رواية تضحية امراة الفصل العاشر10بقلم اميرة سليمان
قالي ولدي عمي جداك ذهب ما عندها من زمان توزع وصلنا ل حوش جداي القيتها
مقعمزة تصلي قعمزت جنبها قتلها جداي ديمة كانت تجيك مرتي صح قاتلي اي قتلها شن اخدت منك قاتلي شن بتأخد هي منين تجيني هي على النت و الهاتف حتى كلمة لا لين فتحت فمي قتلها تقولي نهدرز عليها و نحبها زي جداي جداي قاتلي لالا تكذب عليك اصلا مرة قتلها خاطري في مقطع نوضي طيبي قاتلي توا تجي بنتك ديره ليك اني قتلها تحكي جديات قاتلي اي قتلها باهي جداي انتي ذهب إمتاع توزع على صغارك من زمان شن عندك ثمين قاتلي طامع فيه ولد ولدي قتلها لا بس خايفين عليك من سرقة و شاك مرتي خانبه منك شي مش عارف شن هو قاتلي عندها
شن ب تخنب مني مستحيل اصلا تعرف أنه
ثمين و غالي اغلى من رأسها الفاضي قتلها
شن هو يا جداي قاتلي عندي قطعة ذهب نادرة و غالية شاريتها زمان مخليتها ل وقت الحاجة و دراستها في مخزن في جرة إمتاع الميه مافيش حد يعرف إلا بنتي مخليتها ل مرضه أو سوء امشيت طول فتحت المخزن ألقيت جرة ل طول عمرها نحسابها قديمة و ملوحه و كلها غبرة كسرتها القيتها مهناش قتلها خلاص أهنا وصلت القصة ل نهاية طول درنا محضر و كلمنا اهلها و دارو ليها شرطة ورقةحضور و خشوا العائلات في بعض ما فيش اي دليل عليها بكل دارو ليها خروج بس سمعتها ولت تحت الارض الكل أبدوا يعزروا فيها يا خنابه بري يا خنابه تمشي ايام تجي ايام مرتي مقعمزة جنبي و اني نشرب في قهوة يجيني اتصال فيه راهو طليقتك قتله خيرها خنابه هاذي قالي صاحبي راهو البنت توفت قتله برا عليا تبصر صح
قالي و الله عظيم لين القهوة طاحت مني و رعشت مع بعضي قعدت نقوللها صاحبتك ماتت نشبح فيها غير طاحت امشيت نجري وصلت ل حوش أهلها قالوا جتها سكته من الزعل ماتت في فراشها قعدت مريض حتى العزاء ما قدرت نخشه في بينا عشرة مهما كان و حبي الاول تمشي ايام تجي ايام ل جاني جاي و مرتي جاها سكر من خلعة
لين حسيت روحي مش مصدق كل شي صار بعدها ل شهر جداي مرضت رفعناها
للعيادة و الصدمة 😧 و احنا في العيادة روحنا ل حوشها جداي القينا الحوش مغبر مش نظيف كويس اتصلت ب شركة نظافة جوني العاملات و الصدمة خشوا ينظفوا
فجاة ..