رواية أنا لست ضعيفة الفصل الحادي عشر11 والثاني عشر12 بقلم هبة أحمد الجهمي
جاسر/ شهد سابتنى ومشت
خالد / ازاى يعنى مش فاهم
جاسر /خليتنى رحت الشركة وتركت كل حاجة شبكتها وهدومها والجواب ده ومش لاقيها خالص
خالد/ مسك الجواب قعدت يقرأ فية وفزع مما قرأ
جاسر / شوفت هى سابتنى وانا لازم الاقيها
خالد / يانهار اسود معقول انت عملت كده انت يامتعلم برة سبت ايه للجاهل
جاسر / هاعمل ايه هى عصبتنى والغضب عمانى
خالد /تقوم تعمل كده حرام عليك دى مهما كان ست ضعيفة كانت محتاجة الامان
جاسر / اهو اللى حصل وبصراحة هى طلعت جدعة رفضت تعمل فيه محضر
خالد / طب هى فين اكيد عند اهلها
جاسر / لا مرحتش لاهلها دى حتى سايبة جواب لابوها بتقولله انه باعها وقبض التمن وهى هتختفى
خالد / هو ومرأتة بنت التييت فعلا باعوها وظلموها
جاسر / انا عوزها باى طريقة
خالد / حبيتها يابوص
جاسر / بصراحة ايوة بس ياخسارة بعد ما ضاعت منى
خالد/ ماتروح عند اهلها يمكن تكون هناك
جاسر / معتقدش علشان ابوها طول اليوم بيلف على المستشفيات واقسام الشرطة
خالد /لاحوله ولا قوه الا بالله العلى العظيم ربنا يرجعها بالسلامة
جاسر / يارب
ام خالد / افتح خد الاكل ياخالد عامل ايه ياجاسر يابنى
جاسر / الحمد لله ياامى بخير
ام خالد / ديما يارب
خالد / اشطاااااا ياحاجة انتى ظبطى المسائل
ام خالد /وانا عندى اغلى من جاسر
جاسر / تسلمى ياامى
خالد/ اخلص ياض عوزين ننزل تحلق وتنسى كل همومك الليلة عندى شبكة واحد صحابى فى قاعدة اخر حاجة
جاسر /صدقنى مش هاقدر انا جوايا تعبان
خالد / بكرة نبدأ ندور عليها ونشوف هى راحت فين كلى يلا بسم الله
نرجع للحاجة نبيلة
الحاجة نبيلة /تعالى ياام محمد ( جارة الحاجة نبيلة ) ادخلى ياختى هو انتى غريبة
ام محمد / يزيد فضلك ياحبيبتى مين الشابة دى
الحاجة نبيلة / دى بنت اختى اللى اشترت نصيب دعاء فى البيت متزوجة و زوجها مسافر وبيتها وقع مات امها وابوها وهى كانت بين الحياة والموت بس ربنا ستر
ام محمد / ياستار يارب بركة اللى انتى بخير يابتى والباقية فى حياتك
شهد/ تسلمى ياطنط ام محمد ربنا يخليكى
ام محمد / شكلك فعلا متبهدل يابتى
شهد/ الحمد لله
رحمة / جت ازيك ياطنط ام محمد عاملة ايه
ام محمد / بخير يابتى وانتى كويسة
رحمة / الحمد لله بقولك يا طنط احنا هنفتح حضانة لو حد من البنات عوزة تجيب ولادها
ام محمد/ متاخدى البت شيماء بنت زهيرة بتى معاكى ولكى عليه اخلى الكل يجيب ولاده عندك قولتى ايه
الحاجة نبيلة / وماله ياختى ياريت
رحمة / طيب خليها تاجى دلوقت نتفق على المرتب وتنضف معانا المكان وبكرة تنزل معانا نجيب الالعاب ونتفق مع النجار
ام محمد / ماشى دى هتفرح قوى انا هاروح ابعتها على طول عوزة حاجة ياام دعاء
الحاجة نبيلة / ربنا يخليكى تسلمى ابقى تعالى
شهد / ايه كلامك ده ياماما
الحاجة نبيلة / كان لازم اقول كدة علشان الكل يعرف انك عايشة فى ملكك
شهد / اللى انتى شايفاه اعملية ياماما انا عوزة انام حاسة انى دايخة
رحمة / تعالى نكشف عليكى البسى
شهد/ لا الظاهر عندى برد
فجأة الباب خبط
الحاجة نبيلة/ افتحى يارحمة
رحمة / حاضر تعالى ياشيماء ادخلى
شيماء / السلام عليكم
شهد / وعليكم السلام
شيماء / مين الشابة المزة دى
رحمة / دى بنت خالتى وليها نص البيت
شيماء / ومالو ياختش مش عيب
رحمة / اشطااااااا داحنا هنرجع ايام زمان ياموكوسة
شهد /هاطلع انام شوية وطلعت لنص السلم
شيماء / بصريخ حاسبى ياشابة هتقعى وطلعت تجرى سندتها
الحاجة نبيلة/ ايه فى ايه
شيماء / مش عارفة كانت هتقع انزلى براحة
نزلت شهد ونامت على الكنبة
رحمة/ انا هانزل اجيب ليها دكتور فوزى
شهد / لا بالله عليكى انا اما انام و افوق هااتصل بدكتور ناصر واشوف هيقولى ايه
شيماء / طب هاجيبلك شوية نعناع من عند ستى اعملهملك
الحاجة نبيلة / ماشى بسرعة ياشيماء
رحمة / يابنتى تعالى اكشف عليكى ولا اجيبلك الدكتور هنا
شهد / هنام شوية وهابقى كويسة
الحاجة نبيلة / يمكن تكونى حامل يابنتى
شهد/ ايه معقول لا لا لا مش ممكن هاتى الفون اللى جنبك يارحمة
رحمة / اتفضلى ياحبيبتى
شهد/ طلبت دكتور ناصر
دكتور / اهلا اكيد وحشتك انا عارف انك حبتينى
شهد/ اكيد يادكتور مش اخويا بقولك انا حاسة انى دايخة ومعدتى بتوجعنى وبرجع اعمل ايه
دكتور ناصر / اوبااااااا 90٪ انتى حامل ياهانم
شهد / طب ازاى والنزيف اللى كان عندى
دكتور ناصر / ما انا كنت متوقع يحصل كده انا مردتش اعمل ليكى تنضيف للرحم
شهد / انت متأكد من كلامك ده
دكتور ناصر./ شووورر كان ميعاد التبويض وحصل الحمل عادى ياهانم حاولى ترجعى لزوجك ولمى الدور بقى
شهد/ مستحيل ارجعله دول هيكونوا ولادى انا وبس
دكتور ناصر / لية ياماما هو انت حامل فى سبعة ههههه
شهد / مهما كان هو صفحة واتقفلت
دكتور ناصر / اعملى تحليل وابعتهلولى وتابعى مع دكتور وخلية يكلمنى علشان ابقى متابع معاه لانك بجد بنتى ربنا يقدملك اللى فيه الخير
شهد / يارب اشكرك تعباك معايا
دكتور ناصر/ اقفلى يابت انا مشغول
شهد / مع الف سلامة
الحاجة نبيلة / ها قالك ايه
شهد/ زى كلامك ياماما
رحمة / الف مبروك ياحبيبتى
الحاجة نبيلة / هو انتى هتحتفظى بالجنين
شهد/ لا................
رواية / انا لست ضعيفة
الفصل ( 12 )
*************
الحاجة نبيلة/ ها قالك ايه
شهد/ زى كلامك ياماما
الحاجة نبيلة/ هو انتى هتحتفظى بالجنين
شهد/ لازم احتفظ بيه ياماما ده هدية من ربنا اشكرك يارب الحمد لله
الحاجة نبيلة/ طب وابوه مش هيعرف
شهد لا طبعا ده ابنى او بنتى انا وبس مستحيل هو يعرف علشان ميلويش دراعى بيه ويرجعنى لرحلة العذاب من تانى
رحمة / الف مبروك اهدى ياشهد بلاش تتعصبى علشان متتعبيش
شهد / حاضر وهاريح شوية واقوم اساعدكم
رحمة / ماشى وجابت غطى وغطتها
شيماء / النعناع ياشابة عملته عند ستى اشربى
الحاجة نبيلة / قومى اشربى شوية ونامى تانى
شهد / هانام الاول شوية
رحمة /يلا يا رخمة ننضف المكان
شيماء / هى مالها البت دى شكلها جايه تموت هنا اصل المشرحة ناقصة جثث
الحاجة نبيلة/ يلا يالمضة شوفى وراكى ايه
شيماء / طيب بقولك ايه ياخالتشى خاليكى جدعة وحضرى لينا عشا كويس اهو كله بثوابه علشان البنية الغلبانة اللى حنبك
رحمة / اخلصى يا باردة عوزين نخلص
شيماء /يلا يا قمر
رحمة / بصى ابت انا هاديلك فى الشهر. ( ٠٠٠٠٠٠ )
شيماء / موافقة المهم اكون معاكى زى زمان بقولك هى البنية اللى برة دى هتبقى معانا
رحمة / ايوه ولا عند حضرتك مانع
شيماء/ لا ياختش انا عندى القولون
رحمة / منك لله لسانك زى مهو
شيماء/ استعنى على الشقا بالله هنبدأ منين
رحمة /من اى مكان يعجبك اخلصى ابت
شيماء / حاضر يابلتى ياجمالك يابت ياشوشو والله انتى خسارة فى البلد دى
رحمة / انتى بتكلمى نفسك ياهبلة
الحاجة نبيلة/ انا جيت اشتغل معاكم علشان نخلص
شيماء / لا ياخالتش والله مايحصل روحى اعملى لينا فراخ ومكرونة نفسى فيهم والبت زهيرة حالفة ماتعمل مكرونة تقوليش صاحب الشركة كان زوج امها
رحمة / ههههه يخربيتك افصلى زمانك كرهتيها فىها
شيماء /ابدأ والله كنت بعملها كل يوم بس
الحاجة نبيلة / هاروح احضر الاكل الامر لله وحده
رحمة/ خلى بالك من شهد بلاش تاجى هنا
الحاجة نبيلة / بت ياسوسة عوزة الفراخ شكلها ايه
شيماء / احشيها بط ياخالتش
رحمة / امشى يابت مش عوزاكى معايا
شيماء / لا ياحبى انا لزقة بغيره
نرجع لجاسر
خالد / خرج مع جاسر و رواحوا يتمشوا مع بعض
خالد / فك شوية يابنى كده غلط
جاسر /مش قادر انسى منظرها وهى متبهدلة ولما كانت بتنزف وانا شايلها كانت شبة ميتة وبعد كده سامحتنى ورفضت تبلغ عنى وقالت انها وقعت من على السلم
خالد / معلش فكك منها واهو عندك سهام بنت كويسة وبيحبك وصدقنى هتسعدك
جاسر / ههههه فى فرق كبير بين سهام وشهد سهام لو ضغطت عليها شوية هاخد منها اللى انا عوزة انما شهد كانت بالحلال ورافضة علشان حست انها مجبرة على الزواج منى شوفت الفرق
خالد / عارف ياصاحبى بس حاول تنسى وعيش حياتك شهد خلاص صفحة واقفلها
جاسر / بغيظ انت بتقول ايه مستحيل حد يدخل حياتى غير شهد
خالد/ هى فيها ايه زيادة عن غيرها
جاسر / عندها كرامة وعزة نفس ودى مش موجودة دلوقت
خالد /طب وسواق التاكسى قال ايه
جاسر/تصور انها ركبت معاه شارعين ونزلت وعطيتة اجرتة ومشت
خالد / شكلها كانت مرتبة لكل حاجة مسبتش اثر وراها
جاسر / مهو ده اللى مجنينى بجد
خالد / بجد خسارة اللى زى دى الواحد يبعد عنها
جاسر / انا مسافر فرع الشركة فى فرنسا عوزك ترجع الشركة ماشى
خالد / لا انا مرتاح كده متشكر
جاسر /طب لو قولت ليك انى محتاجك بجد بكون مطمن وانت مكانى اسف لو كنت زعلتك ياصاحبى
خالد/خلاص هاشوف ظروفى وارد عليك
جاسر/ لا انا مضيت قرار تعينك نائب عنى
خالد / تمام ياصاحبى بس عوز منك خدمة
جاسر / تحت امرك افهم هى ايه
خالد / انا سامع ان سهام متقدم ليها عريس كويس وهى رافضة وابوها مبهدلها
جاسر / عوزنى اقنعها توافق
خالد / ياريت اخوها اترجانى اطلب منك ياتتقدم ليها ياتبعدها عنك
جاسر / انا مشوفتهاش من شهرين وحاطت رقمها فى البلاك
خالد/ انا هاكلمها وانت تعالى وقولها كده
جاسر / اوكية حدد المكان وبلغنى
خالد / هتسافر امتى
جاسر / بعد اسبوع وهافضل هناك وانت ممكن تتصرف وتشوف حد يدور على شهد انا تعبت من اللف عليها
خالد / حاضر يابوص
جاسر / هاروح عوز انام حاسس انى مرهق جدا
خالد / تمام يلا نمشى
رحاب / بابا محدش عرف حاجة عن شهد
الحاج مسعد / لا يابنتى زى متكون الارض انشقت وبلعتها
رحاب / دى جابت اخرها بجد استحملة قرف فريدة وتجاهل عمى حسين ليها خوف من مرأتة وجم غصبوا عليها بالزواجة السودة دى وفى الاخر زوجها يعاملها معاملة زفت منه لله
الحاج مسعد / عندك حق كلنا غلطنا فى حقها
رحاب / تصدق يا بابا شهد ماكلتش فى بيتها من خمس سنين ونص كل اكلها من الشارع
الحاج مسعد / معقول كل ده طب ليه
رحاب / علشان الزفتة فريدة اخدت الاكل من قدمها وقالتليها ده من حق اولادها
الحاج مسعد / وليه مقلتش لابوها
رحاب / انسى ان ابوها يقدر يفتح بقة مع فريدة
الحاج مسعد / كنتى جيبها تاكل هنا
رحاب / دى شهد اللى عندها عزة نفس حاولت كتير وهى رفضت حسبى الله فى من ظلمها
الحاج مسعد / انا دلوقت بس اتاكدت ان شهد بخير وهبقى زى الفل
رحاب /ازاى يا بابا فهمنى
الحاج مسعد / شهد دلوقت حطت ادامها هدف انها مش هتخلى حد يكسرها تانى بكرة تبقى حاجة الكل يفتخر بيها
رحاب / يارب يوفقها هاروح اشوف مشيرة زمان الزفتة فريدة ممرطها تحتها وتحت اعيالها
الحاج مسعد / ابقى خليها تاجى تقعد معاكى شوية و راجعى معاها امتحاناتها قربت
رحاب/ حاضر يابابا ماما عوزة حاجة اجيبها من تحت معايا
ام رحاب / هاتى عيش وجبن ولبن
رحاب/ حاضر
صباح يوم جديد
رحمة /يلا ياشهد علشان ناجى بدرى
شهد / تعالى معانا ياماما
الحاجة نبيلة/ حاضر بس بشرط تكشفى بالمرة
رحمة / ايوه ياشهود علشان نطمن عليكى
شيماء / مالك ياشابة اوعك تفطسى هنا وندبس فيكى
شهد/ هههه متخفيش ياختى مش هاموت دلوقت
شيماء / امال امتة بقى
الحاجة نبيلة / بطلوا غلبه بقى هو اسطى ماهر مجاش ليه
رحمة/ جاى اهو يلا اركبى قدام انتى ياشهد
الاسطى ماهر / لرحمة. ازيك ياست البنات عاملة ايه ياحاجة نبيلة
شيماء / ده على اساس انا والبت الغلبانة دى شيئ شفاف مش شايفنا
شهد/ هههه انتى مشكلة افصلى بئا
رحمة خبطتها فى كتفها /اخرسى خالص
الاسطى ماهر / على فين ان شاء الله
الحاجة نبيلة / نزلنى انا وشهد عند ........