عند ليل
كانو بيفطروا لحد ما فون اخوها رن وهو رد بحترام... الو امرك يا فندم.
... لازم تكون عندي كمان ساعه ضروري.
نادر بحترام.. تمام يافندم.
وقفل معاه.
ليل.. بستغراب.. مين.
نادر.. اللواء عاوزني عنده كمان ساعه.
ليل بضيق.. بس انت لسه راجع حتي ما نمتش.
نادر.. معلش الواجب بينادي وادام طلب النداء لازم التنفيذ.
ليل بدعم.ودعاء.. ربنا يعينك ويبعد عنك اعداءك يارب.
نادر وهو بيقوم باس راسها.. يارب ياقلبي انا همشي بقى عشان ماتاخرش.
ليل.. طيب كمل اكلك.
نادر وهو بيلبس الكوتش.. الحمد لله كلت تسلم ايدك.. عاوزه فلوس قبل ما اخرج.
ليل.. اه عشان هنزل السوق اشتري شوية طلبات للبيت.
نادر.. ماشي.. خلى بالك من نفسك.. ساب ليها الفلوس ونادر مشي علي شغله..
ليل لمت السفرة ولبست ونزلت السوق تجيب الطلبات.
😻😻😻😻😻
ام سراچ رنت عليه.
سراچ.. بتعب.. الو يا ماما.
امه بحب.. عامل ايه الوقتى ياحبيبي.
سراچ بكدب.. تمام ياماما كويس.
امه بحزن.. ماتكدبش عليا حاسه انك مش كويس خالص يا حبيبي.
سراچ.. بدموع مكتومه.. ريان عامل ايه.
امه وهي بتملس علي شعر ريان.. طول الوقت بيعيط عمو وجده بقو يمشو بيه لحد ما نام.
سراچ وهو بيمسح دموعه إللى بتنزل.. هو علي طول كده كان متعود ان رؤية تقعد تغني ليه لحد ماينام.
امه بحزن.. سراچ تعال خليك جانبنا هنا يابني وبعدين تكون جانب ريان.
سراچ.. ماشي ياماما.. وفجاءه سمع صوت عياط ابنه.
جدته كانت بتهدي فيه بس مكنش راضي يسكت وبتحط ايدها علي وشه لقته حرارته مرتفعه.
.. سراچ ريان بيغلي.
سراچ قام اتعدل بخضه.. انا جاي ليكم علي طول.
وقفل الفون واخد المفاتيح ونزل جري ركب عربيته وطلع علي بيت اهلو كان بيسوق بسرعه ومره واحده فرمل لانه كان هيدوس حد من كتر السرعه.
😻😻😻😻😻
عند ليل
كانت في السوق بتشتري الطلبات كانت ماسكه شنط كتير في ايديها وفي شنطه منهم اتقط'عت نزلت كل إللى كان موجود فيها.
ليل نزلت تلم الحاجات إللى وقعت وكان في عربية جايه بسرعه وكانت هتخ'بطها...
ليل صرخت وغطت وشها من الخوف، العربية فرملت في اخر لحظه.
نزل منها صاحبها ونزل يزعق الناس اتلمت عليهم.
واحده كبيره في السن نزلت تتطمن علي ليل.. انتي كويسه يا حبيبتي.
ليل بغيظ.. الحمد لله ياطنط.. وقامت ليه.
ليل بغيظ.. انت مجنون ولا ايه كنت هتمو'تني وجاي تزعق كمان.
رد عليها بغضب شديد.. مجنون ايه يابت انتي تعرفي لو مكنتش مستعجل كنت عرفتك معني كلامك ده كويس اوي بس حظك اني مش فاضي ليكي.
ليل بزعيق.. هتعمل ايه يعني حضرتك عرفني كده هتعمل ايه انت ماتقدرش تعملي حاجه.
رد عليها بعصبيه كبيره.. لا اقدر.. وقطع كلامه رنت فونه وكان اخوه..رد عليه بقلق.
.. جاي في الطريق.
هاني.. سراچ احنا اخدنا ريان علي الدكتور طالع علي هناك.
سراچ.. ابعتلي العنوان وانا جاي.
هاني.. اوك هبعته ليك الوقتى .
سراچ.. تمام.
وقفل معاه وفتح الباب بتاع العربية وكان هيركب بس ليل وقفته بعصبيه.
ليل.. انت ماشي ورايح فين اعتذر الاول وبعدين امشي.
سراچ بصلها بقرف.. انا مش فاضي للهري بتاع البنات ده يلا من هنا وزقها وركب عربيته ومشي.
ليل بغيظ وعصبيه صورت رقم العربيه من ورا.. هتشوف حضرتك هتعتذر او لا.
جابت شنطه وحطت فيها الحاجات إللى وقعت ورجعت البيت تاني.
تجهز الغدا وهي متعصبه بقت تكسر في كل حاجه.
😻😻😻😻😒
نادر راح للواء.
😒😒😒😒😒
عند اللواء.
نادر خبط ودخل بحترام.. تحت امرك يافندم حضرتك طلبتني.
اللواء.. ايون طلبتك لمهمه جديده وانا عارف محدش غيرك هيعملها.
نادر ببتسمه.. ده من فضل ربنا ثم دعمك ليا يافندم.
اللواء بحب.. انت ابني يا نادر انا عارف الظروف إللى قوتك وخليتك اسد من اسود الداخليه.. المهم انت مش هنا عشان نسترجع إللى فات انت هنا عشان هنضم لفريق جديد والفريق الجديد ده مش اي فريق ينضم ليه وانا لما جالي امر بنضمام حد ليه رشحتك ليهم وهما وافقو بس عاوزين الكفاءه العاليه يا نادر ياريت ماتخذلنيش يابني.
نادر بفرحه.. اكيد يا فندم اكيد.. بس فريق اي ده؟
اللواء.. فريق الشيطا'ن.
نادر فتح بؤقه من الصدمه.. نعم بتقول مين.
اللواء بضحك.. علي شكل نادر.. عارف الصدمه ايه مش عاوز تنضم ليهم.
نادر بسرعه.. لا لا طبعاً عاوز هو حد مايكونش عاوز ينضم للفريق الشيطان ويشتغل معاه.
اللواء.. طيب جهز نفسك لان الشيطان هو إللى هييجي بنفسه يدربك.
نادر بفرحه لا توصف.. انا جاهز من الوقتى يافندم.
اللواء بضحك.. تمام يابطل ههههه.. تقدر تتفضل.
نادر بحترام.. شكر يافندم علي ثقتك دي وان شاء الله هكون عند حسن ظن حضرتك.
مشي نادر بعد ما اداء التحيه... بفرحه لا توصف ورن علي ليل يفرحها معاه.
نادر بحب.. ليلو عندي ليكي خبر بمليون جنيه.
ليل.. خير 🙂.
نادر.. حس من صوتها انها مضايقه.. مالك يابت.
ليل وهي خلاص هتعيط.. مفيش.
نادر بقلق.. انجزي فيكي ايه؟
ليل حكتله علي إللى حصل كله .
نادر بغضب.. نعم هو اهبل ده ولا ايه ده نهاره اسوح معايا النهاردة.. ابعتيلي رقم العربية.
ليل.. ماشي.
ليل قفلت وبعتت ليه ونادر كلم حد من صحابه و بلغه انه يعرف مين صاحب العربية دي.
بعد نص ساعه نادر جه ليه مكان العربية.
نادر بشر راح هناك.
😻😻😻😻😻
عند سراچ وصل
وطلع اطمن علي ابنه بس الدكتور طلب علاج وهاني اخد العربية من سراچ وراح يجيب العلاج هو 🙆🏻♀️
هاني نزل وركب العربيه بس كانت الشرطه محوطه العربية.
هاني استغرب ولقى إللى بيفتح العربية وبيشده من هدومه بقوة وبيرميه للعساكر وبيقولهم خدوه.
هاني مكنش فاهم حاجه ولا ايه إللى بيحصل.
هاني بعدم فهم.. ياخدوني علي فين.
نادر بشر.. هتعرف الوقتى عشان تشوف انت بتمشي ازاي.. خدوه.
اخدو هاني معاهم وهو ياعينى مش فاهم حاجه واحد يعمل البلوة وواحد يلبس مكانه 🤣
نادر كان بيصور لليل إللى بيحصل معاهم هناك عشان تكون مبسوطه.
وطبعا يعني هاني لبس التعذ'يب كله 🤣🙆🏻♀️
وليل راحت اخدت الغدا لنادر وطبعا عشان هاني إللى مفكره سراچ يعتذر منها.
نادر جاب هاني من الحبس وكان متبهدل خالص.
نادر.. شوفتي قومت معاه بالواجب كله عشان يبقي يقربلك تاني.
هاني بصدمه.. اقربلها ايه انا اول مره اشوفها الوقتى .
ليل بغيظ.. كداب بتعمل ده كله عشان ماتعتذرش مني صح كان فين لسانك لما كنت بتكلمني من ساعة.
هاني بصدمه... ساعة ايه يابت انتي انتي هبله بقولك اول مره اشوفك الوقتى هكون كلمتك من ساعة ازااا
... وافتكر حاجه... احيه يالهوووى عليا وعلي سنيني السوحه