مُتمَنيًة لو إنكَ تَسكُن
أحِضَاني مِثلَما تفعَل بأفكَاري♥️
ملك كانت نايمه وحسيت بحد مسكها من شعرها فاقت بسرعه ولقيت سوزان مسكاها من شعرها
ملك : انتي بتعملي كدا ليه يا ماما
سوزان : بقا انا تغفليني وبتقابليه من غير ما اعرف
ملك : انتي بتكلمي عن ايه
سوزان : انتي فاهمه بتكلم عن ايه بس والله ما هيحصل
اللي في دماغك
سوزان مسكت ملك جامد من شعرها وملك صرخت
ملك بدموع : سيبي شعري حرام عليكي
سوزان : من امتي الكلام دا انطقي
ملك بعياط : هقولك بس سيبي شعري ونبي
سوزان بغضب : كنتي ماشيه معاه علي حل شعرك طبعا ورايح الكليه ونتي بتقابليه
ملك بعياط : اه كنت بقابله ونا بحب مراد
سوزان ضربت ملك قلم : يابجحتك وكمان بتقوليها
ملك : انا مش هجوز غير مراد لو هيحصل ايه
سوزان بتحدي : طيب شوفي كلامك ولا كلامي اللي هيمشي
سوزان اخدت الفون بتاع ملك وخرج وقفلت الباب عليها
ملك بعياط : لاا متقفليش ونبي
ماما انا بنتك بلاش تعملي معايا كدا انا بحبه افتحيلي
ونبي ونبي يا ماما بلاش كدا والله مراد كويس ونبي افتحيلي ماما ماما
ملك فضلت تعيط كتير لحد ما اغمي عليها
......................................
مالك كان خارج من باب المستشفي وماسك الفون
بيبص في وفجاه خبط في حد مالك رفع وشه لقي
بنت واقعه علي الارض
مالك : انا اسف
البنت : ولا يهمك انا كمان اسفه
مالك : بتتاسفي علي ايه
البنت : يعني عشان مش واخده بالي وخبط فيك
مالك : انا الي ماسك الفون وخبط فيكي ونتي اللي وقعتي
البنت بضحك : شكلنا الاتنين غلطانين بس انت يعني بسم الله مشاء الله عضلات ونا مجيش جمب حاجه عشان كدا وقعت
مالك بضحك : انتي شكلك كارثه
البنت بضحك : كتير بيقولولي كدا .. انا الدكتوره مريم
مالك بابتسامة : دا احنا زمايل بقا
مريم : ليه انت كمان دكتور
مالك : اعرفك بنفسي دكتور مالك
مريم : تشرفنا يا دكتور .. بس مش غريبه اول مره اشوفك
مالك : انا لسه بدأ جديد ممكن عشان كدا
مريم : ممكن انا كمان واخده نبطشيه سهر
مالك بابتسامة : ربنا يوفقك .. طيب بعد اذنك
مريم بابتسامة : هنتقابل تاني
مالك بابتسامة : اكيد
مريم : طيب مع السلامه
مالك : سلام
مالك مشي ركب عربيته وشغل اغنيه لرامي صبري ومالك اندمج في الاغنيه وغني
مالك : اتقابلنا بعد عمر وكان بقالنا سنين كتير .. من يوم فراقنا ماشوفتهاش .. اتقابلنا وقلبي دق وقال ياريتني ايام زمان .. ما بعدت عنها ماسبتهاش .. لينا ذكريات افتكرناها عمري مانساها ومين ينسي اعز الناس
سكت مالك
مالك : مكانتش ليا عشان اسبها .. لحد امتي هتفضل
كدا يا مالك كفايه بقا شوف حياتك
بعد مده طويله وصلو قدام العماره وكان هينزل افتكر اللي حصل بينه وبين سيف
مالك : انزل هتهرب فين يعني
نزل وطلع ولقي يوسف وسيف واقفين قدام شقه يوسف
مالك : مساء الخير
يوسف و سيف : مساء النور
يوسف : ايه يابني برن عليك تليفونك مقفول ليه
مالك : كنت قافله عشان الشغل
يوسف : طيب يلا غير هدومك وانزل
مالك : ليه
يوسف : ما حضرتك لو رديت عليا كنت عرفت .. في حفله كدا
مالك : حفله ايه
يوسف بغرور مصتنع : يعني انا بقيت الرائد يوسف
المنشاوي
مالك بابتسامة : مبروك
يوسف : الله يبارك فيك يا حبيبي
مالك بص علي سيف : مبروك يا سيف
سيف : الله يبارك فيك يا مالك
مالك : طيب عن ازنكم
يوسف بص لسيف بهمس : اتكلم
سيف : مالك
مالك كان طالع علي السلم وقف وبصله : نعم
سيف : انا اسف علي طريقه كلام معاك مكنتش اقصد
مالك بابتسامة : لا ولا يهمك انت عندك حق في كل كلمه قولتها هغير وارجع
مالك طلع شقته
يوسف بص لسيف : ايه دا يابني هي دي طريقه اعتذار
سيف : طيب ما اهو شفت قدامك قالي ولا يهمك
يوسف : قال كدا لانه زعلان لسه من كلامك انت
عارف مالك حساس ازاي بيزعل من اي حاجه ونت
عارف انه بيحبك مكانش متوقع من كدا
سيف : طيب اعمل ايه دلوقتي
يوسف : اطلعله
سيف : طيب تعال معايا
يوسف بابتسامة : لا انا معايا مكالمه
سيف بضحك : اه قول كدا بتطلعني منها عشان تاخد راحتك
يوسف بضحك : امشي يلاا
سيف ضحك وطلع لشقته مالك
ويوسف رن علي سلمي بس مرديتش
يوسف : مبنردش كمان
نور خرجت : ايه بقينا نكلم نفسنا يحضره الرائد يوسف
يوسف بضحك : لاا بس سلمي مبتردش
نور بغمزه : عادي يعني مش فاضيه بتلبس ما لازم تبقا
حاجه غير دي خطيبه الرائد يوسف
يوسف بضحك : اه بعد كدا تتعاكس قدامي
نور بضحك : ممكن برضو انتي عارفها قمر
يوسف بغيره : عشان تبقا ليلتها سودا
نور بضحك : اه يا غيور انت
يوسف بضحك : بس يابت .. فين ماما
نور : جوا
يوسف دخل عند هناء ونور دخلت ورا
.............................
مالك كان قاعد ماسك صور باباه ومامته بدموع
مالك : وحشتوني حاسس اني وحيد من غيركم مخنوق اووي حاسس الدنيا دايقه عليا مع اني مطلبتش حاجه منها في نفس الوقت قلبي وجعني عشان حبيت من طرف واحد كمل بابتسامة صدعتكم بس مش عارف احكي لمين
مالك ساب الصوره وقام اخد شوار وغير هدومه وكان
بيلبس وباب الشقه خبط خرج وفتح لقي سيف
سيف دخل : ايه ياعم كل دا
مالك : كنت بلبس
سيف : طيب ايه خلصت
مالك : اه خلاص اهو
مالك كان بيظبط قميص البدله سيف قرب منه وظبطه لي وبعدين حط ايدو علي كتاف مالك
سيف : عقبال يوم فرحك والبسك كدا
مالك بابتسامة : أن شاء الله
سيف : متزعلش مني
مالك بابتسامة : انت عبيط ياض انا مزعلش منك انت
عارف انك حبيبي
سيف حضن مالك وبعد شويه بعد عنه وبصله
بابتسامة : يلا بينا طيب
مالك : استني هجيب الفون
مالك اخد الفون ومفتاح الشقه وخرج هو وسيف نزلو
ودخلو شقه يوسف
سيف : مش يلا يا جماعه
يوسف : يلا
كلهم خرجوا ونزلو ويوسف ركب عربيته وسيف ركب
عربيته وهناء ونور ركبو في عربيه مالك كلهم مشيو وبعد وقت وصلو قدام العماره
بعد وقت فارس وسلمي و آيه وشهد نزلوا من العمارة
مالك كان باصص ناحيه الشباك وشاف آيه ابتسم عليها
وعلي شكلها القمر
سلمي ركبت مع يوسف وآيه مع سيف وفارس وشهد
ركبو مع مالك
فارس ركب جمب مالك وشهد ورا
فارس : مساء الخير
الكل : مساء النور
شهد : مساء النعناع
الكل ضحك عليها
فارس بضحك : شوفت حاشرينا كلنا هنا في العربيه عشان الجو يحلو ليهم
مالك بضحك : واحنا نقدر نقول حاجه
فارس بضحك : عندك حق والله
....................................
سلمي : ايه يا يوسف كل دا تاخير
يوسف : يا قلب يوسف جاهز من بدري بس كنت
مستني مالك
سلمي : كنت مشيت وهو يجي وراك
يوسف : مستحيل طبعا
سلمي : انتو علاقتكم قريبه اوي كدا يايوسف
يوسف : واكتر كمان من واحنا صغيرين واحنا سوا عيلتنا
كانو صحاب اووي واحنا بقينا كدا بس يعني مالك بعد وفات باباه ومامته قرر أنه يسافر كمل تعليمه واشتغل في أمريكا بس سيف فضل هنا
سلمي : هو ايه سبب وفاه اهلهم يا يوسف
يوسف : أهل سيف كان كلهم سوا في العربيه بس باباه ومامته واخته اتوفو في الحادث وابو مالك كان عنده كانسر واخد مده طويله وهو تعبان وبعد خمس سنين اتوفي ومامت مالك مستحملتش خبر موته فا ماتت
سلمي : هما عاشو كل دا ازاي بجد العيله رزق كبير
يا يوسف ربنا يصبر اي حد وحيد
يوسف : يارب يا حبيبي
سلمي : يوسف انت محكتليش اي حاجه عن بابك
يوسف : بابا كان ظابط بس حربيه يعني كان شغله مهمات وكدا وفي مهمه كان فيها مرجعش تاني انا مكنتش مصدق
ومامتي انهارت اووي بس نور كانت صغيره بس كانت
حاسه بكل حاجه وحاولت ابقا ثابت عشان مامتي ونور
وكانت فتره صعبه اووي
سلمي : هي نور كان عندها كام سنه
يوسف : خمس سنين انا اللي ربتها دي بنتي قبل
ما تكون اختي
يوسف نزلت دمعه منو ومسحها بسرعه
سلمي : يوسف انت كويس .. يوسف وقف العربيه
يوسف وقف وفضل باصص قدامه سلمي حطيت ايدها
علي خده ومسحت دموعه
سلمي : يوسف بصلي انت كويس
يوسف بص علي سلمي : كويس هو وحشني بس
سلمي : طيب ليه بتحبس دموعك مداريش ضعفك
قدامي انا حبيبتك
يوسف بابتسامة : انا كويس متقلقيش
يوسف اتحرك بالعربيه وبص لسلمي
يوسف : مقولتليش ايه رايك في الفستان عجبك
سلمي : دا تحفه يا يوسف بجد زوقك حلو
يوسف : انا عجبني واللون عجبني اكتر عشان بحبه
سلمي : هو فعلا لونه حلو .. بس انت لونك المفضل الاسود
يا حبيبي ولاا نسيت
يوسف بضحك : لاا منستش بس حبيت اللون عليكي
عشان كدا انا عاوزك بعدين تجيبي من اللون دا الحاجات
اللي هتلبسيها ليا
سلمي : الهدوم وكدا يعني
يوسف : الهدوم انا هتخارها ليكي بس انا بتكلم علي الحاجات اللي هتلبسيها ليا هدوم النوم يعني
سلمي بصدمه : يوسف
يوسف بضحك : انتي كل ما هتكلم معاكي في حاجه
من دي هتكسفي
سلمي : والله ماكنتش اعرف انك سافل كدا
يوسف بضحك : واهو عرفتي ياستي بس سافل معاكي
بس يعني وبعدين مش احنا هنتجوز
سلمي : لما نتجوز بقا
يوسف : قولي يارب بلاش لما دي
سلمي بضحك : حاضر
.............................................
عند آيه اللي كانت ساكته وسيف مستغرب سكوتها
سيف : ايه يا توتا مالك
آيه وهي باصه علي الطريق : مفيش
سيف : مفيش ازاي بس .. اقعد مكان الشباك عشان
تبصيلي يعني
آيه بصيت قدامها : اهو
سيف : دا انتي مش طايقاني خالص .. طيب انا زعلتك
في حاجه
آيه بصتله : انت عملت حاجه تزعلني
سيف : لاا
آيه : طيب خلاص يبقا مش زعلانه
سيف : آيه بلاش الطريقه دي
آيه : لا انا عاديه خالص مش بتعامل بطريقه
سيف : طيب ممكن تقوليلي مالك
آيه : ماليش
سيف : آيه هسالك اخر مره
آيه : اخر مره وجاي علي نفسك ليه اوي كدا ما اولع
او اروح في اي داهيه لما انت بتحسب السوال كدا
سيف : انا مش عاوز اتخانق انهارده
آيه : متقلقش يا حضره الرائد انا هسكت خالص اهو
آيه فضلت تبص علي الطريق وسيف باصص عليها
سيف : وبعدين
آيه : انا ساكته اهو متكلمتش عشان منتخانقش
سيف : طيب انا اسف اني مقولتش ليكي
آيه : علي ايه بقا
سيف : يعني مش عارفه
آيه : لاا
سيف : ماشي عشان مقولتش ليكي علي الحفله بس كله عشان اعملها مفاجاه ليكي بس انا غلطان
آيه : اه يعني انت مش عاوز تعملي مفاجاه
سيف : ما انا عملتها ليكي وفي الاخر جات علي راسي
آيه : قول انك مش حابب تعملي اي حاجه
سيف : لاا لاا كدا كتير مقولش تزعلي اعمل مفاجاه تزعلي برضو اعمل ايه طيب
آيه : ممكن تصالحني عادي يعني
سيف : هو انا زعلتك اصلا
آيه : هو انا بتكلم مع مين مش عاوزه حاجه منك
سيف بضحك : خلاص متزعليش طيب
آيه : مش زعلانه
سيف : طيب هصالحك لما تخلص الحفله
آيه : اشمعنا
سيف بضحك : مش بتقولي مش بتعملي اي حاجه
سبيني افجائك
آيه بابتسامة : ماشي
وبعد وقت كانو وصلو
سيف وآيه نزلو ومالك وفارس وهناء وشهد ونور نزلوا
مالك : هو يوسف فين
سيف : مش عارف كان ماشي ورانا
فارس : طيب حد يرن عليه
سيف رن علي يوسف ورد عليه
سيف : فينك
يوسف : خلاص دقايق واكون عندك
سيف : ماشي
سيف قفل مع يوسف
سيف : جاي في الطريق تعالو ندخل قدامه
نور كانت بتبص علي فارس اللي عامل نفسه مش واخد
باله بس هو نفسه يبص لملمحها اللي وحشاه
كلهم دخلو ورحبو بيهم كلهم وقعدو كلهم علي ترابيزه سوا
وبعد وقت يوسف كان وصل ونزلو وفتح الباب لسلمي
ومسك أيدها ودخل الحفله والكل بص عليهم والصحافيين فضلو يصور ويوسف بص لسلمي بحب وبعدين مشي يوسف ساب ايد سلمي عشان يقعدو بس لقي سلمي ماسكه في ايدو
يوسف : ايه يا حبيبتي
سلمي : مش عارفه بس مش عاوزه اسيب ايديك
يوسف بضحك : يعني دلوقتي اللي مش عاوزه تسيبي أيدي في الوقت الغلط دا
سلمي بضحك : حظك كدا
يوسف بضحك : طيب اقعدي يلا ونا شويه وراجع
سلمي بلهفه : رايح فين
يوسف : متقلقيش يا حبيبتي هبقا قصادك هنا
سلمي : ماشي
سلمي قعدت مع البنات
يوسف : سيف مالك فارس تعالو
الشباب كلهم قامو وراحو وفضلو يتكلموا مع الظباط
سلمي اللي كانت باصه علي يوسف
شهد : مالك يا بت كنتي مكلبشه في الواد كدا
سلمي بدون وعي : اعمل ايه مش عاوزاه يبقا بعيد عني
آيه بضحك : ايواا
نور بضحك : دا احنا اتقدمنا اووي
شهد بضحك : اوي اوي داي باصه علي الواد مش قادره
تشيل عنها من عليه لحظه
سلمي بضحك : خلاص بقا بتحرجوني
هناء بضحك : بس يابت انتي وهيا سيبو سلمي تعمل اللي هي عوزاه
سلمي بضحك : حماتي حبيبتي
نور بضحك : انتي كدا بتقويها عليا يا ماما ونا كنت ناويه اعمل اخت جوزها عليها
سلمي بضحك : لاا ما خلاص حماتي وجوزي في صفي بقا
شهد بضحك : اه يا سلمي هتبقي وليه قادره
البنات فضلو يضحكو وسلمي بصيت علي يوسف لقيته بيبصلها وهو رافع حاجبه فا حطيت أيدها علي بوقها
ويوسف ضحك عليها
فارس زهق من الوقفه من استئذان منهم ومشي بعيد وطلع سيجاره وحس بايد علي كتفه لف يشوف مين ولقي نور بصلها ورجع بص قدامه
نور : فارس
فارس مردش وفضل يشرب من السيجاره
نور : انا عارفه انك زعلان مني انا اسف انا مكنتش عارفه بقول ايه مكنتش اقصد كل دا انا قولت كدا عشان بحبك مكنتش متخيله تبقا مع وحده غيري
فارس بصله : خلصتي
نور : فارس انت بتكلمني كدا ليه عارفه اني غلطانه
بس والله مقصدش
فارس : كل واحد يشوف حياته زي ما قولتي
نور : قولت كدا من وجعي بس لما عرفت الحقيقه
مش عاوزه اشوف حياتي من غيرك
فارس : خلاص مالهوش اي لازمه الكلام دا
نور بدموع : فارس انت بتقول ايه هو انت بطلت تحبني
فارس بصلها : اه .. عن ازنك
فارس مشي ونور فضلت تبص عليه بدموع
يوسف كان واقف مع اللواء ايمن وجات بنت وقفت معاهم
جيسي : بابي الحفله ممله اوي
اللواء ايمن : انا قولتلك متجيش
جيسي بصت علي سيف : اوو زي بتوع السيما عضلات ووسامه
سيف بهمس ليوسف : البت بتشقطك رسمي
مالك بضحك : دا سلمي هتعملك كفته
فارس بضحك : مسيلي عليك
يوسف بابتسامة : شكرا
جيسي حاطيت أيدها في ايد يوسف : لاا شكرا ايه انت تعملي جوله ونتكلم سوا بدل المملل دا
اللواء ايمن : جيسي مينفعش كدا احنا مش في امريكا
جيسي : بابي بلاش الكلام دا وبعدين هو معترضش
اللواء ايمن : معلش يا يوسف بس بنتي اخدت مده كبيره
في امريكا في دا تصرف طبيعي بنسبالها
يوسف بابتسامة : ولا يهمك يا سيادة اللواء
جاسيكا : اوو اسمك يوسف لا حلو اووي يلا بينا
يوسف مشي معاها
سيف بضحك : انا مش مطمن
مالك بضحك : والله صعبان عليا الواد مش عارف يقول لاا
فارس بضحك : المشكله مش هنا المشكله هناك
الشباب بصو علي البنات وضحكو
شهد : بت يا سلمي
سلمي : في ايه
شهد : هو مش دا يوسف الي البت ماسكه في ايدو دي
سلمي بصيت علي يوسف وشافته بيضحك مع جيسي وحسيت بغيره كبيره فضلت تبص عليه وبعدين قامت
راحت عنده
نور : لا تعجبني راحت تجيبه بدل ما كانت مشيت
آيه بضحك : حاسه انها هتجبها البت من شعرها
شهد بضحك : استنوا هنشوف
عند سلمي كانت رايحه عند يوسف ويوسف شافها
يوسف : يارب عدي اليوم دا علي خير
سلمي بابتسامة : هيعدي يا حبيبي هيعدي
جيسي : ونتي مين بقا
سلمي : انا مين بقا يقولك يوسف الي انت ماسكه في ايدو
يوسف نزل راسه وهو حاسس ان هيحصل مشكله
سلمي مسكته من دقنه ورفعت راسه : لاا يا حبيبي دي متنزلش
عند البنات و الشباب
كانو باصين عليهم وميتين ضحك
شهد بضحك : انا عاوزه اروح هناك المشهد بدون صوت
آيه بضحك : انا حاسه سلمي عاوز تضرب يوسف
نور بضحك : اه ما هي ماسكه نفسها بالعافيه
سيف بضحك : نظره الواد بيقولي انجدني
مالك بضحك : ادعوله يا جماعه
عند يوسف
جيسي : مين دي يا يوسف
يوسف بص لسلمي : دي سلمي
سلمي : والله هو انا بقولك قولها اسمي .. بص لم الدنيا
عشان وربنا لو البت دي ما سابت ايديك ومشيت من
جمبك متتفجاش من اللي هيحصل
جيسي : انتي مجنونه بعدين انا شوفته الاول لو عاجبك قولي بدل الكلام اللي بتقوليه مش مفهوم دا
سلمي : اه يعني انتي مدايقه عشان شوفتيه الاول طيب
ما بالك أنه بتاعي اصلا واجي الاقيه معاكي
جيسي : بقولك ايه امشي من هنا
سلمي قربت من جيسي ومسكت أيدها : سيبي ايدو
جيسي ماسكه ايد يوسف وباصه علي سلمي
سلمي : بقولك سيبي ايدو
سلمي ضغطت علي ايد جاسيكا وجاسيكا اتوجعت
وسابت ايد يوسف
جيسي : انتي مجنونه
سلمي : مشوفتيش جنان لسه
سلمي مسكت ايد يوسف وبعدته عن جيسي وحطيت
أيدها في ايدو : بيبي قولها انا ابقا مين
يوسف : خطيبتي وقريب هتبقا مراتي
سلمي : تصدق جواب احلا من اللي كنت عاوزاه
جيسي : ايه دا ازاي
سلمي : زي ما سمعتي .. عن ازنك بقا عشان يوسف
مبيحبش الوقفه كتير
سلمي مشيت مع يوسف لحد ما وصلت عند الترابيزه
وسابت ايدو وقعدت ويوسف فضل واقف باصص علي
سلمي
سيف بضحك : ايه يا عمهم
يوسف : ايه
مالك بضحك : انت كويس
يوسف : مش عارف
فارس بضحك : انا خايف عليك والله
يوسف : متقلقنيش ياعم
وبعد وقت طلع اللواء ايمن علي المسرح
اللواء ايمن : مساء الخير احب اشكر كل شخص موجود
في الحفله وطبعا احب اشكر الرائد يوسف و الرائد سيف الحفله دي معموله مخصوص عشانهم واحب دايما اشوفكم من نجاح لنجاح باذن الله
يوسف وسيف طلعوا علي المسرح
يوسف : مساء الخير .. الحمدلله النجاح دا كان بفضل ربنا واحب اشكر اللواء ايمن علي ثقته فيا واحب اشكر عيلتي اللي موجوده معايا انهارده وشكرا
كل الموجودين سقفو ليوسف
سيف بضحك : والله يا جماعه انا مش عارف اقول ايه
بس اشكركم انك جيتو تفرحو معايا
الكل ضحك عليه وسقفوله
واللواء ايمن سلم جايزه ليوسف وسيف وأتصور وبعدين رجعو قعدو وبعد وقت قامو خرجو وكل واحد ركب عربيته
وسيف اخد آيه يخرجها
.......................
في عربيه يوسف كان بيبص لسلمي اللي ساكته وجواه
قلق كبير من سكوتها
يوسف وقف العربيه قدام البحر
يوسف : سلمي .. سلمي انتي ساكته ليه
سلمي : لاا مفيش ممكن تمشي بقا
يوسف : حد يمشي ويسبب البحر والجو الجميل دا
سلمي : اه انا
يوسف : طيب تعالي ننزل
سلمي : انا عاوزه اروح
يوسف : سلمي عشان خاطري
سلمي : عاوزه اروح يا يوسف
يوسف : حاضر
يوسف مشي وبعد وقت وصلو قدام العماره
يوسف : سلمي انا عاوز اقولك
سلمي قاطعته : تصبح علي خير
يوسف مسك ايد سلمي وسلمي بصتله وشالت ايدو
من علي أيدها ونزلت وقفلت الباب جامد
يوسف : بعد قفلت الباب دي متطمنش خالص
وصلت عربيه مالك وفارس نزل وسلمي مسكت ايد
فارس وطلعت
يوسف بصلها ومشي وبعد وقت وصل قدام العماره
ولقي مالك وصل ونزلت نور وهناء
نور طبطت علي ايد يوسف : قلبي معاك
هناء : ايه اللي انت عملته دا يا يوسف
يوسف : يا ماما والله ما قدرت اقول حاجه
مالك بضحك : انا شوفت الواد يا نونا مسكين كان هيعيط
يوسف : انا طالع يا جماعه
نور : انا صعبان عليا يوسف اووي
مالك : البت عندها حق برضو يعني تشوف خطيبها مع
وحده تانيه انتي لو مكانها كنتي هتعملي ايه
نور : دا انا اكله بسناني
مالك بضحك : يا واد يا شرس انت
نور بضحك : طيب يلاا نطلع
نور وهناء طلعوا الشقه ومالك طلع شقته
.............................................
عند يوسف كان ماسك الفون ورن علي سلمي
ومرديتش فتح الواتساب وبعتلها فويس
يوسف : عشان خاطري ردي عليا عارف اني غلطان بس متسبنيش كدا سلمي انا بحبك
ساب الفون ودخل الحمام ياخد شاور وطلع مسك الفون
بس سلمي مرديتش عليه قفل الفون ونام
...............................................
مراد كان قاعد وافتكر كلامه مع سوزان
Flas bak
مراد : عارف انك زعلانه مني بس انا اسف خلاص يا ملوكتي هنتجوز ومفيش حاجه هتوقف في طرقنا كما بضحك اسف اسف اتكلمت كتير ومش مديلك فرصه تتكلمي
سوزان : ومين قالك انك هتجوزها
مراد : ممكن اتكلم معاكي شويه حضرتك
سوزان : لاا وابعد عن بنتي احسن ليك وهي هتجوز اصلا رجولتك تسمحلك انك تكلم واحده مخطوبه
مراد : حضرتك اللي بتقوليه دا غلط ملك مش هتجوز حد
سوزان : بقولك ايه انا قولتلك اهو ابعد عن بنتي ولو مبعدتش عنها انا هقول لأهلك انك بتلحق بنتي وهعملك فضيه واللي ما يشتري يتفرج
مراد : حضرتك انتي ليه مش عاوزه تفهمي انا وملك بنحب بعض
سوزان : بنتي مبتحبش حد ومشوفش رقم بيرن عليها تاني
مراد كان هيتكلم سوزان قفلت في وشه
Flas bak
شهد : مراد
مراد : ايه
شهد : ايه يابني سرحان في ايه
مراد : لاا مفيش انا هدخل اوضتي
نجلاء : انا حاسه في حاجه حصلت مع مراد
احمد : اكيد ضغط الشغل
نجلاء : لاا دا م ضغط شغل اول مره يبقا كدا يا احمد انت مش شايف من وقت ماجي وهو حزين كدا امنا هقوم اشوفه
شهد : ماما سبيه شويه لوحده
نجلاء : هو انتي عارفه حاجه يا شهد
شهد : لاا يا حبيبتي بس هو اكيد لو حابب يحكي كان حكي
احمد : شهد معاها حق سبيه دلوقتي يا نجلاء
شهد قامت راحت اوضه مراد ولقيت الباب مفتوح
شهد : اول مره تسيب الباب مفتوح
مراد : ما اختش بالي
شهد : مالك يا مراد
مراد : انهارده فارس قالي ان عمو محمد وافق علي جوازي من ملك
شهد بفرحه : طيب بذمتك خبر حلو زي دا ونت زعلان
مراد : كلمتها عشان اقولها مامتها رديت عليا وقالتلي ابعد عن بنتي ومش موافقه
شهد : طيب مجربتش تتكلم معاها ليه
مراد : جربت كتير وفي الاخر قفلت في وشه
شهد : انا عارفه الوليه دي مش هتجبها لبر
مراد قعد علي الكنبه وغمض عيونه شهد قعدت جمبه
شهد : معلش يا حبيبي اكيد كل حاجه هتبقا بخير بس انت متبقاش كدا
مراد : اكيد عملت حاجه في ملك
شهد : اكيد مش هتعمل حاجه وحشه في الاخر دي بنتها
مراد : انتي مش عارفها كويسه ملك حكتلي كتير قد ايه هي قاسيه معاها ومش معقول بعد ما عرفت علاقتنا مش هتعمل فيها حاجه
شهد : خير ان شاء الله يا حبيبي
........................................
عند سيف اللي كان خرج آيه وبعدين وصلها
سيف بابتسامة : انبسطتي
آيه بضحك : اووي بصراحه
سيف بضحك : عشان تشوفي مفاجاتي بقا
آيه بضحك : طيب يلا سلام
سيف بابتسامة : يبقا كلميني
آيه : حاضر
آيه نزلت وسيف مشي وايه طلعت شقتهم وفتحتلها زينب
زينب : مجتيش مع فارس وسلمي يعني
آيه : سيف خرجني يا ماما بس فارس كان عارف
زينب : طيب ادخلي غيري هدومك
آيه : هي سلمي فين
زينب : دخلت اوضتها من وقت ما جات وكان شكلها مدايق هو ايه حصل
آيه : مفيش يا ماما
زينب : هو انا اسال فارس يقولي مفيش واسالك تقولي مفيش
آيه : اكيد حاجه ما بنها وبين يوسف
زينب : طيب اخلي شوفيها
آيه : حاضر
آيه راحت اوضه سلمي لقيتها قاعده علي السرير
آيه : انتي لسه صاحيه
سلمي : زي ما انتي شايفه
آيه بضحك : ليه مدايقه دلوقتي دا انتي خليتي البت تخاف منك
سلمي بسخريه : دا عشان مسكتها بس لو مروحتش كان فضل معاها عادي
آيه : سلمي بس انتي عارفه يوسف بيحبك
سلمي : اه اووي كمان ما اهو كان باين في الحفله
آيه : طيب انتو متكلمتوش تاني سوا
سلمي : حاول يتكلم معايا بس انا سبته ومشيت ورن عليا
آيه : طيب ليه كنتي فهمتي منو اللي حصل
سلمي : مش عاوزه اتكلم معاه
آيه : طيب اهدي كدا وبكرا اتكلمي معاه
سلمي بصتلها : انا مش مجنونه عشان اهدي يا آيه
آيه : والله مش قصدي كدا نامي دلوقتي وبلاش تفكير
سلمي : حاضر
آيه : يلا تصبحي علي خير
سلمي : ونتي من اهله
آيه خرجت وراحت اوضتها وغيرت هدومها وبعدين رنيت علي سيف
سيف : دا قولت انك نمتي
آيه : لاا بس كنت بتكلم مع سلمي
سيف : هي كويسه دلوقتي
آيه : هي هاديه خالص بس مدايقه اوي
سيف : طيب انتو ليه البنات كدا
آيه : كدا ازاي
سيف : يعني دايما بتشوفو كل حاجه زي ما انتو عاوزين بس
آيه : بص يا سيف انا لما اشوف خطيبي وحبيبي مع وحده وماسكه ايدو طبيعي هتجنن طبعا يعني انتو الرجاله ممكن تقبل خطيبتك تقف مع واحد
سيف : لاا طبعا دا يبقا اخر يوم ليها
آيه بضحك : طيب اهو مقولتش من عندي
سيف بضحك : بس لو شوفتي وش يوسف لما البت مسكت فيه
آيه بضحك : ما انا كنت مركزه
سيف بضحك : بس مش عارف ليه مسكت في يوسف بس
آيه : قول انك كنت عاوز تمسك فيك انت كمان
سيف بضحك : لاا لاا مش عاوز
آيه بضحك : ايوا كدا .. طيب بقا انا هروح انام
سيف : تصبحي علي خير يا توتا
آيه : ونت من أهله يا سيف
.......................................
صباح جديد في بيت فارس الكل كان متجمع وفارس خرج من اوضته وراح الريسبشن وكان موجود يوسف وسيف ومالك ونور وهناء وشهد ومراد وسلمي وآيه وزينب ومحمد وسوزان وملك
فارس : صباح الخير يا جماعه انا عارف انك مستغربين انا مجمعكم كلكم هنا ليه بس انا قررت اتجوز
يوسف بابتسامة : ايه الخبر الحلو دا
سلمي بابتسامة : ومين بقا العروسه
فارس بابتسامة : هي موجوده هنا
نور قلبها دق وآيه بصتلها
آيه بضحك : اجمدي كدا
شهد : هي مين بقا ياعم فارس
فارس بص علي نور وبعدين بص علي ملك : تبقا ملك
" روايه عانيت لأحُبك "
" البارت العشرون "
" الكاتبه فاطمه محمود "
- من فرطِ حِنيته استَندُ عليه
وكأنه لا شيء ثابتٌ سِواه 🤎
شهد : هي مين بقا ياعم فارس
فارس بص علي نور وبعدين بص علي ملك : تبقا ملك
نور حسيت انها بتحلم اكيد مش معقول فارس حبيبها هيتجوز غيرها فضلت تبصله وهي مش مصدقه وفارس شاف نظراتها المصدومه بس مهتمش
الي استغربوا والي اتصدمو من الموجودين
سوزان بابتسامة : الف مبروك يا حبيبي
فارس : الله يبارك فيكي يا عمتو .. هو محدش من هيباركلي ولا ايه
محمد : غريبه مش كنت رافض ايه اللي اتغير
فارس : دا بدل ما تفرح عشاني وبعدين انا فهمت قصدك لما كنت مصمم علي الموضوع ونت معاك حق
محمد : الف مبروك يا فارس
فارس : الله يبارك فيك يا بابا واه بالمناسبه انا هكتب الكتاب يعني مفيش خطوبه
آيه بصتله بسخريه : دا انت مستعجل اوي بقا
فارس بابتسامة : اه مش كدا احسن يا ملك ولا ايه
ملك اتوترت ومعرفتش ترد وبصيت علي مراد اللي باصصله بغضب شاليت عينها من عليه بسرعه
فارس بابتسامة : معلش يا جماعه خطبتي بتكسف
سوزان بفرحه : ربنا يتم فرحتك يا حبيبي
فارس : اه يا عمتو ادعيلي
مالك : مبروك يا فارس
سيف : الف مبروك
هناء : مبروك يا حبيبي
فارس بابتسامة : الله يبارك فيكم
يوسف : طيب استأذن انا
زينب : اقعد يا يوسف
يوسف : معلش يا زوزا مره تانيه بقا .. يلا يا ماما
هناء ومالك وسيف ويوسف قامو ويوسف مسك ايد نور وبص لفارس
يوسف : مبروك
فارس : الله يبارك فيك
نور فضلت باصه لفارس وهي حاسه بتوهان يوسف شدها من أيدها وهي فضلت بصاله
مالك وسيف وهناء نزلوا خرجوا من الباب ويوسف ونور وراهم
بس وقفوا لما سمعوا صوت سلمي
سلمي : يوسف
يوسف رجع بصلها وسلمي اتكلمت : انا مش عارفه اقول ايه بجد
يوسف : متقوليش حاجه
سلمي : ممكن اطلب منك حاجه
يوسف : اتفضلي
سلمي : ممكن نور تفضل هنا احنا هنروح الكليه نروح سوا
يوسف: لاا يا سلمي
نور بصتله : خليني افضل يا يوسف
يوسف بصلها : قولت لاا
سلمي باحراج : انا اسفه علي اللي حصل
يوسف : حصل خير بعد ازنك
يوسف نزل وهو ماسك ايد نور وسلمي فضلت باصه عليهم
سلمي : ليه كدا يا فارس
..............................
ملك الي قاعده وهتموت من التوتر من نظرات مراد
مراد الي كان متعصب اوي ومش قادر يتحكم في عصبيته
شهد اللي خايفه من سكوت مراد وخايفه يتعصب
شهد : يلا بينا يا مراد
مراد كله تركيزه علي ملك ومش سامع شهد خالص
شهد : مراد .. مراد يلا بينا
شهد مسكت مراد وكانت هتخرج بس مراد وقف عند فارس وفضل يبصله
مراد : مكنتش اعرف انك مش قد كلمتك كدا
فارس : والله دا اللي حصل انا حسيت انا وملك مناسبين لبعض وهي بتحبني
مراد غمض عيونه بعصبية ورجع بص لفارس : عارف انا متحكم بعصبية بس والله لو اتكلمت بخصوص ملك مش هيعجيك اللي هتشوفه
سوزان بغضب : انت اتجننت ولا ايه ازاي تكلم جوز بنتي كدا
مراد بعصبية : خليكي عايش في الأوهام بتاعتك دي بس ملك مش هتجوز غيري
فارس بعصبية : متعليش صوتك انت فاهم
مراد مسك فارس من هدومه : لاا مش فاهم
شهد بسرعه مسكت ايد مراد : مراد بلاش تعمل كدا انت متعصب دلوقتي
مراد بعصبية : مالكش دعوة انتي
فارس بعصبية : انت عامل فيها راجل يعني ونت ماسك هدومي كدا
مراد : انا هوريك الراجل دا
مراد كان لسه هيضرب فارس بس ملك وقفت قدامه وبصتله بعيونها اللي مليانه دموع : مراد عشان خاطري بلاش .. اهدي ونبي
مراد بصلها وشاف نظره الرجاء في عيونها : انتي عاجبك اللي بيحصل انتي موافقه علي الكلام دا
ملك كان نفسها تقوله لاا هي بتحبه هو بس
ملك : اه موافقه
مراد ساب هدوم فارس ورجع خطوه لورا وفضل باصص لملك : انتي انتي بتقولي ايه
ملك : انا موافقه
مراد مسك ايد ملك : متخافيش يا ملك محدش هيقدر يعملك حاجه صدقني انا معاكي والله والله مش هخلي حد يعملك حاجه بس اوعي توافقي وتبعديني عنك انتي عارفه انا بحبك قد ايه بلاش تكسري قلبي
ملك : انت مش عاوز تفهم ليه يا مراد بقولك انا موافقه
مراد بزعيق : دا اللي هو ازاي طب ونا خلاص كدا مش مهم عندك
ملك بصتله وهي قلبها كله زعلان عليه
مراد : ردي ردي عليا ساكته ليه
سوزان : بقولك ايه انا سكت كتير اخرج من هنا يلاا
شهد : حضرتك احنا هنمشي بس المفروض تقوليها بذوق
سوزان بعصبية : لاا ماهي مش ناقصاكي انتي كمان
شهد بزعيق : ليه هو انتي فاكراني هسكتلك لو غلطتي فيا كمان وزهي بنتك اللي السبب في دا كله قربت من اخويا ليه لما هي موافقه
زينب ومحمد دخلو الريسبشن
زينب : في ايه صوتكم عالي ليه
محمد : ايه الي بيحصل هنا
شهد : مفيش يا عمو .. يلا يا مراد
مراد كان واقف باصص لملك اللي بصاله بحزن
شهد بزعيق : مراد يلاا
سلمي : شهد استني
شهد : مبقاش ينفع اقعد هنا تاني يا سلمي
آيه :شهد هدي الموضوع بلاش كدا
شهد بصيت لفارس من فوق لتحت : لاا ما هو الموضوع خلص خلاص
شهد اخدت مراد ومشيت
سلمي قربت من فارس وبصتله
فارس : ايه انتي كمان عاوزه تقولي حاجه
سلمي بزعيق : عاجبك اللي انت عملته دا
محمد : سلمي انتي ازاي تعلي صوتك علي اخوكي
سلمي : يعني انت عاجبك اللي بيعمله دا
زينب : سلمي كفايه كدا
سلمي بزعيق : كفايه ليه دا هيتجوز
محمد بعصبية : سلمي صوتك ميعلاش وايه يعني لما يتجوز
سلمي : من ملك
سوزان : ومالها مالك
آيه : يا بابا
محمد : بس انتي وهي مالكمش دعوة حياته وهو حر
فيها يتجوز مين محدش يخصه كل واحد فيكم اختار
اللي هو عاوزه
زينب : خلاص يا محمد
محمد : انا مخلصتش كلامي فارس هيعمل اللي هو
عاوزه مش عشان أنا كنت عاوز كدا الاول لاا عشان كل
واحد بيعمل اللي هو عاوزه وكل واحد يتحمل نتيجه اختياراته
سلمي : ولما يبقا الاستاذ سايب شخص كان معاشمه بحاجه
زينب : ايه اللي انتي بتقوليه دا يا سلمي
سلمي : انا هقولك بقول ايه
آيه مسكت ايد سلمي وبصتله أنها متقولش
آيه : مفيش بس سلمي متعصبه بتقول ايه كلام وخلاص
يلا بينا احنا معانا محاضرات
آيه اخدت سلمي وراحو اوضتهم
محمد راح اوضته وزينب راحت وراه
سوزان : شايفهم معترضين ازاي يا فارس
فارس : ولا يهمني اللي عاوزه هعمل وهتجوز انا وملك
عن ازنك يا عمتو هغير هدومي عشان الشغل
سوزان : اتفضل يا حبيبي
فارس خرج وفضلت سوزان وملك
سوزان بخبث : شوفتي واقف قصادهم ازاي
ملك بصتلها : ارتاحتي كدا خلاص اهو هيحصل اللي انتي عوزاه
سوزان بخبث : لاا لسه لما تتجوزو هرتاح
ملك : انا ماشيه
سوزان : رايحه فين
ملك : الكليه
سوزان : عارفه لو قابلني الواد مرا دا
ملك قاطعتها : هو انتي فاكره مراد هيبص في وشي
تاني بعد اللي قولته
سوزان : طيب كويس
ملك بصيت لمامتها وخرجت ونزلت علي السلم وطلعت
من العماره وقفت تاكس وركبت سنديت براسها علي الشباك ونزلت دموعها لما افتكرت كلامها لمراد حست انها خلاص مفيش حاجه حلوه في حياته حبيبها راح وهتجوز فارس
السواق كان مركز معاها وشاف دموعها : انتي كويسه يا انسه
ملك بصتله : اه كويسه
السواق : انا اسف لو بتدخل بس انا قلقت عليكي لما لقيتك بتعيطي بس انتي زي بنتي برضو عشان كدا سالتك
ملك بابتسامة : شكرا يا عمو
بعد وقت ملك وصلت قدام الكليه اديت فلوس لسواق
ونزلت
.............................................
سلمي كانت قاعده هي وآيه في الاوضه
آيه : تفتكري فارس غير رأيه ليه
سلمي : مش عارفه بجد ازاي دا حصل
آيه : شوفتي نور كانت حالتها ازاي دا منطقتش خالص
سلمي : انتي مشوفتيش شكلها ازاي لما طلبت من يوسف تفضل
آيه باستغراب : تفضل ازاي
سلمي : انا طلبت من يوسف أنها تفضل يعني نروح مع
بعض الكليه بس هو رفض
آيه : هي كانت عاوزه تقعد هنا بعد اللي حصل
سلمي : اكيد كانت عاوزه تساله عمل فيها كدا ليه
آيه : احسن حاجه عملها يوسف أنه رفض تتكلم معاه
ازاي وهو بيتكلم معانا بكل برود وثقه وعاوزه يكتب
الكتاب كمان
سلمي : هو ممكن يكون في حاجه في الموضوع اصلا
مره وحده كدا يغير رأيه اكيد في حاجه
آيه : انا بقول كدا
آيه : طيب يلا بينا
سلمي : يلاا
آيه وسلمي خرجو من الاوضه وكان محمد وزينب
وفارس قاعدين بيفطرو
زينب : تعالو يا بنات افطرو
سلمي : لاا ورانا محاضرات
آيه : يلا بينا طيب
فارس : استنوا هوصلكم
سلمي : مالوش لزوم
محمد : سلمي متنسيش أن دا اخوكي اقعدي يكمل فطاره وبعدين يوصلكم
فارس قام : انا خلصت يلا
آيه وسلمي خرجوا من الشقه وفارس خرج وراهم ونزلوا
ركبو العربيه وكان الصمت طول الطريق بعد وقت كانو
وصلو قدام الكليه والبنات نزلوا وسلمي رجعت بصيت
لفارس
سلمي : انا اسفه مكنتش قصدي اني اعلي صوتي عليك
فارس بابتسامة : ولا يهمك اختي الصغيره برضو
سلمي بصتله ومشيت فارس فضل واقف
فارس : هو انا اللي بعمله دا غلط ولا صح
اتنهد تنهيده طويله وبعدين مشي
............................................
عند البنات كان بيدورو علي شهد ونور
سلمي : اهي شهد قاعده هناك
آيه : طيب تعالي نروحلها
البنات راحو قعدو مع شهد
آيه : ايه يا شوشو
شهد : ايه
سلمي : مبدأتش المحاضره لسه
شهد : شويه كمان
آيه : عامل ايه مراد
شهد : يعني شبه كويس
سلمي : طيب حصلت حاجه تانيه
شهد : نزلنا من عندكم وكان بيسوق العربيه بتهور
خليته يهدي بالعافيه كان عاوز يروح الشركه بس قولتله بلاش هو متعصب لحد دلوقتي مضمنش يروح الشركه وميتخانقش مع فارس
سلمي : انا اسفه يا شهد علي اللي حصل
شهد : بتتاسفي ليه انتي معملتيش حاجه
آيه : تفتكروا دا فارس اللي عمل كدا يعني احنا عارفين
فارس كويس هيعمل كدا ليه
شهد : والله انا مش مصدقه
سلمي : طيب هي نور ما جتش ليه
شهد : انا جيت ملقتش حد .. وبعدين هي هتقدر تيجي
بعد اللي حصل
آيه : طيب حد يكلمها نطمن عليها
سلمي رنيت عليها ومرديتش
شهد : اكيد مش هترد
سلمي : طيب ايه رايكم بعد ما نخلص محاضرات نروح
عند البيت واهو نشوفها
آيه : انا معاكي
سلمي : ونتي يا شهد
شهد : اكيد .. يلا ندخل المحاضره
سلمي وشهد راحو المحاضره وايه راحت المحاضره
......................................
نور كانت قاعده في اوضتها علي السرير وبتفكر في كلام فارس ونور شافت نفسها قدامها بتتكلم
نور بسخريه : انتي فاكره أنه كان بيحبك فوقي بقا انتي كنتي مجرد تجربه حب يجربها وبعدين رماها واهو قدامك هيتحوز بنت عمتو ونتي قاعده تعيطي هنا فوقي بقا فوقي لنفسك
نور بدموع : لاا لاا هو بيحبني انا هو قلي بس اكيد في حاجه عشان يتجوز ملك
نور بغضب : هيكون في ايه عشان يتجوز ملك انت اتجننتي دا لما اعتذرتي له سابك ومعبركيش فوقي بقا فوقي
نور حطيت أيدها علي ودانها وفضلت تعيط : لاا لاا
هناء دخلت الأوضه وشافت نور منهاره : نور مالك يا نور
نور بعياط : فارس بيحبني قوليلها كدا
هناء دمعت لما شافت حاله نور قريت منها وحضنتها : اهدي يا حبيبتي
نور بعياط : فارس بيحبني يا ماما صح
هناء : خلاص يا نور بلاش تعملي في نفسك كدا
نور اغمي عليها وهناء صرخت وقربت منها : نور فوقي نور
مسكت الفون ورنيت علي يوسف مردش : رد يا يوسف
رنيت علي سيف بس مردش : محدش بيرد ليه هرن علي مالك
رنيت علي مالك ورد عليها بعد وقت
مالك : ايوا يا نونا
هناء : مالك الحقني بسرعه ن و ر
مالك بخضه : مالها نور
هناء : نور اغمي عليها ومش بتفوق
مالك : طيب انا جاي حالا
هناء فضلت جمب نور الي مش بتفوق خالص وفضلت
تعيط الباب خبط قامت فتحت بسرعه وكان مالك
مالك : فين نور
هناء : في الاوضه
مالك راح بسرعه اوضه نور ولقيها مغمي عليها
مالك عمل لنور تنفس صناعي وفاقت وهي بتتنفس بالعافيه
مالك : انتي كويسه يا نور
نور هو راسها وهناء حضنتها
مالك : متخافيش يا نونا هي كويسه دلوقتي .. ممكن
تعمليلها لمون عشان تهدي شويه
هناء : حاضر يا حبيبي
هناء خرجت ومالك بص لنور
نور : بتبصلي كدا ليه
مالك : ايه اللي حصل
نور : مفيش اغم عليا فجاه
مالك : يعني مش عاوزه تقوليلي انك انهارتي في العياط
نور : انا كويسه يا مالك
مالك : كويسه ايه دا انتي شويه وهتدخلي في انهيار عصبي
نور دمعت : متقلقش
مالك مسك ايديها : ممكن افهم في ايه
نور : انا تعبانه اووي يا مالك
مالك : عشان فارس
نور بصتله : ايوا
مالك : عارف أنه صعب عليكي بس مش كل اللي بنتمناه
بيحصل .. بس متعمليش في نفسك كدا ارتاحي دلوقتي
نور بابتسامة : حاضر
مالك خرج ولقي هناء خارجه من المطبخ
هناء : انا كنت جيبالها عصير
مالك : بعدين يا نونا سبيها ترتاح شويه دلوقتي
هناء : طيب عملته قهوة
مالك : جات في وقتها والله تسلمي يا نونا
هناء : هي كويسه دلوقتي
مالك : يا حبيبتي والله كويسه متقلقيش انتي كدا
وبعدين سبيني اشرب القهوة بقا
هناء : اتفضل يا حبيبي
مالك اخد الفنجان وشرب منو شويه : اممم ايه الحلاوه
دي يا نونا احلا قهوة بشربها من ايدك
هناء : بالهنا يا حبيبي .. اسفه يا مالك لو كنت سببتلك
مشكله عشان سبت شغلك وجيت
مالك : انتي شايفاني غريب كدا يا نونا
هناء : لا والله يا حبيبي عشان شغلك بس
مالك : ياستي يغور الشغل اهم حاجه انتي ونور انتي امي ونور اختي وبلاش تشكريني انتي كدا بتحرجيني
هناء : ربنا يخليك ليا يا مالك
مالك : ويخليكي ليا يا نونا
جرس الباب رن وهناء قامت فتحت كانو البنات
البنات : عامله ايه يا نونا
هناء بابتسامة : بخير يا حبايبي اتفضلو
البنات دخلو وشافو مالك قاعد
سلمي : ازيك يا مالك
شهد : عامل ايه يا مالك
مالك بابتسامة : بخير الحمدلله
سلمي : نور فين يا نونا
هناء : في اوضتها يا حبيبتي
سلمي : طيب انا هروحلها
هناء : روحي يا حبيبتي هعملكم حاجه تشربوها
سلمي وشهد راحو اوضه نور وهناء راحت المطبخ وفضلت آيه ومالك الي قاعد
آيه بابتسامة : عامل ايه
مالك بابتسامة : بخير الحمدلله ونتي عامله ايه
آيه : كويسه
مالك : واخبار الكليه ايه
آيه : والله خلاص هبدا مذاكره الفتره دي عشان الامتحانات
مالك : ربنا معاكي
آيه : يارب
مالك بضحك : عاوزين امتياز زي كل سنه
آيه بضحك : مش هخيب ثقتك فيا
يوسف وسيف كانو طالعين وشافو لي السلم وشافو الباب مفتوح
سيف : هو الباب مفتوح ليه
يوسف : مش عارف
بعدين دخلوا وسيف وقف
يوسف : وقفت ليه
سيف مردش ويوسف بص مكان ما باصص سيف وشاف مالك وآيه في الريسبشن بيضحكو يوسف وسيف دخلوا
يوسف : نورتينا يا آيه
آيه بابتسامة : تسلملي يا يوسف
يوسف : من بدري هنا يا مالك ولا ايه
مالك : لاا من شويه كدا
يوسف : جايه لوحدك يا آيه
آيه : سلمي وشهد معايا
يوسف : امال فين
آيه : عند نور في الاوضه
يوسف : طيب عن ازنكم
يوسف خرج ومالك جاله مكالمه وخرج وفضلت آيه وسيف اللي باصصلها آيه كانت طالعه
سيف : هو انا شفاف
آيه بصتله : لاا بس بتتعامل بطريقه غريبه
سيف : انا اللي بتعامل بطريقه غريبه
آيه : ايوا يا سيف
سيف : طيب سيبك مني انتي بقا جايه هنا عشان تشوفي صحبتك واقفه هنا ليه
آيه : مفيش انا شوفت مالك وقولتله عامل ايه بس
سيف : كل الضحك دا وعامل ايه
آيه : سيف انت عارفني كويس
سيف : مبقتش عارفك بصراحه كل شويه تعملي حاجه تدايقني
آيه : سيف مش وقته خناقه
سيف : ونا اللي عاوز اتخانق يعني
آيه مسكت ايدو : سيف عشان خاطري ممكن تهدي
سيف : ماشي يا آيه
آيه : طيب انا هشوف نور
سيف : ماشي
..........................................
البنات دخلو عند نور
سلمي : نور
نور قامت قعدت علي السرير وحضنت سلمي وشهد قعدو وبعدين قعدو جمبها
سلمي : كدا تقلقينا عليكي
نور : انا كويسه متقلقيش
شهد : طيب مجتيش الكليه ليه
نور : كنت تعبانه شويه
شهد : تعبانه ايه بقا ما انتي زي الفل اهو
نور ابتسمت : أما شفتكم .. توتا مجتش معاكو
آيه : انا اهو يا قمري
نور بابتسامة : تعالي
آيه حضنت نور : عامله ايه يا نوري
نور : كويسه يا توتا
سلمي : بجد كويسه
نور : اه الحمدلله
دخلت هناء الاوضه وكان معاها عصير
شهد : نونا مفيش حاجه تتاكل
سلمي : يابنتي ارحمينا
شهد : في ايه هي نونا غريبه دي حبيبتي
هناء بابتسامة : دي احلا حاجه في شوشو مش بتكسف مني
شهد بضحك : قلبي يا نونا
هناء : تعالي معايا هجبلك اكل وبعدين هجهز الغداء
سلمي : لاا يا نونا احنا هنمشي
هناء : بطلي يا سلمي دا هيبقا بيتك قريب
سلمي : يا نونا والله مش كدا بس مش عاوزه اتعبك
هناء : لا مفيش تعب يلا يا شوشو
شهد : يلا يا نونا
هناء وشهد خرجوا وراحو المطبخ
آيه : اشربي عصير بقا
نور : لاا مش عاوزه
آيه : دا كفايه نونا عامله
نور : بجد مش عاوزه .. سلمي ممكن تاخدي العصير دا ليوسف
سلمي بصتلها : مبيحبش العصير
نور : عشان خاطري
سلمي : انا هروح والله بس عشانك مش عشانه
نور بضحك : طيب يلاا
سلمي اخدت العصير وخرجت
آيه : نور انتي مش مدايقه من اللي حصل
نور اختفيت الابتسامه من علي وشها : موجوعه يا توتا
اووي
آيه حضنتها : حقك عليا
......................................
سلمي كانت في طريقها لاوضه يوسف خبطت علي الباب ومردش خبطت تاني ويوسف فتح
سلمي بغضب طفولي : كل دا عشان تفتح
يوسف بابتسامة : كنت باخد شاور
سلمي : اتفضل العصير
يوسف : بس انتي عارفه اني مبحبش العصير
سلمي : انا قولت كدا بس هي نور بس خلاص انا هاخدو وامشي
يوسف بسرعه : خدي هنا
سلمي بصتله : نعم
يوسف : هاتي هشربه
سلمي : دا من امتي
يوسف : ياستي من دلوقتي هاتي بقا
سلمي : اتفضل
يوسف : ممكن تحطي جوا
سلمي : ليه ايديك راحت فين
يوسف : مش هيحصل حاجه لو حطيتي يعني
سلمي دخلت حطيت كوبايه العصير ورجعت عشان تمشي لقيت يوسف في وشها
سلمي : عاوزه أخرج
يوسف : لاا
سلمي : لاا ما هخرج يعني هخرج
يوسف : وريني طيب
سلمي راحت عند الباب ولقيته مقفول : ممكن تفتح الباب
يوسف قرب منها وسلمي رجعت لورا
سلمي : انت بتقرب ليه
يوسف مبيردش وفضل يقرب لحد ما بقا مفيش فاصل ما بينهم
سلمي اتوترت ومش عارفه تتنفس من قربه : ابعد يا يوسف
يوسف : ما انتي مش عاوزه تكلميني
سلمي : ابعد طيب
يوسف : سلمي والله ما كان قصدي اعمل كدا بس غصب عني
سلمي : غصب عنك ونا لو مسكت ايد حد وحضني هتبقا عادي
يوسف غار واتعصب : نعم
سلمي : شوفت ردك اهو
يوسف قرب منها وفضل يبص علي شفايفها وهي بتتكلم وباسهم وسلمي فضلت تذق في وهو بيتردد في دماغها
كلمه يحضني بعد عنها بعد وقت طويل سلمي فضلت
تتنفس بسرعه وبعدين بصتله وذقته
يوسف بصلها : بتذقيني
سلمي : انت اللي قربت و
يوسف : وايه كملي بوستك اه بس عارفه ليه عشان حد يحضني دي انتي بتاعتي وبس انتي فاهمه ولسانك دا لو
قال حاجه زيك كدا تانى متلمنيش علي اللي هيحصل
سلمي : انت شكلك اتجننت
يوسف : مجنون بيكي
سلمي : لو مجنون بيا بجد مكنتش خليتها تمسك ايديك
بس لاا حضرتك حبيت الموضوع
يوسف : انتي ليه مش عاوزه تفهميني
سلمي : عشان كل حاجه واضحه
يوسف : يعني انتي هتفضلي كدا
سلمي ربعت ايديها قدامها : ايوا
يوسف قعد علي السرير : طيب يبقا مفيش خروج من هنا
سلمي بصتله : هتحبسني يعني ولا ايه
يوسف : اه هحبسك ما دام انتي كدا
سلمي : انا لو ندهت علي لي حد هيفتحلي
يوسف : ساعتها بقا هيقولو وهي دخلت من الاول ليه
سلمي : جبتلكم عصير انت اللي قفلت الباب علي فكره
يوسف : محدش هيصدق هيقولوا هي عاوزه تفضل معاه
في الاوضه
سلمي فضلت تفكر هيفكرو فيها ازاي لو عملت كدا بصيت ليوسف بغيظ
يوسف بضحك : ساكته يعني
سلمي بغيظ : متكلمش معايا
يوسف ابتسم ومسك الفون وفضلت توصله رسايل وهو مبتسم
سلمي بصيت عليه وجي في دماغها أنه بيكلم وحده
سلمي بغيره : مين اللي بيبعتلك الرسايل دي
يوسف حس بغيرتها من نبره صوتها فابتسم : ونتي مهتمه
ليه
سلمي : عندك حق
سلمي سكتت وبصيت عليه لقيته باصص للفون ومبتسم
قامت راحت عنده وكانت هتاخد الفون بس مقدرتش
يوسف : ايه
سلمي بغيره : بتكلم مين
يوسف : بتسالي ليه
سلمي مسكت يوسف من هدومه بغيره : عشان انت خطيبي
يوسف كان مستمتع اوي بقربها منو : وايه يعني
سلمي : هو ايه اللي وايه يعني انت ليا انا بس يعني محدش يقرب منك
يوسف حط ايدو حوالين سلمي بابتسامة : وايه كمان
سلمي مرديتش عليه واخدت الفون وفضلت تقلب فيه لقيت كام بنت ويوسف فضل حاضنها بايدو وهو مبسوط
سلمي حطيت الفون في وشه : مين دول
يوسف : تبع الشغل
سلمي : نعم يا عنيا
يوسف بضحك : والله زي ما بقولك معايا كان بنوته في الشغل
سلمي : اقنعني ازاي
يوسف بابتسامة : يا حبيبتي انتي عمرك ما شوفتي بنات ظباط
سلمي : شوفت بس انت تكلمهم ليه
يوسف : عشان الشغل اهو الكلام قدامك
سلمي : دي بتقولك عامل ايه
يوسف بضحك : ما هو لازم هتخش في الموضوع علي طول
سلمي : يوسف متعصبنيش
يوسف : هسكت اهو
سلمي : شيل ايديك دي
يوسف : خلينا كدا احلا
سلمي : اوعي طيب
يوسف : حاضر
سلمي فضلت تمشي في الاوضه
يوسف : متقعدي بقا
الباب خبط وسلمي بصيت علي الباب بفرحه ويوسف قام فتح وكانت هناء
هناء : يلاا يا حبيبي الاكل جاهز
يوسف : حاضر يا ماما
هناء مشيت ويوسف بص لسلمي : حظك حلو المرادي
سلمي زقت يوسف وخرجت
يوسف ضحك عليها وخرج وراها
سلمي راحت الحمام وبعدين خرجت وراحت وقعدت علي السفره
آيه : كنتي فين
سلمي : هاا
يوسف كتم ضحكته وبص عليها
نور : كنتي فين
سلمي : في الحمام
شهد : طيب ايه رايكم في الاكل انا اللي عملته مع نونا
يوسف : تسلم ايدك يا شوشو
مالك : تحفه
شهد : بالهنا
خلصوا اكل والبنات شالو الاطباق مع هناء وبعدين قعدو والشباب شربوا قهوة والبنات شربوا عصير
سلمي قامت : يلا بينا يا بنات
هناء : اقعدي يا سلمي
سلمي : قعدت يا نونا والله
يوسف : استنوا يا بنات هوصلكم
سلمي سلمت عليهم كلهم ماعدا يوسف وآيه وشهد ودعوهم وخرجوا يوسف نزل قدامهم والبنات كانو نازلين علي السلم وبيتكلمو
آيه : انتي كنتي مع يوسف يا سلمي
سلمي : ايوا
شهد : مقولتيش كدا ليه
سلمي : ازاي اقول قدامهم متنسيش نونا ومالك وسيف موجودين
شهد : طيب وايه يعني دا خطيبك
سلمي : لاا طبعا
آيه : طيب ايه اتصالحتو
سلمي : اه يعني عشان كدا نور صممت اني اخدله العصير
آيه بضحك : نيتنا خير والله
شهد بضحك : طيب جابت مفعول
سلمي بضحك : لاا مجابتش
آيه : يعني متصالحتوش
شهد بضحك : انتي مشوفتيهاش يابت مسلمتش علي الواد
آيه بضحك : الوقت كله دا مع بعض اكيد حصلت حاجه
سلمي بضحك : مالكمش دعوه
شهد بضحك : احكيلي بس
سلمي : اخلصوا هو مستني بقاله كتير
آيه : اتهربي
البنات نزلوا ويوسف كان واقف بالعربيه وسلمي ركبت
جمب يوسف وآيه وشهد ورا
يوسف وصل شهد وبعد وقت وصلو قدام العماره وسلمي نزلت وآيه نزلت
يوسف : آيه ممكن كلمتين
آيه : اتفضل يا باشا
يوسف : انهارده عاوزك بليل تنزلي سلمي
آيه باستغراب : ليه
يوسف : مش عاوزه تتكلم معايا
آيه بابتسامة : حاضر
يوسف : علي تليفون
آيه بابتسامة : ماشي يلا باي
يوسف مشي بالعربيه وآيه طلعت شقتهم ودخلت لقيت
سلمي واقفه بتبصلها
سلمي : هو كان بيقولك ايه
آيه بضحك : يعني انتي موقفتيش تسمعي وجايه تساليني
سلمي بضحك : قالك ايه طيب
آيه : ولا حاجه
سلمي : توتا اخلصي
آيه بضحك : غيرانه ولا ايه
سلمي بضحك : لاا طبعا
آيه بضحك : كل الاسئله دي ولاا امال لو غيرانه
سلمي بضحك : اخلصي قولي طيب
آيه بضحك : رني علي يوسف واساليه
سلمي : مبتكلمش معاه
آيه بغمزه : روحتي تديله العصير قعدتي ساعه معاه ومش بتكلمي
سلمي بضحك : والله هو اللي
آيه بضحك : هو ايه
سلمي : مفيش ومش عاوزه اعرف
آيه بضحك : فضولك هياكلك
فارس دخل الشقه وشافهم بيضحكو
فارس : بتضحكو علي ايه
سلمي : مفيش
فارس : انا كل ما هتكلم معاكي هتكلميني بالطريقه دي
آيه : فارس ادخل اوضتك يا حبيبي
فارس : دا ليه انت عملت حاجه
سلمي : هي البجاحه دي جايبها منين كل دا ومعملتش حاجه
فارس : هو انا عشان هتجوز يبقا كدا بجاحه
سلمي : لاا انت فاهم قصدي كويس
آيه : حرام عليك بجد يا فارس البت انهارده تعبت جامد
سلمي : وبتقوليلو ليه هو هيفرق معاه
فارس : ايه تعبت ازاي
آيه : اغمي عليها
سلمي باستغراب : اغمي عليها ازاي
آيه : كانت تعبانه وفضلت تعيط وبعدين اغمي عليها عشان كدا مالك كان موجود
سلمي : مقالتليش
آيه : هي ما كانتش عاوزه تحكي بس انا اللي سالتها كتير
فارس : طيب هي كويسه دلوقتي
سلمي : دا يهمك يعني
آيه : هو انت مش قلقان ولاا خايف عليها يا فارس
فارس : اخاف ليه هي كويسه دلوقتي .. عن ازنكم بقا
فارس دخل اوضته ومسك الفون ورن
يوسف كان في العربيه في طريقه للبيت وشاف فارس
بيرن عليه فضل يبص في الفون وبعدين رد
يوسف : ايوا
فارس : يوسف ازيك
يوسف : بخير الحمدلله
فارس : ممكن اتكلم معاك
يوسف : سامعك
فارس : لاا نتقابل احسن
يوسف : تمام
فارس : ممكن 8 بليل لو فاضي
يوسف : تمام مفيش مشكله
يوسف قفل وحط الفون جمبه وبعد شويه وصل ونزل من العربيه وطلع شقتهم كان لسه موجود مالك وسيف وهناء ونور قاعدين كلهم في الريسبشن واول ما دخل سمع سيف بيقول
سيف : طيب انتي كويسه دلوقتي يا نور
يوسف : ليه نور مالها