ورد / جاسر عوزة اقولك على خبر حلو
جاسر / بصلها جامد بجمود خير اتحفينى
ورد / جاسر انا حامل
جاسر / اول ما سمع كلمة أنها حامل اتعصب جامد انتى بتقولى ايه يا سافلة انتى ايه سمعينى تانى
ورد / بابتسامة انا حامل
جاسر / وعرفتى ازاى انك حامل
ورد / خليت دادة مبروكة جابتلى شريط اختبار حمل و طلع موجب
جاسر / رمى عليها كوبية الشاى ساخنه مولعة حامل من مين خنتيني مع مين يا سافلة
ورد / والله ماحد لمسنى غيرك و انت متأكد من كده هو انا بروح فين انا مش بخرج من الفيلا
جاسر / أصبح زى الطور الهائج ضرب وخبط دماغها فى الحيطة اتكلمى يا بنت ال.... .ابن مين اللى فى بطنك
ورد / والله ما حد لمسنى غيرك
جاسر / بس انا عقيم مش بخلف انتى حامل من مين خنتينى مع مين و فضل يضرب بالرجول و يخبط دماغها فى الحيطه
ورد / اللى فى بطنى بيكون ابنك صدقنى والله العظيم ما حد لمسنى غيرك
جاسر / قعد يضرب فيها إلى انا نزفت من كل مكان في جسدها واغمى عليها
هنيدي / البيه الكبير عاوز حضرتك فى الجنينة
جاسر / هات البطانيه اللي على السرير جوه
هنيدي / حاضر اتفضل
جاسر / روح خرج العربيه من الجراج وافتح شنطتها
هنيدي / حاضر تحت امرك وخرج العربيه واخرجها بره الجراج وفتح شنطتها و انتظر وصول جاسر
جاسر / لف ورد بالبطانيه وشالها على كتفه وخرج وضعها في شنطه العربيه ولسه بيركب
هنيدي / خدني معاك عشان لو حد شافنا اقول انها تبعي انا
جاسر / اركب وانت ساكت
هنيدي / ركب جنب جاسر ساكت خالص
جاسر / ماشي بسرعه إلى أن وصل لطريق خالى من العربيات نزل رمى ورد بالبطانيه على جانب الطريق و ادار العربيه ورجع للفيلا
هنيدي / ممكن يا جاسر بيه اخذ اجازه اسبوع اصل ابويا في المستشفى بين الحياه والموت وخالتي ماتت النهارده اسف والله انا عارف أنه مش وقته بس اعمل ايه
جاسر / مش وقتك خالص تسيب الفيلا دلوقت بس سافر علشان ابوك وخالتك بس هم 10 ايام وتكون هنا ولا اشوف حد غيرك
هنيدى / قبل ال 10 ايام هاكون هنا ان شاء الله ممكن اسافر الليله مع ناس من البلد واخدين ميكروباص مخصوص لحد قريتى
جاسر / تمام سافر خد دول معاك
هنيدى / تشكر يا بيه ربنا يوسع رزقك
جاسر / اغسل العربيه الاول وبعدين سافر
هنيدى / حاضر يا بيه وغسل العربيه بسرعه وراح عند داده مبروكه
دادة مبروكة / الغلبانه راحت فين وقعدت تبكي
هنيدي / رماها على جنب الطريق ممكن تجيبي غيار انا هروح اشوف لو لسه مكانها هحاول انقذها
دادة مبروكة / ازاي يا ابني لو عرف هيقتلك و ساعتها يقول انك ابو العيل اللي في بطنها
هنيدي / ما تخافيش عليا يا دادة انا بعمل خير وربنا هييسر طريقى ان شاء الله هلاقيها وانقذها واخدها البلد تعيش مع اخواتي البنات
دادة مبروكة / يبقى كثر خيرك يا ابني خد غيارين اهم
هنيدى / ممكن طرحة كبيرة
دادة مبروكة / خد يابنى
جاسر / غسلت العربيه
هنيدى / ايوه خليتها زي الفل
جاسر / طب غور امشي لو اتاخرت اعرف نفسك انك مرفود من الشغل
هنيدى / ان شاء الله هنيجي قبل الميعاد سلام عليكم
جاسر/ دادة عاوز قهوه ساده
دادة مبروكة / حاضر
هنيدى / اخد هدومه و غيارين لورد و ركب تاكسى و نزل قبل وصوله للمكان اللى ورد مرميه فيه بحوالى 200 متر و مشى و فى ايده تليفونه و على كتفه شنطته
ورد / بدأت تفوق و بتص حوليها و جدت نفسها فى مكان شبه مهجور قعدت تحاول القيام مش قادرة
هنيدي / حمد الله على سلامتك قومى بسرعة قبل ما حد ياجى و يعمللى مشكلة محدش هيصدق انى جاى انقذك ولو صدقوا زوجك هيعرف و مش بعيد يولع فيه
ورد / و الله محد لمسنى غيره و اللى فى بطنى ده ابنه
هنيدى / مش لو كان لسه عايش ربنا يعوض عليكي
ورد / لسه عايش انا استودعته عند الله لما جه يضربني
هنيدى / بقولك اخلصى البسى الهدوم السوده دى و غطى وشك و يلا بسرعة انا هاجيبلك زجاجة مياه معدنيه كبير تغسلى وشك وايدكى بسرعة ولا اقولك ابقى ادخلى حمام المحطة هتقدرى تمشى
ورد / هو انت مودينى على فين اوعك تكون هتقتلنى بأمر من جاسر
هنيدى / اتهببى انا مقدرش اقتل نملة ثم لو جاسر بيه عرف انى انقذتك هيولع فيه امشى لحد ما اولع فى البطانية دى علشان محدش يعرف إذا كنتى لسة موجودة و عايشة و لا لاااااا
ورد / و انت هتعمل فيه ايه
هنيدى / كده تمام البطانية ولعت يلا غطى وجهك بلاش حاجة تظهر من جسمك ممكن
ورد / مش قادرة امشى
هنيدى / لا ابوس ايدك امشى معايا لاول الشارع هناخد تاكسى للمحطة القطار فاضل على ميعادة 3 ساعات
ورد / انا معرفش حد فى بلدكم
هنيدى / لو عاوزة تروحى لأهلك تعالى اوصلك رغم أن جاسر ساعتها مش هيسبنى و لا هيسيبك
ورد / اهلى فين هم انا مليش حد امى ماتت وزوج امى هو اللى باعنى لجاسر و قبض التمن منه لله مكفهوش أنه اخد ورثى من أبويه و ورث امى
هنيدى/ الارزاق على الله امشى انا عارف انك تعبانة بس ابوس ايدك تمشى كل خطوة فيها خطر على حياتك
ورد / مشت من الخوف إلى أن وصلوا لاول المبانى شركة ملابس و معصرة قصب و و واحد بيصنع حاجات من الفخار
هنيدى/ شاور لتاكسى المحطة يا اسطى
السائق / 200 جنيه
هنيدى / يعنى 100 جنيه متنفعش دانا مسافر أدفن أبويه
السائق / صعبت عليه اركب
هنيدي / متشكر ربنا ييسر امرك يا رب وركب جنب السائق و ورد ورا
السائق / اركب جنب مرأتك علشان لو حد حب يركب فى طريقى
هنيدي / حاضر و ركب جنب ورد اللى شويه و نامت وضعه رأسها على كتفه
فى المحطة
----------------
هنيدى / خدى كيس حطى فيه هدومك اللى فيها دم و اغتسلى كويس انا منظرك برة و خدى غيار كمان من هدوم دادة مبروكة ربنا يكرمها عطيتنى غيارين
ورد / حاضر و دخلت الحمام غيرت و غسلت وجهها و ايديها و رجليها من الدماء خرجت مغطيه وجهها بالطرحه و من غير حاجة فى رجليها
هنيدى / اروح اشتريلك نقاب و شبشب
ورد / طب خد الغويش و الخاتم و الدبله معاك
هنيدي / خليهم معاكى مش محتاجهم
ورد / خايفه اسببلك احراج مع أهلك
هنيدي / متقلقيش هاجيب زجاجة ميه و اكل كمان و جاى
ورد / قعدت حاسه ان جسدها كله تعبان من كتر الضرب
هنيدي / كلى القطر فاضل عليه نص ساعة انا حجزت كرسين علشان تقعدى براحتك
ورد / انت بتعمل معايا كده ليه
هنيدي / عل..........
رواية / اشواك ناعمة
الفصل (2)
...................
ورد/ انت بتعمل معايا كده ليه
هنيدي / علشان شايفك مظلومة و كمان انا عندي اخوات بنات
ورد / منك لله ياحامد ربنا ينتقم منك انت و مرأتك
هنيدي / يلا القطر وصل تعالى نركب
ورد / سافر انت و انا ربنا هيتولانى برحمته
هنيدي / لا انتى ست محترمة و شريفة وعلشان كده هتروحى معايا و تقعدى عند اهلى مع اخواتى
ورد / بكت كتير بدموع تحرق ما بداخلها
هنيدى / فوقى ويلا اركبى
ورد / حاضر
دادة مبروكة / جاسر بية البية الكبير عوزك
جاسر / حاضر جاى هو فين
دادة مبروكة / فى مكتبه
جاسر / راح لابوه فى المكتب
الحاج قاسم / مالك و مال مرأتك دى ست غلبانه
جاسر / خلاص معدش فى مرأت انا قتلتها و رميتها على الطريق ربنا يوعدها بكلاب السكك أو عربية تهرسها و انتهت
الحاج قاسم / نهار ابوك اسود طب ليه
جاسر / الهانم اللى كانت جايه من وراء الجاموسة الفلاحة اللى كانت مبتعرفش حاجة بتقولى أنها حامل طب منين و انا عقيم مش بخلف
الحاج قاسم / انت متأكد انها ماتت
جاسر / أيوة زمان الكلاب اكلت لحمها كمان
الحاج قاسم / رماتها فين تعالى معايا يمكن نقدر ننقذها دى روح يابنى و لو ماتت فعلا نجيبها هنا نبلغ اهلها ونعملها لها عزاء علشان ما حدش يعرف انك قتلتها
جاسر / ما تغور فى داهية ده جزائها الخاينة السافلة كان نفسى اعرف هى خانتنى مع مين
الحاج قاسم / تعالى معايا ورينى مكانها فين ولا اخد هنيدى
جاسر / هنيدي سافر البلد ابوه تعبان وخالته ماتت
الحاج قاسم / تعالى معايا يمكن نقدر نلحقها و نوصلها لأهلها و نخلى مسؤولياتنا وبعد كده تطلقها وخلصت الحكايه ولا زى ما قولتك ندفنها و نعمل عزاها واهلها تعرف انها ماتت
جاسر / مش رايح لاى مكان وهى كان ليها مين د زوج امها هو اللى باعها و قبض تمنها
الحاج قاسم / بس دى روح بشر مش قطة تقتلها بدم بارد
جاسر / تعالى أوريك مكانها بس و ربنا لو شافتها لاولع فيها
الحاج قاسم / تعالى اركب
جاسر / اركب وتعالى ورايا انا هاوريك مكانها وامشى على طول
الحاج قاسم / ماشى مسعود تعالى معايا اركب
مسعود / حاضر هاقفل البوابة و جاى
جاسر / ساق العربية بسرعة إلى أن وصل للمكان اللى رمى فيه ورد زهل مما رأى فوجود النار اتتى على البطانية نزل بيبص وجد جزء صغير من طرف البطانية اللى كان لفف بيها ورد فرجع للخلف مصدوم
الحاج قاسم / ليه عملت كده حرام عليك
جاسر / انا معملتش حاجة انا رميتها و سبت المكان على طول
الحاج قاسم / منك لله طول عمرك همجى
جاسر / ركب عربيته وهو فى حاله من التوهان مش مصدق ما رأى
الحاج قاسم / اركب و تعالى ورانا يا مسعود و ركب جنب جاسر
جاسر / انا ما ولعتش فيها انا رميتها و رجعت حتى اسأل هنيدى هو كان معايا اسأله
الحاج قاسم / بص انت تطلع تنام والصبح نفكر فى حل للمصيبه دى براحتنا
جاسر / هى كان ليها مين اصلا
الحاج قاسم / دلوقت هيكون ليها و هيسألوا عليها مفيش حد مقطوع ملهوش حد يسأل عليه
جاسر / زوج امها يتراضى بقرشين وخلصت
الحاج قاسم / دى المصائب ابتدأت من دلوقت ربنا يستر
جاسر / انا ليها الفلوس بتحل كل حاجة
الحاج قاسم / الفلوس كانت خليتك اب زى كل الناس وتركه و نزل انت هتفضل باقى عمرك همجى البنت دى انا متاكد انها شريفة وعفيفة وبكرة تندم على اللى عملته
جاسر / كنت عوز رد فعلى يكون ايه لما اكون عقيم و مرأتى جايه تقولى أنها حامل
الحاج قاسم / كنت اخدت رأى ابوك الاول
جاسر / الموضوع خلص على كده و انا هاروح أطلقها رسمى و دلوقت و ترك الفيلا و خرج طلق ورد رسمى و رجع
فى قطار الصعيد
ورد / من كتر التعب نامت على كتف هنيدى
تمر الساعات بطيئة
بعد حوالي 10 ساعات وصل القطار إلى المحطة المنشودة فى محافظة أسيوط
هنيدي / ورد فوقى وصلنا
ورد / حاسه بهبوط و صداع جامد
هنيدي / نطلع من المحطة الاول وبعدين هاجيبلك حاجة للصداع و اكل
ورد / هاتلى كوبية عصير قصب بس بلاش حاجة للصداع علشان الحمل
هنيدى / حاضر انتى تأمرى بما اننا فى الصعيد اجعدى أهنا
ورد / حاضر
ست ماشية قربت من ورد و قالت مالك يابتى فيكى حاجة
ورد / لا منتظرة اخويه جاى
الست تريدى شيئ تحت امرك
ورد / سلامتك
هنيدى / يلا العربية هناك اللى بتحمل للبلد
ورد مسكت كيس العصير في أيدها ومشت جنب هنيدى مش قادرة
هنيدي / السلام عليكم خاله معتزة خدى مرأتى جنب الا حامل وبعافية
معتزة / يادى الهنا هو انت اتزوجت ياولد ياهنيدى بركة و زرغته
هنيدي / عق.........