عشق قالت ...مشاء الله زين والله كبر ولدك ياحجه مش هرضعو واغيرلو حفاضه حميده وقفت بغضب
وقالت...انتى قولتى ايه انتى كيف تتكلمى كده ويايى ياقليلة الحيا
عشق قالت ....ايه زعلتى ليه انا بشوف لو فى حاجه ناقصه يعنى
حميده قالت...بزعيق اخرسى ياعديمت الربايه انا ولدى زينة شباب الحته
عشق ضحكت بستهزاء وقالت .. والنبى ايه وانا اقول الشباب مالهم انضربو فى السوق ليه ربنا يستر على شبابنا حميده مسكت العصايه الى فى يدها وهتديها بيها بس عمار وقف قدامها
وقال...فى ايه يابت مزعله الحجه ليه
عشق قالت...ولا حاجه قولت عليك كبرت ومش هنغيرولك حفوضه زعلت معرفش ليه عمار بصلها بحده
وقال..اطلعى على أوضتك انجرى عشق بصت لحميده وعدلت طرحتها ومشيت وحميده كانت بتبصلها بتوعد
وقالت...انت ياود بتخبيها منى
عمار قال...وانا اقدر اعمل كده ياست الكل انا عايزها تطلع فوق وهطلع انا احاسبها على الى قالتو واربيها واعلمها كيف تتكلم معاكى
حميده قالت...طيب روح عايزه اسمع صرختها من اهنه
عمار قال...حاضر وطلع ودخل الأوضه بغضب
وقال...أمى يتقالها حاضر على كل الى تقوله سامعه عشق وقفت قصاده
وقالت ...وانا مش هغسل رجلك يا سى السيد عمار مسكها من ايدها وحاوطها عند الحيط
و قال ...وانا هحبس أبوكى يامرت سى السيد عشق بلعت ريقها برتباك
وقالت بخوف بتحاول تداريه ....قولنالك المحصول اتسرق ليه مش مصدق عمار لسه هيرد بس الباب اتفتح وكانت حميده حاطه يدها فى وسطها
وقالت...هى دى الربايه ياسبعى عشق بصت لحميده بسخريه ومسكت طرف عبايتها وضمته على صدرها
وقالت.بكسوف مصطنع ...اه قولتلك اقفل الباب متصربع كده تحطنى فى الموقف ده وتخلى امك تشوفنا ونت بت تؤتؤ ياالهوى عليا بتكسف ياعمورى والله قولتلك حميده بصتلهم بغيظ ونزلت وعمار كان لسه بيبصلها بزهول كأنه شايف شبح
وقال ..ايه الى هببتيه ده
عشق قالت ...ايه انا من حقى مشاكلى مع جوزى محدش يتدخل فيها نعمل الى نعمله تدينى بالجزمه اديك بالشلوت مدام مع بعض كله يفوت
عمار قال ...تدينى بالشلوت مره واحده لا دى احلام العصارى ومكونتيش مغطيه لاموأخذه وابتسم بسخريه وقال... رجليكى عشق بصتله بغيظ
وقالت . .انت متربيتش
عمار قال..اش اخرصى تتكلمى زين ويا أمى
عشق قالت.. وهى ملهاش دخل ايه احضر الحمام وحطلك خلقات واغسل رجليك ليه يعنى اجيش اليف ضهرك بالمره ونغنى هاتو الليفه هاتوها والريحه الوحشه طلعوها عمار شم هدومه
وقال...اا هو انا ريحتى وحشه
عشق قالت...متهزرش
عمار قال...انا مش بهزر ماشى انتى قوليلها ماشى واعملى الى تعمليه والباقى انا هقول انك عملتيه
عشق قالت...اه لا متقولش انى بغسل رجلك تقول قالت لا
عمار قال...عدى يومك ياعشق ها عديه عشان هو متربس لوحده متربسيهوش اكتر يلا شوفيلك مصلحه زى ماححترم نفسى قدام اهلك حتحترمينى قدام اهلى وكيف ماحتحترمى أمى ححترم اهلك ها وخبط على خدها
وعشق قالت..ماشى هقولها اه وخلاص
عمار قال...هى مش مجنونه ياعشق ولمى لسانك الباب خبط