نور: " يلا يا ريان انا جعانه
ريان: " مش نستني اخوكي الاول
نور: " وانا مالي حد قالوا يصحي متاخر
يلا بقي
ريان: " تعالي يا اخره صبري
مسك نور من ايدها وراحوا علشان يقعدوا علي ترابيزه وهما ماشيين خبط في حد
ريان: " انا اس..اتصدم لما شافها قداموا
ريان بصدمه: " انتي بتعملي ايه هنا
بانه بصتلوا بخوف
ريان بصوت عالي: " بقولك بتعملي ايه هنااا
بانه بخوف: " اص...
تقى وهي بتقطعها ....في ايه عمال تزعق في البنت كده لي ... علي العموم هقولك انا
احنا جايين تبع المهمه اللي انتم فيها
استريحت كده
ريان بصدمه: " مهمه ايه
ومين اللي جبكم اصلا
تقى: " الله ما طولك ياروح
شكلنا مش هنخلص... احنا اللي جينا بنسفنا محدش جبنا
ريان: " انا مش فاهم برضوا انتم ايه لزمتكم هنا
بانه واخيرا اتكلمت ..... ماحنا قولنا ان احنا جاين تبع المهمه زي مانت جي
ريان بعصبيه: " يادي ام المهمه الي قرفتونا بيها
مانا فهمت انكم جاين تبع الزفت انا بقول دوركم هيبقي ايه
تقى: " لو سمحت متزعكش كده
ريان بنرفزه: " انا مبزعكش انا عايز اعرف جايين ليه
تقى: " مهو واضح فعلاً انك مبتزعكش
ريان وهو بيوجه كلامه لي بانه ..... انتي ازاي متقوليش انك جايه
بانه: " انا قولت لي بابا
ريان: " وانا مليش تلاتين لازمه
بانه كانت لسه هتتكلم بس قاطعهم فهد
فهد: " صباح الخير
بانه بابتسامة: " صباح النور
فهد: " عامله ايه دلوقتي
بانه: " بخير الحمدلله
ريان وهو بيبصلهم باستغراب وهو رافع حاجبه
ريان: " انت كنت عارف
فهد: " عارف ايه
ريان: " انها هتيجي هنا تبع المهمه
فهد: " انا لسه عارف امبارح
ريان برفعه حاجب: " والله
وليه بتسئلها عامله ايه دلوقتي
هو في حاجه حصلت ولا ايه
فهد: " مانا قولت هحكيلك انهارده لما اشوفك
ريان: " هو الموضوع يخصها
فهد بتنهيده: " اممم
ريان: " طب يلا نروح نفطر واحكيلي حصل ايه
نور وهي بتوقفهم .... ايه يا بابا انت وهو مش في انسانه واقفه هنا
ريان باستغراب: " في ايه
نور وهي يتوجه كلامها لي فهد: " ايه دلوقتي خلاص نسيتني مبقاش عندك اخت تسئل فيها
ده حتي مطمنتش عليا امبارح بعد لما كنت هموت
فهد باستغراب: " تموتي!
هو حصل ايه انا مش فاهم حاجه
نور: " ايه ده انت لسه معرفتش ايه اللي حصلي
كملت بتمثيل اوڤر وهي بتمثل العياط
ده انا كنت هموت امبارح ومكنتش هتشوف وشي تاني كنت خارجه علشان اتبسط وفي الاخر كنت هموت كملت وهي بتبص لي ريان وبتمثل العياط
وصحبك هو السبب كان عايزني اموت ويخلص مني
ريان بصلها بصدمه: " انا!
بقي انا السبب وعايزك تموتي
نور: " اه
ريان: " تتك ....
قاطعه فهد: " بسسسس
ينفع نروح نقعد الاول وبعد كده افهم اللي حصل
نور وهي بتبصلوا بقرف: " يعني بعد كل اللي قولتهولك ده ومكلفتش نفسك حتي تقولي حمدالله على السلامه
اخيه بجد اخيه رجاله اخر زمن انا هاروح اكلم مراد حبيب اختوا علي الاقل هيقلق عليا وممكن كمان بعد ساعه تلاقي هنا علشان يطمن عليا كملت بقرف مش زيك
فهد: " يا نور يا حبيبتي لما تبقي عايزه تمثلي ابقي شمي بصل علشان تعيطي حقيقي مش زي التمثيل المعفن ده ويلا بقي قدامي علشان عايز احكيلكم علي اللي حصل واسمع منكم حصل ايه علشان حاسس اصلا ان الموضوع ميستهلش
نور: " ميستهلش يعني كنت هموت وتقولي ميستهلش .... والله انت اللي متستهلش اني اتكلم معاك بعد كده
ريان بزعيق: " بسسسسس
ويلا قدامي مش عايز اسمع صوت حد انتم فاهمين
راحوا كلهم قعدوا علي التربيزه وطلبوا الفطار
ريان: " هااا احكي بقي ايه اللي حصل
فهد حكي كل اللي حصل
ريان بصدمه: " مين دول اللي اتهجموا عليكم
فهد: " معرفش ممكن يكونوا شكوا فينا وعايزين يخلصوا علينا
ريان: " لا معتقتش انهم عايزين يخصلوا علينا دي كانت قرصه ودن .... بص لي اخته بقلق
انتي كويسه
بانه: " اه الحمدلله
ريان: " إذا كان ده حصل اول يوم اومال هيحصل ايه بعد كده انا مش موفق انك تقعدي هنا شوفي اقرب طياره وسافري انا مش هستني لحد ما اخسرك
بانه: " وانا مش هسافر وزي مانت بتعمل ده علشان بلدك فانا برضوا بعمل كده علشان بلدي
ريان: " يعني انا كلامي مبيتسمعش
بانه: " انا قولت لي بابا وهو وافق وهو ولي امري مش انت
ريان بضيق: " برحتك انا حذرتك
نور: " في ايه يا ريان ما برحتها يا اخي الاعمار بيدي لله
ريان: " ملكيش دعوة انتي
فهد: " شفت احساسك عامل ازي
ده بقي كان نفس احساسي ويمكن اكتر كمان لما نور جت هنا وكمان بقت مراتك
ريان بضيق: " لي ان شاء الله هكلها مثلاً
متخفش مبكولش لحوم بشر
فهد: " مقصدش بس لما تخلص المهمه إن شاء الله علي خير هطلقها وكده هي الوحيده اللي خسرت فينا انها هتبقي مطلقه وكمان هبقي كده في خطر لما يعرفوا انها مراتك لانهم عايزين يخلصوا منك
ريان: " بالعكس كانوا خلصوا منها من زمان لانها تبقي اختك وكمان بنت المستشار وبخصوص الجواز فاختك هي اللي كانت عايزه تبقي معانا كان ممكن ترفد عادي بس هي اللي وفقت
فهد: " مانا بعدت عن الشغل فتره كبيره
ودي اول مهمه اعملها اول لما رجعت وعلشان كده مكنش حد بيفكر ياذيها وبابا برضوا مكنش لي اعداء لكن انت كده ممكن تئذيها بسببك او يهددوك بيها
وكمان انت عارف نور لازم تنفذ اللي في دماغها علشان كده وافقت انها تتجوزك لانها هتموت وتبقي في مهمه هي اصلا كان نفسها تطلع ظابط بس ربنا مأردش
ريان بسخرية: " انت هتقولي مانا عشرتها وعارف شخصيتها المجنونه
نور: " نينيني..... انا اصلا ميفرقش معايا جواز ولا طلاق انا اهم حاجه عندي اني امسك حد من العصابه واقعد اضرب في ياااا كان نفسي اطلع ظابط علشان كده امسك السلاح واقعد اضرب فيهم واحد واحد ويبقي الكل يخاف لما يتجاب اسمي بس
فهد بضحك: "بقي كل ده هدفك انك تقعدي تضربي فيهم
نور بشر: " طبعاً مش عارف انت المتعه في كده
فهد: " ربنا يهديكي
نور: " اه صح انت سبت شغلك لي
فهد: " هتعرفي بعدين
نور: " من اول لما سبت شغلك وانت بتقول نفس الكلمه
فهد: " مش وقته يا نور
المهم بقي احكيلي ايه اللي حصل امبارح
مش المفروض اصلا امبارح كنت بتجهز علشان معاد التسليم قبل لما اتصل بيك وابلغك إن التسليم اتاجل
ريان: " كل الحكايه إن الهانم كانت عايزه تخرج امبارح وتروح الملاهي ولما روحنا جربت كل اللعب حرفياً مفيش لعبه سبتها المهم قولتلها يلا نروح وهي قاعدت تتحايل عليا زي العيال الصغيره علشان تركب وقالت دي اللعبه الوحيد وهنروح المهم وافقت روحنا وركبنا قطر الموت واحنا راكبين الحديده اللي كانت ماسكها تقريباً مكنتش مقفوله كويس واتفتحت و وقعت فانا مسكتها في اخر لحظه لحد ما اللعبه توقفت بس كده سعتها بقي اختك جالها ضيق تنفس وكان هيغمي عليها واخدتها وروحنا بس كده
فهد بصدمه: " وازاي متقوليش
ريان: " مكنتش عايز اقلقك
فهد بقلق: " انتي دلوقتي بقيتي احسن
نور: " لسه فاكر
ريان بسخريه: " انت بعد كل اللي سمعتوا منها ده بتسئل هي كويسه ولا لا مش واضح قدامك
فهد قام واخدها في حضنه
ملكش دعوه انت وكمان هي لما تبقي تعبانه مبتقولش
بص لي نور وقال. انتي كويسه دلوقتي يا حبيبتي
نور وهي بتهز راسها: " الحمدلله
كرهت الملاهي خلاص
فهد بضحك: " جتلك عقده منها خلاص
نور: " اه...قطع كلامها صوت هاتفها
فهد: " مين اللي بيتصل
نور بفرحه: " ده مراد حبيب اخته
فهد: " دلوقتي بقي حبيبك ده انتم اكتر اتنين مش بطيقوا بعد
نور ردت علي الفون
مراد: " ازيك يا نوري
نور: " الحمدلله انت اخبارك ايه
مراد: " الحمدلله
يااا يانور متتخيليش انا مبسوط كد ايه
نور: " اكيد كنت مكلم تمارا قبليا علشان تبقي مبسوط كده
مواد: " تمارا ايه بس اللي ببقي مبسوط لما اكلمها دي نكديه وبومه زيك كده بظبط مانها الاول مكنتش كده البركه فيكي خليتيها زيك
نور: " انا .. ربنا يسامحك
مقلتش بقي مبسوط من ايه
مراد: " ماما انهارده عامله نجرسكو وهكلها كلها لوحدي من غير لما تشركيني فيها
نور: " هو انت متصل علشان تغيظني
مراد: " اومال متصل ليه مثلا
نور: " تصدق انك مستفز وانا هروح اكلم ماما وهخليها متعملهاش لحد لما اجي
مراد باستفزاز: " مهي خلاص عملتها هي هتستنا تاخد إذنك يعني
نور: " هعهع مستفز
يعني انت مش متصل تطمن علي اختك
مراد: " تؤتؤ
نور: " علي فكره انا كنت هموت امبارح
فهد بهمس لي ريان: " هتقول لي العالم قوله انها كانت هتموت دي ناقص تجيب مكرفون وتقعد نقول وبيقلد صوتها .. انا كنت هموت امبارح
ريان بضحك: " ولما حد يسئلها من ايه تقولوا كنت بلعب في الملاهي
هما الاتنين قعدوا يضحكوا
وتقى وبانه مش فاهمين بيضحكوا علي ايه
مراد بقلق: " ليه ايه اللي حصل انتم اتكشفتوا ولا ايه
طب انتي كويسه دلوقتي
نور: " ليه مش انا مبفركش معاك
مراد: " يا نور اخلصي
نور بتنهيده: " حكتلوا كل اللي حصل
مراد بصدمه: " انتي بتهزري ولا بتتكلمي بجد
انتم رايحين تلعبوا ولا تشتغلوا ده انا افتكرت حد من المجرمين عملك حاجه
نور: " انت بتتريق وبعدين مهما فعلا اتهجموا علي علي فهد وبانه .... يعني كنت هتخسر اختك واخوك امبارح وتبقي وحيد يعني يابني تصدق صعبت عليا
مراد: " اقفلي يا نور اقفلي
نور كنت لسه هنتكلم قفل السكه في وشها
نور بصت لي الفون بصدمه
ريان بضحك: " قفل السكه في وشك
نور: " هااا لا اصل الرصيد خلص
ولسه شحنة يلا ربنا يسامحهم بقي الحرميه دول
ريان بتريقه: " اه مهو واضح
نور بصتلوا بغيظ
تقى: " بنات منيجي نقعد فوق احسن لحسن انا عايزه ارتاح
بانه: " يلا
تقى: " مش جايه يا نور
نور: " لا جايه يلا
طلعوا البنات فوق ودخلوا الغرفه بتعتهم
نور: " بصوا بقي يا كتاكيت
احنا هنا زينا زي الولاد اللي برا دي وعايزين نبقي احسن منهم كمان
تقى: " مش فاهمه
نور: " يعني نشتغل مع نفسنا احنا اه هنسعدهم بس برضوا عايزين نبقي احسن منهم كمان
لانهم فاكرين علشان احنا بنات فمش هنعوف نعمل حاجه بس لا احنا مش هنسمح بكده لازم نعرف كل حاجه ونوقع المجرمين دول
بانه: " نوقعهم ازي يعني
نور: " هقولك بس المهمه انتم موافقين انا كلمت تمارا وهي جايه الاسبوع اللي جاي وهتبقي معانا هاا موفقين
بانه وتقى وهما بيبصوا لي بعد وبحماس.. موافقين
نور بحماس : " يلا يا اخواتشي ..هقولكم نعمل ايه وتنفزوا بالحرف الواحد
الفصل الرابع عشر
فهد: " هو زين فين
ريان: " زمانه جي
فهد: " طب انا هاروح الحمام وجي
ريان: " تمام
ذهب فهد في مكان بعيد عن الناس وعمل مكالمه
مجهول: " فهد بنفسه بيتصل ده احنا حصلنا الشرف
فهد بغضب: " انت اتجننت باعت ناس تضرب عليا نار
مجهول: " تؤتؤ اهدي كده ده لسه التقيل جي
فهد بعصبيه: " انت عايز ايه مانا بنفذ كل الي انت عايزه وحظرتك انك تقرب من حد تبعي
مجهول: " انت قولتلي مقربش من اختك وانا وفيت بوعدي ولا انت قصدك علي السنيورة
فهد: " اقسم بالله لو قربتلها اقرأ علي نفسك الفاتحه
مجهول: " انا مبتهددش.... كمان انت مالك اصلا باخت ريان اكمل بسخرية..... ولا علشان حبيبت القلب
فهد بغضب جحيمي: " احسنلك ماتتعداش حدودك ولو قربت من حد فيهم هتندم وهتتمنى الموت ومطلوش
مجهول: " بص بقى أنت قدامك خيارين علشان ندمر ريان الاول اختك ودي هتبقي الضربه لي ريان علشان ندمره والثانيه اخته
لو انت زعلان علي حبيبه القلب فانا من رأيي اختك لان دي نقطه ضعف ريان ومتخفش مش هنموتها دي برضوا اخت صحبنا قدامك ٢٤ ساعه وتبلغني
ولو معملتش كده فأنت اللي هتدمر هتخسر شغلك بدل لما تبقي مقدم هتبقي خاين.... ولما سيادة المستشار ولدك يعرف أن ابنه خاين هيبقي موقفوا ايه
فكر كويس وبلغني سلام . بسخرية..يا سيادة المقدم
قال ذلك وقفل السكه
فهد بغضب جحيمي: " ماشي هنشوف مين اللي هيتدمر في الاخر
------------
ريان كان قاعد سرحان قطع تفكيره صوت زين
زين: " صباح الخير
ريان: " صباح النور اتاخرت ليه
زين: " اتاخرت ليه الساعه عشره الصبح مش فاهم انتوا صاحين تبيعوا لبن علي الصبح ولا ايه
وبعدين خد هنا مالك فيك حاجه مش مظبوطه
ريان: " مالي مانا قدامك زي الفول اهو
زين بسخريه: " انت هتقولي ....مكنتش اعرف ان الجواز بيعمل في البني ادم كده
ريان بضيق: " بقولك ايه مش ناقص رخمتك علي الصبح لا تقول كلام عدل لا تقوم احسن
زين: " خلاص ياعم في ايه بهزر يا اخي
فهد داخل علينا اهو
فهد: " ازيك يا زين
زين: " الحمدلله احسن منك
فهد بغيظ: " تصدق انك تنح
زين: " الله هو في ايه يا جدعان ليه شايلين طاجن ستكم كده كل واحد جي وضاربلي بوظ
ريان: " اتاخرت ليه
فهد بتوتر: " عادي كنت بعمل مكالمه
ريان بشك: " مممم ....كلمت مايكل وقولتلوا علي معادنا بليل
فهد: " اه وبعتلي العنوان بس
ريان: " بس ايه
فهد بتوتر: " هيبقي في ملهي ليلي
ريان بضيق: " تمام
زين: " اوبا دي شكلها هتبقي ليله لوز
فهد: " أخرس يلا وكمان مين قالك اصلا انك جي معانا
زين: " ليه أن شاء الله...هتروحوا انتم وتسبوني انا اعمل ايه هنا
فهد: " هتقعد هنا مع البنات مينفعش يبقوا لوحدهم
زين: " ليه هما مش هيروحوا معاكم
ريان: " انت اهبل انت عايزنا ناخدهم معانا في مكان زي ده
زين: " يعني انتم هتسيبوني معاهم احرصهم
طب مكنتوش جبتوهم من الاول ادام انتم خايفين عليهم كده
مش فاهم انا احنا جايبنهم نحرصهم ولا يشتغلوا معانا
فهد: " خلص الكلام احنا مش هنتاخر ساعه بالكتير وهنكون هنا
زين: " هتروحوا علي الساعه كام
ريان: " علي ١١
زين: " مش متأخر ده
فهد بسخرية: " ده بيبدا في الوقت ده انت عايزهم يفتحوا علي الظهر يعني ولا ايه
مش ناقص غباء ونبي يا زين
زين: " مش هرد عليك...انتم هتقولوا لي البنات بقي ولا ايه
ريان: " لا البنات ميعرفوش حاجه ماشي يازين ميعرفوش هاا
زين: " متقلقش محدش هيعرف حاجه
فهد: " ربنا يستر
كان في حد بيسمعهم وانسحب ببطء وحذر علشان محدش يشوفوا
---------
نور: " بناتتت
بانه: " ايه في ايه
نور: " تخيلوا عرفت ايه
بانه: " ايه
نور: " اتحيلوا عليا شويه
تقى: " هتقولي ولا لا قالت ذلك وهي تلتقط فردت الشبشب من رجلها
نور بسرعه: " خلاااص هقول ..... انا كنت رايحه اقول لي ريان اني ابات معكم انهارده بس سمعتهم بيقولوا انهم رايحين انهارده النايت كلاوب
ومش عايزنا نعرف
تقى: " ايه النايت كلوب ده
بانه: " ملهي ليلي
تقى: " نععم هيروح المكان الزبالة ده وزين رايح معاهم
نور: " لا هما قالوا لي زين يفضل معانا وهما هيروحوا لوحدهم ومنبهين علي زين ميقولش اي حاجه
تقى: " ليه يعني
نور: " علشان عارفين لو قالولنا هنبقي عايزين نروح معاهم وهما اكيد مش هيردو نروح مكان زي ده
تقى: " ما عندهم حق مين اصلا يبقي عايز يروح مكان زي ده استغفر الله العظيم
نور: " انا عايزه اروح
تقى: " بت انتي اتلمي واقعدي كفايه مصايب انتي المفروض يسموكي مصيبه من المصائب اللي انتي بتجبيها ..انتي عارفه لو دخلتي مكان زي ده ايه اللي هيحصلك
نور: " عارفه ومحدش يقدر يعملي حاجه ولا يقرب مني
تقى: " بس يا ماما واقعدي
بانه: " وانا كمان عايزه اروح
تقى: " انتم بجد طبيعين من اللي بتقولوه ده
نور: " بصي بقي احنا الاتنين هنروح وانتي اللي هتقعدي هنا تلهي زين علشان ميشكش في حاجه
تقى: " الهي مين امشي يا ماما من هنا ..كمان اشمعنا انا يعني اللي الهيه
نور: " مش انتي اللي مش عايزه تروحي وكمان ده مش حد غريب كملت بغمزه ده زين
تقى بتوتر: " مين يعني زين ده
نور باستفزاز: " يعني مش عارفه
بانه: " خلاص انتي وهي
هنروح علي الساعه كام
نور: " ١١
تقى: " كمان انا ولا صحبتكم ولا اعرفكم
تعالي يا سيادة المستشار شوف بنتك رايحه فين في وقت متأخر زي ده اخيه بجد اخيه
بانه: " ما طبيعي يبقي في وقت زي ده
يلا يا نور سيبك منها تعالي نشوف نلبس ايه
تقى: " يلا ما هي ناقصه ألبسوا بقي حاجات قصيره وضيقه واقلعوا الحجاب علشان تليقوا بالمكان اللي انتم في ما انتم خلاص انحر...فتوا
نور: " لا إله إلا أنت سبحانك إني كنت من الظالمين
هو احنا يعني علشان رايحين في المكان ده يبقي نسينا دينا احنا رايحين تبع شغل وكمان هيبقي موجود معانا الشباب مش هيسبونا لوحدنا يعني
بانه: " هو احنا هنروح معاهم
نور: " لا يا ذكيه اومال احنا بنقول ليه تقى تفضل مع زين علشان ميشكوش في حاجه احنا هنروح وراهم ولازم ميشفوناش
بانه: " اومال ليه بتقولي هيبقوا معانا لو حصل حاجه
نور: " علي شان لو حصل حاجه هيعرفوا ان احنا موجودين هناك
بانه: " مش فاهمه
نور: " هتعرفي لما يحصل
تقى: " ربنا يستر
--------
في الليل
كان ريان لابس بدله رمادي مع قميص اسود وبنطلون نفس لون القميص
نور: " انت رايح فين
ريان: " مشوار ومتخافيش مش هتاخر
نور: " مشوار ايه في وقت زي ده
ريان: " متسأليش كتير .. يلا سلام
نور بغيظ: " ماشي يا ريان
قلعت الاسدال اللي كانت لابساه فوق الفستان
لونه اوف وايت وكان علي شكل سمكه ولي ديل
والبست هيلز بكعب عالي
نور: " الو يا بانه خلصتي
بانه: " اه هو نزل
نور: " اه يلا بسرعه علشان نلحقهم
بانه: " ماشي انا نازله دلوقتي
عند ريان
فهد: " اتاخرت ليه
ريان: " اتاخر برحتي خليه يستنا
فهد: " صبرني يارب يلا يا ريان يلا
ركبوا العربيه وتحركوا
بانه: " يلا يا نور دول مشيوا هنلحقهم ازاي دلوقتي
نور: " يا حبيبتي احنا مش بنراقبهم احنا اصلا لو مشينا وراهم بالعربيه كانوا هيشفونا
بانه: " نعم اومال هنروح ازاي
نور: " انا معايا اللوكيشن اخدته من موبايل ريان لما فهد بعتهولوه
بانه: " مش سهله انتي برضوا
نور: " عيب عليكي
بانه: " طب يلا اطلبي اوبر او وقفي تاكسي
نور: " ما تطلبي انتي
بانه: " يا نور يلا انا مش معايا رصيد علشان اطلب
نور: " احنا اصلا مش هنلحق نطلب هيقعد فتره عقبال لما يجي احنا نوقف تاكسي احسن
راحت نور توقف تاكسي وركبوا
بانه بغمزه: " بس ايه الشياكه دي
نور بغرور: " اقل حاجه عندي
بانه: " مغروره اوي
نور: " بس بجد شكلي حلو
بانه: " قمر والله خساره في الواد ريان
نور بكسوف: " خلاص بقي متكسفنيش
بانه: " ايه ده ...ده احنا طلعنا بنتكسف اهو
نور: " خلاص بقي
بانه بضحكه: "خلاص خلاص لحسن وشك بقي شبه الطماطم
نور بغيظ: " رخمه
عند تقى كانت قاعده في غرفتها بتتفرج علي التلفزيون سمعت خبط علي باب راحت علشان تشوف مين
تقى من ورا الباب: " مين
زين: " انا
تقى براخمه: " احنا كده عرفناك يعني
زين بغيظ: " انا زين يا تقى
تقى: " عايز ايه
زين: " هو احنا هنفضل نتكلم كتير كده ورا الباب
تقى راحت لبست الطرحه وفتحت الباب
تقى: " هاا بقي عايز ايه
زين: " كنت بتطمن عليكم واشوفكم عايزين حاجه
تقى: " متشكرين يااخويه مستغنين عن خدمتك
زين بغيظ: " اتكلمي باسلوب احسن من كده الحق عليا اني جي اشوفكم لو محتاجين حاجه
تقى: " اتكلم باسلوب اللي يعجبني محدش لي عندي حاجه
زين: " صبرني يارب اومال فين نور وبانه
تقى: " نايمين عايز حاجه ولا اقفل
زين: " وانا اعوز منك ايه يعني كتك نيله
قال ذلك ومشي
تقى: " انسان مستفز
بعد وقت وصلوا
بانه: " هو ده المكان
نور: " تقريبا... مش باين من منظره
بانه: " معاكي مسكن لحسن صوت الاغاني وصله لحد هنا اومال لما ندخل هنعمل ايه ده انا جالي صداع من دلوقتي
نور: " وانا هجيب مسكن اعمل بي ايه هي كلها ساعه حاولي تستحملي
بانه: " طب هندخل ازاي
نور: " استغفر الله العظيم
هندخل زي البني ادمين يا بانه
يلا وبلاش اسئله الي تحرق الدم دي
بانه: " يابنتي افهمي انا قصدي علي الناس الي واقفه عند الباب ممكن ميردوش يدخلونا
نور: " تصدقي صح بس هما بيعملوا كده في مصر بس ولا بيعملوا هنا كمان كده
بانه: " مش عارفه
نور: " تعالي نشوف
كانوا داخلين بس البودي جارد منعهم
نور بالماني: "Dürfen wir bitte eintreten
ينفع لو سمحت ندخل
الراجل مكنش فاهم بتقول ايه
Jack:"I don't understand
بانه بهمس لي نور ...انتي بتقولي ايه
نور بهمس لبانه قوليلوه ينفع ندخل
بانه: " Please, can we come in
Jack:" No, it's forbidden
نور بلالماني:
"Meine Freundin und ich möchten lange aufbleiben."
انا وصديقتي نريد ان نسهر
بانه بصوت واطي: " انتي بتقولي ايه
نور: " قوليلوه: " انا وصديقتي نريد ان نسهر
بانه: "
"She is telling you that we want to stay up."
Jack:"Alright, please go ahead."
حسنا تفضلوا
نور: " يا اخيرا ده كان راجل مستفز
بانه: " انتي اللي قاعدتي تتكلمي بلالماني
نور: " علشان يدخلني علشان هما بيخافوا يدخلوا اي حد لان الملهي ده تبع مايكل وخصوصا ان احنا محجبين فالما عرف إن احنا داخلين نسهر ومش من بلدهم اصلا فمرفضش
بانه: " لا بس كنتي جامده وانتي بتتكلمي بلالماني لا ووثقه من نفسك كمان... اه صح انتي اتعلمتي فين متقوليش من المدرسه لان مستحيل حد يطلع بيعرف يتكلم كده من غير غلطه
نور: " كنت باخد كورس
بانه: " اممم حلو ده ابقي ابعتيلي اسموا لما نروح
نور: " انتي ناويه تحفظي ولا ايه
بانه: " اصلي بحب اللغات فعايزه اتعلم حاجه جديده
نور: " طب يلا مش هنقعد نتكلم ونسيب اللي احنا جايين علشانه
بانه: " هما فين اصلا
نور: " معرفش تعالي نشوف قاعدين فين بس حسبي لا يشفوكي
بانه: " متقلقيش
قاعدوا يدوروا عليهم لحد ما شافوهم قاعدين مع ناس
بانه: " اهم هناك هنعمل ايه بقي
نور: " مش لازم يشفونا تعالي نروح نقعد هناك
راحوا قعوا في مكان بعيد عنهم بشويه علشان ميشفوهمش
بانه: " سؤال بقي احنا جايين نعمل ايه مش المفروض نعرف هما بيقولوا ايه
نور: " اه
بانه: " هنعرف ازي بقي يا ذكيه واحنا قاعدين بعيد عنهم هنسمعهم ازاي كده
نور: " مانتي لو تصبري شويه كنت قولتلك
بانه: " نور ابوس ايدك مش وقت تناحه واخلصي قولي
نور: " بصي يا ستي انا مهكره موبايل ريان من فتره كده من اول لما جينا هنا... فانا هفتح الموبايل دلوقتي وهنسمع هما بيقولوا ايه
بانه بزهول: " انتي بتعرفي تهكري
نور: " امممم
بانه: " بت انتي متعلمه كل الحاجات دي ليه
انتي تبع العصابه وانا مش عارفه
نور: " كل ده علشان بعرف اهكر وحفظه لغتان
بانه: " انتي اتعلمتي الهكر فين
نور: " مراد هو اللي علمني علشان هو ذكي جداً في الحاجات دي وبيستخدمها تبع شغله فانا قولتلوا يعلمني ... وبعدين انتي هتقعدي تتكلمي الهكر ونسيب شغلنا بقي
بانه: " طب يلا افتحي البتاعه ده علشان نسمع بيقولوا ايه
نور: " خدي البسي دي في ودانك علشان تعرفي تسمعي
بانه اخدت منها ايربودز ولبستها
مايكل: " معاد تسليم الشحنه هيبقي يوم الخميس اللي جي
ريان: " تمام ..اتاكد إن الشحنه هتوصل في المعاد ده مش زي المره اللي فاتت
مايكل: " لا تقلق سيد بلاك الشحنه هتوصل في معادها
ريان: " اما نشوف
مايكل: " تشربوا ايه
فهد: " لا شكراً احنا هنتكلم في الشغل
مايكل: " تمام كما تشاء
كانوا عاملين يسمعوا ومش فاهمين اي حاجه
بانه: " شحنه ايه انا مش فاهمه حاجه
نور: " دي تقريبا الشحنه اللي المفروض كانت اتسلمت بس اتأجل معادها
بانه: " اه احنا احنا بقي استفدنا ايه
نور: " ولا حاجه انا كنت فاكره هيتكلموا في مواضيع مهمه بس طلع في الاخر ملهاش لازمه
بانه: " طب يلا تعالي نلحق نمشي قبل لما يجوا
نور: " يلا ..كانوا لسه هيتحركوا بس قطعهم الشخص الي قرب منهم
Kevin: " "Hello ladies, may we get to know each other?"
اهلا سيداتي هل يمكننا التعرف علي بعضنا
الحوار مترجم
نور بحده: " لا وامشي من وشي احسنلك
كيفن: " واضح ان انتي مصريه
نور بصدمه: " انت بتتكلم عربي هو انت من مصر
كيفن: " لا ابويا هو اللي من مصر لكن انا طول عمري عايش هنا
نور: " تمام عن ازنك
كيفن: " استني بس يا انسه ...مسك ايدها يمنعها من التحرك
نور بشر: " انت قد المسكه دي
كيفن باستهزاء: " قدها ونصف كمان هعملي ايه يعني
نور: " انا هقولك قالت ذلك وضربتوا بلبوكس في وشو
كيفن بغضب: " انتي اتجننتي انت مش عارفه انا مين
نور: " واحد مش محترم وقليل الادب
كيفن: " انا بقي هعرفك انا مين قال ذلك وكان لسه هيمد ايدو عليها بس هي سبقتوا وجابت كاس من جنبها وكسرته علي دماغه
بانه بحماس: " جدعه يا نور اديلو بس سكتت فجاه لما شافت الشباب اتلمت حوليهم
بانه بخوف : " مين دول
نور: " تقريباً تابعوا
بانه: " طب هنعمل ايه
نور بحماس: " هنربيهم
قالت ذلك ومسكت سكينه كانت حطها في شنتطها علشان لو حد تعرضلها وغرزتها في كتف الراجل
وبانه مسكت الكاسات وبقت تكسرها عليهم
مكنوش عارفين يضربو بسبب الفساتين والكعب فكانوا بيشوفوا اي حاجه جمبهم يضربوهم بيها
فهد: " ايه الصوت ده
مايكل: " دي شكلها خناقه
ريان: " تعالوا نشوف في ايه
قاموا وراحوا ناحيه الخناقه مكنوش عارفين يشوفوا بسبب الزحمه لان الناس كلها كانت متلميه ناحيه الخناقه
بس حولوا يخشوا علشان يشوفوا في ايه بعد لما عرفوا إن اتنين ستات بتتخانق مع الرجاله دي كلها
نور بزعيق: " لو حد عايز يعمل نفسه راجل يقرب
كان في حد جي من وراها وكان هيضربها بلعاصيه علي دماغها بس ايد ريان كانت اسرع الاي بصلوا بحده وعيونه كانت حمراء واديلوا بلبوكس وقعد يضرب في هو والرجاله اللي معاه وفهد قعد يضرب معاه لحد مخلصوا عليهم كلهم محدش فيهم كان قادر يتحرك
ريان بغضب وصوت عالي: " قدامي انتي وهي
بانه بخوف: " ربنا يسامحك يا نور انتي وافكارك
اللي هتودينا في داهيه دي
خرجوا برا المكان وركبوا العربيه
وريان كان بيسوق وعينه بتطق شرار
وجمبه فهد اللي هيموت من الغضب والغيظ
ونور وبانه قاعدين ورا خايفين من اللي هيحصلهم لما يوصلوا
بعد فتره من الوقت وصلوا قدام الفندق وريان شد نور من درعها
ريان بغضب وهو بيوجه كلامه لي بانه: " اتفضلي قدامي
بانه بخوف مشيت قداموا وهي مرعوبه من اللي هيحصلها
فهد كان خايف علي نور وبانه من غضب ربان هو اه زعلان منهم من اللي عملوه بس عارف ريان لما بيتعصب مبيشوفش قدامو: " ريان اهدي وهات نور عايزها في موضوع وسيب بانه تروح اوضتها ترتاح
ريان بصلوه بغضب: " انت مالك انت اسيبها ولا مسبهاش دي اختي وانا حر فيها
فهد بصوت عالي: " انت مش شايف حالتها عامله ازي البنت عماله ترتعش من كتر الخوف
ريان: " مكنتش عملت اللي عملوه مدام خايفه كده
نور: " ياخي ابعد ايدك عني انت بتجر جموسه وراك
ريان: " اخرسي ومش عايز اسمع صوتك
ده حتي الجموسه بتفهم عنك
فهد شد نور من ايد ريان
فهد: " قلت خلاص بكرا نبقي نعرف هما راحوا هناك ليه لكن انهارده سبهم يرتاحوا
ريان: " متدخلش انت وبعدين انت مالك اصلا دي اختي ومراتي وانا حر فيهم
فهد: " مالي! شكلك نسيت ان نور اختي وانا مسمحش إن حد يجي جمبها
ريان بسخرية: " مهو واضح باماره الرجاله اللي كانوا بيضربوهم هناك
نور بنرفزه: " علي فكره احنا اللي ضربناهم مش هما
ريان: " قلت مسمعش صوتك واتفضلي قدامي علي الاوضه
نور: " هنام مع البنات انهارده
ريان: " اخر مره هقولها اسبقيني علي الاوضه لحسن متلوميش غير نفسك
فهد: " اطلعي يا نور اوضتك واسمعي كلامي ريان
نور كانت لسه هتعترض
فهد: " نووور
اتنهدت بخنقه وطلعت غرفتها
ريان: " وانتي انا هسيبك انهارده بس بكرا لينا حساب مع بعض اتفضلي علي اوضتك
طلعت هي كمان علي غرفتها
فهد: " انا خليت نور تطلع معاك بس ياريت مندمش
قال ذلك وطلع
ريان اتنهد تنهيده صعبه وطلع
اول لما دخل اوضه شاف نور قاعده علي السرير
وباين علي ملامحها الزعل
ريان: " انتي كمان زعلانه
نور: " ...........
ريان بصدمه: " انتي بتقولي ايه