أنتي بتراقبيني وبتمشي ورايا يا شمس ؟؟
شمس بغضب : أنطق وقولي مين دي لأخرب بيتك واوديك في داهيه قولي مين دي
ياسر ببرود : دي مراتي يا شمس مراتي وحب عمري سهى ومن النهارده انتي ملكيش اي حاجه عندي .
شمس بصدمة: انت بتخرف بتقول اي.
ياسر ببرود: اللي سمعتيه.
شمس بدموع وصدمة: طب ازاي وطب وانا.
ياسر بسخرية: انتي بالنسبالي واحده مغفله بعاملها كأنها مكنة فلوس وخلاص خدت اللي انا عايزو منك
شمس بدموع: يعني اي ؟
ياسر ببرود: يعني كل املاكك بالتوكيل اللي عملتيه ليا بقت بتاعتي خلاص.
شمس بصدمة: بتاعتك ازاي انا بحلم صح انت مستحيل تعمل كدا فيا لا قول انك بتهزر وانا هصدقك قول اي حاجه.
سهي ببرود: لا مش بيهزر يحبيبتي انتي بقيتي ضرتي معلش معزمنكيش علي فرحنا بس تتعوض اصلي حامل.
شمس محستش ب اي حاجه حولين منها و وقعت فاقدة الواعي...
ياسر بخضة: شمس ... جري عليها شالها ونزل بيها علي المستشفى..
سهى بغيظ: بقا يسيبني وينزل جري بالمنظر دا شايلها تمام انا هوريك يا ياسر..
نزلت وراه وهي بتتوعد ليه وليها...
بعد شويه..
الدكتوره: الظاهر انها مش واكلة ودا غلط عليها وعلي البيبي وخصوصا لأنها في اول الحمل.
ياسر بصدمة: ايههه هي حامل.
الدكتوره: ايوا وابعدوها عن اي ضغط عشان غلط وممكن لاقدر الله يحصل مضاعفات ويحصلها حاجه
ياسر بجمود: تمام.
خرجت الدكتوره ودخلت سهى..
سهى بغضب: في اي مالك زعلان عليها لي.
ياسر بهدؤء: حامل.
سهي باستغراب: ايوا مانا حامل مالك.
ياسر هز راسه ب لا: هي اللي حامل يا سهي
سهى بشهقة وغضب: نعمم نعمم انت بتهبب تقول اي دا مكنش اتفاقنا امال حبوب منع الحمل دي اي انت بتستغفلني يا ياسر ومكنتش بتحطها ليها.
ياسر بعصبية: كنت بتزفت احطها معرفش اي حصل والله يا سهى اكيد الحبوب مجبتش نتيجة انا اكتر واحد مش عاوز عيال منها انا بس عاوز فلوسها.
سهى بغل: وخلاص خدت فلوسها يبقي ارميها في الشارع.
ياسر بهدؤء: مينفعش دلوقتي هي حامل في ابني يا سهي يعني حتة مني جواها وانا مش هتخلي عنه تولده و اوعدك هرميها في الشارع او هخليكي انتي ترميها بنفسك.
سهى بغيظ: يعني هفضل مستحملها تسع شهور مش كفاية اللي فات دي مبقتش عيشه..
خرجت و هو خرج وراها جري مسكها: استني يا سهى.
سهى زقت ايده: استنا اي انا زهقت وجبت اخري
ياسر بحنان: انا وعدتك بصي عشان نرضيها لازم نضحك عليها و هي هتصدقني لانها بتحبني.
عند شمس ...كانت شمس واقفه جنب شباك الاوضة بتسمعهم و الدموع في عنيها وبتفتكر كل كلمة امها قالتها..
شمس بدموع: كان عندك حق يا ماما انا اللي دمرت و ضيعت نفسي بنفسي انتي اللي صح وانا غلطت غلطة عمري كله...بس ماشي حقي مش هسيبه هرجع تعب بابا وشقاه السنين اللي فاتت و حياتك عندي يا ماما هاخد حقي منهم تالت ومتلت..
طلعت تليفونها و بعتت رسالة لشخص ما...
ياسر بخبث: زمانها هتفوق يلا هدخل اعمل فيها الحنين عشان تصدقني وكدا كدا هي هبلة.
سهي بدلع: ماشي وانا يا حبيبي هروح باااي.
باست خده و مشيت و هو دخل لاقي شمس عاملة نايمة..
شمس فتحت عنيها بتمثيل: ااه انا فين.
ياسر بتمثيل الخوف: اي يا حبيبتي انتي في المستشفى الف الف مبروك انتي حامل.
شمس بحزن: انت فعلا اتجوزت عليا يا ياسر و خدت كل حاجه.
ياسر بمكر: اه يا حبيبتي عشان الشغل لكن انا خدت كل حاجه عشان احافظ علي فلوسك انا بحبك انتي وبس.
شمس في نفسها: جتك القرف..
ياسر بخبث مسك ايديها: اسمعي يا شموستي انا جوازي من سهى مصلحه عشان شغلي ينجح اصلها عندها علاقات مع الوفود الاجنيبة كبيرة ودا هينقلني نقلة تانيه خالص.
شمس بسخرية: اها فهمت يا ياسر ظلمتك يا حبيبي كله يهون عشان اشوفك ناجح.
ياسر بلهفة: يعني مش زعلانه.
شمس بمكر: هو أنا كنت زعلانه لكن دلوقتي هزعل لي يا حبيبي فلوسي وفلوسك واحد وطلما جوازك منها مجرد مصلحه ف عادي اكيد هتطلقها بعدين ولا اي.
ياسر بتوتر: ايوا طبعا المهم مبروك حملك.
شمس بنغزة في قلبها: مبروك علينا يا حبيبي.
باس راسها وهي حست بقرف منه زقته..
ياسر باستغراب: اي دا مالك.
شمس بجمود: معلش ريحة البرفان بتاعتك خلتني اتقرفت منك حامل بقا وكدا.
ياسر بهدؤء: ماشي انا عارف انه صعب يلا عشان نروح بيتنا يا حبيبتي.
شمس بهدؤء: تمام يلا. مشيت معاه و راحوا البيت..
لسه هيفتح لاقى الباب اتفتح..
ياسر بصدمة: سهى.
سهى بخبث وهي بتبص علي شمس: اه يا روحي انا جيت اعيش مع جوزي حبيبي.
شمس بغضب: اطلعي برا بيتي.
سهي ببرود: ده بيت جوزي مش بيتك .. وطالما هو بيته يبقي هنعيش سوا أنا وانتي معاه معنديش مشكلة.
ياسر كان هيتكلم صدمه رد شمس: وانا موافقة وان شاءلله نكون اصحاب يا ضرتي.
سهى بغيظ: ان شاءلله.
دخلوا و شمس لاقت البيت مكركب..
ياسر بغضب: اي الزبالة دي كلها.
سهى ببرود: انا كنت جعانه و بدور علي الريموت ملاقتهوش معلش الوحم بقا خلي شموسه تنضف.
شمس بيرود: شموسه دي مش بتنضف ورا الزبالة انا دخلة اوضتي ارتاح و انت يا ياسر خليك مع الحلوة لاني مش طايقه قربك.
مشيت وياسر بص بغيظ ل سهى: عاجبك كدا انتي جاية تبوظي كل حاجه.
سهي بتمثيل البراءة: انا اخص عليك انا جاية اكون جنبك يا حبيبي هو دا جزاتي يعني.
ياسر بهدؤء: لا يا حبيبي تعالي احلى حاجه انها هي اللي قالت مجيش جنبها جت منها والله.
سهى ضحكت بدلع...
عند شمس..
قفلت علي نفسها الاوضة و تليفونها رن..
شمس بدموع: الو.
الشخص باستغراب وخوف: في اي يا شمس مالك.
شمس بانهيار: انا وقعه في مصيبة يا زين مش هعرف احكيلك في الفون أنا عايزاك تنزلي حالا
زين بخضة: مصيبة اي انا هحجز اول طيار و جاي مصر حالا متخفيش.
شمس بدموع: هستناك انا محتاجه لك اوي.
زين بلهفة: حاضر مش هتاخر عليكي.
قفلت معاها ودموعها نزلت بحزن وندم و طلعت رقم امها واتصلت بيها..
فريدة شافت اسمها قلبها وجعها كنسلت في وشها..
شمس فضلت تتصل لحد اما فريدة ردت..
فريدة بجمود: خير عاوزة اي.
شمس بانهيار: سامحيني يا ماما انتي كان معاكي حق في كل حاجه وانا اوعدك اني هاخد حقي تالت ومتلت من عنيهم كلهم حقك عليا انا والله كنت غبية اوي خسرتكم و خسرت اقرب صاحبه ليا سامحوني كلكم.
فريدة بدموع: مالك يا بنتي.
شمس بدموع: وحشتني كلمة بنتي دي من زمان يا ماما.
فريدة بحزن: مالك يا حبيبتي حصل اي.
شمس مسحت دموعها بقوة: مفيش هتعرفي بعدين ادعيلي يا ماما..
قفلت معاها و فريدة قلبها وجعها...
تاني يوم..
سهي بتروح لحد اوضة شمس بتتسحب حطت زيت قدام الباب..
سهي بهمس وخبث: يلا بالسلامه.
خبطت الباب وجريت بعيد تستخبي تشوفها و هي بتقع.
مخرجتش..
سهى استغربت..
راحت تخبط تاني مفيش رد فتحت الاوضة ودخلت ملاقتش شمس جوا..
سهى باستغراب: هي راحت فين دي.
خرجت دخلت لياسر اللي كان نايم: اصحى يا سبع الرجال مراتك مش في فرشتها لي.
ياسر بنوم: بس بقا.
سهى بغضب: اصحي شوف الهانم راحت فين.
ياسر قام باستغراب: هانم مين قصدك شمس .. هتكون راحت فين طفشت يعني وسعي كدا.
قام جري ورايح اوضة شمس وقع علي ضهره..
سهى خافت..
ياسر بغضب: مين حط الزيت دا هنا.
سهى بتوتر: زيت اي مفيش زيت ولا حاجه.
ياسر مسكها من شعرها: محدش يعمل الحركات دي غيرك يا سهى لييي هااا عاوزة تموتي ابني.
سهى بخوف: معملتش حاجه وبعدين ايش عرفني انه في زيت هنا.
زقها بغضب: سهى متختبريش صبري عشان انا معنديش صبر اياك تعملي كدا تاني.
سهى بخوف: ماشي.
ياسر قام يشوف شمس راحت فين..
في كافية ما..
شمس كانت بتفرك ايديها بتوتر لاقت اللي مد ايده بورده..
شمس بابتسامة: حمدلله علي السلامة.
زين بابتسامة: الله يسلمك يا شمس انتي عاملة اي .
شمس بحزن: مش بخير خالص يا زين انا كلمتك لانك اقرب حد ليا وصاحب طفولتي وابن خالتي
زين بهدؤء: وانا اول ما سمعت صوتك بالشكل دا سبت كل حاجه وجيت لك علطول.
شمس بدموع حكت له كل حاجه وهو كور ايده بغضب..
شمس بدموع: مبقاش عندي حد غيرك وانا مش عارفه اتصرف ازاي يا زين.
زين بهدؤء عكس النار اللي جواه: اتطلقي منه ويغور.
شمس بصدمة: انت شايف كدا دا خد كل حاجه يا زين.
زين بهدؤء: الغلط غلطك وانتي دفعتي تمنه يبقي خلاص ولو علي خالتي انا هكلمها وهصالحكم علي بعض
شمس بحزن: بس انا عاوزة حقي دا تعب ابويا.
زين بهدؤء: ودا التمن اللي هتدفعيه يا شمس ربي ابنك وعيشي له .
شمس تليفونها رن ب رقم ياسر.
زين مسك التليفون ورد.
ياسر بغضب: انتي فين.
زين ببرود: تبعت ليها ورقة طلقها.
ياسر باستغراب: انت مين ومراتي فين.
زين ببرود: انا زين نصر العناني اللي هيطلع عين امك لما اشوفك
ياسر بصدمه: مييين ؟؟