رواية التضحية بالحب الفصل الثلاثون30 بقلم اروي عادل
تمارا ٠٠٠ أنا هطلع بره لحد ما تلبس البدلة
قالت جملتها ثم خرجت ٠٠
بقلم٠أروى٠عادل
🕳🕳🕳🕳🕳
خرجت تمارا من الغرفة ثم وقفت أمام الغرفة فى انتظار انتهاء حسام من ارتداء ملابسه
هنا سمعت صوت مراد خلفها وهو يقول بحده
مراد ٠٠٠ ايه إللى جابك النهاردة الشغل
تصنعت تمارا القوى و التجاهل وقالت ببرود استفز مراد
تمارا ٠٠٠ نعم حضرتك بتكلمنى أنا
مراد ٠٠٠ ( بضيق ) لا ما انا مش ناقص كمان استفزازك
تمارا ٠٠٠ أنا مش فاهمه حضرتك تقصد ايه
مراد ٠٠٠ تمارا انا فيا إللى مكفينى مش ناقص برودك كمان
تمارا ٠٠٠ بصراحه انا مش فاهمه حضرتك تقصدى ايه
مراد ٠٠٠ تمام يلا أمشى دلوقتى من القصر مش المفروض تكونى خلصتى شغل
تمارا ٠٠٠ لاء ما انا معزومه على الخطوبة
مراد ٠٠٠ تمارا عشان خاطرى روحى
تمارا ٠٠٠ بس انت مالكش خاطر عندى عشان تحلفنى بخاطرك
هنا قال مراد بعصبيه
مراد ٠٠٠ يا غبية انا خايف عليكى مش هتقدرى .. هتتوجعى
ابتسمت تمارا ثم قالت بتحدى
تمارا ٠٠٠ لاء متخافيش هقدر بس ياريت انتى إللى تقدر تستحمل إللى جاى
مراد ٠٠٠ تقصدى ايه ..
تمارا ٠٠٠ ( بضحك) بكره تشوف .. او يمكن النهاردة على حسب
مراد ٠٠٠ بلاش عناد احسن. و. يلا عشان تروحى
هنا ضحكت و قالت
تمارا٠٠٠ تصدق نسيت اقولك مبروك
يا عريس
قالت عبارتها ثم طرقت على باب غرفة حسام وبعد ما فتح حسام الباب قال وهو يرتدى بدلة انيقه
حسام ٠٠٠ أيه رأيك
هنا نظرت تمارا ل مراد الذى مازال واقف. لذلك كانت ترغب فى اثارت غيرته فقالت
بقلم٠أروى٠عادل
تمارا ٠٠٠ واووو جامد آخر حاجة
حسام ٠٠٠ بجد عجبتك يا تمارا
تمارا ٠٠٠ طبعآ عجبتنى و كتييير كمان
ثم اقتربت منه وقالت
تمارا ٠٠٠ خلينى بس اعدلك الكرفته
ثم بدأت تمارا بتظبيط الكرفته لحسام
هنا كور مراد قبضت يده بغضب كان بيحاول بكل قوته ان يسيطر على غضبه من أثر غيرته
هنا قال حسام الذى أستغرب من تصرف تمارا
حسام ٠٠٠ طيب وانتى رايقه كده متفكرى كده تلبسى الفستان
ح
ينها نظرت تمارا لمراد بخبث ثم قالت
تمارا ٠٠٠ اه .. تقصد الفستان إللى انت جبتهولى
حسام ٠٠٠ اه . هو فى غيره
تمارا ٠٠٠ خلاص هلبسه عشان انت بس متزعلش
حسام ٠٠٠ ( بفرحه) بجد يا تمارا بتخافى على زعلى ... انا هنادى بسرعة على حور عشان تجيب الفستان
عندما رأت فرحة حسام بكلامها لعنت نفسها لانها بتستغل حسام لغيرت مراد
ذهب حسام ليجلب الفستان من حور هنا قال مراد و الشر يتطاير من عينه
مراد ٠٠٠ايه إللى انتى بتعمليه ده
تمارا ٠٠٠ ( ببرود ) هو انا عملت
مراد ٠٠٠( بتحذير ) ابعدى عن حسام
يا تمارا احسنلك ..و بلاش تستعملى الطريقة دى فى انتقامك منى
تمارا ٠٠٠ يا راجل انتقام ايه هو انا فاضيه للعب العيال ده.. واذا كان على حسام متهيألى انا حره اقرب من حسام.أو من أى حد تانى. مالكش فيه انا حره
هنا أمسكها مراد من ذراعها بقوه و قال بغضب و تحذير قوى
مراد ٠٠٠ أقسم بالله يا تمارا اقتلك لو فكرتى تقربى من أى راجل تانى فاهمه
بعدت أيده عنها بقوة و قالت بحده
تمارا ٠٠٠ ابعد ايدك دى عنى و أوعى تفكر تلمسنى تانى .. ياريت مالكش دعوة بحياتي خالص و هقولهلك تانى انا حره اعمل إللى انا عايزاه.. مالكش فيه فاهم
هنا جاءت حور و قالت
بقلم٠أروى٠عادل
حور ٠٠٠حسام قالى انك غيرتى رأيك و هتلبسى الفستان
قالت تمارا وهى تنظر لمراد
تمارا ٠٠٠ اه غيرت رأيى
حور ٠٠٠ طيب تعالى تلبسى فى جناحى
هنا قالت حور بعد و انتبهت ل مراد
حور ٠٠٠ مراد انت أخيرآ جيت ..تصدقى
يا تمارا فى عريس يروح شغله يوم خطوبته
تمارا ٠٠٠ عادى احنا فى زمن كل شئ جايز
هنا ذهبت تمارا مع حور بينما ذهب مراد لغرفته
🕳🕳🕳🕳🕳🕳🕳🕳
بعد مرور ساعة
الجميع كانوا جاهزين فى جنينة لأستقبال المعازيم الذين بدؤوا يتوافدون
بينما جاءت العروس لكن وعلى غير العادى لما يكن العريس فى استقبالها
لذلك قالت شيرين بغضب
شيرين ٠٠٠ هو فين ابنك مش المفروض يكون واقف يستقبل عروسته
نسرين ٠٠٠ غصب عنه واللهى كان عنده شغل مهم و كان لازم يخلصوا
شيرين ٠٠٠ شغل يوم خطوبته
هنا حاولت نسرين تقول اي مبرر كاذب فقالت
نسرين ٠٠٠ده مراد كان مضايق أوى لما استدعوا النهاردة فى الشغل ضروري بس هيعمل ٠٠ همآ ظباط الشرطة كلهم كده وقتهم مش ملكهم ..
شيرين ٠٠٠ عندك حق .بس هايدى ذنبها ايه. يكون شكلها مش لطيف قدام المعازيم..
نسرين ٠٠٠ شكلها زى القمر مافيش حد يقدر يقول كلمة غير كده.. و يلا بقى نقابل الضيوف
وهنا ذهبت نسرين ل أسلام وقالت
نسرين ٠٠٠ اطلع قول ل مراد ينزل.. هو بيعمل ايه كل ده فوق
أسلام ٠٠٠ اكيد بيلبس
نسرين ٠٠٠ ساعة و نص بيلبس فيهم دى العروسه نفسها مش بتاخد الوقت ده كله
أسلام ٠٠٠ حاضر هطلع اشوفه
بعد ما انصرف اسلام جاءه يوسف و قال
يوسف ٠٠٠ مراد منزلش ليه لحد دلوقتى
نسرين ٠٠٠ بيلبس و نازل على طول
يوسف ٠٠٠ وليه التأخير ده كله الضيوف بدؤوا يسألوا عنه
هنا نادت نسرين على حور و قالت
نسرين ٠٠٠ اطلعى نزلى أخوكى من فوق بسرعة
حور ٠٠٠ حاضر
بقلم٠أروى٠عادل
🕳🕳🕳🕳🕳🕳🕳🕳
فى جناح مراد
~~~~~~~~~
دخل أسلام الغرفة دون أن يطرق الباب وجد مراد يجلس على إحدى الكراسى يضع يده على جبهته بملامح شاحبه
أسلام ٠٠ أنا لسه ملبستش العروسه و المعازيم كلهم تحت وانت قاعد هنا
مراد ٠٠٠ مش قادر .. مش قادر يا أسلام
أسلام ٠٠٠ أنت إللى اختارت
قال مراد بألم وهو لا يعلم شئ عن التى واقفه أمام باب غرفته تسمع ما يحدث
مراد ٠٠٠ ماكنتش اعرف ان الحوار هيكون صعب أوى كده. و خصوصآ انها هنا و مصممه تحضر الخطوبة .
أسلام ٠٠٠ تمارا هنا . مش قولتلك انها مجنونه
مراد ٠٠٠ بس انا مقدرش احضر الخطوبه وهى موجوده مقدرش احط عينى فى عينها ده عقاب قاسى أوى
أسلام ٠٠٠ أنا حذرتك من الأول تمارا مش هتسكت على عملتو معاها
مراد ٠٠٠ الغبية مش عارفه انها لما تحضر الخطوبة هتتوجع اكتر منى .
حور ٠٠٠ طالما بتحبك وانت بتحبها أوى كده ليه رايح تخطب هايدى
هنا اتسعت عين مراد و اسلام بدهشة هم ينظرون إليها دون أن ينطقوا بكلمة لذلك قالت
حور ٠٠٠ بدل ما بتبصوا عليا كده فهمونى ايه إللى بيحصل
أسلام ٠٠٠ مش وقته دلوقتى تفهمى حاجة
ثم نظر ل مراد كمل حديثه
أسلام ٠٠٠ أنت لازم تنزل دلوقتى .. ماينفعش تتأخر اكتر من كده ..عشان ماتبقاش فضيحه
مراد ٠٠٠عندك حق هلبس و انزل .. حور
حور ٠٠٠ نعم
مراد ٠٠٠ تمارا فين
حور ٠٠٠ هى فى الجناح بتاعى بتجهز مع ملك
مراد ٠٠٠ خليكى جانبها عشان خاطرى
شعرت حور بمدى حزن اخيها لكنها مازالت لا تفهم لماذا يفعل مراد ذلك كيف له أن يحب تمارا و يخطب هايدى ..لذلك قالت بعدم فهم
حور ٠٠٠ حاضر يا مراد هبقى جانبها
بقلم٠أروى٠عادل
🕳🕳🕳🕳🕳🕳🕳🕳🕳
فى غرفة حور
~~~~~~~~
ملك ٠٠٠ بجد قمر .بس مش عارفه انتى ليه متوتره
تمارا ٠٠٠ يمكن عشان اول مره البس كده
و كمان ميكاب و شعرى المفرود .. كل ده غريبه بالنسبالى
هنا دخلت حور وقالت بأنبهار
حور ٠٠٠ أوبااااا بقى.. ايه الجمال ده .أمال فين الواد تمارا .
تمارا ٠٠٠ حلوه
حور ٠٠٠ حلوه بس ده عظمه . اقسم بالله تجننى .ربنا يستر على الشباب إللى فى الحفلة من جمالك
تمارا ٠٠٠ لاء انتى كده بتبلغى
حور ٠٠٠ واللهى بتكلم بجد ..تسلم ايدك يا ملك الميكاب هادى بس تحف
ملك ٠٠٠ تمارا حلوه من غير أى حاجة
كانت تمارا معروفه بلبسها الذكورى كما أنها لم تضع ابدآ اى من مساحيق التجميل الا فى المناسبات أما شعرها كانت دائما ترفعوا على هيئة ذيل حصان ..لذلك كانت تبدو مختلفه تمامآ. كما كانت جميله جدآ كانت تبدو فى هذه الهيئة كأنها أميرة خرجت من إحدى الروايات الخياليه
🕳🕳🕳🕳🕳🕳🕳🕳🕳🕳🕳
كانت تمارا تنزل من على سلالم القصر
و معاها حور و ملك
بينما كان واقف مراد و اسلام فى الصالون
وعندما رأها أسلام قال ل مراد
أسلام ٠٠٠ ربنا يعينك على هتشوفو دلوقتى
مراد ٠٠٠ تقصد ايه
أسلام ٠٠٠ بص وراك و انت تعرف
وعندما نظره مراد خلفه و رأه تمارا بهذا الجمال بلع ريقه و اتسعت عينا . وظل يتأملها هو وافق متجمد مكانه
انتبهت تمارا لحالة مراد . لكنها تجاهلت وجوده تمامآ مرت من جواره كأنه ليس موجود . و خرجت للجنينة
بينما قال أسلام
أسلام ٠٠٠ اقسم بالله صاروخ
مراد ٠٠٠ متلم نفسك
أسلام ٠٠٠لاء متخافش انا مرتبط بأختها
مراد ٠٠٠ شوفت عامله فى نفسها ايه
أسلام ٠٠٠شوفت إلا شوفت .. بصراحة إللى يكون فى عونك . البت جامده بصراحة
مراد ٠٠٠( بعصبيه) إسلام انت عايزنى افقد اعصابى عليك النهاردة
أسلام ٠٠٠ اهدى . اعصابك يا عريس .
و بعدين انا عايزك تمسك اعصابك شويه فى فرح بره و اكيد فى شباب و طبيعى يعجبوا بجمال تمارا . اكيد مش هتسيب العروسه. و تتخانق مع كل حد يبص عليها
مراد ٠٠٠ هو ده إللى هى عايزاه ..عايزانى اتجنن افقد اعصابى
أسلام ٠٠٠ مراد اى حاجة تعملها بره هتبقى فضيحه لعايلة مهران خلى بالك
بقلم٠أروى٠عادل
🕳🕳🕳🕳🕳🕳🕳🕳🕳🕳
فى جنينة القصر
~~~~~~~~~~
حسام ٠٠٠ تمارا انا ماكنتش متخيل ان الفستان هيطلع بالجمال ده
تمارا ٠٠٠ أه عندك حق الفستان فعلآ حلوه
حسام ٠٠٠الفستان حلوه عشان انتى إللى لابسه . بصراحه مش الفستان بس كل حاجة فيكى حلوه. و مظبوطه بالمسطره
هنا شعرت ملك بغصه بصدرها و هى تسمع غزل حسام فى تمارا هنا قالت تمارا
تمارا ٠٠٠ بلاش مجامله .
لؤى ٠٠٠ ملكة الحفله بلا منازع .. من غير ماتتكلمى انا عارف انك مابتحبش الكلام ده بس بصراحة انا ما اقدرش اشوف الجمال ده و اسكت
أضايق حسام من مدح لؤى ل تمارا
بينما كانت تشعر بأحراج
حسام ٠٠٠لما انت عارف انها مابتحبش الكلام ده يبقى ياريت تسكت
لؤى ٠٠٠ ياريت اقدر
حسام ٠٠٠ ( بتحذير) لؤىىىىى
لؤى ٠٠٠ خلاص هسكت
كانت تمارا تشعر بعدم الراحه من نظرات الاعجاب من بعض المعازيم الذين لديهم فضول يعرفوا من هى الفاتنه صاحبة الوجه الجديد
هنا حدث تهليل و تصفيق عند خروج مراد
وتوجه للكوشة و أول ما جلسه بجوار هايدى
و بدأ الاحتفال بالخطوبة .. بعد مرور بعد الوقت .. اقام مراد و هايدى يرقصون سلو
بينما مراد لا يستطيع أن يبعد عينه من على تمارا .. وعندما لاحظت هايدى ذلك قالت
هايدى٠٠٠ ممكن تبصلى. و تقولى ايه إللى اخرك عن الخطوبة
مراد ٠٠٠ هو وقته الكلام ده
هايدى ٠٠٠ طيب أفرد وشك الناس تقول علينا ايه
مراد ٠٠٠ هو ده إللى فارق معاكى الناس و المظاهر الكادبه
هايدى ٠٠٠ فى ايه يا مراد هو انا عملت حاجة
مراد ٠٠٠ فى إللى انا قولتلك انا عايز خطوبه عائليه على الضيق يعنى مش مهرجان
هايدى٠٠٠ بس خالتو نسرين قالتلى اه.....
قطع عبارتها وقال وهو يوزع ابتسامات مزيفه على المعازيم
مراد ٠٠٠ أنا ماليش دعوة بحد انا قولتلك انتى . واسمعى لو عايزه موضوعنا يتم يبقى اسمعى إللى اقول عليه .لانى مابحبش أقرر كلامى
هايدى ٠٠٠حاضر ممكن بقى تشيلنى و تلف بيا
مراد ٠٠٠ أيه شغل المراهقين ده
الجميع كانوا ينظرون للعروسين وهم يرقصوا سلو و يتحدثوا ولا أحد يعلم ماذا يقولون
هنا تبدلت ملامح تمارا عندما رأت اقترابهم من بعض..كان ذلك يقتل تمارا من الداخل فقلبها يتألم
. برغم قوتها.. و برغم انها هى من اصرت ان تحضر حفلة الخطوبة.. و برغم ما قالتو.. إلا أن الواقع مختلف عن الكلام.
كانت فى وضح لا تحسد عليه فحبيبها التى طالما حلمت انها تكون شريكت حياتها يرقص أمامها مع عروسته
لم تستطيع أن تمسك دموعها التى كانت
تجاهد بأستماته حتى لا تخرج عن صمتها لذلك قالت تمارا
تمارا ٠٠٠ حسام انا رايح اعمل تليفون
حسام ٠٠٠ متتأخريش
ذهبت تمارا بعيد حتى لا يراها أحد لذلك دخلت غرفة الجيم
وهنا ظلت تبكى بحرقه حتى كاد قلبى ان يقف.....هنا رن هاتفها ردت بسرعة بعد ما أزاحت دموعها وقالت بصوت مخنوق
بقلم٠أروى٠عادل
( بداية المكالمة )
تمارا ٠٠٠( ببكاء) سلمى انا مش قادره
سلمى ٠٠٠ ( بخوف) فى ايه مالك انتى بتعيطى
تمارا ٠٠٠ طلعت بكدب على نفسى مقدرتش اشوفه جانبها مقدرتش اشوفه بيخطب غيرى
سلمى ٠٠٠اهدى يا حبيبتى اهدى
تمارا ٠٠٠ أنا عايزه أروح مش قادر أقعد هنا
سلمى ٠٠٠ أنا و ياره واقفين بره القصر اطلعى
تمارا ٠٠٠ مش هينفع اطلع وانا كده
سلمى ٠٠٠ ليه
تمارا ٠٠٠ أنا فى أوضته الجيم و الجنينه مليانه ناس
سلمى ٠٠٠طيب وايه المشكله
تمارا ٠٠٠ أنا من كتر العياط الماسكرا ساحت و الكحل كمان و الميكب باظ و شكلى بقى عامل زى العفريته
سلمى ٠٠٠ (بضحك ) صحيح هم يضحك و هم يبكى .. هو انتى فى ايه ولا ايه ..طيب قوليلى هندخل القصر ده ازاى
تمارا ٠٠٠ عادى السكيورتى عارفين ياره ..
و ياره عارفه أوضته الجيم
سلمى ٠٠٠ طيب احنا جايين ليكى
فى الجهة الاخرى
كانت هايدى ترقص بطريقة هستريا
بينما مراد رافض الرقص كان يجلس فقط مثله مثل المعازيم .
كل ما كان يفعلو انه يبحث بعينه عن تمارا لكنه لم يجدها لذلك قال ل حور فى أذنها
مراد ٠٠٠ فين تمارا
حور ٠٠٠ راحت تعمل تليفون من ساعتها مرجعتش
مراد ٠٠٠ خدى أسلام و شوفيها فين
حور ٠٠٠ حاضر
وبالفعل ذهبت حور و اسلام يبحثوا عنها لكن دون جدوى .. و هنا رأه أسلام ياره و سلمى داخلين من باب القصر لذلك ذهب إليهم وقال
أسلام ٠٠٠ انتو جايين ل تمارا
يارا ٠٠٠ مش عايزه ذكاء يعنى . اكيد جايين عشانها آمال هنجى عشان حضرتك
اسلام٠٠٠ طيب ليه المرشح الطويل ده انا غلطان انى سألتك
ياره ٠٠٠أحسن متبقاش تسأل تانى
سلمى ٠٠٠ بقولكم انا مش ناقصه خناقتكم انتو كمان
أسلام ٠٠٠ على العموم انا بردوا بدور على تمارا
سلمى ٠٠٠ هى فى الجيم
هنا جاءت حور و قالت دون انت تنتبه
ل سلمى و ياره
حور ٠٠٠ أنا مش لاقيها و مراد سألنى عليها تانى . مش عارفه اقولو ايه
و السكيورتى قالولى انها مخرجتش من القصر
ياره ٠٠٠ وهو مراد عايز منها ايه تانى. يسأل عليها بتاع ايه
قالت سلمى بتحذير
سلمى ٠٠٠ ياره اسكتى فاهمه . اسكتى
ياره ٠٠٠ ( بغضب) حاضر .هسكت اهو
ثم وضعت يديها على فمها لذلك ضحك أسلام على عفويتها ثم قال
أسلام ٠٠٠ تمارا فى الجيم
فى الجيم
~~~~~~~
عندما أدخلوا الجيم اتصدمه عندما رؤوا تمارا لابسه قفازات الملاكمة فى يديها و تضرب كيس الملاكمة بكل قوتها وهى تصرخ هنا قالت سلمى
سلمى ٠٠٠ تمارا انتى بتعملى ايه. تمارا
هنا انتبهت لهم تمارا وقالت
تمارا ٠٠٠ كنت بدرب
حور ٠٠٠ بتدربى ملاكمه بفستان سوارية
تمارا ٠٠٠ عادى ايه المشكله .الفستان زى الفل مش جراله حاجة
ياره ٠٠٠ أيه الفستان ده . وايه إللى فى شك ده
حور ٠٠٠ المفروض انه كان ميكاب
تمارا ٠٠٠ طيب ممكن نروح بعدين ابقى اقولكم على كل حاجة
سلمى ٠٠٠ اغسلى وشك الأول و غيرى الفستان ده
وبالفعل جابت حور ملابس تمارا ثم غسلت وجهها وهنا قال أسلام ل تمارا
أسلام ٠٠٠ يلا عشان اوصلك
ياره ٠٠٠ متشكرين مش عايزين حد يوصلنا
أسلام ٠٠٠ أنا مش بكلمك انتى انا بتكلم مع تمارا
تمارا ٠٠٠ يلا يا أسلام و سيبك منها
هنا قالت حور ل تمارا
حور ٠٠٠ تمارا انا مش فاهمه ايه إللى بيحصل ولا ايه إللى حصل بينك و بين مراد .أو ايه إللى السبب إللى أوصلكم للوضع ده.. بس انا إللى أعرفو متأكده منه كويس أوى ان مراد بيحبك
تمارا ٠٠٠( بحزن) و انا كمان كنت فاكره كده بس مش كل إللى بنشوفوا بيكون حقيقى
قالت جملتها ثم انصرفت
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى سيارة أسلام
~~~~~~~~~~~~
أسلام ٠٠٠ تحبوا نروح اي مكان غير البيت
فى نفس واحد تمارا و ياره
تمارا ٠٠٠ اه ياريت
ياره ٠٠٠ لا شكرآ
تمارا ٠٠٠ معلش انا مخنوقه ممكن نروح ايه مكان
ياره ٠٠٠ خلاص نروح
أسلام ٠٠٠ أنا أعرف مكان حلو أوى هتبسطوا فيه
ذهب أسلام بهم لمكان مثل النادى للعب البولينج و البلياردو و العاب أخرى
أسلام ٠٠٠ أنا عارف ان المكان هنا هيعجب تمارا اوى
تمارا ٠٠٠ عندك حق انا محتاجه مكان
زى ده تعالى يا سلمى نجرب نلعب بولينج
أخذت تمارا سلمى ثم همست فى أذن ياره وقالت
تمارا ٠٠٠ الواد بيحبك أوعى تضيعى من ايدك ياهبله
قالت جملتها ثم تركت أسلام و ياره مع بعض هنا قال أسلام
أسلام ٠٠٠ كانت بتقولك ايه
ياره ٠٠٠ تمارا طيبه أوى رغم كل إللى هى فيه بتفكر فى غيرها
اسلام٠٠٠ يبقى كانت بتكلمك عننا
ياره ٠٠٠ هو انت ممكن تعمل معايا زى ابن عمك ما عمل مع تمارا
أسلام ٠٠٠ و اللهى عمرى . ياره انا بحبك
ياره ٠٠٠ ما مراد بردوا بيحب تمارا
بس اتخلى عنها
أسلام ٠٠٠ طيب هو عمل كده عشان اخوه..انا الحمدالله ماعنديش اخوات ولاد
ياره٠٠٠ أقسم بالله يا أسلام لو فكرت تسيبنى واللهى ما يكفينى موتك
اسلام٠٠٠ و اهون عليك بردو
ياره ٠٠٠ مش عايز تسيبنى تبقى تهون و تهون اوى كمان
أسلام ٠٠٠ صلى على النبى كده . بلاش الروح الشريرة تحضر دلوقتى ...انا لا هسيبك ولا حتى ممكن اتخيل حياتى من غيرك تمام
ياره ٠٠٠ تمام يبقى خلى طنط نرمين تيجى تتفق على ميعاد الخطوبة بكره
أسلام ٠٠٠ طيب ما تخليها جواز على طول اهو حتى تربطينى جانبك علشان مقدرش أسيبك
ياره ٠٠٠ اهو انت إللى بتنرفزنى عشان بعد كده مترجعش تزعل
هنا سمعوا صراخ تمارا لذلك ذهبوا إليها
ياره ٠٠٠ بتصرخى ليه
تمارا ٠٠٠( بفرحه) وقعتهم كلهم .. تعالى
يا ياره العبى معانا
بدؤوا الأشقاء الثلاثة يلعبون البولينج بأستمتاع بينما ظل ينظر لهم أسلام بأستغراب.. انها حقآ عائله غريبه كيف لهم ان يستطيعوا يحزنوا و يفرحوا فى نفس الوقت