في بيت اهله
♥♥♥♥♥
هاني كان نايم امه فتحت عليه الباب وصحته..
... هاني هاني قوم فوق يلا.
هاني قام بخضه.. في ايه مين ما'ت؟.. بص لامه وكان بيتكلم وهو نايم.. في ايه ياماما.
امه بخوف.. تعالى وديني عند اخوك.
هاني بنوم.. اخويا زمانه في الشغل يا ماما سبيني انام... واخد المخده وشد اللحاف عليه ونام تاني.
امه بغيظ.. قوم ياض نفسي اعرف بتعمل ايه في حياتك غير النوم والنسوان.
هاني بنوم.. لما اصحي ياماما هقولك بعمل ايه اقولك يا ماما تعالي نامي جانبي تعالي.
امه بغيظ.. هاني قوم بدل ما هنادي لابوك ييجي يشوف هتصحي ازاي؟
هاني بتصنع الزعل.. لا لا خلى الحج زي ماهو وانا امري لله هقوم معاكي بس اعمليلي افطر ينوبك ثواب زي ابنك برضو.
امه بغيظ.. هانييييي قوم ومفيش اكل اخوك تعبان شكله لقط من ابنه كنت بكلمه وكان صوته تعبان وانجز يلا وهاكل انت وهو هناك.
هاني بزعل.. الله هو ابنك وانا مش ابنك والله ولدتينا سوا.
امه... ايون لقياك علي باب جامع انجز وقوم.
هاني.. قايم... وشويه وهاني جهز واخد امه ومشيو.
في العربية
هاني.. بصي ياست الكل انتي مع هاني مش مجنون السرعه بتاعك التاني يعني انا هوصلك بامان تمام بس هنمشي براحتنا ماشي ياماما عشان ماتقوليش ليا بطئ ومش عاوز تنجز.
امه بغيظ.. المهم اني اوصل انجز.
هاني.. استعنا علي الشقى بالله ومشي.
♥♥♥♥♥
ليل بغيظ.. نعم اكلي وحش.
سراچ وهو بياكل.. اه.
ليل بسخريه.. امال انت مسحت الطبق ليه ادام اكلي وحش.
سراچ.. بستفزاز.. بيقولك المجبور بقى يعمل ايه وبعدين انا مابحبش اكسف حد.
ليل بغيظ.. مجبور ليه يا أخويا إن شاء الله .
سراچ..بستفزاز.. عشان ماتعنسيش بس.
ليل صوتها اتهز لما قال كده.. ل ا لا انا مش عاوزه اتجوز.
رفع راسه وبصلها.. اقعدي.
ليل قعدت.. ن نعم.
سراچ.. بغموض.. مالك؟
ليل بتوتر وده لحظه سراچ.. مليش.
سراچ.. عاوزاني اوثق فيكي لازم تحكيلي كل حاجه.
ليل بخوف.. احكيلك ايه مفيش حاجه.
سراچ بغموض..وشك.. متاكده.
ليل.. ا اه.
سراچ.. طيب كلي.
ليل.. مش جعانه.
سراچ.. انا قولت كلي.
ليل.. حطت طبق قدامها واكلت وكانت بتاكل بتوتر وكانت بتخبي التوتر ده عشان سراچ.
سراچ كان شاكك فيها مسك فونه وبعت رساله لحد.
شويه والباب خبط.
ليل قامت تفتح جري عشان ما تفضلش تحت عنيه والتوتر يزيد اكتر.
فتحت الباب...
كانت امه واخوه قدام الباب.
هاني بصدمه.. انتي انتي بتعملي ايه هنا.
امه بستغراب.. مين دي وتعرفها منين؟
سراچ لقاها واقفه راح يشوف مين ولقاها امه.
هاني بصدمه.. انت وهي بتعملو ايه مع بعض.
سراچ دخله من قفاه بغيظ وامه دخلت وليل قفلت الباب سراچ وهاني وامهم قعدو وليل دخلت المطبخ.
هاني.. هي جت تغويك ولا ايه؟
سراچ بغيظ.. تغويني ايه يا غبي انت بس هي اشتغلت هنا.
امه.. انا مش فاهمه حاجه؟
سراچ اخد نفس وحكى ليهم كل حاجه وانها اشتغلت هنا بس قالهم ان الكلام ده هيفضل بينهم بس وان لو حد عرف هو إللى هيتصرف مع إللى عرفه.
هاني بضحك.. بجد مش مصدق بيت رؤية إللى مكنش بيدخله ستات غيرها هي وماما بنت دخلت فيه.
سراچ بغيظ.. ماتتلم ياض وبعدين هو انا بتاع بنات زيك وبعدين بيت رؤية هتفضل هي سته حتي لو دخلته غيرها.
امه بحزن.. رؤية اكيد مبسوطه الوقتى هي في مكان احسن من هنا مبسوطه ان في حد هيهتم بريان ومش هيسيبه لوحده وبعدين البنت دي باين عليها بنت ناس.
هاني حط ايده علي وشه مكان بوكس.. اه وعندها اخ عاوز ق'طع ايده.
سراچ.. ماتتلم بقى وبعدين يعني دي اول مره تنضرب بسبب الشبه إللى بينا ده اعقل كده .
هاني بصله بغيظ وسكت.
امه.. انا هدخل اشوف ريان.
سراچ هز راسه بمعني ماشي وامه دخلت فضل هو وهاني لوحدهم، ليل عملت عصير وجابته ليهم حطته ومشيت.
هاني.. اوف قادر تقعد مع القمر ده كله لوحدك ازاي؟
سراچ بصله ببرود.. معلش اصل انا مش هاني.
هاني بستفزاز وضحك.. لو انا كان زمانها مراتي بس انت فصيل بجد.. يا ابو برودك يا اخي البت جامده.
سراچ.. هتتلم ولا ايه؟
هاني.. بضحك.. خلاص ياعم بقولك لسه بتكتب شعر.
سراچ.. بتسال ليه؟
هاني.. عاوز منك قصيده شعر اقولها للمزه الجديده اصلها بتحب الشعر.
سراچ.. ماتبطل ياض القرف إللى بتعمله ده وتتنيل تجوز.
هاني.. انا كالطير بحب الحريه لتيجي ليا واحده تقولي ماتكلمش دي وكلم دي ما تخرجش ماتعملش انا كده تمام.
سراچ ببرود.. معنديش قصايد شعر.
ليل بفرحه.. واو مين بيكتب شعر.
بصو ليها بستغراب.
ليل باحراج.. اسفه بس سمعتكم بتقولو شعر.
هاني بضحك.. لالا ماتتاسفيش خلاص بينا عيله تعالي اقعدي معانا... وشدها من ايديها وقعدها معاهم.
.. سراچ ياستي إللى بيكتب شعر.
ليل بصدمه... مين بتقول مستحيل.
هاني بضحك.. معلش الصدمه يابنتي بس هو فعلا بيكتب شعر ده كان بيقول قصايد لرؤية الله يرحمها.
الكل.. الله يرحمها.
هاني..بحماس.. سراچ قول قصيده من إللى كنت بتقولهم ليها ولا اقولك انا واحده منهم احم احم.
.. اتسالوني اتعشقني تخيل انها تسأل... بربك كيف اسمعها.. ومعرفش يكملها..
سراچ كملها.. اتسالوني اتعشقني... تخيل انها تسأل
بربك كيف اسمعها... الا من نفسها تخجل
الم تسمع اشعاري... بأني قتيلها الأول
واني دون عينها... ضاع ضياع اعزل.
ليل بصدمه وحماس.. في نفس الوقت.. روعه بجد 🥹
هاني بحماس.. قول واحده تانيه يلا.
سراچ ببرود.. لا كفايه عليكم دي وقام دخل يشوف ريان.
ليل.. بغيظ.. يا ابو برودك ياخي.
هاني بضحك.. معلش هو ده انا هاني وانتي.
ليل.. ليل.
هاني باعجاب.. اسمك حلو يا ليل.
ليل.. ميرسي... هو ممكن اسالك سؤال.
هاني.. اكيد اتفضلي.
ليل.. انتم ازاي اخوات اقصد يعني هو شخصيه وانت شخصيه تانيه خالص.
هاني.. فعلا شخصية سراچ شخصيه بارده اوي بس ده بحدود شغله شغله مش عاوز شخصيه حنونه بس بالعكس سراچ جواه شخصيه حنونه جدآ الشخصيه دي مابتطلعش لأي حد بصراحه.
ليل.. لحظت كده إنه بيبقي حنون مع ابنه ومع مامته بيبقي شخصيه تانيه اصلا و برضو مع حبيبته.
هاني بصدمه.. حبيبته.
ليل.. اه كان بيتكلم معاها بحب وبيقولها حبيبتي.. انا اتصدمت منه الصراحه.
هاني.. سراچ مش عنده حبيبه غير رؤية ورؤيه اتو'فت.
ليل.. رؤية دي إللى هي ام ريان صح.
هاني.. اه.
ليل بصت قدامها بشرود.. الحب صعب وانك تتحرم من حبيبك اصعب حاجة.
هاني بصلها بشك.. انتي اتحرمتي من حبيبك.
ليل فات.. لا لا انا معنديش حبيب بس انا بقول علي الحب يعني.
هاني.. امم.
ليل.. انتم شبه بعض اوي صعب حد يفرقكم.
هاني.. هو فعلا صعب بس في وحمه في ايدي هي دي إللى بتفرقنا عن بعض.. وهاني شمر ايده ووراها الرحمه
ليل فونها رن وشافت المتصل خافت اكتر وجسمها بقى يترعش اكتر من كتر الخوف... سراچ وامه كانو داخلين عليهم وهاني كان بيبص عليها لانها اتغيرت.
ليل برعب