كلُّ شيءٍ بجوارك أحنُّ ، أخفُّ وألطف
يا ليتَ عالمي كلهُ بجوارك ❤️🫂
آيه كانت هتدخل مع البنات لقيت حد شدها فجاه
وكانت هتصرخ سيف حط ايدو علي بوقها
سيف : اهدي انا سيف
آيه : خضتني ياخي حرام عليك
سيف بابتسامه : سلامتك من الخضه يا قمر
آيه بغيط : ممكن افهم ايه الي انت بتعمله دا
سيف : وانا عملت ايه
آيه : بتشد أيدي فجاه وبعدين موقفني هنا وممكن
اي حد يجي ويشوفنا هيقول ايه بقا
سيف : انتي الي خلتيني اطر واعمل كدا
آيه : ليه بقا أن شاء الله وانا عملت ايه
سيف : مش عارفه عملتي ايه يعني
آيه بتهرب : لا مش عارفه
سيف : ليه بتتجاهليني كدا كل دا يعني عشان قولتلك بح
آيه قاطعته : بعد اذنك لازم امشي
سيف : آيه
آيه مردتش علي سيف
سيف : شكلك عنيده وهتتعبيني معاكي
فضل واقف لحد ما اختفت وبعدين مشي
........................................
البنات دخلو السويت وفضلو يتفرجو علي شكله الجميل
شهد : لا بجد مشوفتش حلاوه كدا
نور : شكل البحر تحفه من هنا
سلمي : يجنن بصراحه لا ذوق يوسف حلو
نور بغمزه : من ناحيه ذوقه فهو حلو اوي
سلمي : قصدك ايه
نور بضحك : علي الفندق يعني مش قصدي حاجه
سلمي بضحك : ماشي
نور : هي آيه فين
سلمي : كانت معانا من شويه
شهد : اه يا توتا تلاقيكي بتتفرجي ع الاماكن من غيرنا
سلمي بضحك : هي عارفه حاجه هنا عشان تتفرج
عليها يا بت انتي
شهد بضحك : يبقا تاهت
سلمي : يخرب بيتك بتضحكي بدل ما تدوري عليها
شهد بضحك : توتا ميتخفش عليها برضو لو انتي ماشي
عشان بتعيطي من اقل حاجه
سلمي : يا بنت ال خدي هنا طيب
شهد وقفت ورا نور وسلمي قدام نور بتحاول تمسك شهد
نور بضحك : مش معاكي حق يا شهد سلمي عيوطه.. دي سلمي عيوطه اوي
سلمي : انتي بتتريقي برضو لعلمكم انا حساسه شويه بس
شهد : واحنا الي مش عندنا احاسيس يعني دا احنا ابو الحساسات كلها يا بنتي
سلمي : دا انتي عندك احاسيس مش عند حد
شهد : امال ايه
نور بضحك : كفايه منقاره انتي وهي ويلا نروح نشوف
توتا فين
سلمي : لا انتو خليكم ونا هشوفها
البنات : اوك ماشي
سلمي خرجت وكانت بتمشي في الفندق عشان تشوف
آيه فين وخبطت في شاب وكانت هتقع وغمضت عيونها ومسكت فيه جامد وبعدين بتبص عليه لقيته يوسف
سلمي : يوسف
يوسف بابتسامه : ايوا .. بس انتي بتعملي ايه هنا
سلمي : كنا داخلين انا والبنات سوا بس آيه اختفيت
فقولت اشوفها فين
يوسف : طيب انتي اكيد مش عارفه اي مكان هنا
سلمي : بصراحه لاا
يوسف بضحك : هتدوري عليها ازاي طيب ممكن تتوهي اعمل اي انا بقا
سلمي : تعمل اي
يوسف : احم قصدي اعمل ايه يعني فارس هيبقا قلقان عليكي وكدا
سلمي : فعلا هو فندق كبير
يوسف بضحك : انتي عشان مش عارفه لسه انا جيته كتير
سلمي : جيته ليه
يوسف : شغل
سلمي : شغل ايه يعني الي يخليك تيجي هنا
يوسف : الشغل بيبقا مختلف يا سلمي مش بيبقا علي
طول في اسكندريه بسافر يعني
سلمي : اه .. طيب انا هشوف آيه
يوسف بابتسامه : تحبي اجي معاكي
سلمي بصتله وقالت في سرها : تيجي معايا فين ونت قمر كدا يخربيت حلاوتك
يوسف : ايه روحتي فين
سلمي : لاا معاك
يوسف : طيب يلا
سلمي : يلا
يوسف و سلمي مشيو شويه
يوسف بصلها : اهي آيه
سلمي بصت علي آيه الي كانت جايه عليهم
آيه بضحك : في ايه مالكم
يوسف بضحك : مفيش بس كنا بندور عليكي
آيه بضحك : انا ميتخافش عليا بس بحب الي يخاف عليا
سلمي بصت ليوسف بضحك : دي لمضه وهتتعبك معاها
آيه متصنعه الزعل : انا كدا
يوسف بضحك : لو علي اللماضه متعودين عليها من نور
سلمي بضحك : معلش مطارين نتحملهم
يوسف بضحك : ماشي اسبكم انا .. هتعرفو ترجعو
آيه بضحك : عيب عليك
يوسف بضحك : ماشي
بعدين يوسف مشي وسلمي فضلت تبص عليه
آيه بضحك : خلاص مشي
سلمي : ما انا عارفه
آيه : ايه جابكم سوا
سلمي : لا ابدا كنت بدور عليكي وقابلته صدفه
آيه : ايه الصدف الي كترت دي
سلمي : سيبك بس انتي كنتي فين
آيه : مفيش كنت ماشيه والمنظر عجبني فضلت اتفرج شويه
سلمي : هو في حاجه تانيه ومش عاوزه تقوليها
آيه فضلت تبص لسلمي كتير
سلمي : مالك يا حبيبتي سرحانه ليه
آيه : بصي انا مش عارفه اقوالك ايه
سلمي : في ايه طيب
آيه : سيف
سلمي : ماله سيف
آيه : قالي أنه بيحبني
سلمي بابتسامه : بجد دا امتي
آيه : امبارح
سلمي : طيب انتي ايه مدايقك انتي مش حابه كدا يعني
آيه : مش فكره كدا بس يعني دماغي جابتني علي أنه نفضل
نتكلم ومحدش يبقا عارف واكيد مش هكلمه من ورا فارس
سلمي : طيب مش انتي رديتي عليه وكلمتيه
آيه : رديت عليه كان بالنسبالي عادي بس بعدين الموضوع اختلف
سلمي : طيب ما ممكن كان حابب يقولك يشوف رايك
وبعدين يتكلم وتبقو رسمي
آيه : مش عارفه بصراحه
سلمي : انتي مش حابه فكره انكم تتكلم ومحدش يعرف
ولا مش حابه الفكره اصلا
آيه : هو سيف شاب طول بعرض وحلو ودمه خفيف واي وحده تتمناه
سلمي : طيب ادي لنفسك فرصه واهو اتعرفي عليه ممكن ترتحيله وتحبي الموضوع
آيه : مش عارفه
سلمي : سيبي قلبك الي يختار
آيه : خلاص ماشي تمام وسيبك من الكلام دا ويلا
نروح للبنات
سلمي بضحك : اه يلا دول هيولعو فينا لو اتاخرنا
اكتر من كدا
آيه بضحك ومشيو هي وسلمي
.........................................
البنات والشباب راحو يرتاحو وينام شويه وبعد ساعتين
البنات صحيو
شهد : قومو خلونا نخرج كفيانا نوم
نور : طيب نشوف الشباب ويخرجو معانا
سلمي : قومو نلبس طيب
آيه : ما نلبس مايوهات عشان ننزل البحر
البنات : اوك
بعدين البنات لبسو ونزلوا وقعدو علي البحر
............................................
عند يوسف فاق من النوم علي رنه نور و قالتله أنها
هتستناهم علي البحر هي والبنات ورن علي الشباب
عشان ينزلو سوا ويروح للبنات لبس وخرج ولقي
الشباب واقفين ونزلوا سوا
عند البنات كانو قاعدين بيهزرو
شهد : ايه الشباب الي تفتح النفس دي
سلمي : يخرب بيتك
شهد : انتي مش شايفه يابت العضلات ولا المشيه
نور بضحك : اجبلك واحد منهم
آيه بضحك : هاتي انتي مش هقول لاا
شهد بضحك : طيب تعالو نلعب بالرمله تعالو
البنات : يلا
فضلو البنات يلعبون كتير وهما مبسوطين
وبعدين جم عليهم شباب
شاب : يا حلاوتك ونت ماشي علي الارض يا قمر
آيه بضحك : ايه المعاكسه من ايام التسعينات دي
الشاب بغمزه : الجديد اقولهولك يا بطل
البنات فضلو يتضحكو والشباب جم عليهم
يوسف : هو في ايه
الشاب : ونت مالك يعم
مالك : انت مجنون ولا ايه
الشاب : بقولكم ايه انا شوفتهم قبلكم
سيف : شوفت ايه يا حيوان
الشاب : الحيوان دا هيوريك هيعمل ايه
الشاب لسه هبقرب من آيه مالك قرب منه وفضل يضربه
كتير والشباب فضلو يبعدو مالك عن الشاب وبعدين الشاب
مشي
آيه : مكانش ينفع تعمل الي انت عملته دا يا مالك
مالك بزعيق : ونتي حلو يعني واقفه تهزري وتضحكي معاه
آيه بضيق : انت ازاي تكلمني كدا
فارس بعصبيه : انتي تسكتي خالص
آيه دمعتها نزلت ومشيت وسلمي وشهد راحو وراها
وايه كانت بتمشي بسرعه عشان عشان محدش يشوف
دموعها والبنات بيندهو عليا ومبتردش وبعدين وقفت علي البحر
سلمي : ايه يا بنتي بنده عليكي مبترديش ليه
آيه : لو سمحتي يا سلمي سبيني لوحدي
شهد : توتا يا حبيبتي بلاش تاخدي كلام مالك وفارس
انتي معملتيش حاجه غلط
آيه : ماشي برضو سبوني لوحدي
سلمي وشهد مشيو وايه فضلت تعيط
............................................
نور : مكانش ينفع تزعقلها كدا يا مالك
كنت فهمت الأول ايه حصل
مالك بزعيق : بعيد عن اني معرفش بس مفيش حاجه
تخليها تقف وتهزر معاه
نور : ممكن متزعقش آيه ما كنتش بتهزر ولا بتضحك هي رديت عليه بس
مالك : دا مبرر يعني
نور : انا قولتلك الي حصل انت حر لو مش عاوز تصدق براحتك
بعدين نور مشيت
مالك : انا اسف يا فارس مكانش قصدي ازعقلها
فارس حط ايدو علي كتف مالك
فارس : ولا يهمك انا كنت هعمل كدا برضو
سيف وفارس مشيو وفضل يوسف
يوسف : خلاص فك يلا
مالك : هو انا زودتها معاها خليتها ماشيه ودموعها نزلت
يوسف : مش هقولك مش غلطان بس هو الموقف جي كدا
انت اعتذر ليها نيابته علي الي حصل واشرحلها وجه نظرك
أنه شاب صايع ومكانش ينفع تهزر
مالك : ماشي
............................................
سلمي : مكانش ينفع يزعقلها كدا قدامهم كلهم احرجها
شهد : هو اكيد ماكانش قصده يا سلمي
سلمي بانفعال : مكانش قصده امال لو كان قاصد انتي
مشوفتيش دموعها وجعوني حسيتي اني انا الي بعيط
شهد : هي ممكن غلطت لما رديت عليها بس انا عارفه
توتا متقصدش كل الحكايه كان هزار
سلمي : حتي لو غلطانه يا شهد مكانش زعقلها لا وفارس
كمان زعق ليها
نور : حقك عليا يا توتا
سلمي و شهد بصو علي نور الي جات وقعدت معاهم
سلمي : الاعتذار مبيصلحش حاجه يا نور
نور : انا عارفه أنه غلطان بس مالك والله خاف عليها
اكيد من الحيوان دا ونتي عارفه الشاب دا لو اتعد حدوده
كان هيعمل ايه
سلمي : الي حصل بقا
نور : اهدي طيب
شهد : انا بقولها كدا والله مش عاوزه تهدا خالص
فارس و يوسف جم عليهم
فارس : مالك يا سلمي
سلمي بصت علي فارس
سلمي : ماليش
فارس اتنهد : آيه غلطت وكان لازم ازعقلها
سلمي : لا مش لازم كان ممكن تفهمها غلطها بينك وبينها
لاكن انت خليت الاستاذ مالك يزعقلها قدامنا كلنا
فارس : متبرريش غلطكم بالكلام دا ونتي كمان غلطي
سلمي : عندك حاجه تانيه عاوز تقولها قول ونت كمان
يا استاذ يوسف هطلعنا غلطانين قول متسكتش
فارس بحده : سلمي
يوسف فضل باصص عليه وهو عارف انها مدايقه ايه
بس محبش أنه يتكلم معاها وهي مدايقه
يوسف : سيبها يا فارس ونتي ممكن تهدي يا سلمي
مالك مكانش قصده
سلمي بصتله ومرديتش
سلمي : انا هروح اشوف ايه
شهد : استني يا سلمي
نور : تعالي نشوفها
شهد : يلا
البنات راحو وراها
.............................................
عند آيه كانت بتعيط في صمت وفجاه حد حط
ايدو علي كتفها
آيه : قولتلك سبيني لوحدي يا سلمي
مالك : بس انا مش سلمي
آيه مسحت دموعها وبصتله ولقيته مالك
آيه : افندم في حاجه تانيه حابب تقولها
مالك : آيه انا اسف عارف اني غلط بس مقصدش
والله كل الحكايه ادايقت لما شوفت الشاب دا واقف
وبتضحكي معاه
آيه : وحضرتك تدايق ليه
مالك بصلها : مدايقيش ليه يعني يقف ويضحك معاكي
بصفه ايه دا انا لحد دلوقتي مهزرتش معاكي كدا
آيه : اه وبعدين تقول بقا هروح ازعقلها قدام الكل
مالك : انا اسف والله يا توتا مش قصدي بس انا
انفعلت شويه
آيه باستغراب : توتا
مالك بضحك : اعملك ايه بقالي ساعه بحاول اصالحك
مفيش فايده
ايه بضحك : ما انا متصالحتش برضو
مالك بابتسامه : لا ما هي مادام الضحكه الحلوه دي
ظهرت يبقا اتصالحنا
آيه بضحك : مين قالك عشان ضحكت يبقا كدا مش زعلانه
وبعدين انا مش هعدهالك بسهوله كدا يا دكتور
مالك بضحك : الدكتور تحت امرك في اي حاجه
آيه بضحك : امم .. انت ممكن تجبلي ايس كريم
تصالحني بيه
مالك بضحك : بس كده من عيوني
سيف كان واقف بعيد بيبص عليهم بضيق
ومالك مشي يجيب ايس كريم ل آيه وسيف راحلها
آيه كانت باصه للبحر وضهرها لسيف
سيف : آيه
آيه بابتسامه : ايه جيت بالسرعه دي
بعدين لفيت لي ولقيته سيف
آيه : سيف
سيف : كنتي مستنيه حد ولا اي
آيه : لاا ابدا دا مالك بس قولتله يجيبلي ايس كريم
سيف : مالك اه هو ايه حكايه مالك بقا
آيه : ولا حكايه ولا اي حاجه جيه واعتذر ليا وانا طلبت
منو ايس كريم بس
سيف بغيره : وتطلبي ليه ولا انتي حابه فكره الكلام الكتير
الي ما بنكم مره الشاب ومره مالك والدنيا حلوه معاكي
اهو وانا قافشه عليا ليه مش عارف
آيه بصدمه : انت بتقول ايه
سيف قرب منها شويه : ايه الكلام مش علي هواكي
آيه ضربت سيف بالقلم
آيه : شكلي اديتلك اكبر من مساحتك عشان تتجر
وتقولي الكلام دا
سيف بعصبيه ومسك أيدها : انتي بتضربيني انا
آيه : ابعد ايدك احسنلك انا لحد دلوقتي عامله احترام ليك
سيف كان هيقرب منها تاني آيه زاحته أيدها ومشيت
سيف فاق من عصبيه وأدرك الكلام الي قاله فضل واقف يبص عليها وهي ماشيه وهو متعصب لما ضربته واتعصب اكتر لما افتكر الكلام الي قاله ليها
سيف بعصبيه : غبي هتفضل طول عمرك غبي جرحتها
بكلامك بدل ما تواسيها بعد الي حصلها انهارده
فضل واقف علي البحر بيفكر ازاي يصلح بالي عمله
وفضل يفكر وفجاه جات في باله فكره يصالحها بيها
وابتسم وبعدين مشي
...........................................
مالك كان جاب الايس كريم وراح المكان الي كانت
واقفه فيه آيه وملقهاش
مالك : راحت فين .. طيب والايس كريم
وبعدين طلع فونه ورن علي نور
نور : ايوا يا مالك
مالك : نور انتي فين
نور : في الفندق
مالك : طيب انا عاوز منك خدمه
نور : قول
مالك بص علي الايس كريم
مالك : كنت جايب ايس كريم لـ آيه ورجعت ملقتهاش
هي معاكي
نور : اه كلنا سوا
مالك : طيب انا هاجي اجيبه يبقا افتحلي
نور : طيب
مالك قفل مع نور وبعد شويه وصل قدام الاوضه
وخبط وفتحت له نور ومالك لمح آيه واقفه مدايقه
مالك : هي مالها
نور : مش عارفه من وقت ما رجعت وهي كدا
مالك : ما حكتش ليكي طيب
نور : بتقول مفيش
مالك : طيب لو عرفتي مالها قوليلي .. بقولك ما تبعتيلي رقمها
نور : رقمها
مالك : عادي يعني هعتذر ليها
نور بضحك : انت حبيت الاعتذار أوي كدا انت مش
اعتذرتلها
مالك : بطلي رخامه امك وابعتي
نور بضحك : ماشي يبقا عد الجمايل
مالك : طيب خدي اديلها الايس كريم
نور : منتحرمش منك يا كبير
مالك بضحك : انا جايبه لـ آيه
نور بضحك: انا و آيه واحد
مالك بضحك : طيب متنسيش الرقم
نور : حاضر هبعتهولك اهو
مسكت الفون وبعته لمالك
نور بصتله : وصل
مالك : متحرمش منك يا غالي
وبعدين مالك مشي ونور قفلت الباب وبعدين حطيت
الايس كريم علي الطربيزه
نور : توتا يا توتا
شهد : دي سرحانه من وقت ما جات
سلمي : اكيد بسبب مالك
نور : لاا مالك اعتذر ليها
شهد : يبقا اكيد في حاجه تانيه .. وبعدين ايه الي
انتي جايبه دا
نور : دا مالك جايبه لـ آيه
شهد : وايه دا بقا
نور : ايس كريم
شهد بضحك : ابن حلال والله كان نفسي فيه
سلمي بضحك : من يومك تحبي الاكل قد عنيكي
نور بضحك : دا لـ آيه
سلمي : تعالو تعالو نشوفها طيب
وبعدين البنات راحو لـ آيه
الي كانت واقفه في البلكونه سرحانه
سلمي : ايه يا توتا مالك
شهد : متقوليش مفيش عشان اكيد في حاجه
نور : احكيلنا ايه مدايقك
آيه : يا بنات قولتلكم مفيش حاجه الله
وبعدين دخلت جوا والبنات دخلو وراها
نور : طيب شوفي بقا الايس كريم دا
آيه ابتسمت : دا مالك مش كدا
شهد : اخيرا ابتسمتي دا احنا لو فاكرين كدا كنا قولنا
أن مالك جبلك الايس كريم من بدري
سلمي : هو احنا جاين نكشر ولا نزعل ولا نغير جو
نور : بقولكم ايه عرفت انهارده أن في حفله في الفندق
ولازم نروح ونسهر
آيه : لا نا تعبانه مش هقدر اروح
شهد : هو انتي بتتلككي عشان متروحيش
سلمي : لو مروحتيش مش هنروح
آيه : طيب هروح عشان مزعلكمش
شهد : طيب بخصوص الايس كريم دا هتاكلو ولا
هتبروزو ولا اي نظامه
آيه بضحك : لا هناكله يا طفسه
البنات فضلو ياكلو ايس كريم وبعدين غيرو هدومهم
ويقول قمرات ونزلوا يروحو الحفله
.........................................
عند الشباب كانو وصلو الحفله ودخلو قعدو سوا
فارس : البنات فين
يوسف : مش عارف نور قالت ليا هيروحو قدامنا
مالك : امال فين طيب
سيف : دلوقتي يظهرو
فجاه البنات كانو علي المسرح والشباب تفاجو
بيهم وابتسمو
البنات : عمرها حصلت لك دي .. تبقي لسه شايف حد ونت لسه ما تعرفوش .. ايوه ما تعرفوش .. بس نفسك تجري عليه .. وتحضنه وتنام في عينيه .. ونت لسه ما تعرفوش ايوه ما تعرفوش
سلمي : انا بقي حسيت دا معاك .. انا بقا طالباني هواك
انا بقي من يوم ما شفتك مش متخيل غير عمري معاك
يوسف بصلها و ابتسم وسرح في جمال صوتها
آيه : يا تاعبني .. يا واجع قلبي .. من حبي .. مش قادر اخبي .. يا تاعبني .. يا واجع قلبي .. من حبي .. مش قادر اخبي
مالك ابتسم وفضل مركز معاها ومعاه حركاتها الي
خطفه قلبه
سيف بص عليها وزعل من نفسه أن زعل حبيبته بس
غصب عنه من غيرته
نور : هقولك ع اللي في قلبي .. بصراحه انا مش علي بعضي .. عايزك تحضني تقرب مني ولا احضن انا
فارس كان نفسه يروح يحضنها زي ما كانت بتقول
ابتسم علي فكرته المجنونه
شهد : ما تستغربش ملي قلته .. دا الحزن في قلبي
انت شلته اول ما شوفتك انا
سيف بصلها وابتسم علي تصرفاتها الجنونيه
البنات : طب انا بقي حسيت دا معك .. انا بقي طالباني هواك .. انا بقي من يوم ما شفتك .. مش متخيل غير
عمري معاك
الناس كلها سقفتلهم والبنات بصو لبعض بابتسامه
وبعدين راحو لشباب
مالك : دا انتو طلعتو مطربين واحنا منعرفش
آيه بضحك : اهو علي قدينا يعني
يوسف: بس فكره مين دي
نور : انا اقترحت على البنات وحبو الفكره
فارس : لا بس من الاخر جامدين
شهد : امال انت مفكر ايه يا كوتش
يوسف بضحك : لا بجد صوتكم كان حلو اوي
وانهي جملته وبص علي سلمي
سلمي : طيب فرحتونا والله إن صوتنا عجبكم
نور بضحك : ايه ياعم سيف مقولتش لينا رايك
سيف بابتسامه : صوتكم حلو كان كله إحساس
شهد : طبعا يا بني احنا بنات قمامير وكيوت اكيد لازم يبقا عندنا احساس .. ما تلحقونا بحاجه يا جماعه الواحد عمل مجهود وجعان برضو
نور بضحك : طيب الحقوها يا جماعه لا تاكولنا
كلهم ضحكو عليها ويوسف طلب اكل
سلمي : تعالو نتصور صوره لذكره
آيه : اشطاا يلا
وأتصور كلهم وبعدين فضلة البنات يتصور كتير وفضلت يتكلمو ويهزرو ويضحكو وبعدين أكلة وخرجوا من الحفله
ومشيو والشباب كانو ماشين سوا والبنات سوا وسلمي
وقفت لما سمعت صوت سيف
سيف : سلمي
سلمي : ايه يا سيف
سيف : بصي بصراحه انا انهارده قولت كلام جارح
كتير لـ آيه بس انا والله ما كان قصدي الفكره كلها
سيف سكت ومكملش كلامه وبص لسلمي
سلمي بابتسامة : أنا عارفه
سيف بابتسامة : والله وفرتي عليا كلام كتير
سلمي : ايه المطلوب مني دلوقتي
سيف : عندي فكره و عاوز اصالحها بيها ومحتاج منك
انك بكره تخرجيها
سلمي بابتسامة : انت تأمر حاجه تاني
سيف : دا كدا هيبقا جميل مش هنسهولك طول حياتي
سلمي : خلاص اتفقنا .. بعد اذنك بقا
سيف : اتفضلي
سلمي مشيت ويوسف كان واقف وشافها بتتكلم مع سيف
يوسف : سلمي
سلمي : نعم
يوسف : كنتي بتعملي ايه
سلمي : لا مفيش كنت بتكلم مع سيف
يوسف بغيره : ما أنا شفت بس بتتكلمي في ايه يعني
سلمي : حاجه كدا متشغلش بالك .. يلا تصبح علي خير
سلمي مشيت ويوسف فضل باصص ليها
يوسف : أنا هعرف كنتو بتتكلمو في ايه
" روايه عانيت لأحُبك "
" البارت الثاني عشر "
" الكاتبه فاطمه محمود "
مشكلتي اني اغار علي اشيائي بشكل مبالغ
ومشكلتك انك كل اشيائي✨💗
صباح جديد علي أبطالنا
البنات كانو نايمين سوا والفون رن
آيه : يووو يا سلمي شوفي مين الي بيرن دا
سلمي بنوم : لا دا مش بتاعي
آيه : اخلصي قومي عاوزه انام
سلمي قامت ومسكت الفون ولقيته سيف راحت
البلكونه ورديت عليه
سلمي : ايه ياعم سيف بتقومني من النوم ليه
سيف بضحك : نوم ايه ياعم الساعه 12
سلمي بضحك : محستش والله فضلنا انا والبنات
امبارح سهرانين فانمت متاخر
سيف بضحك : ولا يهمك يا زمكس ايه طيب
سلمي بضحك : هصحي البنات واقولهم ننزل البحر
وهخليك تقابل آيه
سيف بضحك : بس متتاخريش بالله
سلمي بضحك : متقلقش انت تمام طيب
سيف : كله تمام بس ناقص توتا
سلمي : توتا اهدي علي نفسك طيب ياعم
سيف بضحك : حاضر .. سلام
سلمي بضحك : سلام
سلمي قفلت وخرجت من البلكونه
سلمي : بنات .. يا بنات قومو يلا
نور : انا عاوزه انام
سلمي : قومو بقا ننزل البحر
نور قامت و آيه
سلمي : والقتيله دي
نور بضحك : استني
نور راحت عند شهد وجمب ودنها وصرخت بصوت
عالي شهد قامت مفزوعه
شهد بخضه : ايه في ايه
بصت علي البنات الي ميتين ضحك وعرفت أنه مقلب
سلمي بضحك : سلامتك من الخضه يروحي
شهد : والله العظيم حرام عليكم
آيه بضحك : دي الحاجه الوحيد الي كان ممكن تفوقي بيها
شهد : لا والله يعني حد قالك لو فوقتيني عادي مش هقوم
نور بضحك : خلاص بقا يا شوشو
شهد : ماشي
آيه بضحك : مش مطمنالك تسكتي كدا
شهد بضحك : ظلماني اوي
سلمي بضحك : كفايه رغي بقا ويلا بينا نغير وننزل
نروح البحر
البنات غيرو ولبسو ونزلو راحو البحر
شهد : جماعه انا مفطرتش
نور : ونا كمان جعانه
سلمي : هروح اجيب اكل عشان نفطر انا وتوتا
شهد : متتاخروش
سلمي : اوك
سلمي و آيه مشيو وراحو المطعم وطلبوا اكل
سلمي : بقولك يا توتا
آيه : امم
سلمي : هروح الحمام واجي
آيه : طيب اجي معاكي
سلمي : لاا لاا خليكي مش هتاخر
آيه : طيب
سلمي مشيت و آيه فضلت مستنيها كتير سلمي
آيه : هي اتاخرت ليه هروح اشوفها
كانت ماشيه تشوف سلمي لقيت فونها بيرن
آيه : ايه يا سلمي كل دا
سلمي : انا خرجت وملقتكيش تعالي مستنياكي علي البحر
آيه : ملقتنيش ازاي يعني
سلمي : المطعم في ناس كتير يا توتا فاكراكي خرجتي
آيه : طيب انا جايه
ايه خرجت من المطعم وراحت علي البحر وشدها منظر
علي البحر مشيت لحد عنده لقيت ترابيزه مزينه وعليها
اكل وكرسين و ورد في الأرض وكان شكله تحفه
آيه : هو لسه في رومانسيه كدا
لسه هتمشي لقيت سيف في وشها بصيت عليه
وبعدين كملت طريقها بس سيف مسك ايديها
آيه : سيب أيدي
سيف : آيه ونبي اديني فرصه بس
آيه : لاا
سيف : انا اول مره اطلب منك طلب
آيه : افندم عاوز ايه
سيف : اولا انا اسف مكنتش اقصد الي قولته بس انا غيرت جامد مكنتش اعرف لما اغير هقول كل الكلام دا بس انا طماع مبحبش حد يشاركني في حاجه بحبها صدقيني مكنتش اقصد ومن وقت ما قولتلك كدا وانا كاره نفسي
آيه فرحت من جواها بس مبينتش
آيه : ايوا عاوز ايه يعني
سيف : يعني بحر و ورد وجو رومانسي وعمال الطف وفي الاخر تقوليلي عاوز ايه
آيه : يسلام
سيف : طيب عاوزه ايه اصالحك بيه
آيه فضلت تبصله ومتكلمتش
سيف بضحك : حلو مش كدا
آيه باستغراب : هو ايه الي حلو
سيف بضحك : بتبصي عليا ومش متكلمه يبقا ولهانه فيا
آيه : واخد في نفسك مقلب انت
سيف بضحك : مش مهم اهم حاجه عاجبك
آيه بضحك : برضو بتقول عاجبني
سيف بابتسامه : كنت فاقد الامل اني اشوف ضحكتك الي بتخليني ابتسم تلقائيا بجد ضحكتك حلوه اوي كل حاجه فيكي حلوه يا توتا انا بجد بحبك نفسي تفهمي كل حاجه بعملها دا بسبب حبي ليكي
آيه اتكسفت : يووو بقا يا سيف
سيف بضحك : احلي سيف منك والله .. بحبك
آيه بضحك : عارفه
سيف بضحك : يا واد يا جامد الي واثق من نفسك انت
آيه بضحك : امال انت مفكر ايه
سيف بابتسامة : يعني خلاص مش زعلانه مني
آيه بابتسامة : المرادي سماح بس لو اتكررت
سيف قاطعها : والله ما هتتكرر تاني وازعل حبيبه قلبي
آيه ابتسمت
سيف بابتسامه : تعالي نفطر بقا
سيف وآيه روحو يفطر في جو ميخلاش من هزار
وضحك سيف وآيه
............................................
سلمي كانت رايحه للبنات قابلت يوسف
يوسف بابتسامة : صباح الجمال
سلمي بابتسامة : صباح الورد
يوسف : امال فين البنات
سلمي : علي البحر
يوسف : امال انتي رايحه فين
سلمي : رايحه عند البنات
يوسف : طيب في مانع لو اتمشينا شويه علي البحر
سلمي : لا طبعا مفيش مانع
فضلو يتمشو شويه وبعدين يوسف وقف وبصلها
يوسف : سلمي
سلمي بصت عليه
سلمي : في حاجه عاوز تقولها
يوسف : بصراحه ايوا
سلمي : طيب قول
يوسف بصلها شويه
يوسف : بصي انا بحبك
سلمي : هاا
يوسف بضحك : هو ايه الي هاا بقولك بحبك
سلمي : اتفجأت بس
يوسف : طيب نظام الجميل ايه
سلمي بضحك : متخلنيش اغير رايي
يوسف بضحك : لاا لاا دا انا ما صدقت
سلمي بضحك : دا انت واقع بقا
يوسف بضحك : بصراحه اوي حد يشوف القمر دا ومايقعش في حبه
سلمي ابتسمت : متكسفنيش بقا
يوسف بضحك : يا نهار ابيض قمر اكتر ونتي مكسوفه لاا مقدرش علي كدا
سلمي بضحك : بكاش اوي انت
يوسف بضحك : لا دي حقيقه
سلمي بابتسامة : طيب انا همشي شوف الشباب وتعالو نقعد سوا
يوسف : اوك
...............................................
عند نور وشهد كانوا قاعدين ع البحر
شهد : آمال فين آيه وسلمي أتأخره كده ليه
نور : اهو واحده من الهانم وصلت اهو
سلمي :ايه في حاجه
شهد : لاا ابدا بس اتاخرتي كده ليه
نور : آمال فين آيه هي مش كانت معاكي
سلمي : كنت جايه وقبلت يوسف في الطريق ... أما آيه فين ده بقى موضوع ويطول شرحه
شهد : ما تحكلنا واحنا عاملين زي الاطرش في الزفه
سلمي بضحك : ماشي .. انا قابلت يوسف وقالي
آيه جات عليهم وقاطعتهم
آيه : هاي قايز
شهد : اتلهي انتي دلوقتي ديماا بتقطعي اللحظات المهمه .. كملي يا سلمي
آيه بغيظ : انا يجزمه
شهد : اه وبعدين انتي كنتي فين يا هانم
نور : استني يا شهد نعرف ايه حصل مع سلمي وبعدين نستلم البت توتا
شهد : معاكي حق .. احكي يا سلمي
سلمي بضحك : احم احم طيب اسمعوا بقا
شهد : انتي هتغني ما تخلصي
سلمي : هقول يا يابت
نور : يا ستي خوشي في الموضوع علي طول
سلمي : اتكلمنا وبعدين قالي ممكن نتمشي شويه وبعدين قالي
البنات : ايه
سلمي بضحك : بحبك
نور بضحك : والله كنت قافشه من الاول بس استنيته يتكلم
سلمي : اعرف من كدا انك كنتي عارفه من الاول
نور : آمال ايه يا بنتي دا اخويا اعرفه من نظره
سلمي : طيب ياريت نسبيني استلم الشفت
آيه بضحك : شرسه اوي البت سلمي دا
شهد بضحك : حرصي بقا يا نور اخوكي بقا النص الي يخص
نور بضحك : هو بالسرعه دي اخويا بقا النص الي يخص
آيه بضحك : دا من اول نظره يا حبيبتي
سلمي : عندك مانع يابت انتي
نور بضحك : هو انا الاقي مرات اخ زيك فين بس
سلمي بضحك : حبيبت قلبي
شهد بضحك : يابت دي بتاكل عيش وبتمشي أمورها معاكي
نور بضحك : يالهوي منك يا سوسا
آيه بضحك : احنا بنذود بينكم محبه عشان انتو حبايبنا
سلمي بضحك : منتحرمش
نور بضحك : بتذودو سولار مش محبه هنولع احنا كدا براحه علينا
شهد بضحك : نكمل الموضوع دا بعدين الشباب جاين اهم
البنات بصو علي الشباب الي جاين سوا
فارس : ايه يا بنات
شهد : داخل علينا وايدك فاضيه كدا ليه
يوسف بضحك : ميصحش يا فارس كان المفروض تجيب حاجه معاك
فارس بضحك : هو انا جايب بنت اختي افسحها في الساحل
واجبلها شوكلاته وشبسي
شهد بضحك : وهي بنت اختك الي هتاكل الشوكلاته والشيبسي احسن مني في ايه
مالك بضحك : ونت تقارني بحد برضو يا كبير
سيف بضحك : في دي معاك حق انتي متقارنش بحد
شهد بضحك : انت هتفضلو تتريقو عليا
نور بضحك : بس بقا محدش فيكم يتريق علي شوشو
سلمي : تيجو نلعب
آيه : نلعب بس ايه
سلمي : واحد يقول كلمه من اغنيه والي يعرف يكمل
نور : فكره حلوه .. مين هيقول الاول
سلمي : هقول انا .. حلم
يوسف بص لسلمي : حلم عمري .. طول عمري اعيش في غرامه .. والقي قلبي دايب في الاحلام .. يا حبيبي ..
قربني اليك يا حبيبي .. واحضن قلبي المشتاق
سلمي بصتله بابتسامة
نور بضحك : الله عليك يا جو
شهد بضحك : خالد سليم قدامنا يا جدعان
مالك بضحك : كانت فين الموهبه دي
يوسف بضحك : مش لدرجاتي يعني
سيف بضحك : طيب يلا مين هيقول
فارس : سنين
سيف بضحك : سنين ايه ياعم فارس
فارس بضحك : استني بس هنشوف مين هيقول
قاطعهم صوت نور الي يتغني وفارس الي ركز معاها
نور : عيشالك .. احلا سنين .. في العمر يا ضي العين
وفي قلبي ياغالي حنين وغرام من اول في هواك
نور ما كانتش مركزه وهي بتغني غير مع فارس
وفضلت باصلها بعد ما خلصت وفاقت علي صوت آيه
آيه بهمس لنور : طيب لاحظي اننا موجودين
سلمي بغمزه : طيب نتقل حتي
نور بضحك : مين بيتكلم علي التقل
شهد بضحك : احنا هنقضيها همس وغمز بعدين حتي عشان الشباب
نور بضحك : اه والله .. دورك يا توتا
آيه : اممم .. ذكري
مالك بابتسامة : لينا ذكري في كل حته .. وميت علامه هقولك ايه .. معقول طب تنسي حضني .. الي ياما ارتحت فيه .. دا انا دقه قلبي صوتها بينطق اه .. زي الغرقان ونفسه في طوق نجاه .. وحشتني كفايه .. مش معايا بس معايا .. حاجه مكسوره جوايا .. ونت مش موجود
مالك كان بيغني بإحساس كأنه بيغنيها لـ آيه وكان بيخطف النظرات ليها وكلهم كانو باصين علي مالك ومندمجين مع صوت اووي
آيه بابتسامة : صوتك حلو اوي يا مالك كنت بتغني بإحساس لا بجد حلو اوي
سيف بص علي آيه بغيره والي دايقه اكتر مش مدياله اي اهتمام
مالك بابتسامة : تسلملي دا من بعد صوتك طبعا
آيه بابتسامة : مش جمب احساسك ولا صوتك
مالك ابتسم لها
سيف بغيره : مين هيقول دلوقتي
نور : قول انت
سيف : لقأنا
شهد : دا حبيبي حبيبي حبيبي انا .. في لقأنا يجي كام سنه ..
سيف حب يستغل الفرصه ويمدح في شهد عشان يشوف غيره آيه
سيف : الله الله ايه الحلاوه دي مكنتش اعرف ان صوتك جميل كدا
انهي جملته و هو بيبص علي آيه
شهد بضحك : الله يجبر بخاطرك
سيف بضحك : الله يخرب بيتك انتي هتشحتي
نور بضحك : هي دي شهد
سيف بضحك : مشكلتها اتعودت علي الكلام دا
يوسف بضحك : طيب ومشكله ليه دي شهد حتته سكره
شهد بضحك : يا معلي معنوياتي يا منشاوي
مالك بضحك : من حقها تتعلي دا المنشاوي ذات نفسه
بيقولوا حتته سكره
فارس بضحك : دي مين قدها دي
شهد بغرور مصطنع : طبعا يا ابني هو احنا اي حد
فارس بضحك : اهو ياعم يوسف خليتها تتغر وتشوف
نفسها علينا
شهد بضحك : لا متقلقوش دا مش غرور دا زياده ثقه
من المنشاوي
سلمي بضحك : طيب يا جماعه انا جوعت انتو مجعتوش
شهد بضحك : ومين سمعك انا ساكته ومستنيه حد يتكلم
نور بضحك : هموت بجد منك
يوسف بضحك : هي هتموتنا كلنا
سيف بضحك : طيب يلا بينا نروح ناكل
الشباب والبنات قامو وراحو المطعم وقعدو علي ترابيزه
يوسف : شوفو هتطلبوا ايه
سلمي بصت علي البنات : شاورما
شهد : ايوا
نور : وانا كمان
قارس بضحك : ونتي يا توتا
آيه بضحك : زيهم
مالك بضحك : انتو متفقين ولا ايه
آيه بضحك : احنا البنات ذوقنا واحد
يوسف : طيب ونتو يا شباب
سيف بضحك : شورما اهو نبقا كلنا واحد
يوسف ناده علي الجرسون وطلب الاكل
وبعدين شويه وصل الاكل وبدأو ياكلو
شهد : لا الشاورما حكايه
سلمي : ما انا طلبتها عشان كدا يروحي عشانك
نور : هتسهرونا فين بليل
يوسف : لا دي مفاجاه
البنات : اوووو شكلنا هننبسط
مالك : اووي
فارس : دي هديه المنشاوي ليكم
شهد : ايوا يا مدلعنا
يوسف : يارب تعجبكم بس
نور : اكيد هتعجبنا
يوسف : تشريو حاجه طيب
نور : ايس كوفي بقا
يوسف : ونتو يا شباب
فارس : قهوة
يوسف طلب ايس كوفي وقهوة
شهد : هو انتو ليه علي طول قهوه قاعدين في عزا
يوسف بضحك : حسب تعود يا شهد
شهد بضحك : تبقا تغير ياعم
مالك بضحك : محدش غيرها هيخلي يغير
يوسف: قصدك ايه بقا
سيف بضحك : الي انت فهمته
يوسف بص علي سلمي الي بصاله بنظره ضيق
ابتسمله بس هي قامت
آيه : رايحه فين
سلمي : هروح الحمام واجي
نور : نيجي معاكي طيب
سلمي : لاا لاا هروح لوحدي
سلمي مشيت ويوسف فضل باصص عليها لحد ما اختفت
سلمي بتكلم نفسها وهي ماشيه
سلمي بضيق : عمال يضحك ويهزر مع شهد قال ايه
حسب تعود ماشي يا يوسف
بعدين وصلت عند الحمام ودخلت
.............................................
الشباب والبنات كانو قاعدين بيشربو
الايس كوفي والقهوة وسلمي جات ومشيو
بعد وقت وكانو البنات علي البحر زي ما طلبو منهم الشباب
آيه : هما فين
سلمي : طيب جينا مكان غلط
نور : غلط ايه يا بنتي نفس المكان الي قالو لينا عليه
شهد : طيب لما مش غلط المكان ضلمه ليه
نور : طيب اكلم يوسف
وفجاه ظهر يخت متزين بأنوار
شهد : ايه الجمال دا
سلمي : معقول تكون هي المفاجأة
آيه : شكلها اه .. بس احلا مفاجاه
نور : شكله تحفه اووي
وظهور الشباب وراحو للبنات
يوسف : ايه رايكم
شهد : للأسف
يوسف : يعني مش عجبتك
شهد : لا مش كدا بس فاضل يوم واحد في السفريه
يوسف : معلش اعوضكم المره الجايه
نور : بعد الامتحانات تجبنا هنا شهر يا جو
يوسف : من عيوني
آيه : طيب بلاش تضيع وقت ومركب اليخت وننبسط
سلمي : يلا
البنات والشباب ركبو اليخت وفجاه لاقو سيف بيرقص
علي مهرجان كل العشاق احتارو
نور بضحك : الواد دماغه طايره منو
سيف بضحك : انا جاي انبسط عشان لما انزل اخوكي
هيستلمني شغل
يوسف : سبيه ينبسط يومين
مالك : مبيضيعش اي فرصه عشان ينبسط
سيف : يعني انا هرقص لوحدي
وبعدين شد يوسف ومالك وفارس وفضلو يرقصو
والبنات فضلوا يضحكو عليهم بعدين خلصو
والبنات قعدو سوا فون آيه رن وقامت
آيه : هرد وارجعلكم يا بنات
شهد : انا هروح اشرب
نور : استني خديني معاكي
البنات مشيو وفضلت سلمي وبعدين قامت تتفرج
علي البحر
يوسف : القمر سرحان في ايه
سلمي بصتله : في البحر
يوسف : يا بخته
سلمي ابتسمتله
يوسف : ليه كنتي مدايقه انهارده
سلمي : امتي دا
يوسف : لما كنا في المطعم
سلمي بصتله : مفيش
يوسف بضحك : هو انتي من النوع الي يبقا غيران
ويقول مفيش
سلمي بضحك : غيرانه انت حللت الموضوع كدا يعني
يوسف بصلها : يعني انتي مغرتيش عليا من شهد
سلمي معرفتش ترد من نظراته الي وترتها
سلمي بعدت عيونها وبصت البحر
سلمي : لاا مفيش حاجه كدا
يوسف ضحك
سلمي بصتله : ايه يضحك يعني
يوسف بضحك : الاجابه وصلت .. بس شكلك هتتعبيني
كتير
سلمي : ازاي يعني
يوسف : لما نزعل من بعض أو موقف زي كدا مثلا
سلمي بضحك : ليه هو انت هتزعلني في المستقبل
يا حضره الظابط
يوسف بضحك : هو انا اقدر ازعل القمر بتاعي
سلمي ابتسمت
............................................
آيه : جايه بعد بكره يقلبي
ريهام : تيجي بالسلامه يا روحي بس حبيت
اطمن عليكي
آيه : متحرمش منك يروحي .. هكلمك تاني يا ريمو
ريهام : ماشي يا حبيبتي مع السلامه
آيه : سلام يا قلبوبتي
آيه قفلت وكانت هتمشي ولقيت مالك في وشها
آيه : مالك
مالك : ايه خضيتك
آيه بابتسامة : حاجه زي كدا
مالك بابتسامة : سلامتك من الخضه يا جميل
آيه بضحك : احنا هنعاكس ولا ايه
مالك بضحك : احنا نطول برضو نعاكس القمر
آيه بضحك : ما انت عاكست وخلصت اهو
سيف كان واقف ومتابع الحوار من الاول وبعدين راح عنده
سيف : مالك فونك بيرن
مالك : طيب هرد وارجعلك يا آيه
آيه بابتسامة : ماشي تمام
مالك مشي وسيف واقف بيبص لـ آيه
آيه : ايه بتبصلي كدا ليه
سيف : مش عارف اقوالك ايه يعني لما غنا قعدتي
تمدحي فيه وهزار لا وكمان دلوقتي بتعاكس وكلام فارغ
آيه : انا كنت بكلم صحبتي وهو جي واتكلم معايا
اقوله متكلمش عشان حضرتك بتغير يعني
سيف : آيه اتجنبي غيرتي لو بتحبيني
آيه بصتله : هحاول
سيف : مفيش حاجه اسمها هحاول
آيه : سيف هو انت عاوز تتخانق دلوقتي يعني
سيف : والله العظيم ماسك نفسي بالعافيه عشان
متزعلش دا انا قولتله فونك بيرن عشان يمشي
من غيرتي عليكي
آيه بضحك : اصلا
سيف بضحك : اصلا
........................................
فارس : واقفه هنا ليه
نور : مستنيه شهد
فارس : تسمحيلي أقف معاكي
نور بابتسامة : اكيد
فارس : شكل البحر حلو اوي
نور : كان هيبقا احلا لو القمر موجود
فارس : ما موجود يا بنتي اهو
نور : موجود فين يا بني
فارس بصله بابتسامة : قدامي وبيتكلم اهو
نور بابتسامة : يسلام
فارس بابتسامة : اكدب يعني .. وبعدين انتي احلا من القمر
نور اتكسفت وسكتت
فارس : اتكسفتي لما قولتلك قمر امال لو قولتلك بحبك
نور بصتله بصدمه
فارس بضحك : والله كنت عارف انك هتبصيلي البصه دي
طيب اسيبك تفوقي من الصدمه وبعدين نتكلم
فارس مشي ونور فرحت اوي بكلام فارس وبعدين
شهد خرجت ولقيت نور بتضحك
شهد : مالك يا بت
نور : ماليش
شهد : مالكيش ازاي دا انتي عيونك بطلع قلوب
نور بابتسامة : مبسوطه حبتين فيها حاجه دي
شهد : وراحاجه انبساطك المفاجئ دا .. ليكون الواد فارس
نور : واد ايه يابت انتي فارس ميتقالهوش واد
شهد : الله الله دا بقا ليه محامين كمان
نور : امال ايه يا حبيبتي
شهد : يا بت انشفي كدا
نور : لا يا حبيبتي مش محتاجه انشق
شهد : داهيه تاخدك ونتي ملزقه كدا انتي والبت
سلمي يلا قدامي يلا
نور بضحك : ليكي يوم وهنشوف
شهد بضحك : ليه انا هبقا زيك
نور بضحك : طيب تعالي نروح للبنات
الشباب كانو واقفين سوا و آيه و سلمي واقفين سوا
والبنات راحو عندهم
سلمي : اتاخرتو كدا ليه
شهد بغمزه : اسألي نور وهي تقول
آيه : هو ايه اللي حصل