السقوط في منتصف العاصفة .
تصرخ الام بأعالي صوتها حتي يُغمي عليها وتسقط علي الأرض .
محمود / يلا يا سامية اصحي كل ده نوم ؟ يلا يا حبيبتي ده بقينا الساعه ١١ الظهر .
تتقلب سامية وتعطي وجهها لمحمود وتنظر له في صمت .
محمود / مالك يا سامية بتبصيلي كدا لي؟
تقوم سامية من ع السرير وتجري علي الصالة وتمسك بيد نوال .
الام / انتي كنتي فين بليل ؟
نوال / كنت نايمة يا ماما
الام / نايمة فين أنا دخلت بليل هنا مشفتكيش كنتي فين ؟
نوال / كنت نايمة هنا جنب مصطفي
الام / ازاي انا شفت مصطفي مكنتيش جنبه
انتي دخلتي بليل الحمام واحنا نايمين ؟
نوال / لا يا ماما انا نمت جنب مصطفي مقمتش من علي السرير .
الام / ازاي انتي دخلتي نمتي قدامي علي سريرك
محمود / في اي يا سامية عايزين ننزل اتاخرنا الاولاد صاحين من بدري وانتي مش عايزة تقومي
سامية / مش عايزة اقوم ؟ انتوا صحتوني امتي ؟
مصطفي وكريم / يلا يا ماما عايزين ننزل البحر .
بين زن الأطفال و تشتت الأفكار أصبحت سامية غير مستقرة أصاب الصداع رأسها والتوتر والخوف بدأ يسري في أعماقها
سامية ؟
سامية !
مالك ؟
فيكي أية ؟ الله انتي مش معايا خالص !
طب يلا يا حبايبي اجهزوا انتوا .
نوال / انا مش بعرف البس لوحدي يا بابا .
هاتي ايدك يا ماما .
تنظر الام لنوال تجدها تتضحك ضحكة شر وتجد اسنان ابنتها التي لم تتجاوز الخمس سنوات لها انياب كبيرة
تنفزع الام وتصرخ في وجهها .
امشي ابعدي عني مش هلبسك امشي ابعدي ابعدي
محمود / اهدي يا سامية في أية مش كدا دي طفلة .
تعالي يا حبيبتي انا هلبسك عقبال ما ماما تلبس وتيجي معانا .
محمود / يلا يا سامية اجهزي والبسي وهدي اعصابك احنا جايين عشان نفرح الأولاد بالايام دي ليه نزعلهم ، يلا حبيبتي .
تنظر سامية لمحمود وتطمئن وتهدأ من روعها وتقوم لتتجه للغرفة فتنظر علي محمود وهو يلبس نوال تجدها تميل برأسها وتبتسم لها وتضع يداها علي رأس ابيها وتخرج منها اظافر طويله ولكن في عز هذه الصدمة تختفي هذه النظرة وهذه الأظافر ليقطعها صوت مصطفي ماما أنا عايز الشراب والكوتشي عشان نلعب كورة
كريم / وانا كمان يا ماما عايزين الكورة .
تقف الام ويدور رأسها وتدخل للغرفة وهي تضع يداها علي الحائط تستند عليه ، تفتح الام الدولاب لتجد أمامها صورة لامرأة وعندما تحاول النظر طويلا في ملامحها يقطعها صوت زوجها .
محمود / يلا بقا يا سامية الظهر أذن صلي والبسي .
سامية / هطلع الكورة والكوتشي لمصطفي وكريم
محمود / انا هطلعهم يلا يا حبيبتي البسي انتي
سامية
نعم يا محمود ؟
يقترب محمود من سامية ويقول
انتي عارفه انا بحبك اد ايه صح ؟
عارفه
طيب يا حبيبتي انا عايزاك تطمني وتهدي اعصابك انا جنبك وبحبك ، تحتضن سامية محمود بقوة
محمود انا خايفة
متخافيش جوزك وحبيبك جنبك ، يلا البسي وانا هجهز كل حاجة .
جميل قوي شط اسكندرية دة
تضحك سامية وتقول
ليه بقا جميل يا استاذ محمود ؟
محمود / عشان علي الشط ده شفت اجمل بنات الكون كانت بتتمشي عليه .
سامية / لسة فاكر يوم لقاءنا ؟
محمود / ولا عمري أنساه
سامية / كنا صغيرين قوي لما حبينا بعض
انتي كنتي صغيرة لكن أنا لا
سامية / عايز تعجز نفسك ده احنا اولادنا لسه صغيرين حتي مصطفي لسه 8 سنين وكريم 6
محمود / الله انتي نسيتي نوال ؟
سامية / نوال!
مالك يا سامية بصراحة طريقتك معاها الصبح معجبتنيش دي طفله يا حبيبتي 5 سنين تفهم اي دي عشان تعمليها بالعنف ده !
سامية / محمود انت صحيت لقيتني نايمة فين ؟
ـ جنبي طبعًا
سامية / مستحيل انا كنت ف الصالة انا منمتش
محمود / ازاي يعني ؟
صدقني ده اللي حصل
محمود / طب اي خرجك برا اصلا ؟
سامية / خرجت اطمن ع الولاد وي
محمود / كملي
تحكي سامية ما حدث معاها ليلة أمس وما حدث معاها في صباح اليوم
محمود / اكيد اوهام طب تقدري تقوليلي ازاي جيتي نمتي جنبي والبنت قدامنا كويسة حتي شوفي بتلعب مع اخواتها ازاي
سامية / انا مش مطمنة يا محمود في حاجه غلط صدقني ، حقيقي ده حصل مش وهم انا فضلت اصرخ محدش سمعني
محمود / طب اهدي ممكن تكون اعصابك تعبانة شوية من مجهود السفر
سامية / هو انا اول مرة اسافر يا محمود لا طبعا في حاجة مش مظبوطة انا قلقانة
محمود / بس البنت كويسة قدامنا اهي
سامية / محمود خلينا نسيب الشقة دي أنا مش مرتاحة مش هقدر اكمل فيها اسبوعين
محمود / يا سامية انتي عارفة الظروف انا ظبط أموري عليها يا حبيبتي إن شاء الله انهارده مش هيكون في الأوهام دي تاني وانا هفضل صاحي وقاعد معاكي ها قولتي اي ؟
سامية / هقول اي لا اله الا الله
محمود / سيدنا محمد رسول الله اتفقنا .
الساعة الحادية عشرة ، يلا يا حلوين عشان تناموا .
مصطفي / بابا عايزين ننزل الصبح بدري مش زي انهاردة ارجوك .
حاضر يا حبيبي ماما حبيبتنا كانت بتدلع علينا انهاردة بقا سماح المرة دي .
تصبح علي خير يا بابا تصبحي علي خير يا ماما
وانتوا من أهل الخير يا حبايبي .
و بعد مرور ثلاث ساعات من الجلوس بالصالة ولم تطرأ أي أحداث
يلا يا سامية ندخل ننام هنصحي بدري متنسيش أننا وعدنا الأولاد
حاضر يا محمود قوم انت وانا هقفل النور والتلفزيون وأقوم
محمود / حاضر يا حبيبتي هنتظرك .
دخل محمود الغرفة وبعد أن أقفلت سامية النور والتلفزيون وهي تتجه نحو الغرفة سمعو صوت صرخات تأتي من غرفة الاطفال فاتجهت نحوها لتجد نوال تبتسم لها وهي واقفه علي باب الغرفة
اتفضلي يا ماما انا مستنياكِ
تصرخ نوال بصوٍت عاٍل
محمود الحقني يا محمود ده حقيقي بجد مش حلم يا محمود
وأخذت الام تعض علي يداها لتتاكد أنه حقًا واقع وليس اوهام
بينما الام تصرخ كان هناك صوت ضحكات مخلوطة بالكبرياء والغموض .
سامية / ابعدي عني ابعدي ، اعوذ بالله من الشيط
نوال / مش هتقدري
محمو
قولتلك مش هتقدري
انتي مدخلاني البلكونة لي
نوال / ده مكانك
سامية / انتي مين عايزه مني ايه ؟
نوال / روحك
ابعدي / انا هقع هموت
ترتفع صوت الضحكة أكثر
سامية / قولتلك ابعدي ايدك هتوقعيني
نوال / قولتلك عايزة روحك
تظل نوال تتجه بالخطوات الي الامام لتدفع سامية من البلكونة