رواية دمعة فاطمة الفصل السابع7الاخير بقلم مصطفي جابر

في فيلا  …

ميرفت قاعدة على الكنبة وحسام واقف بيشرب عصير وبيدندن فجأة الباب يتفتح بعنف يدخل رعد ومعاه تمارا.

ميرفت بخضة:  في إيه يا رعد ازاي تدخل كدا مش تستأذن من اصحاب البيت. 

رعد بصوت عالي:  استاذن من مين يا بت انتي. 

ميرفت بخوف من شكله:  م مني انا. 

رعد بغضب:  اخرسي خالص انا اقسم بالله  جبت اخري منكم وبالذات من جوزك الدلدول ده ازاي  يتجرأ يطمع في مراتي انطقي. 

ميرفت بصدمة:  إيه ؟ يعني اي طمع في  مراتك؟ 

حسام بتوتر وهو يرمي الكوباية:  مراتك بتكدب دي عاوزة توقع بيني وبين حبيبتي اه قولوا كدا جايين توقعوا بينا هو انا معقول يعني  ابص لمرات أخويا واسيب حبيبتي مراتي ام ابني ؟

رعد مسكه من قميصه وزقه في الحيطة: يعني هيا هتكدب عليا أنا ... انت نسيت نفسك ولا ايه ونسيت انك بقيت شورة ست ... عاوزاها تطلق مني وتيجي لك انت يا دلدول؟ . 

حسام بتوتر :  والله العظيم ما حصل دي فاهمة غلط او تكون سمعت كلامي غلط . 

تمارا بغضب:  كداب انا سمعتك كويس وانت بتقولي سيبي رعد وانا هطلق ميرفت وهرجعلك الفيلا واكتبهالك بأسمك بس تتجوزيني

ميرفت بتشهق بصدمة وبصت لحسام:  انت قولت كدا تطلقني انا وتتجوز دي دا انت حفيت ورايا يا معفن عشان خاطر ابص لك. 

حسام بخوف :  لا لا يا ميرفت دي لعبة منها صدقيني اوعي تسمعي كلامها

رعد ماسكه بغضب:  انا هوريك يعني ايه تطمع في مراتي يا حشرة يا حقير.

رعد مسكه نزل فوقه ضرب و تمارا خافت علي رعد بعدته:  بس سيبه هو ميستاهلش تلوث ايدك بيه. 

رعد بغضب ودموع:  هيا دي الاخوات في يوم هتقع ومتلاقيش حد جنبك وهتندم وتقول ياريتني ما عملت كل القرف ده اتفووو.

... خرج هو وتمارا...

ميرفت بغيظ: قوم يا سبعي قوم دنا لو كنت اتجوزت دكر بط كان بقي عنده قيمه عنك ... بقي عاوز تسيبني انا يا عرة الرجاله عشان تتجوز تمارا؟

حسام ببرود:  هيا وصلت لكده ؟ طب اه يا ميرفت انا بحبها من أول مره شوفتها هنا وهتجوزها بمزاجك أو غصب عنك  

ميرفت بغل:  يعني بعد كل اللي عملته عشانك عايز اتجوز عليا ؟ ما صحيح منتا العيب مش عليك العيب عليا انا اني حبيتك بس عارف انا مش هسيبلك حقي وهوريك هعمل فيك اي. 

حسام مسكها من شعرها:  لا يا قطة دا كان زمان انا دلوقتي مبخفش من حد واللي تقدري تعمليه اعمليه وانا هطلقك وارميكي برا. 

ميرفت بصدمة:  انت بتمد ايدك عليا يا حسام ؟

حسام بغل:  اه ولو فتحتي بوقك معايا ههينك وهمسح بيكي بلاك الارض .. واقولك انا هتجوز بدل الواحده اتنين وتلاته وعشره كمان فاهمه ولا افهمك بطريقتي. 

زقها وهيا بصت له بتوعد:  فاهمه يا جوزي يا حبيبي. 

بليل... 

حسام بياكل وميرفت قاعدة قصاده متزينة ولابسه افضل فستان بس عينيها كلها خبث ماسكة كوباية ماية ومش بتمد إيدها للأكل.

حسام ببرود وقرف: هو انتي مش هتاكلي ولا ايه قاعدة تتفرجي عليا كدا زي التمساح اللي بيراقب فريسته

ميرفت بابتسامة باردة: لا ابدا يا روحي أنا شبعت من اللي اللي انت قولته وعايز تعمله.

حسام  بسخرية وهو بيكمل أكله: دا مجرد كلام دلوقتي اومال لما اتجوزها عليكي هتعملي اي بقا. 

ميرفت بخبث:  فاكر فيلم غرام الافاعي يا حسام دا كان فيلمي المفضل. 

حسام باستغراب:  اه عاوزة تتفرجي عليه يعني. 

ميرفت بخبث:  اتفرج اي بس يا روحي من ناحية الفرجه ف هشوفه حصري ودلوقتي. 

حسام بعدم فهم:  قصدك اي بصي متوجعيش دماغي ب افلامك و هريك اللي علي الفاضي انا نويت ابيع الفيلا دي واعمل مشروع. 

ميرفت ببرود:  بس انا ليا فيها وبعد موتك انشاء الله هتكون ليا ول ابني. 

... كان محمود بيراقبهم وبيصورهم ...... 

حسام ببرود:  لا بتاعتي انا بس يا حلوة انتي نسيتي اننا قولنا انه اخويا اتحرش بيكي عشان نسجنه ونساوم مراته. 

ميرفت بغيظ:  لا منستش بس انا اللي خطط لكل حاجه من اول ما رمينا امك دار المسنين لحد ما بقينا في العز ده.

حسام بغضب:  مليش فيه هتتباع وهتتنازلي لي فاهمه و... فجأة بيسيب المعلقة إيده على بطنه بيتلوى من الألم.

حسام بيصرخ: آآآه  إيه اللي حصل بطني ااه إنتي يا حقيره حطيتي إيه في الأكل اااااه. 

ميرفت بهدوء قاتل : شوية سم خفيف علشان أشوفك بتتقلب زي السمكة اهو يساعدوك في الهضم .

حسام بصدمة : إي ااه إيه بتقولي إيه انتي مجنونة. 

.. بيقوم وبيحاول يوصل لها وهو بيتألم يمسكها من رقبتها يخنقها بكل قوته... 

حسام بالم: انتي مفكراني هسيبك مهو زي ما عيشنا معا بعض ااااه .. زي ما عيشنا معا بعض هنموت بردو معا بعض مش هتعيشي من بعدي. 

ميرفت بضحكة خبيثه: يلا يا روحي وريني هتعيش قد إيه متشعلق في رقبتي ههههه اي موجوع يا حرام صعبت عليا يا حبيبي بفكر بعد الشر يعني اجيب لك دكتور ولا اسعاف  .

حسام بالم:  مش هسي هسيبك ااه. 

.. وقع علي الارض زقته ب رجليها:  هو انت فاكر اني حبيتك انا عمري ما كنت بطريقك انت اصلا كنت مجرد خيال ماته لا اكتر ولا اقل واول ما شوفت نفسك راجل جاي تسترجل عليا بتحلم. 

حسام بتعب وألم: ابوس ايدك حقك عليا اطلبي لي الاسعاف أنا بموت يا ميرفت اااه. 

ميرفت بقرف:  هتوحشني كلمة ميرفت منك اووي .. عارف انا هلبس موتك ل مين ل اخوك ومرات اخوك وهخليهم يغوروا مرة واحدة واخلص منكم عيلة زباله

حسام بدموع وألم: حد يلحقنيييي اه الحقيني يامااااا. 

ميرفت حطت رجل علي رجل:  يعيني بتنادي عليها فاكر ان حد هيجي ينقذك بتحلم يا روحي. 

حسام بدموع ونفس متقطع:  سا سامحيني يا اما ان انا اسف يا اما سامعاني بي بيقولوا الام بتحس ب ابنها انا  بقولك اسف كن كنت ابن عاق الشيطان غواني لطريق كله غل غلط  

... قطع النفس وهيا واقفه بتضحك:  دا علي اساس انه امك هتسمعك يا غبي طول عمرك عبيط يا حسام كان نفسي اتجوز راجل لكن حظي المهبب اني اتجوزتك . 

في اللحظه دي محمود سجل الفديو وبعته لي رعد ييجي بسرعه 

رعد اول ما بيشوف الفديو بيصرخ وبيتصل بالشرطه والاسعاف علي امل أنه يلحق اخوه

بعد شويه البوليس دخل  ومعاه تمارا ورعد وفاطمه

اول ما بيوصلو ويقتحمو الڤيلا بيلاقو ميرفت حاطه حسام في سجاده وأول ما بتشوفهم بتحاول تهرب 

الظابط رفع سلاحه:  اثبتي مكانك والا هخلص عليكي انتي مطلوب القبض عليكي.. 

حسام وأمه طلعوا حسام من السجاده 

فاطمه بدموع:  قوم يا ضنايا انا جيت اهو انا معاك مش هسيبك مسامحاك يا ابني قوم يا حبيبي وهاخدك ونروح بيتنا انا والله العظيم كنت بحوش ليك ول اخوك للزمن قوم وهديك كل حاجه ... فضلت تصرخ وتعيط: ياما حذرتك منها وقولتلك تبعد عنها كأني كنت حاسه يااارب 

بعد مرور خمس سنوات . 

تمارا شايلة وتين بحنان:  اي يا قلب ماما زعلانه لي. 

وتين بغضب طفولي:  محمود عمال يزعق لي علي الاسكيرت يا مامي. 

محمود دخل بغيرة:  الف مرة اقول البت دي تلبس طويل احجبهالك يعني عشان تفرحي. 

تمارا بضحك:  ولا يا اللي لسه تامم ال17  سنة مالك ومال بنتي دي لسه طفلة. 

محمود بغيرة:  يا تموره انتي مدلعها زيادة عن اللزوم وانا بغير عليها لمت اكبر ويبقا عندي شغل كتير زي عمو هتجوزها. 

وتين بغضب:  انا مش هتجوزك انت نوتي اصلا وكبير عليا يا محمود ورخم كمان انا هتجوز بن طنط صافي يزن. 

محمود بغضب:  متجبيش سيرة الواد الملزق دا تاني هزعلك. 

رعد ضربه علي قفاه بخفة:  تزعل مين هي دي الامانه اللي قايل لك خد بالك منها مربي لها الرعب. 

محمود بضحك:  قفايا كدا هبقا قصير واحول يا  نمس. 

تمارا باستغراب:  نمس يعني ايه. 

رعد بهمس:  لو فضحت عمك هخصم منك شهرين لما تخلص تعليم وتشتغل في شركتنا. 

محمود بهمس:  هتجوزني بنتك مش هقول انه في بنت جت سلمت عليك وقالت معجبه بيك انت اه طردتها لكن انا هغير الاحداث قولت اي يا نمس. 

رعد بغيظ:  قول انا مبخفش. 

تمارا بهمس:  علي فكرة انا سمعت ناوليني الشبشب يا وتين ابوكي و ابن عمك هيروقوا. 

جريوا بضحك وهي وراهم وفاطمه شايله حسام الصغير بحنان...