلا 

( بداية المكالمة)

سيف ٠٠ انتو فين 

إيلا٠٠ سيف ميرنا مرعوبه خايفه تيجى

سيف ٠٠ أنتو بتهزروا صح . احنا مش اتفقنا على كل حاجة

إيلا ٠٠ طيب انا اعمل ايه . هى جالها حالة تشنج من الخوف.. واحنا بنحاول نفوقها 

قال سيف بغضب

سيف ٠٠ انا مش ناقص لعب عيال .. شريف خرج انا مش ضامن يعمل ايه.. 

و حضرتكم عندكم خايفين بين اللحظه و التانيه ممكن يظهر أى جديد يضعف موقفكم فى القضية 

إيلا ٠٠ أنا هحاول اجيب ميرنا بس تهدى شويه

سيف ٠٠ إيلا لازم تكونى عندى فى أقل من ساعة فاهمه

إيلا ٠٠حاضر

( إنتهت المكالمة )

/////////////////////////////

بالفعلا بعد ساعة كانوا الاصدقاء فى النيابة 

سيف ٠٠ اسمك و سنك و عنوانك

إيلا ٠٠ ما انت عارف

سيف ٠٠ لو سمحتى احنا فى محضر رسمى لازم تقولى بياناتك اتفضلى

قالت إيلا بتوتر

إيلا ٠٠ لازم يعنى

بصرامة قال

سيف ٠٠ إيلا

إيلا ٠٠ خلاص خلاص . انت بتخوفنى ليه

سيف ٠٠ متخافيش و اتفضلى قولى بياناتك

إيلا ٠٠ إيلا يحيى عبدالحميد المهدى.. ٢٠ قصدى ٢٠ ونص بالظبط . طالبه فى كلية هندسة حاسوب و برمجيات 

سيف ٠٠ الحاله الاجتماعية

إيلا ٠٠ أنسه

سيف ٠٠ نعم 

إيلا ٠٠ والله أنسه

سيف ٠٠ يعنى انتى مش متجوزه

إيلا ٠٠ لأ مش متجوزه ..استنا هو انا متجوزه أو يعتبر متجوزه .. يوووو بقى ما انت عارف بتلخبطنى ليه

ابتسم سيف هو يعلم أنه لم يجب عليه يسألها هذا السؤال

سيف ٠٠ اتفضلى حضرتك عايزه تقولى ايه بخصوص ق*تل معاذ 

هنا حكت إيلا جميع ما حدث منذ ق*تل معاذ إللى الوقت الحالى .. كما حكى الأصدقاء على كل شئ

هنا قال سيف 

بقلم٠أروى٠عادل 

شيف ٠٠ اكتب عندك أمرنا نحن رائد سيف يحيى هلال ابو اليزيد بعد المطالعه على ماهو جديد و أقوال الشهود أمرنا بأستدعاء ريهام فتحى عبدالسلام .و عزة كامل شعبان. و رامى جوده عبدالكريم. و شريف يوسف الجبرى .والبواب حسين إبراهيم خليل ذلك يوم الاثنين الموافق أكتب عند التاريخ

كما أمرنا أعتبار كل من إيلا يحيى عبدالحميد المهدى و رقية فتحى عبدالسلام و ملك كمال الشاطر و ميرنا نبيل العربي شاهد ملك فى هذا القضية و الإفراج عنهم ان لم يكونوا مطلوبين على ذمة قضايا أخرى 

و أخيرآ حدث ما كان يخطط له سيف و اعتبروا الاصدقاء شاهد ملك فى القضية

¤¤¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎

فى إحدى الكافيهات 

يجلسون الاصدقاء فى انتظار سيف 

و جاسر.. حينها تطلعت ايلا بهاتفها ثم قالت

إيلا ٠٠ أستغفر الله العظيم

رقيه ٠٠ مالك مدايقه ليه

إيلا ٠٠ من ساعة ما الحيوان ده خرج من السجن كل شويه يبعت رساله 

ميرنا ٠٠ تقصدى شريف 

إيلا ٠٠ هو فى غيروا

ملك ٠٠ عايز أيه 

إيلا ٠٠ بيقولى عايز يشوفنى ضرورى

ملك ٠٠ سيف كان عنده حق أحنا كنا المفروض نوصل النيابه قبل الإفراج عن شريف

رقية ٠٠ الله يسمحك يا ميرنا انتى إللى أخرتينا 

ميرنا ٠٠ أعمل ايه كنت خايفه أيه كلكم بقيتوا شجعان مبتخافوش 

إيلا ٠٠ مالهوش لازم الكلام ده ٠٠٠المهم  اننا أخيرنا  خرجنا من الموضوع ق*تل معاذ و تهد*يد شريف

ملك ٠٠ بس انا لسه خايفه من شريف و حاسه انه مش هيسكت 

إيلا ٠٠ هيعمل ايه .. خلاص هو مش هيقدر يقرب لأى واحده فينا

ميرنا ٠٠ إيلا عندها حق هو دلوقتى ميقدرش يعملنا حاجة 

رقية ٠٠ يعنى أخيرنا خلصنا من الكابوس المخيف إللى اسمه شريف

إيلا ٠٠ بنات انا مش قولتلكم . طلعت مين البنت إللى قتلت معاذ 

ملك ٠٠ مين يا إيلا

إيلا ٠٠ شهنده أخت شريف

اندهشوا الجميع لم يتوقعوا ابدآ ان تكون القا*تله هى أخت شريف

ملك ٠٠ عرفتى ازاى 

إيلا ٠٠ دخلت على تليفون شذى أخت شريف من أستوديو الصور شوفت صور ليها مع شذى و عرفت انهم أخوات.

ميرنا ٠٠ طيب ماقولتيش ليه الكلام ده فى النيابة

إيلا ٠٠ سيف طلب منى متكلمش .. ايه كنت عايزانى اقول فى التحقيق أنى انا هك*رت و اخترقت تليفون شذى 

ملك ٠٠ لأ طبعآ . أكيد سيف فاهم اكتر مننا

هنا وصل سيف و جاسر و كان واضح على وجه سيف الغضب لذلك قال 

سيف ٠٠ عجبكم إللى حصل ده

لم يردوا الاصدقاء عليه 

بقلم٠أروى٠عادل 

جاسر ٠٠ خلاص يا سيف إللى حصل حصل و خلاص

سيف ٠٠ لأ مش إللى حصل حصل ده أهمال منهم لو كانوا وصولوا فى ميعادهم ماكنش شريف خرج النهاردة

إيلا ٠٠ ما خلاص بقى يا سيف ايه إللى حصل لده كله

سيف ٠٠ أنتى بالذات انا نبهت عليك و فهمتك كل حاجة

إيلا ٠٠ تمام وحصل ظروف غصب عننا.. نعمل ايه دلوقتى أحنا

سيف ٠٠ متعملوش حاجة شريف هو إللى هيعمل

ملك ٠٠ أنا بتخوفنا ليه دلوقتى

جاسر ٠٠ سيف اهدى مش كده انت بتخوفهم

سيف ٠٠ لازم يخافوا شريف مش ساهل مش هيسكت و خصوصآ لم يعرف ان البنات اعترفوا باللى حصل فى العوامة ساعتها هيكون عامل زى المجنون هيخبط فى كل حد شويه

هنا كانت إيلا متردده هل تقول لسيف على الرسايل الذى بعتها شريف منذ خروجه ام تصمت لان وضع سيف لا يحتمل هذا الخبر ..

جاسر ٠٠ من هنا لحد ما القضية تخلص مافيش واحده فيكم تخرج لوحدها من بيتها و اى جديد لازم تبلغونى انا أو سيف أو حازم مفهوم

وهنا أصدقاء نظروا لإيلا فى انتظارها ان تقول ان شريف أرسل إليها رسايل لكن إيلا نظرت لهم بتحذير لكى يصمتوا 

هنا قال سيف

سيف ٠٠ فى ايه انت بتبصلها كده ليه

إيلا بأرتباك قالت

إيلا ٠٠ مافيش حاجة .. لأ هو فى بس بالله عليك ما تتعصب 

اتوتر أكثر سيف بعصبية قال

سيف ٠٠ إيلا انطقى فى ايه 

لم ترد لانها خايفه من رد فعل سيف لذلك قالت ملك

ملك ٠٠ شريف بعت رساله لإيلا

هنا قذف الكوب الزجاج الذى كان أمامه على الأرض . مما أحدث ضجيج فى المكان و أنتبه إليه جميع من فى الكافيه

هنا قام جاسر و تأسف للجميع على تصرف سيف 

ثم قال

جاسر٠٠ انت اتجننت اهدى مش كده 

سيف ٠٠ أنا ماشى .. يالا يا إيلا ولا حضرتك قاعده

إيلا ٠٠ لأ جايه معاك

¤¤¤¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎

فى السيارة 

كان يقود السيارة بسرعة فائقه كأنه يفرغ طاقة غضبه فى القيادة السيارة . ناسيآ تمام ان أيلا تخاف من القيادة بسرعة لذلك صرخت إيلا بقوة و هى تقول 

آيلا ٠٠ وقف العربيه .. و قف العربيه 

يا سيف 

وقف سيف السيارة و خرجت إيلا من السيارة مسرعة بدأت تتقيئ على جانب الطريق هنا أسرع إليها سيف و هو يحمل علبة مناديل الورقيه و هو يقول

سيف ٠٠ فى ايه مالك .. إيلا انتى كويسه 

قالت بتعب 

بقلم٠أروى٠عادل 

إيلا ٠٠ خلاص أنا كويسه

سيف ٠٠ أسف الغضب عمانى و خلانى نسيت أنك بتخافى من السواقه بسرعة . طيب ليه انتى ما نبهتنيش 

إيلا ٠٠ خلاص يا سيف انسا 

سيف ٠٠ أنا أسف يا إيلا

إيلا ٠٠ لا يهمك

سيف ٠٠ يالا نمشى

إيلا ٠٠ يالا 

سيف ٠٠ ورينى الرسالة اللى بعتها شريف

إيلا ٠٠ هتتعصب تانى 

سيف ٠٠ لأ متخافيش مش هتعصب 

بعد ما قرأ سيف الرساله الذى كان فيها شريف يطلب من إيلا ان أن يراها. انه مشتاق إليها 

هنا قالت إيلا

إيلا ٠٠ ايه هتتعصب عليا تانى

سيف ٠٠ لأ و انتى ذنبك ايه

إيلا ٠٠ بجد يا سيف ميرنا كانت تعبان و خايفه عشان كده احنا أتأخرنا على النيابة النهاردة

كان سيف يغلى من الداخل مثل البركان لكنه لا يريد أن يفرغ غضبه فى إيلا لذلك اخد نفس طويل وهو يضع يده على خد إيلا وقال

سيف ٠٠ خلاص انسى 

كانت إيلا تشعر ما يدور داخل سيف لذلك وضعت رأسها على كتف سيف و قالت

إيلا ٠٠ أنا حاسه بيك . 

بقلم٠أروى٠عادل 

¤¤¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎

فى مساء اليوم التالى

يحيى ٠٠ يوسف الجبرى اتصل عليا امبارح

سيف ٠٠ عايز أيه ده كمان

يحيى ٠٠ كان عايز يستعجل خطوبة شريف من إيلا

اتعصب سيف وقال 

سيف ٠٠ هو الراجل ده معندهوش دم هو مش لسه ابنه خارج من السجن 

أميرة ٠٠ وانت قولتلوا ايه

يحيى ٠٠ قولتلوا على إللى حصل ان إيلا مش موافقه على الجواز من شريف .. طبعآ هو افتكر احنا رافضنا علشان موضوع حبسه

سيف٠٠ مش مهم يفتكر إللى يفتكروا. المهم إللى أحنا خلصنا من الخطبة دى

يحيى ٠٠امال فين إيلا 

أميرة ٠٠ قاعدة فى أوضتها مع ملك

سيف ٠٠ طيب عن أذنكم انا عندى مشوار مهم

¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎▪︎

فى غرفة إيلا

ملك ٠٠ فى ايه مالك 

إيلا ٠٠ الزفت إللى أسمه شريف كل شويه يبعت رساله

ملك ٠٠ قولى لسيف 

إيلا ٠٠ سيف تانى انتى شوفتى امبارح عمل ايه 

ملك ٠٠ آه صح . انا طول عمرى اعرف ان سيف بيتعصب بسرعة . بس ده طلع مجنون آخر حاجة

إيلا ٠٠ عشان تعذرينى

ملك ٠٠ الله يكون فى عونك. 

هنا وصلت رساله و فيها صوره لذلك فتحت إيلا الرساله عندما رأت الصوره

قالت إيلا بذهول وصدمه

إيلا ٠٠ مش ممكن ايه ده مستحيل 

ملك ٠٠ فى ايه 

إيلا ٠٠ شوفى الصوره إللى بعتها الحيوان ده

ملك ٠٠ يا أنهار اسود و ايه إللى جابها دى مع شريف

إيلا ٠٠ دى شكلها سكرانه .