رواية انت ناصري الفصل الثالث3 بقلم جيجي
صابحه....... طالعه حلوه قوي بالفستان لو كنتى صبرتى وما عملتيش عملتك..... كنا عملنالك فرح كبير وعزمتلك كل الناس ورقصنا قبليها بتلت ايام....... بس شوفى عملنا ايه بسبب عمايلك السودا الناس هتشك... انتى خطيتي راسنا فى الطين
هنيه ببكى.... ياما ياما ورحمه ابوي خلاص.... خلاص انا مش قادره اتكلم والنبى
صابحه... ماشي يلا عريسك جاي تحت هيكتب السنه
ونزلو كتبو ومنصور اخدها وركبت العربيه معاه كانت باصه فى الارض
محروس... كيفك يا هنيه
هنيه.. الحمد لله
محروس... يلا وصلنا الدار هنيه نزلت وكانت الفيلا بتاعته كبيره جدا دخلوا جوه وكانت بخيته لسه قاعده بتندب حظها وبتبكي سحر تقدمت عليها
وقالت.... يا مرحب بيكي نورتى دارك يا عروسه اتفضلي
بخيته بغضب... نورته انتى كمان هتقوليلها نورتوا دي وسخته طينته خلتو زي الزفت دى فاجره وخاطيه وضحكت على ولدي كمان بدموع التماسيح اللي بتعملهم دول غلطتى مع مين يا بت
منصور.... خباها ورا ضهره
وقال.... ياما قلتلك قبل ما اجيبها بقت مرتي روحي اقعدي مطرح ما كنتى قاعده وما توصليهاش هنيه عارفه اوضتي انتى اطلعي عليها وانا جاى وراكى
هنيه طلعت على الاوضه بسرعه
منصور... وبعدهالك ياما ما تقوليش الكلام ده البت فيها اللى مكفيها
بخيته.... برضك مهتميتش لامك ورحت جبتها
منصور... استغفرك يا رب واتوب اليك
محروس.... يا حماتي استهدي بالله يومين وهتتحل ان شاء الله ويبقى يطلقها .
بخيته.... جابهالنا فى البيت خلاص لبسناها
محروس.... معلش سلام يلا هروح دوغري انى عاد
منصور..... بات هنا النهارده
محروس... لا عشان سحر تبيت مع امها النهارده انا اروح ابيت في بيتي وهاجي الصبح ان شاء الله اشقر عليك عايز حاجه يا صاحبي
منصور... تؤ سلامتك.. صح تعال هنه انت كنت بتكوى هدومك حدانا ليه..
محروس.. انا بيتى على ريح بيتك انت عارف... روحت البس لقيت الجلاليه مش مكويه.. جيت الكويه.. المكوه ما اشتغلتش . جيت هنه قولت لسحر الجلابيه مش مكويه قالتلى اطلع اكويها.. لسه هرد قالتلى اطلع انا مش فضيالك امى بتندب وانا بواسيه... واصلا ولدك وقع المكوه عطلها.. طلعت انا كويت عندك... اعمل يعنى امشى بيها مجعكله.. فكرتنى عاوز اروح اشتر مكواه....
منصور.. انا اسف انى سألت جد. روح يا حبيبى رلنا يهديك...
وطلع فوق وكانت هنيه قاعده على الارض وبتبكي قفل الباب وقعد قصادها على الارض وقال ما تزعليش هي امي اللي في قلبها على لسانها
هنيه ببكى.... ما قالتش حاجه جديده عن اللي هيقولو كل حد كل الناس شايفاني كده حتى امي صدقت جوزها صدقت ان انا اعمل كده احلفلك يمين بالله يمين بالله يا منصور انا ما عملت حاجه زي كده انا عمري ما اخلي حد يعمل كده فيا انى بخاف ربنا
منصور... طيب ولما انتى عارفه انك ما عملتيش حاجه غلط وما عملتش حاجه تغضب ربنا بتبكي ليه وموطيه راسك المفروض كلام الناس ده ما يهمكيش طالما انتى عارفه ان انتى ما عملتيش حاجه غلط
هنيه.... مش مزعلني كلاهم انا ما عملتش حاجه غلط مزعلني ان انا ولا واحد يقول هنيه ما تعملش كده دي انا ربيتها ما تعملش كده واصل واحد بس من نص الناس اللي عارفهم ما فيش ولا حد بيقول الكلمه دي حاسه ان هم ما يعرفونيش قالو خاطيه وفاجره ما فيش واحد بس قال هنيه ما تعملش كده مفيش ولا واحد حتى امى امى يا منصور مصدقه انى كده مفيش واحد بس قالها واحد بس يقول عليا كده يبل ريقى ما لقيتش
منصور... انا قولتها ولا انتى فاكره ان انا هتجوزك لو انا عارف ان انتى روحت معاه بمزاجك انا عارف ومتاكد ان انتى ما عملتيش كده عشان كده اتجوزتك وجبتك داري وواقف ضد الكل علشانك حتى امي ايه ما ما ليش عينك انا
هنيه.... انت فوق راسي طول عمري انت لو عايز عنيا تاخدهم وجميلك على راسى
منصور... لو عاوزه تردى الجميل ده فعلا تقوليلي دلوك مين اللي عمل فيكى كده واني ما ابقاش منصور الضبع ان ما جبتهولك ميت تحت رجليكى
هنيه... ما اقدرش ما شفتوش
منصور.... انا عارف انك شفتيه لجل خاطر ربنا قوليلي مين عشان اجيبلك طارك منه واسكت امي وامك وجوز امك وللناس كلها ونثبتلهم ان انتى مش كده وان انتى نظيفه وبريئه وما عملتيش حاجه
هنيه... الناس لو كلفت خاطرها تعرف وتصدق كنت قلتها بس الناس حاكمين اصلا مش شاكين حاكمين عليا خلاص حكموا من غير ما يسمعونى
منصور.... انى ما حكمتش وبسمعك اهو انا حقى اعرف
هنيه...... انت لما اتجوزتني كنت عارف اني ما هقولش وانا ما هقولش حاجه ما اقدرش اقول انا اصلا ما شفت عايزه اروح الحمام عايزه انام
منصور... لا ما تناميش تعالي هناكلنا لقمه الاول من امبارح ما اكلتيش شكلك متغير من شهر كدا يعني من وقت اللي حصل بلاش تقوليلي مين الشخص تمام ما تقوليش قوليلي ايه اللي حصل
هنيه.... انا معرفش اللي حصل ما اعرفش ومش عايزه اتكلم في الموضوع ده بتكسف اصلا وبخاف
منصور... بس انتى لازم تحكيلي