فهيمة / حقك عليه انا هاجيبلك بيت من بابه
الحاجة شوقية / بنتى هتفضل عندى معززة مكرمه لحد صابر زوجها ما ياجى بالسلامة
فهيمة / عندك حق و طلباتها كلها مجابه هامشى انا ممكن ابقى اجاى اشوفها
الحاجة شوقية / ده بيتك تنورى فى اى وقت يا ام بركات
هنيدى / جاسر بيه ممكن انزل اجازتى الا اختى هتتخطب
جاسر / عندك اخوات كتير
هنيدى / عندى مصطفى متزوج و بعد عننا راح اخد مرأته واولاده و سافر فرنسا بعد ما باع ورثه حتى بيت العيله اخد نصيبه منه و رفض يسيبه لإخواته البنات و عبير معاها معهد خدمه اجتماعيه و شغاله فى مدرسه جنبنا و زهرة دكتورة صيدلانيه و هى و أصحابها الأربعة اشتركوا و فاتحين صيدليه و خلود مدرسة إعدادى انجلش و منار شغالة فى معمل تحاليل هى خريجة كلية العلوم و عامله دلومه وهيام اولى ثانوى عام
جاسر / ماشاء الله اخواتك كلهم متعلمين وشغالين
هنيدي / وانا الحمد لله خريج كلية دراسات اسلامية و حافظ كتاب الله
جاسر / انا كنت فاكرك نهايتك إعدادية عندكم ارض
هنيدى / عندنا 5 فدن امى بترعاهم هى و ابن خالى شغال فى الارض
جاسر / طب و ابوك
هنيدي / أبويه الله يرحمه مات من 15 سنة
جاسر / مش كنت بتقول أنه تعبان
هنيدي / د خالى و الخال والد زى ما الناس بتقول
جاسر / تسافر اخر الشهر نكون سلمنا الشقق
هنيدي / تمام موافق و تحت امرك
جاسر / أنهى مشروع الشقق السكنية على التسليم و رجع الفيلا
الحاج قاسم / حمد الله على سلامتك
جاسر / الله يسلمك هاروح انام هلكان
الحاج قاسم / نام فى الاوضة اللى جنبى لحد ما دادة مبروكة تروقلك اوضتك و تشيل حاجة ورد الله يرحمها
جاسر / لا محدش ياجى ناحية اى حاجة خلى كل شيئ مكانه انا هانام على سريرى
دادة مبروكة / احضرلك العشا
جاسر / لا يادادة هانام و دخل لاوضة النوم اخد دش و قعد على حرف السرير يتزكر ورد بطلتها و ملامحها الطفولية و سرح فى الماضى القريب
ورد / خد اشرب كوبية اللبن دى قبل ما تنام.
جاسر / ليه شايفنى طفل ادامك
ورد / انت سيد الناس انت مرهق من الشغل و ما اكلتش كويس بالله عليك ما تكسفتى
جاسر / هاتى
ورد / تصبح على خير
جاسر / البسى حاجة عدله انا عوزك
ورد / حاضر تحت امرك و راحت اوضة الاطفال ليست قميص نوم احمر و حطت برفان و راحت عنده فى اوضتة
جاسر / قضى حاجته منها روحى نامى مكانك عوز اصحى 7 الصبح
ورد / حاضر احضرك الحمام
جاسر / لا
ورد / دخلت الحمام الكبير و اخدت شور و خرجت صلت قيام الليل و نامت
جاسر / وضع ايده على وجه و بكى قام نام على كنبت الانتريه قبل الفجر بقليل
صباح جديد
ورد / هيام يلا اصحى
عبير / بقولك ايه يا ورد انتى تنامى معايا فوق
ورد / ليه هو انتى خايفة تنامى لوحدك
عبير / الكوابيس مش سيبانى فى حالى طول الليل
خلود / هو حد عاقل يتعشى فسيخ و بصل اخضر و يحبس بشوبه عدس كويس أن جالك كوابيس احمدى ربنا اللى ما جالك تلبك معوى و بيتى فى المستشفى
عبير / ابنى طلب كده كان نفسه فى الفسيخ و العدس
خلود / خلى يوم فسيخ و يكون الصبح مش بعد اذان العشاء بساعتين و يوم شوربه العدس
ورد / ههههه خلى بالك هيام صورتك و انتى فارشة و بتكلى
عبير / مصورانى ازاى وانا كنت فين ساعتها
ورد / كنت هاجمه على الفسيخ زى الأسد لما بيكون هاجم على فرسته
عبير / بت يا هيام تعالى هنا
هيام / ماما الحقينى عبير بتضربنى
الحاجة شوقية / مالك بيها يا عبير
هيام / طلعت لسانها و جرت
عبير / نهارك الوان يا كلبه
ورد / هههههه احسن هيام خلى الفيديو معاكى لحد ما ياجى صابر باشآ علشان يعرف فلوسه بتروح فين
عبير / وربنا لاوريكى ايام عسل يا موكوسه انت وهي
ورد / يلا نروح المحل .
عبير / عوزة حاجة تهضم انا معدتى وجعانى اوى
ورد / هاعملك كوبية نعناع و اطلعى نامى شوية
عبير / ماشى
جاسر / دخل اوضة الاطفال و فتح الدلاب وجد هدوم ورد مطبقه بنظام وباقي ذهبها موجود في العلبه وحوالي مبلغ 350 جنيه عباره عن جنيهات وخمسات وعشرات في علبه في نفس الدولاب وبيفتح الكومودينو وجد كشكول متخيط على الايد عباره عن ورق وملموم بخيط مكتوب فيه مذكراتي اخذوا وطلع قاعد على حرف سريره وفتحه
دادة مبروكة/ فاروق بيه بيقولك تعالى أفطر معايا
جاسر / حاضر يادادة نازل وقفل الكشكول و وضعه فى الكومودينو جنب السرير بتاعه ونزل وفكره مشغول بما في هذا الكشكول
الحاج فاروق / هتعمل ايه فى حياتك يابنى
جاسر / ماله.........
رواية / اشواك ناعمه
الفصل (12)
..................
الحاج فاروق / هتعمل ايه فى حياتك يابنى
جاسر / مالها حياتى انا بخير مش ناقصنى حاجة
الحاج فاروق / انت لازم تتزوج علشان لو موت اكون مطمن عليه
جاسر / بلاش كلام في موضوع الزواج خالص انا عقيم اللى خلى ورد هانم اللى كانت زى القطة المغمضة طلعت حامل و عوزة تلبسنى فى الحيطة و أشيل الليل عن غير يعنى اكون قرطاس و ...
الحاج فاروق / ما يمكن تكون مظلومة و كانت حامل منك
جاسر / كنت خلفت من سهام اللى عشت معاها 9 سنين و بكسره كان كلهم حب ثم التقرير الطبى بيقول أنى عقيم بدليل سهام اتزوجت و خلفت كمان
الحاج قاسم/ ميمنعش انك تتزوج و تعيش حياتك
جاسر / اتزوج واحدة وازاى اثق فى واحدة تانى و تاجى تلبسنى العمة و تقول انا حامل و اقتلها
الحاج قاسم / اكيد ورد كانت حامل منك فعلا البنت كانت محترمه و بتصلى الفرض حاضر
جاسر / ربنا بيقول أن الصلاة بتنهى عن الفحشاء و المنكر
الحاج قاسم / انا رجعت الكاميرات و ورد لا طلعت من الفيلا و لا حد غريب داخل الفيلا
جاسر / يمكن تكون حامل بالمراسله
الحاج قاسم / هدى نفسك و ربنا هييسر حالك
جاسر / انا ايديه ملوسه بدم مرأتى و حتى مقدرتش ادفنها عارف ده معناه ايه
الحاج قاسم / بالخطأ يابنى مش متعمد
جاسر / انا لا عشرت بمعروف ولا سرحت بإحسان ولا تزوجها برضاها
الحاج قاسم / يكفى انك بعدتها عن زوج امها هو و قدرية مراته
جاسر / كل دى مبررات علشان نريح ضميرنا بس الحقيقة الوحيدة انى اتزوجتها بالغصب وفى الاخر قتلتها
الحاج قاسم / ربنا بيغفر الذنوب جميعا الا أن يشرك به
جاسر / اتمنى أن ربنا يغفرى ذنبى انا طالع انام مش عوز ازعاج يا دادة مبروكة
دادة مبروكة / طب خد قهوتك معاك و لا اطلعها
جاسر / هاتى تشكرى انا فعلا مصدع
ورد / راحت مع الحاجة شوقية و عبير باعت الدهب بتاعها الا الدبلة و كان عبارة عن 3 غوايش و حلق و ماشاءالله بدليه طويلة و خاتمين و محبس و جابوا مبلغ كويس فوق 160الف جابت تليفون حديث و خط جديد باسمها وجزمة و شنطة و نقابين و شويه حاجات خاصة
عبير / الحمد لله المحل خلاص اتظبط و الفلوس موجودة بس انا كل اللى معايا 30 الف اقولك ادخل معاكى بنسة
ورد / بالنص ياقمر يكفى انكم اويتوني وباكل وبشر من خيركم ثم انا عوزه حد يعملى ايميل و يوصلى النت عاوز اعيش حياتي و انطلق
خلود / بص على بطنك اللي بتكبر كل شويه اكثر فكرى في حياتك اللي هتعشيها وان ايامك اللي جايه كلها ملوخيه خضراء
منار / هاتى فونك ابت بسم الله ماشاء الله جميل هتعملى الايميل باسم ايه
ورد / باسم اشواك ناعمه
عبير / بمعنى ايه هو فى اشواك ناعمة
ورد / ايوه بمعنى الرضا و حب قدرك
منار / والله مانا فاهمه حاجه بس ماشى
هيام / كده الباقة هتخلص من نص الشهر
ورد / نضاعف الباقة عادى
خلود / مع نفسكم انا طول النهار فى الصيدلية
ورد / من مكسب المحل و كمان عوزين نمشي على نظام
عبير / اللى هو
ورد / المحل تمليك صح
عبير / صح
ورد / كل شهر نطلع مبلغ و نحطة على جنب
منار / هاتوه ليه اكمل جهازى
ورد / ده بديل الايجار و كمان جزء يدخل لمصروف البيت
الحاجة شوقية / لا البيت ماشى بمعاشى و اللى بيطلع من الأرض بيدخل فى خزين البيت رز و غله و فول و كده
ورد / بس انتى عليكى كتير دروس هيام و تكمله جهاز منار
الحاجة شوقية/ جهاز منار الحمد لله فلوسه موجودة و انا عامله جمعية كبيرة لدروس هيام وبعدين انتم ناسين هنيدي ربنا يكرمه بيدفع مرتبه كله
ورد / شيلى مرتب هنيدي لزواجه
الحاجة شوقية / بصى احنا لما رضينا انك تقعدى معانا كان لوجه الله فمش عوزة اغير نيتى
عبير / ماشى ياماما هنصرف بطريقة غير مباشرة امى دماغها ناشف هاتى الفون ابت اكلم زوجى الا وحشنى
منار / وحشك قطر خدى
عبير / ازيك يا صابر عامل ايه
صابر / الحمد لله انتى بخير
عبير / ابنك بيسألنى عليك عوز يشوفك
صابر / مش لما يوصل بالسلامة انا بعتلك حوالة علشان الولاده
عبير / الحوالة باسم مين
صابر باسمك على عنوان امى روحى خديها
عبير / تانى مرة ابقى ابعت على عنوان امى انا تعبانه و قاعدة عند امى
صابر / ليه حد قصر معاكى امى و لا اخويه و مرأته ولا اختى
عبير / لا مفيش تقصير انا تعبانه و انت قولتلى براحتك فى شقتك او عند امك
صابر / براحتك يا غاليه عوزة حاجة تانى
عبير / سلامتك يا قلبي
ورد / هو زوجك ميعرفش باللى اخوه عمله
عبير / لا كفايه عليه غربته مش هاشيله همى كمان
الحاجة شوقية / بكرة هاروح اجيب الحوالة من بركات
عبير / هاروح معاكى اسلم على حماتى
منار / خدى يا بطه الايميل جاهز و كلنا اصدقاء معاكى و دخلتك فى جروب العيلة
ورد / يعنى ايه جروب العيلة
منار / احنا كلنا عاملين زى شات مع بعض نتناقش مع هنيدي وهو بيعرف كل حاجة عننا عن طريقه
ورد / ماشى انا كنت عامله ايميل باسم ورد المصرى عوزة اعرف اذا كان لسه شغال ولا اتقفل
عبير / ابعتى لجاسر طلب صداقة
ورد كده هيعرف انا مين لانى صديقه عند هنيدى
خلود / سكى على هنيدى نلغى الصداقة مع هنيدى انتى طبيعي فى جروب العيلة ايميل جاسر باسم ايه
ورد / جاسر الأمير
منار / أمير الجماعة ههههه
ورد / لا هو لقب عيلته كده
منار / هو حاطط صوره ايه
ورد /صقر على غصن شجرة
منار / خدى ابحثى هاحضر العشا
عبير / هاتى طبق الملوحة معاكى
الحاجة شوقية / بلاش ملوحة بالليل
عبير / حاضر
الحاجة شوقية/ لازم..........