في مكان اول مره نروح فيه كان قاعد واحد بيشرب ومبسوط داخل عليه شاب ومسكه من هدومه بغضب.... انت ايه إللى هببته ده، انا قولت نقرصه قرصه صغيره عشان يبعد عن شغلنا مش تق'تل مراته.
الراجل بخوف.. هو هو انا معرفتش اتصرف ازاي وبعدين انت لازم تشكرني اهو اتلهى في حاجه وهيبعد عننا.
الشاب بغضب وضربه بالقلم... يبعد ايه انت ماتعرفش انك بالحركه دي فتحت علينا نا'ر ج'هنم، يا غبي هو هينكش ورا إللى عمل كده في مراته ومش هيرحمه ابدا.. انا عارفه سراچ عنيد وشره وحش لازم تختفي عن الوجود ولو لقاك سراچ اسحقك تجيب اسمي في الموضوع ولا اعتبر اهلك و عيالك مي'تين انت فاهم.
كان بيكلمه بتحذير شديد.
الشاب... قام وقف.. مش لازم سراچ يعرف مين إللى ورا ق'تل مراته.
♥♥♥♥♥
عند سراچ وليل.
♥♥♥♥♥
سراچ قام وقف.. ومشي خطوتين وبعدين بص عليها.. لوى دراع هو صح.
ليل سابت ريان وقامت وقفت قدامه.. لا حضرتك مش لوي دراع بس ده اتفاق وهيبقي سري بيني وبينك.
سراچ بصلها برفع حاجب.. سري.
ليل اخدت نفس وطلعته.. اه سري حضرتك مش عاوزه نادر يعرف اني السبب كفايه إللى عمله معايا بجد ده اقل واجب ممكن اقدمه ليه انا مليش غيره في الدنيا دي.
سراچ.. برايك ممكن اوثق فيكي واسيب ابني معاكي بالسهوله دي.
ليل.. انا جاهزه لأي حاجه بس لو سمحت غير قرارك ولو عاوزني اطلع واعتذر منك انت واخوك قدام الناس في لقاء صحفي موافقه.
كانت بتتكلم برجاء.
سراچ.. نفخ بضيق.. هحطك تحت الاختبار الاول لو طلعتي نيتك صافيه تجاه ابني هراجع قراري اما لو نيتك مش صافيه ومزقوقه عليا انا وابني صدقيني وقتها محدش هيعرف مكانك انتي فاهمه.
كان بيتكلم بتحذير ووعيد.
ليل بعند.. فاهمه وهكون عند حسن ظنك بجد وهتوثق فيا لأني مش في نيتي حاجه وبعدين مين هيزقني عليك او علي طفل زي ريان.
سراچ.. اعدائي كتير ويمكن حد فيهم زقك عليا.
ليل.. حضرتك ظابط وليك مركزك وطبعا بتقدر تعرف إللى قدامك بيكدب او لا وبعدين غير ده كله ذكي بالعقل كده.. كانت بتشاور علي راسها.. مش هتقدر تكشفني لو انا فعلا كده .
سراچ.. بكره الايام جايه والمستخبي كله هيبان ماتقلقيش واللى غلط هيتحمل عقا'به.
كان بيبص قدامه بشرود.
ليل عشان تخف من جو التوتر إللى عامله ليها.. اتكلمت بضحك.. هتقبضني كام بقى؟
سراچ بصلها.. علي حسب شغلك هتقبضي.
ليل.. بضحك.. يعني كام انا مابقبضش غير بادولار، ما أنا مش اي حد هيشتغل عندك انا ليل عثماني.
سراچ بستغراب.. عثماني انتي مش مصريه.
ليل... لا اهلي مش مصريين بس انا ونادر عايشين بقالنا كتير في مصر عشان كده بنكلم مصري كويس.
سراچ.. بغموض وراح قعد تاني مكانه.. منين؟
ليل بكدب..وتوتر.. من حلب.
سراچ.. رجع ضهره لورا.. وحط ايده علي الركنه من فوق.. حلب.. اوك.
انقذها منه فونها لما رن.. وكان نادر.
ردت وهي قلبها بيدق بسرعه من كمية التوتر.. ا الو.
نادر.. ليل انا مش هقدر آجى النهاردة لأن عندي مهمه.
ليل..بقلق.. تمام..حبيبي انت كويس؟
نادر بصوت مكتوم من الزعل.. اه يا حبيبتي كويس.
ليل.. تمام مع السلامه.
سراچ كان بيبص ليها بغموض..
ليل بتوتر.. في ايه حضرتك بتبصلي كده ليه؟
سراچ.. شغل الحبيبه ده هيشغلك عن ريان وو... قاطعته ليل.. بسرعه.. ده نادر.
سراچ.. اوك.. ريان معاكي انا داخل انام شويه.
ومشي خطوتين.. بس وقف لما هي اتكلمت.
ليل بتوتر.. انا معنديش حبيب.
سراچ من غير ما يلف.. ببرود.. وانا ماسألتكيش.
وسابها ودخل اوضته.
ليل بغيظ..وتمتمه.. وقح بجد، مش عارفه مراتك كانت مستحملاك ازاي؟
وبصت علي إللى في الارض وبيلعب بحب.. راحت قعدت جانبه وابتسمت ليه بحب وحنيه.. استاذ ريان تعال نلعب سوا يلا.
كانت بتلعب مع ريان و هو كان بيضحك معاها وصوت ضحكهم كان عالي مكنش سراچ عارف ينام بس ابتسم انه سمع صوت ضحكت ابنه من تاني.
قام قعد علي السرير...
ومسك صورتهم سوا وكانت رؤية معاهم في الصوره كانو بيضحكو... بصلها بحزن ودموع..
فرحتنا اتخطفت من بيتنا يا حبيبتي مشيتي واخدتيها معاكي.. وكمل بوعيد.. بس إللى حرمنا من الفرحه دي مش هيفضل عايش حياته كده تاني انا إللى هخطف الفرحه دي منه بس الصبر حلو.
وقعد شويه يتأمل فيها لحد ما نام واخد الصوره في حضنه.
♥♥♥♥♥
بره
♥♥♥♥
بعد لعب كتير ليل غيرت لريان واكلته ونام قامت نيمته في سريره ولقت طبعا المطبخ مكركب من إللى سراچ كان بيعمله الصبح... بصتله كده وغمضت عينيها ونفخت.. هي المواعين ورايا ورايا اوووف مش هييجي يوم وتتغسل لوحدها دي... لا ست ليل لازم تشتغلي ياما مش هتفضل كده لوحده.
ليل غسلت المواعين وروقت المطبخ والبيت وعملت اكل.... سراچ قام من النوم علي بعد الضهر.. قام صلى الضهر ولما ماسمعش صوت ابنه اتخض وطلع جري بره الاوضه لقاه البيت نضيف ودخل اوضة ابنه لقاه نايم ارتاح سمع صوت في المطبخ راح لقاها بتطبخ وحاطه السماعات في ودانها وبتدندن مع الاغنيه بصوت واطي.
ليل بتلف وهي شايله الماية بتتخض منه وبتوقع الماية علي الارض...
ليل بخضه..صوتت.. اععععععععععععععع.
سراچ.. راح لعندها عشان يسكتها عشان ريان مايصحاش.. اتزحلق في الماية ووقعو الاتنين.
سراچ وقع علي ضهره وهي فوقه.
ليل رفعت راسها.. انا لسه عايشه.
سراچ.. زهقها بعيد عنه..وقام.. ومسك ضهره.. بوجع.. ااه.
ليل بغيظ.. مش براحه وبعدين قامت.
سراچ بوجع وغيظ.. براحه ايه انتي كسر'تي ليا ضهري.
ليل.. بغيظ.. ليه من تقلي وبعدين انت إللى خضتني مش تحمحم.
سراچ.. بغيظ.. حضرتك حاطه السماعات في ودانك لو حصل زلزال مش هتحسي بيه.. يعني لو حمحمت او لا مش هتحسي.. وكان ماسك ضهره.
ليل.. بخوف.. طيب انت كويس.
سراچ مردش عليها وخرج وده عصبها اوي منه..
ليل بصت للمطبخ ومسحت الماية إللى وقعت علي الارض وكملت الاكل.
بره سراچ راح اوضته ونام علي بطنه لان من الوقعه مكنش عارف ينام علي ضهره.
ليل خلصت اكل وبصت علي ريان لقته لسه نايم خرجت تشوف الوقح زي ماهي بتقول...
خبطت علي الباب.. جه ليها الرد.. ادخلي.
ليل فتحت الباب ولقته نايم.
ليل باحراج.. وتوتر.. الاكل جهز تعالى كل شكلك اصلا مفطرتش.
سراچ.. بوجع قام براحه بس كان موجوع.. ماشي.
فونه رن وكانت امه.
سراچ بتعب.. الو يا حبيبتي.
ليل.. في سرها.. بغيظ.. مراته لسه مكملتش شهر والباشا بيخونها بجد وقح وخاين.
امه.. بخوف.. مال صوتك؟
سراچ بتعب.. مفيش حاجه ياحبيبتي شكلي خدت دور برد.. وكان بيرشح.
امه... طيب انا جايه ليك سلام.. وقفلت قبل مايرد عليها.
سراچ.. قفل وبص علي إللى واقفه وبتبص عليه بقرف... مالك بتبصلي كده ليه.
ليل... مفيش.
سراچ قام وسابها وخرج وهي خرجت وراه.
حطت ليه الاكل وكانت واقفه.
سراچ كان بيأكل بجوع وهو بيأكل.. علي فكره اكلك وحش.
ليل بغيظ