فتح البوابة
وبعد أن نظرت له سامية نظرة خوف وخجل من احتضان محمد لها علي الأرض بدأت تُلجلج بالكلام
سامية / محمود متفهمش غلط ارجوك انا ، انا بس وقعت علي الأرض صدقني وه
محمود / مالك يا سامية اهدي ، فيكي اي ؟ واي جابك المكان ده ؟
تنظر سامية لمحمد وتهدأ بأنه لم يظهر الي محمود .
سامية / واحد يا محمود خطفني وكان بيهدنني وعايز مني فلوس و
محمود / هو فين الحيوان ده ؟
سامية / ها ، نزل لما لقاني قاعده بعيط واغمي عليا خاف ونزل
محمود / طب يلا من هنا .
يبتعد محمد عن حضن سامية ويقترب محمود منها ليحملها ، ينظر لها محمد وهو حزين وقَلق بشأنها .
سامية / هنروح فين يا محمود ؟
محمود / مكان هيعجبك قوي يا روحي وبعدين انهاردة يوم مميز بالنسبة ليا .
سامية / لي انهاردة أية ؟
محمود / حد ينسي عيد ميلاده ؟
سامية / انهاردة 13 اغسطس ؟
محمود / اه يروحي امال انا لي رتبت اني اجيبك اسكندرية مهو عشان نحتفل هنا بعيد ميلادك .
سامية / يا حبيبي شكرا قوي ليك . ربنا ما يحرمني منك .
وتحتضن محمود برغم انها بين ذراعيه ، ثم تغفوا من كثرة التعب .
محمود / سامية يلا حبيبتي قومي فوقي وصلنا
سامية / ياه حاسة اني نمت بقالي كتير قوي الساعه كام ؟
محمود / 1:30
سامية / اي ده جيبنا قدام البحر زي ما وعدتني ؟
محمود / وانا اقدر اخلف وعدي ؟
سامية / عمرك ما خلفت وعدك معايا
ـ ثم تحتضن سامية محمود ، ثم يقول لها محمود وهو يحتضنها .
محمود / سامية
سامية / نعم يا حبيبي
محمود / اخبار محمد ايه ؟
تتنفض سامية من حضنه وتبتعد وتنظر له في ذهول ورعب
محمود / حكالك لحد فين ؟ قوليلي يلا عشان اكملك انا بقا باقي الحكاية
ــــ
يقترب محمود من سامية وتبتعد سامية بخطوة برجلها اليسري للخلف واليمني مرة أخري وكلما اقترب تبتعد هكذا
محمود / تحبي ابدا منين ؟
انت مين ؟ بتقول ايه ؟
محمود / حاضر انا هبدا من يوم ما جينا اسكندرية هنا واللي كان بيحصل معاكي من نوال ، بعد اللي حصل وبيتكم اتحرق باللي فيه جي واحد مقاول هدوا وبناه من جديد بس للاسف مكنش يعرف أنه ارتكب اكبر غلطة ف حياته لأن كان فيه بنت تحت الأنقاض ومدفون فالبيت ده سحر ، وللاسف محدش خد باله منها كانت اتحللت خلاص وبنو علي الأساس ده فالبنت اللي شفتيها دي وكانت مسكة ايدك تبقي مريم ، اه تلقيكي ناسيها صح يا حبيبتي افتكري مريم بنت فريد اخوكي ها فكراها اللي كان عندها 9 سنين ، علي فكرة يا حبيبتي البيت كله كدا من يوم وفاة نسايبي الكرام ، بس مريم هي اللي اتحللت مكان السحر يلا مش مشكلة .
سامية / انت مين ؟ انت ازاي عرفت كل ده ؟ انت محمود اللي اتقدملي واهلي رافضوه صح ؟ اكيد انت هو
يضحك بصوت عال ضحكة كلها شر ، ثم ينظر إليها ويقول
لا ، انا مش محمود اللي اتقدملك
سامية / لو انت مش اللي عمل كدا فاهلي ، يبقي انت مين وعارف كل دة ازاي ؟
محمود / هو انتي فكرة أن في شخص اسمه محمود اصلا اتقدملك ؟ محدش اتقدملك اسمه محمود من الأساس يا حبيبتي
سامية / ازاي ده كان ابن صاحب بابا اكيد انت هو
محمود / ابن صاحب بابا ، هو انتي صدقتي كلام محمد ؟ محمد ميعرفش كل حاجة انا بس اللي بحدد معرفته
سامية / اعوذ بكلمات الله التامة ، من كل شيطان وهام
محمود / اسكتي بقولك اسكتي
سامية / من كل شيطان وهامة ، ومن كل عين لامه.
محمود / اسكتي .
يجري محمود علي سامية ليمسكها من شعرها ويضغط علي رقبتها ويفتح عيناها ويبرق لها بعين كلها شر .
يأتي محمد لينقذ سامية من يد محمود ولكن محمود يعلقه في الهوا ويعذب روحهُ ، فيقوم ببخ شئ من بين شفتيه يجعل محمد قوته الروحية تضعف وتبدا روحه في الانسحاب .
تجري سامية علي محمد ولكنها لا تستطيع إنقاذ روحه فهو عالق في الهواء وهي لا تستطيع لمسه ، ثم ينظر محمود لمحمد بكل غضب ثم يضرب علي الارض فيقع محمد وتتبخر روحه ، تصرخ سامية من هذا المشهد المرعب ، ويصرخ فيها محمود
محمود / اسكتي بقولك اسكتي
ـ تضع سامية يداها اليميني واليسري علي شفاها لتكتم صوتها .
محمود / ايوا مفيش محمود ومحدش اتقدملك من الأساس بالاسم دة ، اللي اتقدملك كان انا . انا اللي اتقدمت ليكي ، بعد ما عرفت أن ابوكي وافق علي محمد ، انتي بتاعتي انا وبس
سامية / انت ! انت مين ؟ ومحمود ده يطلع أية وازاي اهلي ماتوا يعني انت اللي قتلت اهلي ؟
محمود / أيوة ، اسم محمود ده من لعبتي معاكم
سامية / انت ! انت مين ؟ انا عايشة مع مجرم ؟
محمود / انا سمير .
تنظر سامية ف زعر شديد وتبدأ ترتجف وتتذكر كلام محمد عن سمير الساحر الذي كان يعيش في منزلهم . تقع علي الارض من الرعب وتبدأ تزحف حتي تهرب ولكن لا تستطيع الحركة كأنها مربوطة مُكتفة الأيدي والرجل .
سمير / طبعا انا عارف انك فقدتي النطق انا هقولك يا حبيبتي اللي بيدور ف بالك ، اهدي ده انتي هديتي اللي مستنيها من قبل ما تيجي ، اللي بسببها هتتغير حياتي .
ها بيدور فرأسك ايه يا سامية ؟ مم ها ده اللي بيدور فرأسك أي حصل مع رتيبة وقت ما جت عندي ؟
سمير /هقولك يا ستي ، انا اللي سحبت رتيبة عشان تيجي لاني كنت محتاجها قوي كانت مطلوبة مني بالاسم عشان اقدر احقق الملك اللي هبقي عليه ، كان مطلوب مني اني اغيبها وأحضر عليها وتكون حليفتي ف اللي بعمله ولكن للاسف جيتي انتي دمرتي مخطط كامل لما عرفت انها حامل فبقيتي انتي هدفي اللي هحضر عليه وشربتها عمل عشان تسقط ، لان كنت عايزها هي وجودك عطلني ولكن لما الحمل استمر بنيت عليكي اهداف اكبر وكان خدمة ليا ، خصوصا يوم العرافة اللي بعد ما قالت الكلام ده قتلتها عشان ابوكي ميحولش يتواصل معاها ويدمروا كل اللي بنيته لان لو سقطت رتيبة كان العمل أتفك لان العمل بقا جواكي انتي وفضلت مستني لحظة ولدتك ولما لقيت معاد الليلة اللي مستنيها هتعدي بدون ولدتك فيها وقتها عملت سحر تاني عشان رتيبه تولدك قبل معادك بشهرين عشان اليوم ده
وكان المميز ده هو 13 اغسطس 1636 زي انهاردة كدا يا حبيبتي تخيلي ؟
ما انهاردة 13 اغسطس 1970
شوفتي انا بقالي كام سنه مستني اليوم ده ؟
ـ تتوتر سامية ولا تستطيع التحدث عيناها تتورم بالدموع .
ـ يدور سوال في عقل سامية كيف له أن دخل بيت اهلها وهما يعلموا شكل سمير كيف دخل علي أنه محمود ؟
يقرأ سمير السوال ويرد
سمير / انا يا حبيبتي بقت سلطتي اكبر قدرت اتحكم وجيت بشكل مختلف ، لا يا سامية زعلان منك انت عقلك خف خالص يا حبيبتي ، ازاي متعرفيش أن الشيطان يقدر يغير شكله !
تفكر سامية في سر اللوحة وكيف اشتدت يداها بالصورة
سمير / ياه اللوحة دي تبقي انتي يا سامية يا حبيبتي بشكلك ده دلوقتي مهو انتي عنيكي بتنزف مش بتبكي ، يعني يا حبيبتي قولت اوريكي شكلك في لوحة اصلك هتشوفي عنيكي دلوقتي ازاي خلاص أنا سيطرت عليكي ، وبالنسبه للصورة اللي شدت ايدك كنت بحاول اقلل قوتك بس للاسف انقذك يومها محمد مني
تفكر سامية في اولادها هل هم شياطين مثله ام ماذا ؟ ماذا حدث لهم ؟ هل هم انس ام جان ؟
سمير / الأولاد تتطمني عليهم دول فعنيا ما انا ابوهم برده التلاتة اتقدموا قرابين خلاص ودلوقتي دورك ، دورك اللي مستنيه من سنين ، اللي بيه هفتح عالم اقدر اسيطر عليه واكون سيدهم .
ويضحك سمير بصوت عال وعندما يري سامية تلفظ بأنفسها الأخيرة يجري عليها ليقطع رأسها ويرمي باجزائها في البحر مع اول نور القمر من جهه اليسار وهبوب العاصفة من الجهة اليمني تنتشر اصوات قوي الشر لتفتح البوابة .
تمت بحمد الله