رواية اشواك ناعمه الفصل السابع والعشرون27 والثامن والعشرون28 بقلم هبه احمد الجهمى

عدى / الولد ده شبهك جامد و انت صغير يا جاسر

مروان / و البنت نسخه من ورد الله يرحمها 

ممدوح / صح كلامك دول زى ما يكونوا و سكت

جاسر / لسانه اتلجم مش قادر يتكلم 

هنيدى / السلام عليكم اتفضلوا اشربوا حاجة 

مروان / مين الشباب اللى كان طالعين من عندك 

هنيدى / دول ولاد اخواتى خير فى حاجة 

ممدوح / ورد فين يا هنيدى 

هنيدى / ورد مين تقصد ورد اللى كانت مرأت جاسر بيه الله يرحمها ماتت و جاسر بيه هو الوحيد اللى عارف هى ماتت ازاى صح يابيه

جاسر / ورد فين يا هنيدى 

مروان / الولد الطويل نسخه من جاسر و البنت كمان نسخه من ورد 

هنيدى / يخلق من الشبه اربعين 

عدى / انا مش فاهم حاجه 

ممدوح / ورد لسه عايشه صح و انت الوحيد اللى تعرف هى فين

مروان مشى بالعربية من غير ولا كلمه 

ممدوح / الولد اسمه باسم و البنت اسمها ايه

هنيدى / البنت بسمة والولد لسه داخل كلية الهندسة و البنت كليه الطب و اللى معاهم ابن اختى اسمه خالد صابر محمود عيد 

ممدوح / طب ازاى 

هنيدى / هو ايه اللي ازاى صاحبك ضرب مرأته لحد ما افتكر أنها ماتت بدل ما يسعفها لا اخدها رماها على جانب الطريق انا قولت استرها وادفنها لو على جانب الطريق و ده حقها كمسلمه و بنت شريفة مش زى البيه ما كان فاكر و شاكك فيها  رجعت لقيتها عايشة اخدتها و قعدتها مع اهلى كاخت لاخواتى و ليه و الحمد لله الحمل فضل و انجبت باسم و بسمة ماشاء الله اى حد يتمنى يكونوا أولاده ادب و اخلاق و تربيه دينيه حتى ابن اختى لما قبلوا فى الجامعة هنا طلب و الح أنه يكتب كتابه على بسمة علشان تكون تحت عينه بالحلال لأنهم فى كليه واحدة 

ممدوح / طب ليه مبلغتش جاسر من حقه كان يعرف أنه له اولاد

هنيدى / لا مش من حقه هو رفض حتى يسمعها و هى نازله تبوس رجله كان شيطانه مخليه متأكد انها ست خاينه 

عدى / انا معرفش اى حاجه و الله 

هنيدى / ورد ست محترمة ماشاء الله هى دلوقت عندها شقة تمليك باسمها و بوتيك كبير ليها نصه و اختي عبير النص ما شاء الله شغاله مش محتاجه حاجه من حد هى اللى ربت و علمت وسهرت هى كانت الاب و الام و المدرس اولادها ست عظيمة 

مروان / بس جاسر بيكون ابوهم 

هنيدى/ اللي يرفض نسبهم في الاساس لنفسه وكمان يرمي امهم بالخيانه ما يستحقش ان ولاده تتنسب اليه 

ممدوح / كده ظلم لجاسر 

هنيدى / لا ظلم ولا حاجه يا بيه ده رد فعل من ست انظلمت و اترمت بالخيانه وروحها طلعت لولا لطف ربنا والعبد لله ثم انت بتدور على ايه انت الحمد لله معك ولاد من ام اصيله مش زي ورد الغلبانه اللي اشتريتها بفلوسك من زوج امها

عدى / مش من حقك تخفي ولاد اخويا عنه 

هنيدى / على فكره ولاد اخوك عارفينكم كويس واحد واحد جم كذا مره وشافوكم وشافوا عيشتكم ودخلوا معايا بيتكم  كمان وسلموا على جدهم ومع الاسف علشان خاطر  الغطرسه اللي انتم فيها ما حدش انتبه انهم ولاد جاسر من الشبه اللى بينهم

ممدوح / والله ما انا فاكر حاجه امتى ده 

هنيدى / فاكر البنت والولد اللي جم لما الحاج قاسم كان تعبان  وباتوا معايا هم مع داده مبروكه وانا مع عوض في الجنينه ويوم عيد ميلاد جاسر بيه جم معايا الكلام ده من ست سنين ومتصورين معك يا جاسر بس انت علشان مشغول ما اخذتش بالك انهم شبهك ولا من دمك هم ولادك

مروان / صح كلامك انا فاكر فعلا ان في ولد وبنت كانوا موجودين وانت طلبت منى اخذ لهم صوره مع جاسر 

عدى / دي حكايه ولا في الاحلام والله الواحد حاسس انه في حكاية من حكايات الف ليله وليله 

هنيدى / صدقني يا بيه كده احسن لهم اللي رفضهم هم وامهم في الاساس ما يستحقش انهم يكونوا أولاده ثم ان ولادك اتكرموا على جميع وسائل الإعلام المختلفة و كل الناس داخل و خارج مصر شافوهم و اطمئن ورد كتبت ولادك باسمك و كانت امينه تجاهم بكل ما تحمله الكلمة من معنى حملت و ولدت و اشتغلت و ربت وعلمت و وصلت ولادها لكليات القمة و كمان خلتليهم حرية الاختيار وهى فى قمة الرضا و السعادة باي قرار ليهم

عدى / انت مش بتتكلم عن بنى ادمه دى جبل ليه كنت ظالم يا اخويه

ممدوح / جاسر كان مغيب من التقرير المزور اللى سهام كان مطلعاه

جاسر / مسك هنيدى من رقبته انا هاقتلك 

هنيدى / اتحداك لو تقدر 

عدى / بلاش هبل احنا نتكلم مع الولاد و ناخدهم يكملوا حياتهم معانا 

ممدوح / البنت بحكم انها مكتوب كتابهم متقدرش تحكم تاخدها و الولد عنده 18 سنه وشهور فله حرية الاختيار 

هنيدى / ورد لو كانت ست وحشه مكنتش خلت ولادها تتعرف عليكم و عطتهم الحرية فى قبولكم أو رفضكم كأهل ليهم 

عدى / دول احفاد الحاج قاسم فاهم 

هنيدى / و كم..........