رواية التضحية بالحب الفصل الخامس والاربعون45 بقلم اروي عادل
٠هنا على صوت رنين هاتف مراد لذلك قال
مراد ٠٠٠ غريبة ده حمدى
تمارا ٠٠٠ مش ده الظابط إللى كان ماسك قضيتى
مراد ٠٠٠ ايوه هو . بس غريبة انه يتصل عليا فى وقت زى ده
تمارا ٠٠٠ طيب رد يمكن يكون فى حاجة مهمه
أول ما رد مراد على الهاتف صاح وهو يقول بصدمة
مراد ٠٠٠ هرب.. هرب ازاى ده
تمارا ٠٠٠(بخضة) فى ايه يا مراد
مراد ٠٠٠ عصام هرب من السجن
اتسعت عين تمارا برعب وهى تعلم أن عصام لم و لن يتركها فى حالها
انتهى مراد من المكالمة ثم قام بضرب عجلة القيادة بقوة وغضب
بقلم٠أروى٠عادل
مراد ٠٠٠ أنا مش فاهم ازاى قدر يهرب ازاى. اكيد فى حد ساعد الواد ده مستحيل يقدر يهرب لوحده
تمارا ٠٠٠ اهدى يا مراد
مراد ٠٠٠ اسمعى يا تمارا لحد الواد ده ما بتقبض عليه مش عايزك تخرجى من البيت نهائى فاهمه
تمارا ٠٠٠ حاضر .. ممكن تهدى بقى
مراد ٠٠٠ ( بتحذير) تمارا عشان خاطرى انا مش ناقص وجع قلب عليكى تانى ..هتسمعى كلام و مش هتخرجى من البيت .لو اضطريتى تروحى أى مكان يبقى لازم اعرف و تبقى رجلى على رجلك فاهمه
تمارا ٠٠٠ ليه كل ده انت مكبر الحوار . اساسآ عصام ميقدرش يقرب منى
مراد ٠٠٠( بعصبيه) تمارا اسمعى الكلام إللى بقولك عليه .. هو دلوقتى هيبقى عامل زى الخشيم إللى بيخبط يمين و شمال لانه خلاص مبقاش عنده حاجة يخسرها..
تمارا ٠٠٠ حاضر .. ممكن اطلع بقى على البيت
مراد ٠٠٠ استنى وصلك لباب الشقة
كانت سوف تعترض ..لكنها صمتت لانها تعلم لا جدوى من الاعتراض أمام مراد
أما باب الشقة
تمارا ٠٠٠ أنا هدخل روح انت يا مراد
مراد ٠٠٠ لما تتدخلى و تقفلى الباب كمان
تمارا ٠٠٠ حاضر .. تصبح على خير
ربت مراد على خديها برفق ثم قال
مراد ٠٠٠ و انتى من أهل الخير يا حبيبتى
فتحت تمارا الباب الشقة و قبل أن تغلق الباب قال
مراد ٠٠٠ تمارا خروج من البيت لاء مفهوم
هزت رأسها بأيجاب فى أغلقت الباب
🕳🕳🕳🕳🕳🕳🕳🕳
فى صباح اليوم التالى
~~~~~~~~~•
فتحت تمارا عينيها على صوت رنين الهاتف ذلك قالت بصوت نعسان
( بداية المكالمة )
تمارا ٠٠٠ ألووو
مراد ٠٠٠ صباح الخير حبيبى
تمارا ٠٠٠ صباح الفل و الياسمين ٠٠٠ صاحى بدرى يعنى
مراد ٠٠٠ أنا لسه مانمتش اصلآ ... قولت ابص عليكى قبل ما أمشى
تمارا ٠٠٠( بأستغراب) تبص عليا و تمش مراد هو انت فين
مراد ٠٠٠ أنا لسه تحت العماره
بدهشه وهى تنهض من على الفراش بسرعة لتنظر من النافذة
تمارا ٠٠٠ مراد انت مجنون قاعد فى العربية من امبارح قدام العماره
هنا أشارة له تمارا من النافذة
بقلم٠أروى٠عادل
مراد ٠٠٠ كنت عايز اطمن عليكى
تمارا ٠٠٠ مراد . استنا انا هنزل ليك
كانوا يتحدثوا فى الهاتف هو ينظرون لبعض مراد من تحت العماره و تمارا من نافذة غرفتها
مراد٠٠٠ تنزلى تروحى فين . آمال راح فين الكلام إللى قولتهولك أمبارح
تمارا ٠٠٠ مش مشكله .ما انت تحت العمارة
مراد ٠٠٠ لاء خليكى عندك انا رايح اعمل كام مشوار كده و بعدين هكلم حاتم عشان الشقة عشان اكون جانبك على طول
تمارا ٠٠٠ طيب مش هتنام شوية
مراد٠٠٠ النهاردة الجمعة هخلص المشاوير إللى ورايا و ابقى انام طول اليوم
تمارا ٠٠٠ ماشى يا حبيبى
مراد ٠٠٠ اه لو تعرفى الكلمه دى بتعمل فيا ايه
تمارا ٠٠٠(بخجل) بس بقى يا مراد
مراد ... انا شايف خدودك وهى بتحمر من الكسف من عندى
ابتسمت تمارا ثم لوحت له بيدها وهى تقول
تمارا ٠٠٠ باى بقى روح مشاويرك يا جارى الجديد..
قالت جملتها ثم أغلقت المكالمة
هنا انطلق مراد بالسيارة
🕳🕳🕳🕳🕳🕳🕳🕳🕳🕳🕳
فى مكتب الهندسه الخاص حياتك
~~~~~~~~~~~~~~~~~
حاتم ٠٠٠ يعنى انت عايز تشترى شقة مازن
مراد ٠٠٠ آمال انا بكلمك فى ايه من الصبح
حاتم٠٠٠ تمارا إللى قالتلك ان الشقة معروضه للبيع
مراد ٠٠٠ اه فى اسئله تانى
حاتم ٠٠٠ بصراحه مستغرب ..يعنى مراد مهران ابن صاحب سلسلة مهران المقولات جاى يشترى شقة من...
قطع عبارته وهو يقول
مراد ٠٠٠ اريحك انا هشترى الشقة دى عشان اكون قريب من تمارا
حاتم ٠٠٠ ده ايه الصراحة دى ..طيب حتى راعى انى انا ابن خالتها
مراد ٠٠٠ طيب هنلف و ندور على بعض ليه.. بعدين تمارا هتبقى مرات
حاتم ٠٠٠ طيب ياسيدى ربنا يهنيكم ببعض
..قولى انت عارف مازن طالب كام فى الشقة
مراد ٠٠٠ أنا عارف أسعار الشقق فى المنطقة دى بكام هتبقى من اتنين ونص لتلاته مليون
حاتم ٠٠٠ هو فعلآ طالب تلاته مليون
مراد ٠٠٠ أوكى تمام انا موافق . ممكن تكتب العقد امتى
حاتم ٠٠٠ أنا اتصلت بمازن وهو زمانه جاى
بعد أقل من نصف ساعة كان جاء مازن
و تم كتابة العقد و اخذ مازن الشيك
و عندما كان مازن على وشك الانصراف قال
بقلم٠أروى٠عادل
مازن٠٠٠ اشتريت الشقه عشان خاطرها صح
فهم مراد أن مازن يقصد تمارا و رغم ذلك قال
مراد٠٠٠ مش فاهم تقصد مين
ابتسم مازن وقال
مازن ٠٠٠ ياريت تحافظ علي الجوهرة إللى معاك ..و تبقى أد حبها ليك .
شعر مراد بضيق الغيره من كلام مازن
لكنه حاول انا يكون لطيف بعض الشئ
مراد ٠٠٠ اطمن تمارا فى ايد إللى تعرف تقدرها كويس أوى .. اذا كان على حبها .فأنا بحبها اكتر من حبها ليا بأضعاف مضاعفه
هز مازن رأسه و أبتسم بحزن ثم غادر و هنا قال حاتم
حاتم ٠٠٠ انت هتخليها مقفوله ولا هنأ..
قطع عبارته هو يقول
مراد ٠٠٠ لاء انا هنقل فيها من بكره
حاتم ٠٠٠ بس الشقه فاضيه عايزه عفش و ..
مراد ٠٠٠ عارف هحاول اشترى حبة عفش حاجة مؤقتة
حاتم ٠٠٠ أنا عندى هنا مهندسة ديكور شاطره ممكن اخليها توضب الشقة
مراد ٠٠٠ بس اعمل اى حاجة انت عايزها المهم الشقة تكون جاهزه بكره
حاتم ٠٠٠ انت بتهزر بكره ايه ده ماينفعش
مراد ٠٠٠ لا ينفع خد معاك اي عدد من العمال وانا متكفل بكل حاجة ..
حاتم ٠٠٠ طيب انت عايز الديكور على طراز معين
مراد ٠٠٠ أسأل تمارا شوفها هى عايزه ايه .. لانها دى هتبقى شقتها ...
ثم كتب شيك ل حاتم بأتنين مليون
وقال
مراد ٠٠٠ اتفضل الشيك لو هتحتاج اي فلوس تانى اتصل عليا ..سلام
حاتم ٠٠٠ مراد كنت عايز اسألك سؤال
مراد ٠٠٠ خير انت اشتريت شقة خالتى ميرفت بكام
نظر له مراد بأرتباك وقاله
مراد ٠٠٠على فكره خطيبتك سألتنى نفس السؤال ده قبل كده و انا جاوبتها
حاتم ٠٠٠ أنا مش مصدق الكلام ده ..شقة بتلاته مليون تاخدها بمليون و كمان بالعفش ... ده انت لسه دافع خمسه مليون و لسه يمكن يمكن نحتاج فلوس كمان
مراد ٠٠٠ بلاش نتكلم فى إللى فات
حاتم ٠٠٠ يبقى انا شكى فى محله ..طيب ليه عملت كده
مراد ٠٠٠ عشان خاطر تمارا ..ياريت ماحدتش يعرف حاجة عن الموضوع ده
حاتم ٠٠٠ طيب دفعت كام
مراد ٠٠٠ مش مهم .. أعتبره مهر تمارا
قال جملته ثم انصرف
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
امام القصر مهران
~~~~~~~~~~~
عند وصل مراد للقصر قامه رجل الأمن بفتح بوابة القصر لكن مراد قال له
مراد ٠٠٠ مسعد
مسعد ٠٠٠ نعم يا باشا
مراد ٠٠٠ ادخل هاتلى شنطة هدومى من أمل
مسعد ٠٠٠ خير يا باشا هو حضرتك مسافر
مراد ٠٠٠ بطل رغى و روح عمل إللى قولتلك عليه بسرعة
مسعد ٠٠٠ حاضر يا باشا
داخل القصر
~~~~~~~~
نازله أمل تحمل شنطة و سهى تحمل شنطة اخره
نسرين ٠٠٠ أيه الشنط دى
أمل ٠٠٠ ( بأرتباك ) دى شنط مراد بيه هو بعت مسعد ياخدها
يوسف ٠٠٠(بغضب) سيبى الشنط هنا و روحى نادى مسعد
جاء مسعد و قال
مسعد ٠٠٠ نعم يا باشا
يوسف ٠٠٠ هو فين مراد
مسعد ٠٠٠ واقف بالعربية قدام القصر
يوسف ٠٠٠ هى حصلت ابنى يقف قدام القصر زى اي حد غريب
نسرين ٠٠٠ أنا طالعه له
يوسف ٠٠٠ لا خليكى هو اساسآ متعصب منك
انا هخرج له
حسام ٠٠٠ معلش سيبونى انا اتكلم معاه انا إللى زعلته و خليته يسيب القصر و انا إللى المفروض إللى أرجعه
أمام القصر
~~~~~~~~~
كان مراد ينتظر مسعد بالسيارة و فجأة اتفتح الباب و صعد حسام ثم أغلق الباب السيارة
بينما كان مراد ينظر له بذهول و عدم فهم لذلك قال حسام
حسام ٠٠٠ أيه هتفضل بتبصلى كده كتير..
يلا واقف ليه
مراد ٠٠٠( بدهشة) فى ايه يا حسام
حسام ٠٠٠ جعان ما أكلتش حاجة من أمبارح ممكن تعزمنى على الغدا . .
مازال مراد ينظر بعدم فهم لذلك قال حسام
حسام ٠٠٠ انت هتفضل متنح كده كتير. ولا مش معاك فلوس تعزمنى .. خلاص اعزمك انا ما انا ياما عزمتك زمان ولا نسيت
انطلق مراد بالسيارة وهو لا يفهم ما يحدث ما سبب تغيير حسام
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳
فى إحدى المطاعم الخاصه
بالمأكولات البحرية
~~~~~~~~~~~~~~
بعد ما جلسوا على أحدى الطاولات و طلبوا بعد والأطباق المتنوعة من المأكولات البحريه
حسام ٠٠٠ لسه فاكر انى بحب المأكولات البحريه
مراد ٠٠٠ اه فاكر .
هنا ضحك حسام وقال
حسام ٠٠٠ تعرف انا نفسى فى أكلت سمك
من الغردقة .اه البحر الأحمر و جمال السمك البحر الأحمر
مراد ٠٠٠ ياااه لسه فاكر
حسام ٠٠٠ طبعآ و دى حاجة تتنسى ...تعرف اكتر حاجة عمرى ما نسيتها كل ما أفتكرها وافضل اضحك مع نفسى
مراد ٠٠٠ أيه هى
حسام ٠٠٠ يوم ما كنا بناكل فى مطعم على على البحر فى الغردقة وانا بطلب أكل من الشيف قولتله انا بكل كل أنواع الأسماك
روحت انتى بصيت على شوية بنات و هم طالعه من البحر و قولتله و هنا كمان بكل اي حاجة طالعة من البحر .. راح الشيف بص على البنات و قالك يعنى الف ليك بنتين فى رغيف
هنا ضحك مراد و حسام
مراد ٠٠٠ اه فاكر ده احرجنى قدام الناس إللى فى المطعم
حسام ٠٠٠ يعنى انت سكت ليه . ما انت قولته اه لف ليا بنتين بس بالله عليك رش عليهم حبه مايوهات حلوين زيك كده من ابوه قطعتين وحياتك
هنا انفجروا الأثنين فى الضحك
مراد ٠٠٠ اه متفكرنيش الشيف يومها وشه جاب الوان الطيف كلها هو مش عارف يرد يقول ايه
حسام ٠٠٠ طول عمرك مشكله و لسانك طويل
وخصوصآ المره دى ..
مراد ٠٠٠ بابا بهدلنى فيها
حسام ٠٠٠ حظك الأسود الشيف يطلع يعرف بابا
مراد ٠٠٠ و بابا ايه كأنه ماصدق فضل يزعق فيا
حسام ٠٠٠ اه هو يزعق فيك و انت تضحك .. اه صح هو انت كنت بضحك ليه يومها
مراد ٠٠٠ يومها لما الشيف اتصل على بابا
و جه خدنا من المطعم فى بنت كتبت ليا رقمها فى منديل بقلم الروج و حطت المنديل فى جيب بابا ..هو بابا هو بيزعقلى كل شويه يطلع المنديل و يمسح به وشه لحد وش بابا بقى كله روج
هنا انفجر حسام من الضحك
بقلم٠أروى٠عادل
حسام ٠٠٠لاء انت مش معقول
مراد ٠٠٠ والله بابا يومها صعب عليا
حسام ٠٠٠ عشان وشه بقى كله روج
مراد ٠٠٠ لاء من إللى ماما عملته فيه
حسام ٠٠٠ اه صح دول اتخنقوا يومها خناقه كبيرة
مراد٠٠٠ و بابا فضل يحلف لماما انه مايعرفش الروج ده جه منين . وماما مصممه انه بيخونها
حسام ٠٠٠ حرام عليك و انت شايف و ساكت
مراد ٠٠٠ لاء بابا صعب عليا .. بصراحة ماما صعبه و اوى.. اضطريت يومها احل الموضوع
حسام ٠٠٠ اعترفت لماما باللى حصل
مراد ٠٠٠ ليه هو انا عبيط اقول لماما حاجة زى دى ...دى كانت دبحتنى
حسام ٠٠٠ امال عملت ايه
مراد ٠٠٠ دبستها فى ملك ..قولت لماما ان ملك كانت بتلعب بالروج بتاعك و عشان ماحدتش يشوفها حاطت المنديل فى جيب بابا
حسام ٠٠٠ حرام عليك و ملك ذنبها ايه .. انت كده كل مصيبه كنت تعملها و تدبسها لحد خصوصآ ملك
مراد ٠٠٠ لانها الوحيد إللى كانت بتبقى ساكته و بتكتم إللى جواها و مابتتكلمش
حسام ٠٠٠ تعرف ان جه وقت و كنت فاكر ان ملك بتحبك
ضحك مراد وقال
ملك ٠٠٠ ملك دى اختى ان بحبها زى حور بالظبط
حسام ٠٠٠ تعرف انها قالت نفس الكلام عليك
مراد ٠٠٠ انت اتكلمت معاها
حسام ٠٠٠ امبارح اتكلمنا شويه ..بس حسيت انها فى حزن غريب فى كلامها ..مش طلعت عندها حبيب مجهول
مراد ٠٠٠ هو مجهول بالنسبالك انت
حسام ٠٠٠ يعنى انتى عارف هى بتحب مين
مراد ٠٠٠ عارف .بس انت من امتى مهتم بملك
حسام ٠٠٠ طريقة حبها صافيه أوى حب من غير مقابل.. برغم انها عارفه ان إللى بتحبه مش حاسس بيها بس لسه بتحبه و مخلصه للحبه ده
مراد ٠٠٠ هو الحب كده تحب شخص و حياتها كلها تدور حوله .. تعرف الحب عامل زى ايه زى الجبل العالى و الحب موجود فى القمة عشان توصل للقمة الجبل و انت طالع ممكن توقع و ممكن تنجرح و ممكن تتعب و ممكن تيأس ممكن تحس بأنهيار. بضعف ممكن تحس قوة بحماس بشغف بس انت مكمل للقمة لان ماينفعش تتراجع بس اول توصل للقمة يااااه تحس براحه و الأمان و طمئنياته غريبه و كأنك ملكت الكون كله فى ايدك
كان حسام يستمع ل مراد بأستغراب و سعاده فى نفس الوقت
حسام ٠٠٠ مراد انت ممكن تكون بتحب
لا مش ممكن انت
مراد ٠٠٠ ليه هو انا مش بشر
حسام ٠٠٠ مين يا مراد .. مين إللى قدرت على مراد مهران
هنا تبدلت ملامح مراد لحزن وقال
بقلم٠أروى٠عادل
مراد ٠٠٠ يمكن يجى يوم و أقف قدامك و اقولك هى مين . بس دلوقتى خلينا فى ملك
مش عايز تعرف ملك بتحب مين
حسام ٠٠٠ مين يا مراد
هنا مسك مراد هاتفه و وضعه أمام وجه حسام و قال
مراد ٠٠٠ شوفه بنفسك
لم. يرى حسام غير انعكاس وجه فى الهاتف لذلك قال
حسام ٠٠٠ انت هتشتغلنى فين ده
مراد ٠٠٠ لسه مافهمتش يا أبوه الذكاء كله
حسام ٠٠٠ تقصد ايه يا مراد
هنا ابتدا حسام يفهم ثم تذكر الحزن فى نظرات ملك له لذلك قال
حسام ٠٠٠ أنا بتحبنى انا ..
مراد ٠٠٠ حمدالله على السلامه أخيرآ فهمت
حسام٠٠٠ طيب ازاى لا لا اكيد انت متهيألك
مراد ٠٠٠ حسام موضوع ملك انا عرفوا من سنين فاتت من وهى عندها ١٥ سنه . محدش يعرف الموضوع ده غيرى انا أسلام
حسام ٠٠٠ ازاى انا ماخدش بالى من حاجة زى كده
مراد ٠٠٠ تقريبآ انت مابتخدش بالك غير من إللى. مش مناسبين ليك
حسام ٠٠٠ الظاهر كده فعلآ ..
ثم ظل صامتين لمدة دقائق ثم قال حسام
حسام ٠٠٠ مراد انا اسف انا عارف ان قولتلك كلام ماينفعش يتقال بس تعمل ايه اخوك خشيم
مراد ٠٠٠ حور قالتلك على الحقيقه مش كده
حسام ٠٠٠ تصدق لو قولتلك انى طول الخمس سنين إللى. فاتت كان فى حاجة بينى و بين نفسى بتقولى انك ماتعملش كده.. بس كنت بحاول ما اسمعش نفسى عشان مش يجى اليوم إللى اطلع فى صغير أوى قدامك و قدام نفسى و قدام العايله كلها.. و اهو جه اليوم يا.....
قطع مراد عبارته وقال بحده
مراد٠٠٠ خلاص انسى إللى فات مات احنا ولاد النهاردة
حسام ٠٠٠ مش زعلان منى
مراد ٠٠٠ أيه يا عم جوه الصعبنيات ما تهدى شويه
حسام ٠٠٠تصدق انك عيل رخم وانا غلطان انى بحاول أرضيك
مراد ٠٠٠بقولك ايه عايز تراضينى بجد ارجع شغلك تانى و سيبنى انا اتفرغ للشغل المباحث
حسام ٠٠٠ بتاع مصلحتك طول عمرك .. طيب استنا لما اقف على رجلى زى الناس
مراد ٠٠٠ أنا هتمثل ما انت بتمشى احسن منى
حسام ٠٠٠ عمرك ما هتتغير مراد هيفضل طول عمره مراد
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳 بعد أسبوع
فى القصر
~~~~~~~~~~
فى القصر كان الكل سعيد برجوع علاقة عمر و حسام .
بينما رجع حسام يمسك شغل الشركات من تانى .
بينما مراد اتفرغ للشغله كظابط شرطة
كما كان يحرص مراد طول هذه الفتره انه يقضى طول الليل فى المنزله الجديد
بينما ظلت تمارا طول هذا الفتره لا تخرج من المنزل
لا يوجد أي أخبار عن. عصام
بينما نسرين لما تتحدث مع هايدى بخصوص اتصالها بحسام فى الليله المشؤمة .خاوفآ منها على زعل شقيقتها شيرين
٠٠٠٠٠٠٠٠
نسرين ٠٠٠ أنا عايز اعرف حاجة واحده بس انت بتبات فين كل يوم
مراد ٠٠٠ فى شقتى الجديد
يوسف ٠٠٠ شقة جديد ليه يا مراد
مراد ٠٠٠ ليه ايه هو انا هفضل طول عمرى عايش هنا فى القصر مش هيجى ويوم استقل فى بيتى لوحدى
كانت السعادة و الفرحه وضحه على هايدى وهى تقول
هايدى ٠٠٠ يعنى انت جبت الشقه إللى هنجوز فيها
مراد ٠٠٠ كويس انك اتكلمتى فى الحوار ده
من نظرات مراد فهمت نسرين ما سيقوله مراد لكنها لن تعترض فيكفى ما فعلته به ستتركه يفعل ما يريده بحياته برغم من خوفها الشديد من خسارة شقيقتها
هايدى ٠٠٠ اه يا مراد امتى هتحدد ميعاد الفرح
شيرين ٠٠٠( بضحك) شوفتى البنت و كلامها . هايدى الكلام ده احنا المفروض إللى نتكلم فيه
هايدى ٠٠٠ ده فرحى انا و انا أحق واحده المفروض تتكلم فيه مش كده يا مراد
نظر مراد للكل هو هى وشك القاء القنبلةعلى مسمع الجميع
مراد ٠٠٠ بصراحة انا اسف يا خالتى انا مش ناوى اكمل مع هايدى
ظن هايدى انها لما تسمع صحيح لذلك قالت
بقلم٠أروى٠عادل
هايدى ٠٠٠ معلش يا مراد مسمعتش كويس انت بتقول أيه
شيرين ٠٠٠( بغضب) أنت اتجننت هى بنتى لعبه فى ايدك شويه تخطبها و شويه مش هتقدر تكمل
هايدى ٠٠٠ مامى انتى بتتكلمى مع مراد كده ليه .. مراد ما قالش انه مش يكمل انتى جبتى الكلام ده منين
شيرين ٠٠٠ نسرين عجبك إللى بيعمله ابنك ...
ده حتى هايدى مش قادره تصدق انه قال اته مش مكمل معاها
مراد ٠٠٠ مش الخطوبة دى فترة اختبار بين الاتنين هيقدروا يكمل مع بعض او لاء انا مش قادر اكمل مع هايدى
شيرين ٠٠٠ لا مش بمزاجك بنتى مش تحت أمرك
مراد ٠٠٠ يعنى ايه اكمل معاها غصب عنى
هنا صرخت هايدى وقالت بكل جبروت
هايدى٠٠٠ اه تكمل غصب عنك انتى بتاعى انا و مافيش واحده تانى هتاخدك منى وانت فاهم قصدى كويس أوى
حسام ٠٠٠ هايدى ايه إللى انتى بتقوليه ده
هايدى ٠٠٠ بقول إللى الكل لازم يعرفوا
ثم أقتربت من مراد وضعت أصابعها على صدر مراد كملت كلامها بغضب و جراءة
هايدى ٠٠٠ انت خطيبى و هتبقى جوزى و لو فكرت بس مجرد تفكير انك تسيبنى انا هقتلهلك يا مراد
هنا الكل يتتطلع ل هايدى برعب خاوفآ من ان تنطق اسم تمارا
حسام ٠٠٠ تقصدى مين بكلامك . مين دى إللى بتقولى انك هتقتليها
نظرت هايدى ل مراد بوقاحة و تهديد
بقلم٠أروى٠عادل
هايدى ٠٠٠ تحب اقول لأخوك مين إللى انت عايز تسيبتى عشانها ولا تسحب الكلام إللى انت قولته دلوقتى .. و تحدد كمان ميعاد جوازنا.
حور ٠٠٠ أنتى ازاى وقحه كده بتهددى مراد من غير ايه كسوف
شيرين ٠٠٠ ( بغضب) حووور لمى لسانك و بلاش قلة أدب
نسرين ٠٠٠ يعنى انتى شايفه غلط حور و مش شايفه غلط بنتك
شيرين ٠٠٠ بنتى بدافع عن حقها
نسرين ٠٠٠ أي حق ده
هايدى ٠٠٠ حقى فى مراد
مراد ٠٠٠ طيب اسمعى يا هايدى انا كنت بحاول اكون ذوق و لطيف معاكى بس ده مش معناه انى خايف من تهديدك لانى انا مابخافش من حد وانتى عارفه
هايدى ٠٠٠ يعنى ده اخر كلام عندك
يوسف ٠٠٠ لو سمحتوا وقفوا المهزله دى
ايه خلاص ماحدش عامل ليا حساب انى واقف
هايدى ٠٠٠ سورى يا أنكل بس انت شايف إللى مراد عايز يعمله فيا
مراد ٠٠٠ أنا ماشى على فكره انا عند كلامى
و خلى تهديدك ينفعك
قال مراد جملته ثم انصرفت ولم يهتم بصراخ هايدى عليه حتى لا يذهب
وهنا قالت نسرين بأستنكار
نسرين ٠٠٠ بجد انا مصدومة فيكى انا طول عمرى بعتبرك زى حور بالظبط لكن يوصل بيكى الأمر انك تهددى ابنى قدامى عينى عينك كده
هايدى ٠٠٠ آمال انتى عايزانى اسيبوا يعمل إللى هو عايزه
حور ٠٠٠ دى حياته هو حر فيها
هايدى ٠٠٠ طيب و حياتى انا .. اعملوا حسابكم لو مراد سابنى انا هموت نفسى .
و ذنبى هيكون فى رقبتكم كلكم
حسام ٠٠٠ أيه شغل العيال الصغيرة دى ..
مراد و مش عايز يكمل معاكى . ايه هتخليه يكمل غصب عنه .
هايدى ٠٠٠ يا سلام شوف مين إللى بيتكلم مش انت اللى كنت مستعد تعمل فى نفسه ايه حاجة عشان بس تمارا تكمل شغل معاك.. ياريت قبل ما تتكلم معايا تبص على نفسك الاول
انصرف حسام عندما سمع كلام هايدى وهو يشعر بالأحراج و الخجل من نفسه
بينما ضربت نسرين هايدى بقوه على وجهها وهى تقول بغضب
بقلم٠أروى٠عادل
نسرين ٠٠٠ انتى قليلة الأدب
شيرين٠٠٠( بصراخ) نسرين انتى اجننتى بتمدى ايدك على بنتى
نسرين ٠٠٠ بنتك إللى معرفتيش تربيها .. انا دلوقتى مع مراد بنتك مستحيل تكون مرات ابنى .. الحمدالله انى عرفتها على حقيقتها قبل فوات الأوان
هايدى ٠٠٠ ( بصراخ وغضب) كل ده عشان عايزه احافظ على مراد بأى تمن
حور ٠٠٠ تحافظى على مراد بتهديد و و قلة الأدب ولا بالكلام إللى يجرح
نسرين ٠٠٠ أنا اساسآ غلطانه انى سكت يوم معرفت انك انتى إللى اتصلتى على حسام عشان يرجع القصر و يشوف مراد و ندا مع بعض .. كان المفروض افهم ساعتها انك واحده مش....
كانت هايدى تسمع حديث نسرين بصدمه انهاعرفت الحقيقة
بينما قطعت عبارتها شيرين بصراخ و حده وهى تقول
شيرين ٠٠٠ نسرين ولا كلمة تانى فى حق بنتى
يكون. فى علمك انا مش هسكت على الاهانه دى و حق بنتى انا هعرف اخده كويس أوى
نسرين ٠٠٠ يعنى انتى مش شايفه بنتك غلطانه . بعد كل إللى قولته
شيرين ٠٠٠ لا بنتى مش غلطانه .. يلا يا هايدى من هنا
قالت جملتها ثم اخذت ابنتها و انصرفت
نسرين ٠٠٠ معقوله دى اختى معقوله انا كنت مخدوعة فى هايدى بالشكل دخ
يوسف ٠٠٠ بس انا عمرى مارتحت للبنت دى
حور ٠٠٠ مامى فى حاجة لازم تعرفيها انتى و بابا
نسرين ٠٠٠ فى ايه تانى انا مبقاش فيا حمل لأى صدمة تانى
حور ٠٠٠ مراد طلب ايد تمارا من طنط ميرفت
نسرين ٠٠٠ انتى بتقولى إيه
يوسف ٠٠٠ من غير ما نعرف
حور ٠٠٠ طنط ميرفت قالت مافيش حاجة هتم غير ما حضرتك و مامى تطلبوها رسمى
و مراد يتخلص من مشاكله طبعآ مقصود بالمشاكل دى هايدى . مشاعر حسام
يوسف ٠٠٠ طيب كويس الست طلعت بتفهم فى الأصول
نسرين ٠٠٠ طيب و حسام
يوسف ٠٠٠ احنا لازم نتكلم مع حسام ماينفعش نيجى على مراد تانى
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى فيلا شيرين
~~~~~~~~~~~~~
هايدى ٠٠٠ بقى انا يعمل معايا كده ماشى يا مراد اقسم باللى لأخليك تحزن عليها
شيرين ٠٠٠أهدى يا حبيبتى متعمليش فى نفسك كده
هايدى ٠٠٠ أنا هعرف اخد حقى منهم و أختك إللى بتمد أيدها عليه انا هعرفها مقامها . ماشى واللهى بكره هرد لها القلم ده الطاق اتنين
هنا مسكت هايدى هاتفها و قامت بأجراء مكالمة
شيرين ٠٠٠ بتتصلى بمين
هايدى ٠٠٠ بالزفت عصام .. اهو استفاد منه بدل ماهو مستخبى فى العزبة ومالهوش لازمه .حتى يحلل الفلوس إللى دفعتها عشان أهربه من السحن
هنا رد عليها عصام
( بداية المكالمة )
هايدى ٠٠٠ أيه مش عايز تنتقم من إللى كانوا السبب فى حبسك..ولا حبيت القاعد و الراحه عندك