عند نادر جه ليه اتصال من رقم مجهول.
نادر رد.. الو.
المجهول.. الك وحشه بجد.
نادر من الصدمه قام وقف.. انت.
المجهول.. بضحك.. لسه فاكر صوتي عارف انك بتحبني عشان كده مش قادر تنساني.
نادر بقرف.. عاوز ايه مش عملت ليك إللى انت عايزه عاوز ايه تاني.
المجهول... لا لسه الاتفاق اتفاق ولا ودع الحلوه إللى معاك.
نادر بخوف.. اياك تقرب منيها.
المجهول.. هتفضل في امان طول ما انت بتعمل إللى انا عايزه.
نادر بقرف.. عاوز ايه تاني.
المجهول.. كده تعجبني افتح ودانك كويس اوي معايا..................
وقعد يشرح لنادر هيعمل ايه.
نادر بصدمه.. انت اكيد مجنون صح؟
المجهول.. حياة اختك ولا بلد انت مش منها اصلا ولا ناسي انت واختك منين.
نادر.. بقهر.. لا مش ناسي ماشي موافق.
وقفل معاه نادر من القهر افتكر
ــــــــــــــــــــــــفلاش
في كندا.
بعد ما اهله ماتو عمامه طردوه هو واخته من بيتهم جردوهم من كل حاجه.
كانو لسه صغيرين نادر كان 15سنه لسه
الاتنين بقو في الشارع كانو بينامو تحت الكوبري ومكنوش لقيين حتي ياكلو ليل تعبت منه وكان لازم تروح لدكتور نادر راح لعمامه عشان يجيب منهم فلوس ويعالج اخته بس للاسف طردوه قفلو ابوابهم في وشه مكنش عارف يعمل ايه؟
نادر لقى واحد كان بيشتري لوحه وبيدفع الفلوس جري عليه واخد المحفظه منه وطلع يجري والراجل يجري وراه بس نادر كان اسرع وبقى يدخل في شوارع كتير لحد ما قدر يهرب منه.
نادر اخد الفلوس وراح جاب علاج لليل وجاب ليها اكل واكلو الاتنين كان بيملس علي شعرها بحنيه.
عدت مده ونادر بقى يعمل كده كتير عشان يجيب اكل ليهم... عشان يقدروا يعيشو.
نادر كان بيعمل المستحيل عشان ليل ماتعرفش هو بيجيب فلوس منين ولا تعرف انه حر'امي وعزم علي انه يرجع فلوسهم من عمامهم بس عمامه كانو اقوياء وليهم نفوذ... راح واشتغل مع الما"فيا كان بيبيع معاهم وبقى كل شويه يكبر ويكبر معاهم عدت 5سنين ونادر معاهم لحد ما بقى رئيس ما'فيا..
جاب لليل شقه وبقو قاعدين في مكان نضيف بعد ما كانو بينامو تحت الكوبري.
طول السنين دي كلها كان نادر بيراقب عمامه وبقي عارف كل حاجه عنهم حتي اصغر الاشياء عنهم.
في يوم.
كان واحد من عمامه رايح يصطاد كالعاده نادر كان واقف بعيد عنهم ونادر صوب عليه وقت'له
نادر بضحكه شيطانيه.. ده اول واحد لسه التاني وبكده اكون اخدت حقي.
وصل خبر المو"ت لمراته واخوه وعملو عزا ليه واخوه فرح لانه كده محدش هيشاركه في التركه وهيبقي كله ليه وكمان هياخد مرات اخوه ليه.. لانه كان بيحبها من زمان.. كده العقبة الوحيده إللى كانت واقفة في وسطهم اخوه وخلاص الحلم اتحقق حتي قفل المحضر
الحادثة اتسجلت ضد مجهول.
بعدها بشهر في نفس اليوم بس في الشهر التاني كان طالع مع عشيقته علي الجبل بس كانت للاسف الفرامل متق'طعه والعربية انجرفت من علي الجبل ووقعت "احسن زهقت منهم".
كده الاملاك كلها راحت للورثه وكانو نادر وليل.
نادر دبر حادثه مزيفه ليه هو وليل عشان يعتقد الكل انهم ما'تو.
نادر اخد ليل والفلوس وهر" بو علي مصر.
نادر غير اسمائهم و زور الجوازات بتاعت السفر وكتب انهم تبع حلب واخد اسم عيله مش عيلتهم من الاساس.
وزور ورق كتير عشان يعرفو يعيشو في مصر ويدخل كليه الشرطه ويبقي واحد منهم عشان يبقي في امان ما هو الحرا'مي الصح إللى يستخبي في حضن الشرطه مش إللى يخليهم اعداءه.
ـــــــــــــــــــــــــباك.
والوقتى يانادر هتعمل ايه معقوله إللى عملته كله هيروح علي الفاضي... ولازم القي حاجه ادخل بيها فريق الشيطان لازم انا مش اعمل ده كله وييجي في الاخر حد يضيعه.
قعد يفكر ازاي هيدخل الفريق ويخلى سراچ يوافق.
جاتله فكره خبيثه وابتسم بشر.
❤❤❤❤❤❤❤❤
عند ليل
كانت مرعوبه وبقت بتعرق كتير من كتر الخوف الرقم كان كندي.
سراچ بشك.. ليل مالك
ليل اتخضت منه.. وقفلت الفون.. مفيش بس ده ده رقم حد بيضايقني.
سراچ.. بيضايقك ازاي وريني الرقم وانا اتصرف معاه.
ليل.. بتوتر.. خلاص انا بلكته.
هاني.. طيب خلاص اقعدي
ليل قعدت وسراچ وهاني بصو لبعض وهاني غمزله.
هاني.. ليلو تسمحي ليا اقولك ليلو.
ليل ببتسامه.. طبعا.
هاني.. بما انك بقيتي من عيلتنا يلا نتصور كلنا سوا وريان معانا.
فعلا اتصوروا وقعدو يفكو الجو بينهم.
بليل... كانو هيمشو.
هاني.. ليلو هاتي فونك اعمل منه مكالمه ولا مش معاكي رصيد عشان الرخم ده مش راضي يرنلي ولو قولت لماما هتعلقني وانا فوني فاصل غمز ليها اصل هكلم بنت.
ليل ضحكت.. لا معايا رصيد اتفضل.
اخد الفون ورن علي رقمه التاني ومسح الرقم من عند ليل عشان ماتعرفش هو رقم مين وجرب اي رقم وخلاص عندها علي انه بيكلم حبيبته.
رجع الفون لليل تاني علي طول.
ليل بستغراب.. ايه.
هاني بتصنع الزعل.. مردتش عليا مخصماني وكله بسبب الاستاذ سراچ والشبه إللى بينا ده.
ليل.. بذهول.. ايه فكرته انت وهو قام بالواجب صح.
هاني زي ماهو.. للاسف.
ليل بضحك.. فعلا الشبه بينكم اوفر بصراحه.
هاني بحسره.. انا حصل ليا بلاوي كتيره بسببه اصلا.
ليل ببتسامه.. معلش انت الكبير اه صحيح مين فيكم الكبير.
هاني.. بزعل.. هو.
قعدو يتكلمو ويضحكو.
ريان نام وسراچ راح يوصل ليل البيت وليل طول الطريق تتشاهد.. وماسكه في الكرسي.
اول لما وصلو.. ليل اخدت نفس براحه.
ليل.. ميرسي اوي حضرتك وانا ان شاء الله هكون بكره عندكم.. واه صحيح انا اسفه اتفضل.
سراچ.. مره تانيه الوقت اتاخر.
ليل.. تصبح علي خير 🙂.. وكانت نازله.
سراچ.. ليل استني.
ليل لفت ليه.. نعم.
سراچ.. ليل انا عارف ان دي حياتك بس مش عاوز اي حاجه تاثر علي ابني قوليلي مين بيضايقك وانا اتصرف معاه.
ليل.. بتوتر.. خلاص حضرتك بلكته ولو ضيقني تاني هعرف حضرتك حاضر.. تصبح على خير وطلعت جري علي بيتهم.
سراچ.. ياترى وراكي ايه يا ليل.
ومشي.
وصل بيته كانت امه واخوه لسه مع ريان مشيو.
وهو داخل اوضة ابنه ونام بشرود.
❤❤❤❤❤
عند هاني
❤❤❤
جاب لاب توب وفتحه وفتح برامج كتير وبعت لليل علي الواتس رابط.
ليل اتفاجات برقم والرابط دخلت تشوف مين ده وكانت غلطت عمرها.
طلع ليها جروب لبس بس فتح معاه هو فونها كله بقى بيتحكم فيه ابتسم بخبث... تعالي يا ليلو نشوف وراكي ايه.
فتح فيس وكانت محادثات عاديه بينها وبين صحابها بس في رقم حطاه في الارشيف دخل عليه كانت المحادثه معمول ليها باسورد ابتسم بستهزاء ودخل فتحه واتصدم من كمية الكلام إللى فيه والبلاوي.
هاني..بصدمه.. احيه ما'فيا.
بعت لسراچ كل حاجه وسراچ في سره.. كنت متاكد ان ورا التوتر ده حاجة.
كانو بيتكلمو فون.
هاني.. هتعمل ايه.
سراچ.. ولا حاجه.
هاني.. نعم يا أخويا ولا حاجه ازاي هتسيب ريان معاها.
سراچ..ابتسم بشر..