رواية احببت اخي الفصل السابع والعشرون27 بقلم اروي عادل

إيلا ٠٠ شوفى الصوره إللى بعتها الحيو*ان شريف

ملك٠٠ يا نهار أسود ايه إللى جابها دى مع شريف 

إيلا ٠٠ دى شكلها سكرانه

ملك ٠٠ هو قصده ايه بانه يبعتلك الصور زى دى

إيلا ٠٠ أكيد عايز يبتزنى بصور دى لانه فاكر مايا اختى

ملك ٠٠ طيب انتى هتعملى ايه هتسيبها لشريف

إيلا ٠٠ طبعآ لأ . رغم الخلافات إللى بينى و بينها بس هى هتفضل بنت بابا يحيى و أخت سيف

هنا بعث شريف رساله بيقول فيها لو عايزه أختك سليمة تعالى على العوامة حالآ .. لو اتأخرتى هتزعلى منى أوى

ملك ٠٠ أحنا لازم نقول لسيف 

إيلا ٠٠ تعالى هنا سيف لو عرف حاجة زى دى هيق*تل شريف

ملك ٠٠ يعنى نعمل ايه

إيلا ٠٠ أنا هروح له

ملك ٠٠ أنتى مجنونه .انتى عارفه شريف عايز منك إيه

إيلا ٠٠ عندك حل تانى 

ملك ٠٠ آه نقول لجاسر

هنا اتصلت ملك بجاسر مرتين لكنه لم يرد

حينها تركت ملك رساله الجاسر تقول له فيها عن رسالة شريف و الصور إللى مع مايا فى العوامة

ملك ٠٠ جاسر مش بيرد هنعمل ايه دلوقتى 

إيلا ٠٠ لازم أروح لشريف قبل ما يعمل فى مايا حاجة

ملك ٠٠ خلاص استنى انا جايه معاكى 

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

فى العوامة 

عندما وصلت أيلا و ملك العوامة كان الباب مفتوح 

عندها طلبت إيلا من ملك ان تظل خارج العوامة 

انتظرت ملك خارج العوامة فى مكان يجعلها ترى و تسمع كل ما يحدث داخل العوامة 

أما إيلا دخلت العوامة لوحدها

أول ما دخلت إيلا العوامة كان شريف فى انتظارها يجلس و بجواره معايا التى كانت شبه مغيبه

شريف ٠٠ حمدالله على السلامة اتأخرتى ليه

لم ترد عليه إيلا .بل اقتربت من مايا أمسكتها من ذراعيها بدأت تهزها بقوة و تقول

إيلا ٠٠ مايا فوقى . مايا.. .انت شربتها ايه

ضحك شريف بصوت عالى وهو يقول 

بقلم٠أروى٠عادل 

شريف ٠٠ اختك طلعت ساهله أوى بس متخافيش انا مش لمستها على الاقل لحد دلوقتى 

إيلا ٠٠ أقسم بالله لو فكرت تلمسها انا هق*تلك 

شريف ٠٠ براحه و اهدى على نفسك و متخافيش أنا مش عايزها هى انا عايزك انتى 

هنا أمسكت إيلا أناء معدنى كان يوجد بيه ماء و قطع من الثلج و القت ما بالأناء  فى وجه مايا

صرخت مايا من شدة برودة الثلج ثم قالت

بصوت يكاد يكون مسموع . وهى لا تستطيع تقف على قدميها 

مايا ٠٠ إيلا انتى ايه إللى جابك عندنا .. أيه ده و شريف كمان عندنا .. 

إيلا ٠٠ فوقى يا مايا . 

بدأت  مايا تفوق من شدة برودة الماء المثلج الذى غطى ملابسها بالكامل بدأت تنظر يمين و يسار ثم وقالت بثقل 

مايا ٠٠ أيه ده أنا فين

شريف ٠٠انتى عندى يا جميل

مايا ٠٠ شريف انا جيت هنا ازاى

إيلا ٠٠ مش مهم. المهم انك تخرجى فورآ من هنا

شريف ٠٠ لأ يا حلوه هو دخول الحمام زى خروجه

آيلا ٠٠ شريف انت مشكلتك معايا مايا مالهاش دعوة

شريف ٠٠ لأ ليها طالما انتى عامله فيها الشريفه هانم. يبقى أختك تسد عنك مش انتو أخوات 

إيلا ٠٠ افهم يا غبى مايا مش اختى 

شريف ٠٠ مش أختك ازاى أحنا هنكدب من أولها

هنا طلعت إيلا بطاقتها من شنطتها و قالت لمايا

إيلا ٠٠ هاتى بطاقتك يا مايا

عندما اخذت إيلا البطاقتين وقالت

إيلا ٠٠ دى بطاقتى أسمى إيلا يحيى عبدالحميد المهدى . و دى بطاقتها هى أسمها مايا يحيى هلال ابو اليزيد. احنا مش اخوات

شريف ٠٠ يعنى ايه الكلام ده انتى مش بنت يحيى أبو اليزيد

إيلا ٠٠ لأ انا بنت مراته يعنى مايا مش اختى عشان كده هى مالهاش دعوة بأنتقامك منى سيبها تمشى

مايا ٠٠ فى ايه انا مش فاهمه حاجة .. هو ايه إللى بيحصل

إيلا٠٠ انتى ايه إللى جابك هنا بس

مايا ٠٠ أنا كنت سهرانه مع شريف فى الكازينو معرفش انا جيت هنا ازاى

إيلا٠٠ من قلة رجالة إللى فى الدنيا كلها مالقتيش غير ده تسهرى معاه

شريف ٠٠ بصى بقى انا عامل دماغ رايقه مش هضيعها على الفاضى قدامك حل من اتنين اما تسيبلى مايا و تمشى أما تقعدى انتى وهى تمشى

اترعبت مايا و أستخبت منه خلف إيلا وهى تقول

بقلم٠أروى٠عادل 

مايا ٠٠ أوعى تسيبينى يا إيلا 

إيلا ٠٠ متخافيش انا معاكى

شريف ٠٠ أنا بدأ صبرى ينفد على فكره 

إيلا ٠٠ لمصلحتك سيبنا نمشى

شريف ٠٠ لأ مش هتمشى يا إيلا انت ليا الليله دى

إيلا ٠٠ خلاص خليها تمشى هى و انا هفضل

شريف ٠٠ عبيط انا عشان أصدقك 

إيلا ٠٠ طيب اسمعنى مايا هتخرج دلوقتى من هنا برضاك أو غصب عنك . حي او ميت . هى هتخرج من هنا 

شريف ٠٠ أنتى كده جيبتى أخرى معاكى.. هو انتى مش عارفه انا ممكن أعمل معاكى ايه

إيلا ٠٠ لأ وفر تهديدك لنفسك انت أساسآ متقدرش تعملى حاجة

شريف ٠٠ ليه انت ناسيه التليفون إللى عليه بصماتك

إيلا ٠٠ لأ مش ناسيه . بس انت إللى ناسى ان التليفون و السك*ينة اختفوا من مسرح الجر*يمة.. انا معايا رسايل تهديد منك بأن بصماتى إللى على التليفون . يعنى الرسايل دى بتثبت ان التليفون معاك و طالما انت إللى آخدة التليفون يبقى انت إللى اخدة السك*ينة.. ياترى انت خبيت التليفون و السك*ينة ليه . يمكن عشان انت القا*تل .. ده غير تسجيل الفيديو إللى بعتو ليا من تليفونك ده بردوا معناه ان معاك تسجيل فيديو ليوم حا*دثة ق*تل معاذ طيب خبيت التسجيل ليه عن البوليس

كانت مايا وقفه مش فاهمه حاجة

بينما أتصدم شريف من كلام إيلا وقال

شريف ٠٠ بقى كل ده يطلع منك انتى

إيلا ٠٠ عرفت بقى انت روحك إللى بقيت فى أيدى دلوقتى 

هنا أقتربه منها شريف و أمسكها من عنقها وقال

شريف ٠٠ انا ممكن اق*تلك دلوقتى 

هنا صرخت مايا 

بينما دخلت ملك العوامة عندما رأت من خارج العوامة شريف بيخنق إيلا .. كانت إيلا بتحاول تفلت منه بينما وملك و مايا بيحاولوا يبعدوا  يد شريف عن عنق إيلا 

هنا فلتت إيلا بصعوبة منه لكنه حاول يمسكها مره أخرى 

لذلك مسكت إيلا تمثال من المعدن كان على الطاوله

و ضر*بت به شريف على رأسه فوقع على الأرض مغشى عليه.. هنا صرخت مايا

مايا ٠٠ هو ما*ت

بينما ملك و إيلا برعب و فزع

ملك ٠٠ قت*يل تانى

إيلا ٠٠ أنا ضر*بته بالتمثال بس معقوله يكون ما*ت من الضاربه دى

هنا دخل جاسر و سيف مسرعين

لكنهم اتصدموا عندما رأوا شريف على الأرض فاقد الوعى .هنا قالت مايا 

مايا٠٠ سيف الحقنى

قبل أن تكمل عبارتها ضربها سيف بقوة على وجهها لدرجة ان فمها بدء ينزف و قال

بقلم٠أروى٠عادل 

سيف ٠٠ أنتى تخرسى خلاص دلوقتى

و حسابنا بعدين

جاسر ٠٠ مش وقت الكلام ده يا سيف..

هنا اقترب جاسر من شريف بدأ يفحصه ثم قال

جاسر ٠٠ لسه عايش الإصابة سطحية فى رأسه

إيلا ٠٠ الحمد الله

هنا تطلع  سيف لإيلا التى كانت تفرك عنقها من أثر خنق شريف لها وقال

سيف ٠٠ تانى٠٠ العوامة تانى انتى ايه مافيش حاجة بتأثر فيكى .. 

ملك٠٠ إيلا مالهاش ذنب احنا جينا هنا عشان ننقذ مايا منه

هنا اقتربه سيف من مايا ضربها مره أخرى و قال لها

سيف ٠٠ أنتى ايه إللى جابك هنا ساكته ليه انطقى

لم ترد مايا على سيف كانت تبكى فقط. هنا حاول سيف يضربها مره أخرى لكن إيلا وقفت أمامه و جاسر أمسك يد سيف بينما  قالت إيلا

إيلا ٠٠ كفايه هى مالهاش ذنب شريف كان عايز ينتقم منى انا ..عشان كده جابها هنا عشان بيتزنى بيها هو فاكرها اختى

سيف ٠٠ اسكتى انتى حسابك لسه ماجاش 

جاسر ٠٠ سيف احنا لازم نمشى من هنا قبل ما الحيو*ان ده يفوق

بالفعل بدأ شريف يحرك رأسه و هنا قامة سيف بركلة بقدمه فى وجهه أفقده الوعى مره اخرى ثم ركلة مره أخرى فى وجهه ثم توالت الركلات في جميع أجزاء جسد شريف

هنا وقف جاسر بينه و بينا شريف المرمى على الأرض مثل الج*ثة الهامده وقال

جاسر ٠٠ سيف انت اتجننت عايز تمو*ته 

سيف ٠٠ ياريت عشان ارتاح منه

جاسر ٠٠ انت عايز تروح فى داهيه سبب كل*ب زى ده . يالا يا سيف نخرج من هنا 

بصعوبه قدر جاسر يقنع سيف ان يترك شريف ثم غادروا جميعآ من العوامة

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

أمام العوامة 

سيف ٠٠انا مش هتحرك من هنا قبل ما أعرف ايه إللى حصل جوه العوامة

كانت مايا فى حالة لا تسمح له بالكلام كما هو حال إيلا . لذلك حكت ملك كل ما حدث هنا جن سيف كان يريد أن يرجع لشريف مره أخرى لكن جاسر منعوا هنا جاء البواب وقال

البواب ٠٠ سيف باشا حضرتك عندنا

سيف ٠٠ كويس انت طلعت بتاخد بالك من إللى داخل و خارج من العوامة

البواب ٠٠ دى شغلتى باشا 

جاسر ٠٠ انت وصلك إستدعاء من النيابة عشان تحضر بكرة

البواب٠٠ وصل يا باشا 

جاسر ٠٠ أسمع يا عم حسين انا مش عايز جنس مخلوق يعرف اننا كنا هنا فاهمه

البواب ٠٠ أنت تأمر يا باشا 

سيف ٠٠ شاطر يا عم حسين انا مبسوط منك

حينها غادر  سيف بعد طلب من جاسر ان يقوم بتوصيل ملك و إيلا المنزل 

بينما أخذه سيف مايا و ذهب بها إلى منزل صافى

¤¤¤¤¤¤¤¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎

منزل صافى

صرخ سيف وهو ينادى على أمه و ماسك مايا من ذراعيها بقوه

بقلم٠أروى٠عادل 

صافى ٠٠ فى ايه بتزعق ليه . بعدين انت ماسك أختك كده ليه . انت ضاربها كمان

سيف ٠٠ طيب صحى النوم الأول حضرتك نايمه و سايبه بنتك بره البيت لحد دلوقتى 

صافى ٠٠ دى فيها ايه هى سهرانه مع صحابها . 

سيف ٠٠و صحابها دول. بنات ولا شباب

صافى ٠٠ مش هتفرق المهم انها مش بتعمل حاجة غلط. بعدين فى أيه لو اتأخرت بره شويه أو سهرانه مع أصحابها 

سيف ٠٠ نفس إللى كنتى انتى بتعملى بالظبط خروجات و فسح و سهر لصبح .٠عملتى من مايا نسخه مصغره منك

صافى ٠٠ سيف أوع تنسى انك بتكلم أمك .. لا عشتك مع إللى أسمعها أميرة و بنتها خليتك تنسى انى امك

سيف ٠٠ مافيش فايده كل إللى فارق معاكى أميرة و بنتها . لكن بنتك و إللى عملتوا ولا فى دماغك

صافى ٠٠ هى عملت ايه يعنى

سيف ٠٠ هى عندك اسأليها انا جيبها منين

صافى ٠٠ كنت فين يا مايا 

كل ما تفعلو مايا هو البكاء فقط

صافى٠٠ بتعيطى ليه دلوقتى. قوليلى كنت فين

مايا ٠٠ والله يا سيف دى أول مره تحصل

سيف ٠٠ قوليلى تعرفى شريف من أمتى

مايا ٠٠ أنا اعرفوا من زمان شذى أخته صاحبتى بس ماكنش بينا أى كلام غير من أسبوعين تقريبآ . والله دى كانت أول مره اخرج معاه 

سيف ٠٠ من أمتى انتى بتشربى ويسكى

مايا ٠٠ والله عمرى ما شربت انا مش عارفه ازاى حصل كده

سيف ٠٠ مايا قدامك دقيقة واحده تكونى لميتى فيها هدومك . انتى هتعيشى معايا انا و بابا من هنا ورايح

صافى ٠٠استنى هنا يا مايا .. أنت بتقول أيه. ده مش هيحصل أبدآ انت فاهم

قال سيف بصرامة ارعبت مايا 

سيف ٠٠ مايا اعملى إللى قولتلك عليه 

و بسرعة

صافى ٠٠ أنت بتعمل ليه كده

سيف ٠٠ بنقذ اختى من حياتك .. بنتك النهاردة كانت سكرانه فى عوامة مع شريف. و لولا إيلا إللى قولتى عليها جايه من الشارع الله اعلم كان ممكن يحصل فى بنتك ايه 

صافى ٠٠ مش ممكن مايا متعملش كده أكيد إللى اسمها إيلا هى السبب أو كدابه

سيف ٠٠ بردوا إيلا هى السبب .. انا بقولك انى لسه جايبها  من العوامة بايدى... و هنروح بيعيد ليه عندك بنتك أسأليها 

ذهبت صافى لمايا وهى مصدومة وقالت لها 

صافى ٠٠ أيه الكلام إللى بيقولوا سيف ده .. قولى انه كلامه مش حقيقى قولى ان إيلا هى إللى ورطتك.مايا انتى مش بتردى عليا ليه

مايا ٠٠ عشان كلام سيف حقيقى 

صافى ٠٠ مش ممكن يعنى انتى كنتى سهرانه مع شريف فى العوامة و كمان سكرانه

مايا ٠٠ أه بس شريف ضحك عليا و خلانى اشرب من غير ما أعرف .. و لولا إيلا كان زمانى ضعت

صرخت صافى من الصدمه و هى تجلس على حافة الفراش

هنا أخذت مايا شنطة ملابسها و خرجت من الغرفة تاركه خلفها صافى فى حالة من الذهول و الصدمة

بقلم٠أروى٠عادل 

¤¤¤¤¤¤¤¤¤¤¤¤¤¤¤¤¤¤¤¤▪︎▪︎▪︎▪︎▪︎

فى فيلا ابو اليزيد 

استغرب يحيى عندما أتى سيف يحمل حقيبة ملابس مايا لذلك قال

يحيى ٠٠ فى ايه 

سيف ٠٠ مايا هتعيش معانا هنا من النهاردة

أميرة ٠٠ تنورنا طبعا

يحيى ٠٠ مايا انتى اتخنقتى مع صافى ولا ايه 

هنا بدأت مايا فى البكاء و هى تحضن يحيى

يحيى ٠٠ فى ايه .سيف مالها أختك 

سيف ٠٠ معلش سيبها يا بابا دلوقتى 

أميرة ٠٠ تعالى معايا يا مايا ان هطلعك أوضتك 

¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎▪︎▪︎▪︎

ظل سيف مستيقظ طول الليل هو يفكر بكل ما حدث 

أذن الفجر و على غير العادة قامه سيف وصلى الفجر ثم ظل ينظر من شرفة غرفته هنا انتبه ان نور غرفة إيلا مازال مضيئ 

لذلك اتصل عليها عددة مرات لكنها لم تجيب

لذلك قفزه من شرفة غرفته إلى شرفة غرفة إيلا

ثم طرق على زجاج باب الشرفة 

هنا نظرت إيلا إليه من خلف الزجاج لكنها لم تفتح الباب

أشارة إليها سيف لكى تفتح الباب لكنها رافضت تفتح له 

اتعصب سيف منها وقال لها من خلف الزجاج انه سوف يكسر الزجاج ان لم تفتح الباب

هنا فتحت الباب وقالت

إيلا ٠٠ عايز أيه يا سيف .. بس بقى انا مخنوقه و تعبانه و مش قادرة اتخانق دلوقتي 

سيف ٠٠ أنتى بتثبتينى عشان انسا إللى انتى عملتيه 

إيلا ٠٠ طيب انت عايز منى إيه دلوقتى

سيف ٠٠ أنتى ليه متصلتيش عليه أول ما شريف بعتلك الصور و الرساله 

إيلا ٠٠ اتصلت على جاسر

سيف ٠٠ إيلا انا سؤالى كان واضح انتى متصلتيش عليا ليه

إيلا ٠٠ خوفت منك و خوفت عليك و خوفت من عصبيتك و غضبك خوفت من رد فعلك لم تعرف خوفت أخسرك فى لحظة تهور منك

سيف ٠٠ لدرجدى انا عامل كل الخوف ده  ليكى

إيلا ٠٠ و اكتر كمان انت مابتشوفش نفسك لما بتتعصب عليا بتكون عامل ازاى

سيف ٠٠ أنتى عارفه انى بخاف عليك 

و بتعصب من أي حاجة ممكن تأذيكى.. 

ثم أقتربه منها و حضنها

هنا سمعوا صوت طرق الباب لذلك استغربوا 

سيف ٠٠ مين بيخبط عليكى دلوقتى الساعة ٥ الصبح

إيلا ٠٠ مش عارفه 

سيف ٠٠ هو انا موعود كل ما أجى الاوضه دى حد يتطلعلى 

هنا اتفتح الباب و قالت من كانت تطرق الباب 

سيف ايه إللى جابك هنا