لم يكن لي نيّة أن أقع في الحُب ، لكنّك أتيتَ
وحملتُه مَعك 🫂🦋.
يوسف : ليه نور مالها
هناء : تعبت انهارده شويه
يوسف قعد جمب نور وحضنها بقلق : انتي كويسه
نور بابتسامة : متقلقش يا حبيبي انا كويسه
يوسف : متقلقش ازاي بتقولي انك تعبانه
مالك : في ايه يا عن يوسف الدكتور قدامك اهو وطمنتك نونا
سيف بابتسامة : هو بيقلق علي نور اووي
مالك بابتسامة : ايوا فاكر لما كانت بتبقا تعبانه وهي صغيره مكانش بيقوم من جمبها
يوسف بابتسامة : نور دي بنتي
نور بابتسامة : بنتك كويسه طول ما انت جمبها
يوسف بابتسامة : عشان كدا مروحتيش الكليه انهارده
نور : ايوا
هناء : البنات لما ما راحتش الكليه جولها يطمنو عليها
يوسف : يبقا خلاص متروحيش الكليه لحد ما تبقي كويسه
نور : يا يوسف انا بقيت كويسه خلاص أن شاء الله بكره هروح
يوسف : ماشي يا نوري
نور بهمس : قرب هنا
يوسف قرب منها
نور : اتصالحتو
يوسف بابتسامة : هو انتي اللي بعتيها
نور بضحك : اه
سيف : انتو بتهمسو علي ايه
يوسف : مالكش دعوه
مالك : انا عارف يا سيف
يوسف : يسلام وعرفت منين
مالك : عرفت وخلاص
يوسف : انت بتقول اي كلام وخلاص
مالك بضحك : احنا بنقول ايه كلام وخلاص يا سيف
سيف بضحك : لاا احنا عارفين كل حاجه
نور بضحك : انتو كل حاجه مركزين فيها كدا
سيف بضحك : امال ايه الموضوع كمان يخص سلمي
مالك بضحك : متصالحتوش لسه صح
سيف بضحك : اللهم لاا شماته بس انا شمتان
يوسف بضحك : والله عارف انك حابب الموضوع عشان كدا مش بيتحل ابدا
سيف بضحك : والله هي سلمي اللي هتاخد حقي من اللي بتعمله فيا
مالك بضحك : البت معاهم حق برضو
يوسف بضحك : هو كله بيقول كدا محدش يجي معايا انتو كدا بتخلوها تعاند معايا
هناء بابتسامة : هي كل الحكايه أنها زعلانه من الموقف يعني كله شافكم ونتو داخلين الحفله وبعدين يلاقوك مع وحده تانيه
نور بابتسامة : متقلقش هي سلمي غيرانه بس وبعدين هي زعلانه منك يعني بتحبك متزعلش علي حبها ليك
يوسف بابتسامة : مين قال اني زعلان الفكره بس هي مش بتكلم معايا وبعيده عني ونا مش متعود علي كدا
مالك بابتسامة : هي اكيد عاوزاك تصالحها
يوسف : حاولت معاها كتير بس رافضه
سيف : هما كدا البنات بيحبو يدلعو
نور : بس يا اهبل انت احنا كا بنات بنبقا محتاجين كل
شويه تجدد حبك لينا ممكن بنبقا مش زعلانين بس
محتاجه اهتمام محتاجه اعرف انت بتحبني قد ايه وهتستحملني قد ايه الحاجات دي احنا بتبسطنا اووي
سيف : ايوا يا فليسوفه انتي
نور : بتتريق
سيف : لاا ابدا ومعاكي حق انا شوفت كل اللي قولتيه دا
نور بضحك : يعني توتا قايمه بالواجب معاك
سيف بضحك : وزياده
مالك ادايق شويه بس حاول ميبينش : طيب يا جماعه انا هروح شقتي
سيف : ونا كمان محتاج انام
هناء : ماشي يا حبايبي
مالك وسيف خرجوا وكل واحد راح علي شقته
يوسف قام دخل اوضتها غير هدومه ومسك الفون بتاعه وفضل يبص علي صوره سلمي وافتكر اللي حصل ابتسم بعدين قفل الفون ونام
......................................
مراد كان في اوضته وشهد واقفه قدامه
شهد : قولتلك يا مراد متروحش الشركه
مراد : عاوزاني اقعد في البيت يعني
شهد : اهو احسن من انك تتخانق
مراد : حد قالك اني بالطقي
شهد : يا حبيبي مقولتش كدا بس هتشوف فارس وهتتعصب
مراد : لاا متقلقيش هي خلاص اختارته اتخانق معاه ليه
شهد : متزعلش يا مراد اكيد هتحب تاني
مراد : مش عاوز احب تاني
شهد قعدت جمبه : عندك حق الحب الاول بياخد حته جوانا عمره ما بيتخطا وكمان لما تكون بتحبه من كل قلبك
مراد بصلها : انتي بتحبي ولا ايه
شهد بسرعه : مين قال كدا لاا طبعا
مراد : بتتكلمي كانك حبتي قبل كدا
شهد : مش لازم اكون بحب عادي
مراد : طيب
شهد حاطيت أيدها علي كتف مراد : لو عاوز تتكلم في
اي وقت انا موجوده
مراد بابتسامة : حاضر
شهد خرجت ومراد فضل يفكر في ملك
........................................
بعد وقت طويل كان فارس خارج من اوضته
زينب : رايح فين يا فارس
سلمي : اكيد خارج مع خطيبته
فارس بابتسامة : كان نفسي بس خارج مع حد تاني
آيه : مع مين يعني
فارس : في ايه يا جماعه ما انا لو عاوز اقول كنت قولت
محمد : طيب روح عشان متتاخرش علي معادك
فارس : طيب يلا سلام
فارس خرج
آيه : سلمي تعالي نعمل فشار ونتفرج علي فيلم حلو كدا
سلمي : ياريت دا احنا لينا وقت معملنش كدا
آيه : طيب تعالي
آيه وسلمي راحو المطبخ وعملوا فشار وآيه اختارت فيلم يتفرجو عليه وقعدو كلهم سوا
...........................................
يوسف نزل من عربيته قدام مطعم ودخل شاف فارس
قاعد راح عنده
يوسف : مساء الخير
فارس : مساء النور عامل ايه يا يوسف
يوسف : كويس .. عاوز تتكلم في ايه بقا
فارس : طيب تشرب حاجه الاول
يوسف : قهوة
فارس طلب قهوة
يوسف : مش هتكلم
فارس : لاا هتكلم
فارس فضل يتكلم مع يوسف وبعد وقت كل واحد قام
ركب عربيته فارس وصل قدام العماره وشاف يوسف
واقف بالعربيه
فارس : في حاجه ولا ايه
يوسف بابتسامة : لاا مفيش بس اختك تعبتني معاها
فا جتلها قدام العماره
فارس بضحك : الله يكون في عونك
يوسف بضحك : اه والله
فارس مشي ويوسف طلع الفون ورن علي آيه
.......................................
آيه كانت قاعده وشافت يوسف بيرن فصلته
آيه : سلمي بقولك تيجي ننزل نجيب شوكلاته
محمد : رنو علي فارس يجبلكم وهو جاي
آيه : لاا احنا هنروح بسرعه وهنيجي
زينب : خدو بالكم من نفسكم ومتتاخروش
سلمي : حاضر
سلمي وآيه غيرو هدومهم ونزلو وقابلو فارس علي السلم
فارس : علي فين
آيه : هننزل السوبر ماركت
فارس بضحك : ماشي
سلمي : بتضحك علي ايه
فارس : لاا مفيش
فارس طلع والبنات نزلو وطلعوا من باب العماره آيه شافت عربيه يوسف ومسكت ايد سلمي وراحت ناحيه العربيه
سلمي : يابنتي السوبر ماركت من هنا رايحه فين
آيه : دا سوبر ماركت جديد
وصلوا قدام عربيه يوسف نزل من العربيه وسلمي شافته
سلمي : هو انتي منزلاني عشان كدا
آيه : اه حلو مشاكلكم بقا
آيه مشيت
سلمي : خدي رايحه فين
سلمي كانت هتمشي يوسف مسك ايديها : تعالي هنا اركبي يلا
سلمي بصتله : لاا
يوسف : سلمي اركبي احسن
سلمي بعناد : ونا قولت لاا
يوسف : والله انتي عارفه انا هعمل ايه
سلمي ركبت يغيظ ويوسف ركب وجاب كيس كان علي الكرسي اللي ورا وكان في شبشي وببسي وشوكلاته
سلمي : ايه دا
يوسف : شوفي ونتي هتعرفي
سلمي فتحت الكيس وشافت شوكلاته مسكت
وحده واكلت منها
يوسف بابتسامة : عارف انك بتحبي الشكولاته
سلمي : طيب كويس انك عارف اكتر حاجه بحبها
يوسف : اكتر من يوسف يعني
سلمي : ايوا
يوسف : بس انا مبحبش اكتر منك
سلمي : انت هتقولي أفعالك بتقول كل حاجه
يوسف : قصدك ايه
سلمي : قصدي انت فاهمو كويس
يوسف : ما خلاص يا سلمي حرام عليكي والله عمال اصالحك ونتي رافضه بعنادك
سلمي بزعيق : ونت اللي عملته حاجه عاديه
يوسف رفع حاجبه : سلمي بطلي جنان انا والله طاقتي خلتص هتخلص منك
سلمي : من اولها كدا مش مستحملني
يوسف مسك ايديها وباسها : لاا طبعا استحمل العمر كله بس بلاش تطولي خناقتنا وتبقي بعيده عني
سلمي مقدرتش أنها تعناد بعد طريقه كلامه معاها ابتسمت : حاضر
يوسف بفرحه : يعني خلاص مش زعلانه
سلمي : انا غيرت عليك ازاي وحده غيري تقرب منك ولاا مش زعلانه
يوسف بابتسامة : بحبك
سلمي بابتسامة : انا كمان بحبك .. بالمناسبة برضو لسه بغير
يوسف بضحك : دي حاجه تبسطني بس انك تبعدي عني لاا
سلمي بابتسامة : يوسف هو احنا ممكن تحصل بنا خناقه ونسيب بعض
يوسف بصلها : ليه بتقولي كدا
سلمي : مش عارفه بس بصراحه ممكن عنادي يبعدك عني
يوسف : انا مستحيل ابعد عنك انا بحبك انتي كل حياتي يا سلمي
سلمي بصتله بتاثر ومرديتش
يوسف : مالك يا حبيبتي
سلمي بدموع : اصلا لما قولتي كدا انا اتاثرت وشكلي هعيط
يوسف بضحك : تعيطي عشان بقولك كلام حلو يعني مقولش
سلمي ضربت يوسف في كتفه بخفه : امال هتقول لمين
يوسف بضحك : ما انتي غريبه يا سلمي تعيطي لما بقولك كلام حلو
سلمي : يا اخي انا حساسه وبعدين عجبك ولا مش عاجبك
يوسف بابتسامة : عاجبني طبعا
سلمي فضلت تاكل شوكلاته ويوسف بيتامل ملامحها بابتسامه
سلمي : بتبصلي كدا ليه
يوسف بابتسامة : متخيله اصحي من النوم علي الشكل دا
سلمي بضحك : انت متاكد هتبقا بالابتسامه والبحب دا لما تشوفني بعد الجواز
يوسف : ايوا طبعا .. بقولك
سلمي : اممم
يوسف : انا عاوز اتجوز
سلمي : طيب ما تروح تتجوز
يوسف بضحك : المفروض انتي العروسه
سلمي : لاا يا حبيبي مفيش جواز دلوقتي وبعدين احنا لسه صغيرين
يوسف : صغيرين ايه اتكلمي عن نفسك انا اللي قدي اتجوز وخلف
سلمي بضحك : احنا مش هنقعد كتير تلت سنين بس
يوسف : انتي بتهزري
سلمي بضحك : لاا اخلص الكليه ونتحوز
يوسف : لاا ما انا مش هقعد تلت سنين انسي الكلام دا
سلمي : طيب والكليه دا انا اول سنه لسه
يوسف : كملي بعد الجواز
سلمي بصدمه : بس مش هعرف من البيت والكلية وكمان اكيد هيكون اولاد لاا لاا
يوسف : لاا متقلقيش هتروحي الكلية وكل حاجه هتبقا كويسه
سامي : ولو بقيت حامل يا استاذ اروح ونا زي البطيخه
يوسف بضحك : دا انتي مستعجله اكتر مني
سلمي : انا تفكيري مش في كدا يا قليل الادب انا بتكلم في العموم
يوسف بضحك : اكيد الجواز مش قله ادب وسفاله وبس لا هو فعلا سفاله
سلمي بضحك : انا هنزل
يوسف بضحك : ماشي
سلمي قفلت الباب وقفت : تصبح على خير يا قره عيني
يوسف بابتسامة : ونتي من أهل الخير يا قلب قره عينك
يوسف مشي وسلمي طلعت وهي مبسوطه دخلت شقتهم ودخلت اوضتها غيرت هدومها ونامت
....................................
صباح جديد ملئ بالاحداث
فارس بيخرج من اوضته وبيقعد يفطر معاهم
محمد : هو دا بجد اللي انا سمعته
فارس : هو ايه
محمد : انهارده كتب كتابك
فارس : ونت عرفت ازاي
محمد : عمتك قالتلي
زينب : كتب كتابه ازاي
فارس : ايه يا نونا دا بدل ما تقوليلي الف مبروك
سلمي : دا انت جاي تعزمنا في نفس اليوم
فارس : انا قولتلكم اني هكتب الكتاب
آيه : هو انت هتجوز ملك بجد
فارس : في ايه يا توتا انهارده كتب كتابي وبتساليني
زينب : يعني انت مكنتش هتقول غير لما عمتك قالت لابوك
فارس : كل حاجه بتيجي بسرعه يا نونا
سلمي : دا انت نسيت أن ليك اهل
فارس : انا ورايا شغل هخلص بدري عشان متاخرش واه
انا قررت اعمل كتب الكتاب في قاعه كدا عاوزكم تبقو موجودين هناك
سلمي : غريبه يعني عمتو مجاتش ليه
فارس بابتسامة : مشغوله بتحضيرات .. يلا اوصلكم
فارس والبنات نزلو وصلهم وراح الشركه نزل من عربيته ودخل الشركه وصل قدام مكتبه
فارس : صباح الخير يا ندا
ندا : صباح الخير يا فندم
فارس : عاوزك تبعتيلي كل الشغل
ندا : حاضر يا فندم
فارس دخل مكتبه وقعد علي الكرسي وبعد شويه دخلت ندا
ندا : اتفضل يا فندم ودي اوراق محتاجه امضيتك عليها
ودي قهوتك يا فارس بيه
فارس : شكرا يا ندا
فارس مضي علي كل الورق وندا اخدته وكانت خارجه بس وقفت لما فارس اتكلم
فارس : ندا هو مراد وصل
ندا : هشوف يا فندم
فارس : طيب لو جي خليه يجيلي ولو مجيش بلغيني
ندا : تمام يا فندم
ندا خرجت وفارس فضل يشوف الملفات اللي قدامه
........................................
مالك نزل من عربيته ودخل المستشفي ولقي عمر واقف متنح راح عنده ولقي بيبص علي مريم
مالك : مالك يا عمر
عمر بصله : مش عارف
مالك : امال مين يعرف
عمر : بجد مش عارف مالي
مالك : يابني لما انت بتحبها اووي كدا ما تروح تقولها
عمر : لاا طبعا اقول ايه دا انا مبعرفش اتكلم معاها كلمتين
مالك : يابني والله دي لذيذه بشكل مش طبيعي انت ليه قلقان
عمر : يعني ايه كلامك دا
مالك : كنت خارج من المستشفي وخبطت فيها فا اتكلمنا وقتها
عمر : ما المشكله ببقا عاوز اقولها بس مش بقدر
مالك : اتشجع بقا وخلصنا ما لو قعدت كدا البت هتروح منك متغلطش غلطتي
عمر : يعني انت رايك كدا
مالك : اه وروح قولها دلوقتي
عمر : هقولها بس اكيد مش دلوقتي
مالك بصوت عالي : دكتور مريم
عمر : الله يخرب بيتك انت بتعمل ايه
مالك بضحك : استني بس
مريم جات عليهم : ازيك يا دكتور مالك
مالك بابتسامة : الحمد لله عمر عاوز يتكلم معاكي
عن ازنكم بقا
مالك مشي وهو بيضحك وعمر فضل باصص علي مالك
وهو مش عارف يقول ايه لمريم
مريم : ايه يا دكتور عمر
عمر بصلها : بصي بقا من الاخر كدا انا معجب بيكي او
بحبك مش عارف بشوفك بتلغبط بصراحه ونا مش كدا
مريم بابتسامة : اهدا يا دكتور
عمر بابتسامة : متوتر شويه اول مره اتحط في موقف زي كدا
مريم بابتسامة :ونا كمان اول مره
عمر : طيب انتي فاضيه ولا معاكي شغل
مريم : لاا مش معايا
عمر : طيب ممكن نتكلم شويه لو مش عندك مانع
مريم : معنديش طبعا
مريم وعمر خرجوا وقعدو في حته هاديه وفضلو بيتكلموا شويه
......................................
البنات كانو قاعدين سوا في كافتريا الكليه
شهد : بنات ما تيجو نخرج بعد المحاضره اهو نغير جو بدل الاكتئاب اللي احنا فيه دا
سلمي : ياريت بس الأستاذ ماكد علينا منتاخرش
شهد : استاذ مين
آيه : فارس
نور اول ما سمعت اسمه ركزت مع آيه وكلهم لاحظوا دا
نور : ليه ماله
سلمي : كتب كتابه انهارده
نور : ربنا يفرح قلبه
آيه : انتي بتدعيله بعد كل دا
نور : مش مهم اللي حصل اهم حاجه مبسوط
شهد : طيب يلا بينا عشان المحاضره
كلهم قاموا ما عدا آيه
سلمي : مش معاكي محاضره
آيه : كمان نص ساعه
البنات راحو المحاضره وآيه فضلت قاعده ورنيت علي سيف
سيف : توتا
آيه : انت لسه فاكر توتا
سيف : غصب عني الشغل يا حبيبتي
آيه : ماشي
سيف : مش معاكي محاضرات
آيه : لسه كمان شويه .. انت خلصت شغل
سيف : لاا لسه
آيه : هتيجي انهارده
سيف : عشان اشوفك بس
آيه بابتسامة : طيب اسيبك تكمل شغلك
سيف : هتوحشيني
آيه : ونت كمان
آيه قفلت مع سيف ولقيت ريهام جايه عليها وبعدين
وحضنو بعض
ريهام : الناس اللي اتخطبت ونسيتنا
آيه بضحك : انا اقدر
ريهام : وحشاني
آيه : انتي اكتر
ريهام : ايه قاعده لوحدك ليه
آيه : البنات راحو المحاضره
ريهام : اخبار الخطوبه ايه
آيه بابتسامة : يعني حلوه بس خناقات
ريهام : طبعا دا عنصر أساسي في الخطوبه
آيه بضحك : اخبار ممدوح ايه
ريهام بضحك : مطلعه عينه والله
آيه بضحك : يابنتي ارحمي الواد شويه
ريهام بضحك : يستحمل بقا
آيه بضحك : هي اسراء مجاتش
ريهام بضحك : انتي عارفه انها بتيجي زيارات
آيه بضحك : الخوف أنها تشيل اخر السنه
ريهام بضحك : لاا انتي عارفه اسراء متستقليش بيها دي بتيجي اخر السنه من الاوائل مش عارفه ازاي
آيه بضحك : اه والله
ريهام : طيب يلا بينا المحاضره هتبدا
آيه : يلاا
.....................................
يوسف كان قاعد في مكتبه بارهاق وسيف دخل عليه
سيف : ادخلهم عشان تحقق معاهم
يوسف : ماشي هما كام
سيف : القضيه قضيه مخدرات في شابين برا ومعاهم بنت
يوسف : طيب دخلي البنت ونت حقق مع الشباب
سيف : حاضر
سيف خرج ودخل بعد شويه وكان معاه بنت وخرج
يوسف : اتفضلي
البنت قعدت وهي بتترعش
يوسف : انتي كويسه
البنت هز راسها ويوسف مسك كوبايه مياه
يوسف : اتفضلي اشربي
البنت اخدت كوبايه المياه وشربت منها وبعدين بصيت في الأرض
يوسف مسك الملف وفتحه : رحمه احمد بدير 20 سنه كليه علوم وتبقي اخت حسن
رحمه : ايوا
يوسف : احكيلي ايه اللي حصل
........................................
فارس كان قاعد بيشتغل في مكتب الباب دق وسمحله بالدخول رفع وشه من الورق وشاف مراد
مراد : طلبتني في حاجه
فارس : عامل ايه الاول
مراد : طلبتني في حاجه
فارس : طيب ممكن تقعد
مراد قعد وفارس بصله
فارس : انت عارف انك جدع ومش هترفض الطلب اللي هطلبه منك
مراد : وحضرتك عاوز ايه
فارس : محتاج منك تبقا موجود قبلي في القاعه عشان انا ورايا كام حاجه كدا
مراد : وتطلب مني انا ليه
فارس : يا اخي خليك جدع واقف جمبي
مراد : تمام حاجه تاني
فارس : لاا تمام
مراد : عن ازنك
مراد خرج وبعد شويه فارس خلص شغله وخرج من
الشركه وركب عربيته وبعد وقت كان قدام العماره اللي
ساكنه فيها سوزان نزل من العربيه وطلع الدور التالت
واللي فيها الشقه رن جرس الباب وفتحتله ملك
فارس : عامله ايه يا ملك
ملك بصتله ومرديتش سوزان جات من وراها بابتسامة : تعال يا حبيبي
فارس دخل قعد وسوزان وملك
فارس : عمتو انا محتاج ملك معايا
سوزان : اكيد يا حبيبي بس ليه
فارس : يعني هنخرج كدا مع بعض
ملك : بس انا مش عاوزه أخرج
سوزان بابتسامة : طبعا يا حبيبي قومي غيري هدومك
ملك فضلت قاعده سوزان بصتلها بحده : قومي
ملك راحت اوضتها وبعد وقت خرجت فارس بصلها وبعدين قام : يلا بينا احنا
سوزان : متتاخروش يا حبيبي انت عارف انهارده كتب كتابكم
فارس : متقلقيش يا عمتو انا مظبط كل حاجه وانا وملك مش هنرجع تاني هنيجي علي هناك
سوزان : ماشي يا حبيبي
فارس خرج هو وملك ونزلوا وركبوا العربيه وبعد وقت كانوا قدام مطعم نزلوا ودخلو المطعم
فارس : تأكلي ايه
ملك : مش عاوزه
فارس : لاا احنا ورانا يوم طويل لازم تاكلي
ملك : قولتلك مش عاوزه
فارس : خلاص هطلبلك انا
فارس طلب اكل وبعد شويه وصل فارس بدأ ياكل وملك كانت قاعده ساكته
فارس بصلها : كلي يا ملك
ملك : قولتلك مش عاوزه
فارس : براحتك
بعد وقت فارس خلص اكل ودفع الحساب وخرجوا ركبو العربيه وبعد وقت نزلوا قدام مول
فارس : يلاا
ملك : يلا فين
فارس : انزلي
ملك نزلت ودخلو المول وبعدين دخلو محل فساتين
وفارس فضل يتفرج وشاف فستان عجبه اووي فضل
يتفرج
فارس : ايه رايك في دا
ملك بصتله ومرديتش
فارس : هناخد دا
البنت : تمام
فارس : لو سمحتي
البنت وقفت وفارس راح عند البنت
فارس : ممكن الفستان اللي هناك دا
البنت : يعني هتغير دا يا فندم
فارس : لاا عاوز الاتنين
البنت : تمام
بعد شويه اخد الفساتين وخرجوا
ملك بصيت عليهم : هو انت جايب اتنين ليه
فارس : لاا مفيش بس عاجبني
ملك : امم
.....................................
بعد وقت كانوا كلهم متجمعين في القاعه البنات قاعدين
مع بعض والشباب مع بعض
عند البنات
سلمي : ايه الفستان اللي لابسه دا يا نور
نور بصيت علي الفستان : يوسف جابهولي وصمم اني البسه
شهد : كول عمره المنشاوي زوقه حلو
آيه : هو فعلا حلو واحلا عشان لابسه نور
نور بابتسامة : قلبي يا توتا
..........................................
محمد : هو فارس اتاخر ليه
سوزان : اكيد قرب يوصل هرن عليه اشوفه .. اهو وصل
فارس دخل من باب القاعه وكان شيك ووسيم جدا كل الموجودين بصو عليه
فارس : مساء الخير احب اشكرك الموجودين ونا مبسوط انهارده فرحتي مموصفش ومكانش سهل اوصل للحظه دي مش هطول عليكم عشان العرسان مستنين برا
فارس وقف علي جمب وكل الموجودين مش فاهمين حاجه وبعدين بتدخل ملك ومراد وهما ماسكين ايد بعض والكل اتصدم
" روايه عانيت لأحُبك "
" البارت الثاني وعشرون "
" الكاتبه فاطمه محمود "
أفدِيكِ بالنَّفس و الدُنيا و مَا فِيها
وَ الأهلِ وَ النّاسِ قَاصِيها و دانيهَا 🩷
فارس وقف علي جمب وكل الموجودين مش فاهمين
حاجه وبعدين بتدخل ملك ومراد وهما ماسكين ايد
بعض والكل اتصدم
الشباب والبنات بيفضلو باصين وهما مش فاهمين حاجه
وسوزان اللي هتجنن ومحمد اللي راح عند فارس
محمد : هو ايه اللي انا شايفه دا يا فارس
فارس : بابا يبقا نتكلم بعدين عشان المعازيم
محمد بصله ومشي فارس بيرح لمراد
فارس بابتسامة : الف مبروك يا عرسان
مراد بابتسامة : الله يبارك فيك يا فارس
فارس بابتسامة : مبروك يا ملوكه
ملك بابتسامة : الله يبارك فيك .. حقيقي اني مش
مصدقه لحد دلوقتي
فارس بضحك : لاا مش وقته الكلام دا يلا يا مراد
خد ملك ورحو اقعدو ونا هظبط كل حاجه
مراد : ماشي
مراد مشي هو وملك وبعدين قعدو علي كرسين
كل المعازيم باركو لمراد وملك
شهد وهي بتبص علي مراد وملك : هو حد شايف اللي
انا شايفه دا
آيه : هو احنا حصلنا المسلسلات التركيه ولا ايه
سلمي : هو في حاجه غلط صح
شهد : غلط ايه هو ازاي فارس كان هتجوز ملك ويبقا
مراد مكانه
سلمي : واحنا عاملين زي الاطرش في الزفه ولا فاهمين
ولا اي حاجه
آيه : هو فارس اللي هيقول ايه اللي بيحصل دا
نور ساكته ومش مصدقه اللي بيحصل بس فجاه ابتسمت
عشان فارس حبيبها متجوزش
شهد بصيت لنور اللي بتبتسم : انتي اتجننت يا بت يانور
ولا اي
سلمي : هي شكلها من صدمتها بقيت بتضحك
نور : بس يا هبله انتي وهي الموضوع مش كدا
آيه : امال ايه
نور : فارس متجوزش ملك
سلمي : يعني ونت فاهمه حاجه من اللي بيحصل دا
نور : مش مهم اهم حاجه متجوزش انتو مش فاهمين
انا من جوا كنت ازاي دا لو شفتهم مع بعض كنت انهارت
شهد : هو فعلا بعيد عن اللي بيحصل دا وكل حاجه مش مفهومه بس فارس جمع قلوب
سلمي : انا من الاول مكنتش مصدقه أن دا فارس
آيه : هو اكيد عمل دا كله عشان يجوز مراد وملك عشان
عمتو مكانتش هتوافق
سلمي : فعلا معاكي حق
.............................................
فارس اللي كان واقف مع الضيوف وبعدين راح لشباب
اللي كانوا قاعدين
فارس بضحك : قاعدين كدا ليه
سيف : انا بصراحه عندي علامه استفهام
فارس بضحك : هجاوبك بس بعدين
مالك : انا اول مره اشوف تبديل العريس معديتش عليا دي
فارس بضحك : مع فارس كل حاجه بتتشاف
سيف بضحك : دا انت طلعت مش ساهل مين كان يتوقع
كدا دا احنا صدقنا اللي شوفنا والله
مالك بضحك : هتفجانا بايه تاني
فارس بضحك : لاا متقلقش حاجه هتبسطكم
مالك بابتسامة : طيب الحمدلله
فارس قرب من يوسف : كله تمام
يوسف : تمام
فارس : طيب انا هروح دلوقتي
فارس مشي ناحيه المسرح وبعدين كان ماسك مايك
فارس : مساء الخير انهارده كتب كتاب مراد صاحبي
ونا مبسوط عشانه اوي وكمان انهارده اسعد يوم في
حياتي لان يومي خطوبتي علي الانسانه اللي اختاره
قلبي وعقلي وكل ما فيا وبجد انا بحبها جدا واسف
علي كل حاجه زعلتك مني .. نور
نور واقفه مصدومه وهي مش مصدقه اللي بيحصل
حبيبها فارس قدامها وبيعترف بحبه ليها قدام كل الناس
آيه قربت من نور : نور
نور فاقت من شرودها : هاا
آيه : اطلعي يلاا فارس بينادي عليكي
نور بصيت حولها وبعدين بصيت علي يوسف وهو
هز رأسه بأنها تطلع
فارس : نور ممكن تيجي هنا
نور طلعت علي المسرح وفارس مسك ايديها
فارس بضحك : معلش يا جماعه خطيبتي بتتكسف
شويه
فارس طلع خاتم ولبسه لنور اللي مبسوطه
فارس بابتسامة : نور تقبلي تكملي حياتك معايا
نور بدموع : ايوا
فارس مسح دموع نور : طب ليه الدموع دي
نور بابتسامة : دي دموع فرحتي
فارس : انا بجد مش عارف اقول كلام يوصف فرحتي
مبروك عليا يا نوري
الكل سقفلهم وبعدين فارس مسك ايد نور وفضلو
واقفين والكل بيبارك ليهم
فارس بص علي نور لقاها بصاله بزعل
فارس : مالك يا نوري
نور بزعل : يعني كل اللي حصل دا مكانش حقيقه كل اللي قولته ليا مكانش حقيقه
فارس : لاا يا روحي كله عشان مراد وملك
نور بزعل : بس انا لما جيتلك يوم الحفله عملتني ببرود وكسرت قلبي ومشيت يا فارس
فارس فضل باصص لنور شويه وبعدين مسك ايديها واخدها بعدين عن عيون الناس وبعدين فارس وقف وبص لنور وفتح دارعاته ونور دخلت في حضني
فارس : حقك عليا يا نوري والله ما كنت اقصد كل دا اسف علي كل دمعه نزلت من عيونك بسببي
نور بعدت عنه وبصتله : انت عارف انا كانت حالتي ازاي لما قولت هتجوز ملك
فارس : انا اسف والله كله تمثيل والله انا بحبك يانوري انا اسف حقك عليا متزعليش مني
نور بدموع : انا مش زعلانه بس انا كنت هموت من فكره انك تتجوز يا فارس
فارس مسح دموع نور : ونا مستحيل اتجوز من حد غيرك انا ليكي وهفضل ليكي وبس انتي مش عارفه انتي بنسبالي ايه انا بحبك اوي اوي يا نور
نور : طيب ليه مقولتليش أن كل دا تمثيل
فارس : صدقيني والله كان نفسي بس لو قولتلك كنتي هتبوظي الدنيا انا عارف
نور بغيظ : لاا والله
فارس بضحك : اه والله
نور بابتسامة : طيب يلا بينا نرجع
نور كانت هتمشي فارس شدها ودخلها جوا حضنه
نور : فارس حد يشوفنا
فارس : سبيني شويه جوا حضنك انتي وحشاني اووي
نور حست انه محتجلها محبتش تبعد وحضنته هي كمان
لانه كان وحشها
.......................................
عند البنات
سلمي : هي نور فين
آيه : من بعد ما فارس لبسها الخاتم واختفيت هي وفارس
شهد : ليكون اخويا بيستفرد بالبت
سلمي : يخرب بيتك ايه اللي بتقوليه دا
شهد : هيكون ايه غير كدا يعني
آيه : اكيد كانت عاوزه تفهم ايه اللي كان بيحصل دا واخدها في حته هاديه وبيتكلموا
شهد : ممكن برضو
سلمي : بس يا حبيبتي انتي متتكلميش خالص
شهد : ماشي انا هروح لخويا اشوفه
شهد مشيت وسيف جيه عليهم
سيف : ازيك يا سلمي
سلمي : الحمدلله يا سيف ونت عامل ايه
سيف : الحمدلله .. عن ازنك هاخد آيه شويه
سلمي : اكيد اتفضل
آيه فضلت قاعده مكانها وسيف بصصلها وبعدين مسك ايديها واخدها سلمي فضلت قاعده وبعدين فتحت الفون بتاعها
ويوسف جيه وقعد علي الكرسي اللي جمبها
يوسف : ايه اللي واخد بالك
سلمي رفعت وشها من الفون وبصيت ليوسف : مفيش واحد كدا
يوسف : طيب والواحد دا مش المفروض تركزي معاه شويه بدل الفون اللي ماسكه دا
سلمي : ما انت المفروض كنت جيت تقعد معايا بدل ما قاعد مع صحابك وسايبني كدا
يوسف : احنا ابتدينا
سلمي : قصدي ايه يعني
يوسف : لاا مش قصدي حاجه يا حبيبي انا فعلا غلطان انتي معاكي حق
سلمي : طيب كويس انك معترف بغلطك
يوسف : امال ايه دا انا سبتهم اهو وجيت قعدت جمبك
سلمي : لا جدع يا حبيبي
يوسف : في وحده تقولي لخطيبها حبيبها جدع
سلمي بضحك : اه انا
يوسف : فين الرومانسيه طيب
سلمي : لاا سبتهالك دي
يوسف بغمزه : علي عيني وتشوفي الرومانسيه بتاعتي
سلمي بضحك : هو كل دا ومشوفتش
يوسف بضحك : دي نبذه صغيره خالص عن الرومانسيه عندي وبعدين دا عقاب مش رومانسيه
ما بالك بقا الرومانسيه حاجه تانيه
سلمي : الله يطمنك كل دا عقاب
يوسف بضحك : امال ايه عقاب الجواز هيبقا حاجه تانيه
سلمي : هو بعد الجواز هيبقا في عقاب كمان
يوسف بضحك : اه ما انا عارفك مش هتبطلي تعملي حركات تدايقني
سلمي : انا بدايقك يا جو
يوسف بضحك : لاا يا قلب جو انا اللي سافل وقليل الادب كمان
سلمي بضحك : اول مره تقول حاجه صح .. شوفت فارس عمل ايه في البت
يوسف : مفيهاش حاجه اهو في الاخر اتنيلو وبقو مع بعض
سلمي بصتله : هو انت كنت عارف
يوسف : ايوا
سلمي : ومتقوليش يا يوسف
يوسف : اقوالك ايه يا حبيبتي
سلمي : تقولي انك عارف
يوسف : عشان كنتي بوظتي كل حاجه فارس بيخططها
سلمي : انا ابوظ كل حاجه
يوسف : بصي انتو البنات مبتعرفوش تخبو يعني لو عارفين ترمو كلمه تبين ما حاجه ونتي عارفه عمتك كويس كان لازم كل حاجه تبقا بجد
سلمي : احنا كدا
يوسف : ايوا
سلمي : ماشي طيب وكنت عارف من البدايه ولا ايه
يوسف : لاا فارس قالي عاوز اقابلك وقلي كل حاجه
سلمي : كنت عارف أنه هيتقدملها هنا
يوسف : اكيد طبعا
سلمي : اهم حاجه أنهم مع بعض مبسوطه عشانهم اووي
يوسف : طيب واحنا ايه
سلمي : يعني ايه
يوسف : يعني عاوزين نتجوز
سلمي : يوسف احنا اتكلمنا في الموضوع دا
يوسف : بس انا عاوز اتجوز
سلمي : حبيبي هو انت الكلمه لصقت في بوقك ولا عجباك
يوسف : عجباني
سلمي : طيب نفضل شويه كمان
يوسف : لاا
سلمي : طيب نكتب الكتاب ونتحوز كمان سنه
يوسف : لاا نتجوز
سلمي : طيب اخلص امتحانات
يوسف : ماشي
سلمي : ما تيجي نرقص
يوسف رفع حاجبه
سلمي : اووف منك
........................................
عند سيف وآيه
آيه : ايه بتجرني وراك مش هعرف امشي يعني
سيف : ما انتي مش عاوزه تقومي
آيه : ونت عاوز ايه مني
سيف : هو ايه اللي عاوز منك ايه
آيه : ما انا مش عارفه يعني
سيف : عاوز اتكلم معاكي
آيه : تتكلم في ايه
سيف : هو في ايه يا آيه انتي عماله اساله في ايه
آيه : مفيش حاجه
سيف : طيب مفيش وحشتني
آيه : لاا مفيش
سيف : كنت عارف الرد دا
آيه بضحك : لما عارف بتقول ليه
سيف بضحك : بتأكد بس
آيه : واتاكدت اهو
سيف : عقبالنا كدا
آيه : أن شاء الله
سيف : بعد ما تخلصي امتحانات هنتجوز
آيه : انت بتاخد رأي ولا بتقولي
سيف بضحك : لاا بقولك
آيه : لاا طبعا لما اخلص الاول
سيف : كتير علي ما تخلصي الكليه
آيه : مش كتير ولا حاجه وبعدين صعب عليا يبقا بيت
وجواز وكيله
سيف : ومش صعب عليكي انك تفضلي بعيده عني
آيه : يا سيف افهمني
سيف : متقلقيش انا هبقا معاكي
آيه : طيب هفكر
سيف : وحياه امك يعني انا عمال اقولك متقلقيش وليا
ساعه بحب فيكي في الاخر تقوليلي هفكر
آيه بضحك : يا كداب فين اللي حبت فيا دا
سيف بضحك : ما انا بقولك عاوز اتجوز يبقا دا مش
بحب فيك
آيه : طيب نشوف الموضوع دا بعدين انا هروح للبنات
سيف : ماشي يا روحي
......................................
شهد اللي راحت عند مراد وملك
شهد : ايه يا عريس
مراد بضحك : ايه رايك
شهد بضحك : جامد بس انت ازاي بقيت العريس مش فاهمه
مراد : ولاا انا فاهم اصلا كنت في البيت فارس رن عليا
فجاه لقيت نفسي عند المأذون وبتجوز وجيت هنا
شهد : مش المفروض تكتبو الكتاب هنا
مراد : وهي سوزان هانم هتوافق طبعا لاا
شهد : علي رايك .. مبروك يا مرات اخويا
ملك بضحك : الله يبارك فيكي عقبالك
شهد بضحك : خلاص احنا هنعمل عصابه علي مراد انا متفقه معاه من قبل ما تتجوزو
مراد : امشي يا بت من هنا
ملك بضحك : بس يا مراد دي شهد والله قمر اووي بتضحكني من اي كلمه بتقولها
شهد : قلبي بس شكلك كدا مسيطره
ملك : ازاي
شهد : ازاي ايه دا انتي قولتيلو بس يا مراد والواد منطقش تاني
ملك بضحك : يعني مش اوي
مراد : امشي من هنا يلاا
شهد : ماشي ياعم متزقش هتحتجلي في مره وهقولك زي كدا
مراد : لاا مش هحتاجك
شهد : ماشي انا هسبكم تعيشو اللحظه اللي ما حد فاهمها دي
شهد مشيت ومرا بص علي ملك
ملك : بتبصلي كدا ليه
مراد بابتسامة : انتي مصدقه
ملك بابتسامة : بصراحه لاا بس مبسوطه اوي
مراد : انا بقول من راي يعني نروح البيت انتي كدا كدا مراتي
ملك : لاا يا حبيبي طبعا لما نعمل فرح
مراد بضحك : ماشي
ملك : بس عارف يا مراد انا خايفه اوي من رد فعل ماما هي ساكته دلوقتي عشان الناس الموجوده
مراد : متقلقيش طول ما انا معاكي
........................................
مالك قاعد بيبص علي آيه وجيه يوسف وقعد جمبه بس
مالك محسش بيه
يوسف : مالك
مالك : امم
يوسف حط ايدو علي كتف مالك : سرحان في ايه
مالك فاق :هاا مفيش
يوسف بص علي آيه وسيف ورجع بص لمالك : مالك انت بتحب
مالك قاطعه : لاا طبعا انت بتقول ايه انا مش بحب آيه
يوسف : متاكد
مالك : ايوا طبعا
يوسف : حاسس انك بتكدب
مالك : انت اللي مكبر الموضوع
يوسف : انا اللي مكبر الموضوع دا انت من قبل ما اكمل كلامي جبت سيره آيه كأنك بتخبي حاجه
مالك بتهرب : لاا يا يوسف بتهيالك انا بس بوضحلك
يوسف : اتمني لو في حاجه تحاول تسيطر على مشاعرك عشان سيف
مالك : مفيش حاجه يا يوسف صدقني
يوسف : ماشي يا حبيبي
يوسف فضل مركز مع مالك ومالك حاول ميبصش علي آيه بس يوسف شاف نظراته اللي بيحاول يخبيها واتاكد أنه بيحب آيه
........................................
نور وفارس رجعو ووقفوا مع بعض وسلمي وشهد وآيه راحولهم
سلمي : اختفيتو كدا فين
فارس بضحك : خطيبتي يا جدعان
شهد بضحك : ايوا بقا واخد راحتك علي الآخر
فارس بضحك : هو يوسف مجدعن معايا وساكت تيجي انتي تتكلمي
آيه بضحك : بتفكرك بس
فارس بص علي نور بابتسامة : سبوني معاها بس
شهد : ايه ياعم احنا موجودين
فارس : طيب حلو عندكم دم وامشو
سلمي بضحك : نسيبك في يوم زي دا
فارس : سبوني في لحظة زي دي
شهد : انت تعرف أن عندنا دم
فارس : لاا بصراحه
آيه : ايه يا عروسه ساكته ليه
نور بضحك : مفيش بسمعكو
شهد بضحك : طيب انا هجدعن معاك وهسيبك وهاخد آيه وسلمي
فارس بضحك : طول عمري بقول عليك جدع والله
شهد بضحك : ماشي
شهد وسلمي وآيه مشيو ونور ضحكت
فارس بصلها : بتضحكي ليه
نور بضحك : شهد فصلتني
فارس : طيب متضحكيش
نور بضحك : ليه
فارس : كدا
نور بضحك : حاضر
فارس : برضو بتضحكي
نور : خلاص سكت اهو
فارس ونور سكتو شويه وبعدين فارس بس لنور
فارس : مكنتش اعرف ان زوقي هيبقا حلو اوي كدا
نور : قصدك علي ايه
فارس : الفستان
نور : زوق يوسف حلو بصراحه
فارس : يوسف مين يابت
نور : هو جبهولي
فارس : دا من قبل ما تخلص التمثليه دي إنما في الحقيقة أنا اللي جايبو ليكي يا حبيبتي
نور : ازاي طيب
فارس : لما اخدت ملك جبتلها فستان شوفته هناك وعجبني تخيلته عليكي وقررت اجيبه بس خليت يوسف اللي يدهولك عشان محدش يشك ونتي اصلا كدا كدا مكنتيش هتوافقي عارف دماغك
نور بضحك : بس بجد الفستان تحفه انا قولت دا زوق حبيبي
فارس بضحك : من شويه كنتي عماله تمدحي في اخوكي
نور بضحك : طيب ما انا مكنتش فاهمه حاجه
فارس بضحك : ماشي
نور بابتسامة : طيب انا هروح للبنات
فارس : زهقتي مني
نور : لاا طبعا بس يعني الكل لاحظ اننا مسبناش بعض
فارس : خطيبتي الله
نور بضحك : معلش يا خطيبي استحمل شويه
فارس بضحك : طيب روحي
نور : حاضر
نور راحت عند البنات وفارس قعد مع الشباب
........................................
عند سوزان وزينب كانو واقفين سوا مع ستات
سعاد : الف مبروك يا سوزان
سوزان : الله يبارك فيكي
سعاد : هو ازاي يا سوزان كنتي بتقولي ملك هتجوز فارس ابن اخوكي وتوصلنا دعوه كتب كتاب مراد وملك
سوزان سكتت ومعرفتش ترد
زينب بابتسامة : البنات بقا لازم هما اللي يختارو شريك حياتهم
سعاد : فعلا معاكي حق هي اللي هتعيش من حقها
الاختيار
زينب : بالظبط
سعاد : يلا عقبال آيه وسلمي
زينب بابتسامة : أن شاء الله
هناء : الف مبروك يا ام ملك
سوزان : الله يبارك فيكي
نجلاء الي واقفه ساكته لأنها حاسه ان سوزان مش طايقها
بعد وقت بيكونو كل المعازيم مشيو
فارس : طبعا انتو عاوزين تعرفوا ازاي دا حصل
سوزان بعصبية : انت ازاي تعمل كدا
فارس : ممكن تهدي يا عمتو
سوزان بعصبية : اهدي ازاي وحضرتك جوزتها من البني ادم دا
ملك بتكون ماسكه ايد مراد وبتضغط علي ايدو ومراد بيبصلها : اهدي عشان خاطري
ملك : انا خايفه يا مراد
مراد : قولتلك انا معاكي اهدي
فارس : لو حضرتك وافقتي من الاول مكانش دا حصل
سوزان بعصبية : انت بتلوي دراعي يعني
محمد : اهدي يا سوزان ونت يا فارس ايه اللي حصل
فارس : حاضر هحكيلكم .. لما كنت قاعد مع بابا في الاجتماع وبعدين رفض فكره جوازي من ملك لما شافني مدايق بعدين خرجت ورحت مكتبي وقولت لمراد وبعدين خرج كنت خلصت شغل وخارج وسمعت كلام مراد مع عمتو فقررت اني اتجوز ملك عشان عمتو توافق وانا اخلي مراد بدالي ودا اللي حصل محبتش اقول لاي حد عشان كل حاجه تبقا حقيقي واللي كنت عاوزه حصل بالظبط مراد اتخانق معايا وانا وقفت ضد اهلي عشان اتجوز ملك وعمتو طبعا كانت مبسوطه بس قولت لازم اقول ليوسف فقابلته وحكتله كل حاجه عشان نور وبعدين روحت لملك البيت وشوفتها وكان وشها كله كدمات بسبب ضرب وحبس عمتو ليها وكل دا عشان عاوزاني اتجوزها وبعت الدعوات علي أنه كتب كتاب مراد وملك عشان كدا محدش خالص استغرب وطبعا عمتو عشان اهم حاجه عندها منظرها قدام الناس فمقتدرش تتكلم بعدين رنيت علي مراد قولتله يجي وكتبنا الكتاب عند المأذون ودخلو القاعه سوا وطبعا باقي الحكايه انتو شوفتوها
سوزان : انت كدا فاكر انك عملت اللي عاوزه يعني يا فارس انا هاخد بنتي وهمشي من هنا
سوزان راحت وكانت هتمسك ايديها بس مراد وقف قدام
ملك
مراد : دا كان قبل ما تبقا مراتي
سوزان : انت هتمنعني يعني انا هاخد بنتي يعني هاخدها
مراد : بنتك اللي انت حبستيها بنتك اللي ضربتيها بنتك اللي عاوزه تحققي اللي انتي عوزاه بيها
سوزان : ونت مالك بنتي وانا حره أن شاء اموتها
مراد : بنتك دي اللي تبقا مراتي
ملك خرجت من ورا مراد وقربت من سوزان : عشان خاطري يا ماما اتقبلي مراد انا بحبه
سوزان : يلا بينا هنروح
ملك : ماما
سوزان ضربت ملك قلم وملك كانت هتقع مراد مسكها
مراد قرب من سوزان بعصبية : عارفه لو مكنتيش مامتها انا مكنتش سكتلك
احمد : مراد
مراد بصله : مش شايف عملت فيها ايه
احمد : في الاخر بنتها إنما تعلي صوتك يا محترم
زينب : احنا اسفين يا سوزان
سوزان بعصبية : متتكلميش معايا
مراد بعصبية : بتتاسفيلها علي ايه دي مش ام اصلا لما
تجوز بنتها لواحد هي مش عوزاه يبقا مش ام دي حبستها
زينب : اهدي يا مراد مفيش حاجه هتتحل بالعصبية
سوزان : ملك يا انا يا البني ادم دا
ملك عيطت
سوزان : يبقا لا انتي بنتي ولا اعرفك انا بنتي ماتت من
وقت ما اتجوزت
ملك بعياط : ونبي يا ماما
سوزان مشيت وملك فضلت تعيط ومراد حضنها
مراد : خلاص اهدي عشان خاطري
ملك بعياط : ماما يا مراد
مراد بعصبية : خلاص يا ملك دي امك ازاي تعمل كل دا
شهد : مراد مش وقته انك تزعقلها
زينب قربت من ملك واخدتها : خلاص يا حبيبتي اهدي
مراد فضل يبص علي ملك وبعدين قرب منها : يلا بينا يا ملك
محمد : انت واخده علي فين
مراد : ملك مراتي يا عمو محمد
محمد : مقولتش حاجه بس ملك هتفضل معايا وبعدين انتو لازم تعملو فرح يبقا هي دلوقتي لسه في بتها
فارس قرب من مراد : اهدي يا مراد عارف انك متعصب بس استحمل شويه وحاول متحسسهاش أن في حاجه حصلت
مراد بص علي ملك : حاضر
محمد اخد ملك : يلا يا حبيبه خالو
وكلهم خرجو ما عدا الشباب
يوسف قرب من مراد : الف مبروك يا حبيبي
مراد بابتسامة : الله يبارك فيك
مالك بابتسامة : لازم تبقا معاها الفتره دي لأنها هتحتجلك
مراد : اكيد
سيف بضحك : بس جدع يا مراد انك رديت علي الوليه دي
مراد بضحك : عصبتني والله
فارس بضحك : طيب يلا ياعم انت وهو كل واحد يروح
الشباب خرجو وكل واحد روح علي بيته
........................................
في بيت محمد
محمد : يلاا يا حبيبتي ادخلي نامي
ملك : انا اسفه اني هفضل هنا بس معنديش مكان تاني
زينب : بس يا عبيطه دا بيتك
ملك ابتسمت
سلمي : تعالي معانا يلا بقا
آيه : ايه رايك نسهر سوا
ملك بابتسامة : معلش يا بنات تعبانه شويه
آيه بابتسامة : هعديها انهارده بس من بكره هنسهر سوا اتفقنا
ملك بابتسامة : اتفقنا
ملك بتدخل الاوضه وسلمي بتبص علي ايه
سلمي : يعني هي في الوضع دا وتقوليها تعالي نسهر
آيه : انا بس كنت عاوزه انسيها اللي حصل
سلمي : مش هتنسي يا توتا
آيه : طيب يلا روحي نامي
سلمي : تصبحي علي خير
آيه : ونتي من اهله
......................................
احمد : يعني كان ينفع اللي انت عملته دا
مراد : يعني بتضربها وافضل ساكت
احمد : وتسكت ليه اضربها انت كمان
مراد : بابا انا مش ناقص
نجلاء : انت متربتش علي كدا يا مراد عشان تزعق معاها حتي لو هي غلطانه
مراد : انا مشوفتش قدامي غير أنها بتضربها دي كانت هتقع لو ممسكتهاش
احمد : يعني انت عاجبك الأمور اللي وصلت ليها بدل ما تصلح بتبوظ وازاي تتجوز من غير ما تعرفنا اصلا
مراد : انا بحب ملك واتجوزتها مغلطش
احمد : مقولناش متحبش بس عرفنا علي الأقل
مراد : بابا كل حاجه كانت قدامك
احمد : اتمني انك تهدا ومتتهورش
مراد : عن ازنكم انا داخل اوضتي
احمد : شايفه ابنك وعمايله
نجلاء : ما انا زي زيك يا احمد معرفش حاجه
شهد : خلاص يا بابا اللي حصل
احمد : والبنت دي ايه زنبها أنها مامتها تقولها انك متي بنسبالي
نجلاء : طيب والمفروض كان يعمل ايه ما هو اتكلم معاها وهي بقيت تتعامل بقله زوق
احمد : المفروض كان الأستاذ اخد موافقتها الاول مش رايح يتجوز بنتها من وراها
شهد : بابا ونبي بلاش تكسر فرحه مراد دا مصدق انه اتجوزها واكيد مامتها هتيجي في يوم وهتتقبل اللي حصل
احمد : طيب انا داخل انام
شهد : تصبحو علي خير
........................................
مراد بيدخل اوضته وبيمسك الفون وبيرن علي ملك
ملك كانت نايمه علي السرير وبتعيط ومسحت دموعها ورديت
ملك : الو
مراد : انت بتعيطي
ملك : لاا مش بعيط
مراد : طيب وليه بتخبي عني أنا حبيبك مراد
ملك بعياط : انا اسفه علي كل اللي حصل كنت فاكره أنها هتوافق لما تبقا في الأمر مكنتش عارفه انها هتقول كدا
مراد : عشان خاطري يا ملك لو بتحبني كفايه عياط قلبي بيوجعني والله
ملك : انا مدايقه اووي يا مراد
مراد : طيب ممكن تفتحي فديو كول
ملك : ليه
مراد : عاوز اشوفك
ملك : بلاش شكلي متبهدل من العياط ومش حلو
مراد : ياستي انا راضي افتحي يلاا
ملك قفلت وفتحت فديو ومراد فضل يبصلها كتير
ملك : هتفضل تبصلي كدا
مراد : بحبك
ملك بابتسامة : وانا كمان
مراد شاف عيونها الي متورمه من العياط وبصلها بعتاب : ليه بتعملي فيا كدا
ملك : بعمل ايه مش فاهمه
مراد : عماله تعيطي واني بعيد يعني مش هعرف احضنك
ملك بابتسامة : بس انت عمرك ما كنت بعيد انت اقرب حد ليا وبعدين انت كل ما تشوفني تحضني في ايه يا راجل
مراد بضحك : اصلا انتي متعرفيش حضنك حلو قد ايه
ملك بضحك : دا انا مش جايه عند كتفك يا جدع مش عارفه الطول دا جايبه منين
مراد بضحك : انتي اللي اوزعه
ملك بضحك : لاا والله
مراد بابتسامة : اه بس برضو بحبك
ملك بابتسامة : طيب بقا يا زوجي العزيز انا هقفل بقا
مراد : لاا
ملك : انت مش هتنام
مراد : عاوز انام ونتي قدامي سيبي الفون ونامي
ملك : هنام ازاي قدامك بهدومي دي
مراد : طيب ما تغيري
ملك : اقعد قدامك بهدوم النوم وشعري لاا طبعا
مراد : انا جوزك والله
ملك : لاا يا حبيبي لما نتجوز واجي بيتك يبقا تشوف
مراد : هشوف كل حاجه كمان
ملك : تصدق انا غلطانه اني بتكلم معاك
مراد بضحك : بهزر معاكي والله
ملك بابتسامة : ماشي تصبح على خير
مراد : ونتي من أهل الخير يا قلبي
............................................
في عربيه مراد
مراد بص لملك : وحشتني
ملك بابتسامة : احنا لسه كنا مع بعض امبارح
مراد : دا يمنع انك توحشيني يعني
ملك بضحك : لاا وبعدين انا احب كدا
مراد بابتسامة : وانا عمري ما ابطل كدا
ملك ابتسمت
مراد : الامتحانات قربت
ملك : شهر كدا وكمان المنهج رخم بطريقه مش عارفه
هذاكر كل دا ازاي
مراد بضحك : متقلقيش يروحي انا هذاكرلك
ملك بضحك : هتركز ونت معايا مظنش
مراد بضحك : في دي معاكي حق بس هحاول عشانك
ملك بضحك : ماشي