رواية انت ناصري الفصل الرابع4 بقلم جيجي
منصور... بس انتى لازم تحكيلي
هنيه ببكى... قلتلك خلاص انا مش عايزه
منصور...... طب خلاص خلاص تعالي هناكلنا لقمه ماشي ما تقوليليش حاجه
هنيه... تؤ انا مش عايزه اكل
منصور.... كيف بس ده انتى جسمك خس قوي كنتى مبطبطه زمان وحلوه شوفي وشك بقى شاحب كيف ولونه اصفر كيف الكركم يلا اهو الاكل تعالى
هنيه اكلت بسرعه كأنها مأكلتش من زمان بس دمعت وقامت وراحت على الحمام اخدت شاور ولبست بيجامه بيتي وجات نامت على السرير منصور كمان راح الحمام اخد شاور وطلع كان لابس بنطلون بيتي وتيشرت اسود ومدد قصادها
وقال..... بت قوليلي ايه رايك فيا وانا لابسه التيشرت والبنطلون اول مره ما تشوفتنيش بالجلابيه ابدى اعجابك بيا يلا
هنيه... شكلك حلو بس مش اول مره اشوفك مش بالجلابيه انا شفتك قبل كده
منصور... جد شوفتيني ميتى
هنيه.... اه مره وانت بتوكل حصانك في الاسطبل كنت رايحه السوق عدينا من هنه وشوفتك من صور الفيلا بتاعتك
منصور.... غريبه انا ما شفتكيش وقتها
هنيه بحزن... بس انا شفتك ساعات كتير انا بشوفك وانت مش بتشوفني ايه الجديد فيها ما انى على طول شايفاك وانت مش شايفنى اصلا لو كنت شفتني ما كانش حصل اللي حصل
منصور.... ما فاهمش حاجه ايه هو ده
هنيه... انسى ولا حاجه انا هنام اصلا
منصور... كل ما تتزنقي تقولي هنام بتتحدتي ليه طب لما ما عايزاش تكملى الكلام قربها ليه شويه
هنيه... بعد يدك
منصور... ماشي بعيده اها......... ونامو في صباح يوم جديد قام منصور من النوم كانت هي لسه نايمه بص لملامحها شويه كانت ملامحها حزينه حتى هي ونايمه بس بقت تقول بعد بعد عني امي هتشوفنا بعد مني
وابتدت دموعها تنزل وجسمها يرعيش وتتخشب
منصور...... بت هنيه انتى يا بت اهدى شويه انا معاكي في ايه
هنيه.... منصور...... وحضنتو وبقت تبكي
وتقول.... انا خايفه قوي يا منصور
منصور..... تمام انا معاكى قومي خديلك دوش عشان هننزل ناكل تحت
هنيه... لا لا مش عايزه انزل امك لو شافتني هتهزئني
منصور... انا معاكي
هنيه...انا اصلا مكسوفه ابص في وش الناس ما ليش عين ابص في اي حد فيهم
منصور... انا معاكي وزي ما قلتلك امبارح انتى ما عملتيش حاجه عشان تتكسفي منها هو اللى المفروض يتكسف من عملته يعني يبقى هو قاعد بيطلع ويدخل وبيبص في وش الناس عادي وانتى لا اي منطق ده اي دين اي بلد في اي كوكب اصلا
هنيه... في الصعيد هنه فى مجتمع ما بيتهمش غير البنت تحافظ على نفسها مش مهم ازاى... ولو استقو عليها وكان غصب برضو غلطانه هو لقى ريق عشان كده اتجرأ ...
منصور... على فكره انتى اول واحده تبكيني
هنيه... مش عايزاك تبكي لان انا حاسه بيك حاسه ان انا ورطتك معايا وانت ما تستاهلش اللي بيحصل
منصور.... انتى لو قلتلي مين تبقي فعلا بتساعديني ريحينى
هنيه...... ده مش هيحل حاجه
منصور... انتى بتداري على مين لو اعرف
بس الباب خبط راح فتح وفضل ماسك الباب بيدو وكان محروس
وقال... ازيك يا صاحبي امل بت خالتك تحت انا بقول ما تنزلوش احسن تقول لهنيه كلمتين بايخين تعرف انها عينها منك
منصور.... انا ما هتدسش من حد لا انا ولا مراتي هنزل قدام الكل واللى مش عاجبه يغمض عينه او يدينا ضهره ويمشي
محروس.... انت ما هتحاربش بيت ولا حتى هتحارب عيله انت بتحارب بلد تمام
منصور.... بعون الله طالما الحق في يدي احارب بيه العالم مش بس البلد وهنتصر
محروس... وليه اهى بقى اسمها اتجوزت واتطلقت وخلاص
منصور... قال يعنى هم المطلقين هنا بيعملوهم زين
وبص من الباب وقال... يلا تعالي امي بعتالنا عشان هنفطر
محروس... امك مين اللي بعتت انت احول حماتي تحت حالفه لو نزلت هتقطع رجلها انت ليه ما بتعرفش تقعد ساكت هتهزقك
منصور... عادي يعني اول مره هغير هدومي واجي
محروس... هو ماشي بس انت ماسك الباب على يدك ليه انت نومت معاها يعني.
منصور... لا بس مش لابسه طرحتها
محروس... قالوالك حامل تقول طرحتها يا اخي هتشلني
منصور... انت كمان هتتكلم زيهم روح يا عم من هنا
جات سحر...
منصور..... صباح الخير
سحر.... صباح النور انا بقول ما تنزلش تحت احسن عشان امي تحت وامل بت خالتى معاها وروحها في مناخيرها وزعلانه ان انت اتجوزت غيرها وعماله تقول كلام مش معروف لو منك خلي مرتك هنه اللهم بلغت اللهم فاشهد
منصور... وانا ما هسمعش كلام حد وهنزل بمرتي و غصب عن الكل واللى ما عجبوش يتفضل يطلع بره البيت
سحر.. الكلام ده على امك
محروس... لا على بنت خالتو يا اذكى اخواتك
سحر... ايوه بس كلهم زعلانين مش بس بنت خالتي وامه وبنت خالتي وخالته وكل الناس
منصور.. ولا هيهمني عن اذنكم انا هروح البس
ودخل
سحر... ليه ما حاولتش معاه مش انت صاحبه من زمان وبيسمع كلمتك
محروس..... ما بيسمعش كلمه حد ده راسه جزمه قديمه والحاجه اللي بيقولها بيعملها خلينا نمشي ما فيش فايده من الكلام معاه
سحر... بقولك يعني كنت عايزه اقعد هنا كام يوم كمان اديك شايف الوضع متوتر
محروس... بس انا قاعد في البيت لوحدي
سحر... معلش شويه ونرجع
محروس .... انى توحشتك قوي ما اعرفش انا اعمل لحالي حاجه انا انا متعود ان انتى تنوميني والله العظيم بدخل الحمام ما بلاقيش الهدوم جاهزه على الباب برجع البيت ما بلاقيش لقمه حلوه اكلها
سحر... يا سلام يعني انت متجوزني عشان كده بس
محروس... لاه ما كان في حاجات تانيه لسه هعدها مثلا بعد ما باكل ما بلاقيش كوبايه شاي جاهزه بلاقيش هدوم مكويه ولا حاجه خالص عاوز اشوفك يا بت ما انا قلت اول الكلام اتوحشتك لازم نسيحو هنه يعني اتوحشتك عايز اقعد معاكي وحشوني عينيكى
منصور من وراه.... معلش تروحو تتوحشو في حته تانيه بعيد من اوضتنا عشان احنا نازلين
محروس... عجبك ادينا اتقفشنا
سحر.. انا انا هروح اشوف امي
محروس.. وانا هروح اعزي خالتي عشان عمتي ماتت وجدتي زعلانه عليها ....