رواية سهام الحب الفصل السابع7الاخير بقلم جيجي
عمار قال ...ما حدش يقدر يفرض عليكى حاجه وانا موجود انتى قولي بس انك مش عايزه الجوازه دي وانا بلغيها من اساسها
سهام قالت.....بس انا عايزها يا عمار مش كل حاجه بنعملها لازم نعملها عشانا احنا.. في حاجات بنعملها عشان الناس اللي احنا بنحبهم يرتاحوا
عمار قال.....الناس اللي بنحبهم لو بيحبونا مش هيرضيهم ان احنا نعمل حاجه مغصوبين عليها علشان هما يرتاحوا ولو رضاهم يبقى مش بيحبونا واللي مش بيحبنا ليه نسال فيه ليه نغصب روحنا عشانه
سهام قالت.....اطلع يلا يا عمار انا تعبانه وعايزه انام
عمار قال......ماشي تصبحي على خير
سهام قالت.....وانت من اهله وطلع عمار وراح على اوضته وسهام فضلت تفكر لحد ما راحت في النوم في صباح يوم جديد جات فيروز عندها
وقالت.....صباح الخير وسهام حاولت تقعد
وقالت.... صباح النور فيروز قعدت جنبها
وقالت..... انا اسفه على اللى انا عملته انا ما كانش المفروض اتصرف معاكي كده وما كانش ينفع كمان اقول الكلام اللي قلته بس انتى عارفه اني لما بتعصب
سهام قالت.... بس اوقات ساعت عصبيتنا بيطلع كلام بيخلينا نخسر اهم الناس واكتر ناس بيحبونا
فيروز انتى عارفه اني بحب عمار وميته فيه بس من وقت ما خطبوهولك وانا بحاول ابعد على قد ما اقدر
فيروز قالت.....اه بس تعرفي شكله هو مش عايزك تبعدي لان هو كمان بيقرب انا مش عارفه فيه ايه فيكي يخليه يختارك انت ويحبك قد كده وماشي وراكي كيف مجنون ليلى وغيران عليك كده امبارح قدام العريس حتى معتز عرف
سهام قالت......ايه عرف كيف يعني
فيروز قالت..... بقوله رجلي وجعاه ومش قادر يطلع وراك قالي باين عليه انو موجوع انا لو ما كنتش بحبه كنت سبته ومشيت ما كنتش اتقبلت على نفس الوضع اللي حطني فيه امبارح بس اعمل ايه اتنيلت على عيني وعاشقه هو مش عشق بس انا ما شوفتش غيره قولت عمار خطيبى وخلاص على كده يمكن لو شفت غيره انساه ويمكن ما انساهوش هيبقى راح مني وكده ابقى لا طولت بلح الشام والعنب اليمن
سهام قالت.....عارفه ومش زعلانه منك يا فيروز وكمان عايزكى انتى ما تزعليش مني
فيروز قالت.....خلاص عادي انا مش زعلانه انتى كيف اختي احنا صح عيال عم بس انا من وقت ما ماتوا اهلي ما ليش غيرك انت والود اللي اسمه عمار اللي بره ده اعتبرتك اختي وقلت هو جوزي وخلاص قفلت حياتي عليكم انتو ما شوفتش حد تاني
سهام قالت..... انا كمان اعتبرتك اختي احنا تربينا سوا يا بت
فيروز قالت....ايوه عشان اتعودنا نتشارك كل حاجه حتى عمار بنتشارك فيه دلوقتي
سهام ضحكت بخفه وقالت.... ايوه صح حتى زوقنا واحد جتنا البلا في زوقنا احنا الاتنين
فيروز قالت....طب يلا قومي عايزه تستحمي وتغيري الهدوم دى
سهام قالت.... ايوه عايزه
فيروز قالت....طب يلا بس هاتى حضن كبير الاول عشان اعرف انك مش زعلانه
سهام قالت.... يا بنت ما قلتلك خلاص مش زعلانه انت هتزعليني بالعافيه
وفيروز حضنتها وقالت ...ايوه كده وشغلى المسح التلقائي كل اما اعمل معاكي بلوه تمسحيها على طول
سهام قالت... على طول بعد شويه كانت سهام اخدت الشور بتاعها فيروز كانت بتمشط لها شعرها
بتقول ....انتى متى هتفك اللي على يدك ده
سهام قالت.... والله ما عارفه يا فيروزه اهم ربطوه ومضايقيني بيه ضيقه
فيروز قالت.....دلوك تفكيه ان شاء الله وتبقى زينه بس جيه
عمار وقال .....فيروز امى عايزاكي تحت بتعمل الاكل
ايه ده انا حوليت ولا انا سخن ولا ايه اللي حصل فيروز وسهام بصوا لبعض
وسهام قالت ......بس اسكت عيب خلاص روحي انتى يا فيروز هاتى المشط
فيروز قالت....طيب خدي هشوف عمتي واجي
سهام قالت... ماشي وفيروز نزلت وعمار قعد جنبها
وقال ......هاتي كده خليني اساعدك
سهام قالت...لا انت خليك بعيد وحياه ابوك انا صدقتها ما صالحتنى
عمار قال....اهدي بس هساعدك ومسك منها المشط
وقال..... قوليلي بقى كيف بتعمل الضفيره اللي بتضفريها دي
سهام قالت....اقسمها تلاته وجيب واحده من اليمين وواحده من شمال واحده في النص وكده
عمار قال....ماشي بجرب استني اههه عملتها
سهام قالت....وريني كده عمار حطلها الضفيره على كتفها
سهام قالت بضيق.....ايه اللي عملته ده انت كرمشت شعرى
عمار قال...ايه يا بنت ما عملتش حاجه ضفرتها كيف ماانتي بتضفريها اهه
سهام قالت..... ايه انا بعمل دي
عمار قال.....ايه ما بتعمليهاش كده مش شبهها
سهام قالت.... ولا تعرفها فكها فكها
عمار قال......طيب خلاص ايه ده مساعده تعمل زعيق تلقى
سهام قالت..... هي مش كانت خيرا تعمل شرا تلقى غيرتها
عمار التفتلها وقال.... ايوه شكلك حلو قوي وشعرك كمان وعينيك كل حاجه فيكي حلوه تتجوزيني يا سهام
سهام قالت.....يوه تانى
عمار قال.... تاني وتالت وعاشر فيها ايه يعني لما اتجوزكم انتم الاتنين
سهام قالت... ما اقدرش اخلي فيروز ضرتى دي بنت عمي وانا بحبها كانها اختي
عمار قال......ما انتو كل حاجه بتتشاركوا فيهاما تتشاركو فيا انا كمان
سهام قالت بتوهان...... مش هينفع اني حبيتك بطريقه اني ما قبلش اي حد يشاركني فيك بس حمحمت بحرج
وقالت...... قصدي فيروز يعني فيروز حبيتك كده لدرجة انها مش عايزه حد يشاركها فيك
عمار قال......اه فيروز طب ولو انا كمان بحب فيروز
سهام قالت....ايه
عمار قال.....اه لو انا حبيتها بس انا غارس ومش عارف اطلع واما لقيت حد تانى معاها كنت عايز اقتله يبقى ايه العمل عاد هنا اتصرف كيف دليني
سهام قالت.....يبقى تكمل زى ما انت لأن المثل بيقول خد اللى بيحبك ما تخدش اللى بتحبه
عمار قال....طب ولو اللى بحبه هو كمان بيحبني يعنى مشاعرنا واحده كده اتصرف ازاى
سهام قالت....شوف يا عمار انت خاطب فيروز قدام الكل وقدام اهل البلد كلهم وقولت انك هتتجوزها ولبسته دبل ما ينفعش بعد كده تسيبها عشانى
عمار قال.... ولا حتى اتجوزكم انتو الاتنين
سهام قالت.....ولا دى كمان تنفع لأن انا ميرضينيش اخد واحد من واحده وهى كمان مش هترضى كفايه تجريح فيها اكتر من كده هى برضك بتحس
عمار قال.....طب مش انتى بتحبينى لدرجة انك مش قابله حد يشاركك فيا طب ليه هتسيبينى لغيرك ازاى هتقدرى يعنى
سهام قالت.....اه هقدر عادى انا كمان هتجوز واسافر يا عمار ومش هشوفك غير كل فين وفين وانت كمان مش هتشوفنى وكل واحد يتشغل ب حياته فا مش هنفكر فى بعض
عمار قال.....طب وازا البعد خلانا نحن ونشتاق اكتر وزود لهفتنا ذود عشقنا
سهام قالت.....يبقى مكتوب علينا نعيش خاينين نكون مع واحد والقلب مع حد تانى خالص بس على الاقل نبقى حاولنا انت كمان حاول تبعد عنى وتقرب من فيروز وهنتجوز فى نفس اليوم عشان ما نضعفش كده هنضطر ان احنا نكمل ومش هنرجع فى كلامنا
عمار قال..... انتى شايفه كده يا سهام
سهام قالت..اه شايفه كده ماشى يا سهام براحتك وبعد فتره صغيره كانت سهام فكت الجبس وبقت كويس وكانو عاملين فرح للأربعه سوا فى نفس اليوم وكانو سهام وفيروز فوق و لبسه وجهزو
مستنين عرسانهم بس
فيروز قالت...انا هروح اديهم البطاقه عشان نسيوها هيعوزوها فى كتب الكتاب سهام هزت دماغها بأيوه وكان باين عليها الحزن وفيروز مشيت
بس دخل عمار
وقال..... كده غلط
سهام قالت.....هو ايه ده
عمار قال....اللى بيحصل ده كله غلط انا بحبك انتى انا طلعت لقيتنى خاطب فيروز ده شيء اتفرض عليا عشان انتو كنتو ساكنين فى مصر وانا مشوفتكش بس من اول ما شوفتك حبيتك وكنت عايز اسيب فيروز بس مش عايز اظلمها معايا انا مش هقدر اشوفك بتتجوزى واحد تانى وقدام عينى كمان صعبه قوى والله يا سهام وقرب منها وحط جبينه على جبينه
وقال...صعبه قوى عليا فيروز كانت راجعه لسهام وسمعتهم اجتمعت الدموع فى عنيه وفى اللحظه دى جى معتز عشان ياخد سهام للحفله
فيروز قالت ..معلش يا معتز انا عايزه اتكلم معاك شويه
معتز قال..دلوقتى
فيروز قالت.....اه الموضوع مستعجل قوى
معتز قال....طيب تمام وراحو سوا على اوضت عمار
وفيروز قالت...بدون مقدمات ..سهام وعمار بيحبو بعض انا قولت انو حماس على الفاضى وانو اكيد هينسو بعض لما كل واحد يتخطب بس لا كل ما بعدناهم كل ما قربو من بعض اكتر
معتز قال.... يا نهار اسود وانتى جايه تقولى دلوقتى والناس كلها تحت طب انا اعمل ايه دلوقتى انا مش هتجوز واحده مش عايزانى وكمان مش هينفع ألغى الفرح نهائى كده انا اتضرر
فيروز قالت.....طب لو غيرت العروسه
معتز قال....ايه ازاى يعنى
فيروز قالت.....يعنى لو حطيتنى مكانها
معتز قال....ازاى الناس عارفه انك مخطوبه لعمار وده فرحكم
فيروز قالت...عادى بدلنا و مع أول حاجه تحصل الناس دى كلها هتنسى بس مش هنتجوز اتنين قلبهم لغيرنا عشان الناس
معتز قال...طب وانتى مش بتحبى عمار
فيروز قالت...انا مشوفتش غير عمار يمكن لو شوفت غيره احبه
معتز قال.....بصى هو انا جاى فى جوازه وخلاص عشان امى بتزن عليا ف مش هتفرق بالعكس انتى طيوبه وجميله قوى عجبتينى على فكره
فيروز قالت....ماشى يلا نقولهم وراحو على اوضت سهام وقالولهم
سهام قالت....وانتى طيب لا مش هينفع تتجوزى علشانى انا
فيروز قالت..... معتز مش وحش انا عايزاه انتو الاتنين رايدين بعض انما انا حبى من ناحيتي انا بس ف مش هيكمل وصدقيني انا مش زعلانه انا هنسى عادى واكمل انا أقوى منك انتى ضعيفه
سهام ضحكت بخفه وقالت...قوى وحضنتها ونزلو تحت وكتبو الكتاب وكانت حفله جميله وراحو على اوضهم
وعمار قال...انا والله مش مصدق نفسي اخيرا اتجوزتك انا كنت هموت لو روحتى لغيري
سهام قالت....انا مقدرش اروح لغيرك لأن لازمنى قلب اعيش بيه مع غيرك وانا قلبى معاك انت عمار قرب منها وغابو سوا فى عالمهم الخاص وبعد ٥سنين كانو كلهم متجمعين
وسهام قالت...عمار الحق ابنك ايمن نازل ضرب فى عمر
عمار قال.... ايه ليه تانى
سهام قالت... انا عارفه جنان ابوه وراحو لقو ولدين فى سن ٤سنين ما سكين فى بعض وجات فيروز
وقالت.... بس يا عمر لا اندهلك ابوك
عمر قال.... يا وليه مش شيفاه هو اللى بيضربنى يا اماه
عمار قال.... طب خلاص بس ايمن ياحبيبى سيب ابن خالتك
ايمن قال.... انا كنت قاعد وشوفت اخته بتكلم ولد الجيران وهو واقف زى الطور مش يجيبها من شعرها
عمار قال.... الله واحنا مالنا بيها هى اخته هو
ايمن قال....لا مالنا ازاى بس يا ابوى احنا معندناش بنات تتمرقع مع حد
فيروز قالت..... اه هى دى اللى بيقولو عليها وراثه صح
سهام ضحكت وقالت....ايوه هى بعينها
عمار قال.... ليه ميكونش حب بس هو مش شاطر فى التعبير ليه ماتكونش نار الغيره
سهام هزت كتفه و قالت.... الولاد واقفين
عمار قال.... اه طب ما تاجى اكملك فوق
سهام قالت....يا لهوى اتلم الناس الناس
بس معتز قال... لا عادى خدو راحتكم احنا كمان معانا موضوع كده فوق نصيه وناجيكم واخد فيروز ومشى بيها بس وفيروز بصتله بغيظ
وقالت.... بس بقى ده وقته وراحت تفلت الاولاد وعمار اخد سهام ومشى بيها وهو
بيقول... ايمن اضربه براحه ليموت منك ابوه يزعل
سهام قالت....ايه ده انت بجد ماشى وسايبهم
عمار قال....بقولك ايه انتى من ساعت ما جبتي الشبر ونص ده وانتى مش فضيالى خالص
سهام قالت....ايه ده اوعى كده ده وقت محن ورجعت تفلت مع فيروز ومعتز حط ايده على كتف عمار
وقال...تيجى نقعد هناك فى الركن وكل واحد يدى لتانى بالجمزه عشان احنا كنا قاعدين وزى الفل نخلف ليه احنا لا وعشان حظى اخلف ود وبت مره واحده
عمار قال...اه هى بس الخلفه انا واحد وبشوفها بالواسطة احنا اتجوزنا اصلا ليه بس ساعت القدر يعمى البصر
بس جو فيروز وسهام وقالو. ...... انتو بتقولو ايه ها
معتز شد فيروز من وسطها وقال.......بنقول ان حياتى مكانش ليها طعم قبل ما اشوفك ولا اقابلك كانت ضلمه ووحشه مش كده يا عمار
عمار قال.... ايوه وانا كنت بقولو انها مكنتش حياه اصلا وان انتى الحياه وانا عشتها بس لما شوفتك قبلها ماكنتش عايش ولو فاضل يوم واحد بس عايز اعيشو معاكى لأن انا عشت حياتى وعرفت قيمتها بس معاكى
🌹🌹🌹🌹🌹🌹🌹🌹🌹🌹🌹🌹🌹🌹💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا ليصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
تمت بحمد الله