عند البنات في المول كانو بيتفرجو
نور : كل وحده تشتري فستان
البنات استغربو
سلمي : ايه السبب
نور : عشان عيد ميلادي
آيه حضنت نور : كل سنه ونتي يا نوري
نور : ونتي طيب يا توتا
شهد : كل سنه وانتي طيبه يا قلبي امتي عيد ميلاد القمر بقا
نور : ونتي طيبه يا شوشو هيكون كمان بكرا
سلمي : يعني القمر هيكبر سنه
نور بابتسامه : تخيلي كدا واكيد هتيجو صح و هخلي يوسف يقول لفارس
البنات : اكيد يا حبيبتي هنيجي
البنات دخلو محل فساتين وكل وحده اختارت فستان وكلهم احلا من بعض
وبعدين البنات طلعو من المحل
نور : هما الشباب فين
آيه : رني علي يوسف طيب
نور رنيت علي يوسف وقالها انهم قاعدين في الكافيه
البنات راحو الكافيه الي في المول ولقيو الشباب وقعدو معاهم
يوسف : ايه التأخير دا كله
نور : علي ما اختارنا كنا محتارين كل حاجه تحفه بصراحه
سيف : دول بياخدو تلت ساعات في اللبس طبيعي لما يختارو حاجه يقعدوا اكتر
آيه : ما احنا لازم ناخد وقت هي اي حاجه وخلاص
سيف بضحك : هو انتي منهم
آيه بضحك : هو مين فينا مش منهم
سيف بضحك : انا قولت كدا
نور : علي اساس يعني الشباب مش زي البنات
فارس بضحك : مش كل الشباب
يوسف بضحك : اتكلموا عن نفسكم
سلمي بضحك : نفهم ايه يعني زينا ولا زيهم
يوسف بابتسامه : يابتني ايوا انا نص ساعه وابقا خلصت
نور بضحك : شوفو مين بيتكلم
شهد بضحك : شكله بيشتغلنا
يوسف بص لنور وقال بضحك : دي ظلماني
آيه بضحك : احنا عارفين الي فيها
يوسف بضحك : الي هو ايه بقا
سلمي بعدم وعي لكلامها
سلمي بإبتسامة: يعني شيك وقمر في نفسك فا اكيد ليك وقت
يوسف متوقعش انها تقول كدا بس فرح اوي بكلامها بعدين قال
يوسف بابتسامه : تسلملي يا سلمي
سلمي اتكسفت اوي انها قالت كدا واتمنيت لو الأرض تبلعها بدل الاحراج الي هيا في ولقيتهم كلهم بيبصولها وعينها
جات في عين يوسف الي بيبصلها وقررت انها تروح الحمام عشان تهرب من نظراته
سلمي : احم أنا هروح الحمام
آيه : اجي معاكي
سلمي : لاا انا هروح لوحدي
فارس بصلها : خدي بالك من نفسك
سلمي : حاضر
وسلمي فضلت تمشي لحد ما لقيت الحمام ودخلت وقفت قدام المرايه
سلمي : يخرب بيتك يا سلمي ايه الي انتي قولتيه دا
سكتت شويه
سلمي : ما هو بصراحه امور اوي
سلمي : طيب انا اعمل ايه دلوقتي انا ازاي هطلع واقعد معاهم دلوقتي
سكتت شويه
سلمي : لاا اهدي كدا وخليكي طبيعيه وكاني مفيش حاجه حصلت
خدت نفس عميق وبعدين خرجت
نور : جو حبيبي عاوزين المرادي نغير جو ونروح الساحل
يوسف بابتسامه : انتي تومري يا اميرتي بس الكليه بتاعتك
نور بابتسامه : قلب اميرتك ما هما تلت ايام ونيجي
سيف : ايه النداله دي تطلعو من غيري
نور بضحك : واحنا من امتي بنطلع من غيرك
بعدين نور ابتسم وقالت
نور : ياريت لو كمان مالك معانا كانت هتبقا احلا
آيه باستغراب : مين مالك دا
نور : دا صاحب يوسف وبالنسبالي زي يوسف و سيف بالظبط
آيه :ربنا يخليكم لبعض بس مشفنهوش خالص يعني
نور : ما هو في امريكا درس هناك وعمل ماجستير وحاليا بيشتغل دكتور
آيه : دكتور ايه
نور : دكتور جراحه
آيه : ربنا يوفقه
سيف حس بالغيره لما آيه بتسال كتير عن مالك
سيف بضيق وهو باصص لـ آيه
سيف : يعني هتطلعو ولا اي
آيه لاحظت نظرات سيف واستغرب بس طنشت الموضوع
نور : اكيد ونتو كمان يا بنات هتطلعو معانا
سلمي : هنشوف بابا لو وافق هنطلع اكيد
نور : ونتي يا شوشو شوفي بابا واطلعي معانا
شهد بضحك : متقلقوش كدا كدا هخلي حماده يوافق واطلع معاكم
نور بضحك : اكيد هننبسط سوا
يوسف بص لفارس : ونت يا فارس اكيد هتيجي
فارس بابتسامه : أن شاء الله يا حبيبي
سيف : ايوا برضو مقلتوش امتي هنطلع
يوسف : بعد عيد ميلاد نور ويكون ظبطنا الشغل وكل
حاجه وبعدين نطلع
نور بابتسامه : دا هيكون عيد ميلادي السنادي هيكون معايا مع اخواتي .. بس مطولش ونبي
يوسف بابتسامه : حاضر
البنات ابتسموا
سلمي بإبتسامة : دا احنا بكره هتزهقي مننا
آيه بابتسامه : هنيجي ونقضي معاكي اليوم من اوله
شهد بابتسامه : دا احنا هنخليها هوليله
نور بابتسامه : ربنا يخليكم ليا
يوسف : طيب يلا بينا بقا
الكل قام وكل واحد ركب عربيته ومشيو
...........................................
عند بيت محمد
كانت قاعده زينب و سوزان و محمد وملك
سوزان : امال هما اتاخرو ليه
زينب : زمانهم علي وصول
ملك : كنت عاوزه اسلم علي فارس والبنات قبل ما نمشي
محمد : هما جاين يا حبيبتي فارس قالي في الفون
وفارس والبنات دخلو وهما قاعدين واتفاجو بعمتهم وبنتها الي ليهم زمان ماجوش
فارس : مساء الخير
الجميع رد : مساء الخير
سوزان : عامل ايه يا فارس
فارس : الحمدلله بخير يا عمتو
آيه : اذيك يا عمتو
سوزان : الحمدلله يا آيه
سلمي : عامله ايه يا عمتو
سوزان : الحمدلله يا سلمي
البنات : عامله ايه يا ملك
ملك : الحمدلله.. اذيك يا فارس
فارس بصلها : الحمدلله بخير..
بعد اذنكم يا جماعه
ودخل اوضته
البنات قعدو معاهم شويه
واتكلموا وبعدين سوزان وبنتها مشيو وكل واحد
دخل اوضته ينام
..........................................
عند يوسف
كانو وصلو قدام العماره وطلعو و يوسف رن الجرس
هناء فتحت ليهم
سيف : مساء الخير يا نونا
نور : مساء الخير يا قلبي
يوسف : مساء الخير يا ماما
هناء : مساء النور يا حبايبي في مفاجاه بقالكم زمان مستنينها
يوسف باستغراب : مفاجاه مفاجاه ايه
سيف : بقالنا زمان
نور : انتي كدا شوقتيني اعرف المفاجاه ايه
هناء بابتسامه : ادخلوا جوا ونتو تعرفو
يوسف و سيف ونور دخلو يشوفو ايه هي المفاجاه
ولقو شاب واقف مديلهم ضهره
مالك بص عليهم : surprise وحشتوني يا ولاد الايه
يوسف و سيف ونور بصاين عليه ومتفاجين
مالك بضحك : مالكم باصين وكاني شايفين شبح
يوسف بابتسامه : دا بجد دا
مالك : وجد الجد كمان
يوسف حضن مالك وبعدين بعد عنه وسيف قال
سيف بإبتسامة: وانا الي برن عليك ونت مبتردش اتاريك نزلت واحنا منعرفش
مالك بابتسامه : قولت اعملكم مفاجاه
بعدين سيف حضن مالك
نور بإبتسامة : ودي احلا مفاجاه دا انا كنت لسه جايبه سرتك
وبعدين حضنت مالك
مالك بابتسامه : وحشتني يا اوزعه
نور : اوزعه ايه دا كان زمان دلوقتي انا في كليه وهبقا مهندسه قد الدنيا
مالك بضحك : الاوزعه الي هتكبر سنه
نور : هعدهالك عشان أنا مبسوطه بس ومبسوطه اكتر انك هتحضر عيد ميلادي السنادي
سيف : وكمان ياعم طالعين الساحل ونت معانا اكيد
مالك : لاا انا معايا شغل
يوسف : يابني انت نازل من الشغل اصلا
نور : تعال معانا بس وبعدين تعال لشغل بتاعك دا انت هتنبسط اوي
مالك بضحك : عشان خاطرك يا اوزعه بس
نور بضحك : هو دا كوكو الي انا اعرفه
مالك بضحك : كوكو مش كفايه سي سيف ملوكه تيجي
انتي كمان كوكو
سيف ضحك : عشان بنحبك يا ملوكه
مالك بضحك : حبيبي يا سيفو
نور :يلا انا بقي اروح انام عشان بكره يومي تصبحو على خير
مالك بإبتسامة: وانتي من اهل الخير يا سندريلاه
سيف بضحك : طيب انا بكره من الفجر هتلاقي هنا
نور بغمزه : ما انا عارفه ليه هتبقا من الفجر هنا
سيف بضحك : دايما فهماني غلط
نور بضحك : عليا انا برضو
يوسف : طيب يلا يا لمضه روحي نامي عشان معاكي كليه بكره
نور : طيب يلا تصبحو على خير
الكل : وانتي من اهل الخير
...........................................
عند سلمي كانت في الاوضه واقفه في البلكونه والباب خبط
سلمي : ادخل
دخلت آيه وراحت لـ سلمي البلكونه ووقفت جمبها
آيه : ايه مسهر القمر
سلمي بضحك : مفيش عادي
آيه بغمزه : هو ايه الي حصل انهارده دا
سلمي باستغراب : حصل ايه
آيه : استهبلي استهبلي
سلمي : يا بنتي والله مش فاهمه حاجه
آيه وهي بتقلد سلمي : يعني شيك وقمر في نفسك فا اكيد ليك وقت
سلمي بضحك : انا بتكلم كدا
آيه بضحك : يعني معترفه انك قولتي
سلمي بضحك : لاا
آيه بضحك : هعتبر انك قولتي ايوا
سلمي ضحكت
آيه : قوليلي بقا مش فهماكي
سلمي : مش فاهمه ايه
آيه : كلامك انهارده
سلمي بهيام : بصراحه هو قمر اوي يا توتا
آيه بابتسامه : وايه كمان
سلمي بعدم وعي : مش قادره اوصفه بصراحه يا بخت نور بتشوفه كل يوم
آيه حضنت سلمي : ما انتي بكره هتشوفي
سلمي : تصدقي دي احلا حاجه هتحصل في اليوم والاحل هيبقا قدامي كتير
آيه بضحك : دا انتي واقعه من الدور العاشر بقا
سلمي فاقت علي ضحك آيه
سلمي : هاا لاا اه مش عارفه
وحطت ايدينها علي وشها
آيه : انتي حبتيه يا سلومتي
سلمي بصت لـ آيه
سلمي : مش عارفه بستني اي صدفه تخليني اشوفه لما بشوفه بحس بحاجات غريبه نظرته بتوترني بحب ضحكته اوي شكلي حبيته
آيه بابتسامه : ودي حاجه حلوه ولا وحشه
سلمي : مش عاوزه مشاعري تكبر اكتر من كدا ممكن هو معندوش مشاعر تجاهي
آيه : الي ليكي مش هيكون لغيرك اطمني
سلمي ابتسمت
سلمي : انتي بقا ايه الحكايه
آيه باستغراب : حكايه ايه
سلمي : ملاحظتيش حاجه انهارده
آيه : انتي بتتكلمي بالالغاز ليه
سلمي : يعني انتي مشوفتيش نظرات سيف باشا ليكي
آيه : انا لاحظت بس اكيد لاا مفيش حاجه من الي في دماغك دي
سلمي بغمزه : ونتي ايه عرفك بالي في دماغي
آيه : قصدك يعني حب والكلام دا
سلمي : بت متلفيش عليا
آيه : يابنتي زي ما بقولك انا من ناحيتي مفيش اي حاجه ممكن من ناحيته في
سلمي : من جه من ناحيته فا هو في انتي مشوفتيش نظراته انهارده
آيه : طيب سيبك من الموضوع دا ويلا انا هروح انام
سلمي : طيب ما تخليكي ننام سوا
آيه : طيب يلا بينا عشان هموت وهنام
وبعدين البنات نامو
............................................
في صباح جديد الساعه التامنه صباحا يوم ملئ بالاحداث
بتصحا نور من النوم وبتلاقي هديه جمبها علي السرير
وبتفتحها وبتلاقي فستان باللون البينك وفرحت اووي وبعدين اخدت شاور ولبست هدومها وخرجت من اوضتها ولقيت متجمعين علي السفره
نور : صباح الخير علي الجميع
الكل : صباح الخير يا نوري
نور بابتسامه : شكرا علي الهديه يا جو
يوسف بابتسامه : علي ايه يا قلب جو
نور : ونتو بقا فين الهديه
مالك : احلا هديه هتجيلك انهارده يا نوري
نور : حبيبي يا كوكو
سيف : احلي هديه هتكون عند القمر بتاعي
نور :هو دا سيفو حبيبي
هناء بابتسامه : ربنا يخليكم لبعض يا حبايب قلبي
الكل : ويخليكي لينا يا نونا
يوسف : طيب يا شباب انا هوصل نور ونتو ظبطو الدنيا علي ما اجي ونتي يا نور يلا بينا
نور : يلا
ونور و يوسف مشيو ومالك وسيف كان بيشوف هيعمل ايه
.............................................
عند سلمي و آيه كانو نايمين والباب خبط ودخلت زينب
زينب : قومو يا بنات انتو لسه نايمين
سلمي بنوم : خمسه دقايق كمان يا زوزا
زينب : يا بت الساعه تمانيه ونص امتي هتروح الكليه
سلمي فتحت عينها وقامت بسرعه
سلمي : يالهووي زمانها نور وصلت وهتدايق مننا آيه قومي يلا
آيه : في ايه يا بنتي
سلمي قامت
سلمي : الساعه تامنيه ونص فوقي وانا هاخد شاور
آيه : طيب
بعد شويه سلمي طلعت و آيه دخلت الحمام تاخد شاور وسلمي بتلبس وبعد شويه آيه طلعت ولبست وخرجت هي وسلمي
كان محمد و فارس و زينب قاعدين علي السفره
آيه و سلمي : صباح الخير
الكل رد : صباح النور
زينب : اقعدو افطرو يلا
سلمي : لا قدام احنا اتاخرنا
فارس : طيب يلا اوصلكم
البنات و فارس نزلو وركبوا العربيه
في العربيه
سلمي : احنا محتاجين نجيب هديه
آيه : اوبس دا انا نسيت
فارس : في محل قدام بتاع هدايا متقلقوش
سلمي : طيب تمام
بعد شويه وصلو قدام المحل ونزلو البنات وفارس
البنات كانو بيتفرجو ومحتارين يجيبو ايه وفارس كان بيتفرج وفي سلسله عجبته اوي فا قرر يجيبها وكان لسه هيروح بس وقف
فارس : ثواني بس انت هتجيبها لمين سكت شويه وبعدين قال هيكون لمين يعني اكيد لنور
وبعدين البنات كانو اشتروا هدايا وراحوا لفارس
سلمي وهي بتبص علي السلسله الي ماسكها فارس
سلمي : ايه الجمال دا
فارس : يعني بجد حلوه عشان أنا مش هعرف انها ممكن تعجبها او لا
آيه : الي هي مين دي تعجبها ولا لا
فارس : نور
آيه : امممم
فارس : مالها البت دي
سلمي : سيبك من البت دي السلسله تحفه
فارس : طيب تعالو ندفع تمنهم عشان نمشي
وبعد شويه فارس والبنات مشيو وراحو الكليه
.............................................
يوسف وصل نور قدام الكليه
يوسف : لما تخلصي رني عليا عشان اجي اخدك
نور بابتسامه : كمان البنات هيجو معايا
يوسف : خلاص ماشي انا هروح اشوف الشباب ونظبط الدنيا لحد ما تخلصي
نور : ماشي يا حبيبي
يوسف : ادخلي الكليه و يلا سلام
نور : سلام
نور دخلت الكليه وراحت الكافيه ولقيت شهد قاعده
وسلمت عليها
نور : صباح الورد يا شوشو
شهد : صباح الجمال يا قمر يومك
نور بابتسامه : ايه حماده وافق
شهد بضحك : عيب يا بنتي دا اكيد
نور ضحكت
نور : محدش من البنات لسه جي
شهد : لا انا لسه واصله من شويه
وفضلو يتكلموا
............................................
عند فارس كان وصل قدام الكليه والبنات نزلو وفارس مشي والبنات دخلو الكليه وراحو الكافيه ولقو شهد و نور قاعدين
آيه : صباح الحلويات
نور و شهد : صباح الشقطه
سلمي : صباح الورد
شهد و نور : صباح الفل
نور : اتاخرتو ليه
سلمي : راحت علينا نومه
نور : لا دا انتو انهارده لازم تبقو فايقين اوي انهارده مش اي يوم
سلمي : دا اكيد يا قمري
شهد : يلا بينا علي المحاضره طيب
البنات : يلا
وشهد ونور و سلمي راحوا المحاضره و آيه راحت محاضرتها
............................................
عند يوسف
كان وصل ونزل من العربيه وطلع شقتهم وفتحله مالك ودخل ولقي سيف بياكل
يوسف بص علي مالك
يوسف : هو بيعمل ايه
مالك بضحك : زي ما انت شايف بياكل
سيف بصلهم :في أي ياعم انت وهو
يوسف : لا مفيش بس هو انت مش من شويه كنت بتاكل
سيف : جوعت بصراحه
يوسف : دا احنا مكملناش ساعتين علي بعض
سيف : افضلو انبرو لحد ما اختفي خالص من قله الاكل
مالك بضحك : دا احنا الي هنختفي جمبك والله
يوسف : دا انت بتاكل ومش باين عليك مش عارف ازاي
سيف : نونا تعالي شوفي ابنك وصاحبه الي باصين في الاكل الي بأكله
هناء جات
هناء : ما تسيبو الواد ياكل
سيف : قوليلهم
يوسف : قوم كفايه طيب خلينا نشوف هنعمل ايه
و الشباب بداو يعملو تزين حلو لعيد ميلاد نور
.............................................
عند فارس في الشركه
كان مع باباه في المكتب
محمد : بخصوص حسام في جديد في الشغل
فارس : هو غير شويه حاجات زي ما قولتلك المره الي فاتت
محمد : وهتبتدي امتي شغل فيها
فارس : بكره أن شاء الله صحيح انهارده عيد ميلاد نور
اخت يوسف وعزمينا عندهم
محمد : طيب وقولت لمامتك
فارس : ما انا قولت اقولها لما نروح
محمد : تمام روح علي مكتبك عشان تخلص شغل
فارس : طيب
وبعدين فارس خرج من المكتب وراح مكتبه يشتغل شويه
.............................................
عند البنات كانو خلصوا واتجمعو
آيه : يلا بينا نمشي ولا اي
نور : يوسف هيجي ياخدنا انا هرن عليه
ونور رنيت علي يوسف الي رد عليها
يوسف : ايوا يا حبيبتي
نور : احنا خلصنا يا جو
يوسف : طيب مسافه السكه
وبعدين قفلت معاه
وعند يوسف كانو الشباب خلصوا تزين وكانت حاجه تحفه
يوسف : طيب انا هجيب نور والبنات
سيف : طيب ما تاخدني معاك ياخي
يوسف بضحك : بلاش انت
سيف : ماشي ليك يوم ياعم
مالك بضحك : امشي انت بس هات نور و البنات وسيبه
يوسف مشي راح يجيب البنات
.........................................
عند البنات كانو قاعدين في الكافيه وفون نور رن وكان يوسف رديت عليه
نور : ايوا يا جو
يوسف : انا وصلت يا نور اطلعي يلا
نور : ماشي
وقفلت معاه وبعدين البنات طلعوا من الكليه لقو يوسف بعربيته وركبوا العربيه
البنات : السلام عليكم
يوسف : وعليكم السلام
نور : ايه امال سيف ومالك فين
يوسف : في البيت
نور : طيب بينا عشان نوصل
وبعد وقت وصلو قدام العماره البنات نزلو وطلعو مع نور ويوسف طلع وراهم
نور رنيت الجرس وفتح ليها سيف
نور : وسع كدا
سيف : طيب حتي سلمي عليا الاول أو سبيني اسلم علي البنات
نور بضحك : اذيك يا حضره الظابط
سيف بضحك : اهلا يا باش مهندسه .. اذيكم يا بنات عاملين ايه
البنات : اهلا بيك يا حضره الظابط
البنات دخلو وقعدو في الريسبشن ونور راحت تشوف مامتها وهناء خرجت وسلمت علي البنات وقعدت معاهم
نور : امال فين مالك يا ماما
هناء : بيتكلم بالفون في البلكونه
آيه باستغراب : هو مش مالك دا الي في امريكا برضو
نور بإبتسامه : ما هو امبارح لما رجعنا لقيناه هنا وعملها لينا مفاجاه
آيه : طيب كويس حمدالله على سلامته
وبعدين مالك بيطلع من البلكونه وبيلاقي البنات قاعدين
نور : تعال يا مالك اعرفك بصحابي آيه و سلمي و شهد
ودا بقا مالك
مالك : اهلا وسهلا بيكم
البنات : اهلا بيك
مالك بهمس لنور :هما دول صحابك البنات
نور بنفس الهمس : اه هما
سيف بهمس : انتو بتهمسو علي ايه
نور : ونت مالك ياض
سيف : هي بقت كدا ماشي
يوسف : ونت دايما حاشر مناخيرك في الي مالكش في ليع
نور بضحك : شكلك بتتهزق
آيه بضحك : اقعد بكرامتك احسن يا سيف
سيف بضحك : والله انا دمي خفيف بس هما بيقفشو عليا
سلمي بإبتسامة : ما هو باين انك بتحب الهزاز
يوسف : هو انتي شوفتي حاجه دي حاجه بسيطه
شهد بضحك : هو في اكتر من كدا تاني
مالك بضحك : كتير اوي
هناء : طيب يلا يا نور نحضر الغداء
آيه : استني يا طنط هنيجي معاكو
هناء : لا مش عاوزه اتعبكم يا حبايبي
سلمي : مفيش ولا تعب ولا حاجه يا طنط
شهد : يلا بينا طيب
سيف : متتاخريش علينا يا نونا عشان جعان
والبنات وهناء دخلو المطبخ يحضرو الغداء
يوسف : يخرب بيتك امال الي كان بياكل مين دا
سيف : هو انت هتعد عليا الاكل ياعم انت
مالك بضحك : بصراحه كتر خير البنت الي هتجوزه
سيف : عارف والله يا بختها الي هيكون من نصيبها هتاخد شاب امور وحليوه
يوسف بضحك : متوضع
مالك بضحك : قصدك مغرور
سيف : اشكركم علي مدحكم ليا
نور والبنات حضرو السفره وخلصو الاكل ونور ناديت علي الشباب واكلو في جو هادي
سلمي وهي بتاكل وقع علي هدومها اكل فقامت
سلمي : نور هي اوضتك فين
نور : اخر الطرقه علي ايدك اليمين
سلمي : طيب
آيه : اجي معاكي اساعدك
سلمي : لاا خليكي انتي
سلمي مشيت اخر الطريقه ودخلت الاوضه و دخلت الحمام ونضفت هدومها وخرجت من الحمام لقيت صوره ليوسف كبيره ابتسمت وبعدين قالت
سلمي : هي نور حاطه صوره ليوسف ليه كملت كلامها ايه الغباء دا ما هو اخوها
بعدين ظبطت نفسها بالمرايه وهنا يوسف دخل الأوضه وقفل الباب وقلع القميص بتاعه
سلمي باصه في المرايه علي انعكاسه ومش عارفه تتحرك
يوسف بص وراه ولقي سلمي واقفه بصلها ومسك قميصه ولبسه
يوسف كان هيتكلم سلمي خرجت من الأوضه بسرعه
وراحت للبنات كانو في المطبخ
نور : طولتي ليه كدا
سلمي : علي ما خلصت
آيه لاحظت توتر سلمي
آيه راحت لسلمي وقالت بهمس : انتي كويسه
سلمي : كويسه
هناء : طيب روحو يا حبايبي انتو ارتاحو
نور : يلا بينا يا بنات
والبنات راحو اوضه نور
..........................................
عند فارس كان خلص شغل وطلع من مكتبه وراح مكتب باباه وبعدين طلعو من الشركه ومشيو
وبعد شويه وصلو وطلعو وفتحت ليهم زينب
زينب : حمدالله على السلامه
فارس : الله يسلمك يا ماما
محمد : الله يسلمك يا حبيبتي
زينب : غيرو علي ما احضر الغداء
وبعد شويه اكلو سوا وخلصو
وفارس كان هيدخل اوضه
فارس : ماما انهارده عيد ميلاد نور وعزماكي
زينب : ماشي يا حبيبي
بعدين فارس دخل اوضه
............................................
وبعد وقت البنات كانو لبسو الفساتين وكانو حلوين اوي
نور : تعالو يا بنات نتصور
وفضلو يتصورو كتير
هناء دخلت عليهم : يلا يا بنات
البنات : حاضر
بعدين خرجت هناء و وراها البنات ونور عرفتهم علي الضيوف وفضلو يتكلموا ويهزرو سلمي وهي بتضحك عينها جات علي عين يوسف الي بصالها اتوترت وشالت عينها بسرعه
سلمي : هروح الحمام وهاجي
البنات : ماشي
سلمي مشيت و يوسف راح وراها وبعدين سلمي كانت قدام اوضه نور ودخلت البلكونه وفضلت تتنفس شويه
وبعدين خرجت وكان يوسف قدام الباب
سلمي بصتله ومش عارفه تقول ايه
يوسف : انا حابب اوضحلك سوء التفاهم الي حصل انا اسف مكنتش اعرف انك في الاوضه
سلمي : انا الي اسفه كنت فاكرها اوضه نور
يوسف ابتسم : حصل خير
سلمي : بعد اذنك
يوسف : اتفضلي
سلمي مشيت و يوسف ابتسم ومشي
فارس ومامته وباباه كانو وصلو
يوسف وهناء استقبالهم
هناء : نورتو يا جماعه
زينب : دا نورك يا حبيبتي
يوسف : اتفضلو يا جماعه
محمد و زينب و فارس قعدو والبنات راحو ليهم
نور : اذيك يا عمو
محمد : اهلا يا حبيبتي كل سنه وانتي طيبه
نور بابتسامه : ونت طيب يا عمو .. عامله ايه يا زوزا
زينب بابتسامه : الحمدلله بخير يا حبيبتي كل سنه وانتي طيبه
نور : ونتي طيبه يا زوزا
نور بصيت لفارس الي كان عيونه عليها
فارس : كل سنه وانتي طيبه يا نور
نور بابتسامه : ونت طيب يا فارس
آيه فونها رن وقمت ترد عليه كانت بتتكلم وفجاه
حد خبط فيها
مالك : اسف والله مقصدش
آيه : ولا يهمك حصل خير
مالك : طيب انتي كويسه
آيه بابتسامه : الحمدلله تمام يا دكتور
مالك بضحك : دكتور اي انتي تقولي مالك من غير دكتور
آيه بضحك : اوك يا مالك
مالك بابتسامه : انتي كليه ايه بقا
آيه : هندسه
مالك : يعني زي الاوزعه الي هناك دي
آيه باستغراب : اوزعه مين
مالك بضحك : اقصد نور
آيه بضحك : هو انت مسميها اوزعه
مالك : بحب انكشها بس
فضلو يهزرو ويضحكون
وسيف كان واقف وشايفهم من بعيد وحس بالغيره فا راح
يشوف بيضحكو علي ايه
سيف بضيق : بتضحكو علي ايه
" روايه عانيت لأحُبك "
" البارت التامن "
" الكاتبه فاطمه محمود "
تَبُوحُ لَهَا بِالحُبِّ عَيْنَايَ إِنَّمَا
لِسَانِيَ يَسْتَحْيِي فَلَا يَتَكَلَّمُ ♡
سيف بضيق : بتضحكو علي ايه
آيه و مالك استغربوا طريقته لانه علي طول بيهزر
آيه : مفيش كنا بنتكلم عادي بعد اذنكم
مالك بابتسامه : اتفضلي
سيف فضل باصص علي مالك
مالك باستغراب : في ايه مالك ياعم
سيف محبش يقول انه ادايق لما كانو واقفين بيهزوز
سوا هو و آيه فغير الموضوع
سيف : لا مفيش شوفتكم بتضحكو وبتهزرو قولت اجي اضحك معاكم انت عارفني بحب الهزار
مالك بابتسامه : بس دخلتك علينا مكانتش بتقول كدا دا البنت اتخضت ومشيت ياجدع
سيف : دا انا دايقتها اوي كدا دا انا مكنتش اعرف
مالك بضحك : شوفت بقا
سيف بضحك : طيب تعال نشوف يوسف
وبعدين راحو ليوسف كان قاعد مع فارس وفضلو يتكلمو
عند البنات
شهد : ايه قعدت المطلقين دي
نور بضحك : عاوزه ايه طيب
آيه بضحك : انا عارفه هي عاوزه ايه
سلمي بضحك : شغلي ليها اغاني بس مهرجانات
نور ضحك : ثواني هشغل وارجع
ونور شغلت مهرجان اسحب سيفك يلا
شهد : يلا بينا هنزيع ننطلق وشجيع مشاغبين
دماغها والعة جابوا سلاح جهزوا طالعة هتخرب
تخرب هتقلب تقلب نضرب اضرب ولع ولع نفرقع
نفرقع نسمع نسمع
البنات ضحكو عليها
شهد : تعالو نرقص يلا
سلمي : طيب والناس
نور : فكك ياعم
آيه : تعالو اليوم دا مش هيتعوض
نور بضحك : توتا معاها حق
وبدأوا البنات بيرقصو وكل الموجودين والشباب
بصولهم وانبهرو برقصهم
والبنات كانوا بيرقصو وبيغنو سوا وهما مبسوطين
سيف : احنا هنفضل نتفرج عليهم ولا ايه
يوسف : هنعمل ايه يعني
مالك : نرقص مثلا
سيف بضحك : فاهمني انت
مالك بضحك : طيب قوم يلا
سيف : يلا يا يوسف
يوسف بضحك : احنا ظباط يابني هنرقص ازاي
سيف : حد قالك أن واخده شهاده ممنوع الرقص
مالك بضحك : مش عارف يوسف دماغه فاكه انهارده ليه
يوسف بضحك : انا دماغي فاكه
مالك بضحك ورفع ايدو : بسحب كلامي
سيف بضحك : يا جدعان يلا
يوسف بضحك : ماشي يلا
سيف بص علي فارس
سيف : يلا يا فارس
فارس بصله : اكيد مش بتكلمني انا
سيف بضحك : لا بكلمك انت ياعم تعال يلا
فارس : لا انا مبعرفش روحو انتو
سيف بضحك : منظرك هيبقا وحش ونت واقف
لوحدك تعال اخلص
فارس بضحك : ما انا هسقفلكم
مالك بضحك : يا عم اخلص يلا
البنات كانو بيرقصو واتفاجو بالشباب بيرقصو هما كمان
البنات : اووووو
شهد : استنو هغير ليكم المهرجان وشهد غيرت المهرجان وشغلت مهرجان صاحبي يا صاحبي
والشباب رقصو و انبهرو برقص فارس
سيف بضحك : ايه ياعم ده مالها العالم برة عاملين كدا ليه
يوسف بضحك وهو بيشاور علي سيف : وانا وانت يا صاحبي مالنا مش لايقين كده ليه
مالك بضحك : مش شبه الناس دي في حاجه ولا فاهمين منهم حاجه
فارس بضحك : ولا عارفين نسلك وسط الهوجة هنعمل ايه
شهد بضحك : صاحبي يا صاحبي انت اللي لوحدك شبهي
سلمي بضحك : دا في ناس في كروش بتعبي وفي ناس بتنسي تربي
آيه بضحك : صاحبي يا صاحبي انت اللي مقوي لي قلبي
نور بضحك : انت اللي ساندي وجنبي وطول ما انت كتف في كتفي
الشباب و البنات : نقدر ع الدنيا نقدر ع الدنيا يا صاحبي
فضلو يغنو ويرقصو بسعاده
وبعد شويه خلصوا رقص والبنات و الشباب قعدو
سيف : فين دا الي مش عارف يا عم فارس دا انت ابهرتنا
فارس بضحك : اصلا مش متعود ارقص
سيف بضحك : يعني انا الي عارف ما كنت بهبل وخلاص
مالك بضحك : فعلا احنا كنا بنهبل
سيف بضحك : احلي هبل دا ولا ايه
يوسف بضحك : مصاحب شويه مجانين والله
الشباب فضلو يهزرو ويضحكو ونور جات عليهم
نور : يوسف تعال انت و الشباب نتصور سوا
يوسف : ماشي يا قلبي
بعدين الشباب راحوا عشان يتصورو الشباب وقفوا جمب بعض والبنات جمب بعض واتصورو وكانت صوره جميله اوي
نور : ماما زوزا عمو محمد تعالو اتصورو معانا
واتصور كلهم سوا
يوسف بابتسامه : يلا يا حبيبتي عشان تطفي الشمع
وبعدين نور وقفت قدام ترابيزه كبيرة عليها حلويات كتير وكيك متزين بطريقه تجنن
سلمي و آيه و شهد كانو واقفين من ناحيه و يوسف
و سيف و مالك و فارس من ناحيه
كل الموجودين والشباب والبنات غنو اغاني العيد
ميلاد ونور مبسوطه
آيه : يلا اطفي الشمع يا نوري
نور كانت هتطفي الشمع بس وقفت علي صوت سلمي
سلمي : لاا اتمني حاجه الاول
نور اتمنت وبعدين طفت الشمع وقطعت الكيك
آيه : كل سنه وانتي طيبه يا نوري اتفضلي
نور : ونتي طيبه يا توتا شكرا علي الهديه ياقلبي
سلمي : كل سنه وانتي طيبه يا قلبي يارب تعجبك
نور : ونتي طيبه يا سلومتي اكيد هتعجبني يا حبيبتي
شهد : كل سنه وانتي طيبه يا روحي اتفضلي
نور : ونتي طيبه يا شوشو شكرا يا قلبي
سيف : كل سنه وانتي طيبه يا نوري اتفضلي
نور : ونت طيب يا سيفو تسلملي
مالك : هديتك يا قمري عام الهنا
نور : حبيبي يا مالك
فارس كان عاوزه يدلها الهديه بس مكانش عارف
وبعدين كلهم قعدو الشباب سوا والبنات سوا
ومحمد و زينب وهناء سوا
وبعدين آيه كانت بتوزع الكيك علي الشباب
وراحت لشباب كانو قاعدين سوا
آيه : اتفضل يا حبيبي
فارس : ماشي يا قلبي
آيه : اتفضل يا باشا
يوسف بابتسامه : ماشي يا بشمهندسه
آيه بابتسامه : اتفضل يا دكتور
مالك ابتسم : شكرا يا هندسه
آيه : هو سيف فين
فارس : بيتكلم في الفون في البلكونه
آيه : ماشي
وبعدين آيه راحت لسيف البلكونه كان خلص بالفون
آيه : اتفضل يا حضره الظابط
سيف بإبتسامة : شكرا يا آيه
آيه كانت ماشيه وقفت لما سيف اتكلم
سيف : اسف
رجعت بصت لسيف
آيه : علي ايه
سيف : لما كنتي بتهزري انتي ومالك وبقولكم
بتضحكوا علي ايه حسيتك اديقتي
آيه : ما حصلش حاجه
سيف : اتمني أنك ما تكونيش زعلانه مني
آيه بابتسامه : لاا ابدا
سيف : تصدقي ابتسامتك حلوه
آيه بكسوف : ميرسي
بعدين آيه مشيت ورحت عند البنات وفضلو يتكلموا سوا
نور : ما تيجو نشرب حاجه
آيه : انا هاجيب انا وسلمي ونتي وشهد خليكم هنا
نور : ماشي
آيه : تعالي يا سلمي
سلمي : يلا
آيه و سلمي راحوا يجيبو عصير
نور بصت لشهد : ايه يا شوشو الكيك عاجبك
شهد وهي بتاكل : جدا
نور بضحك : ما واضح دا انتي وسختي ايدك زي الاطفال
شهد بضحك : طيب هروح الحمام واجي
نور : ماشي
فارس كان قاعد مع الشباب بص علي نور شافها قاعده
لوحده ولقي انها فرصه مناسبه يديلها الهديه و قرر انه
يروحلها
فارس : بعد اذنكم يا شباب
يوسف : اتفضل يا حبيبي
وبعدين راح عند نور
فارس : نور
نور بصتله : نعم
فارس طلع علبه صغيره متزينه بطريقه حلوه
فارس : اتفضلي
نور : ايه دا
فارس : شوفتها وبصراحه عجبتني فا جبتهالك
يارب تعجبك بس
نور اخدتها من فارس
نور بابتسامه : اكيد هتعجبني
فارس ابتسم : طيب بعد اذنك
نور بابتسامه : اتفضل
فارس مشي و آيه و سلمي راحوا لنور
آيه : اتفضلي يا ستي
نور بابتسامه : ميرسي يا توتا
سلمي : شهد فين
نور بضحك : راحت الحمام اصلا انتو مشوفتوش
شكلها وهي كانت بتاكل الكيك
سلمي بضحك : عارفين الفضايح دي
شهد كانت جايه عليهم
آيه بضحك : لسه جايبن في سرتك
شهد باستغراب : ليه
سلمي بضحك : اخبار الكيك ايه
شهد بغيظ : ونا اقول ليه شرقت وانا بشرب مياه اتاريها عيونكم الي جايبانا ورا
نور بضحك : متزعليش نفسك بس دا لو عاوزه كيك تاني
اجبلك كمان
شهد بضحك : انا مش زعلانه خلاص هاتي بقا
آيه بضحك : جبيلها اكل وتديكي عنيها
شهد بضحك : بنات اقرب ما للإنسان معدته
فا بلاش قر علينا بقا
البنات ضحكو وفضلو يتكلمو كتير
محمد : يلا بينا يا فارس
فارس : حاضر يا بابا هقول للبنات
هناء : ما تقعدو شويه يا جماعه
دا انتو نورتونا والله
زينب بابتسامه : حبيبتي تسلمي مره تانيه أن شاء الله
البنات وفارس ومحمد و زينب سلمو علي نور وهناء
والشباب ومشيو
نور بابتسامه : كان احلا عيد ميلاد في حياتي
هناء بابتسامه : كل سنه يبقا احلا أن شاء الله عليكي
مالك بضحك : مش مصدق الاوزعه كمان كبرت سنه
نور بضحك : لا صدق اهو الاوزعه دي كبرت سنه
سيف : بس كان عيد ميلاد تحفه انبسطنا في
نور : لا بس فاجأتني انهارده ونت بترقص
سيف بضحك : دي حاجه بسيطه بس يابنتي من الي عندي
يوسف : طيب يلا يا اخويا انت وهو كل واحد علي شقته
مالك : شايفه ابنك بيتطردنا يا نونا
هناء : هو يقدر اصلا
سيف بضحك : اهو نونا دي الي ميقدرش يتكلم قدامها
يوسف بضحك : طيب يلا يا خفيف
مالك و سيف : طيب تصبحو على خير
الكل : ونتو من أهله
ومالك وسيف كل واحد راح علي شقته
نور : هدخل انام انا تصبحو علي خير
يوسف و هناء : ونتي من اهل الخير
ويوسف دخل اوضته وكمان هناء
............................................
عند نور دخلت اوضته وقعدت علي السرير وقررت
تفتح الهدايا وانبستط بيهم اوي وبعدين فتحت الهديه
الي جبهالها فارس وعجبتها اوي وبعدين مسكت فونها
ونزلت الصوره الي اتصوروها سوا البنات والشباب علي الفيسبوك وعملت ليهم كلهم منشن ما عادا فارس
نور بابتسامه : كان نفسي اعملك منشن يا فاروسه
بس مش عندي اصلا
سكتت شويه وضحكت
نور بضحك : فاروسه ايه انتي كمان اهدي كدا خلينا في الصوره كدا
وبعدين كتبت عليها كان احلا عيد ميلاد بوجودكم معايا
نور بابتسامه وهي بتفتكر فارس : قد ايه كان لطيف
انهارده طيب انا عاوزه اشوف صوره دلوقتي اعمل ايه
سكتت شويه
نور : راحت عليا من عند سلمي
بعدين دخلت اكونت سلمي وشافت اخر بوست
وكان فارس عامل لاف
نور بضحك : ايوا بقا
ودخلت اكونت فارس وفضلت تتفرج علي صوره
...............................
عند سلمي وايه كان قاعدين سوا وكل وحده جالها
اشعار من الفيسبوك من نور عامله ليهم منشن وشافو
الصوره
آيه : شوفتي الصوره الي نزلتها نور
سلمي : اه ماهي عامله منشن
آيه : دي عامله منشن لشباب كمان
وبعدين بصت لسلمي
آيه بغمزه : جاتلك لحد عندك اهي تتفرجي عليه براحتك
سلمي ابتسمت : خلاص بقا
آيه بضحك : انتي بتكسفي
سلمي بابتسامه : يووو يا توتا
آيه ابتسمت علي سلمي وبعدين علقت لنور وجودك
في حياتنا اجمل حاجه ياقلبي وبعدين قامت
آيه : انا هروح انام مش هتنامي ولا ايه
سلمي وهي باصه في الفون : شويه كدا
آيه بغمزه : متسهريش كتير هاا ورانا كليه بكره
سلمي بضحك : ماشي
آيه طلعت من اوضه سلمي وراحت اوضتها
وسلمي علقت لنور حبيبتي وجودك هو اللي محلي
حياتنا
ودخلت اكونت يوسف وفضلت تتفرج
سلمي بهيام : قد ايه انت جميل يا جو
...........................................
فارس كان في اوضه قاعد علي السرير
وماسك ال فون وشاف الصوره الي اتصوروها
عند سلمي فأدخل علي اكونت نور وفضل
يتفرج علي صورها كان هيدخل يكلمها بس اتردد
فارس : طيب اقولها ايه ايوا هقولها عجبتك
الهديه وخلاص
بعدين بعتلها وفضل يتفرج علي صورها
وهو مبسوط
............................................
عند شهد كانت واقفه في البلكونه ومشغله
اغاني وصلها اشعار من الفيسبوك مسكت
التليفون وشافت الصوره ابتسمت لما شافت
سيف وعلقت لنور وجودك في حياتنا اجمل
صدفه يانوري وشافت اكونت سيف دخلت
عليه واتفرجت علي صوره
............................................
عند مالك كان قاعد مسك الفون وجاله اشعار
من الفيسبوك من نور ابتسم لما شاف الصوره
وعلق وجودك هو الاحلا يااوزعه بعدين شايف
آيه معلقه ابتسم بعدين دخل اكونت
آيه وفضل يتفرج عليه
..............................................
عند سيف كان نايم ع السرير وجاله اشعار من
الفيسبوك من نور دخل ع الفيسبوك وشاف
الصوره بعدين علق لنور القمر اللي منوره
الصوره بعدين دخل على صفحه آيه بعتلها ع
الخاص ازيك ياقمر
...............................................
عند يوسف كان خارج من الحمام و وصله اشعار
مسك الفون وشاف الصوره ابتسم وعلق وجودك
هو اجمل حاجه في حياتي يا قلب اخوكي بعدين
شاف سلمي معلقه ودخل الاكونت بتاعها وبعت
ادد بالغلط ومخدش باله وفضل يتفرج لحد ما نام
................................................
صباح جديد علي ابطالنا
يوسف كان صحي من النوم واخد شاور وكان
بيلبس هدومه والباب اتفتح وكان سيف
سيف : صباحوو نعناع
يوسف : صباحو زفت عليك هو
الباب اتعمل ليه
سيف : تصدق عندك حق
يوسف : طيب الحمدلله انك فهمت
سيف بضحك : المفروض ماكانش اتعمل
يوسف بصله بقله حيله : بكلم مين انا
فارس بثقه : سيف باشا
يوسف : اركن الثقه دي علي جمب وانهارده ورانا شغل كتير
سيف : ياعم لما نروح الشغل يبقا نتكلم مش هيبقا هنا وهناك
واخلص يا خويا مش ليك ساعه قدام المرايه الواحد جاع
يوسف : حبيبي وايه الجديد انت علي طول جعان
سيف : طيب يلا
يوسف : جاي وراك
سيف مشي ويوسف كان بيكمل لبس
سيف قعد علي السفره
سيف بصوت عالي : ايه يا نونا
هناء وهي طالعه من المطبخ : خلاص يا حبيبي اهو
سيف : محدش في البيت دا ليه مش طالع من اوضته
ابنك ليه ساعه قدام المرايا والبت نور فين
هناء قعدت هي كمان
هناء : بتلبس جوا
سيف : طيب ناوليني عيش
هناء : اتفضل يا حبيبي
سيف اخد العيش وفضل ياكل
هناء : عجبك الاكل
سيف : الله عليكي يا نونا انتي بتساليني دا انا قربت
اخلص الاكل
هناء بابتسامه : بالهنا ع قلبك يا حبيبي
سيف بضحك : حبيبتي يا نونا
والباب خبط وهناء قامت تفتح وكان مالك
مالك : صباح الخير يا نونا
هناء : صباح الخير يا حبيبي
مالك بص ع سيف : انت كنت بايت هنا ولا ايه
سيف : صباح الخير يا عم
مالك قعد جمب سيف
مالك : طيب خف شويه لتشرق من كتر الاكل
سيف : بعد عيونك انت ونا هبقا زي الفل
يوسف خرج من اوضه وقعد معاهم
يوسف : صباح الخير
الكل : صباح النور
يوسف : احنا هنحسب إقامتك هنا
سيف وقف اكل
سيف : طيب والله البيت دا ما ليه حس من غيري
مش كدا يا نونا
هناء بضحك : دا اكيد يا حبيبي
نور جات وقعدت معاهم
نور : صباح الورد
الكل : صباح الفل
نور : ماله صوت سيف عالي كدا
مالك بضحك : دا سيف اتحمق شويه بس
نور بضحك : ليه ايه حصل
مالك بضحك : كالعاده يوسف بينكش في سيف
نور بضحك : طيب بطلو تنكوشو في بعض دلوقتي عشان توصلوني الكليه
سيف : انا كنت قاعد في حالي بفطر واخوكي الي بينكش فيا
يوسف : طيب افطر ونت ساكت عشان ورانا شغل
مالك : ياريت تاخدوني معاكم
يوسف بهزار : هو مش كل واحد منكم معاه عربيه
مالك و سيف في صوت واحد :
عشان بنحبك يا جو
نور بضحك : دا انتو طلعتو مصلحجيه
هناء : كفايه كلام يا لمضه ونتو كدا هتتاخرو علي شغلكم
............................................
آيه كانت خارجه من الاوضه وزينب كانت بتحط الفطار علي السفره
آيه : صباح الخير يا ماما
زينب : صباح الخير يا حبيبتي
آيه : اساعدك
زينب : لا يا حبيبتي روحي شوفي سلمي اتاخرت ليه
آيه : حاضر يا ماما
آيه راحت لـ اوضه سلمي وزينب كانت خلصت تجهيز فطار ومحمد خرج من الاوضه
محمد : صباح الخير يا حبيبتي
زينب : صباح النور يا حبيبي اقعد أفطر يلا
محمد قعد
محمد : حاضر .. امال فارس والبنات فين
زينب : آيه فاقت وقولتلها تشوف سلمي وانا هروح
اشوف فارس
محمد : ماشي يا حبيبتي
زينب راحت اوضه فارس وخبطت
فارس : ادخل
زينب بابتسامه : انت خلصت لبس كنت فاكرك لسه نايم
فارس بابتسامه : لا يا زوزا اهو خلصت
زينب : طيب يلا عشان نفطر
فارس : حاضر جاي وراكي يا حبيبتي
زينب بابتسامه : ماشي يا حبيبي
وبعدين زينب خرجت وبعد شويه فارس خرج
عند آيه دخلت اوضه سلمي لقيتها ماسكه
الفون ومبلمه
آيه باستغراب : مالك مبلمه كده ليه