رواية زوجتي من الريف الفصل العاشر10 بقلم رنا ياسر

رواية زوجتي من الريف الفصل العاشر10 بقلم رنا ياسر

ﺍﺳﺘﻴﻘﻈﺖ ﻓﺮﺣﻪ ﻭﻓﺘﺤﺖ ﻋﻴﻨﻴﻬﺎ ﻓﻮﺟﺪﺕ ﻓﺎﺭﺱ ﻳﻘﻒ ﺃﻣﺎﻡ ﺍﻟﻤﺮﺁﻩ ﻣﺮﺗﺪﻱ ﺑﺪﻟﺘﻪ ﺍﻟﺴﻮﺩﺍﺀ ﻭﻳﻤﺸﻂ ﺷﻌﺮﻩ

ﻓﺮﺣﻪ ﺑﺈﺳﺘﻐﺮﺍﺏ :

_ ﺭﺍﻳﺢ ﻓﻴﻦ ﻳﺎ ﻓﺎﺭﺱ ﻣﺶ ﺍﻧﺖ ﻗﻮﻟﺖ ﺃﻥ ﺍﻻﺳﺒﻮﻉ ﺩﻩ ﻛﻠﻪ ﺍﺟﺎﺯﻩ

ﻓﺎﺭﺱ ﺑﻌﺪﻡ ﺍﻛﺘﺮﺍﺙ :

_ ﺭﺍﻳﺢ ﻣﺸﻮﺍﺭ

ﻧﻬﻀﺖ ﻓﺮﺣﻪ ﻣﻦ ﻋﻠﻲ ﺍﻟﻔﺮﺍﺵ ﻭﻫﻲ ﺗﻬﺘﻒ ﺑﺈﻧﻔﻌﺎﻝ :

_ ﻣﺸﻮﺍﺭ ﺍﻳﻪ ﺇﻥ ﺷﺎﺀ ﺍﻟﻠﻪ ﻭﻻ ﺭﺍﻳﺢ ﻟﺴﻴﻠﻴﻦ ﻫﺎﻧﻢ

ﻓﺎﺭﺱ ﺑﺈﺑﺘﺴﺎﻣﻪ ﻣﺴﺘﻔﺰﻩ :

_ ﻃﻠﻌﺘﻲ ﺫﻛﻴﻪ ﺍﻩ ﻋﻨﺪﻱ ﺷﻐﻞ ﺍﻧﺎ ﻭﺳﻴﻠﻴﻦ

ﻓﺮﺣﻪ ﺑﻐﻀﺐ :

_ ﺷﻐﻞ ﺍﻳﻪ ﺍﻟﻠﻲ ﺑﺘﻌﻤﻠﻪ ﻣﻊ ﺳﻴﻠﻴﻦ ﺑﺲ ﻭﺑﻌﺪﻳﻦ ﻣﺎﻟﻚ ﻣﺘﺸﻴﻚ ﻛﺪﻩ ﻟﻴﻪ ﻣﺶ ﻫﻮ ﺷﻐﻞ ﻋﺎﺩﻱ

ﻓﺎﺭﺱ ﺑﺘﺄﻓﻒ :

_ ﻓﺮﺣﻪ ﻣﺘﺘﻜﻠﻤﻴﺶ ﻛﺘﻴﺮ ﻋﻠﻲ ﺍﻟﺼﺒﺢ ﻋﺸﺎﻥ ﻣﺶ ﻃﺎﻳﻖ ﻧﻔﺴﻲ ﻭﺑﻌﺪﻳﻦ ﻣﺎ ﺍﻧﺎ ﻛﻞ ﻳﻮﻡ ﺑﺒﻘﺎ ﻣﺘﺸﻴﻚ ﻳﻌﻨﻲ

ﻓﺮﺣﻪ ﺑﻀﻴﻖ :

_ ﻣﺎﺷﻲ ﻳﺎ ﻓﺎﺭﺱ ﺍﻣﺸﻲ

ﻓﺎﺭﺱ ﻭﻫﻮ ﻳﻀﻊ ﻣﻦ ﻋﻄﺮﻩ ﺫﻭ ﺍﻟﺮﺍﺋﺤﺔ ﺍﻟﻘﻮﻳﻪ :

_ ﻳﻼ ﺑﺎﻱ ﻋﺎﻳﺰﻩ ﺣﺎﺟﻪ

ﻓﺮﺣﻪ ﺑﺠﺪﻳﻪ :

_ ﻻ ﺷﻜﺮﺍ

ﻓﺎﺭﺱ ﺑﺈﺑﺘﺴﺎﻣﻪ :

_ ﻓﺮﺣﻪ ﺩﻩ ﻣﺠﺮﺩ ﺷﻐﻞ ﻳﺎ ﺣﺒﻴﺒﺘﻲ

ﺍﺳﺘﻐﺮﺑﺖ ﻓﺮﺣﻪ ﻣﻦ ﻃﺮﻳﻘﺘﻪ ﻓﻠﻤﺎﺫﺍ ﻳﺒﺮﺭ ﻟﻬﺎ ﻣﻮﻗﻔﻪ ﻭﻫﻮ ﻓﻲ ﻛﻞ ﻣﺮﻩ ﻳﺤﺎﻭﻝ ﻣﻀﺎﻳﻘﺘﻬﺎ

ﻓﺮﺣﻪ ﺑﺈﻳﺠﺎﺏ :

_ ﻣﺎﺷﻲ ﻳﺎ ﻓﺎﺭﺱ ﻭﺍﻧﺎ ﻣﺼﺪﻗﺎﻙ ﺃﻧﻪ ﻣﺠﺮﺩ ﺷﻐﻞ

ﺍﻧﺎ ﻫﻨﺰﻝ ﺍﻟﻨﻬﺎﺭﺩﻩ ﻋﻘﺒﺎﻝ ﻣﺎ ﺍﻧﺖ ﺗﻴﺠﻲ

ﻓﺎﺭﺱ ﺑﺈﺳﺘﻔﻬﺎﻡ :

_ ﻫﺘﺮﻭﺣﻲ ﻓﻴﻦ ؟

ﻓﺮﺣﻪ ﺑﺈﺭﺗﺒﺎﻙ :

_ ﺍﺍﺍ ﻣﺶ ﻋﺎﺭﻓﻪ ﻫﺘﻤﺸﻲ ﺷﻮﻳﻪ ﺃﻭ ﺍﺭﻭﺡ ﺍﻱ ﻧﺎﺩﻱ ﻳﻌﻨﻲ ﻣﺶ ﻋﺎﺭﻓﻪ ﻟﺴﻪ

ﻓﺎﺭﺱ ﺑﻤﻮﺍﻗﻔﻪ :

_ ﺍﻭﻛﻴﻪ ﻳﺎ ﺣﺒﻴﺒﺘﻲ

ﻓﺮﺣﻪ ﺑﺈﺳﺘﻐﺮﺍﺏ :

_ ﻓﺎﺭﺱ ﺍﻧﺖ ﻛﻮﻳﺲ ﻳﺎ ﺣﺒﻴﺒﻲ

ﺍﻧﺖ ﺗﻌﺒﺎﻥ ﻭﻻ ﺣﺎﺟﻪ ؟

ﻓﺎﺭﺱ ﺑﻀﺤﻚ :

_ ﻟﻴﻪ ﻳﻌﻨﻲ ﻣﺎ ﺍﻧﺎ ﻛﻮﻳﺲ ﻗﺪﺍﻣﻚ ﺍﻫﻮ

ﻓﺮﺣﻪ ﻭﻫﻲ ﺗﻀﻊ ﻳﺪﻫﺎ ﻋﻠﻲ ﺟﺒﻴﻨﻪ :

_ ﻃﻴﺐ ﻣﺎ ﺍﻧﺖ ﻣﺶ ﺳﺨﻦ ﺍﻫﻮ ﺍﻭﻣﺎﻝ ﻣﺎﻟﻚ

ﻓﺎﺭﺱ ﺑﺠﺪﻳﻪ ﻣﺼﻄﻨﻌﻪ :

_ ﻣﺎﻟﻴﺶ ﻳﺎ ﺣﺒﻴﺒﺘﻲ ﻫﻮ ﻓﻲ ﺍﻳﻪ

ﻓﺮﺣﻪ ﺑﺈﻳﺠﺎﺏ :

_ ﺍﻧﺖ ﺑﺘﻘﻮﻝ ﺣﺒﻴﺒﺘﻲ ﻭﺑﺘﺘﻜﻠﻢ ﺑﻄﺮﻳﻘﻪ ﻏﺮﻳﺒﻪ ﻣﺶ ﻋﺎﺭﻓﻪ ﻣﺎﻟﻚ

ﺷﻜﻠﻚ ﻋﺎﻣﻞ ﻣﺼﻴﺒﻪ ﺃﻭ ﻫﺘﻌﻤﻞ ﻣﺶ ﻣﺘﺄﻛﺪﻩ

ﻓﺎﺭﺱ ﺑﻀﺤﻚ :

_ ﻣﺎﺷﻲ ﻳﺎ ﺣﺒﻴﺒﺘﻲ ﺍﻧﺎ ﻧﺎﺯﻝ ﺑﻘﺎ ﻋﻠﺸﺎﻥ ﻣﺘﺄﺧﺮﺵ ﻣﻊ ﺍﻟﺴﻼﻣﻪ

ﻓﺮﺣﻪ ﺑﺸﺮﻭﺩ :

_ ﺍﻣﻢ ﻣﻊ ﺍﻟﺴﻼﻣﻪ

ﻏﺎﺩﺭ ﻓﺎﺭﺱ ﺍﻟﻤﻨﺰﻝ

ﺃﻣﺎ ﻓﺮﺣﻪ ﻓﻘﺪ ﺫﻫﺒﺖ ﺍﻟﻲ ﺍﻟﻤﻄﺒﺦ ﻟﺘﻌﺪ ﺍﻟﻐﺪﺍﺀ ﻗﺒﻞ ﺃﻥ ﺗﻨﺰﻝ

ﻓﺮﺣﻪ ﻟﻨﻔﺴﻬﺎ :

_ ﻓﻴﻪ ﺍﻳﻪ ﻣﺎﻟﻪ ﺍﻟﻨﻬﺎﺭﺩﻩ ﻋﺎﻣﻞ ﻛﺪﻩ ﻟﻴﻪ

ﺍﻛﻴﺪ ﺍﻟﻤﺸﻜﻠﻪ ﺍﻟﻠﻲ ﻓﻲ ﺍﻟﺸﻐﻞ ﺍﻟﻠﻲ ﻛﺎﻧﺖ ﻣﻌﺼﺒﺎﻩ

ﺍﺗﺤﻠﺖ ﻣﺜﻼ

ﻓﺠﺄﻩ ﺻﺮﺧﺖ ﺑﺈﻧﻔﻌﺎﻝ ﻗﺎﺋﻠﻪ :

_ ﻟﻴﻜﻮﻥ ﻣﺒﺴﻮﻁ ﻋﺸﺎﻥ ﺭﺍﻳﺢ ﻟﻠﺰﻓﺘﻪ ﺳﻴﻠﻴﻦ

ﺍﻭ ﻭﺍﻓﻘﺖ ﺍﻧﻬﺎ ﺗﺘﺠﻮﺯﻭ ﻣﺜﻼ ﺍﻭ ﻫﻴﺨﺮﺟﻮﺍ ﻣﻊ ﺑﻌﺾ

ﻳﺘﻔﺴﺤﻮﺍ ﻻ ﻻ ﻣﺶ ﻣﻌﻘﻮﻝ

ﺍﻧﺎ ﻣﺶ ﻫﺮﻭﺡ ﻓﻲ ﺣﺘﻪ ﺍﻟﻨﻬﺎﺭﺩﻩ ﺍﻧﺎ ﻫﺮﻭﺡ ﺍﺭﺍﻗﺒﻬﻢ

ﺫﻫﺒﺖ ﻓﺮﺣﻪ ﺑﺴﺮﻋﻪ ﺍﻟﻲ ﻏﺮﻓﺘﻬﺎ ﻭﺍﺭﺗﺪﺕ ﻋﺒﺎﺀﺗﻬﺎ ﻭﻃﺮﺣﺘﻬﺎ ﻭﺍﺭﺗﺪﺕ ﺍﺣﺪﻱ ﻧﻈﺎﺭﺍﺕ ﻓﺎﺭﺱ ﺍﻟﺸﻤﺴﻴﻪ ﺣﺘﻲ ﻻ ﻳﻌﺮﻓﻬﺎ ﻭﺃﺧﺬﺕ ﻣﻌﻬﺎ ﻣﺎﻝ ﻛﺎﻓﻲ ﺣﺘﻲ ﺗﺴﺘﻄﻴﻊ ﺃﻥ ﺗﺪﺧﻞ ﺍﻱ ﻣﻜﺎﻥ ﻳﺪﺧﻠﻪ ﻓﺎﺭﺱ

ﻭﻧﺰﻟﺖ ﻭﺭﻛﺒﺖ ﺍﺣﺪﻱ ﺳﻴﺎﺭﺍﺕ ﺍﻻﺟﺮﻩ

ﻓﺮﺣﻪ ﺑﺠﺪﻳﻪ :

_ ﻟﻮ ﺳﻤﺤﺖ ﺧﻠﻴﻚ ﻭﺭﺍ ﺍﻟﻌﺮﺑﻴﻪ ﺍﻟﺴﻮﺩﻩ ﺩﻳﻪ

ﺍﻟﺴﺎﺋﻖ ﺑﺈﺳﺘﻐﺮﺍﺏ :

_ ﻟﻴﻪ ﺣﻀﺮﺗﻚ ﺑﺘﺮﺍﻗﺒﻴﻪ

ﻓﺮﺣﻪ ﺑﺸﺪﻩ :

_ ﻭﺍﻧﺖ ﻣﺎﻟﻚ ﻣﺶ ﻋﺎﻳﺰ ﺗﻤﺸﻲ ﻗﻮﻝ ﻭﺍﻧﺎ ﺍﺭﻛﺐ ﺗﺎﻛﺴﻲ ﺗﺎﻧﻲ

ﺍﻟﺴﺎﺋﻖ ﺑﻬﺪﻭﺀ :

_ ﻻﺣﻀﺮﺗﻚ ﺍﻧﺎ ﺑﺴﺄﻝ ﺑﺲ ﻳﻌﻨﻲ ﺍﻧﺎ ﺍﺳﻒ

ﻓﺮﺣﻪ ﺑﺈﺣﺮﺍﺝ :

_ ﻻ ﺣﻀﺮﺗﻚ ﺍﻧﺎ ﺍﻟﻠﻲ ﺍﺳﻔﻪ ﻣﻘﺼﺪﺵ

ﺑﺲ ﺍﺻﻞ ﺍﻧﺎ ﻣﺘﻌﺼﺒﻪ ﺷﻮﻳﻪ

ﺍﻟﺴﺎﺋﻖ :

_ ﻭﻻ ﻳﻬﻤﻚ

ﻓﺮﺣﻪ ﺑﺠﺪﻳﻪ :

_ ﺑﺲ ﻟﻮ ﺳﻤﺤﺖ ﻣﺘﺨﻠﻴﻬﻮﺵ ﻳﺎﺧﺪ ﺑﺎﻟﻪ ﺍﻧﻨﺎ ﻣﺎﺷﻴﻴﻦ ﻭﺭﺍﻩ

ﺍﻟﺴﺎﺋﻖ ﺑﺈﻳﺠﺎﺏ :

_ ﺣﺎﺿﺮ

ﻭﺑﻌﺪ ﻓﺘﺮﻩ ﻭﻗﻔﺖ ﺳﻴﺎﺭﻩ ﻓﺎﺭﺱ ﺃﻣﺎﻡ ﺃﺣﺪ ﺍﻟﻔﻨﺎﺩﻕ ﺍﻟﻔﺨﻤﻪ

ﻭﺧﺮﺝ ﻓﺎﺭﺱ ﻣﻦ ﺳﻴﺎﺭﺗﻪ ﻭﺩﻟﻒ ﺍﻟﻲ ﺍﻟﺪﺍﺧﻞ

ﻓﺮﺣﻪ ﺑﺠﺪﻳﻪ :

_ ﻟﻮ ﺳﻤﺤﺖ ﺍﻗﻒ ﻫﻨﺎ ﺧﻼﺹ

ﺍﻟﺴﺎﺋﻖ ﺑﻤﻮﺍﻓﻘﺔ :

_ ﺣﺎﺿﺮ

ﺃﻋﻄﺖ ﻓﺮﺣﻪ ﺍﻟﺴﺎﺋﻖ ﺃﺟﺮﺗﻪ ﻭﺩﻟﻔﺖ ﺍﻟﻲ ﺍﻟﻔﻨﺪﻕ

ﻛﺎﻥ ﺍﻟﻔﻨﺪﻕ ﻛﺒﻴﺮ ﻟﻠﻐﺎﻳﻪ ﻛﺎﻧﺖ ﻓﺮﺣﻪ ﺗﺸﻌﺮ ﺃﻧﻬﺎ ﺗﺎﺋﻬﻪ ﻓﻲ ﻫﺬﺍ ﺍﻟﻤﻜﺎﻥ ﺍﻟﻜﺒﻴﺮ ﻭﺟﺪﺕ ﺍﺣﺪﻱ ﺍﻻﻧﺴﺎﺕ ﺍﻟﺬﻳﻦ ﻳﻌﻤﻠﻮﻥ ﻫﻨﺎﻙ

ﻓﺮﺣﻪ ﺑﺈﺳﺘﻔﻬﺎﻡ :

_ ﻟﻮ ﺳﻤﺤﺘﻲ ﻣﻤﻜﻦ ﺳﺆﺍﻝ

ﺍﻟﻔﺘﺎﻩ ﺑﺈﺑﺘﺴﺎﻣﻪ :

_ ﺍﺗﻔﻀﻠﻲ ﻳﺎ ﻓﻨﺪﻡ

ﻓﺮﺣﻪ ﺑﺠﺪﻳﻪ :

_ ﻫﻮ ﻫﻨﺎ ﻓﻴﻪ ﻣﻜﺎﻥ ﺑﻴﻘﻌﺪﻭ ﻓﻴﻪ ﻣﺜﻼ ﻳﺘﻜﻠﻤﻮﺍ ﻓﻲ ﺷﻐﻞ ﺃﻭ ﻛﺪﻩ

ﺍﻟﻔﺘﺎﻩ ﺑﺈﻳﺠﺎﺏ :

_ ﺍﻩ ﻳﺎ ﻓﻨﺪﻡ ﻓﻴﻪ ﻫﻨﺎ ﻣﻜﺎﻥ ﻟﻠﻘﻌﺪﺍﺕ ﻭﺍﻷﻛﻞ ﻭﺍﻟﺸﺮﺏ ﻭﻛﺪﻩ ﻭﻓﻴﻪ ﻧﺎﺱ ﺑﻴﺠﻮ ﻳﻘﻌﺪﻭ ﻳﺘﻜﻠﻤﻮ ﻓﻲ ﺑﻴﺰﻧﺲ ﺃﻭ ﻛﺪﻩ

ﻓﺮﺣﻪ ﺑﺸﻜﺮ :

_ ﻣﺎﺷﻲ ﺷﻜﺮﺍ ﺑﺲ ﻣﻌﻠﺸﻲ ﻗﻮﻟﻴﻠﻲ ﻓﻴﻦ ﻳﻌﻨﻲ ﺍﻟﻤﻜﺎﻥ

ﺍﺻﻞ ﺍﻟﻤﻜﺎﻥ ﻛﺒﻴﺮ ﻭﺍﻧﺎ ﺍﻭﻝ ﻣﺮﻩ ﺍﺟﻲ ﻫﻨﺎ

ﺍﻟﻔﺘﺎﻩ ﺑﻤﻮﺍﻓﻘﻪ :

_ ﺍﻭﻛﻴﻪ ﻳﺎ ﻓﻨﺪﻡ ﺍﺗﻔﻀﻠﻲ ﺗﻌﺎﻟﻲ ﻣﻌﺎﻳﺎ

ﺳﺎﺭﺕ ﻓﺮﺣﻪ ﻣﻊ ﺍﻟﺴﻜﺮﺗﺎﺭﻳﻪ ﺣﺘﻲ ﺩﻟﺘﻬﺎ ﻋﻠﻲ ﺍﻟﻤﻜﺎﻥ

ﺍﻟﻔﺘﺎﻩ :

_ ﺍﺗﻔﻀﻠﻲ ﺍﻫﻮ ﺍﻟﻤﻜﺎﻥ

ﺭﺃﺕ ﻓﺮﺣﻪ ﻓﺎﺭﺱ ﻭﻫﻮ ﻳﺠﻠﺲ ﻋﻠﻲ ﺍﺣﺪﻱ ﺍﻟﻄﺎﻭﻻﺕ ﻭﻣﻌﻪ ﻓﺘﺎﻩ ﻟﺒﻨﺎﻧﻴﻪ ﻋﺮﻓﺖ ﻓﺮﺣﻪ ﺍﻧﻬﺎ ﺳﻴﻠﻴﻦ

ﻓﺮﺣﻪ ﺑﺈﺭﺗﺒﺎﻙ :

_ ﺍﻭﻛﻴﻪ ﺷﻜﺮﺍ ﻟﻴﻜﻲ

ﺫﻫﺒﺖ ﻓﺮﺣﻪ ﺑﺴﺮﻋﻪ ﺩﻭﻥ ﺃﻥ ﻳﺮﺍﻫﺎ ﻓﺎﺭﺱ ﻭﺟﻠﺴﺖ ﻋﻠﻲ ﺃﺣﺪ ﺍﻟﻄﺎﻭﻻﺕ ﺍﻟﺘﻲ ﻛﺎﻧﺖ ﺧﻠﻒ ﻓﺎﺭﺱ

ﻛﺎﻧﺖ ﺳﻴﻠﻴﻦ ﻓﻲ ﺍﻟﻜﺮﺳﻲ ﺍﻟﺬﻱ ﺃﻣﺎﻡ ﻓﺮﺣﻪ

ﻛﺎﻧﺖ ﻓﺮﺣﻪ ﺗﺸﻌﺮ ﺑﺎﻟﻐﻴﺮﺓ ﺍﻟﺸﺪﻳﺪﺓ ﻣﻦ ﺳﻴﻠﻴﻦ ﻓﻘﺪ ﻛﺎﻧﺖ ﺳﻴﻠﻴﻦ ﺗﺮﺗﺪﻱ ﺃﺣﺪ ﺍﻟﻔﺴﺎﺗﻴﻦ ﺍﻟﻘﺼﻴﺮﺓ ﺑﺈﻃﻼﻟﺔ ﺃﻧﻴﻘﺔ ﻭﻣﺜﻴﺮﺓ ﻭﻛﺎﻧﺖ ﺗﻀﻊ ﺍﻟﻜﺜﻴﺮ ﻣﻦ ﻣﺴﺎﺣﻴﻖ ﺍﻟﺘﺠﻤﻴﻞ ﻭﻟﻜﻨﻬﺎ ﻛﺎﻧﺖ ﺗﻌﻄﻴﻬﺎ ﻣﻈﻬﺮ ﺟﻤﻴﻞ

ﻭﻛﺎﻥ ﺷﻌﺮﻫﺎ ﺑﺎﻟﻠﻮﻥ ﺍﻻﺷﻘﺮ

ﺑﺪﺃﺕ ﺳﻴﻠﻴﻦ ﺑﺎﻟﺘﺤﺪﺙ ﻣﻊ ﻓﺎﺭﺱ ﻭﻛﺎﻧﺖ ﻓﺮﺣﻪ ﻣﻨﺼﺘﻪ ﻟﻬﻢ ﺑﺸﺪﻩ

ﺳﻴﻠﻴﻦ ﺑﺼﻮﺕ ﺃﻧﺜﻮﻱ ﺭﻗﻴﻖ :

_ ﻛﻴﻔﻚ ﺍﺳﺘﺎﺫ ﻓﺎﺭﺱ

ﻓﺎﺭﺱ ﺑﺠﺪﻳﻪ :

_ ﺍﻟﺤﻤﺪﻟﻠﻪ ﻳﺎ ﺍﻧﺴﻪ ﺳﻴﻠﻴﻦ

ﻫﻨﺒﺪﺃ ﻓﻲ ﺍﻟﺸﻐﻞ ﺍﻣﺘﻲ ﻭﺍﻟﺮﺍﺟﻞ ﺍﻟﻠﻲ ﺍﻟﻤﻔﺮﻭﺽ ﻣﻌﺎﻩ ﻋﻘﺪ ﺍﻟﻌﻤﻞ ﺟﺎﻱ ﺍﻣﺘﻲ

ﺳﻴﻠﻴﻦ ﺑﺘﺠﺎﻫﻞ ﻭﺑﻨﻈﺮﺍﺕ ﺍﻋﺠﺎﺏ :

_ ﻭﺍﻟﻠﻪ ﺣﻀﺮﺗﻚ ﻳﺎ ﺍﺳﺘﺎﺫ ﻓﺎﺭﺱ ﺭﭼﺎﻝ ﺍﻧﻴﻖ ﻭﻣﻬﻨﺪﺏ ﻛﺘﻴﺮ

ﻓﺎﺭﺱ ﺑﻀﻴﻖ :

_ ﺷﻜﺮﺍ ﻳﺎ ﺍﻧﺴﻪ ﺳﻴﻠﻴﻦ

ﺍﻇﻦ ﺍﻧﻲ ﻛﻨﺖ ﺑﺴﺄﻟﻚ ﻋﻠﻲ ﺍﻟﺸﻐﻞ ﻳﺎﺭﻳﺖ ﻧﺘﻜﻠﻢ ﻓﻴﻪ ﻋﻠﺸﺎﻥ ﺍﻧﺎ ﻣﺴﺘﻌﺠﻞ

ﺳﻴﻠﻴﻦ ﺑﺈﺣﺮﺍﺝ :

_ ﺗﻤﺎﻡ ﺍﺳﺘﺎﺫ ﻓﺎﺭﺱ

ﺑﺲ ﻧﺸﺮﺏ ﺍﻟﻘﻬﻮﻩ ﺍﻻﻭﻝ

ﻓﺎﺭﺱ ﺑﺠﺪﻳﺔ :

_ ﻫﻨﺸﺮﺑﻬﺎ ﻭﺍﺣﻨﺎ ﺑﻨﺘﻜﻠﻢ ﻓﻲ ﺍﻟﺸﻐﻞ

ﻳﺎﺭﻳﺖ ﺗﺘﺼﻠﻲ ﺑﺎﻻﺳﺘﺎﺫ ﺍﻟﻠﻲ ﻣﻌﺎﻩ ﺍﻟﻌﻘﺪ ﻋﺸﺎﻥ ﻳﻴﺠﻲ ﺣﺎﻻ

ﺳﻴﻠﻴﻦ ﺑﻀﻴﻖ :

_ ﺗﻤﺎﻡ ﻳﺎ ﺍﺳﺘﺎﺫ ﻓﺎﺭﺱ

ﺑﺲ ﻟﻴﺶ ﺍﻧﺖ ﻣﺴﺘﻌﺠﻞ ﻛﺘﻴﺮ

ﻓﺎﺭﺱ ﺑﺸﺪﻩ :

_ ﺍﻇﻦ ﺩﻳﻪ ﺣﺎﺟﻪ ﺗﺨﺼﻨﻲ ﻟﻮ ﺳﻤﺤﺘﻲ ﻟﻮ ﺍﻟﺮﺍﺟﻞ ﻣﺶ ﻫﻴﻴﺠﻲ ﺑﺎﻟﻌﻘﺪ ﺗﻘﻮﻟﻴﻠﻲ ﻋﻠﺸﺎﻥ ﺍﻣﺸﻲ ﻭﻣﻀﻴﻌﺶ ﻭﻗﺖ

ﺳﻴﻠﻴﻦ ﺑﺤﺰﻥ ﻣﺼﻄﻨﻊ :

_ ﻻ ﺟﺎﻱ ﺑﺲ ﺍﻧﺖ ﻟﻴﺶ ﻣﺶ ﻃﺎﻳﻘﻨﻲ

ﻓﺎﺭﺱ ﺑﺠﺮﺃﺓ :

_ ﻣﺶ ﺣﻜﺎﻳﻪ ﻣﺶ ﻃﺎﻳﻘﻚ ﺑﺲ ﻣﺒﺤﺒﺶ ﺍﻟﻄﺮﻳﻘﻪ ﺩﻱ ﻓﻲ ﺍﻟﻜﻼﻡ ﻭﺑﻌﺪﻳﻦ ﺍﻧﺎ ﺭﺍﺟﻞ ﻣﺘﺠﻮﺯ ﺣﻀﺮﺗﻚ

ﺳﻴﻠﻴﻦ ﺑﻐﻀﺐ :

_ ﻭﺍﻧﺎ ﺷﻮ ﻋﻤﻠﺖ ﻟﺘﻀﺎﻳﻖ ﻣﻨﻲ ﻫﻴﻚ

ﻓﺮﺣﻪ ﻟﻨﻔﺴﻬﺎ :

_ ﻣﻌﻤﻠﺘﻴﺶ ﺣﺎﺟﻪ ﻳﺎﺧﺘﻲ ﺷﻜﻠﻲ ﻫﻘﻮﻡ ﺍﺟﻴﺒﻚ ﻣﻦ ﺷﻌﺮﻙ

ﻓﺎﺭﺱ ﺑﺘﺠﺎﻫﻞ :

_ ﺧﻼﺹ ﻳﺎ ﺍﻧﺴﻪ ﺳﻴﻠﻴﻦ

ﺍﻟﻤﻬﻢ ﺍﻟﺮﺍﺟﻞ ﻭﺻﻞ ﺍﺧﻴﺮﺍ

ﭼﻮﺭﺝ ﺑﺈﺑﺘﺴﺎﻣﻪ :

_ ﺍﻫﻼ ﻭﺳﻬﻼ ﻛﻴﻔﻜﻢ

ﻓﺎﺭﺱ ﻭﺳﻴﻠﻴﻦ :

_ ﺗﻤﺎﻡ ﺍﺳﺘﺎﺫ ﺟﻮﺭﺝ

ﻓﺮﺣﻪ ﻟﻨﻔﺴﻬﺎ :

_ ﺍﺧﻴﺮﺍ ﺟﻴﻪ ﭼﻮﺭﭺ ﺩﻩ ﺍﻧﺎ ﻛﺎﻥ ﻓﺎﺿﻠﻲ ﺛﺎﻧﻴﻪ ﻭﺃﻗﻮﻡ ﺍﺟﻴﺒﻬﺎ ﻣﻦ ﺷﻌﺮﻫﺎ

ﺑﺪﺃ ﻓﺎﺭﺱ ﻭﺟﻮﺭﺝ ﻟﺘﺤﺪﺛﻮﻥ ﻓﻲ ﺃﻣﻮﺭ ﺍﻟﻌﻤﻞ ﻭﻛﺎﻧﺖ ﺳﻴﻠﻴﻦ ﺗﻨﻈﺮ ﻟﻔﺎﺭﺱ ﺑﻨﻈﺮﺍﺕ ﺇﻋﺠﺎﺏ ﻭﺍﻧﺒﻬﺎﺭ

ﻛﺎﻧﺖ ﻓﺮﺣﻪ ﺗﺴﺘﺸﻴﻂ ﻏﻀﺒﺎ ﻣﻨﻬﺎ

ﻭﺑﻌﺪ ﻭﻗﺖ ﻃﻮﻳﻞ ﺍﻧﺘﻬﻲ ﺍﻟﻌﻤﻞ ﻭﻭﻗﻒ ﻓﺎﺭﺱ ﻭﺻﺎﻓﺢ ﺟﻮﺭﺝ ﻭﺳﻴﻠﻴﻦ

ﻛﺎﻧﺖ ﻓﺮﺣﻪ ﺗﺸﻌﺮ ﺑﺎﻟﻘﻠﻖ ﻭﺍﻟﺘﻮﺗﺮ ﻛﺎﻥ ﺗﺨﺸﻲ ﺍﻥ ﻳﻠﺘﻔﺖ ﻓﺎﺭﺱ

ﻭﻳﺮﺍﻫﺎ ﻭﻟﻜﻦ ﺗﺄﺗﻲ ﺍﻟﺮﻳﺎﺡ ﺑﻤﺎ ﻻ ﺗﺸﺘﻬﻲ ﺍﻟﺴﻔﻦ

ﺍﻟﺘﻔﺖ ﻓﺎﺭﺱ ﺍﻟﻲ ﺍﻟﺨﻠﻒ ﺻﺪﻓﻪ ﻓﺮﺁﻫﺎ

ﻓﺎﺭﺱ ﺑﺼﺪﻣﻪ :

_ ﻓﺮﺣﻪ !

ﺍﻳﻪ ﺍﻟﻠﻲ ﺟﺎﺑﻚ ﻫﻨﺎ

ﻓﺮﺣﻪ ﺑﺈﺭﺗﺒﺎﻙ ﻭﺗﻮﺗﺮ :

_ ﺍﺍﺍﺍﻩ ﺍﺻﻞ ﺍﺻﻞ ..........

ﻓﺎﺭﺱ ﻭﻫﻮ ﻳﻤﺴﻜﻬﺎ ﻣﻦ ﻳﺪﻫﺎ ﺑﻘﻮﻩ :

_ ﺍﺻﻞ ﺍﻳﻪ ﻫﺎ؟ .... ﻳﻼ ﻧﻤﺸﻲ ﻗﺒﻞ ﻣﺎ ﺍﺗﻌﺼﺐ ﻋﻠﻴﻜﻲ ﻗﺪﺍﻡ ﺍﻟﻨﺎﺱ

ﺣﺴﺎﺑﻚ ﻣﻌﺎﻳﺎ ﻓﻲ ﺍﻟﺒﻴﺖ

ﺃﺧﺬﻫﺎ ﻓﺎﺭﺱ ﻭﺭﻛﺒﻮﺍ ﺍﻟﺴﻴﺎﺭﻩ ﻫﻤﺎ ﺍﻻﺛﻨﻴﻦ

ﻓﺎﺭﺱ ﺑﻐﻀﺐ :

_ ﺍﻳﻪ ﺍﻟﻠﻲ ﺟﺎﺑﻚ ﻭﺭﺍﻳﺎ ﻳﺎ ﻓﺮﺣﻪ ﻣﺶ ﻗﻮﻟﺘﻲ ﻫﺘﺨﺮﺟﻲ ﻭﻻ ﺑﺘﻜﺪﺑﻲ ﻋﻠﻴﺎ ؟

ﻓﺮﺣﻪ ﺑﺨﻮﻑ :

_ ﻻ ﻭﺍﻟﻠﻪ ﻣﻜﻨﺘﺶ ﺑﻜﺪﺏ ﻋﻠﻴﻚ ........ ﻗﺎﻃﻌﻬﺎ ﻓﺎﺭﺱ ﺑﺸﺪﻩ :

_ ﺍﻭﻣﺎﻝ ﺍﻳﻪ ؟

ﻓﺮﺣﻪ ﺑﺘﻮﺗﺮ ﻭﺍﺭﺗﺒﺎﻙ :

_ ﺍﻧﺎ ﻟﻤﺎ ﻗﻮﻟﺘﻠﻚ ﺍﻧﻲ ﻫﺨﺮﺝ ﺍﺭﻭﺡ ﺍﺗﻤﺸﻲ ﻭﻛﺪﻩ ﻛﻨﺖ ﻫﻌﻤﻞ ﻛﺪﻩ ﻭﺍﻟﻠﻪ ﺑﺲ

ﻓﺎﺭﺱ ﺑﺸﺪﻩ :

_ ﺑﺲ ﺍﻳﻪ ﻋﺎﻳﺰ ﺍﻓﻬﻢ ؟

ﻓﺮﺣﻪ ﺑﺠﺪﻳﻪ ﻣﺼﻄﻨﻌﻪ :

_ ﻋﺎﻳﺰﻧﻲ ﺍﻋﻤﻞ ﺍﻳﻪ ﻳﻌﻨﻲ ﻭﺍﻧﺎ ﻋﺎﺭﻓﻪ ﺍﻧﻚ ﻫﺘﺨﺮﺝ ﻣﻊ ﺍﻟﺒﻨﺖ ﺍﻟﻠﻲ ﻛﻨﺖ ﻋﻤﺎﻝ ﺗﻤﺪﺡ ﻓﻴﻬﺎ ﻭﺗﻘﻮﻟﻲ ﺟﻤﻴﻠﻪ ﻭﻟﺒﻨﺎﻧﻴﻪ ﻭﻭﻭﻭ

ﺍﻟﻤﻔﺮﻭﺽ ﺍﻧﻲ ﺍﻗﻌﺪ ﻋﺎﺩﻱ ﻛﺪﻩ

ﻓﺎﺭﺱ ﺑﺸﺪﻩ :

_ ﻣﺎ ﺍﻧﺎ ﻗﻮﻟﺘﻠﻚ ﺍﻧﻮ ﺷﻐﻞ ﻭﺑﺲ

ﻓﺮﺣﻪ ﺑﺈﻧﻔﻌﺎﻝ :

_ ﻭﺍﻟﻤﻔﺮﻭﺽ ﺍﻧﻲ ﺍﺻﺪﻕ ﻣﺜﻼ

ﻓﺎﺭﺱ ﺑﻐﻀﺐ :

_ ﻣﺎ ﺍﻧﺖ ﺷﻮﻓﺘﻲ ﺑﻨﻔﺴﻚ ﻫﺎﺍﺍﺍ ﺍﻧﻮ ﻛﺎﻥ ﻣﺠﺮﺩ ﺷﻐﻞ ﺑﺲ

ﻓﺮﺣﻪ ﺑﻬﺪﻭﺀ ﻭﺇﺑﺘﺴﺎﻣﻪ :

_ ﺍﻫﺎ ﺷﻮﻓﺖ ﺷﻜﺮﺍ ﺑﺠﺪ ﻳﺎ ﻓﺎﺭﺱ

ﺛﻢ ﻋﺎﺩﺕ ﻟﺸﺪﺗﻬﺎ ﻗﺎﺋﻠﻪ :

_ ﺍﺻﻼ ﺩﻩ ﺍﻟﻠﻲ ﺍﻟﻤﻔﺮﻭﺽ ﺗﻌﻤﻠﻪ

ﻓﺎﺭﺱ ﺑﺸﺪﻩ :

_ ﺑﺲ ﺩﻳﻪ ﻗﻠﺔ ﺫﻭﻕ ﻣﻨﻚ ﺍﻧﻚ ﺗﻴﺠﻲ ﺗﺮﺍﻗﺒﻴﻨﻲ ﻳﺎ ﺳﺖ ﻫﺎﻧﻢ

ﻟﻮ ﺣﺼﻠﺖ ﺗﺎﻧﻲ ﻫﺨﻠﻲ ﻟﻴﻠﺘﻚ ﺳﻮﺩﻩ

ﻓﺮﺣﻪ ﺑﺠﺮﺃﻩ :

_ ﻭﺍﻧﺖ ﻟﻮ ﺧﺮﺟﺖ ﻣﻌﺎﻫﺎ ﺗﺎﻧﻲ ﻫﺎﺟﻲ ﻭﺭﺍﻛﻢ ﻋﺎﺩﻱ ﺑﺮﺩﻭ

ﻓﺎﺭﺱ ﺑﻐﻀﺐ :

_ ﻓﺮﺣﻪ ﺍﻧﺖ ﺍﺗﺠﺮﺃﺗﻲ ﺍﻭﻱ ﻭﺑﻘﻴﺘﻲ ﺗﻌﺎﻧﺪﻳﻨﻲ ﻛﻤﺎﻥ

ﻓﺮﺣﻪ ﺑﺠﺪﻳﻪ :

_ ﺍﻩ ﻳﺎ ﻓﺎﺭﺱ ﻣﺶ ﺍﻧﺖ ﺑﺲ ﺍﻟﻠﻲ ﻫﺘﻌﻤﻞ ﺍﻟﻠﻲ ﻋﺎﻳﺰﻩ

ﻓﺎﺭﺱ ﺑﺸﺪﻩ :

_ ﻓﺮﺣﻪ ﺧﻠﻲ ﻳﻮﻣﻚ ﻳﻌﺪﻱ ﻋﻠﻲ ﺧﻴﺮ

ﻓﺮﺣﻪ ﺑﺴﺨﺮﻳﻪ :

_ ﻻ ﻳﺎ ﻓﺎﺭﺱ ﺑﻴﻪ ﻣﺒﻘﺘﺶ ﺍﺧﺎﻑ ﻣﻨﻚ

ﺗﺠﻬﻠﻬﺎ ﻓﺎﺭﺱ ﻷﻧﻪ ﺷﻌﺮ ﺃﻧﻪ ﺳﻴﻨﻔﺠﺮ ﻏﻀﺒﺎ ﻭﺃﺧﺮﺝ ﺳﻴﺠﺎﺭﺗﻪ ﻭﺑﺪﺃ ﻳﺪﺧﻨﻬﺎ ﺑﺸﺮﺍﻫﻪ

ﻓﺮﺣﻪ ﺑﺰﻋﻴﻖ :

_ ﻗﻮﻟﺘﻠﻚ ﻣﻠﻴﻮﻥ ﻣﺮﻩ ﻋﻨﺪﻱ ﺣﺴﺎﺳﻴﻪ ﻭﺑﺘﺨﻨﻖ ﻣﻦ ﺍﻟﺴﺠﺎﻳﺮ ﺍﻃﻔﻴﻬﺎ

ﻓﺎﺭﺱ ﺑﺈﺳﺘﻔﺰﺍﺯ :

_ ﺍﻧﺖ ﺍﻟﻠﻲ ﻋﺼﺒﺘﻴﻨﻲ ﺍﺳﺘﺤﻤﻠﻲ ﺑﻘﺎ ﺍﻟﺪﺧﺎﻥ

ﺟﺬﺑﺖ ﻓﺮﺣﻪ ﺍﻟﺴﻴﺠﺎﺭﻩ ﻣﻦ ﻳﺪﻩ ﻭﻗﺬﻓﺘﻬﺎ ﺑﻌﻴﺪﺍ ﻭﻛﺬﻟﻚ ﻋﻠﺒﻪ ﺍﻟﺴﺠﺎﺋﺮ ﺍﻳﻀﺎ ﺍﻟﺘﻲ ﻛﺎﻧﺖ ﺑﺠﺎﻧﺒﻪ

ﻓﺎﺭﺱ ﺑﺸﺪﻩ :

_ ﺣﻈﻚ ﺇﻥ ﺇﺣﻨﺎ ﻓﻲ ﺍﻟﺸﺎﺭﻉ ﻳﺎ ﻓﺮﺣﻪ ﺑﺲ ﻣﺎﺷﻲ ﻫﺘﺮﻭﺣﻲ ﻣﻨﻲ ﻓﻴﻦ ﻟﻤﺎ ﻧﺮﻭﺡ ﻫﻄﻠﻊ ﻋﻠﻴﻜﻲ ﺍﻟﻠﻲ ﻋﻤﻠﺘﻴﻪ ﻛﻠﻪ ﺍﻟﻨﻬﺎﺭﺩﻩ

****************************

ﻋﻨﺪ ﻓﺮﻳﺪﻩ

ﻛﺎﻧﺖ ﻓﺮﻳﺪﻩ ﺟﺎﻟﺴﻪ ﻓﻲ ﺷﺮﻓﻪ ﻏﺮﻓﺘﻬﺎ ﺗﺒﻜﻲ ﺑﺸﺪﻩ

ﺟﺎﺀﺕ ﺇﻟﻴﻬﺎ ﺻﻐﻴﺮﺗﻬﺎ ﺁﻳﻪ

ﺁﻳﻪ ﺑﺼﻮﺕ ﻃﻔﻮﻟﻲ :

_ ﻣﺎﻣﺎ ﻫﻮ ﺍﺣﻨﺎ ﻫﻨﺮﻭﺡ ﺑﻴﺘﻨﺎ ﻋﻨﺪ ﺑﺎﺑﺎ ﺍﻣﺘﻲ

ﻓﺮﻳﺪﻩ ﺑﺰﻋﻴﻖ :

_ ﻣﺶ ﻫﻨﺮﻭﺡ ﺧﺎﻟﺺ ﻭﻣﺶ ﻋﺎﻳﺰﻩ ﻛﻼﻡ ﺗﺎﻧﻲ ﺳﻮﺍﺀ ﻣﻨﻚ ﺍﻭ ﻣﻦ ﺍﺧﻮﻛﻲ ﺳﺎﻣﻌﻴﻦ

ﺁﻳﻪ ﺑﺒﻜﺎﺀ :

_ ﺍﻧﺖ ﺑﺘﺰﻋﻘﻴﻠﻲ ﻟﻴﻪ ﺍﻧﺎ ﻣﺶ ﻋﻤﻠﺖ ﺣﺎﺟﻪ

ﻓﺮﻳﺪﻩ ﺑﻬﺪﻭﺀ :

_ ﺍﻳﻪ ﺣﺒﻴﺒﺘﻲ ﺭﻭﺣﻲ ﺍﻟﻌﺒﻲ ﺍﻧﺖ ﻭﺍﺧﻮﻛﻲ ﻳﻼ

ﺟﺎﺀ ﺇﻟﻴﻬﻢ ﺇﻳﺎﺩ ﻭﻫﻮ ﻳﻬﺘﻒ ﺑﺼﻮﺕ ﻋﺎﻟﻲ ﻭﺳﻌﻴﺪ :

_ ﺑﺎﺑﺎ ﺟﻴﻪ ﻳﺎ ﻣﺎﻣﺎ ﺗﻌﺎﻟﻲ ﺳﻠﻤﻲ ﻋﻠﻴﻪ ﻳﺎ ﺁﻳﻪ

ﺁﻳﻪ ﺑﻔﺮﺣﻪ :

_ ﻫﻴﻴﻴﻴﻪ ﺑﺎﺑﺎ ﺟﻴﻪ

ﻓﺮﻳﺪﻩ ﺑﺈﻧﻔﻌﺎﻝ :

_ ﺟﺎﻱ ﻟﻴﻪ

ﻣﺎﺷﻲ ﻻﺯﻡ ﻳﻄﻠﻘﻨﻲ ﺣﺎﻻ

ﺧﺮﺟﺖ ﻟﻪ ﻓﺮﻳﺪﻩ ﻭﻫﻲ ﺗﻬﺘﻒ ﺑﻌﺼﺒﻴﻪ :

_ ﺟﺎﻱ ﻟﻴﻪ ﻫﺎ ﺟﺎﻱ ﺗﻜﻤﻞ ﻛﺪﺏ ﻭﻻ ﺟﺎﻱ ﻟﻴﻪ

ﻫﻘﻮﻟﻬﺎﻟﻚ ﻵﺧﺮ ﻣﺮﻩ ﻃﻠﻘﻨﻲ ﻳﺎ ﺃﺣﻤﺪ

ﻛﺎﺩﺕ ﻓﺎﻃﻤﻪ ﺃﻥ ﺗﺮﺩ ﻋﻠﻴﻬﺎ ﻭﻟﻜﻦ ﺃﻭﻗﻔﻬﺎ ﺃﺣﻤﺪ ﻭﻧﻬﺾ ﻣﻦ ﻋﻠﻲ ﻛﺮﺳﻴﻪ ﻭﻭﺿﻊ ﻳﺪﻳﻪ ﻓﻲ ﺟﻴﺒﻪ ﻭﺍﺭﺩﻑ ﻗﺎﺋﻼ :

_ ﺃﻭﻻ ﺍﻧﺎ ﻣﺶ ﺟﺎﻱ ﻏﻴﺮ ﻋﻠﺸﺎﻥ ﺍﻗﻮﻟﻚ ﺃﻥ ﺍﻟﺼﻮﺭ ﻣﻔﺒﺮﻛﻪ ﺩﻩ ﻭﻟﻮ ﺭﺣﺘﻲ ﻻﻱ ﺍﺳﺘﻮﺩﻳﻮ ﺗﺼﻮﻳﺮ ﻫﻴﻘﻮﻟﻚ ﺑﺲ ﺍﻧﺖ ﻏﺒﻴﻪ ﺑﺲ ﺩﻩ ﻣﺶ ﻣﻌﻨﺎﻩ ﺍﻧﻲ ﺑﺪﺍﻓﻊ ﻋﻦ ﻧﻔﺴﻲ ﺃﻭ ﺑﺒﺮﺭﻟﻚ ﺣﺎﺟﻪ ﺍﻧﺎ ﺑﻌﺮﻓﻚ ﺑﺲ

ﺑﺲ ﺍﻟﻤﺮﺍﺩﻱ ﺍﻧﺎ ﺍﻟﻠﻲ ﻣﺶ ﻫﺴﺎﻣﺤﻚ ﻳﺎ ﻓﺮﻳﺪﻩ ﻭﻣﺶ ﻫﺎﺟﻲ ﻫﻨﺎ ﻏﻴﺮ ﻋﻠﺸﺎﻥ ﺍﺷﻮﻑ ﻭﻻﺩﻱ

ﻭﻫﻄﻠﻘﻚ ﻳﺎ ﻓﺮﻳﺪﻩ ......... ﻗﺎﻃﻌﺘﻪ ﻓﺎﻃﻤﻪ ﺑﺼﺮﺍﺥ :

_ ﻻ ﻳﺎ ﺍﺑﻨﻲ ﻣﺘﻌﻤﻠﺶ ﻛﺪﻩ ﺍﺭﺟﻮﻙ

ﺃﺣﻤﺪ ﺑﻬﺪﻭﺀ ﻣﺆﻟﻢ :

_ ﺑﺲ ﺩﻩ ﻃﻠﺒﻬﺎ ﻳﺎ ﻃﻨﻂ ﻭﺑﻌﺪﻳﻦ ﺍﻧﺎ ﻣﺶ ﻫﻘﺪﺭ ﺃﻛﻤﻞ ﻣﻊ ﻭﺍﺣﺪﻩ ﻣﺒﺘﺜﻘﺶ ﻓﻴﺎ ﻭﺟﺖ ﺍﺣﺮﺟﺘﻨﻲ ﻓﻲ ﺷﻐﻠﻲ ﻗﺪﺍﻡ ﺍﻟﻨﺎﺱ ﻋﻠﺸﺎﻥ ﺧﺎﻃﺮ ﻭﺍﺣﺪﻩ ﺑﻌﺘﺘﻠﻬﺎ ﺻﻮﺭ

ﻓﺮﻳﺪﻩ ﺍﻧﺖ ﻃﺎ ..... ﻭﺑﺴﺮﻋﻪ ﻭﺿﻌﺖ ﻓﺮﻳﺪﻩ ﻳﺪﻫﺎ ﻋﻠﻲ ﻓﻤﻪ ﺗﻤﻨﻌﻪ ﻣﻦ ﺇﻛﻤﺎﻝ ﺟﻤﻠﺘﻪ

ﻓﺮﻳﺪﻩ ﺑﺒﻜﺎﺀ :

_ ﺍﻧﺎ ﺍﺳﻔﻪ ﺑﺠﺪ ﻳﺎ ﺃﺣﻤﺪ ﺍﺭﺟﻮﻙ ﺳﺎﻣﺤﻨﻲ

ﺃﺯﺍﺡ ﺃﺣﻤﺪ ﻳﺪﻫﺎ ﺑﻘﻮﻩ ﻭﻫﻮ ﻳﻬﺘﻒ ﺑﺼﻮﺕ ﺟﻬﻮﺭﻱ :

_ ﺧﻼﺹ ﻭﻗﺖ ﺍﻻﺳﻒ ﺭﺍﺡ ﻳﺎ ﻓﺮﻳﺪﻩ ﻟﻸﺳﻒ ﻣﺶ ﻫﻘﺪﺭ ﺍﺳﺎﻣﺤﻚ ﺍﻟﻤﺮﺍﺩﻱ ﺍﺳﺘﺤﻤﻠﺖ ﻛﺘﻴﺮ ﻳﺎ ﻓﺮﻳﺪﻩ ﺑﺲ ﺧﻼﺹ ﻛﻔﺎﻳﻪ

ﻭﺭﻗﻪ ﻃﻼﻗﻚ ﻫﺘﻮﺻﻠﻚ ﺑﻜﺮﻩ

ﻗﺎﻝ ﺃﺣﻤﺪ ﻛﻠﻤﺘﻪ ﻭﺧﺮﺝ ﻣﻦ ﺍﻟﺒﻴﺖ ﺑﺴﺮﻋﻪ

ﺃﻣﺎ ﻓﺮﻳﺪﻩ ﻓﻘﺪ ﺍﻧﻬﺎﺭﺕ ﻋﻠﻲ ﺍﻗﺮﺏ ﻛﺮﺳﻲ ﻭﺑﺪﺃﺕ ﺗﺒﻜﻲ ﻭﺗﺼﺮﺥ ﺑﺸﺪﻩ

ﻓﺎﻃﻤﻪ ﺑﺸﺪﻩ :

_ ﻣﺴﻤﻌﺘﻴﺶ ﻛﻼﻣﻲ ﻳﺎ ﻓﺮﻳﺪﻩ ﻭﺍﺩﻳﻜﻲ ﺑﺘﺘﺤﻤﻠﻲ ﻧﺘﻴﺠﻪ ﺍﻟﻠﻲ ﻋﻤﻠﺘﻴﻪ ﻭﺍﻟﺤﻘﻴﻘﻪ ﻣﺤﺪﺵ ﻓﻴﻨﺎ ﻫﻴﻘﺪﺭ ﻳﻤﻨﻌﻪ

ﻓﺮﻳﺪﻩ ﺑﺒﻜﺎﺀ ﺷﺪﻳﺪ :

_ ﺍﺭﺟﻮﻛﻲ ﻳﺎ ﻣﺎﻣﺎ ﻛﻔﺎﻳﻪ ﻛﻔﺎﻳﻪ ﺑﺠﺪ ﺍﻟﻠﻲ ﺍﻧﺎ ﻓﻴﻪ ﺳﻴﺒﻮﻧﻲ ﻓﻲ ﺣﺎﻟﻲ

ﻓﺎﻃﻤﺔ ﺑﺸﺪﻩ :

_ ﻣﺎﺷﻲ ﻳﺎ ﻓﺮﻳﺪﻩ

ﺧﺮﺟﺖ ﻓﺎﻃﻤﻪ ﻣﻦ ﺍﻟﻐﺮﻓﻪ ﻭﺫﻫﺒﺖ ﺇﻟﻰ ﺍﻟﻲ ﻏﺮﻓﺘﻬﺎ ﻭﺃﻏﻠﻘﺖ ﻋﻠﻴﻬﺎ ﺍﻟﺒﺎﺏ ﻭﺍﺗﺼﻠﺖ ﻋﻠﻲ ﺃﺣﻤﺪ ﺍﻛﺜﺮ ﻣﻦ ﻣﺮﻩ ﻭﻟﻜﻨﻪ ﻟﻢ ﻳﺮﺩ

ﻭﺑﻌﺪ ﻓﺘﺮﻩ ﻗﺼﻴﺮﻩ ﺍﺗﺼﻞ ﺃﺣﻤﺪ ﻷﻧﻪ ﻗﻠﻖ ﻋﻠﻲ ﻓﺮﻳﺪﻩ

ﺃﺣﻤﺪ ﺑﺈﻳﺠﺎﺏ :

_ ﺍﻟﺴﻼﻡ ﻋﻠﻴﻜﻢ

ﻓﺎﻃﻤﻪ ﺑﺈﺣﺮﺍﺝ :

_ ﻭﻋﻠﻴﻜﻢ ﺍﻟﺴﻼﻡ ﺍﻳﻮﻩ ﻳﺎ ﺃﺣﻤﺪ ﺍﻧﺎ ﻛﻨﺖ ﺑﻜﻠﻤﻚ ﻋﺎﻳﺰﻩ ﺍﻗﻮﻟﻚ ﻣﺘﺰﻋﻠﺶ ﻳﺎ ﺍﺑﻨﻲ ﺍﺭﺟﻮﻙ ﺑﻼﺵ ﻃﻼﻕ ﻋﺎﻳﺰ ﻣﺘﺴﻤﺤﻬﺎﺵ ﺩﻟﻮﻗﺘﻲ ﻋﻠﺸﺎﻥ ﺗﻌﺮﻑ ﻏﻠﻄﺘﻬﺎ ﻭﻣﺘﻜﺮﺭﻫﺎﺵ ﺑﺲ ﺑﻼﺵ ﻃﻼﻕ ﻳﺎ ﺍﺣﻤﺪ ﺍﻧﺖ ﻋﺎﺭﻑ ﻓﺮﻳﺪﻩ ﺑﺘﺤﺒﻚ ﻗﺪ ﺍﻳﻪ ﻏﺼﺐ ﻋﻨﻬﺎ ﻣﻌﻠﺸﻲ ﺃﻱ ﺳﺖ ﻓﻲ ﻣﻜﺎﻧﻬﺎ ﻛﺎﻧﺖ ﻫﺘﻌﻤﻞ ﻛﺪﻩ ﻣﻌﻠﺸﻲ ﻳﺎ ﺍﺣﻤﺪ ﺑﺲ ﻳﺎ ﺍﺑﻨﻲ ﺑﻼﺵ ﺗﺨﺮﺑﻮ ﺍﻟﺒﻴﺖ ﻋﻠﺸﺎﻥ ﻧﺎﺱ ﻋﺎﻳﺰﻩ ﺗﻔﺮﻕ ﺑﻴﻨﻜﻢ

ﺃﺣﻤﺪ ﺑﻬﺪﻭﺀ :

_ ﻋﺎﺭﻑ ﻳﺎ ﻃﻨﻂ ﻭﺍﻟﻠﻪ ﺑﺲ ﺻﻌﺐ ﻋﻠﻴﺎ ﺍﻧﻲ ﺍﺳﺘﺤﻤﻞ ﻛﻞ ﺩﻩ

ﻛﻞ ﻣﺮﻩ ﺑﺘﺘﺨﺎﻧﻖ ﻭﺗﺰﻋﻞ ﻭﺍﺟﻲ ﺍﺻﻠﺤﻬﺎ ﺭﻏﻢ ﺃﻧﻬﺎ ﻫﻲ ﺍﻟﻠﻲ ﺑﺘﺒﻘﻲ ﻏﻠﻄﺎﻧﻪ ﺍﻧﺎ ﺍﺻﻼ ﻣﻘﺪﺭﺵ ﺃﻃﻠﻘﻬﺎ ﻻﻧﻲ ﺑﺠﺪ ﺑﺤﺒﻬﺎ ﻭﺑﺤﺐ ﻭﻻﺩﻱ ﻭﻣﻘﺪﺭﺵ ﺍﺗﺨﻠﻲ ﻋﻨﻬﻢ ﺑﺲ ﻻﺯﻡ ﻧﻨﻔﺼﻞ ﺷﻮﻳﻪ ﻋﻠﺸﺎﻥ ﺗﻌﺮﻑ ﻏﻠﻄﻬﺎ

ﻓﺎﻃﻤﻪ ﺑﻤﻮﺍﻗﻔﻪ :

_ ﻫﻮ ﺩﻩ ﺍﻟﻜﻼﻡ ﻳﺎ ﺍﺑﻨﻲ ﻭﺍﻟﻠﻪ ﺍﻧﺎ ﻃﻮﻝ ﻋﻤﺮﻱ ﺑﻘﻮﻝ ﻋﻠﻴﻚ ﺟﺪﻉ ﻭﺭﺍﺟﻞ ﺑﺘﻔﻬﻢ

ﺃﺣﻤﺪ ﺑﺤﺰﻥ :

_ ﺷﻜﺮﺍ ﻳﺎ ﻃﻨﻂ ﺑﺲ ﻳﺎﺭﻳﺖ ﻓﺮﻳﺪﻩ ﻣﺘﻌﺮﻓﺶ ﺍﻱ ﺣﺎﺟﻪ ﻋﻦ ﻣﻜﺎﻟﻤﺘﻨﺎ ﺩﻳﻪ

ﻓﺎﻃﻤﻪ ﺑﺠﺪﻳﻪ :

_ ﺍﻳﻮﻩ ﻳﺎ ﺍﺑﻨﻲ ﻣﺶ ﻫﺘﻌﺮﻑ ﻻﻧﻲ ﺍﻧﺎ ﻋﺎﻳﺰﻫﺎ ﺗﺘﻌﻠﻢ ﻋﻠﺸﺎﻥ ﻣﺘﺘﻜﺮﺵ ﻏﻠﻄﺘﻬﺎ ﺗﺎﻧﻲ

ﺃﺣﻤﺪ ﺑﻬﺪﻭﺀ :

_ ﺍﻭﻛﻴﻪ ﻳﺎ ﻃﻨﻂ ﺗﻤﺎﻡ

************************

ﻋﻨﺪ ﻣﺮﺍﻡ ﻭﻣﺆﻳﺪ

ﻛﺎﻥ ﻣﺆﻳﺪ ﺟﺎﻟﺴﺎ ﻓﻲ ﺣﺪﻳﻘﻪ ﺍﻟﻤﻨﺰﻝ ﻣﻊ ﻣﺎﻫﺮ ﻳﺘﺤﺪﺛﻮﻥ

ﻭﻳﺤﺘﺴﻮﻥ ﺍﻟﻘﻬﻮﻩ

ﻧﺰﻟﺖ ﻣﺮﺍﻡ ﻣﻦ ﻏﺮﻓﺘﻬﺎ ﻭﻫﻲ ﺗﻬﺘﻒ ﺑﻤﺰﺍﺡ :

_ ﺧﻴﺎﺍﺍﺍﻧﻪ ﻗﺎﻋﺪﻳﻦ ﺑﺘﺸﺮﺑﻮ ﻗﻬﻮﻩ ﻣﻨﻐﻴﺮﻱ

ﺿﺤﻚ ﻣﺎﻫﺮ ﻭﺍﺑﺘﺴﻢ ﻣﺆﻳﺪ ﻋﻠﻲ ﻣﺰﺍﺣﺘﻬﺎ

ﻣﺎﻫﺮ ﺑﺈﺑﺘﺴﺎﻣﻪ :

_ ﺗﻌﺎﻟﻲ ﻳﺎ ﺣﺒﻴﺒﺘﻲ ﺍﻗﻌﺪﻱ ﻣﻌﺎﻧﺎ ﺍﻧﺖ ﻛﻨﺖ ﻧﺎﻳﻤﻪ ﻓﻘﻮﻟﻨﺎ ﻧﺴﻴﺒﻚ

ﻣﺆﻳﺪ ﺑﻤﺰﺍﺡ :

_ ﻳﺎ ﻋﻤﻮ ﺩﻱ ﻧﺎﻳﻤﻪ ﻭﻻ ﺍﻛﻨﻬﺎ ﻣﻨﻤﺘﺶ ﺑﻘﺎﻟﻬﺎ ﺳﻨﺘﻴﻦ

ﻣﺮﺍﻡ ﺑﻀﺤﻚ :

_ ﺍﻩ ﻭﺍﻟﻠﻪ ﻛﻨﺖ ﺗﻌﺒﺎﻧﻪ ﺍﻭﻱ

ﻣﺆﻳﺪ ﺑﺈﺑﺘﺴﺎﻣﻪ :

_ ﺗﺼﺪﻕ ﻳﺎ ﻣﺎﻫﺮ ﺑﻴﻪ ﻣﺮﺍﻡ ﺑﻘﻮﻟﻬﺎ ﺗﺠﻴﺒﻠﻲ ﻋﺸﺎ ﺍﻣﺒﺎﺭﺡ ﻣﺮﺿﻴﺘﺶ ﻭﻧﻤﺖ ﺟﻌﺎﻥ

ﻣﺎﻫﺮ ﺑﻌﺘﺎﺏ :

_ ﻛﺪﻩ ﺑﺮﺩﻭ ﻳﺎ ﻣﺮﺍﻡ ﻟﻴﻪ ﻛﺪﻩ ﺑﺲ

ﻣﺮﺍﻡ ﺑﻼ ﺍﻛﺘﺮﺍﺙ :

_ ﻭﺍﻧﺎ ﻣﺎﻟﻲ ﻳﺎ ﺑﺎﺑﺎ ﻣﻴﻌﻤﻞ ﻟﻨﻔﺴﻪ

ﻧﻬﺾ ﻣﺆﻳﺪ ﻓﺠﺄﻩ ﻭﻫﻮ ﻳﻬﺘﻒ ﺑﻤﺰﺍﺡ :

_ ﻣﻴﻦ ﻓﻴﻜﻢ ﺑﻴﺤﺐ ﺍﻟﺒﻴﺘﺰﺍ

ﻣﺮﺍﻡ ﺑﻀﺤﻚ :

_ ﻛﻠﻨﺎ ﺑﻨﺤﺒﻬﺎ ﺍﻛﻴﺪ

ﻣﺎﻫﺮ :

_ ﺍﻩ ﺟﺪﺍ ﺑﺲ ﻟﻸﺳﻒ ﻣﺎﺭﻳﺎ ﻣﺒﺘﻌﻤﻠﻬﺎﺵ

ﻣﺆﻳﺪ ﺑﺈﺑﺘﺴﺎﻣﻪ :

_ ﺑﻤﺎ ﺃﻥ ﻣﺎﺭﻳﺎ ﺍﻟﻨﻬﺎﺭﺩﻩ ﺍﺟﺎﺯﻩ ﺍﻧﺎ ﻫﻌﻤﻠﻜﻢ ﺍﻧﺎ ﺍﻟﺒﻴﺘﺰﺍ

ﻣﺮﺍﻡ ﺑﺈﺳﺘﻔﻬﺎﻡ :

_ ﺍﻧﺖ ﺑﺘﻌﺮﻑ ﺗﻌﻤﻠﻬﺎ ؟

ﻣﺆﻳﺪ ﻭﻫﻮ ﻳﻮﻣﺄ ﺑﺮﺃﺳﻪ :

_ ﺍﻳﻮﻩ ﻃﺒﻌﺎ ﺑﺲ ﻻﺯﻡ ﺣﺪ ﻳﺴﺎﻋﺪﻧﻲ ﻓﻴﻬﺎ

ﻣﺮﺍﻡ ﺑﻀﺤﻚ :

_ ﺷﻮﻑ ﺑﻘﺎ ﺣﺪ ﻳﻌﻤﻠﻬﺎ ﻣﻌﺎﻙ ﻋﻠﺸﺎﻥ ﺍﻧﺎ ﻣﺶ ﻫﺴﺎﻋﺪﻙ ﻓﻲ ﺣﺎﺟﻪ ﺧﺎﻟﺺ

ﻣﺎﻫﺮ ﺑﺠﺪﻳﻪ :

_ ﻻ ﻳﺎ ﻣﺮﺍﻡ ﺑﻘﺎ ﻋﺎﻳﺰﻳﻦ ﻧﺪﻭﻕ ﺍﻟﺒﻴﺘﺰﺍ ﺑﺘﺎﻋﻪ ﻣﺆﻳﺪ ﺑﻘﺎ

ﻣﺆﻳﺪ ﺑﺈﺑﺘﺴﺎﻣﻪ :

_ ﻭﺍﻓﻘﻲ ﺑﻘﺎ ﻳﺎ ﺳﺖ ﺍﻟﻤﻌﺘﺮﺿﻪ

ﻣﺮﺍﻡ ﺑﻤﺰﺍﺡ :

_ ﺍﺗﺤﺎﻳﻠﻮ ﻋﻠﻴﺎ ﺷﻮﻳﻪ

ﻣﺎﺷﻲ ﺧﻼﺹ ﻫﺘﻨﺎﺯﻝ ﻭﺍﻋﻤﻠﻬﺎ ﻣﻌﺎﻙ

ﻣﺆﻳﺪ ﺑﺴﻌﺎﺩﻩ :

_ ﺍﺧﻴﺮﺍﺍﺍﺍﺍ ﻳﻼ ﺑﻴﻨﺎ

ﺫﻫﺐ ﻣﺆﻳﺪ ﻭﻣﺮﺍﻡ ﺍﻟﻲ ﺍﻟﻤﻄﺒﺦ ﻟﻴﻌﺪﻭ ﺍﻟﺒﻴﺘﺰﺍ

ﻣﺆﻳﺪ ﺑﺈﺑﺘﺴﺎﻣﻪ :

_ ﻣﺮﺍﻡ ﺍﻧﺎ ﻫﺤﻂ ﺍﻟﻤﻜﻮﻧﺎﺕ ﻭﺍﻧﺖ ﺍﻋﺠﻨﻲ ﺍﻭﻛﻴﻪ

ﻣﺮﺍﻡ ﺑﺈﻋﺘﺮﺍﺽ :

_ ﻻ ﻃﺒﻌﺎ ﺍﻧﺎ ﺍﺣﻂ ﺍﻟﻤﻜﻮﻧﺎﺕ ﻭﺍﻧﺖ ﺗﻌﺠﻦ

ﻣﺆﻳﺪ ﺑﻀﺤﻚ :

_ ﺩﻩ ﺍﻟﻠﻲ ﻣﺘﻮﻗﻊ ﻣﻨﻚ ﻃﻮﻝ ﻋﻤﺮﻙ ﻣﻌﺘﺮﺿﻪ ﻭﺍﻣﺮﻱ ﻟﻠﻪ ﻫﻌﺠﻦ ﺍﻧﺎ

ﻣﺮﺍﻡ ﺑﻤﺰﺍﺡ :

_ ﻳﺎ ﺣﺒﻴﺒﻲ ﻛﻔﺎﻳﻪ ﺍﻧﻲ ﻭﺍﻓﻘﺖ ﺍﺳﺎﻋﺪﻙ ﺍﺻﻼ

ﻣﺆﻳﺪ ﻭﻫﻮ ﻳﻐﻤﺰ ﻟﻬﺎ ﺑﻤﺰﺍﺡ :

_ ﺍﺣﻢ ﺣﺒﻴﺒﻚ ﻣﻴﻨﻔﻌﺶ ﻛﺪﻩ ﻳﺎ ﺍﺳﺘﺎﺫﻩ ﻣﺮﺍﻡ

ﻣﺮﺍﻡ ﺑﻐﻀﺐ :

_ ﺗﻌﺮﻑ ﺍﻧﻚ ﻣﺴﺘﻔﺰ ﺟﺪﺍ ﻳﺎ ﻣﺆﻳﺪ ﺍﻧﺎ ﻏﻠﻄﺎﻧﻪ ﺍﺻﻼ ﺍﻧﻲ ﻭﺍﻓﻘﺖ ﺍﻋﻤﻞ ﻣﻌﺎﻙ ﺍﻟﺒﻴﺘﺰﺍ

ﻣﺆﻳﺪ ﺑﻀﺤﻚ ﻭﻫﻮ ﻳﺮﺵ ﻋﻠﻴﻬﺎ ﺍﻟﺪﻗﻴﻖ :

_ ﻓﻲ ﺍﻳﻪ ﻳﺎ ﺑﻨﺘﻲ ﻣﻴﻨﻔﻌﺶ ﺍﻫﺰﺭ ﻣﻌﺎﻛﻲ

ﻣﺮﺍﻡ ﻭﻫﻲ ﺗﻤﺴﺢ ﺍﻟﺪﻗﻴﻖ ﻣﻦ ﻋﻠﻲ ﻣﻼﺑﺴﻬﺎ :

_ ﻳﻨﻔﻊ ﻛﺪﻩ ﺗﺒﻬﺪﻟﻨﻲ ﺑﺎﻟﺪﻗﻴﻖ ﻳﺎ ﻣﺆﻳﺪ

ﻣﺆﻳﺪ ﺑﻀﺤﻚ :

_ ﺍﺣﺴﻦ ﺗﺴﺘﺎﻫﻠﻲ ﻋﻠﺸﺎﻥ ﺍﻧﺖ ﻣﺒﺘﺤﺒﻴﺶ ﺍﻟﻬﺰﺍﺭ

ﻣﺮﺍﻡ ﺑﺠﺪﻳﻪ ﻣﺼﻄﻨﻌﻪ :

_ ﻣﺎﺷﻲ ﻳﻼ ﺑﻘﺎ ﻋﻠﺸﺎﻥ ﻧﻜﻤﻞ ﺍﻟﺒﻴﺘﺰﺍ

ﻭﺿﻊ ﻣﺆﻳﺪ ﻭﻣﺮﺍﻡ ﻣﻜﻮﻧﺎﺕ ﺑﻴﺘﺰﺍ ﻭﺑﺪﺃ ﻣﺆﻳﺪ ﺑﻌﺠﻨﻬﺎ

ﻣﺮﺍﻡ ﺑﻀﺤﻚ ﻫﺴﺘﻴﺮﻱ :

_ ﻫﻤﻮﺕ ﻣﻦ ﺍﻟﻀﺤﻚ ﺍﻧﺖ ﻛﺪﻩ ﺑﺘﻌﺠﻦ

ﻣﺆﻳﺪ ﺑﺘﻌﺠﺐ :

_ ﺍﻭﻣﺎﻝ ﺍﻋﺠﻦ ﺍﺯﺍﻱ ﻳﻌﻨﻲ

ﻃﻴﺐ ﺑﺪﻝ ﻣﺎ ﺍﻧﺖ ﻋﻤﺎﻟﻪ ﺗﻀﺤﻜﻲ ﺍﻋﺠﻨﻲ ﺍﻧﺖ ﻭﺭﻳﻨﻲ ﻃﻴﺐ

ﻣﺮﺍﻡ ﺑﺘﺤﺪﻱ :

_ ﻃﻴﺐ ﺣﺎﺳﺐ ﻛﺪﻩ ﻋﻠﺸﺎﻥ ﺍﻋﺠﻦ

ﻣﺆﻳﺪ ﺑﺈﺑﺘﺴﺎﻣﻪ ﺻﻔﺮﺍﺀ :

_ ﻃﻴﺐ ﻭﺭﻳﻨﺎ ﻳﺎ ﺷﻴﻒ ﻣﺮﺍﻡ

ﻣﺮﺍﻡ ﺑﺜﻘﻪ :

_ ﺍﻭﻛﻴﻪ

ﺍﻭﻝ ﺣﺎﺟﻪ ﺍﻟﻤﻔﺮﻭﺽ ﻧﺪﻓﻲ ﺷﻮﻳﻪ ﻣﻴﻪ ﻭﺑﻌﺪﻳﻦ ﻳﺎ ﻣﺆﻳﺪ ﻻﺯﻡ ﺍﻟﺨﻤﻴﺮﻩ ﻧﺴﻴﺒﻬﺎ ﺷﻮﻳﻪ ﻭﺗﻐﻄﻴﻬﺎ ﻋﻠﺸﺎﻥ ﺗﺨﻤﺮ

ﻣﺆﻳﺪ ﺑﺪﻫﺸﻪ :

_ ﻃﻴﺐ ﻣﺎ ﺍﻧﺖ ﺑﺘﻌﺮﻓﻲ ﺗﻌﻤﻠﻲ ﺣﺎﺟﺎﺕ ﺍﻫﻮ ﺍﻭﻣﺎﻝ ﻋﻤﺮﻱ ﻣﺎ ﺷﻮﻓﺘﻚ ﻓﻲ ﺍﻟﻤﻄﺒﺦ ﻟﻴﻪ ﻭﻣﻜﻨﺘﻴﺶ ﻋﺎﻳﺰﻩ ﺗﺴﺎﻋﺪﻳﻨﺎ

ﻣﺮﺍﻡ ﺑﺈﻳﺠﺎﺏ :

_ ﻻ ﺍﻧﺎ ﺍﻟﺤﻘﻴﻘﻪ ﻣﺒﻌﺮﻓﺶ ﺍﻃﺒﺦ ﺑﺲ ﺷﻮﻓﺖ ﺍﻟﺸﻴﻒ ﺍﻟﺸﺮﺑﻴﻨﻲ ﻓﻲ ﺍﻟﺘﻠﻔﺰﻳﻮﻥ ﻭﻫﻮ ﺑﻴﻌﻤﻠﻬﺎ

ﻣﺆﻳﺪ ﺑﺘﻔﻬﻢ :

_ ﺍﻩ ﻓﻬﻤﺖ ﺧﻼﺹ

ﺑﻌﺪ ﻓﺘﺮﻩ ﻗﺼﻴﺮﻩ ﺍﻧﺘﻬﺖ ﻣﺮﺍﻡ ﻣﻦ ﻋﺠﻦ ﺍﻟﺒﻴﺘﺰﺍ ﻭﻓﺮﺩﻫﺎ ﻓﻲ ﺍﻟﺼﻮﺍﻧﻲ ﻭﻭﺿﻌﻮﺍ ﺍﻟﺼﻠﺼﻪ ﻭﺍﻟﺨﻀﺮﻭﺍﺕ

ﻭﻭﺿﻌﻮﻫﺎ ﻓﻲ ﺍﻟﻔﺮﻥ

ﻭﺑﻌﺪ ﻭﻗﺖ ﻗﺼﻴﺮ ﺍﻧﺘﻬﻮﺍ ﻣﻦ ﺇﻋﺪﺍﺩ ﺍﻟﺒﻴﺘﺰﺍ ﻭﺗﻘﻄﻴﻌﻬﺎ ﻭﻭﺿﻌﻮﻫﺎ ﻓﻲ ﺍﻷﻃﺒﺎﻕ

ﻣﺆﻳﺪ ﻭﻫﻮ ﻳﺤﻤﻞ ﺍﻻﻃﺒﺎﻕ :

_ ﻳﻼ ﻳﺎ ﻣﻴﻤﻮ ﻫﻨﺮﻭﺡ ﻧﺎﻛﻞ ﻓﻲ ﺍﻟﺤﺪﻳﻘﻪ ﻣﻊ ﻋﻤﻮ ﻣﺎﻫﺮ

ﻣﺮﺍﻡ ﺑﺈﺑﺘﺴﺎﻣﻪ :

_ ﺍﻭﻛﻴﻪ ﻳﻼ

ﻭﺿﻊ ﻣﺆﻳﺪ ﺍﻻﻃﺒﺎﻕ ﻭﺍﻟﻜﻮﺑﺎﻳﺎﺕ ﻋﻠﻲ ﺍﻟﻄﺎﻭﻟﻪ

ﻣﺆﻳﺪ ﺑﻤﺰﺍﺡ :

_ ﻳﻼ ﻳﺎ ﻋﻤﻮ ﻋﻠﺸﺎﻥ ﺗﺪﻭﻕ ﻋﻤﺎﻳﻞ ﺍﻳﺪﻳﺎ

ﻣﺮﺍﻡ ﺑﺈﻋﺘﺮﺍﺽ :

_ ﻧﻌﻢ ﺩﻳﻪ ﻋﻤﺎﻳﻞ ﺍﻳﺪﻳﺎ ﺍﻧﺎ ﻳﺎ ﺑﺎﺑﺎ ﻫﻮ ﻣﻌﻤﻠﺶ ﺣﺎﺟﻪ

ﻣﺎﻫﺮ ﺑﻀﺤﻚ :

_ ﺧﻼﺹ ﻳﺎ ﺗﻮﻡ ﻭﺟﻴﺮﻱ ﺍﻧﺘﻢ ﺍﻻﺛﻨﻴﻦ ﺍﻟﻠﻲ ﻋﻤﻠﺘﻮﻫﺎ

ﺿﺤﻚ ﻣﺆﻳﺪ ﻭﻣﺮﺍﻡ ﻭﺑﺪﺃ ﺍﻟﺠﻤﻴﻊ ﺑﺘﻨﺎﻭﻝ ﺍﻟﺒﻴﺘﺰﺍ

ﻣﺆﻳﺪ ﺑﺈﺑﺘﺴﺎﻣﻪ :

_ ﺗﺴﻠﻢ ﺍﻳﺪﻙ ﻳﺎ ﻣﻴﻤﻮ

ﻣﺎﻫﺮ ﺑﻀﺤﻚ :

_ ﻣﻴﻤﻮ ﻛﻤﺎﻥ ﻃﻠﻌﺘﻠﻬﺎ ﺍﺳﻢ ﺩﻟﻊ ﻣﺎﺷﻲ

ﺗﺴﻠﻢ ﺍﻳﺪﻙ ﻳﺎ ﺣﺒﻴﺒﺘﻲ

ﻣﺮﺍﻡ ﺑﺈﺣﺮﺍﺝ :

_ ﺗﺴﻠﻤﻮ ﺷﻜﺮﺍ

ﻛﻤﺎﻥ ﻣﺆﻳﺪ ﺳﺎﻋﺪﻧﻲ

ﻣﺎﻫﺮ ﺑﺈﺑﺘﺴﺎﻣﻪ :

_ ﺗﺴﻠﻢ ﺍﻳﺪﻳﻜﻮ ﻳﺎ ﻭﻻﺩ

ﻣﺆﻳﺪ ﻭﻣﺮﺍﻡ :

_ ﺗﺴﻠﻢ ﺷﻜﺮﺍ

************************

ﻋﻨﺪ ﻓﺮﺣﻪ ﻭﻓﺎﺭﺱ

ﺭﺟﻌﻮﺍ ﺍﻟﻲ ﺍﻟﺒﻴﺖ

ﻭﻛﺎﻥ ﻓﺎﺭﺱ ﻏﺎﺿﺒﺎ ﺑﺸﺪﻩ ﻣﻦ ﻓﺮﺣﻪ ﻭﻣﻦ ﺟﺮﺃﺗﻬﺎ ﺍﻟﻐﻴﺮ ﻣﻌﺘﺎﺩﻩ

ﻓﻘﺪ ﺗﺠﺮﺃﺕ ﻋﻠﻴﻪ ﻭﺑﺪﺃﺕ ﺗﻌﺎﻧﺪﻩ

ﻓﺎﺭﺱ ﺑﺈﺳﺘﻔﻬﺎﻡ :

_ ﻋﻤﻠﺘﻲ ﺍﻟﻐﺪﺍﺀ ؟

ﻓﺮﺣﻪ ﺑﺸﺪﻩ :

_ ﺍﻛﻴﺪ ﻻ ﻳﻌﻨﻲ ﻫﺮﻭﺡ ﺍﻋﻤﻠﻪ ﺍﻧﺎ ﻛﻨﺖ ﻣﺠﻬﺰﻩ ﻛﻞ ﺣﺎﺟﻪ ﺑﺲ ﻫﺤﻄﻬﻢ ﻋﻠﻲ ﺍﻟﻨﺎﺭ

ﻓﺎﺭﺱ ﺑﻐﻀﺐ :

_ ﻃﺒﻌﺎ ﻋﻠﺸﺎﻥ ﺟﻴﺘﻲ ﻭﺭﺍﻳﺎ ﺗﺮﺍﻗﺒﻴﻨﻲ ﻳﺎ ﺳﺖ ﻫﺎﻧﻢ

ﻓﺮﺣﻪ ﺑﺒﺮﻭﺩ :

_ ﺍﻫﺎ ﻛﻨﺖ ﺑﺮﺍﻗﺒﻚ ﺧﻠﺺ ﺍﻟﻤﻮﺿﻮﻉ ﺧﻼﺹ

ﻓﺎﺭﺱ ﺑﺈﺳﺘﻔﺰﺍﺯ ﻭﺳﺨﺮﻳﻪ :

_ ﺑﺲ ﺍﻳﻪ ﺭﺃﻳﻚ ﻳﺎ ﺷﻮﻳﺶ ﻋﻄﻴﻪ ﻓﻲ ﺳﻴﻠﻴﻦ

ﻓﺮﺣﻪ ﺑﻐﻀﺐ ﻭﻏﻴﻆ :

_ ﻓﺎﺭﺱ ﻣﺘﻘﻮﻟﻴﺶ ﺷﻮﻳﺶ ﻋﻄﻴﻪ ﻭﺑﻌﺪﻳﻦ ﺷﻮﻓﺖ ﺳﺖ ﺳﻴﻠﻴﻦ ﺑﺘﺎﻋﺘﻚ ﺩﻳﻪ ﻭﻻ ﺟﻤﺎﻝ ﻭﻻ ﺍﻱ ﺣﺎﺟﻪ ﺍﻟﻨﻘﺎﺵ ﺍﻟﻠﻲ ﻛﺎﻥ ﻣﺸﻄﺒﻬﺎ ﻛﺎﻥ ﻣﻤﺘﺎﺯ ﺑﺲ

ﻓﺎﺭﺱ ﺑﻀﺤﻚ :

_ ﻧﻘﺎﺵ ! ﻋﻠﻲ ﺍﻻﻗﻞ ﺣﻄﻴﻠﻬﺎ ﺍﻟﻤﻴﻚ ﺍﺏ ﺑﻄﺮﻳﻘﻪ ﺟﺬﺍﺑﻪ ﻣﺶ ﺯﻱ ﻧﺎﺱ ﻣﻴﻌﺮﻓﻮﺵ ﻓﻲ ﺍﻱ ﺣﺎﺟﻪ ﻏﻴﺮ ﺍﻟﻄﺒﻴﺦ

ﻳﻼ ﻳﺎ ﺷﻮﻳﺶ ﻋﻄﻴﻪ ﺭﻭﺡ ﺷﻮﻑ ﺷﻐﻠﻚ

ﻓﺮﺣﻪ ﺑﻐﻀﺐ ﺷﺪﻳﺪ :

_ ﻳﻌﻨﻲ ﺍﻧﺎ ﻏﻠﻄﺎﻧﻪ ﺍﻧﻲ ﺑﻌﻤﻠﻚ ﺍﻟﻐﺪﺍﺀ ﻳﻌﻨﻲ ﻣﺎﺷﻲ ﻳﺎ ﻓﺎﺭﺱ

ﻓﺮﺣﻪ ﻟﻨﻔﺴﻬﺎ :

_ ﻳﺎﺭﻳﺘﻨﻲ ﺭﻭﺣﺖ ﻟﻠﻜﻮﺍﻓﻴﺮﻩ ﺍﻟﻨﻬﺎﺭﺩﻩ ﻭﻣﺮﺣﺘﺶ ﺭﺍﻗﺒﻴﺘﻪ ﺍﺻﻼ ﻣﻔﻴﺶ ﺣﺎﺟﻪ ﺣﺼﻠﺖ ﺍﻭﻑ ﺑﻘﺎ ﻫﻴﻘﻮﻝ ﺍﻧﻲ ﺑﻘﻠﺪ ﺳﺖ ﺯﻓﺘﻪ ﺩﻳﻪ

ﻣﺶ ﻣﻬﻢ ﻳﻘﻮﻝ ﺯﻱ ﻣﺎ ﻫﻮ ﻋﺎﻳﺰ ﺍﻟﻤﻬﻢ ﺍﻧﻲ ﻫﺮﻭﺡ ﺑﻜﺮﻩ ﻟﻠﻜﻮﺍﻓﻴﺮﻩ ﻭﻫﻐﻴﺮ ﻛﺘﻴﺮ ﻣﻦ ﻧﻔﺴﻲ ﻋﻠﺸﺎﻥ ﻳﻌﺮﻑ ﻣﻴﻦ ﻓﻴﻨﺎ ﺍﻟﻠﻲ ﺍﻟﺸﻮﻳﺶ ﻋﻄﻴﻪ

ﻓﺎﺭﺱ ﺑﺼﻮﺕ ﻋﺎﻟﻲ :

_ ﻓﺮﺣﻪ ... ﻓﺮﺣﻪ ........ ﺷﻮﻳﺶ ﻋﻄﻴﻪ

ﻓﺮﺣﻪ ﺑﺠﺪﻳﻪ :

_ ﻓﻴﻪ ﺍﻱ ﻳﺎ ﻓﺎﺭﺱ

ﻓﺎﺭﺱ ﺑﻀﺤﻚ :

_ ﺳﺒﺤﺎﻥ ﺍﻟﻠﻪ ﺑﻘﺎﻟﻲ ﺳﺎﻋﻪ ﺑﻨﺎﺩﻱ ﻋﻠﻴﻜﻲ ﺍﻭﻝ ﻟﻤﺎ ﻗﻮﻟﺖ ﻳﺎ ﺳﻮﻳﺶ ﻋﻄﻴﻪ ﺭﺩﻳﺘﻲ ﻋﺎﺭﻓﻪ ﻧﻔﺴﻬﺎ

ﻓﺮﺣﻪ ﺑﻐﻴﻆ :

_ ﻛﻨﺖ ﺳﺮﺣﺎﻧﻪ ﻳﺎ ﻇﺮﻳﻒ

ﻓﺎﺭﺱ ﺑﺸﺪﻩ :

_ ﺭﻭﺣﻲ ﺣﻄﻴﻠﻲ ﺍﻟﻐﺪﺍ ﺑﺴﺮﻋﻪ ﺍﻧﺎ ﻭﺍﻗﻊ ﻣﻦ ﺍﻟﺠﻮﻉ ﻭﺣﻀﺮﺗﻚ ﻟﺴﻪ ﺑﺘﺤﻀﺮﻱ ﺍﻟﻐﺪﺍ

ﻓﺮﺣﻪ ﺑﺴﺘﻔﺰﺍﺯ :

_ ﺍﺣﺴﻦ ﺗﺴﺘﺎﻫﻞ

ﻓﺎﺭﺱ ﺑﻀﻴﻖ :

_ ﻃﻴﺐ ﺍﻣﺸﻲ ﻣﻦ ﻗﺪﺍﻣﻲ ﻗﺒﻞ ﻣﺎ ﺍﺗﻌﺼﺐ ﻋﻠﻴﻚ ﻳﺎ ﺷﻮﻳﺶ

ﻓﺮﺣﻪ ﻭﻫﻲ ﺗﻀﺮﺏ ﺑﻘﺪﻣﻬﺎ ﺍﻻﺭﺽ ﺑﻐﻴﻆ :

_ ﺻﺪﻗﻨﻲ ﻷﺩﻭﺭﻟﻚ ﻋﻠﻲ ﺍﺳﻢ ﺍﻧﺖ ﻛﻤﺎﻥ

ﻓﺎﺭﺱ ﺑﺒﺮﻭﺩ :

_ ﺍﻭﻛﻴﻪ ﻳﺎ ﺣﺒﻴﺒﺘﻲ ﻟﻮ ﻟﻘﻴﺘﻲ ﺑﻘﺎ ﺍﺑﻘﻲ ﻗﻮﻟﻴﻠﻲ

ﺍﻧﺘﻬﺖ ﻓﺮﺣﻪ ﻣﻦ ﺇﻋﺪﺍﺩ ﺍﻟﻐﺪﺍﺀ ﻭﻭﺿﻌﺘﻪ ﻋﻠﻲ ﺍﻟﺴﻔﺮﻩ

ﺟﻠﺲ ﻓﺎﺭﺱ ﻭﻫﻲ ﻭﺑﺪﺃﻭ ﻳﺘﻨﺎﻭﻟﻮﻥ ﺍﻟﻐﺪﺍﺀ

ﻓﺎﺭﺱ ﺑﺈﺳﺘﻔﺰﺍﺯ :

_ ﻫﺎ ﻟﻘﻴﺘﻠﻲ ﺍﺳﻢ ﻳﺎ ﺷﻮﻳﺶ ﻋﻄﻴﻪ

ﻓﺮﺣﻪ ﺑﺠﺪﻳﻪ :

_ ﻓﺎﺭﺱ ﺍﻧﺖ ﻓﺎﺿﻴﻠﻚ ﺩﻗﻴﻘﻪ ﻣﻌﺎﻳﺎ ﻭﻫﺘﻼﻗﻴﻨﻲ ﺩﻟﻘﺖ ﻃﺒﻖ ﺍﻟﻤﻠﻮﺧﻴﻪ ﺩﻩ ﻋﻠﻴﻚ ﺍﻧﺖ ﺣﺮ

ﻓﺎﺭﺱ ﺑﻀﺤﻚ :

_ ﺧﻼﺹ ﺧﻼﺹ ﻳﺎ ﺷﻮﻳﺶ ﻣﺘﺰﻋﻠﺶ

ﺃﻣﺴﻜﺖ ﻓﺮﺣﻪ ﻛﻮﺏ ﺍﻟﻤﺎﺀ ﺍﻟﺬﻱ ﺑﺠﺎﻧﺒﻬﺎ ﻭﺳﻜﺒﺖ ﻋﻠﻴﻪ ﺍﻟﻤﺎﺀ

ﻭﺍﺳﺮﻋﺖ ﺑﺴﺮﻋﻪ ﺍﻟﻲ ﻏﺮﻓﺘﻬﺎ ﻭﺃﻏﻠﻘﺖ ﻋﻠﻲ ﻧﻔﺴﻬﺎ ﺑﺎﻟﻤﻔﺘﺎﺡ

ﻓﺎﺭﺱ ﺑﻐﻀﺐ :

_ ﻳﺎ ﻣﺠﻨﻮﻧﻪ ﺍﻳﻪ ﺍﻟﻠﻲ ﻋﻤﻠﺘﻴﻪ ﺩﻩ

ﻭﺫﻫﺐ ﺧﻠﻔﻬﺎ ﻭﻃﺮﻕ ﻋﻠﻴﻬﺎ ﺍﻟﺒﺎﺏ ﻭﻫﻮ ﻳﻬﺘﻒ ﺑﺈﻧﻔﻌﺎﻝ :

_ ﺍﻓﺘﺤﻲ ﻳﺎ ﻓﺮﺣﻪ

ﻓﺮﺣﻪ ﺑﺈﻋﺘﺮﺍﺽ :

_ ﻻ ﻣﺶ ﻫﻔﺘﺢ ﻃﺒﻌﺎ ﺗﺴﺘﺎﻫﻞ ﺷﻮﻓﺖ ﺑﻘﺎ ﺍﻟﺸﻮﻳﺶ ﻋﻄﻴﻪ ﻋﻤﻠﺖ ﺍﻳﻪ ﻭﻟﺴﻪ ﻫﺘﻌﻤﻞ ﺑﺒﺸﺮﻙ ﺑﺈﻳﺎﻡ ﺳﻮﺩﻩ ﻋﻠﻲ ﺩﻣﺎﻏﻚ ﻣﻌﺎﻳﺎ

ﻓﺎﺭﺱ ﺑﻐﻀﺐ ﻭﻫﻮ ﻳﻄﺮﻕ ﺍﻟﺒﺎﺏ :

_ ﺩﻩ ﺍﻧﺎ ﺍﻟﻠﻲ ﻫﺨﻠﻲ ﻟﻴﻠﺘﻚ ﺳﻮﺩﻩ ﺍﻟﻨﻬﺎﺭﺩﻩ ﺍﻓﺘﺤﻲ ﺑﻘﻮﻟﻚ ﻗﺒﻞ ﻣﺎ ﺍﻛﺴﺮ ﺍﻟﺒﺎﺏ ﻋﻠﻲ ﺩﻣﺎﻏﻚ

ﻓﺮﺣﻪ ﺑﺒﺮﻭﺩ ﻣﺴﺘﻔﺰ :

_ ﻋﺎﺩﻱ ﻳﺎ ﺣﺒﻴﺒﻲ ﺍﻛﺴﺮﻩ ﺑﺮﺩﻭ ﻣﺶ ﻫﻐﺘﺢ

ﻓﺎﺭﺱ ﺑﻐﻴﻆ :

_ ﻃﻴﺐ ﺍﻧﺎ ﻫﻘﻌﺪﻟﻚ ﻗﺪﺍﻡ ﺍﻟﺒﺎﺏ ﺷﻮﻓﻲ ﻫﺘﻌﻤﻠﻲ ﺍﻳﻪ

ﻓﺮﺣﻪ ﺑﺈﺳﺘﻔﺰﺍﺯ :

_ ﺧﻠﻴﻚ ﻳﺎ ﺣﺒﻴﺒﻲ ﻧﺎﻡ ﻋﻠﻲ ﺍﻟﻜﺮﺳﻲ ﻋﻨﺪﻙ ﻻﻧﻲ ﻣﺶ ﻫﻔﺘﺤﻠﻚ

ﻓﺎﺭﺱ ﺑﻀﻴﻖ :

_ ﻓﺮﺣﻪ ﺍﻓﺘﺤﻲ ﺑﻘﺎ ﻋﻠﺸﺎﻥ ﻋﺎﻳﺰ ﺍﻧﺎﻡ ﻭﻋﻨﺪﻱ ﺷﻐﻞ ﺑﻜﺮﻩ ﺑﺪﺭﻱ

ﻓﺮﺣﻪ ﺑﺠﺪﻳﻪ :

ﻻ ﻣﺶ ﻫﻔﺘﺢ ﺧﻠﻴﻚ ﻧﺎﻡ ﻋﻠﻲ ﺍﻟﻜﻨﺒﻪ ﺑﺮﻩ

ﻓﺎﺭﺱ ﺑﺘﻤﺜﻴﻞ :

_ ﻋﻠﺸﺎﻥ ﺧﺎﻃﺮﻱ ﺑﻘﺎ ﻳﺎ ﻓﺮﺣﻪ ﺍﻓﺘﺤﻲ ﻭﻣﺶ ﻫﻌﻤﻠﻚ ﺣﺎﺟﻪ

ﻓﺮﺣﻪ ﺑﺠﺪﻳﻪ ﻣﺼﻄﻨﻌﻪ :

_ ﺑﺠﺪ ﻣﺶ ﻫﺘﻌﻤﻠﻲ ﺣﺎﺟﻪ ﻭﻻ ﺑﺘﻜﺪﺏ ﻋﻠﻴﺎ

ﻓﺎﺭﺱ ﺑﺘﻤﺜﻴﻞ :

_ ﻻ ﻣﺶ ﻫﻌﻤﻠﻚ ﻳﺎ ﺣﺒﻴﺒﺘﻲ ﺧﻼﺹ ﺧﻠﺺ ﺍﻟﻤﻮﺿﻮﻉ

ﻓﺘﺤﺖ ﻓﺮﺣﻪ ﻟﻪ ﺍﻟﺒﺎﺏ ﺑﺎﻟﻤﻔﺘﺎﺡ

ﻓﺪﻓﻊ ﻓﺎﺭﺱ ﺍﻟﺒﺎﺏ ﻭﺩﻟﻒ ﺍﻟﻲ ﺍﻟﺪﺍﺧﻞ ﺑﻘﻮﻩ

ﺍﺭﺗﻌﺒﺖ ﻓﺮﺣﻪ ﺑﺸﺪﻩ ﻣﻦ ﻧﻈﺮﺍﺗﻪ ﺍﻟﻨﺎﺭﻳﻪ

ﻭﻇﻠﺖ ﺗﺘﺮﺍﺟﻊ ﻟﻠﺨﻠﻒ ﺣﺘﻲ ﺍﺻﺪﻣﺖ ﺑﺎﻟﺤﺎﺋﻂ

ﻓﺎﺭﺱ ﺑﺸﺪﻩ :

_ ﺑﻘﺎ ﺍﻧﺎ ﻳﺎ ﻓﺮﺣﻪ ﺗﺪﻟﻘﻲ ﻋﻠﻴﺎ ﻛﻮﺑﺎﻳﻪ ﺍﻟﻤﺎﻳﻪ ﻭﺗﻘﻮﻟﻴﻠﻲ ﻫﺨﻠﻲ ﺍﻳﺎﻣﻚ ﺳﻮﺩﻩ ﺩﻩ ﺍﻧﺎ ﺍﻟﻠﻲ ﻫﻄﻠﻌﻪ ﻋﻠﻴﻜﻲ ﺩﻟﻮﻗﺘﻲ

ﻓﺮﺣﻪ ﺑﺨﻮﻑ :

_ ﻻ ﻻ ﻳﺎ ﻓﺎﺭﺱ ﺍﻧﺖ ﻭﻋﺪﺗﻨﻲ ﺍﻧﻚ ﻣﺶ ﻫﺘﻌﻤﻠﻲ ﺣﺎﺟﻪ

ﻓﺎﺭﺱ ﻭﻫﻮ ﻳﺼﺐ ﻋﻠﻴﻬﺎ ﺯﺟﺎﺟﻪ ﺍﻟﻤﻴﺎﻩ ﺍﻟﺒﺎﺭﺩﺓ ﺍﻟﺘﻲ ﻓﻲ ﻳﺪﻩ ﻭﻳﻀﺤﻚ ﺑﺸﺪﻩ :

_ ﻭﺍﺣﺪﻩ ﺑﻮﺍﺣﺪﻩ ﺑﻘﺎ ﻳﺎ ﻓﺮﺣﻪ ﻫﺎﻧﻢ ﻛﺪﻩ ﻧﺒﻘﺎ ﺧﺎﻟﺼﻴﻦ

ﻓﺮﺣﻪ ﺑﻐﻀﺐ :

_ ﺍﻧﺎ ﺍﺻﻼ ﻏﻠﻄﺎﻧﻪ ﺍﻧﻲ ﺻﺪﻗﺘﻚ ﻭﻓﺘﺤﺖ ﺍﻟﺒﺎﺏ

ﻓﺎﺭﺱ ﺑﻀﺤﻚ :

_ ﻭﺍﻟﻠﻪ ﺗﺴﺘﺎﻫﻠﻲ ﺍﻧﺘﻲ ﺍﻟﻠﻲ ﺑﺪﺃﺗﻲ

ﻓﺮﺣﻪ ﺑﻐﻀﺐ ﻭﻏﻴﻆ :

_ ﺍﻧﺎ ﺍﻟﻠﻲ ﺑﺪﺃﺕ ﺑﺮﺩﻭ ﻭﻗﻮﻟﺘﻠﻚ ﻳﺎ ﺷﻮﻳﺶ ﻋﻄﻴﻪ

ﻓﺎﺭﺱ ﺑﻀﺤﻚ :

_ ﻃﻴﺐ ﻫﻮ ﺍﻧﺎ ﻗﻮﻟﺖ ﺣﺎﺟﻪ ﻏﻠﻂ ﻣﺎ ﺍﻧﺖ ﺷﻮﻳﺶ ﻋﻄﻴﻪ ﻓﻌﻼ

ﻓﺮﺣﻪ ﻟﻨﻔﺴﻬﺎ :

_ ﺍﻧﺎ ﻏﻠﻄﺎﻧﻪ ﺍﻧﻲ ﻣﺮﺣﺘﺶ ﺍﻟﻤﻜﺎﻥ ﺍﻟﻠﻲ ﻗﻮﻟﺖ ﻋﻠﻴﻪ ﺍﻟﻨﻬﺎﺭﺩﻩ ﻭﺭﺣﺖ ﺭﺍﻗﺒﺘﻪ ﺧﻠﻴﻪ ﺑﻘﺎ ﻣﺒﺴﻮﻁ ﻭﻫﻮ ﻋﻤﺎﻝ ﻳﻘﻮﻟﻲ ﺷﻮﻳﺲ ﻋﻄﻴﻪ ﺍﺭﺣﻤﻨﻲ ﻳﺎﺭﺏ

ﺑﺲ ﻣﺎﺷﻲ ﻛﻠﻬﺎ ﻛﺎﻡ ﺳﺎﻋﻪ ﻭﻫﻌﺮﻓﻚ ﻣﻴﻦ ﻓﻴﻨﺎ ﺍﻟﻠﻲ ﺍﻟﺸﻮﻳﺶ ﻋﻄﻴﻪوووو..