روحنا المستشفى انا وكريم... ومي. وياسين الي أصر انه يجي معانا... ولما وصلنا المستشفى.. لقيت.. كريم بيأخذنا على قسم النساء. والولاده...
_كيمو انت واخذنا فين.. دا قسم الولادات...
_تعالي بس... معايا
ودخلنا أوضه.. لقيت. بابا.. ورحمه. والي عرفته. ان رحمه ولدت. تؤام عن طريق. عمليه حقن مجهري
بابا اول ما شافني. جري عليا وحضني جامد وبدأ يعيط بابا كان فعلا مستنيني
_حبيبه بابا وحشتيني اوي... ياروح بابا..
_بابا.. حبيبي.. وحشتني اوي.. يا حبيبي
الف مبروك... ياروحي
خرجت من حضن بابا. وبصيت. على رحمه الي اول ماشافتني ابتسمت. وفتحت دراعاتها.. وقالت
_وانا يا ياسمين مفيش ليا مبروك
جريت عليها وحضنتها وقلت ليها
_اكيد يا ابله.... الف مبروك وحشتيني يا ابله...سامحيني. يا ابله...
_حبيبتي انت كمان سامحيني.. انا قسيت عليكي... وحشتيني.. يا ياسمين.. ابتديت اعيط انا وهى
_ايه ياجماعه الدراما الي انتو فيها.. بابا. انا عاوز اشوف اخواتي
_حاضر ياحبيبي....دلوقت تشوفهم
ودخلت الممرضه بطفلين ولد وبنت
قربت.. من الطفله وشلتها. وكانت الطفله.بتشبهني كثير.. نسخه مصغره مني..
_على فكره هما مولودين من امبارح ومستنين اختهم عشان تختار اسم ليهم.... الكلام دا قالته رحمه
_لاانا هسمي البنت... بس وخلي اسم الولد ليكم..... ضميت الطفله. لصدري.. وبصيت في عنيها وقلت
شمس. عاوزه اسميها شمس... ممكن يا ابله ممكن يا بابا
طبطب بابا عليا وقال
_اكيد. ياروح بابا.. زي ما انت عاوزه انت اختها الكبيره
_كدا يابابا انا كمان عاوز اسمي الولد هسمي الولد... انا عاوز اسميه. سليم.. عشان نكون كريم وسليم.... ههههه
_ههههه حلو ياحبيب بابا
بصيت لبابا... وشفت الفرحه الي في عينيه.. بلمتنا حواليه. كأن بابا رجع صغير.. يااا انا فعلا كنت انانيه لما فكرت. اني احرمه من السعاده دي... ورفعت. عيني وبصيت على ياسين... الي كان فرحان لفرحي.؛ فعلا انا كنت فرحانه أوي كأن حمل انشال من على صدري.. وانا شايفه فرحه رحمه بأولادها. . وفرحه بابا... برحمه واولاده وبينا انا وكريم... عرفت بابا على ياسين.. ورحب فيه
بابا وكريم اصرو اني اعمل عمليه تجميل واخضع. للعلاج... بعد ما عرفو بوجود دكتور شاطر في الحالات الي زي حالاتي كريم أصر اني ارجع معاهم. كان عاوز نسهر زي ما كنا زمان... ورجعت فعلا... مع كريم وبابا.. وبليل. طلعت. أوضه الياسمين.. لقيت الياسمين. كبر وازهر زهور كثير تأكدت ان بابا كان بيعتني بيها... ودخلت الاوضه كنت مشتاقه لاغراض ماما الي كانت موجوده فيها.. وفجأه سمعت بابا الاوضه بيخبط فتحت الباب.. وتفاحئت
_ياسين.. اي اللي جابك
_بحبك
_عارفه
_طب بعشقك
_غيرو
_طب بموت فيكي
_قديمه
_طب كتب كتابنا بكره
_اي كتب كتابنا بكره... ازاي. انت بتتكلم جد
_اه بيتكلم بجد وانا.. موافق...
_بابا
_اه ياحبيبه..بابا ياسين طلب ايدك وانا وافقت... ياسين عاوز يكون معاكي وقت العمليه.. وبصفه رسميه
سابنه بابا. ونزل.. قربت من ياسين وقلت
_ياسين انت متأكد
_طبعا ياحبيبتي... أكثر قرار متأكد منه.. هو قرار اختيارك
_طب ياسين.. ممكن تستنى بعد العمليه
_انا حبيتك من غير عمليه... وعاوز.. اتجوزك.وانت كده قبل العمليه... انا عاوز أكون.. معاكي.. وجنبك.
_متشكره يا ياسين ربنا يخليك ليا
_ويخليكي ليا يانور عينيه... بحبك .
وفعلا ثاني يوم كتبنا كتابنا انا وياسين... ومي وكريم... لكني اصريت انه يكون في الدار وسط امهاتي... الي فرحو بيا جدا...وكانو بيزغرطو.. ويغنو... بعد ما كتبنا الكتاب.. ياسين حضني. جامد كان فرحان بيا جدا كأني أعظم انتصاراته..وبقى يلف بيا ويقول اخيرا... اخيرا. ياروح ياسين.. الف مبروك...
_لله يبارك فيك يا حبيبي
_اي. قولتي اي
_الله يبارك فيك ياحبيبي
_ياااااا.ه...اخيرا...سمعت كلمه حبيبي
_وهتفضل.. تسمعها طول العمر... ياحبيبي
جريت علينا ميلا وحضنتنا.. وقالت.. مبروك يابابا. ..مبروك يا ماما.
_اي انت قلتي اي
_مبروك.. ياماما.. هو انا ممكن اقولك ياماما.. ياسمين
_اكيد ياقلب ماما.. وفضلت ابوس كل حته بوشها وانا فعلا كنت فرحانه بكلمه ماما.
_احم.. هو باباها. ملوش نصيب.. ولو حته صغيره
_هههه.. لا
_ماشي... ملحوقه.كل دا دين ومتسجل. وهاخذه قريب.. انا مابسبش حقي.. هههه
والده ياسين رحبت بيا بعيلتهم رغم اني حسيت في عنيها عدم الرضا.. وبصراحه عذرتها اي ام اكيد عاوزه الأحسن لولادها
ماما ابتسام حست بكده قربت منها وقالت
_ياسين.... اختار جوهره... وفعلا...عرف يختار... اختار ملاك. صاحبه أطيب قلب في الدنيا...
كيمو ومي كانو فرحانين اوي.. ربنا يتمم لهم على خير
بعد كتب الكتاب طلبت من ياسين قبل العمليه اني اروح انا وهو مكان
ورحت بيت شمس.. وكأن اهل شمس كانو مستنيني..وبعرفوني..والدها والدتها واخواتها... واعرفت انهم كلهم يعرفوني من كلام شمس عني... واد اي هي كانت بتحبني.. واعرف منهم ان شمس كانت سايبالي رساله
اعتذرت منهم. على الي حصل.. وهما كانو متقبلين وانهم. كانو بيشكروني اني دافعت عنها لاخر لحظه
نزلت انا وياسين . وركبنا العربيه.. وفتحت الرساله.. وقريتها.. وكان مكتوب فيها
إلى أغلى انسانه
مس ياسمين انا بحبك اوي.. انت غيرتي فيا حاجات كثير.. علمتيني حاجات كثير متشكره ليكي اوي
بس انا خايفه يامس...
يامن هددني انه هياذ يني.. ويأذيكي.. انا خايفه عليكي...
لوقرينا الجواب دا احنا الاثنين.. يبقى محصلش لينا حاجه.. ولو قريته لوحدي يبقى حصلك حاجه.... ولو قريتيه.. لوحدك يبقى جرالي حاجه... لازم تعرفي يامس. اني بحبك وسامحيني لوجرالك حاجه بسببي
بحبك.. شمس
وهنا. مستحملتش. انهارت. وعيطت جامد ياسين.. اخدني بحضنه. وبدأ يهديني
_خلاص اهدي ياحبيبتي.... اهدي وادعيلها بالرحمه...
فضلت اعيط في حضن ياسين مده طويله. .. لحد ما ياسين قال
_على فكره القميص... جديد وماركه
خرجت من حضنه وقلت
_انا اسفه
لقيته قرب مني وقال
_فداكي عمري كله مش بس القميص
ولقيته مال. وباس خدي المشوهه.. بوسه وثنين وثلاثه
_ياسين انت بتعمل اي
_ببوس مراتي فيها أي دي.
_ياسين احنا في الشارع.
_اه صحيح.. يخرب عقلك جننتيني
_ياسين لو العمليه ما نجحتش
لقيته مسك ايدي المشوهه وباسها.. وقال...
_حتى لو العمليه منجحتش. حتفضلي في نظري احلى ست شافتها عينيا