حور.. أنا مش هفضل ساكتة. إنتي لازم تعترفي لمالك إنك بتحبيه.
حورية بحدة وهي بتتعصب:
نورهان بلاش الكلام ده لو سمحتي....اصلا مينفعش
نورهان أصرت:
ليه لأ؟ إيه اللي يمنعك؟ إنتي شايفاه بعنيكي اهو انه تايه من غيرك.....و نهي بتضحك عليه ولو فضلتي ساكتة، بكرة تصحي تلاقيها خطفته بجد.
حورية رفعت عينيها في نورهان وقالت بهدوء فيه وجع :
مالك مش صغير عشان حد يخطفه يا نورهان. هو بيحب نهي، ومش شايف غيرها. يبقى ليه أوجع قلبي على الفاضي؟
نورهان بهجوم:
يبقى إنتي جبانة بقي.... عشان انتي متاكدة انها بتستغله يعني مش حب بجد واخويا مش شايف ده
حورية اتأثرت بالكلمة و دموعها لمعت في عنيها لكنها حاولت تمسك نفسها وقالت:
أنا مش جبانة، بس مش عايزة أتهان.... متفتكريش إن قلبي مش بيتقطع وأنا شايفة اللي بيحصل.. بس خلاص انا هبعد وأقفلي على الموضوع ده.
نورهان نفخت بضيق، وبصتلها بغضب وهي بتهز راسها:
لأ.. أنا بقى مش هسكت
حورية بخوف:
نورهان بالله عليكي متعمليش كده.
نورهان بصتلها بتحدي وسابتها وخرجت وهي بتقولها :
خلاص سيبيني أتصرف.
دخلت نورهان شقتها ووقفت قدام مالك وهو خارج من اوضته و ملامحه تعبانة من التفكير وقربت منه وقالت له:
مالك.. أنا هقولك كلمتين وبراحتك، تصدق أو ما تصدقش دي حاجة ترجعلك.
مالك اتفاجئ من جديتها:
خير يا نورهان في ايه ؟
نورهان بجدية :
نهي دي بتاعة مصلحتها ولو لقت حد تاني عنده فلوس أكتر وهيصرف عليها أكتر منك، هتسيبك وتجري عليه من غير ما تبص وراها.
مالك اتجمد مكانه و ملامحه اتشنجت :
عيب يا نورهان إزاي تقولي كده؟ أنا سبتك في المول تشتمي فيها وأسكت بس ده مش معناه إني موافق علي كلامك
نورهان رفعت حواجبها بسخرية:
لأ.. إنت سكت لأنك عارف إني عندي حق.
مالك بغضب:
نورهان متخلنيش اتعصب عليكي
نورهان قربت أكتر وهمست:
أقولك بامارة إيه؟ بامارة إنك إنت اللي دفعت تمن كل حاجة اشترتها هي وهي مدفعتش جنيه.....صح ولا لا....اصل اللي زي دي معروفة يا مالك، إنت بس اللي مغمي عنيك.
اتوتر مالك أكتر بس جملة نورهان اللي بعدها ركزت في دماغه:
ونصيحة مني.. أوعى تضيع حورية من إيدك. عشان هتندم يا مالك.
وقف هو يتنفس بسرعة، ووشه اتغير وهو بيبصلها بشك :
قصدك إيه يا نورهان؟!
نورهان اتلخبطت للحظة، وعينيها لفت يمين وشمال:
مقصدش.. أنا قصدي إن حورية أحسن من نهي ألف مرة... على الأقل لو حبت، بتحب بجد.. بتحب الشخص نفسه مش فلوسه.
مالك وقف يبصلها زنظراته فيها شك واضح:
إنتي مخبية عليا حاجة.. قولي يا نورهان.
نورهان اتنهدت وقالت بهدوء وهي بتبص في عينيه:
أنا نفسي بس تفتح عنيك كويس يا مالك.. وتشوف مين اللي بتحبك بجد.
قالت كدة وبعدين سابته ومشيت ووقف مالك مكانه مصدوم، وكلام نورهان بيرن في دماغه وبعدين قال بصدمة:
معقولة حورية بتحبني بجد؟
...................................
بليل كانت فادية قاعدة في الصالة مع نورهان بيتفرجوا على التلفزيون ومعاهم حورية اللي كانت كل شويه تبص في ساعتها بقلق لان مش عادته يتاخر في شغله ووقتها سمعوا صوت مالك وهو داخل البيت
مالك بتعب:
سلام عليكم.... ازيكم يا جماعة
حورية لما شافت الجرح اتجمدت مكانها وقلبها اتقبض:
إيدك يا مالك..... انت بتنزف؟
قالت كدة وهي بتجري ناحيته بسرعة وسحبت إيده وهي مرعوبة:
إيه ده؟! إيه اللي عملته في نفسك؟ ايه اللي حصل
مالك اتفاجئ من رد فعلها وساب نفسه وكان ماشي معاها وهو ساكت وبيتأمل وشها القريب أوي.. وصوتها اللي كان مليان خوف حقيقي
فادية بخوف:
يايني انطق مين اللي عمل فيك كدة.
مالك بتعب:
حادثة يا امس بسيطة متلقلوش والله مش مستاهلة
حورية بدموع خوف:
انت ازاي بتفكر كدة وليه مش بتخاف علي نفسك.... طب حتي اعمل حساب اللي حواليك وراعي خوفهم عليك
مالك كان مركز في كلامها وخوفها الحقيقي عليه وبص لنورهان اللي بصتله وكأنها بتأكد كلامها قبل كدة
مالك بابتسامة كلها حنية:
حورية اهدي... متقلقيش انا كويس والله... ده جرح صغير
فادية بابتسامة:
حورية يا بنتي، هو مجرد جرح صغير.. إنتي مكبرة الموضوع..... الحمد لله ربنا سترها
حورية مسمعتش ولا كلمة وطلعت منديل من جيبها ومسكت إيد مالك بحنية:
سيبني أربطها.... لو اتلوثت هتوجعك أكتر وتلتهب
نورهان واقفة بتراقب المشهد بابتسامة خبيثة:
يا سلام يا ست حورية.... فجأة بقيتي ممرضة خاصة؟
حورية اتكسفت ووشها احمر من الخجل وقالت وهي مركزه على إيده:
أنا بس.. مش بحب أشوف حد فيكم بيتألم.
مالك حس بحاجة غريبة وهو سامعها... قلبه دق بسرعة، وحس إنه مش قادر يبعد عينيه عنها.. لأول مرة يشوفها بالشكل ده.
مالك بهزار:
لا انا كدة هتعب كل يوم عشان اشوف خوفك عليا بالشكل ده وعشان تعامليني كأني مهم اوي كدة
حورية بخجل:
انا هروح بقي عشان بابا
فادية بابتسامة:
اابوكي مسافر انهاردة وبايت برة.... ولا نسيتي
حورية بابتسامة خجل:
منا خلاص نعست وهنام بقي
مالك بابتسامة:
سيبيها يا ماما ماهو اذا حضرت الشياطين ذهبت الملائكة بقي ولا ايه يا حورية
حورية ابتسمت بخجل وبعدين افتكرت اللي حصل في المول فكشرت بضيق ومالك لاحظ ده
حورية بضيق:
تصبحو علي خير بقي
نورهان بسرعة وخبث:
مش هتقوليلهم يا حورية عالعريس...اصل بصراحة مش قادرة اخبي
حورية بصت لنورهان بغيظ ومالك كشر وملامحه بقت حادة
فادية بصدمة:
عريس ايه يا حورية.... اخس عليكي بقي كدة....بقي انا اخر من يعلم كدة
حورية بتوتر:
لا والله يا طنك اصلها حاجة مش مهمة وبابا لية قايلي امبارح بس
مالك بغضب نععععمم......