رواية فتاه قاست كتير في الدنيا الفصل الثامن8والاخير بقلم وفاء الدرع

رواية فتاه قاست كتير في الدنيا 

الفصل الثامن8والاخير

 بقلم وفاء الدرع

منى صرخت في وجه الجميع وقالت انا مش عايزه الجوازه دي تتم انا بكرههم ومش حباه

الحاجه محاسن ايه يا منى اللي انتي بتقوليه ده مالك يا بنت منى مالي يا جدتي شايفاني بقطع هدومي ولا بشد في شعري ولا اتجننت 

فاطمه انتي مش طبيعيه يا منى طب تعالي اطلعي ادخلي اوضتك ونامي وبكره ان شاء الله نشوف ايه اللي هيكون 

بصه منى لهم وطلعت ومعها سلمى ودخلت غرفتها وهي بتبكي بكاء شديد حاسه بحاجات لكن مش عارفه ايه هي 

سلمى اللي غيرك في لحظه يا منى كده 

منى مش عارفه يا سلمى انا مش عايزاه وخلاص 

سلمى ازاي مش عايزاه وخلاص هو ده اختيارك وبتحبيه 

منى انا مش بحبه انا بكرهه مش عايزه اشوفه انا شفته دلوقتي قبل ما اطلع شكله وحش قوي 

سلمى شكلك معمول لك عمل والله يا منى انت شربت حاجه  في الفرح ولا ايه يا منى 

منى اه شربت عصير بعد لبس الشبكه على طول وقلعت الاسورتين والخاتم والدبله ورمتهم لسلمى اعطبهم له عشان كده خلاص اللي بينا انتهى 

سلمى ماشي يا منى خلي الحاجه دي معايا لمده يومين ثلاثه ونشوف الدنيا فيها ايه ولو فضلت على الحال ده انا اعطهم له عدتها سلمى وبعديها نامت منى وبجوارها سلمى والكل كان قاعد تحت استغرب من هذا الموقف وبيتكلموا مع بعض ايه اللي حصل ده يا ترى عين ولا في شيء آخر 

زين انا مش عارف ايه اللي حصل بس ده كله اللي قلبها 180 درجه هي فيها حاجه غريبه وانا هعرف وطلع الى غرفتها وطلع وراه اخوه سليم لانه كان خايف عليه من الصدمه سليم ما تتعبش اعصابك ونفسيتك يا زين لازم تطلب وتعرف اللي ورا ده هي 

زين انا فعلا لازم اهدى عشان كل شيء يكون بالعقل 

وفي اليوم التالي الحال هو على ما يبقى عليه 

منى قاعده في غرفتها ورفضت النزول لكي تفطر معهم سلمى يا بنتي ما ينفعش كده لازم تنزلي عشان تفطري انت ما اكلتيش من امبارح الصبح 

منى انا مش جعانه ومش عايزه أفطر انزلي انت افطري 

سلمى انا مش هنزل هقعد معاكي مش هسيبك لوحدك 

زين الكل قاعد على السفره وانا ما نزلتش 

فاطمه لا ما نزلتش يا زين رفضه الاكل والشرب وعماله تبكي وانا مش عارفه فيها ايه خايفه عليها قوي 

زين عن اذنكم انا خارج وراجع بسرعه 

جدو رايح فين يا زين اقعد افطر الاول وبعد كده اخرج 

زين لا يا جدي انا مش جعان وخرج وذهب الى الشيخ وقال له ما حدث وجاء معه الشيخ الى البيت ودخل غرفه منى ومعه محاسن وفاطمه قرا عليها وعلى الميه وشربتها وقال الشيخ معمول لها عمل برفض الزواج وادخلها الجامعه والعمل ده مدفون ولو العمل ما تفكش في خلال اسبوع ممكن من كتر التفكير والتعب تاذي نفسها او تنتحر واستاذن الشيخ 

سلمى سمعت هذا الكلام من الشيخ ذهبت الى عايده في غرفتها 

عايده ايه يا سلمى منى عامله ايه دلوقتي 

سلمى حضرتك بتسالي بعد اللي عملتيه فيها ايه يا امي اللي انتي عملتيه في مني ده حرام عليك مني قاست كثير ايه يا امي استكترتي عليها الفرحه 

عايده ايه اللي انت بتقوليه ده يا سلمى انت اتجننتي 

سلمى لا يا امي ما اتجننتش انا شفت حضرتك وانت بتحطي العمل لجدتي في الشاي انت مش بتحبي الخير لحد انت بتحبي الخير لنفسك وبس منى دي اللي وقفت جنبي وخلتني اكمل علامي سمعت منها الكلام الحلو كله اللي ما سمعتهوش من حضرتك كان دايما اهانه وتريقه وكنت هخسر مستقبلي بسببك ليه بتعملي فينا كده ليه مش بتحبي حد فرحان 

عايده انت ما شفتيش اللي انا شفته كنت قاعده مع مرات اب ضرب واهانه ما شفتش يوم حلو معاهم كل اما اجي اشتكي لابويا ما كانش بيسمعني جوزني ابوكي من غير ما اشوفه قال لي مش هيخلينا نجيب جهاز انت عارفه الحال واخواتك عايزين كثير اقول له وانا يابا يقول لازم توافقي على اللي اقول عليه وافقت عشان اهرب من جحيم مرات ابويا ومنه هو كمان 

سلمى يعني حضرتك شفتي كتير لازم تراعي اللي قدامك وما تكسرهمش زي ما حضرتك انكسرتي حرام عليك البنت دي قاست كثير في الدنيا كفايه عليها كده 

عايده خلاص يا سلمى معلش يا بنتي الغل اللي كان في قلبي من ناحيه اي حد يكون اعلى منه ربنا يسامحني وان شاء الله هتكون بخير 

سلمى بجد يا امي.. عايده بجد يا سلمي انا هصلح كل شيء 

وبالفعل عايده كانت دفن العمل في الجنينه وفكته 

الكل كان قاعد في الصاله ونزلت منى لهم انا جعانه قوي وعايزه اكل هو ما فيش اكل ولا ايه 

فاطمه ده لو ما فيش اعمل لك مخصوص يا ضي عينيا حمد لله على سلامتك يا منى احنا لسه ما تغديناش خمس دقائق والسفره هتكون جاهزه من جميع الاكلات اللي انت بتحبيها والكل كان قاعد على السفره  وفي وسط الأكل اتكلم زين بعد اذن حضرتكم انا عايز اطلب طلب 

جدو ما فيش كلام على الاكل 

استنى زين لبعد الاكل هم بيشربوا الشاي في الصاله الرجال زين انا عايز اكتب الكتاب 

جدو كتب كتاب ايه دلوقتي يا زين لسه زفافك بعد سنه على الاقل 

زين ده كتب كتاب بس يا جدو عشان انا عايز انجزها واخدها واوديها الجامعه اول يوم 

الكل ضحك على كلامه لكن في الاخر اقنعهم بذلك كان يوم الاربعاء اتفقوا على كتب الكتاب يوم الجمعه 

وفي يوم الجمعه اتكلمت منى مع سليم على سلمى 

سليم بصي يا منى انا عمري ما كانت سلمى دي في دماغي خالص كانت اختي ليا وبس لكن بعد التغيير اللي حصل ليها ده و خست وبقت رشيقه جمالها ظهر تخنها كان مداري جمالها اول ما عيني راتها وهي كده القلب دق على طول لكن انا كنت مستني الوقت المناسب عشان اتكلم معها 

منى سلمى بتحبك من وهي طفله والحمد لله ان انت دلوقتي بتبادلها نفس الشعور سلمى بنتي رقيقه قوي يا سليم 

والكل حضر بعد صلاه الجمعه لكي يكتبوا الكتاب وبعد كتب الكتاب احضار الجميع رجال وحريم طلب سليم يد سلمى عايده قامت وعماله تزغرط من الفرحه 

بجد عبد الحميد يوم المنى يا سليم انت داخل اخر سنه في الجامعه ده هيكون ربط كلام بس وبعد الشهاده نشبك على طول ولا ايه رايك يا صلاح 

صلاح ما فيش راي بعد راي حضرتك يا حاج وائل فرحه بقت فرحتين وثاني يوم كان يوم السبت اول يوم دراسه 

فطر زين ومنى معهم وقاموا في البرنده يتكلموا مع بعض كان ناقص نص ساعه وينزلوا الجامعه 

زين ده اول يوم ليكي في الجامعه يا منى خلي بالك من نفسك هناك البنات والبنين مع بعض 

منى وضعت يداها على فمه اشش انت عارف بتكلم مين انا لو في وسط 100 راجل ما حدش يقدر يتكلم معايا كلمه بس 

ضحك زين طبعا هو انت لو غير كده انا كنت اصلا خدتك بس قولي لي ايه شنطه المدرسه اللي في ايدك دي 

منى اصل غاليه عليا واللي جايبها لي واحد هو ضي عيني وقعدوا يضحكوا ويهزروا واخذها وذهبوا الى الجامعه ونزلت من العربيه ورفعت يداها بمعنى باي ♥️🌹♥️🌹

                                 تمت

لقراءة باقي الفصول اضغط هنا