منصور... ما حدش يقدر يموتك ماشى ...... ومشى
جات صابحه قعدت جمبها وقالت
ما هتقوليش لامك حبله من مين ما هتقوليليش حبله من مين يا بت بطني كده هتضيعى تربيتي فيكى وتوقعيها على الارض كيف يعني ما شفتيهوش انتى ما شفتيش اللي عمل فيكى كده يا بت بطني قوليلي مين اللي عمل كده لجل خاطرى عندك قوليلي مين اللي عمل فيكى كده
هنيه ببكى..... ياما روحي منى قلتلك ما عارفاش مين عمل كده لما هتسالى السؤال عشر مرات الاجابه مش هتتغير ماشى خلاص عاد
عند منصور كان قاعد بملل وفى بنت فى العشرين دى سحر اختو بتهدى فى ست فى الخمسين دى بخيته ام منصور كانت بتندبب وبتقول
بخت العداله مايل يا ختااااى يا اااااختي
سحر.... استهدي بالله يا اما استهدي بالله مش كده صلي على النبي
بخيته... عليه الصلاه والسلام..... اه.. سجنوني وخدوا المفاتيح وقالوا السجان غايب...... ولا طاقه ولا شباك ابعت سلام للحبايب......... يا اختي يا قله حبايبك يا بخيته يا قله حبايبك
منصور.... بتندبى ليه دلوك يا اما
بخيته.... ب اندب على ولدى يا حبيب قلبي هيتجوز واحده كانت مع غيره وحبله في الحرم كمان يا مرى يا مرى
منصور... يا اما البت ما غلطتش انا متاكد ان في حاجه حاصله معاها تمام هي ما رضياش تقول ما عارفاش اصلا حتى ايه اللي حصل تمام انا لازم اجيبها من هناك وقعدها عندى عشان انا احميها انا ما اعرفش ايه اللي حصلها هناك افهمى
بخيته... ايه اللى حصلها راجل طول بعرض زيك وما عرفش اللي حصلها اقولك انا اللي حصل ولا تزعلش اللي حصلها انها راحت خطيت مع واحد والواحد طفش منها وهي ما قادراش تتكلم علشان هيقصفوا رقبتها طبخت طبختها وانت بعبطك اكلتها وجايبها هنه وهتعملها كتب كتاب قدام اهل البلد
منصور... ما اهو لازم يا اما ...البت 16 سنه يعني ما هنعرفش نكتب الكتاب دلوك.... لازم اخد ناس البلد علشان يبقى في شهود ان هي جات عندي داري
سحر اختو بنت فى العشرين قالت بحزن
... انت متاكد من اللي انت بتعمله ده يا اخوى ... لتودى نفسك في داهيه
منصور.... انا متاكد من اللي بعملو تمام انتم ما لكمش دعوه بيا انا كبير وعارف مصلحتي
بخيته.... مصلحتك امم انت لا عارف مصلحتك ولا عارف نيله انت حمار ملز بيلزوك تتلز ضحكت عليك بت صابحه
نزل شاب ده جوز سحر وقال... يلا بينا جاهز
منصور.... ساعه يا محروس......
محروس.... معلش حقك عليا كنت بكوى الجلابيه عشان اختك ما كاوتش النهارده قاعده على قصاد امك
منصور... امك طب تعال يا عبقرينو... وركبو العربيه
محروس... على فكره حماتي شكلها زعلانه قوي وبتندب بختها انت متاكد ان اللي انت بتعمل ده صح متاكد هتتجوز البنت وتيجيبها عند امك
منصور..... انت شايف حالتها جمال كان هيموتها
محروس.... ما دي كل الناس بتعملها عندنا في الصعيد يا ولدي دى ما وقعتش وهي ماشيه دي عملت جريمه
منصور... هي ما عملتش حاجه انا متاكد انها ما عملتش حاجه ....في حاجه ورا الموضوع هى مش عارفه مين اللي عمل كده
محروس... بقولك ايه انت راجل كبير وفاهم يعني هتحبل ازاي تمام اكيد يعني نام معاها برضاها يعنى لانه لو كان اغتصبها كانت صرخت كانت شافته على الاقل......... يعني مش معقول لبس طاقيه الاخفا وكانت من اول يوم قالت مش تخبى لحد ما حملها يبان
منصور... وده اللي مجنني انا شاكك انها عارفه وما عايزاش تتكلم...... في حاجه مخوفاها دي بنت عمي اللي انا ربيتها انا ربيتها على يدي يا محروس ومتاكد انها ما تعملش حاجه غلط انا كنت اخدها بيدي واحنا رايحين المدرسه واجيبها على يدى ما تعملش كده اصلا انا متأكد......
محروس... بس كدي هتزعل حماتي
منصور... يومين وهترضى....
عند هنيه كانت لابسه فستان ابيض بسيط جدا وقاعده بحزن
صابحه....... طالعه حلوه قوي بالفستان لو كنتى صبرتى وما عملتيش عملتك..... كنا عملنالك فرح كبير وعزمتلك كل الناس ورقصنا قبليها بتلت ايام....... بس شوفى عملنا ايه بسبب عمايلك السودا الناس هتشك... انتى خطيتي راسنا فى الطين