بابا.. سكت.. مرة واحده واحنا كلنا كنا بنبص عليه بقلق شديد.
ماما.. بقلق.. في ايه.
بابا.. اتكلم بهدوء.. دي كانت مرات اخويا وبتقولي لازم المبلغ يزيد.
اتكلمت شروق بعصبيه.. هو في ايه هو كل شهر وكمان محدش فيهم بيعمل معانا حاجه الشغل كله احنا الي شايلينو وحتي في الاجازة ولادها مابينزلوش يشتغلو معاكم دي بجحه اوي.
علياء.. بهدوء.. اهدي بس هي عاوزه كام يابابا.
بابا.. عاوزه 10000الف زياده.
الكل اتصدم..... نععم.
علياء.. بصدمه.. لي هو احنا بنلقيه عشان تاخد المبلغ دا كله دا حتي من بعد ما العمال بياخدوا اجبرتهم مابيفضلش المبلغ دا كله.
ردت امي بغيظ.. ماهو الي ايده في النا"ر مش زي الي ايده في الماية يابنتي دي عاوزه تاخد وخلاص.
رد ابويا عليها بحيرة.. انا بعمل كدا بس عشان عضم التربه مش عشانها لو عشانها تو"لع وماتنسوش ان ولاد اخويا شركه معانا انا مش عارف اعمل ايه.
رد علي عليه ببرود.. ادام هما شركه معانا كدا في كل حاجه يبقي يشيلو في الخسارة والربح بدل ماهما بيشيلو بس في الربح وبتيجي تقولك انا عاوزه حقي تشيل برضو اجور العمال زينا مش علي راسها ريشه يعني.
شروق.. فعلا معاه حق ولا هي ليها لسان بس في انها تاخد زي ما هتاخد تدفع.
ردت امي بتأيد.. ايون دا الصح.
ابويا رن عليها وقالها انها ادام عاوزه زياده لازم تشيل معانا في اجور العمال...
مرات عمي بردح ليه في قلب التلفون.. نننعم ياخويا اشيل ايه جاتك شيله انت وولادك انا هعرفك ازاي تعمل كدا وتقولي الكلام دا وقفلت الفون في وش ابويا ومكفهاش كدا راحت نزلت الشارع وقعدت تردح باعلي صوت لابويا وابويا كان مانعنا اننا نرد عليها بس هي تستاهل الي عملتو فيها
نزلت الشارع ليها واتكلمت بعصبيه.. انتي ايه الي بتعمليه دا.
مرات عمي بردح.. اعمل الي انا عاوزه يابت انتي يا اكلتيه عاوزين تاكلو مال اليتيم عشان ابوهم مات عاوزين تاكلو فلوسهم في بطنكم لا ومليون لا فلوس ولادي انا الي هقفل ليكم.
رديت عليها وانا خلاص جبت اخري من العصبية.. اكلتيه ايه يام فلوس وانتي اصلا بتدفعي فلوس انتي عاوزه تاكلي وبس في بطنك كل الي همك انك تاخدي وخلاص وبتقولي شركه معانا في كل حاجه يبقي زي ما انتي عاوزه تاخدي ادفعي ولا انتي في الخسارة اول الي بيهربوا و في الاخد اول الي عاوزين ياخدوا هو في اية لو مفكرة ان ابويا ساكت فهو ساكت عشان عضم التربه اما انتي مفيش ليكي اصل اصلا عشان تتكلمي وتقولي حق ومش حق زي مانت عارفه الي ليكي اعرفي الي عليكي وبعدين تعالي اتكلمي وبعدين انا مش هنزل مستوياه لمستواكي شغل الشر"شحه دا مش مستوانا.
كان الشارع كلو بيتفرج علينا ولما الناس غلطوها وان الي بتعملو دا غلط اتفتحت في الناس وردحت ليهم بكل الطرق وانا سبتها دخلت جوه بعد ما اديتهم ليها لان مفكرة عشان ابويا غلبان تبقي محدش هيقف ليها بس لا لا عاش ولا كان الي يقل من ابويا او حد من اهلي وانا موجوده.
دخلت جوه و لقيت اخواتي بيضر"بوا ليا تعظيم سلام.
شروق بضحك.. اوي يا لولو يا جامده.
علي بضحك.. اختي دي قمرين مش قمر واحد تسلم يا معلم ايون هي عاوزه تتلم من زمان.
امي بنشكاح.. تربيتشي.
علي اخويا بضحك وهو بيجري علي اوضته.. تربيه واطيه يا اختشي.
قعدنا نضحك عليه وعلي طريقتو في التقليد بتاعت مرات عمي.
في الشارع.
اسامه ابنها دخلها جوه واتكلم بعصبيه.. ايه الي انتي عملتيه دا يا ماما.
مرات عمي بغضب وغيظ.. عاوزني اسكت ليهم الاكلتيه دول عاوزين ياخدو حقكم في بطنهم، بس علي ايه ولله لدفعهم التمن غالي اوي و لا ما تكونش اسماء ومسكت اطراف شعرها بوعيد.
الصبح جه ومعاه احداث جديده.
كنا في المحل كا العادة ولقيت شاب جاي ياخد من عندنا حلويات شافني وبقي يبتسم لي زي العبيط وراح لبابا وقاله انه عاوز يتقدم ليا كان بيبع بوظه وطبعا بابا رحب بيه وقاله يجي جه هو واخوه بعد العصر بابا قالي اطلعي فوق جهزي نفسك لان في ناس جاين لينا وكدا وانا طبعا مكنتش موافقه كا العاده.
جهم العصر وقعدو معانا وبابا رحب بيهم وكل شويه بابا لما يسالو سؤال اخوه هو الي يرد مش هو ودا ضيقني اكتر وانا اقول في سري يا ترا هو اخرس ولا اطرش لا اكيد في حاجه يمكن لسانه مقطوع واصوت في سري واقول.. يابختك المنيل ياعلياء هتجوز واحد يقعد يتهته ليكي ولا هتفهميه بالاشارة.
بابا كان بيبص عليا وانا كان باين علي وشي الضيق.. طيب نسيبهم يتكلمو مع بعض شويه.
بابا واخوه خرجو و انا وهو فضلنا قاعدين مع بعض فضل ساكت برضو منطقش بحرف واحد.
علياء بضيق.. وانت هتفضل ساكت ياعم انت ولا ايه.
رد عليا الشاب بكسوف ولا اكنه هو كان العروسه مش انا.. عاوزانا اقول ايه.
كان بيتكلم بصوت واطي.
علياء.. طيب عالي صوتك سمعني انت بتقول ايه.
رد عليا بتوتر.. بقول بقول..
علياء.. انت لسه هتقول بقول ونبي انا مش ناقصه شلل اتكلم عرفني عن نفسك.
رد عليا.. انا اسمي ادم وعندي 23سنه وانا بشتغل بياع بوظه بتحبي البوظه.
علياء ببتسامه.. هو في حد مابيحبهاش كمل.
ادم ببتسامه.. ابتسامك حلوة اوي احم احم اية رايك لما نتجوز ان شالله نشتغل سوا مش انتي معاكي صنعه وانا افتحلك محل ونشتغل سوا قولتي ايه.
علياء بضحك.. ايو انا اعمل حلويات وانت بوظه دا احنا نعمل احلي مشروع هههههه.
ادم بسعاده.. معني كدا انك موافقه عليا.
علياء.. اهدا ياوحش كدا لازم افكر الاول.
ادم حمحم. احم احم.. اه نسيت تمام قدامك قد ايه.
علياء.. هبقي اخالي بابا يعرفك.
بابا جه هو واخوه وقعدو شويه ومشيو.
علياء.. انا هقوم اغير هدومي.
بابا.. استني مش تغيري في حد جاي دلوقتي ولسه بنكلم لقينا الباب بيخبط.
علي راح فتح وكان واحد ومعاه ابوه وامه.
علياء.. ياربي هو احنا مش هنخلص انهارده.
بابا استقبلهم وانا حطيت رجل علي رجل بملل.
قعدو معانا زي الاول بس المرة دي كان العريس اخنف وصوتو مسرسع طول ماهما قاعدين كنت كاتمه ضحكتي بالعافيه وبعدين مشيو وجهم اخواتي وما ادراكم اخواتي عملو ايه فيا.
شروق بتريقه وضحك.. اختشي خليكي في التاني حاسه هيمو"تك ضحك.
علي بضحك.. لالا خليكي في بتاع البوظه علي الاقل هيعمل لينا بوظه من غير فلوس وكمان يابت هيفتحلك محل بوظه ههههههه.
وقعدوا يتنمروا عليا وعلي العرسيين.
وقضنها ضحك لحد ماكل واحد فينا دخل ينام.
الصبح اتفأجانا برزع علي الباب وكان