رواية التضحية بالحب الفصل السادس والثلاثون36 بقلم اروي عادل
بعد مرور أربع ايام ٠٠
~~~~~~~~~~~~~
فى مكان غير معلوم
يجلس عصام مع فتاه وهى تقول بشر
الفتاه ٠٠٠ اسمع بس انت مش كل إللى يهمك ان تمارا تكون ليك
عصام ٠٠٠ أه .. بس دى هتبقى فضيحة
الفتاه ٠٠٠ انت مش كل إللى يهمك ان تمارا تكون مراتك .. بفضيحة بقى بالجن الأزرق مالكش فيه
عصام ٠٠٠ و سمعة البت دى بردوا هتبقى مراتى
الفتاه ٠٠٠ هى دى الطريقه الوحيده إللى تمارا هتوافق تتجوزك فيها ..و بالقانون كمان
عصام ٠٠٠ بس انا بردوا هتأذى فى الليله دى
الفتاه ٠٠٠ ساعتين فى قسم الشرطه مش مشكله بالنسبالك .. ولا يعنى هى أول مره ما انت اتحبست قبل كده
عصام ٠٠٠ عرفتى منين الحوار دى
الفتاه ٠٠٠ انت نسيت ان سمعتك وانت بتتكلم مع تمارا بره القاعة يوم خطوبة أخواتها
هنا تذكرت هايدى أول مره رأت عصام
(###فلاش بالك###)
×××××××××××××
كانت هايدى تبحث عن تمارا ومعاها لؤى حتى تكمل تنفيذ خطتها يوم حفلة الخطوبه
لذلك خرجت بره القاعة وهنا رأت تمارا واقفه مع عصام و وضح عليها الضيق هنا قالت هايدى
بقلم٠أروى٠عادل
هايدى٠٠٠ ايه ده مين إللى واقف مع تمارا ده
لؤى ٠٠٠ مش عارف .. بس ده باين عليها انها بتتخانق معاه
هايدى ٠٠٠ اكيد واحد من ضحايا الست تمارا
لؤى ٠٠٠ تعالى نروح نشوف فى ايه
هايدى ٠٠٠ تروح فين انت انهبلت احنا مالنا ما تولع تمارا ..احنا هنقف هنا وراه العمود ده ونسمع بيقولوا ايه
ظلت هايدى و لؤى يسمعوا كل شئ دار بين تمارا و عصام إلى أن جاءت كل من ملك
و حور و حاولوا يخلصوا تمارا من ايد عصام وهنا قال لؤى
لؤى ٠٠٠ هو ماسك تمارا كده ليه .ده شكله عايز يخطفها.. انا هروح اساعدهم
هايدى ٠٠٠ خليك هنا هتروح فين.. استنا لما نشوف ايه إللى هيحصل
بعد ما دخلت تمارا مع حور و ملك القاعة و تركوا عصام قالت هايدى و هى تركض خلف عصام
هايدى ٠٠٠ انت .. انت .. يا أستاذ.
نظر عصام يمين و يسار ثم قال
عصام ٠٠٠ انتى بتنادى عليا انا
هايدى ٠٠٠ أيوه انت.. هو فى حد غيرك موجود هنا
عصام ٠٠٠ و بتنادى عليا ليه هو انا أعرفك
هايدى ٠٠٠ هتعرفنى دلوقتى .. تعرف احنا لينا مصلحه مع بعض
عصام ٠٠٠( بضيق) بقولك ايه .. ماتتكلمى على طول و بلاش شغل المتغطى ده
هايدى ٠٠٠ اهدى بس وانا هفهمك .
عصام ٠٠٠ أنتى لسه هتفهمينى لاء معلش
يا ست انا مش فاضى
هايدى ٠٠٠ أنا سمعت كلامك مع تمارا
و عايزه اساعدك
عصام ٠٠٠ و انتى مين بقى انشاءالله كده بصلاته على النبى
هايدى ٠٠٠ هايدى خطيبت مراد الظابط حبيب تمارا
عصام ٠٠٠ لو نطقتى الكلمه دى تانى انا هدفنك مكانك
هايدى٠٠٠ بلاش تضحك على نفسك انت عارف و متأكد انهم بيحبوا بعض
عصام ٠٠٠ لما انتى عارفه كده طيب ما تلمى خطيبك ولا انتى مش مالية عينه
هايدى ٠٠٠ مالية .. بس تمارا قدرت تلعب عليه كويس أوى
ضحك عصام وقال بسخريه
هايدى٠٠٠ لاء معلش تمارا مبتعرفش تلعب على حد . انا أعرفها من سنين متغيرتش غير لما ظهر خطيبك فى حياتها
هايدى ٠٠٠ مش دى قضيتنا دلوقتى انت عايز تمارا تكون ليك . وانا عايزه مراد ليا و المصالح بتتصالح
عصام ٠٠٠ قصدك ايه
هايدى ٠٠٠ مش هينفع الكلام هنا ممكن اي حد يخرج من القاعة و يشوفنا واقفين.
عصام ٠٠٠ طيب و ماله
هايدى ٠٠٠ لاء ماينفعش حد يعرف اننا نعرف بعض
عصام ٠٠٠ طيب و الأستاذ إللى واقف وراكى من الصبح ده ظروفه ايه
هايدى ٠٠٠ لاء ده لؤى أخويا مافيش خوف منه
عصام ٠٠٠ طيب المطلوب دلوقتى
هايدى ٠٠٠ هات رقمك و آنا بكره هتصل عليك نتقابل و أفهمك كل حاجة
بقلم٠أروى٠عادل
(### العوده من الفلاش بالك###)
عصام ٠٠٠ طيب هنفذ الحوار ده امتى
هايدى ٠٠٠ بعد يومين بالظبط انا عزمت على ملك و حور تيجى عندى البيوتى سنتر و طلبت من ملك تجيب ياره معاها عشان اتعرف عليها اكتر
عصام ٠٠٠ بعدين هتعملى ايه
هايدى ٠٠٠ انتى نسيت ولا ايه
عصام ٠٠٠ لاء فاكر بس عايز اتأكد
هايدى ٠٠٠ لازم بأى طريقة اخد تليفون ياره عشان اعمل المكالمة إللى هتجيب تمارا ليك الشقة
عصام ٠٠٠ صح انتى ليه اختارتى الشقه دى بالذات. و هى فى نفس العماره إللى فيها الكوافير بتاعك مش خايفه حد يشك فيكى
هايدى٠٠٠ أولآ هو اسمه بيوتى سنتر مش كوافير.. ثانيآ هيشكوا فيا ازاى محدش يتوقع إللى احنا نعرف بعض . ثالثآ ده المهم لازم مراد يشوف تمارا وهى مقبوض عليها معاك .و انا هخليه يكون موجود وقت القبض عليكم..رابعآ ان الشقه دى سمعتها مش ولا بد
و بواب العمارة بيأجرها مفروش ..
و بوليس الآداب عنده خلفيه عن الشقه دى لانه هجم عليها مرتين قبل كده... عشان أو ما تمارا تكون عندك فى الشقة ..و أول ما تصل على بوليس الآداب هيجى بسرعة لانه عارف انها شقه مشبوهه
عصام ٠٠٠ فهمت .. ده انتى دماغك سم
هنا أعطت هايدى ورقه وقالت
هايدى ٠٠٠ دلوقتى خد الورقة دى
عصام ٠٠٠ أيه الورقة دى
هايدى ٠٠٠ دى ورقة الجواز العرفى بينك و بين تمارا إللى هتقدمها فى النيابه
و تقول أنها مراتك
عصام ٠٠٠ طيب افرض تمارا طعنت فى الورقة دى .. وانتى عارفه انها مزوره
هايدى ٠٠٠ مش هتقدر تقول انها مزوره ساعتها هتلبس قضية دعارة......
يعنى هيبقى عندها خيارين إما تقول قدام النيابة ان الورقة دى صحيحه
و ساعتها هيكون اعتراف منها أنها مراتك ..براحتك بقى تكتب عليها رسمى أو لاء انت حر .. أما تقول الورقة دى مزوره و ساعتها تلبس قضية دعارة فيها على أقل تلات سنين سجن ده غير الفضيحة ليها و أخواتها. ده يمكن مامتها تموت فيها
عصام ٠٠٠( بضحك) ساعتها أكيد عشان تنقذ نفسها هتقول انها مراتى ..
هنا ضحك عصام وقال بسخريه
عصام ٠٠٠ و كله بالقانون.
هايدى ٠٠٠ صحيح كله بالقانون ..
و ورينى بقى يا تمارا ازاى هتورى وشك لناس تانى.. حتى مراد هيقرف حتى يبص فى وشك بعد كده
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى منزل ميرفت
~~~~~~~~~~
لم تخرج تمارا من المنزل منذه ان وصلت إليها رسالة عصام .. كما ايضآ ظلت طول هذه الفتره قفله هاتفها كما كانت
لا تريد أن ترى أحد ولا أحد يراها
ميرفت ٠٠٠ تمارا انا رايحه اجيب طلبات البيت ايه رايك تيجى معايا
تمارا ٠٠٠ لاء معلش .. روحى انتى انا عايزه انام
ميرفت ٠٠٠ يعنى هتقعدى لوحدك فى البيت
تمارا ٠٠٠ عادى فيها ايه دى
ميرفت ٠٠٠ أنا مش عارفه انتى هتفضلى حابسة نفسك فى البيت لأمتى
تمارا ٠٠٠ فى ايه يا ماما .هو قعدتى فى البيت مضايقكم فى حاجة
هزت ميرفت رأسها بنفاذ صبر
ميرفت ٠٠٠ أنا خلاص قلبى وجعنى منك
بقولك ايه اعملى إللى انتى عايزاه
قالت عبارتها ثم خرجت من المنزل
بعد نصف ساعة
سمعت تمارا صوت جرس الباب اقترابت من الباب و قالت
تمارا ٠٠٠ مين
جاءه صوت من خلف الباب يقول
مراد ٠٠٠ أنا مراد يا تمارا افتحى
تمارا ٠٠٠( بدهشه) مراد انت ايه إللى جابك
مراد ٠٠٠ افتحى ولا هنفضل نتكلم من وراه الباب كده
تمارا ٠٠٠ انت مجنون افتح ايه افرض حد شافك ولا ماما عرفت.......
قطع مراد عبارتها وقال
مراد ٠٠٠ أنا عارف ان ماما مش هنا
و عارف كمان انك لوحدك فى البيت
تمارا ٠٠٠ لما أنت عارف انى قاعده لوحدى عايزنى افتحلك ليه
مراد ٠٠٠ ( بحده ) افتحى يا تمارا هو انا هكلك
هنا فتحت تمارا الباب و قبل أن تتحدث وضع مراد يده على وجهها وقال
مراد ٠٠٠ أنتى كويسه
هزت تمارا رأسها بأيجاب لذلك كمل مراد حديثه وقال
مراد ٠٠٠ آمال ليه مبتخرجيش من البيت
تمارا ٠٠٠ مش عايزه
مراد ٠٠٠ و قفله تليفونك ليه
تمارا ٠٠٠ مش عايزه اتكلم مع حد
مراد ٠٠٠ حتى انا ... تمارا انا بقالي. أربع ايام هتجنن و أشوفك ..لحد ما ست ميرفت هانم قررت انها تخرج من البيت
تمارا٠٠٠ ( بأستغراب) وانت عرفت منين ان ماما خرجت
مراد ٠٠٠من غير زعل.. انا سايب واحد تحت البيت يخلى عينه عليكى عشان إللى حصل من كام يوم . مايحصلش تانى
تمارا ٠٠٠حاطت واحد يراقبنى يا مراد
مراد ٠٠٠ هو ده إللى فهمتى من كلامى انى براقبك
صمتت تمارا هى تعلم أن مراد عمل ذلك خاوفآ عليها لذلك قالت
تمارا ٠٠٠ انا فهماك . و فاهمه انك خايف عليه بس صدقنى مالهوش لازم . انا تمام
مراد ٠٠٠ لما انتى تمام قوليلى ليه حابسة نفسك فى البيت
تمارا ٠٠٠ مش عايزه اخرج فيها ايه دى
مراد ٠٠٠ مش عايزه تخرجى ولا خايفه تخرجى
صمتت تمارا وهى تنظر له بأرتباك لذلك كمل مراد حديثه وقال
بقلم٠أروى٠عادل
مراد ٠٠٠ والله ما هسيب العيال إللى عملوا معاكى كده..انا خلاص قربت اعرفهم
تمارا٠٠٠ خلاص يا مراد انا نسيت الموضوع ده..كمان أكيد ماكنتش انا المقصوده
مراد ٠٠٠ لأ انتى إللى كنتى مقصودة
تمارا ٠٠٠ وانت عرفت منين
مراد ٠٠٠ أنا شوفت تسجيل الكاميرات و كمان تابعت تسجيل الكاميرات الشارع كله
تمارا ٠٠٠ و ليه كل ده.. انا خلاص مسامحه فى حقى
مراد ٠٠٠ بس انا مش مسامح مش هسيبهم و خلاص فى كاميرا من الكاميرات جايبه وش واحد من العيال دى . وخلاص كلها يوم و هيكون عندى.. و عرف هو عمل كده ليه
كل الحديث الذى دار بين مراد و تمارا و مازال مراد يقف أمام الباب
لكن فجأة انفتح باب الشقة مازن وهنا
و بسرعة سحبت تمارا مراد لداخل الشقه قبل أن يراه مازن
لكن قبل أن تغلق باب الشقة رأها مازن فقال
مازن ٠٠٠ تمارا صباح الخير
تمارا ٠٠٠( بتوتر) صباح الخير
مازن ٠٠٠ أنتى عامله ايه دلوقتي
تمارا ٠٠٠ كويسه الحمدالله
كان مراد يختبئ خلف باب شقة بينما كان يشعر بنيران تشتعل داخله من حديث تمارا و مازن . لذلك كور مراد قبضت يده بغضب
هو يسيطر على غضبه و يمنع نفسه من الانقضاض على مازن .. خصوصآ عندما سمع مازن يقول
مازن ٠٠٠ تمارا انا كنت عايز اتكلم معاكى فى موضوعنا
ارتبكت تمارا اكتر و خصوصآ هى تعلم أن مراد يسمع حديثهم وهى تعلم ايضآ مدى غيرت
تمارا٠٠٠ معلش مش ينفع نتكلم دلوقتى لأنى لوحدى فى البيت
مازن ٠٠٠ أوكى تمام .. طيب ايه رأيك نتعشا سوا النهاردة .. انا أعرف مطعم بيعمل أكل صينى هيعجبك أوى قولتى ايه
هنا وصل مراد لقمة غضبه و كان على وشك الخروج ل مازن .. لكنه ظل مكانه عندما سمع رد تمارا
تمارا ٠٠٠ مازن انت شاب ممتاز و فى الف بنت تتمناك.. ده كمان أى بنت فى مصر كلها تتمنى مازن نور يشاور عليها بس.. مش يبقى عايز يخطبها. كمان
مازن ٠٠٠( بضيق) المقدمه دى معناها. انك مش موافقه على الأرتباط بيا
تمارا ٠٠٠ أنا أسفه بس مش بأيدى
مازن ٠٠٠ فى حد تانى مش كده
لم ترد تمارا اكتفت فقط بهز رأسها بأيجاب
مازن ٠٠٠ مراد مهران مش كده
نظرت له تمارا بدهشه وهى لا تعلم من أين له أن يعرف
بقلم٠أروى٠عادل
مازن ٠٠٠ سكتى يبقى هو ..
تمارا ٠٠٠ ممكن أعرف عرفت منين
مازن ٠٠٠ من أول مره شوفته معاكى كان باين عليه انه بيغير عليكى .. و يوم خطوبة أخواتك عينه متشالتش من عليكى.
تمارا ٠٠٠ ولما انت كنت فاهم ليه اتقدمت عشان تخطبنى
مازن ٠٠٠ كنت فاكر انه حب من طرف واحد أو كنت بحاول اقنع نفسى انه هو بس إللى بيحبك .. مع أنى كنت شكك فى مشاعرك اتجاه .. على العموم مالهوش لازمه الكلام ده
عن أذنك
تمارا ٠٠٠ مازن انا أسفه
ابتسم لها بضيق و قال
مازن ٠٠٠ ولا يهمك عادى بتحصل
قال جملته و انصرف ثم دخلت تمارا شقتها وأغلقت الباب وهى تشعر بضيق من أجل مازن لذلك قال مراد
مراد ٠٠٠ مالك قلبه وشك ليه
تمارا ٠٠٠ صعب عليا
مراد٠٠٠ ( بحده) ننننعم يا حبيبتى مايصعبش عليكى غالى ..وانا لما كنت بتقطع عليكى ماصعبتش عليكى ليه
تمارا ٠٠٠ انت اساسآ تستاهل قطع رقبتك. انا مش عارف ازاى انا سمحتك بسهوله كده. ولا انا شكلى معنديش كرامه
مراد ٠٠٠( بحب) بجد يا تمارا انتى سامحتينى
تمارا ٠٠٠ بس اعمل حسابك دى اخر مره هسمحك فيها واللهى يا مراد لو عم........
بلعت جملتها عندما ضمها إليها مراد وهو يقول
مراد٠٠٠ مش هيحصل عمرى ما هسيبك تانى انتى خلاص بقيتى فى دمى و روحى . انتى بقيت زى الهوا بالنسبالى
شعرت تمارا بحرارة تسرى فى سائر جسدها من اقتراب مراد منها لكنها سيطرت على مشاعرها و ابتعدت عنه بخجل وقالت بأرتباك
تمارا ٠٠٠ أنتى ازاى تحضنى بطريقه دى على فكره عيب كده
مراد ٠٠٠ ( بمرح) أمال احضنك بأى طريقه
بغضب مزيف
تمارا ٠٠٠ هو انت من المفروض مش تحضنى خالص
مرر يده على خدها برفق وقال
مراد ٠٠٠ ( بحب) مقدرش تبقى قدامى و اقعد مؤدب
بعدت تمارا يده وقالت
تمارا ٠٠٠ مراد ممكن تروح بقى
مراد ٠٠٠ ( بمكر) ايه ده هو انتى بتطردينى
تمارا ٠٠٠ أه بتطردك تسمح تروح بقى
مراد ٠٠٠ هروح بس بشرط
عقدت تمارا ذراعيها أمام صدرها وقالت بغيظ
تمارا٠٠٠ شرط ايه بقى ده انشاء الله
مراد ٠٠٠ بوسه
اتسعت عينيها بدهشه من جرئته ثم قالت بخجل
بقلم٠أروى٠عادل
تمارا ٠٠٠ باستك عقربه يا قليل الادب
مراد ٠٠٠ طيب ليه طولت اللسان دى ..بعدين يعنى هى أول مره
تمارا ٠٠٠ يلا يا مراد امشى من هنا ..
هنا ظلت تدفعو برفق بعد ما فتحت الباب
وعندما أصبح مراد خارج المنزل ..أغلقت الباب قبل أن تضعف أمامه
ثم سندت ظهرها على الباب و وضعت يديها على صدرها الذى كان يعلو و ينخفض من قوة مشاعرها
بينما أصبح مراد خارج المنزل ..و تمارا داخل المنزل و يفصل بينهم باب الشقة
لذلك طرق مراد على الباب وقال
مراد ٠٠٠ بتخرجينى و تقفلى الباب
يا جبانه
ابتسمت تمارا بخجل ثم قالت
تمارا ٠٠٠ امشى يا مراد
مراد ٠٠٠ على فكره انا زعلان. و زعلان أوى كمان
تمارا٠٠٠ زعلان أشرب من البحر
مراد٠٠٠ طيب ما أروح انتحر احسن
تمارا ٠٠٠ بعد الشر عليك
وضع مراد يده على قلبه و قال
مراد ٠٠٠ تمارا
تمارا٠٠٠ نعم
مراد ٠٠٠ بحبك
بينما كان على وشك المغادرة. قال
مراد ٠٠٠ تمارا افتحى تليفونك
تمارا٠٠٠ حاضر
انصرف مراد
🕳🕳🕳🕳🕳🕳🕳🕳🕳🕳🕳🕳🕳
فى المساء
~~~~~~~~~~
تحسنت نفسية تمارا بعد زيارة مراد لها
كانت تجلس مرفت و بناتها يتبادلون أطراف الحديث
ياره ٠٠٠ هو انتى ملبوسه يا بت بقالك كام يوم بوزك شبرين منكده علينا .. و النهاردة ضحك و هزاز ..و أخر روقان ياترى ايه السر
تمارا ٠٠٠ يا ساتر يارب هو انتى لا عجبك كده ولا كده
ياره ٠٠٠ لا ياستى عجبانى كده
تمارا ٠٠٠ اه صح يا ماما انا اتكلمت النهاردة مع مازن .. و رافضت عرض الجواز منه
سلمى ٠٠٠ ( بضيق ) يا مجنونه انتى عبيطه. يا بت حد يرفض مازن نور
ميرفت ٠٠٠ ليه كده يا تمارا الراجل كان شاريكى
تمارا ٠٠٠ بس انا مش عايزاه يا ماما هبقى بظلمو لو وافقت عليه
ياره ٠٠٠ فقريه طول عمرك
ميرفت ٠٠٠ لسه بتحبى مراد
صمتت تمارا بتوتر لذلك كملت ميرفت حديثها و قالت
بقلم٠أروى٠عادل
ميرفت ٠٠٠ سكتى يعنى لسه بتحبى .واللهى انتى ناويه تجنننى
تمارا ٠٠٠ ماما طيب قوليلى اعمل ايه واللهى غصب عنى مش قادرة محبهوش
ميرفت ٠٠٠ بعد اللى عملو فيكى بتقولى كده ده راح خطب واحده تانيه غيرك
تمارا ٠٠٠ هو قالى هيسيبها
ميرفت ٠٠٠ ( بضيق) هو قالك معناها انتى لسه بتتكلمى معاه من ورايا
تمارا ٠٠٠( بتوتر) ماما انا أسفه بس٠٠٠٠٠
قطعت ميرفت عبارتها بغضب ثم صرخت بها قالت
ميرفت ٠٠٠ بس بس بس ..بس ايه قولتلك هيجرحك و جرحك ..قولتلك هيتخلى عنك و اتخلى و راح خطب غيرك ...قولتلك بلاش العايله دى هيأذوكى و أذوكى
و بعد كل ده لسه بتحبى..ايه معندكيش كرامه لدرجدى انتى غبيه
سلمى ٠٠٠ خلاص يا ماما اهدى
ميرفت ٠٠٠ طول ما انتو ورايا انا عمرى ههدى ولا هرتاح
قالت جملتها ثم دخلت على غرفتها
ياره ٠٠٠ هى ماما مالها انا أول مره أشوفها متعصبه كده
سلمى ٠٠٠ هى بقالها كام يوم أعصابها تعبانه انا كنت فاكرة انها مدايقه من إللى حصل ل تمارا .بس لا فى حاجة تانيه مدايقه ماما
ياره ٠٠٠ أنا هدخل أشوفها مالها
تمارا ٠٠٠ استنى يا ياره انا عارفه ماما مالها
بفضول قالت سلمى
سلمى ٠٠٠ مالها
ياره ٠٠٠ يعنى انت عارفه و ساكته ما تقولى مالها ماما
تمارا ٠٠٠ من فتره ماما حكيتلى عن الأستاذ فؤاد ده خال مراد كان هو و ماما بيحبوا بعض زمان
حكت تمارا كل ما قالته لها ميرفت عن فؤاد
سلمى ٠٠٠ يعنى خال مراد طلع ندل مع ماما عشان كده ماما كانت متأكده ان مراد هيطلع زى خاله
ياره ٠٠٠ بس الكلام ده حصل من ٢٥ سنه
ايه إللى مدايق ماما دلوقتى
تمارا ٠٠٠ من تلات ايام الأستاذ فؤاد جه هنا
سلمى ٠٠٠ (بدهشه) عندنا فى البيت
تمارا ٠٠٠ أيوه ... و سمعت كلام إللى دار بينهم ..ماما كانت فاكرانى نايمه
ياره ٠٠٠ سمعتى ايه
بقلم٠أروى٠عادل
(###فلاش باك###)
~~~~~~~~~~~~
بعد ما طرق الباب فتحت ميرفت
هنا اتسعت عينيها بدهشه وقالت
ميرفت ٠٠٠ أنتى ايه إللى جابك هنا
فؤاد ٠٠٠ممكن نتكلم
ميرفت ٠٠٠ متهيألى ان مافيش بينا اي كلام
فؤاد ٠٠٠ طب حتى قوليلى اتفضل
قالت ميرفت بضيق
ميرفت ٠٠٠ اتفضل لما نشوف اخرتها
دخل فؤاد الصالون هنا قالت ميرفت
ميرفت ٠٠٠ هااا خير عايز أيه
فؤاد ٠٠٠ قولتلك عايز دنتكلم
ميرفت ٠٠٠ وانا قولتلك مافيش حاجة نتكلم فيها
فؤاد ٠٠٠ لاء فيه .. مراد و تمارا
ميرفت ٠٠٠ بنتى مالهاش علاقه بمراد .. وخلاص بنتى اتخطبت
فؤاد ٠٠٠ بلاش يا ميرفت تقررى نفس الغلطه تانى
ميرفت ٠٠٠انا مش شايفه اي غلطة بنتى و اتخطبت لواحد بنات مصر كلها بتتمناه
فؤاد ٠٠٠ بس هى بتحب مراد .. وهو كمان بيحبها
ضحكت ميرفت بسخريه وقالت
ميرفت ٠٠٠ قولتلى بيحبها عشان كده سابها. وبعدين خطب غيرها.ده ايه الحب العظيم ده معلش ممكن افهم هو ايه مفهوم الحب عندكم
فؤاد ٠٠٠ انتى عارف كويس أوى الظروف اللى أجبرت مراد يعمل كده ..
ميرفت ٠٠٠ بنتى مالهاش دعوة بظروف حد
فؤاد ٠٠٠ بلاش يا ميرفت الولاد يعيشوا إللى احنا عشناه طول حياتنا
ميرفت ٠٠٠ مالها عشتنا انت عايش حياتك مع مراتك و ولادك مبسوط ..و آنا عايشة مع بناتى مبسوطه و مرتاحه
ضحك فؤاد بمراره ثم قال
فؤاد ٠٠٠ مراتى و ولادى همآ فين دول
ميرفت ٠٠٠ ليه هى ليلى راحت فين
فؤاد ٠٠٠ ليلى مين
ميرفت ٠٠٠ مراتك صاحبت شيرين أختك
بأستغراب و عدم فهم
فؤاد ٠٠٠ أيه إللى فكرك بيها ده انا مشوفتهاش من أكتر من ٢٣ سنه من ساعة ما اتجوزت و هجرت أمريكا
ميرفت ٠٠٠ ليه هو انت طلقتها
فؤاد ٠٠٠ طلقت مين ..هو انا اتجوزت ليلى عشان أطلقها..انتى جيبتى الكلام ده منين
سكتت ميرفت بعدم فهم ثم قالت
ميرفت ٠٠٠ خلاص ده أساسآ مش موضوعنا
فؤاد ٠٠٠ هو ايه إللى خلاص انا عايز افهم انتى جبتى الكلام ده من فين
ميرفت ٠٠٠ شيرين هى إللى جات قالتى انك اتجوزت ليلى بعد ما سيبت اسكندرية بأقل من أسبوع
فؤاد ٠٠٠ بس الكلام ده محصلش
ميرفت ٠٠٠ لاء حصل و هى أختك هتكدب ليه بأمارة السلسلة إللى بعتهالى معاها
بعدم فهم و دهشة
بقلم٠أروى٠عادل
فؤاد ٠٠٠ سلسلة ايه
ميرفت ٠٠٠ السلسلة إللى انا كنت اشتريتها ليك يوم عيد ميلادك ..و طلبت منها تاخد السلسلة التانية إللى انت كنت اشتريتها ليا
ساعتها انا أديتها السلسلة بتاعتك و اخدت السلسة بتاعتى منها
هنا فتح فؤاد زرار قميصه الأول وأخرج سلسلة متعلقه برقبته .. كانت الصدمة و الذهول واضح على ميرفت عندما رأت السلسلة حول رقبتة
فؤاد ٠٠٠ السلسلة بتاعتك أهى .. انا عمرى ما قلعتها من رقبتى.. حتى بعد ما وصلت لسن ده و المنصب إللى انا فيه لسه لابس سلسلتك
كانت تتطلع إليه ميرفت وهى غير مستوعبه
لماذا ان كان لما يتزوج ليلى وان كان لما يرجع لها السلسلة .. فلماذا كذبت عليها شيرين هنا قالت ميرفت
ميرفت ٠٠٠ ثوانى و أرجعلك
دخلت ميرفت غرفتها ثم خرجت بعدها وهى تحمل فى يدها نفس السلسلة الذى حول عنق فؤاد وقالت
ميرفت ٠٠٠ هى دى السلسلة إللى أدتهانى شيرين
فؤاد ٠٠٠ غريبه دى نفس السلسلة إللى معايا بس انا متأكد إللى معايا هى دى سلسلتك انا مقلعتهاش من رقبتى ... طيب ليه شيرين تعمل كده .
ميرفت ٠٠٠ مش عارفه ممكن تسألها أو متسألهاش.. خلاص إللى حصل حصل
فؤاد ٠٠٠ ( بغضب حاد) لاء مش حصل .حصل انتى اتجوزتى و عشتى حياتك .. انما انا إللى حياتى كلها وقفت عندك
ميرفت ٠٠٠ عايز تفهمنى انك متجوزتش
فؤاد ٠٠٠ لاء اتجوزت مره واحده بس
بعد ما سيبتك ب ٧ سنين و طلقتها بعد شهرين من الجواز
ميرفت ٠٠٠ طلقتها ليه
فؤاد ٠٠٠ لأنك دايمآ كنتى قدامى عينى
و عايشه بينى و بينها عشان كده مقدرتش احبها ولا أشوفها زوجه ..عشان كده طلقتها ..
سكتت ميرفت بينما هربت دمعة من عينيها و فأزاحتها بسرعة و قالت
بقلم٠أروى٠عادل
ميرفت ٠٠٠ بس انتى إللى سبتنى ولا نسيت قولتلى ايه
فؤاد ٠٠٠ غلطت. غلطة واحده بس بدفع تمنها لحد دلوقتى..بعدين انا رجعتلك بوجع و تأنيب ضمير ...بس لو كنتى استنيتى أسبوع واحد
أسبوع واحد بس كنت جيت و ركعت كمان تحت رجليكى اطلب تسامحينى
ميرفت ٠٠٠ ( بغضب ) كنت عايزنى اعمل ايه انت تيجى و تقولى معلش انا هسيبك عشان أهلك مش موافقين بيكى.. وتهرب بعدما كلمت أهلى عليك.. و بعدها يومين تيجى أختك و تقولى انك اتجوزت البنت إللى كانت عينها منك ... و أهلى كمان كانوا بيضغطوا عليا عشان أوافق على محسن .. أو اجيب ليهم العريس إللى قولتلهم عليه
فؤاد ٠٠٠ ( بألم) أنتى على حق ماكنش قدامك خيار تانى.. أذا كان انا الراجل سمعت كلام أهلى.. انتى البنت هتعملى ايه .. الغلط كله كان من عندى انا....بس انا عايزك تعرفى انا عمرى ما حبيت
ولا هحب غيرك لحد ما أموت
ميرفت ٠٠٠ أنت جاى تقولى الكلام ده ليه دلوقتى .. حرام عليك انا كنت عايشة مرتاحه
روح يا فؤاد و سيبنى عايشه حياتى زى ماهى
(### العوده من الفلاش###)
~~~~~~~~~~~~~~~~~~~
ياره ٠٠٠ يعنى ماما لما كانت بتزعق ليكى انتى بس كانت تقصد نفسها بالكلام إللى قالتو
سلمى ٠٠٠ يعنى معنى الكلام ده ان ماما لسه بتحبه... أحنا لازم نكون جانب ماما مانسيبهاش فى الوقت ده
تمارا ٠٠٠ ماما مش محتاجانا احنا إللى نكون جانبها دلوقتى
ياره ٠٠٠ آمال محتاجه مين
تمارا ٠٠٠ محتاجة الأستاذ فؤاد ماما لازم تتجوز الأستاذ فؤ٠٠٠٠٠٠