إنني أحبُّ كلامَك وصوتَك وضحكَاتك العصبيَّة
وأدقَّ تفاصِيلك ، وأكرهُ حظِّي البائِس والمسَافات
بينَنا وشَوارع هذهِ المدينَة ، و كلَّ سببٍ يحاولُ
انتزَاعك من رأسِي 🌍❤️
جي اليوم المنتظر بين قلوب سعيده وقلوب حزينه
وقلوب متألمه
خلال اليومين الي عدو سيف حاول يصالح آيه
كتير بس عنادها كان أكبر من كدا
يوسف وسلمي اللي قربو من بعض اكتر وحبهم
كل يوم بيزيد
وفارس الي بيحاول مع محمد أنه ينهي الموضوع
ومفيش فايده
مالك الي حزين وحياته بقيت عباره عن شغل وبس
وبيحاول يهرب من الواقع بشغله
شهد الي بتتظاهر انها كويسه بس جواها حزن بداريه
عشان فرحه صحبتها
مراد وملك الي لسه مكابرين ومحدش متنازل منهم
يكلم التاني
البنات قرروا أنهم ميروحوش الكليه وأصحاب آيه
اسراء و ريهام وسلمي وشهد كانو قاعدين سوا في
اوضه آيه وآيه اللي كانت بتلعب مع ياسين
آيه بضحك : خلاص يا ياسين تعبت من الجري وراك
ياسين بضحك : لما تمثكيني
آيه مسكته وضحكت : مسكتك اهو تعال هنا
ياسين و آيه فضلو يضحكو
آيه بصت لـ اسراء : دا بقا شقي اوي يا اسراء
اسراء بضحك : تعبتي منو من شويه إنما انا بقا
24 في 24
آيه بضحك : بس متنكرش انه زي القمر
ريهام بضحك : انتي مهتمه بيه اوي كدا يا ايه ليه
آيه باست خد ياسين : اصلا دا حبيب قلب توتا
سلمي بزعل : انتي بتلعبي مع ياسين ونا لا
آيه بصيت علي سلمي بضحك : يرووحي يروحي
سلومتي زعلانه مني هاتي حضن
آيه فضلت تلعب مع ياسين وسلمي الصغيره
سلمي بضحك : انتي هتفضلي تلعبي يا توتا مش
هنشوف اللي ورانا
سلمي الصغيره بصت لسلمي بضيق : ونتي مالك بيها
سلمي بضحك : هي بتزعل يا اسراء
اسراء بضحك : اوووي اوعي تاجي عليها
سلمي بضحك : لاا خلاص براحتك يا توتا العبي
مع سلمي
آيه بضحك : خلاص يا سلومتي نكمل لعب مره تانيه
اشطااا
سلمي الصغيره : اشطاا
زينب دخلت عليهم : تعالو يا بنات ساعدوني في الاكل
اسراء : العبي يا سلمي مع ياسين عشان اعمل اكل مع طنط
زينب : لاا يا حبيبتي خليكي انتي مع الاولاد
اسراء : يا طنط احنا مش ضيوف انتي مش فاكره
كنتي باجي قد ايه قبل الجواز
ريهام بضحك : ما خلاص بقا ايام راحت عليها
شهد بضحك : ايام ايه الي راحت انهارده هنعوض كل حاجه
اسراء بضحك : ايوا يا شهد حمسيني كدا
شهد بضحك : حاضر
آيه بضحك : طيب يلا بينا بقا
البنات كلهم راحوا علي المطبخ مع زينب وحضروا الاكل واكلو في جو كله هزار وضحك
سلمي كانت بتاكل الفون رن وكان يوسف
سلمي : عن اذنكم يا جماعه
اسراء بضحك : ايوا هي البدايات كدا
سلمي بضحك : انتي بتسخنيني علي الراجل يعني
اسراء بضحك : بقولك اللي بيحصل في الاول بس
آيه بضحك : روحي يا سلمي رد عليه دي مش هتخلصي
منها
سلمي ضحكت ودخلت اوضتها ورديت علي يوسف
سلمي : الو
يوسف : اتاخرتي ليه علي ما رديتي
سلمي : دي اسراء كانت يترحم عليا
يوسف باستغراب : اسراء مين
سلمي بغيره : دي صحبه آيه وبعدين انت بتسال ليه
يوسف بضحك : ونا حد يفرق معايا غيرك انا بسال
علي الي شاغلك عني بس
سلمي بابتسامة : بتثبتني انت كدا يعني
يوسف : لاا دي الحقيقه انتي عارفه اني بحبك
سلمي : عارفه
يوسف بشتياق : طيب وحشتيني اليومين الي فاتو دول مشوفتكيش خالص
سلمي بابتسامة : خلاص انهارده هنشوفني كتير وهتزهق مني كمان
يوسف بابتسامة : مستحيل ازهق منك انتي لو تشوفي نفسك بعنيا مش هتقولي كدا
سلمي بابتسامة : يعني دا مش اهتمام البدايات
يوسف بضحك : هو مين الي لعب في دماغك وحرضك عليا
سلمي بضحك : اسراء
يوسف بحب : لاا مفيش منو الكلام دا وبعدين بدايات ايه احنا خلاص خطوبتنا انهارده وهنتجوز
سلمي بابتسامة : انت مصدق يا يوسف أن خطوبتنا انهارده بجد
يوسف بابتسامة : اكدب عليكي لو قولتلك مصدق انا
مكنتش متخيل أن ممكن احب اصلا واتجوز
سلمي : ليه يعني
يوسف : يعني مش عارف بصراحه .. انتي بتعملي ايه دلوقتي
سلمي : كنت قاعده مع البنات .. ونت بتعمل ايه
يوسف : ليه فايق من النوم
سلمي : وايه اللي سهرك يا استاذ
يوسف بضحك : انتي السبب
سلمي : ليه انا عملت ايه
يوسف : مش عاوزه تطلعي من دماغي
سلمي : اه يعني انت عاوزني اطلع قول كدا
يوسف بضحك : يابت اتهدي شويه ما انا كنت عاوز
انام اعمل ايه
سلمي : لا متعملش حاجه انا هطلع من دماغك
يوسف بضحك : انا عارفه دماغك ناشفه وبتمسكي
في الكلام الي علي مزاجك
سلمي : انت شايفني كمان نكديه يا يوسف
يوسف بضحك : والله ما قولت كدا انا اسف وبعدين خلاص
بقا انهارده خطوبتنا بلاش خناق كفايه الايام اللي فاتت
سلمي : انا هعديها بس عشان انهارده خطوبتنا
يوسف بضحك : انا عارف تضحياتك دي والله
سلمي : انت بتتريق كمان
يوسف بضحك : ابدا والله
سلمي : ماشي يا يوسف
يوسف : قلب يوسف اسيبك دلوقتي واشوفك كمان كام ساعه يا قمري
سلمي بابتسامة : طيب سلام
يوسف : سلام
سلمي خرجت وقعدت مع البنات
يوسف قام من علي السرير واخد دوش وغير هدومه
وخرج لقي نور وهناء وسيف ومالك قاعدين
يوسف : صباح الخير
الكل : صباح النور
سيف : كل دا نوم
يوسف : اعمل ايه نمت متاخر
نور بغمزه : وايه الي سهرك
يوسف رما المخدره علي نور : بس يابت
يوسف بص لمالك : ايه ياعم مالك
مالك بصله : ايه يا يوسف
يوسف : اخبار الشغل ايه
مالك : كويس
سيف : دا كمان بالعافيه قعد من الشغل
مالك : الفكره مش كدا بس انا لسه بشتغل جديد
يوسف : مش هتيجي من يوم يا مالك ولا انت مش عاوز
تشاركنا فرحتنا
مالك بابتسامة : لاا طبعا عاوز انتو اخواتي
يوسف ومالك فضلو يتكلمو ونور رنيت علي آيه
فديو كول
نور : القعده حلوه من غيري
آيه بضحك : لاا قولتلك تعالي
نور بضحك : اجي واسيب اخواتي يعني
آيه بضحك : يعني هتعملي ايه لخواتك كنتي جيتي
شويه وبعدين مشيتي
نور بضحك : هعملهم مسكات
آيه بضحك : بقا حضره الظابط يوسف و سيف
يعملو مسكات
نور بضحك : ما انا هقنعهم بطريقتي
آيه بضحك : ورينا يا فنانه
سيف شاف نور بتكلم وبتضحك قام راحلها
سيف : بتكلمي مين يابت نور
وبص في الفون ولقي آيه الي بصتله
سيف بابتسامة : توتا
آيه بصتله بابتسامه صفرا : ايوا
نور بضحك : طيب اطلع منها انا يعني
آيه : لاا لاا انا هقفل عشان ورايا حاجات كدا كدا
احنا اتكلمنا انا وسيف
نور : طيب باي
نور قفلت وبصيت لسيف
نور : تعال نعمل مسكات
سيف بضحك : انتي سامعه بتقولي ايه
نور بضحك : دي توتا الي طلبت كدا
سيف بصلها : حهزي الماسك وراجع
نور بضحك : اشطاا
سيف ساب نور وخرج البلكونه ورن علي آيه ومرديتش
سيف : وبعدين معاكي
بعدين سيف رجع قعد مع الشباب
هناء : لمين المسكات دي كلها يا نور
نور بضحك : للعرسان
مالك بضحك : هي الرجاله بقا ليها مسكات
نور بضحك : بقا في كل حاجه
يوسف : دا مش ليا الكلام دا
نور : علفكره سلمي طلبت كدا
يوسف : انا لسه قافل معاها ومقالتش حاجه
نور : ماهي كانت عارفه انك هترفض زي ما انت
دلوقتي رفضت
يوسف بص علي نور وسكت
مالك بضحك : ايه يا حضره الظابط وافقت
يوسف بصله : مفيهاش حاجه هي الخطوبه كل يوم
سيف : انا قولت كدا برضو
مالك بضحك : شايفه يا نونا البنات عملو الي محدش
يعرف يعمله
هناء بضحك : ربنا يفرح قلبكم يا حبايبي
نور بضحك : عقبال ما تعمل يا مالك
مالك بص لنور بضحك : مستحيل
نور بضحك : ما اهو شوفت الي مش كان حد متوقع ابدا
مالك بضحك : لاا لاا بس انا مش هعمل كدا وبعدين
انا حلو من غير مسكات
سيف بضحك : زياده نضاره
نور حطيت المسكات علي وش سيف ويوسف
ومالك هيموت ضحك علي شكلهم
.............................................
عند البنات كانو كلهم بيعملوا مسكات
سلمي : زوزا
زينب : ايه يا سلمي
سلمي : تعالي هحط علي وشك ماسك
زينب : لاا اعملي ليكي
آيه : اعملي بس يا زوزا
زينب : طيب
آيه بصيت لياسين : معملتيش ليه لياسين يا اسراء
اسراء بضحك : دا ازاي
آيه بضحك : يعني هو جات عليه تعال يا ياسين
ياسين : لاا مش عاوز
ريهام بضحك : راجل ياض والله
آيه بضحك : هتبقا زي القمر
ياسين : طيب
آيه بضحك : يا خلاصي عليه وهو بيسمع الكلام
اسراء : انا بستغرب والله
سلمي بضحك : ليه بس
اسراء : بيسمع كلام آيه ونا امه لاا
ريهام بضحك : ما انتي خلفتي وهي ربت
آيه بضحك : ليه مش بتسمع كلام ماما يا ياسين
ياسين : عشان بحبك انتي اكتر
اسراء : شايفه الواد
آيه بضحك : خلاص يا اسراء انا هعمل تبديل للعريس
وهخلي ياسين
ياسين : ونا موافق
سلمي بضحك : دا لو سمعك سيف هيعلقك
اسراء بضحك : هو بيغير ولا ايه يابت
آيه بغيظ : علي الآخر
شهد بصت علي آيه وحولت تبان طبيعيه
شهد بضحك : يبقا تعال يا ياسين نتجوز انا ونتا
ياسين : لا انا عاوز توتا
آيه : قلب توتا من جوا
فارس دخل الشقه ولقي البنات كلهم قاعدين
فارس : ازيكم يا بنات
البنات : الحمدلله
اسراء : ايه يا فارس
فارس بصلها : اسراء
اسراء بضحك : ايوا
فارس بابتسامة : عامله ايه
اسراء : الحمدلله
فارس : اتغيرتي خالص
اسراء : الجواز والعيال بقا
فارس : هما دول ياسين وسلمي مشاء الله عليهم
اسراء : سلمو علي خالو يا ولاد
ياسين وسلمي سلمو علي فارس وسلمي الي فضلت
متشعلقه في رقبته فارس
فارس بضحك : مش ناويه تسبيني
اسراء بضحك : تعالي يا سلمي سيبي خالو
فارس : سبيها يا اسراء
فارس فضل يتكلم مع سلمي ويلعب معاها وبعدين
قام ودخل اوضته
آيه مسكت الفون ولقيت مكالمه من سيف
كانت هترن عليه بس تراجعت في اخر لحظه
وفضلت مع البنات
بعد وقت طويل كانو البنات بالفساتين والميكاب
وكانو رقيقين اوي وشكلهم يجنن
زينب : بسم الله مشاء الله ربنا يبعد عنكم الحسد
البنات حضنو زينب
شهد : خلاص متقلبوهاش نكد يا جماعه
فارس دخل عليهم الاوضه : ماما تعالي برا الضيوف وصلو
زينب : حاضر
زينب خرجت وكانو ضيوف كتير وصلو وسوزان منهم
زينب : ازيك يا سوزان
سوزان : اهلا
زينب بصيت لملك بابتسامة : ايه القمر دا
ملك بابتسامة : تسلميلي يا طنط
زينب : البنات جوا روحي عندهم
ملك : حاضر
زينب رحبت بالضيوف كلهم هي وفارس ومحمد
............................................
يوسف كان خلص لبس واقف قدام المرايا
يوسف : متوتر ليه انت دلوقتي اهدي كدا
دخل عليه الاوضه مالك
مالك بابتسامة : بجد شكلك حلو
يوسف : متاكد
مالك : اه والله .. يلا عشان منتاخرش
يوسف : طيب استني ابص علي المرايا تاني
مالك بضحك : يابني انت كدا بتتوتر اكتر
سيف دخل الاوضه : انتو هتفضلو في الاوضه كتير
مالك : خلاص خارجين اهو
بعد شويه خرج يوسف ومالك وسيف
ونور كانت خارجه من اوضتها
يوسف : ايه الحلاوه دي
نور بابتسامة : بجد حلوه
مالك : دا انا خايف عليكي من العين
نور بابتسامة : متخافش طول ما انت موجود
هناء : طيب يلا بينا
سيف : يلا
مالك فتح ايدو لنور : يلا بينا احنا كمان يقمر
نور حطيت ايدها في ايد مالك بابتسامة : يلا
نزلو كلهم وركبوا العربيه وبعد وقت وصلو قدام
العماره الي شكلها جميل بالانوار نزلو وطلعو
الشقه وكان فارس استقبلهم وبص علي شكل
نور اللي غير العادي ونور اتكسفت من نظراته
قعدو كلهم ونور راحت للبنات جوا وبعد شويه
كانو كلهم خرجو والشباب انبهرو بشكلهم
ومالك شاف آيه الي انسحر في جمالها وغمض
عيونه وحاول يسيطر علي مشاعره الي قربت
تفضحه
هناء : قمرات يا حبايبي
سلمي وآيه : تسلمي يا نونا
بعدين يوسف وسلمي قعدو علي كرسين جمب بعض
وسيف وآيه كمان
عند يوسف كان باصص علي سلمي اللي شكلها خاطف قلبه
سلمي بصتله بابتسامة : بتبصلي كدا ليه
يوسف بنظره حب : مش قادر اوصف احساسي ونا معاكي
وجمالك الي بيخليني عاوز اخبيكي من عيون الناس
دي كلها يا سلمي
سلمي بحب : نا كمان مبسوطه اوي مش عارفه دي
حقيقه ولا خيال بس كل حاجه معاك حلوه يا يوسف
يوسف بابتسامة : انا الي مش قادر ارد علي الكلام
الي هيوقف قلبي دا
سلمي بحب : بعد الشر عليك
يوسف بابتسامة : عارفه انهارده اول مره احس
الاحساس دا انتي عارفه اول مره اتوتر بالشكل دا
ممكن عشان حاجه تخص قلبي
سلمي بحب : يخليلي قلبك
يوسف ابتسم وفضلو يتكلمو
.............................................
عند سيف الي بيحاول يتكلم مع آيه
سيف : بس انتي قمر اوي انهارده
آيه بابتسامة : شكرا
سيف : مردتيش عليا ليه لما رنيت عليكي
آيه : كنت مشغوله
سيف : وبعدين معاكي يا آيه انتي هتفضلي كدا
آيه بصتله : كدا ازاي
سيف : قافشه معايا في الكلام
آيه : وايه السبب الي وصلنا لكدا
سيف : انا عارف اني غلطان بس حاول تفهمي غيرتي
آيه : تتعصب عليا وتعلي صوتك
سيف : طيب ما انا اتئسفتلك وحاولت اتكلم معاكي
كتير ونتي بتصديني وانهارده لما كنتي بتكلمي نور
كمان رفضتي تكلميني
آيه بصتله شويه : ونت لما تزعقلي ونا اخاف منك هروح
لمين لما ادايق انت مش عارف انا اترعبت منك ازاي
يا سيف انا محدش زعقلي بالطريقه قبل كدا ونا مش
قصدي حاجه من اللي حصل ونت عارف دا كويس
سيف : حقك عليا يا قلب سيف انا اسف و هحاول
اتحكم في عصبية المره الجايه
آيه بصدمه : هو انت هتتعصب عليا مره تاني
سيف بضحك : لاا يا قلب سيف .. بس مقولتليش
رايك فيا حلو
آيه بصتله : امم مش بطال
سيف بضحك : هو كدا يعني عشان انت قمر هتشوف
نفسك علينا
آيه بضحك : لاا قمر بجد
سيف بابتسامة : انتي الي قمر والله
ايه : شوفت بقا الفستان حلو عليا ازاي
سيف : ماهو مش عاجبني برضو
آيه : انت مش لسه قايلي حلو
سيف بغمزه : ما هو ملخليكي حلوه اوي
آيه بكسوف : سيف
سيف : قلب سيف
آيه بكسوف : بس بقا
سيف بضحك : حاضر
مالك كان متابع حوار آيه وسيف وحس بنار الغيره جواه
وكان بيتمنا انا تبقا لي
مالك : فوق يا مالك واركن قلبك دا علي جمب
نور جات قعدت جمبه : وتركنه ليه
مالك بصلها : لا مفيش
نور : متاكد
مالك : ايوا
نور : طيب خد جيبالك عصير
مالك : ماشي
وبعد شويه كان يوسف بيلبس سلمي الخاتم
وبيبصلها بكل حب وبعدين باس أيدها
يوسف بحب : مبروك عليا يا سلومتي
سلمي ابتسمت
وسيف لبس آيه الخاتم
سيف : مبروك يا توتا
آيه بابتسامة : الله يبارك فيك
نور كانت واقفه ومبسوطه عشانهم
وفارس كان واقف جمبها
فارس : حلوين
نور بابتسامة وهي باصه عليهم : اووي
فارس : عقبالنا هنبقا احلا منهم علفكره
نور بابتسامة : اكيد
فارس بابتسامة : قريب يا نوري
نور فاقت وبصيت جمبها لقيت فارس : فارس
فارس بضحك : ايوا
نور : مش تعمل ايه صوت يابني كدا
فارس بضحك : ما انا بكلمك ونتي رديتي عليا
نور بابتسامة : امشي طيب
فارس بضحك : ولو ما مشيتش
نور بابتسامة : همشي انا
نور مشيت
فارس بضحك : خدي يا مجنونه
نور بصيت عليه ومرديتش وراحت وقفت مع مالك
ويوسف وسلمي وسيف وآيه فضلو يتصورو كتير
وبعدين اتصورت معاهم نور وشهد وكلهم اتصورو سوا
مراد وملك الي كانو بيبصو علي بعض بس محدش
عاوز متنازل منهم ويكلم التاني بعدين ملك قعدت في
ركن بعيد شويه وفضلت تتفرج عليهم
مراد قعد جمبها
مراد : احم احم
ملك بصتله ورجعت بصت قدامها
مراد : فستانك حلو
ملك : عارفه
مراد : ياواد يا مغرور انت
ملك بهجوم : انت عاوز ايه يا مراد
مراد بزعل : ايه الهجوم دا ياملك
ملك : لا انا بتكلم عادي
مراد بصلها : عندك حق
ملك حست انها زودتها : مراد
مراد وقف وبصلها : ايه
ملك : ممكن نتكلم
مراد : ما انا ليا ساعه بكلمك وحضرتك مش عاوزه
ونتي غلطانه اصلا وبرضو كبريائك مش سامح ليكي
تتكلمي
ملك بدموع : انت شايفني كدا يمراد
مراد : انا مش شايف بس كل حاجه بتقول كده
ملك : طيب ممكن نتكلم في مكان بعيد عن هنا
مراد : تمم
ملك وقفت في البلكونه تستنا مراد وبعد شويه
راحلها ملك اول ما شافت مراد حضنت اووي
مراد حضنها : طيب انتي بتعيطي ليه دلوقتي
ملك بعياط : عشان بغبائي زعلتك مني
مراد بعدها عنه ومسك وشها بين ايدو : مين قال اني
زعلان
ملك : يعني انت مش زعلان
مراد : انا زعلان بس انك بعدتي عني اليومين دول
ملك : انا اسفه يا مراد بس انا كنت مضغوطه اوي
ونتي مفهمتنيش
مراد : متتاسفيش ياقلب مراد انا اللي اسف اني
اتعصبت عليكي ومحاولتش افهمك
ملك رجعت حضنته وبعد شويه مراد بعدها عنه
مراد : يلا روحي جوا عشان مامتك
ملك : انا تعبت يا مراد من كدا
مراد : أن شاء الله كل حاجه هتبقا كويسه يا حبيبتي
ملك : يارب يا مراد
ملك دخلت ومراد فضل شويه وبعدين دخل وراها
...........................................
نور : ما تيجو نرقص يا بنات
ريهام : دا الكلام التمام والله
شهد : طيب هترقصو مهرجانات ولا اغاني
اسراء : عاوزين حاجه حلوه
ملك : انا هشغل ليكم حاجه حلوه
وبعد شويه اشتغلت مهرجان سنيوره حلوه اوي قمورة
سلمي : لا ذوقك حلو يا ملك
آيه مسكت ياسين : تعال نرقص يقلب توتا
والبنات فضلوا يرقصو كلهم وآيه الي بترقص
مع ياسين وناسيه سيف
والشباب كل واحد بيبص علي حبيبته وجواه غيره
وبعد شويه البنات خلصو رقص وفضلو يتكلمو كتير
ويضحكو
يوسف الي راح سلملي ومسكها من دراعها : بعد انكم
يابنات بس عاوز سلمي
سلمي مشيت مع يوسف وبعدين وقفة في مكان بعيد
عن الأنظار الناس
يوسف : هو ايه الي انتي عملتيه دا
سلمي بابتسامة : رقصت
يوسف : ما انا عارف بس ازاي تعملي كدا
سلمي : في ايه يا يوسف هي اول مره تحصل
ما رقصنا كلنا سوا ولا انت ناسي
يوسف : لاا مش ناسي بس انتي دلوقتي خطيبة
يوسف المنشاوي
سلمي : يعني اخدتك بغرض ممنوع الرقص ولا ايه
يوسف : بعيد عن هزارك دا بس انا محبتش خطيبة
ترقص والشباب تتفرج عليها
سلمي بضيق : بس انا مش برقص عشان الشباب تتفرج
عليا يا استاذ يوسف
يوسف : بس هي بنسبالي كدا
سلمي : لاا كدا كتير بلاش الخنقه دي
يوسف : انتي دخلتي عالم يوسف بإرادتك وصعب
تخرجي منو لانه خلاص بقيت بتاعت يوسف وبس
سلمي بضيق : طيب يايوسف انا رايحه للبنات
يوسف : عارفه لو لمحتك اتحركتي متلمنيش علي
الي هيحصل ليكي
سلمي : هتعمل ايه يعني
يوسف : عاوزه تعرفي هعمل ايه
سلمي : ايوا عاوز
سلمي مكملتش كلامها ويوسف قرب منها
وباس شفايفها وبعد عنها بعد وقت
يوسف : اكيد عرفتي هعمل ايه
سلمي بكسوف : يا سافل
يوسف بضحك : امشي من قدامي طيب
سلمي مشيت وراحت للبنات وكل شويه تلاقي
يوسف بيبص عليها
............................................
آيه كانت واقفه مع البنات وماسك ايد ياسين
ياسين : توتا عاوز عصير
آيه : حاضر يروح توتا هجبلك وارجع
آيه كانت رايحه تجيب عصير لياسين وسيف
شدها فجاه
آيه يخضه : سيف انت مش هتبطل حركاتك دي
سيف بنرفزه : لما تبطلي حركاتك الطفوليه دي
آيه : لا ما هي مش هتبقى عصبية علي الفاضي
والمليان ولا انت عاجبك الموضوع العصبية
دا خلاص
سيف بعصبية : ما انا قولتلك بلاش كل شويه تعصبيني
آيه بضيق : دي تاني مره ياسيف تتعصب عليا وانهارده خطوبتنا دا لو انت فاكر لما تتعصب بعدين تيجي تقول
مش بايدي وترجع تتعصب تاني انت عمرك ما هتتغير
آيه مشيت وسأل سيف الي اتعصب أنها سابته
ومشيت
آيه اخدت عصير لياسين وكانت ماشيه وكانت هتقع
مسكها مالك
مالك : انت كويسه
آيه : ايوا شكرا يا مالك
مالك بابتسامة : علي ايه انا معملتش حاجه .. انتي كويسه في حاجه مدايقاكي
آيه بابتسامة : لاا ابدا .. بعد اذنك
آيه مشيت ومالك فضل باصص عليها وبعدين شاف
سيف مدايق وفهم أنهم اتخانقو
.............................................
شهد كانت واقفه مع البنات
شهد : بنات محدش شاف الفون بتاعي
ملك : لاا
شهد : طيب هشوفه وراجعه تاني
ملك : استني هاجي معاكي
شهد : تعالي
شهد وملك فضلو يدورو علي الفون بتاع شهد
شهد : ثواني افتكرت تعالي معايا
ملك : طيب الحمدلله يلا
شهد وملك راحو علي الطاوله الي عليها مراد ونجلاء
نجلاء : ايه يابت عمال تلفي حولين نفسك في ايه
شهد مسكت الفون : دا السبب
نجلاء : ونتي سايبه الفون بتاعك ازاي
شهد : لما رقصت سبته هنا
كل دا ومراد باصص علي ملك الي مش عارفه
بيبصلها كدا ليه
ملك : ازيك يا طنط
نجلاء بابتسامة : اهلا يا حبيبتي
زينب : نجلاء تعالي معايا شويه
نجلاء : حاضر يا زينب .. عن اذنك يا حبيبتي
ملك بابتسامة : اتفضلي يا طنط
مراد : شهد سلمي بتشاورلك أكيد عوزاكي
شهد : اوك يلا بينا يا ملك
شهد مشيت ومراد مسك ايد ملك
ملك : مراد
مراد : ايوا
ملك : سيب ايدي
مراد : لاا
ملك : مراد مبهزرش حد يشوفنا كدا
مراد : ومقولتيش ليه كدا لما رقصتي
ملك : طيب سيب أيدي ونتكلم بعدين
مراد : لو مجتيش كمان دقيقتين مش هتشوفي حلو
ملك : حاضر
مراد ساب ايد ملك وقام وملك بصيت علي مامتها
لقيتها واقفه مع زينب خرجت وراحت عند مراد اللي
كان مستنيها
مراد بصلها : افهم اللي حصل دا
ملك : ايه اللي حصل يعني
مراد بعصبية : ان حضرتك بتهزي بوسطك وقلبتي
رقاصه
ملك بصتله بصدمه : ايه اللي انت بتقوله دا يا مراد
مراد قرب منها ومسك دراعها : ادايقتي اووي لما بقولك
كدا طيب مفكرتيش فيا قد ايه هدايق لما بشوفك بترقصي
ملك : والله انا برقص في خطوبه بنات خالي مش شايفني
برقص في كباريه
ملك سالته ومشيت
مراد بعصبية : ما هو دا اللي انتي بتعمليه كل مره تبقي غلطانه وفي الاخر انتي اللي بتزعلي
مراد فضل واقف عشان يهدأ شويه من عصبيتة
وبعدين رجع وقعد وفضل يبص علي ملك
............................................
نور كانت قاعده مع سلمي بتتكلم ويوسف راح عندهم
يوسف : نور ماما عوزاكي
نور : رجعالك يا سلمي
سلمي بابتسامة : ماشي يا حبيبتي
نور مشيت ويوسف قعد جمب سلمي
يوسف : قاعده وسيباني كدا
سلمي : ليه يعني مش انت اللي قومت نور عشان تقعد معايا
يوسف بضحك : دا انتي مركزه بقا
سلمي : يعني بقيت عارفاك
يوسف بابتسامة : يعني مقومتيش تاني وعملتي حاجه
سلمي بصتله : فضلنا نتكلم انا ونور
يوسف : كان نفسي تعملي حاجه
سلمي : يعني ادايقت لما رقصت ودلوقتي بتقول كان
نفسي تعملي حاجه
يوسف بص علي شفايف سلمي : كان نفسي اجربهم تاني
سلمي فهمت قصده : يوسف والله هقوم
يوسف بضحك : خلاص بهزر معاكي
............................................
زينب كانت بتعرف هناء علي سوزان ونجلاء
زينب : دي نجلاء ام شهد يا هناء
هناء بابتسامة : تشرفنا يا حبيبتي
نجلاء بابتسامة : الشرف ليا يا حبيبتي
زينب : دي سوزان اخت محمد يا هناء
سوزان : وحمات فارس ان شاء الله
نور كانت وصلت عند هناء وسمعت سوزان ووقفت مكانها
هناء بابتسامة : ربنا يتم بخير
زينب بصيت علي نور الي واقفه : في حاجه يا حبيبتي
نور فاقت من صدمتها : هاا لا مفيش حاجه.. عاوزه حاجه
يا ماما
هناء : لاا يا حبيبتي
نور مشيت وكلام سوزان بيتردد في دماغها
فارس شافها ماشيه راح عنده ومسكها وهي بصتله اووي
فارس : مالك يا نور
نور : هو انت بجد ازاي كدا
فارس : نور اتكلم بوضوح انا اصلا متعصب منك بطريقه
نور فضلت تبصله وبعدين زاحته بايدها وفارس بصلها
ومش فاهم في ايه
بعد وقت كانت الخطوبه خلصت وكل واحد روح علي بيته
نور كانت في اوضتها قاعده علي السرير ودموعها بتنزل
الفون بتاعها كان بيرن وكان فارس بصت عليه وبعدين
رديت عليه
فارس : كل دا عشان تردي
نور : انت بترن ليه وعاوز ايه
فارس : انتي بتكلميني بالطريقه دي ليه يانور وممكن
افهم ايه الي عملتيه دا انا وبكلمك تذقيني وتمشي
نور : انا مش عاوزه اكلمك تاني وابعد عني
" روايه عانيت لأحُبك "
"البارت التامن عشر "
"الكاتبه فاطمه محمود "
- عيناك يا قَمري اعتذاراتُ السّمَاء
عن كلِّ ما عانيتُ أو سأُعاني 🫂♥️
فارس بصدمه : نور انتي بتقولي ايه
نور : اللي انت سمعته مش عاوزه اعرفك تاني يا فارس
فارس : طيب ايه حصل عشان دا كله عاوز افهم بس
نور : انت عارف كل حاجه
فارس بغضب : ونا لو عارف هسالك
نور : انا قولت اللي عندي
فارس : دا اخر كلام عندك يا نور
نور : ايوا في حاجه كمان عاوزه اقولها ليك انت اكتر
انسان انا بكره في حياتي
فارس : وسيبه في قلبك كل دا قولي كمان
نور : مفيش كلام ما بينا تاني
فارس : تمام يا نور
نور قفلت وفارس بص في الفون ورما بغضب علي الارض
وقف قدام المرايا
فارس بغضب : شوفت حتي اللي حبتها بعدت عنك كل حاجه كنت بعملها عشانها مقدرتهاش سابتني من غير اي سبب ونتي زي الاهبل بتكلمها بعد دا كله بس تمام مش هتفرق معايا
فضل يفكر في نور كتير وبعدين طلع البلكونه بعد شويه
سمع صوت
شروق : فارس
فارس بص باستغراب : هو انتي ايه مسهرك لدلوقتي
شروق بابتسامة : انا كدا عاوز بصراحه عشانك
فارس : يابنتي شليني من دماغك
شروق بتوهان : انا اعمل كدا
فارس بنرفزه : شروق انا مدايق ومش ناقص المحن بتاعك دا
شروق : ومين دا الي معكر مزاجك بس
فارس فضل يشرب سجاير وهو باصص قدامه ومردش عليها
شروق : ممكن تحكيلي لو حابب
فارس بصلها : عشان اريحك وتعرفي اللي فيها انا بحب وحده تانيه
شروق : ما انا عارفه هي تبقا اخت خطيب سلمي
فارس بصلها : دا انتي مركزه اوي
شروق : هو انا مركزه اه بس نظراتك الي فضحاك برضو
فارس : مش بايدي انتي اكيد شوفتيها جميله قد ايه
شروق : مش بطاله يعني
فارس بضحك : انتي غيرانه ولاا ايه
شروق : اكدب لو قولت لاا
فارس : بصي يا شروق بجد يعني متبقيش فارضه نفسك علي حد يا عاوزك يا تبعدي
شروق : انتي قصدك بالكلام دا عليك
فارس : حاجه زي كدا
شروق : طيب هو انت محبتنيش ليه يعني حلوه واحلا
من نور كمان
فارس : محدش ليختار الشخص اللي بيحبه وبعدين انا
حبتها من اول مره شوفتها
شروق : امم اصرف نظر يعني
فارس بضحك : ياريت
شروق : ماشي ياعم فارس
فارس : تصدقي اول مره مدايقش من الكلام معاكي
شروق : هو انت بتدايق مني
فارس : يعني شويه بس انتي كدا حلوه مترجعيش زي ما كنتي
فارس انهي جملته بضحك
شروق بابتسامة : حاضر
فارس : روحي نامي بقا الوقت اتاخر
شروق : تصبح على خير
فارس : ونتي من أهل الخير
فارس رجع قعد علي السرير ومسك الفون شويه وبعدين نام
....................................................
نور فضلت تعيط كتير ودخلت الأوضه عليها هناء
هناء : مالك يا حبيبتي بتعيطي ليه
نور حضنت هناء : انا موجوعه اي يا ماما
هناء بحنان : ليه بس يا حبيبتي ايه حصل
نور بعدت عن هناء وبصتلها بعياط : انتي عارفه أن بحكيلك اي حاجه صح
هناء : صح يا حبيبتي
نور بعياط : انا انهارده سمعت طنط سوزان وهي بتقول إن فارس هيبقا جوز بنتها
هناء بصت لنور وسكتت
نور : بصراحه يا ماما انا بحب فارس وهو كمان قالي أنه بيحبني انا عارفه مكانش ينفع اتكلم معاه بس والله يا ماما ما كان في نيتي اي حاجه وحشه بس مش عارفه ازاي هيتجوز ملك
هناء بحنان : طريقتكم غلط انكم تتكلم في السر بس
الحب بيعمل اكتر من كدا بس سببها علي ربنا
نور بعياط : انا اسفه يا ماما
هناء : متتاسفيش يا حبيبتي ومتزعليش نفسك
نور : حاضر
هناء : قومي نامي يلا
نور قامت ونامت علي السرير وهناء كانت هتخرج
رجعت بصيت عليها
هناء : متفكريش كتير تصبحي علي خير يا حبيبتي
نور : ونتي من أهل الخير يا ماما
نور فضلت مفتحه عيونها لوقت كبير وتعبت من تفكيرها
واستسلمت لنوم
...................................................
محمد وزينب كانو في الاوضه بتاعتهم
زينب : شوفت يا محمد البنات كبروا ازاي
محمد : العمر بيعدي اوام ربنا يتم فرحتهم
زينب : يارب
محمد : عقبال ما ابنك ربنا يهدي
زينب : كويس انك فتحت الموضوع دا عشان عاوزه اتكلم معاك
محمد بصلها : في ايه يا زينب
زينب : ليه مصمم علي الموضوع يا محمد لما ابنك مش موافق
محمد : كله عشان مصلحته يا زينب
زينب : مصلحه ايه يا حبيبي يعني يرضيك يتجوز وهو مش مبسوط
محمد : لاا طبعا عاوزه يكون مبسوط انتي عارفه فارس عندي ايه
زينب : ما دا الي محيرني عمرك ما ضغط علي حد من الأولاد
محمد : كلامي ليكي سوزان قالتلي واقنعتني
زينب : هي سوزان في الموضوع
محمد : زينب
زينب بصتله : ونا قولت ايه يا محمد حتي لما غلطت فيا البنات ردو عليها اتعصبت عليهم
محمد : انا عارف انها غلطانه ومعاكي في كدا بس متنسيش أنها اختي الكبيره حتي لو غلطت مينفعش اقل منها
زينب : يا حبيبي مقولتش حاجه بس مش عشان سوزان قالتلك جوزهم يبقا توافق وبعدين انت هتكون مبسوط لو فارس اتجوز وهو مش موافق حتي ملك معرفتش رأيها في الموضوع
محمد : فارس اكيد هيفهم بعدين لما يتجوز وملك موافقه وبتحب فارس
زينب : مين قال كدا انت سالتها
محمد : لاا بس سوزان قالتلي
زينب : حاول تفهم يا محمد مش كل اتنين مش موافقين علي الجواز هيحصل بينهم حب بعد الجواز وبعدين انت حبتني ممكن فارس يحب ملك وممكن لاا يعني الجواز هيبقا عباره عن تجربه يا تنجح يا تفشل وبعدين انا حاسه أنهم مش موافقين والي بحس بيه بيكون صح
محمد بابتسامة : أصلها بنت اختي وملهاش غيرنا فقولت
يعني ليه لاا
زينب : ربنا هيبعتلها اللي تحبه ويحبها
محمد : أن شاء الله
زينب بابتسامة : متشلش هم حاجه انت
محمد : طيب
............................................
مالك كان ماسك الفون ومتردد يرن علي آيه ولا لاا
مالك : هو انا ايه اللي بعمله دا انا ماليش اي حق في
حياتها اكلمها ليه
مالك فضل يفكر وبعد وقت اتحكم فيه قلبه ورن علي آيه
آيه كانت واقفه سرحانه وفاقت علي صوت الفون فكرته
سيف وشافت الفون ولقيته مالك
آيه : مالك ازيك
مالك : انا الحمدلله انتي كويسه
آيه : كويسه اه
مالك : انا اسف لو بتصل في وقت زي دا بس حبيت
اطمن عليكي
آيه بابتسامة : ولا يهمك وشكرا بجد علي سؤالك
مالك بابتسامة : متقوليش كدا
آيه بابتسامة : بدأت شغل ولا لسه
مالك : بدأت من فتره صغيره كدا
آيه : طيب وايه نظام الشغل
مالك : والله في مشاكل شويه كدا بس عادي
آيه : انت قدها يا مالك
مالك : انتي رايك كدا
آيه : اكيد طبعا
مالك بابتسامة : انا كدا هبقا مغرور
آيه ضحكت وكانت هترد علي مالك كان سيف بيرن
عليها طنشته
آيه بضحك : وماله ياعم حقك
سيف رن عليها تاني
آيه : مالك معلش هرد علي سيف بس وهرجع اكلمك
مالك حس بغيره بس حاول ميبينش : تمم
آيه ردت علي سيف الي اتكلم بغضب
سيف بغضب : بتكلمي مين يا هانم
آيه : اولا وطي صوتك
سيف : بصي انا بحاول اهدي علي الآخر فا انجزي
آيه : عاوز ايه يعني
سيف : بتكلمي مين
آيه فكرت شويه لو قالت له ممكن يدايق : لاا مفيش
سيف : ايه متكدبيش كنتي بتكلمي حد
آيه : اه يعني انت قصدك اني بكلم ومقضياها
سيف : انا مقولتش كدا انا بسالك سوال واضح
بتكلمي مين
آيه معرفتش تتهرب من السوال فقررت تقول
آيه : دا يبقا مالك
سيف : مالك مين
آيه : مالك صاحبك
سيف : مالك صاحبي كان بيكلمك في ايه بقا
آيه : متتعصبش هو كان بيسالني كويسه ولا لا
سيف بعصبية : هو انتي شوفتي عصبية ويسالك
بتاع ايه
آيه : انت تالت مره تتعصب عليا
سيف بعصبية : ما انتي السبب كل ما احاول ابقا حلو
معاكي بتعصبيني بحركاتك
آيه : لا انت اللي بتتعصب علي أتفه حاجه
سيف : اتفه حاجه بيكلمك الساعه 2 ودي تبقا اتفه حاجه
آيه : ما انت بتكلمني اهو علي الأقل هو بيطمن عليا مش
زيك تتعصب وبعدين ولا تبقا فاكر فيا
سيف : انا خطيبك يا هانم لو انتي فاكره ونا لو كلمتك
بعصبيتي مش هتستحمليني زي دلوقتي بالظبط وبعدين
تقوليلي مش عاوزه اتكلم
آيه : سيف انا بجد تعبت من غيرتك دي بجد يعني
سيف : لاا مش كل مره هتعمل فيها دور المقموصه
آيه بعياط : هو انت بجد كل حاجه قولتها ليك مكانتش
ليها فايده
سيف حاول يهدي شويه وبعدين رد بهدوء : انتي اللي
بتوصليني لكل دا
آيه : انا اسفه
سيف : خلاص يا حبيبتي انا اللي اسف
آيه بابتسامة : شايف قمر ازاي ونت هادي
سيف بابتسامة : توتا
آيه بابتسامة : ايوا
سيف : انا بحبك اووي
آيه بهمس : ونا كمان بحبك
سيف بضحك : اخيرا قولتلها
آيه بضحك : متتعودش بقا
سيف تصنع الزعل : كدا مش عاوزه تقوليلي بحبك
آيه بضحك : خلاص متزعلش
سيف : مقدرش ازعل منك
آيه وسيف فضلو يتكلمو كتير
..........................................
سلمي كانت بتكلم مع يوسف
يوسف : ادخلي متقفيش في البلكونه
سلمي : ومين قالك اني واقفه في البلكونه
يوسف : ادخلي يا سلمي
سلمي : ادخل ليه
يوسف : حد يشوفك
سلمي : الساعه 2 مين هيشوفني
يوسف : طيب انتي لابسه ايه
سلمي بصدمه : نعم
يوسف بضحك : مش قصدي اللي في دماغك بس اكيد
هدوم النوم وبشعرك
سلمي : ونت عرفت ازاي
يوسف : هي محتاجه تفكير يا ذكيه
سلمي : امم
يوسف : طيب ادخلي يلا
سلمي : لاا وبعدين محدش شايفني
يوسف: متدخليش اهو عنادك ادا للي هيجي علي راسك بعدين
سلمي : ازاي يعني
يوسف : لما اشوفك هتشوفي بنفسك
سلمي افتكرت اللي عمله في الخطوبه فدخلت علي طول
يوسف فضل يضحك عليها كتير
سلمي : بتضحك علي ايه
يوسف بضحك : عشان دخلت
سلمي : هو احنا في برنامج رامز جلال بتشوف كل حاجه
كدا
يوسف بضحك : لاا بس متنسيش اني ظابط
سلمي : وايه يعني برضو
يوسف : يابنتي الظابط بيبقا عندهم خبره في الحاجات دي
سلمي : خبره انك تشوف اللي بيحصل هنا
يوسف بضحك : مش بالظبط بس يتركز في تفاصيل يعني
ممكن اسمع الي بيحصل عندك واخمن الباقي من عندي
والظابط الشاطر اللي بيعرف
سلمي بابتسامة : تعرفي اني كان نفس اتجوز ظابط
يوسف بابتسامة : يعني لو مكنتش ظابط كنتي مش
هتحبيني
سلمي بضحك : لاا طبعا
يوسف بضحك : بياعه
سلمي بحب : انا كنت هحبك في اي زمان ومكان وشكل
اهم حاجه تكون انت يا يوسف
يوسف : اقوالك حاجه هتبسطك
سلمي : قول
يوسف : كنت تخليها ليكي مفاجاه بس هقول بقا
سلمي : قول يا يوسف بقا
يوسف بضحك : حاضر .. يعني ربنا كرمك برائد
سلمي : انت قصدك
يوسف بضحك : ايوا
سلمي بصويت : يا نهار ابيض
يوسف بضحك : اهدي طيب
سلمي : دي احلا حاجه سمعتها
يوسف : طيب بكره عوزاك تبقي معايا
سلمي : دا اكيد طبعا
يوسف : طيب يلا يا قمري روحي نامي كدا
عشان بكره عاوزك تبقي فايقه كويس
سلمي : حاضر يا حبيبي تصبح علي خير
يوسف : ونتي من أهل الخير يا قلبي
...........................................
صباح جديد
نور فاقت من النوم وافتكرت كل اللي حصل معاها
وافتكرت كلام فارس ونزلت دموعها بعدين مسحتها
وقامت اخدت شاور وليست هدومها وابتسمو وخرجت
من الاوضه وراحت علي السفره ولقيت يوسف وسيف
ومالك وهناء
نور : صباح الورد
الكل رد عليها الصباح وبعدين قعدت
مالك : مالها عيونك يا نور
نور : مفيش حاجه يا مالك
مالك : هو ايه اللي مفيش حاجه انتي مش شايفها عامله ازاي
يوسف : انتي كويسه يا نور
نور : كويسه والله
سيف : طيب ايه حصل
نور : مفيش بس هي وجعاني شويه
يوسف : طيب بعد ما تخلصي محاضره هنروح لدكتور
نور : يا جماعه مفيش حاجه والله
مالك : انت رايك كدا يعني
نور : اه والله بسيطه
يوسف : ماشي يانور
جرس الشقه رن ونور قامت تفتح وبعد شويه
نور بصوت عالي : ماما يوسف
ماما : في ايه
يوسف : تلاقي الفستان اللي طلبته
بعدين يوسف وهناء قامو راحو يشوفو نور
مالك : طيب اقوم انا بقا اروح علي شغلي
سيف : مالك
مالك بص لسيف : ايه
سيف : عندي سوال بس وعاوزك تجاوب عليه
مالك : قول يابني
سيف : انت كلمت آيه امبارح
مالك سكت ومعرفش يقول ايه
سيف : سكوتك بيقول اه
مالك بصله : ايوا كلمتها اطمنت عليها دي كل الفكره
سيف : وهي الفكره تيجي في دماغك ليه اصلا تكلمها بصفتك ايه
مالك : علفكره انا مش في دماغك كل اللي بتقوله دا
سيف : بس هي باينه كدا يعني انت مهتم بيه وعاوز تتكلم لاا وقت متأخر ليه
مالك : سيف لحد كدا وكفايه انا مش كدا انا انا حبيت اطمن عليه
سيف : وياريت متتطمنش تاني
مالك بصله : تمام
يوسف رجع لقي مالك ماشي بنرفوه وسيف قاعد بيبصله
يوسف : مالكم
مالك : مفيش انا ماشي ورايا شغل
يوسف : خد يابني هنا
مالك مشي ومردش ويوسف بص علي سيف : هو في ايه سبتكو شويه ورجعت لقيتكم كدا
سيف : مفيش يلا بينا علش الشغل
يوسف : لاا ما انا مش كل واحد هسالو هيقولي مفيش
سيف : طيب يلا هقولك قدام
يوسف : طيب .. نور يلا عشان اوصلك
يوسف وسيف ونور نزلو وصلو نور وبعدين يوسف كان بيسوق وبص لسيف
يوسف : قول بقا
سيف : مالك كلم آيه امبارح
يوسف : طيب وبعدين
سيف : هو ايه طيب وبعدين بقولك كلمها
يوسف : انت مكبر الموضوع شويه هما ليهم كلام يعني من قبل ما تخطبها
سيف بغضب : انت سامع بتقول ايه هو ايه اللي مكبرها وبعدين انت توافق اني اكلم سلمي ودلوقتي هي خلاص خطبتي يعني ليها كلام ملهاش كله كان الأول
يوسف بغيره : وحياه امك هو ايه اللي تكلمها
سيف بضحك : شوف اتعصبت ازاي اهو
يوسف : طيب انت قولتله ايه
سيف قال كل الكلام اللي قاله لمالك ويوسف بصله
يوسف : انت مجنون يابني ازاي تقوله كدا
سيف : اللي حصل
يوسف : متنساش مالك اخوك مش صاحبك وهو قالك أنه كان بيطمن وكان تتكلم معاه بهدوء مش تقوله الكلام الجارح دا
سيف : ممكن اكون غلطان بس انا مبقتش عارف ابقا هادي وما بتكلم معاه
يوسف : ممكن ايه قصدك اه
سيف : يا سيدي غلطان حلو كدا
يوسف : لاا مش حلو لازم تعتذر منو
سيف : حاضر
بعد وقت وصلو ونزلو وكل واحد راح مكتبه يشتغل
..................................
نور كانت قاعده في المحاضره سرحانه والدكتور شافها
الدكتور : يا انسه يا انسه اللي سرحانه انتي
نور فاقت علي صوته : حضرتك تقصدني انا
الدكتور : ايوا هو انا كنت بقول ايه
نور باحراج : معلش يا دكتور مش مركزه
الدكتور : ياريت تركزي معايا احنا مش جاين نسرح هنا
نور قعدت وسلمي بصيت عليها
سلمي : مالك يانور
نور حاولت تمسك دموعها: مفيش
شهد : اهدي طيب يا نور
نور : انا هاديه
بعد وقت خلصت المحاضره ونور مصدقا وراحت علي الحمام بسرعه عشان محدش يشوف دموعها
سلمي : يا نور استني
شهد : هي مالها
سلمي : مش عارفه تعالي نشوفها
شهد : يلا
سلمي وشهد راحو ورا نور ودخلوا الحمام
سلمي : نور
شهد شافت نور واقفه بتعيط وحاطه ايدها علي بوقها : سلمي
سلمي بصت مكان ما باصه شهد وشافت نور راحت عندها بسرعه : نور مالك
نور بتعيط وبس
شهد : انتي بتعيطي عشان الدكتور الحيوان دا
نور مبتردش و آيه دخلت شافتهم
آيه : في ايه يا بنات ونور بتعيط ليه
شهد : مش بتكلم خالص
آيه حضنت نور ونور عيطت اكتر
آيه : اهدي يا نور احكيلي مالك
سلمي : هو الدكتور احرجها
آيه : كدا طيب استني انا هخلي فارس يضربه
نور اول ما سمعت اسم فارس قالت بعياط : فارس
سلمي : ايوا بس متعيطيش انتي
نور بعياط : هو فارس هيتجوز بجد
شهد : انتي عرفتي ازاي
نور بعياط : يعني انتو كنتو تعرفو ومحدش فيكم قالي
آيه : لاا يا حبيبتي الموضوع مش كدا
سلمي : انتي عرفتي ازاي
نور : امبارح سمعت من عمتك وهي بتقول هيبقا جوز بنتي
شهد : اه منها مبتسبش فرصه الحربوقه دي
سلمي : نور فارس بيحبك واتخانق مع بابا عشانك وصدقيني مش هيتجوز ملك
شهد : عاوزه اقولك حاجه كمان يا نور مكنتش هقول بس عشان تهدي ملك اصلا بتحب مراد اخويا يعني ولا هي ولا فارس موافقين فمتقلقيش
نور عيطت
آيه : بتعيطي ليه دلوقتي
نور : اصلا انت قولت لفارس كلام وحش اووي وجرحته
سلمي : طيب قولتيله ايه
نور : قولتله أن يبعد عني ومش عاوزه اشوفك تاني وبكرهك
سلمي: ليه يانور كدا
نور بعياط : انا مكنتش عارفه بيقول ايه لما عرفت بالموضوع ونا قلبي وجعني
آيه : خلاص يا نور كل حاجه هتبقا كويسه
نور بعياط : كويسه ازاي بقولك قولتله بكرهك وهو زعل اووي وقالي تمام كأنه بيودعني واكيد مش عاوز يشوف وشي تاني
شهد : اهدي يا مجنونه اكيد مش هيقول كدا هو بيحبك ومستحيل يبعد عنك هو زعلان بس
سلمي : انهارده في حفله وفارس هيكون موجود حاولي تتكلمي معاه
شهد : حفله ايه
سلمي : يوسف وسيف هيترقو بخصوص شغلهم انتي متعرفيش يا آيه
آيه : لاا مقالش
سلمي : تلاقيه عامله مفاجاه ليكي
نور : طيب تفتكروا هيوافق اني اتكلم معاه
آيه : جربي وهيوافق
شهد : طيب يبقا قولولي ايه هيحصل
سلمي : يعني ايه انتي كمان مش هتروحي معانا
شهد : ونا اروح ليه
سلمي : يوسف هيزعل
شهد : طيب ماشي
آيه : يلا بينا طيب
البنات خرجو وكل وحده روحت علي بيتها
.......................................
مالك كان واقف في العمليات
وبعد وقت طويل كان خرج
مصطفي : ايه يا دكتور
مالك بصله : بتكلمني انا
مصطفي بسخريه : هو في غيرك وبعدين ايه مش مركز كدا حتي في العمليه سرحان بتحب ولا ايه
مالك : بقولك ايه التزم حدودك ومتنساش نفسك
مصطفي : انا بقول الحقيقه ولا هي مبقتش تعجب خلاص
مالك : انا عارف بعمل ايه كويس ومش مستني انك تقولي
عمر : خلاص يا مالك هو بيستفزك بس
مصطفي : ايه يا عمر انت كمان بقيت في صفه خلاص حتت عيل يجي يسيطر علي كل حاجه
مالك كان فقد أعصابه وقرب من مصطفى وضربه بالبوكس في وشه
مصطفي : انت اجننت يلاا
مالك : انت مشوفتش جنان لحد دلوقتي
عمر بعد مالك عن مصطفي : خلاص يا مالك مينفعش كدا
مصطفي : طيب والله هتشوف هعمل فيك ايه
مالك : هات اللي عندك مبتهددش انا
مصطفي بصله ومشي وعمر اخد مالك علي المكتب
عمر : في ايه يا مالك انت اول مره تبقا كدا
مالك : انا مدايق اوي يا عمر
عمر : احكيلي طيب ايه حصل
مالك : كلمتها امبارح واكيد أصر أنه يعرف كانت بتكلم مين وانهارده كلمني بطريقه كاني واحد معرفهوش جرحني بكلامه بس هو معاه حق انا اكلمها ليه في الاخر هي خطبته وحقه بس مش بايدي والله قلبي مش عارف اتحكم فيه
عمر : اهدي يا صاحبي اكيد ميقصدش
مالك : ياريتني ما حبتها حبي ليها بود علاقتي انا وسيف انت متعرفش احنا كما ازاي
عمر : انت ليه مكبر الموضوع كدا
مالك : عشان هو كبير اصلا انت مش عارف انا مدايق قد ايه
عمر : طيب احكي يا مالك طلع الي في قلبك عشان ترتاح
مالك : بالعكس كل ما بطلع اللي في قلبك بتعب من العواقب تعرف اني مبقتش حابب اعمل ايه حاجه حتي شغلي اللي بحبه بقيت باهمل في هو فعلا الزعل بيعمل دا كله
عمر : الزعل بيطفي البني ادم لدرجه انه ممكن تشوفه متصدقش أن دا هو هو أكبر عدو ليك بس اوعي يا مالك تستسلم لي عاوزك تركز في شغل عشان خاطر نفسك علي الأقل
مالك بتنهيده : حاضر
الباب خبط وعمر فتح وكان واحد زميله
عماد : الدكتور طارق عاوز يشوف الدكتور مالك
عمر : ماشي
عمر بص علي مالك : اكيد عشان مصطفي
مالك : متقلقش انا هروح اشوفه وراجع
عمر : استني هاجي معاك
مالك وعمر وصلو قدام مكتب طارق وكان موجود مصطفى اللي بص علي مالك بنظره غضب
مالك : طلبتني يا دكتور
طارق : ايوا يا مالك اتفضل اقعد
ونت يا عمر جاي ليه
عمر كان هيتكلم قاطعه مصطفى : اصلا المحامي بتاعه
طارق بحده : مصطفي
مصطفي : سكت اهو
عمر : اكيد مفيش مانع من وجودي انا جاي مع مالك
طارق : طيب اتفضل
عمر قعد وطارق بص لمالك
طارق : ممكن اعرف سبب الخناقه يا مالك
مالك : حضرتك انا كنت خرجت من العمليات وهو وقفتي واتكلم معايا وغلط مره واتنين ونا مقدرتش اسكت ونا كنت بدافع عن نفسي
مصطفي : انت كداب انا اللي كنت بقوله انك مش مركز
طارق قاطعه : مصطفي قولتلك اتكلم
مصطفي سكت وهو باصص علي مالك وطارق بع علي عمر
طارق : انت كنت موجود يا عمر
عمر : ايوا يا دكتور
طارق : احكيلي اللي حصل طيب
عمر حكي اللي حصل لطارق
مصطفي : ماهو اكيد هيقول كدا
طارق قاطعه : مصطفي انا عارف كل واحد كويس عارف مالك وعارفك ومالك مش هيعمل كدا بدون سبب فا ياريت
تركز في شغلك وتبطل الحركات دي
مصطفي : تمام
مصطفي قام وبص لمالك وخرج من المكتب
طارق : تقدر تكمل شغلك يا مالك
مالك : عن ازنك يا دكتور
مالك وعمر خرجوا من المكتب وكل واحد راح علي شغله
...................................
فارس كان قاعد في اجتماع ومش مركز خالص وبيفكر في كلام نور
واحد من الموجودين : فارس بيه
فارس : نعم
: انت رايك ايه في الموضوع
محمد : ممكن تأجل الاجتماع في وقت تاني
: تمم يافندم
كل الموجودين خرجوا وفضل فارس ومحمد
فارس قام وكان هيخرج
محمد : اقعد يا فارس عاوز اتكلم معاك
فارس قعد ومتكلمش
محمد : مالك يا بني ليه مش مركز كدا
فارس بصله : انا اسف مش هتحصل تاني ومش هخسرك شغلك
محمد : انت فاكر اني بقولك كدا عشان الشغل انا ميفرقش معايا غيرك يا حبيبي
فارس : فعلا ميفرقش معاك غيري
محمد : عارف انك زعلان مني بس انا كنت فاكر اني صح وهتوافق بس خلاص يا حبيبي مفيش جواز
فارس بصله : بتكلم بجد
محمد بابتسامة : ايوا اهم حاجه تكون مبسوط
فارس : طيب في حاجه كمان
بصراحه كدا مراد بيحب ملك وهو قالي وانا وافقت يعني
محمد : طيب خليه ياجي ونا هوافق
فارس بابتسامة : بتفجاني انت
محمد بابتسامة : انا ايه يهمني غير انكم تكون مبسوطين
فارس : طيب خلاص انا هتفق أنه يجي بكره
محمد : تمام
فارس بيقوم يروح مكتبه
فارس : ندا اطلب من مراد يجيلي المكتب
ندا : حاضر يا فندم
فارس بيدخل المكتب وبعد شويه بيدخل مراد
مراد : طلبتني يا فارس بيه
فارس : انت مجنون يا مراد آيه فارس بيه دي يابني احنا متربين مع بعض
مراد بابتسامة : ما هو مينفعش اناديك باسمك في الشغل
فارس : لا يا سيدي قولي باسمك انا بقولك اهو
مراد : حاضر بس انت طالبني ليه
فارس : عندي ليك خبر حلو
مراد : ايه هو
فارس بضحك : بكره تيجي عشان انا زهقت منكم خلاص
مراد : مش فاهم قصدك
فارس : يابني خلاص هتجوز انت وملك
مراد بابتسامة : بتكلم جد
فارس بضحك : اه والله
مراد بضحك : اقوم ابوسك طيب
فارس بضحك : كنت عارف انك هتفرح بس مش لدرجه تبوسني يعني
مراد بضحك : مش عارف انا بقول ايه والله
فارس قام حضنه وبصله بضحك : مبسوط عشان والله
مراد بابتسامة : بجد يا فارس شكرا
فارس بابتسامة : متشكرنيش يا حبيبي كمل بضحك يلا بقا عاوزين نفرح
مراد بابتسامة : هيحصل قريب هكلم ملك وافرحها
فارس بابتسامة : ماشي يا حبيبي
مراد خرج وفارس رجع قعد علي الكرسي فتح الفون علي صوره نور
فارس بحزن : مش عارف ليه تبعديني عنك ممكن زعلتي من حاجه عملتها ومش قصدي بس حتي لو كدا المفروض مفيش حاجه تبعدنا عن بعض بس انتي وحشتني اووي يانور بحد محتاجلك كان نفسي اكلمك الوقتي عشان القوالك خلاص كل حاجه هتبقا زي ما احنا عاوزين بس انتي بعدتيني عندك
فارس قفل الفون واخد نفس طويل ورجع يكمل شغله
.....................................
مراد خرج من عند فارس وراح علي مكتبه ومسك الفون ورن علي ملك وبعد وقت رديت عليه
مراد : عارف انك زعلانه مني بس انا اسف خلاص يا ملوكتي هنتجوز ومفيش اي حاجه هتوقف في طريقني كمل بضحك اسف اسف اتكلمت كتير ومش مديلك فرصه تتكلمي
سوزان : ومين قالك انك هتجوزها