رواية الفتاه المنحوسه الفصل الحادي والعشرون21 بقلم سحر حسين عزت
لما هاله رنت علي صالح لقت رجل غريب بيرد علي تلفونه و ردت هاله و قالت
ايوه يا عم صالح فينك من صبح هدي بتسأل عليك
رد الراجل و قال
السلام عليكم ورحمه الله وبركاته انا اسف جدا بس انا لقيت التلفون ده مرمي في الشارع و معرفش مين صاحبه
هاله اتصدمت و في نفس الوقت خافت تتكلم قدام هدي فا حولت تتكلم عادي قدمها و بعدين خدت التلفون و خرجت من الاوضه المهم و هي بتخرج قالت
ماشي يا عم صالح احنا مستنينك
و راحت بصت لهدي و قالت
انا هخرج اتكلم بره عشان الشبكه هنا وحشه اووي يا حبيبتي و خمسه و هرجعلك تاني يا قمر
و فعلا خرجت و بدأت تتكلم و قالت
معلش يعني ايه حضرتك لقيت التلفون في انت فين بالظبط
رد الراجل و قالها علي مكانه و هو قريب من بيت عم صالح المهم ردت هاله و قالت
طيب انت تعرف عم صالح صاحب الورشه النجاره اللي علي الشارع
رد و قال
اه طبعا عارفه
قالت
طيب التلفون ده بتاعه ممكن تخليه معاك وانا اول ما هشوفه هقوله
رد و قال
طيب لو كده قوليلي مكانك وانا هجبلك التلفون
قالت
انا بس مش عايزه اتعبك معايا
قالها
لا عادي ولا يهمك تعبك راحه
و هي كانت بتتكلم دخل صالح و قالها
بتكلمي مين يا هاله علي صبح
ردت و قالت
فين تلفونك يا عم صالح
قال باستغراب
تلفوني
و بدأت يدور في هدومه و طبعا ملقاش حاجه و بعدين قال
مش عارف شكلي نسيته في البيت
قالت
لا وانت الصادق ده وقع منك وحد لاقه و مخليه معاه خد كلم
خد صالح التلفون و قال
مين معايا
قاله
انا محمد يا عم صالح صاحب القهوه اللي جامب الورشه بتاعتك
قاله
طيب كويس يا محمد إن التلفون معاك انت خليه معاك بقي لحد ما اجي بليل أن شاءالله
رد و قال
حاضر يا عم صالح و لو عايزه دلوقتي قولي مكانك وانا هجبهولك لحد عندك
قاله
مش عايز اتعبك يا حبيبي
قاله
تعبك راحه يا عم صالح
المهم قاله مكان المستشفى و قفل معاه و دخل لهدي هو و هاله و اول ما دخل اتكلمت و هدي و قالت
اخيرا يا بابا جيت ايه كل ده
قالها
معلش يا حبيبتي كنت بجبلك فطار معايا يا قلب أبوكي
ردت هاله و قالت
وانا يا عم صالح مفيش ليا فطار ولا ايه
ضحك و قال
اكيد مش هنسيكي يا هاله
قالت
طيب كويس
بدأو ياكلوا و لما كانوا بياكلوا اتكلمت هاله و قالت
اسكت يا عم صالح مش طارق جه هنا
و اقف صالح القمه في ايده و بص لهدي و قال
و قال ايه بقي
ردت هدي و قالت
متخفش يا بابا كان بيطمن عليا مش اكتر و مشي علي طول
ردت هاله و قالت
دي هدي سمعته كلام خرج من ودانه و بعديها مشي
رد و قال
طيب احنا عايزين نشوف الدكتور عشان تخرجي من هنا بقي
قالت هاله
بعد الاكل هبقي اروح و اشوف الدكتور
كل صالح و قام و بعدين قال
خلصوا اكل بسرعه و لمي الحاجات دي قبل ما حد يجي انا هدخل اغسل ايدي
خلصوا البنات لاكل و لمت هاله الاكل و خرجت من الاوضه و كان معاها تلفونها المهم راحت ترمي اكياس الاكل في اقرب سله زباله موجوده في المستشفى و هنا رن تلفونها و كان رقم عم صالح المهم ردت و قالت
الو
قالها
الو انا موجود في المستشفى و انتوا فين بالظبط
المهم قالتله مكانهم و هي واقفه دخل عليها شاب طويل و رفيع شويه و شكله حلو اوي و شعره اسود المهم رن علي التلفون رن و هي كانت واقفه في ظهره و اول ما محمد لف و شاف هاله وقف متنح و تقريبا كده هيحصل حب من اول نظره ولا ايه الله اعلم هاله برضو أموره بيضه و كانت لبسه عبايه سوده و طرحه سوده المهم قالها
السلام عليكم ورحمه الله وبركاته
قالت
و عليكم السلام ورحمه الله ايوه
قالها
انا محمد اللي معايا تلفون عم صالح
قالت
اه اهلا وسهلا فين التلفون
قالها
اهو بس فين عم صالح
قالت
جوه ثواني
و دخلت ندهت عم صالح و طلعت معاه تاني شكل الاعجاب من طرفين المهم خرج صالح و قال
اهلا ازيك يا محمد عامل ايه يا ابني
قال
ازيك يا عم صالح اخبارك ايه
قال
الحمدلله بخير معلش يا ابني اسف اني تعبتك معايا لحد هنا
قاله و هو كان بيبص لهاله
تعبك راحه يا عم صالح طيب في أي حاجه تاني اقدر اعملها
قاله
لا يا بني كتر خيرك لحد كده
قاله
والله يا عم انا بتكلم بجد لو في اي حاجه اقدر اعملها ولا اساعدك فيها انا تحت امركوا يعني
ابتسمت هاله و قالت
متشكرين جدا مش عايزين نتعب حضرتك
راح عم صالح باصص علي هاله و هي خدت بالها أن صالح ركز معاها المهم راحت اتكلمت و قالت
بعد اذنكوا انا هدخل اشوف هدي
و دخلت هاله و اتكلم صالح و قاله
مع السلامه يا محمد يا ابني
قاله
بعد اذنك يا عم صالح
و لف وشه ومشي و كانت في ابتسامه علي وشه مرسومه و بالنسبة لهاله فكانت مكسوفه و خصوصا بعد ما دخل صالح الاوضه و هو كان لسه هيتكلم معاها و راح الدكتور دخل في الوقت المناسب و بعد ما كشف علي هدي و لقاها اتحسنت كتير كتبلها علي خروج و كمان فك الجبس من رجليها و رجعت هدي بيتها و هي ماشيه علي رجليها و رجعت لحياتها تاني وطلبت من هاله طلب غريب و قالت
هاله ممكن اطلب منك طلب
قالت
اه طبعا اطلبي خير
قالت
ممكن تفضلي معايا هنا في البيت
بصت هاله لعم صالح و سكتت راحت اتكلمت هدي و قالت
انا كده قاعده لوحدي وانتي قاعده لوحدك في بيتك هناك طيب ما نقعد مع بعض يا هاله انا مش عايزه ارجع اعيش لوحدي وانا والله مش هضايق في أي حاجه و بعدين هنقسم كل حاجه في البيت بنص
قالت
والله يا حبيبتي انا خت علي القاعده معاكي بس الفكره كلها اني .....
و سكتت هاله و بعدين اتكلم صالح و قال
طيب بصي يا هدي سبيها تفكر براحتها واحنا أن شاءالله مش هنسيبك يا بنتي متخافيش
اتكلمت هاله و قالت
انا أن شاءالله هبات معاكي انهارده بس لازم بكره ارجع شقتي ضروري معلش
قالت هدي
ماشي وانا أن شاءالله هرجع بكره المدرسه الامتحانات علي البواب و يدوب لو هلحق اذاكر حاجه
اتكلم صالح و قالها
طيب و أن شاءالله انا هستناكي بكره في الورشه عشان هروح معاكي المدرسه
قالت
ماشي
المهم استأذن صالح و مشي و بعدين اتكلمت هاله و قالت
طيب انا هروح اجهزلك الحمام عشان تاخدي دوش حلو كده و بعدين نجهز الغداء سوا
قالت هدي
ماشي و انا هروح اجيب بجامه النوم
المهم دخلت هدي عشان تجيب بجامه من الدولاب و لقت تلفونها كان بيرن و لما بصت عليه لقت عمتها هي اللي كانت بتتصل بيها المهم كنسلت عليها و رمت التلفون علي السرير و راحت الحمام تاخد الدوش و راحت هاله تغير هدمها و لبست جلابيه بيت و بعد ما خلصت دخلت المطبخ و بدأت تطبخ و بعد شويه خرجت هدي و كان شعرها مبلل اتكلمت هاله و قالت
روحي نشفي شعرك كويس عشان متبراديش
قالت هدي
طيب ماشي بس انتي هتعملي اكل ايه انا بصراحه جعانه اووي
قالت هاله
هعملك شويه محاشي و فرخه مشويه تاكل صوابعك وراها
قالت هدي
الله ايوه بقي طيب بقولك هنكلم بابا صالح عشان ياكل معانا
قالت هاله
اكيد طبعا هو ينفع ناكل كل زي دي من غيره
قالت هدي
خلاص انا هعرفه أن هو ياكل معانا
راحت هدي عشان تجيب تلفونها و في نفس الوقت تسرح شعرها المهم اتصلت بعم صالح و فتحت مكبر الصوت و مسكت المشط و بدأت تسرح شعرها و اول ما رد قال
خير في حاجه ولا ايه
ضحكت و قولت
لا يا بابا انا بخير الحمدلله متخافيش انا بقولك عشان تيجي تتغدي معانا هاله عامله اكله حلوه اووي
قالها
مش مهم يا بنتي كلوا انتو ألف هنا
قالت
بابا مش هناكل من غيرك تمام
ضحك و قال
تمام لما تخلصوا ابقي اتصلوا بيا
قالت
ماشي مع السلامه
قال
سلام
و قفلت معاه و لمت شعرها و راحت عند هاله و فضلوا مع بعض في المطبخ و تكلمت هاله و قالت
هاااا بتعرفي تعملي ايه بقي في المحشي
ضحكت هدي و قالت
مش بعرف اعمل اي حاجه خالص في المطبخ اصلا مش في المحشي بس
قالت هاله
يعني علي هتكوني من نصيبه وانتي أن شاءالله هتتعلمي امته بقي
قالت
بصراحه مش عايزه اتعلم الاكل كفايه عليا اتعلم في المدرسه
قالت هاله
و هتبقي ست بيت ازاي يا فاشل ولا هتبقي ام ازاي انتي
قالت هدي
يا سلام هو انا لزم اتعلم الطبيخ عشان ابقي ست بيت شاطره ولا ام كويسه
قالت هاله
ايوه و اهم حاجه هي المحشي يا بت
ضحكوا البنات و فضلوا يعملوا الاكل و كانت هدي بتساعدها في حاجات بسيطة المهم بعد فتره طويله خلصوا الاكل و تصلوا بعم صالح و جهزوا السفره و قاعدوا كلهم ياكلوا سو و بعد ما خلصوا اكلهم مشي صالح علي طول و مكنش حابب يقعد اكتر من كده المهم بعد ما مشي لموا السفره و دخلت هدي هي تغسل المواعين و بعدين دخلوا هما الاتنين علي السرير عشان يناموا و اتكلمت هدي و قالت
هاله هو لما كنتوا بره كان في حد واقف معاكوا بره
ابتسمت هاله و قالت بحنيه
اه ده محمد
استغربت هدي الطريقه اللي هاله بتتكلم بيها و قالت
محمد مين
فا بدأت هاله تحكي اللي حصل معاهم الصبح و كانت بتتكلم بطريقه حنينه اووي علي محمد المهم قالت هدي
اول مره اشوفك بتتكلمي بطريقه دي علي حد قوليلي هو محمد ده حلو يا هاله
قالت
اه يا بت يا هدي حلو اووي ما شاء الله طول بعرض و شعره الاسود ولا ايه بقي ضحكته حلوه اووي يا بت يا هدي يالهوي علي ضحكته
قالت هدي
لدرجه دي يا هاله
قالت
اه و اكتر يا بت وان شاء الله هنشوفه بكره
قالت هدي
انتوا متفقين علي كده يعني
قالت هاله
لا والله ابدا احنا متكلمناش اصلا يا بت هو صاحب القهوه اللي جامب الورشه بتاعت عم صالح فا طبعا لما نروح الصبح اكيد هشوفه أن شاءالله
قالت هدي
هااااااا يا جامد انت ماشي
قالت
نامي يا بت انتي عندك مدرسه الصبح
و فعلا قفلت هاله النور و نامو و بعد تقريبا ساعه حصلت حاجه كبيره جدا و مخيفه اووي ..............