رواية ليلي والذئب الفصل السابع7والاخيربقلم جمانه السعيدي
ليلى...من شفت الذهب حسيت روحي راحت
اني صح ادور ورا ميمون بس بكلبي اكول بلكت ما يطلع هو القاتل رغم كل الخلافات الصارت بينا
بس يبقى زوجي وابو ابني
وما تمنيت يطلع قاتل ابد الاخر لحظه اكول لا مستحيل
بس المحادثه والذهب اكبر دليل هو القاتل
رجعت الذهب المكانه ورجعت كل الشغلات الي لكيتها فوكه
بدلت ملابسي واخذت ابني وطلعت
ميمون نايم الساعه تسعه ونص الصبح
مااكدر ابقى بنفس المكان وياا بعد ماعرفت حقيقته
طلعت واتصلت على حازم المحامي الي يشتغل بمكتبي
ليلى...هلو حازم انت بلمكتب
حازم...لا ستوني طلعت من البيت بعدني ما وصلت احتاج نص ساعه و اوصل
ليلى...ممكن تجي بسرعه راح انتظرك باب المكتب
حازم...شكووو صوتج مو طبيعي
ليلى...لازم احجي وياك بسرعه اني بمصيبه
حازم...جاي بلطريق انتظريني
وصلت قبل حازم وبقيت واكفه باب المكتب اني من يوم طلع ميمون من السجن سلمت مفاتيح المكتب الحازم
حتى ميمون مايضوج من غيابي عن البيت
جنت كاعده وياا مجرم واني مااعرف
وصل حازم بس شافني عرف اكو مصيبه
مبينه متوتره
جمانه السعيدي
حازم...صباح الخير شكوو وجهج صاير اسود
ليلى...افتح الباب الحك عليه اني عايشه وياا مجرم ومااعرف
حازم...ادخلي احجيلي شكووو
دخل حازم فتح الاضويه واني كعدت على الكرسي
ليلى....ميمون طلع هو القاتل ميمون قتل سمر
حازم. شلون شنو قاتل شلون عرفتي
ليلى.. اتاكدت مو عرفت عندي دليل علي
حازم.. بس التهمه ثابته على هشام
ليلى...مسكين هشام راح بلرجلين
حازم...شلون عرفتي احجيلي
ليلى...لكيت محادثه بتليفونه يحجي عن الذهب ذهب سمر
يريد يبيعه دورت بلبيت ولكيت الذهب
حازم...شلون كدر يضحك علينا
ليلى... خايفه حازم خايفه منه حيل
اني مااكدر أبلغ علي اهلي وأهله راح ياكلون وجهي
اني اريدك تحرك الدعوه وتتهم ميمون بلقتل وتطلب
تفتيش البيت واني راح ادليك هو وين خال الذهب
ميمون لازم ياخذ جزائه وراح ادز المحادثه بين وميمون وصديقه التليفونك
لازم تطلب يفتشون تليفون ميمون واذا اكو محادثات ماسحها اطلب يرجعوها
حازم...انتي متأكده تردين ميمون ياخذ جزائه
مو بعدين تكولين اتندمت
ليلى...اصلا اني انهزمت من البيت كمت اخاف منه هذا قاتل تعرف شنو قاتل
فدوه حازم مااكدر اثق باحد غيرك
هذا سر بينا مااريد احد يعرف اني السبب الدعوه رجعت انفتحت مره ثانيه
جمانه السعيدي
حازم...خلاص بأحر اني اقدم علي دعوه بس هسه لازم ترجعين للبيت خاف يكعد ويشك بيج
وحاولي منا الباجر ما اطلعين من البيت خاف ياخذ الذهب
لو يغير مكانه
ليلى...مااعرف اذا راح اكدر اسيطر على نفسي
حازم...لازم تسيطرين لان اذا انكشفتي راح يروح كلشي من عدنا
يكدر يغير مكان الذهب واحتمال يااذيج
انتبهي على نفسج زين
ليلى...رجعت للبيت بعده نايم بقيت كاعده احس مااعرف
اشتغل مااعرف لازم شلون اتصرف
شيخلص هذا اليوم يمتى يجي باجر
كعد الضهر ميمون كال صباح الخير ما سمعته عقلي ضاع مني من الصدمه
ميمون...شبسج ما تسمعين
ليلى...هااا اي ما انتبهت صباح الخير
حضرت الغده شلون مجان مااباوع بوجها خاف ينتبه عليه
اكل وطلع اتصلت على حازم
حازم.. هااا
ليلى...كلشي تمام الحد هسه بس خايفه يرجع وياخذ الذهب
حازم...حاولي تغيرين مكان الذهب خاف يرجع ياخذه
ليلى.. تمام رحت طلعت الذهب وضميته بغير مكان
بيومها مارجع ميمون للبيت نمت وهو بعده مجاي
الساعه ثنتين ونص يله رجع بقه يكلب بلتليفون
للاذان يله نام
ثاني يوم ماكو محكمه لان سبت بس المركز عادي
يكدر حازم يقدم دعوه على ميمون
اتصل حازم....ليلى اني قدمت دعوه وراح يجون تفتيش على بيتكم
ليلى...اي تمام راحوارجع الذهب المكانه
حازم...ميمون موجود
ليلى...اي نايم
شويه والشرطه دخلو اليتنا كعد ميمون مفزوع من النوم
ميمون...شكووو شصاير ليلى شكوووو
ليلى...مااعرف شكوووو شكو حضرت الضابط
الضابط ...عدنا امر تفتيش الشقه
ليلى...حازم كان وياهم
ميمون...ليش اتفتشون الشقه شكوووو
ليلى...أشرت الحازم على مكان الذهب راسا راح طلعه
حازم...هذا ذهب المقتول سمر
ميمون...شنو ذهب سمر هذا ذهب زوجتي
ليلى...لا هذا مو ذهبي اني ماعندي هلكد ذهب
جمانه السعيدي
ميمون...حبيبتي هذا ذهبج اذكري
ليلى...لا مو ذهبي ومااعرف اي شي عنه
الشرطه اخذو ميمون للتحقيق كتلو كتله معدله حتى يعترف ولو هو لا بسته القضيه ماعنده مفر منها
المحادثه بينه وبين صديقه صارت عند الشرطه والذهب الدليل الثاني
ميمون...اني تعرفت على جماعه بعد زواجي بسنه ونص
او اكثر شويه علموني على لعب القمار
بديت اخسر فلوسي بسبب لعب القمار
محلي صار فارغ كلشي احصل اروح العب بي قمار
صرت مدمن قمار وجماعتي كانو يشجعوني على اللعب حتلو بلدين
بديت اقصر بلبيتين بيت ليلى وبيت سمر ليلى ساكته
وتصرف على البيت من شغلها
بس سمر كل يوم تتعارك وياي علمود الفلوس
اني شفت عدها ذهب هواي حاولت أقنعها تنطيني الذهب أسد الدين الي عليه بس ما قبلت
بلصدفه شفتها تتواعد وياا واحد وتتفق وياا من اطلع يجي للبيت بنفس اليوم الي قتلتها بي
اخذت تليفونه ودورته لكيت بي مصايب سوده
اتعاركت وياها عركه قويه بس هي ابد ماخافت مني
هددتها اشهرها واكول تسوي علاقات براسي
لو تنطيني الذهب
كالت عادي طلكني اني اصلا ما ستفاديت منك شي طلكني
انت وجودك مثل عدمه اني جاي اصرف على نفسي
فقدت اعصابي
اني محتاج فلوس وهي تكول طلكني شلون اعوفها بدون مااخذ كلشي جمانه السعيدي
خنكتها لمن ماتت بايدي نزعتها الذهب
ودخلت اجيب باقي الذهب والفلوس من جوه
على اساس اخذهن وانهزم من البيت
سمعت واحد برا يصيح باسمها سمر سمر
اني ختلت شفته يحاول يوعيها كلت خلاص
هو هذا الي راح يلبس القضيه
هاشم من اتاكد هي ميته طلع يركض
اني اخذت الذهب والفلوس وطلعت للمحل لان محلي كلش قريب على شقتها شارع واحد
ضميت الذهب بلمحل بمكان محد يعرف بي
ضميته بلسقوف الثانويه ورجعت بسرعه للبيت
سويت نفسي اتفاجئت من شفتها ميته
كمت اعيط بصوت عالي حتى الجيران تتجمع
بعدين اتصلت بلشرطه واجو لزموني
اخر رساله كانت بين سمر وهاشم كانت دليل علي
وهو اعترف هو اجا للشقه
كل هاي ادله كانت السبب بادانت هاشم
ليلى...هلمره وكع ميمون وماكو امل يطلع من هاي الجريمه
اجا بابا وعمي طلبو مني ادافع عنه بس اني رفضت
لان القضيه لا بسته وماكو امل واحد بلميه يطلع منها
هو اعترف بلقتل
خلصت من خوفي كنت عايشه وياا الذيب واني مااعرف
دافعت عنه وانطيته العذر واصرف علي
واني مااعرف هو ذيب عايش وياي
ميمون جان عايش بنعيم بس ماحمد ربه وشكره
عنده محل يشتغل خير من الله واني مساعدته
واشتغل وحارمه نفسي من الراحه بس حتى هو يرتاح
بس هو زاح نعمته بايده