رواية التضحية بالحب الفصل الثامن والثلاثون38 بقلم اروي عادل
( بداية المكالمة )٠٠٠
تمارا ٠٠٠ الو .. ياره
شروق بصوت ياره
شروق ٠٠٠ الحقينى يا تمارا
تمارا ٠٠٠( بخضة) فى ايه مالك
شروق٠٠٠ رجلى اتكسرت عملت حادثه
تمارا ٠٠٠ أنتى كويسه ..طيب قوليلى فى مستشفى ايه
شروق ٠٠٠ لاء انا مش فى مستشفى٠٠ انا فى بيت
تمارا٠٠٠( بأستغراب) بيت ايه ده
شروق ٠٠٠ بيت الست إللى خبطتنى بالعربية طلعت دكتوره و اخدتنى على بنتها و جبست رجلى .. ممكن تيجى تخدينى من هنا
تمارا ٠٠٠ طيب قوليلى العنوان فين
بعد ما قالت لها العنوان قالت
شروق ٠٠٠ بقولك ايه اوعى تقولى لحد
تمارا ٠٠٠( بأستغراب) حد زى مين يعنى و ليه
شروق ٠٠٠ أي حد انا مش عايزه حد يقلق عليا و خصوصآ ماما
تمارا٠٠٠ حاضر .. انا جايلك حالآ مسافة السكة
من الخضة لم تنتبه تمارا لأسلوب ياره المتغير فى الكلام
( إنتهت المكالمة )
بعد انتهاء المكالمة اتصلت هايدى بعصام
وقالت جملة واحده فقط
( بداية المكالمة )
هايدى٠٠٠ عصام استعد تمارا جايه لعندك
عصام ٠٠٠ حلو أوى و انا ظبط كل حاجة
مع البواب
..
( إنتهت المكالمة )
ثم انتهت المكالمة وقالت ل شروق
بقلم٠أروى٠عادل
هايدى ٠٠٠ يلا خدى تليفون ياره و رجعيه مكان إللى. جبتى منه
ثم بعد ذلك قامت بالإتصال بمراد لكنه لم يجيب لكنها قامت بالإتصال به أكثر من و أخيرآ رد عليها مراد
( بداية المكالمة )
مراد ٠٠٠ خير يا هايدى عايزه ايه دلوقتى
هايدى ٠٠٠ فى ايه يا مراد طيب قولى حتى أذيك عامله ايه اى حاجة زى اى اتنين مخطوبين
مراد ٠٠٠ هايدى انتى عارفه انى مش فاضى الكلام ده
هايدى ٠٠٠ أوكى .طيب انا عايزه اتكلم معاك
مراد ٠٠٠ خير عايزه تتكلم فى ايه
هايدى ٠٠٠ أتكلم عننا انت شايف إللى بينا ده طبيعى
مراد ٠٠٠ طيب كويس انك فتحتى كلام فى القصة دى انا شايف اننا ماننفعش مع بع٠٠٠٠٠
كانت هايدى تعمل ان مراد يريد أن ينفصل عنها لذلك قالت قبل ان يكمل عبارته
هايدى ٠٠٠ ماينفعش نتكلم فى التليفون ..لازم نتقابل و نتكلم وش الوش
مراد ٠٠٠ تمام مافيش مشكله لما اشوفك بكره فى القصر نبقى نتكلم
هايدى ٠٠٠ ( بمكر ) لاء ماينفعش نتكلم فى القصر . طيب ايه رأيك نتقابل دلوقتى
لان مراد يريد أن ينتهى من قصة هايدى بسرعة
بقلم٠أروى٠عادل
مراد ٠٠٠ تمام نتقابل فين
هايدى ٠٠٠ معلش ممكن تيجى تخدنى من البيوتى سنتر بتاعى . لان العربية بتعتى فى الصيانه
مراد ٠٠٠ خلاص نص ساعة و اكون عندك
هايدي ٠٠٠ أوكى باى
( إنتهت المكالمة )
بعد ما انتهت المكالمة كده مش فاضل غير اتصل على بوليس الأداب
هنا قامت تمارا بالإتصال من خط غير مسجل
وقالت
( بداية المكالمة )
هايدى ٠٠٠ الو بوليس الآداب .
البوليس ٠٠٠ نعم يا فندم
هايدى ٠٠٠ أنا واحده ساكنه فى العمارة إللى فيها الشقة رقم ٦ ( عنوان العمارة) و الشقة كل شوية بتيجى رجاله فيها أشكال و ألوان و بنات.. احنا خلاص مش قادرين تستحمل القرف اللى بيحصل ده وسمعة العمارة بقت زفت بصراحة بسبب الشقة المشبوهه دى
البوليس ٠٠٠ همآ موجودين فى الشقه دلوقتى
هايدى ٠٠٠ أيوه موجودين
بوليس ٠٠٠ طيب ممكن اسم حضرتك
هايدى ٠٠٠ اعتبرنى فاعل خير
قالت جملتها ثم أغلقت الخط
( إنتهت المكالمة )
هايدى ٠٠٠ كده كله تمام
هنا جاءت شروق و قالت
شروق ٠٠٠ البنت إللى انتى وريتينى صورتها لسه طالعه العمارة دلوقتى
هايدى ٠٠٠ ( فرحه بشر) يعنى الفار وقع فى المصيده ..كده يبقى باى باااااى يا تمارا
شروق ٠٠٠ أنا أتفقت مع خطيبى زى ما انتى قولتيلى وهو واقف بره دلوقتى أول ما هتنزل مع البوليس هيصورها فيديو .. و ينشرها على النت
هايدى ٠٠٠ برافو عليكى مش خساره فيكى ١٠٠٠٠ ألاف زيادة عن اتفقنا
شروق ٠٠٠ ( بطمع) انا اخدمك من غير فلوس
ده انا عينه ليكى . انتى تأمرينى
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
شقة رقم ٦
~~~~~~~~~~•
تمارا تقف أمام الشقة رقم ٦
بعد ما قامت بضرب الجرس فتحت لها فتاه تبدو كخادمه
تمارا ٠٠٠ مساء الخير انا اختى اتصلت عليا قالتى انها موجوده هنا هى إللى رجليها مكسوره
الخادمة ٠٠٠ أه اتفضلى هى جوه
تمارا ٠٠٠ لاء معلش ممكن تنادى عليها
الخادمة ٠٠٠ طيب أدخلى هى رجليها وجعها مش هتقدر تمشى عليها
دخلت تمارا ثم أغلقت الفتاه الباب
بينما قالت تمارا
تمارا ٠٠٠ هى ياره فين
الخادمة طيب اتفضلى أقعدى الأول هنادى على الهانم
جلست تمارا على الأريكة لكنها أستغربت لان الفتاة التى أستقبلتها خرجت خارج الشقة وأغلقت الباب خلفها بالمفتاح
بدون مقدمات ظهر امامها عصام وهو يقول
عصام ٠٠٠ أهلآ بست الحسن والجمال فى بيتى المتواضع
هنا انتفضت تمارا من مكانها بفزع وقتلت
تمارا ٠٠٠ عصاااام أنت بتعمل ايه هنا .. آمال فين ياره
هنا ركضت هنا وهناك فى جميع أركان المنزل تبحث عن ياره و هى تصرخ بخوف و ذعر وتقول
تمارا ٠٠٠ ياره .. ياره .. ياره انتى فين ياره
عصام ٠٠٠ تؤتؤتؤ رايحى نفسك ياره مش موجوده هنا
هنا قبضت يديها على قميصه و صرخت به
وهى تقول
تمارا ٠٠٠ ( بخوف) آمال فين هى اتصلت بيا و أدتنى العنوان الشقةدى .. فين اختى
يا عصام انطق
بعد عصام يديها من على قميصه وقال
عصام ٠٠٠ موجودة متخافيش بس مش هنا
تمارا ٠٠٠ ( بصراخ ) آمال فين ..أوعى تكون عملت فيها حاجة اقسم بالله اقتلك فيها
ضحك عصام بشر وقال وهو ينظر لها بشهواه
عصام ٠٠٠ اهدى و متخافيش انا مش عايزها هى انا عايزك انتى مزاجي فيكى انتى
يا قطة
ابتعدت تمارا عنه وقالت وهى تتوجه للباب الشقة
تمارا ٠٠٠ أنا هطلع منها هنا على البوليس على طول و اللهى لهوديك فى ستين داهيه.
حاولت تفتح باب الشقة لكنه كان محكم الغلق لذلك ضحك عصام بصوت عالى مخيف مما بث الرعب فى قلب تمارا
لذلك صراخت بأعلى صوتها وهى تطرق على الباب و تستنجد بأى أحد
بينما أقترب منها عصام و مسكها من ذراعيها ثم حاول يضمها له لكنها دفعتو بقوة و صاحت به
بقلم٠أروى٠عادل
تمارا ٠٠٠ ابعد عنى يا حيوان ..
ثم ركضت فى جميع أركان المنزل وهى تبحث عن مكان تستطيع الهروب منه و الخروج من المنزل لكن باتت جميع محاولاتها بالفشل بينما يتابعها عصام بخطوات بطيئه
و بصوت مخيف يشبه فحيح الافاعى
عصام ٠٠٠ ده اخر تحذير ليكى لو عايزه أختك ياره ترجعلك سليمه .. سلميلى نفسك
و متخافيش انا هكون حنين اوى معاكى
تمارا ٠٠٠( بشمئزاز) انا عندى اموت ولا واحد زيك يلمسنى فاهم
عصام ٠٠٠ أيه لسانك طويل.. ايه مش خايفة على أختك
تمارا ٠٠٠ انت متقدرش تعملها حاجة..انا اساسآ بدأت الشك ان ياره هى إللى كلمتنى
عصام ٠٠٠ رغي نسوان كتير مابحبش .. انت كده كده بتعتى النهاردة برضاكى أو غصب عنك
هنا ظلت تمارا تنظر بعينيها تبحث عن المطبخ لجلب اى شئ تدافع به عن نفسها
عندما وقعت عينها على المطبخ ركضت إليه لكن عصام كان أسرع منها و امسكها و حاول أن ينزع عنها ملابسها لكنها كانت مثل القطه الشراسة التى تدافع عن نفسها بضراوه وقوة و صلابه دون توقف
هنا على صوت طرق على الباب حتى شعروا ان الباب سوف ينخلع من مكانه
حاولت تمارا توصل لباب ظنت من يطرق على الباب جاءه ليساعدها
لكن اتكسر الباب فجأة و دخلت قوة من رجال الشرطة
هنا قالت تمارا بأنهيار و رعب
تمارا ٠٠٠ الحقونى الحيوان د........
يلعت جملتها بصدمة عندما قال الظابط
الظابط ٠٠٠ أنتى هتستعبطى ياروح امك ..إللى يخربيتكم وسختوا البلد
ثم أشار بيده للقوة التى معاه وكمل حديثه
الظابط ٠٠٠ هاتلى البت دى و الواد إللى معاها و شوفلى فى حد جوه لا همآ بس إللى فى الشقة
كانت تمارا بتحاول تستوعب ما قاله لها الظابط ..حقآ يظن انها فتاه سيئ السمعة
عندما استوعب ماحدش صرخت بشراسه
تمارا ٠٠٠ أنت بتقول أيه انت فاكرنى ايه .
هنا مسك يديها إحد العساكر لذلك صرخت به
تمارا ٠٠٠ أوعى سيب ايدى . انت ماسكنى كده ليه
الظابط ٠٠٠ اخرسى يا بت مش عايز اسمع نفس امك هنا
تمارا ٠٠٠احترم نفسك .. أنت ازاى تكلمنى كده ..
الظابط ٠٠٠ نهار أبوكى اسود انتى بتغلطى فيا يا بنت الكل........ .
قطع جملته الأمين الشرطه عندما قال
الأمين ٠٠٠ مافيش حد فى الشقة
الظابط ٠٠٠ هاتلى البت دى على البوكس و الواد إللى معاها
تمارا ٠٠٠ بوكس ايه .لاء لاء لاء انتو بتعملوا ايه سيبونى
العسكرى٠٠٠ يلا يابت قدامى ..انا مش عارف لما خايفه أوى كده ماكنتى تلمى نفسك من الأول بنات عايزه الدبح
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
أمام العمارة
~~~~~~~~
ظل مراد ينتظر هايدى أمام العمارة حاولى ربع ساعة
لم تخرج هايدى له إلا عندما اتأكدت انها سيكون موعد خروجها مع خروج تمارا مع الشرطة
وبالفعل خرجت هايدى لذلك قال
مراد ٠٠٠ كل ده تأخير
هايدى ٠٠٠ معلش اصلى كنت...
هنا قطعت جملتها بخبث وهى تطصنع الخضة و تقول
هايدى ٠٠٠ أيه ده مش ممكن... تمارا
بينما نظره مراد عندما سمع اسم تمارا
هنا كانت الصدمة التى هزت كل كيانه هنا يرى أمامه أبشع منظر ممكن يراه فى حياته
نعم انها هى حبيبته يسحبها العساكر مثل المجرمين. عندما رأه عصام ايضآ
شعر شعر بدماء تغلى فى سائر جسده
كما كان يشعر داخله بغضب و الخزن و السخط و مرارة و أهانه و الأسى و الخذلان و الغدر .......
نعم انه يشعر كل هذه الأحاسيس الذى تفتك بكرامته كراجل و بقلبه كحبيب
بينما كانت تمارا يسحبها العساكر بوجه شاحب و جسد مهلك ..لقد فقدت جميع قوتها و هى بتقاوم عصام تاره و تارة أخرى رجال الشرطة
بينما كانت تشعر بأهانه و قهر يمزق كيانها
هنا وقفت فجأة عندما رأت مراد امامها
لم تتحدث لكن كانت تكفى النظرات التى قالت كل شئ
هنا شدها العسكرى بقوة و أركبها سيارة الشرطة
هنا شعر مراد و كأن أحد ينزع روحه بكل قسوة و قوة وهو يرى تبتعد و تتلاشى من أمام فى سيارة البوكش
فى أثناء ذلك رأه مراد شخص واقف يقوم بتصوير ما يحدث لذلك صرخ به وقال بصوت أرعب الرجل
مراد ٠٠٠ انت بتعمل ايه . وقف تصوير
الرجل ٠٠٠ فى ايه انا كنت بس
وقبل انا يكمل عبارته كان مراد يلتقط هاتفة منه ثم قام بكسر الهاتف و عندما أعترض الرجل لكمة مراد بقوة و غضب لكمه واحده افقدت الرجل الوعى
ثم صعد مراد للسيارة و غادر المكان بسرعة
بينما شعرت هايدى بضيق هى كانت تريد ذلك التسجيل بشدة لكى يساعدها فى فضح تمارا أكثر على السوشيال ميديا لكنها قالت بينها وبين نفسها بشر
هايدى ٠٠٠ مش مهم التسجيل الفيديو .
انا كده راضية اوى باللى حصل .كده إنتهت تمارا نهائى من حياتى
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳
داخل البيوتى سنتر
~~~~~~~~~~~~~~~
ملك ٠٠٠ هو ايه صوت إللى كان بره ده
شروق ٠٠٠ فى شقة هنا فى العمارة البوليس قبض فيها على بنت و ولد
حور ٠٠٠ أيه ده طيب ليه يخلوا الأشكال دى تسكن فى العمارة
شروق ٠٠٠ نعمل ايه بقى صاحب الشقة بيأجرها مفروش
ياره ٠٠٠ لا إله إلا الله ربنا يكفينا شر الفضيحة
هنا جاءت هايدى وقالت بشماته
هايدى ٠٠٠ ابقى قولى الكلام ده لأختك احسن بقت مفضوحه خالص
ياره ٠٠٠ أنتى بتكلمى مين
هايدى ٠٠٠ بكلمك انتى هو فى ناس مفضوحه غيركم
ياره ٠٠٠ أنتى انهبلتى ايه التخريف إللى بتقوليها دى .. اختى دى انضف من عشره من عينت.......
قطعتها هايدى وقالت بحده
هايدى ٠٠٠ بس بقى عنطظة ما خلاص ظهرتوا على حقيقتكم
ملك ٠٠٠ هايدى احترمى نفسك وانتى بتتكلمى معاها أوى تنسى انها بتكون خطيبت اخويا
هايدى ٠٠٠ قبل ما تدافعى عنها أوى كده قوليلها اختها كانت بتعمل ايه فى الشقة المشبوهه إللى فى العمارة
حور ٠٠٠ اخت مين .. انتى باين عليكى اتجننتى
ياره ٠٠٠ لاء دى عايزه تتربه وانا ان شاء الله إللى هربيها و دلوقتى حالآ
كانت ياره هتهجم على هايدى لكن سابقتها هايدى وقالت
بقلم٠أروى٠عادل
هايدى ٠٠٠ كنتى ربيتى أختك الأول إللى لسه بوليس الآداب اخدها من الشقة الفروشه إللى فوق
أتصدموا الجميع لكن ياره قالت و بثقه
ياره ٠٠٠ انتى واحده كدابه .. انا عارفه انك بتغيرى من تمارا و بتكرهيها.. بس مش توصل بيكى الحال انك تفترى عليها بكلام كدب
هايدى ٠٠٠ ممكن تروحى قسم الشرطة دلوقتى هتلاقى أختك مقبض عليها ه و عشيقها إللى كانت معاه .. أو ممكن تتصلى على مراد هو كان معايا لما شوفناها و همآ قبضين عليها
هنا أخذت ياره شنطتها و قالت
ياره ٠٠٠ هرجعلك تانى و هحسبك على كل كلمة قولتيها
قالت جملتها ثم انصرفت مسرعة و خلفها ملك و حور
🕳🕳🕳🕳🕳🕳🕳🕳🕳🕳🕳🕳🕳
ب
عد مرور أربع ساعات
فى قسم الشرطة
~~~~~~~~~~~~
أثناء التحقيق مع تمارا التى كانت فى حالة من الأنهيار التام
الظابط ٠٠٠ يعنى عايزه تفهمينى انك جيتى الشقه بالغلط
تمارا ٠٠٠ ( ببكاء مرير) مش بالغلط قولت لحضرتك جالى تليفون من اختى انها عملت حادثه و انها موجوده فى الشقة دى
الظابط ٠٠٠ يعنى اختك كمان معاكى ..ده انتو شبكة بقى
خافت تمارا من أن تورط شقيقتها فى هذه القضية لذلك قالت بخوف شديد
تمارا ٠٠٠ شبكة قصدك ايه يعنى ..انا اختى مالهاش دعوة بالحوار ده..لاء اختى مالهاش
الظابط ٠٠٠ بت اظبطى انتى شوية تقولى اختى اتصلت بيا و شويه تقوليلى لاء ..انا عايز اجابه واحده بس
تمارا ٠٠٠ اختى مالهاش دعوة
الظابط ٠٠٠ يبقى نرجع للسؤال من الأول كنتى بتعملى ايه مع عصام فتحى ابو العنين فى الشقة
صمتت تمارا هى لاتعرف بماذا تجيب فى
نفس الوقت هى خايفه ان تأذى شقيقتها لو ذكرت أتصال ياره لها
الظابط ٠٠٠ يا ستى اتكلمى . السكوت مش هينفعك و الانكار بردوا مش هيفيدك
ثم وجه السؤال ل عصام الذى لم يتحدث منذه تم القبض عليهم
بقلم٠أروى٠عادل
الظابط ٠٠٠ و انت يا أستاذ كنت بتعمل ايه فى الشقة
عصام ٠٠٠ واحد و مراته فى شقتهم مع بعض هيكونوا بيعملوا ايه يعنى يا باشا كلك مفهوميه
هنا اتسعت عين تمارا بصدمه ثم صاحت به و قالت بحده
تمارا ٠٠٠ أنت بتخرف بتقول ايه..مرات مين دى ..
هنا صرخ بها الظابط و قال بتحذير ل تمارا
الظابط ٠٠٠ أنتى تخرسى مش عايز اسمع صوتك.. متتكلميش غير لما اطلب منك
تمارا٠٠٠ ياريت تكلمنى بأسلوب احسن من كده ..
الظابط ٠٠٠ وانتى يا روح امك هتعلمينى اتكلم ازاى
بقوة مزيفة قالت
تمارا ٠٠٠ لو سمحت انا مش هقبل أهانه اكتر من كده .. و مش هرد على أي سؤال غير لما تتكلم معايا بأسلوب محترم
هنا داخل أحد الضباط يدعى حمدى يبدو أعلى رتبه من الذى يستجوب تمارا و قال
حمدى ٠٠٠ أيه القضية إللى قدامك دى
الظابط ٠٠٠ دى حالة تلبس فى شقة مفروشة
تمارا ٠٠٠ متقولش تلبس . انت شوفت عليا ايه عشان تقول كده ..
حمدى ٠٠٠ مين دى
الظابط ٠٠٠ دى البت إللى ممسوكه فى الشقة المفروشة
حمدى ٠٠٠ بس دى شكلها بنت ناس
الظابط٠٠٠ يا باشا هى بنات الناس بيروح بردوا شقق مفروشة
عصام ٠٠٠ لاء يا باشا مراتى بنت ناس أوى بس يعنى الظروف إللى خلتنا نتقابل فى الشقة دى
تمارا٠٠٠ ما تقولش مراتى انا مش مرات حد
عصام ٠٠٠ اهدى يا حبيبتى انا عارف انك خايف حد من أهلك يعرفوا بس هنعمل ايه غصب عننا
تمارا٠٠٠ ( بصراخ) انت اكيد شارب حاجة .. أو بتتوهم .
الظابط ٠٠٠ أنا مش قولتلك تخرسى خالص
تمارا ٠٠٠ وانا قولتلك كلمنى بأسلوب كويس
حمدى ٠٠٠ فين بطاقتك
تمارا ٠٠٠ مش معايا بطاقة
الظابط ٠٠٠ معهاش اي حاجة تثبت شخصيتها .وفوق كل ده لسانها متبرى منها
حمدى ٠٠٠ وانت يا أبنى معاك حاجة تثبت انها مراتك
عصام ٠٠٠ ايوه يا باشا معايا ورقة الجواز
هنا اخرج من جيبة ورقة جواز عرفى
لذلك قال الرائد حمدى
بقلم٠أروى٠عادل
حمدى ٠٠٠ أيه ده .. ده انت عامل حسابك بقى و مخلى الورقة فى جيبك
عصام ٠٠٠ ولا عامل حسابى ولا حاجة يا باشا انا محتفظ بالورقة الجواز فى محفظتى على طول
هنا قرأ ال رائد حمدى ورقة الجواز
بينما تمارا تطلع للورقة بذهول
حمدى ٠٠٠ اسمك تمارا محسن سالم لاشين
صح
تمارا ٠٠٠ صح ..بس اكيد الورقة دى مزوره انا مش متجوزه
حمدى ٠٠٠ مش ده توقيعك اللى على الورقة
نظرت تمارا على التوقيع انه يشبه توقيعها لكنه ليس هو
تمارا ٠٠٠ هو يشبه توقيعى بس
هنا بلعت جملتها عندما صاح بها الظابط و قال
الظابط ٠٠٠ يعنى توقيعك ولاء
تمارا ٠٠٠ لاء اكيد لاء انا ماوقعتش على ورقة دى ..دى اكيد مزوره
حمدى ٠٠٠ اسمعى شكلك مش وش بهدله.
انتى عارفه معناها ايه ان يتقبض عليكى معاه فى شقة وهو مش جوزك .. كمان الشقة تعتبر مشبوها.
سكتت تمارا بتحاول تستوعب ما يقوله لها
فقالت
تمارا ٠٠٠ بس هو و اللهى مش جوزى
حمدى ٠٠٠ ده انيل .. انتى ممسوكة تلبس فى شقة معاه
تمارا ٠٠٠ تلبس ازاى انا اتقبض عليا و انا زى ما انا دلوقتى بكامل هدومى..لكن اتلبس ده بيكون يعنى من غير هدوم
شعر الرائد حمدى بالشفقه عليها وعلى سذاجتها وخجلها وهى تتحدث فقال
حمدى ٠٠٠ بردوا يعتبر تلبس لأنك كنت معاه فى الشقه .. و البواب كمان قال انك مش أول مره تيجى الشقة معاه
هنا شعرت تمارا ان الأرض تدور من حولها
و تجمدت جميع أوصالها وهى تقول بألم و حزن
تمارا ٠٠٠ البواب قال كده طيب ليه ..واللهى دى أول مره اروح المكان ده و كمان غصب عنى
قال الرائد حمدى لظابط
حمدى ٠٠٠ خليهم يدخلوا البواب
بعد ما دخل البواب و عرف عن نفسه
قال له الرائد حمدى وهو يشير ل عصام
و تمارا
حمدى ٠٠٠ قولى يا عم راضى تعرف الاتنين دول
راضى ٠٠٠ ايوه يا باشا ده الأستاذ عصام إللى أجر منى الشقة و دى الست مراتى إللى كانت بتيجى معاه الشقة
هنا صرخت بهستريا تمارا بقهر و أسى .. وهى بتحاول تهجم على راضى البواب
تمارا ٠٠٠ ده كداب انا معرفهوش واللهى العظيم كداب ..حرام عليك ليه بتقول كده
انا عمرى شوفتك بتكدب ليه
هنا مسكها الظابط و معاه اتنين من العساكر
بقلم٠أروى٠عادل
حمدى ٠٠٠ إللى انتى بتعمليه ده مش كويس عشان موقفك في القضية
ثم وجه كلامه ل راضى
حمدى ٠٠٠ قولى انت متأكده من الكلام ده
راضى ٠٠٠ ايوه متأكد .. البنت دى جات مع أستاذ عصام وهو بيأجر منى الشقة و ساعتها قالتلى انها مراته ..كمان انا شوفت بعينى ورقة الجواز العرفى
تمارا ٠٠٠ لاء محصلش .. واللهى الكلام ده محصلش . انا معرفهوش واللهى ولا عمرى. شوفته
حمدى ٠٠٠ الكلام ده من امتى
راضى ٠٠٠ من حوالى شهر كده
حمدى ٠٠٠ و بتيجى الشقة منتظمة
راضى ٠٠٠ تقريبآ يعنى كل يوم أو يوم و يوم
حمدى ٠٠٠ امبارح كنت فى الشقة
راضى ٠٠٠ اه كانت موجوده ..و الأسبوع ده كانت كل يوم بتيجى
حمدى ٠٠٠ طيب امضى على أقوالك .. و اتكلم على الله انت
تمارا ٠٠٠ أنتو هتسيبوا يمشى كده..ده بيكدب
حمدى ٠٠٠ أنتى لسه مصممه ان الورقة دى مزوره وهو مش جوزك
تمارا ٠٠٠ أيوه مش جوزى .و اللهى مش جوزى
حمدى ٠٠٠ كده معناه انك هتلبسى قضية دعارة انتى فاهمة يعنى ايه قضية دعارة
تمارا ٠٠٠ بس كده ظلم و حرام . انا معملتش حاجة غلط عشان يحصل فيا كده
حمدى ٠٠٠ اسمعى انتى لسه صغيره.. و انا رأف بحالك .. كمان عشان مستقبلك مايضعش انا هبعت اجيب المأذون يكتب عليكى رسمى ..و ينتهى الحوار ده. و نقفل المحضر على كده ..قولتى ايه