هيام : حاضر ورجعت راحت المكتب صعقت مما رأت
شهاب : مالك مصدومة من ايه
هيام : حضرتك متاكد ان ده مكتب
شهاب: ايوه مكتب امال انتى شايفة ايه
هيام : ده اقل ما يقال عليه مخزن للاشياء اللى ملهاش لازمه
شهاب : هههههه اعمل ايه كل اما بجيب حد مبيعمرش اكتر من اسبوع ويايرجع المصنع يايمشى ويسيب الشغل
هيام : بص احنا قدامنا حل من تلاتة حلول وحضرتك تختار منهم واحد
شهاب : اتفضلى مفيش الاستعانة بصديق او حذف اجابتين
هيام : تجاهلت كلامه وقالت البنات تاجى معايا و تفضل معايا هنا لحد مانظبط كل الاوراق والملفات دى وبعدين ترجع شغلها تانى اما الحل التانى تشوف حد ياجى يخزن كل الملفات دى فى مكان امان اما الحل التالت الا هو انا ارجع المصنع وحضرتك خلى كل حاجة زى ماهى ومبروك عليك الكركبة اللى انت فيها انا رايحة المصنع
شهاب : انا كلمت محمود وهو بعت البنات وكمان هيبعت عمر معاهم يساعدكم
هيام : مينفعش المكتب ضيق ويدوب هياخد البنات
شهاب : فتح باب اخر وقال فى مكتب تانى اهو
هيام : بصت ايوه كده اتفهمت ده يعتبر مخزن الملفات القديمة اكيد حضرتك مش محتاج حد يظبط مكتبك لان مكتبك فعلا متظبط وخرجت
فريدة : على فين ياقمر
هيام : المكتب متظبط بصى
فريدة : فعلا المكتب نضيف ومتظبط
هيام : يلا يابنات عوزين نظبط المكان ده ونزرعة
سجدة : فى اصص زرع فى اخر المزرعة للورد تعالوا نروح نجيب
شهاب : يلا اتفضلوا على المكتب
هيام : لا شوف حد غيرنا بص ياهندسة احنا بنات اة بس بنحب ناكل بتعبنا ومكتبك زى الفل اهو والمخزن شوف رجلين تظبط ليك الملفات ثم زمان حضرتك مخزن اللى فيها على سيدهات. بعد اذنك و شكرا على الاجازة النهاردة يلا يابنات ماما عوزين نفطر تانى و عوزين نتغدا سمك بورى مشوى ورز صيادية
فريدة : وسلطة وخيار
فاتن : وشوية جرجير ومخلل
هيام : وسلطة طحينة
سجدة : ونحبس بكوبية شاى تقيل
شهاب : والله بنات مجانين هههههه
خديجة : مكنش ينعز مفيش عندنا سمك خالص احلموا براحتكم
سجدة : هاروح اجيب من القرية اللى جنبنا لو ملقتش بورى يبقى بلطى ماشى
فريدة : استنى امزة جاية معاكى
سجدة : ماشى ياقمر خلى بالكم فيفى جاية
هيام :الطبلة ياولد اهلا بيها
فيفى : اناجاية اتاسف ليكم وهاسيب المزرعة وادور على شغل تانى
هيام : روحوا انتم يابنات تعالى يابنت الحاج عبدة اقعدى
فيفى : انا اسفة ليكى كتير
هيام : كل شيئ نصيب انا صدقينى مش زعلانة منك
فيفى : هامشى اشوف شغل فى اى مكان
هيام : لا خليكى معانا خلاص اتعودنا على بعض هنا افضل ليكى مهما كان المكان امان لبنت لوحدها
فيفى : منها لله امى هى اللى مش راضية تخلينى اعيش معاها
هيام : هى امك عايشة
فيفى : ايوه ومن ساعة مااتزوجت وخلفت رفضت اعيش معاها هى وزوجها واولاده
هيام : طب ليه هو ابوكى فين من كل ده
فيفى : بابا هههه اللى امى رفضت وجودى عوزة مرأت ابويه تتحملنى
هيام : احكى ياموكوسة بقولك تعالى نعمل شاى
فيفى : ممكن سندوتش مع الشاى
هيام : انتى جاية على طمع هههه قومى يااختش نعمل السندوتشات والشاى
فيفى : انتم طيبين اوى ليه كده
هيام : علشان احنا شوفنا كتير من الدنيا واتعلمنا ازاى نفرق بين الناس وانت فعلا غلبانة محتاجة حد يطبطب عليكى
فيفى : انا هاغسل المواعين
هيام : لع احنا هنطلع نظبط المكان عوزة ازرع شوية ورد جنب الشجرة دى وكمان ريحان وعنب جنب الباب يطلع على فوق ويظلل المكان
فيفى : فى جنب مزرعة المواشى اصص زرع وورد كتير
هيام : تعالى نروح نجيب
فيفى : لا خليكى المشوار طويل عليكى علشان رجلك هاروح اجيب الحاجة انا وبدرية ولواحظ
هيام : ماشى اعسل وانا هاتصل بالبت سجدة تزود السمك وتتغدو معانا ماشى
فيفى : هترضى تخلينى اكل معاكم بعد اللى حصل
هيام : احنا اخوات ابت دى كانت ساعة شيطان
فيفى : بدموع انا فعلا حاسة بالذنب
هيام : يلا غورى ابت هاكلم البنات تزود السمك
فيفى : انا كنت فاهمة انكم مغرورين
هيام : على ايه بلاوكسة
منصور : انا رحت عملت محضر بضياع البطاقة
خليل : كده تمام روح بكرة بلغ باختفاء خديجة مع سرقة مبلغ كبير من المال
منصور : طب تعالى معايا
خليل : الا القسم انت عارف مفيش عمار ما بينا هههههه
منصور : خلاص هاروح بكرة اقدم البلاغ
صابر : مفيش اثر ليهم عند اختك عواطف
خليل : ماشى روحوا انتم وانا هاتصرف
صابر : انا رايح فرح اخو الجماعة ( مرأته ) وهابات هناك
خليل : ماشى بالسلامة
منصور : شوف حد ياجر الشقة بتاعة البنات اهى تجيب اى فلوس
خليل : لازمانى انا هابقى اجاى انام فيها على الاقل فيها رايحة الحبايب
منصور : ايدك على فلوس دلوقت
خليل : خد دول دلوقت اخلع شوف وراك ايه مش ناقص صداع
منصور : ماشى خد المفتاح معاك
سجدة : الرجل اللى هناك عندة سمك بورى وبلطى
فريدة : هنجيب الاتنين
سجدة : ماشى انا هادفع تمن السمك البورى
فريدة : لا الاوامر ان انا اللى احاسب على الكل انتى خدى كيلو لطنط صفية ايه رأيك
سجدة : عندك حق يلا علشان نروح بدرى
فريدة / هو انت تعرفى الامكان دى منين
سجدة : انا هنا فى المزرعة من 12 سنة
فريدة : على كده زمان معاكى فلوس كتير
سجدة : الحمد لله البشمهندس يوسف عملى دفتر توفير باسمى ومكلف الاستاذ محمود يحط ¾ مرتبى فيه
فريدة : هو فى حد تانى غير اللى اسمه شهاب
سجدة : ايوه البشمهندس يوسف هو مش بيحب يقابل الناس كتير علشان وشه مشواه
فريدة : ازاى يعنى
سجدة : مش عارفه زى المحروق كده واحيانا بيكون فيه حاجة زى الدمامل علشان كده هو متجنب الناس ولما بياجى بيفضل فى الاستراحة مش بيخرج منها الا بالليل باشوفه بيتمشى لوحده بصراحة هو حد طيب اوى
فريدة : غريبة حكايتك دى يلا هاتى جرجير وطماطم وخيار ودرة فشار
سجدة : وتسالى كمان
فريدة : اخر فلوس معايا هاتى حلاوة وبسكويت علشان ادم
سجدة : هو انتم ملكوش حد
فريدة : لينا بلا واكسة هو احنا هنا الا بسبب الحد ده
سجدة : يلا نركب كله تمام
فيفى : الورد للورد يلا يابنات
هيام : يلا ياموكسة انتى وهى على شغلكم ونتجمع على الغدا ماشى
فيفى : انتى متاكده اننا هنتغدا معاكم عادى كده
فاتن : بصى بشرط تبقى تروحى تجيبى ص..........
رواية/ شنطة سفر
( قلوب موجوعة )
الفصل ( 6 )
=*=*=*=*=*=
هيام : يلا على شغلكم ونتجمع على الغدا ماشى
فيفى : انتى متأكده اننا هنتغدا معاكم عادى كده
فاتن : بصى بشرط تبقى تروحى تجيبى صنية كبيرة من عند خالتك صفية و نفرش اى حاجة وناكل على الارض
هيام : ونقضى الليلة فى الحكاوى
فاتن : ونطلع التليفزيون المخروب اللى جوه نتفرج على فيلم رومانسى
هيام : لا فيلم رعب
فاتن :ونشرب سحلب وننام ههههه
فيفى : حاضر ده طلب سهل يلا يابنات
هيام : بلاش مشاكل مع حد الا سمعتكم سابقاكم ماشى يابنت الحاج عبدة انتى وشله الغم اللى معاكى
فيفى: حاضر
شهاب متابع من خلف الستائر انتم فعلا بنات جدعان د عمر فيفى ما قالت حاضر لحد لسة يامة نشوف مين الغتت ده حاضر الووو
يوسف : السلام عليكم
شهاب : حبيبى وحشتنى والله هترجع امتى يابنى
يوسف : بامر الله هاوصل على بكرة الصبح هاجى مع هاشم فى عربيتة
شهاب مااجى اجيبك من المطار انا فاضى
يوسف : انا وصلت من امبارح وهاجى فى وقت متأخر انت عارف السبب
شهاب : بألم حاضر ياحبيبى منتظرك انت اللى حساس زيادة عن اللازوم
يوسف : ريحنى ولا بلاش اجاى
شهاب : حاضر ياحبيبى منتظرك تابع معايا على الفون ماشى
يوسف : متقلقش هنفطر سوا بكرة بامر الله
شهاب : بأذن الله تاجى بالف سلامة
دكتور أحمد /السلام عليكم
شهاب : اهلا وسهلا بالحبيب جاى ليه
دكتور احمد : اطمئن على المريضة
شهاب : خايف اصدقك ههههه
أحمد : احلف يعنى
شهاب : وعلى ايه مش مستهالة بقولك يوسف جاى الليلة فى وقت متأخر
أحمد : حبيبي يا يوسف دانا هاجى كل يوم علشان اشبع منه
شهاب : امشى ياض ابو رزالتك
احمد : هامشي دلوقتي سلم على يوسف
شهاب : بقولك ايه هو انت مالك خلى بالك دول بنات غلابة وبصراحة جدعان وملهمش فى سكة الحب والهيام زى ما بيقولوا
احمد : انا مش عارف انا مالى كل الحكاية انى بحب اجاى هنا
شهاب : انا بانصحك بس بلاش تعلق حد بيك احنا عندنا اخوات
احمد : حاضر فهمت ومش هاجاى هنا تانى
سجدة : احنا كده تمام شكرا يااسطى هننزل هنا خد عوز كمان
السائق : تشكرى ياعسل بالسلامة
سجدة : عمى مندور هى خالتى صفية فين
مندور : جوه بتعمل الغدا
سجدة : خالتى صفية خدى انا جبت ليكى سمك بورى خدى
صفية : تعبتى نفسك ليه يابتى
فريدة : ازيك ياخالتى خدى جرحير وطماطم وخيار للسلطة
صفية : عندنا والله بالف هنا يلا راحوا علشان تلاحقوا تعملوا الاكل
فريدة : ماشى ياخالتى ابقى تعالى اسهرى معانا بالليل
صفية : حاضر مهو بكرة الجمعة اجازة
فريدة : ماما ياخديجة احنا جبنا سمك
هيام : سمك بورى و لا بلطى
فاتن : اخدت الشنطة. وخيار وطماطم
فريدة : وجرجير وكمان درة فشار
هيام / وتسالى وحاجة حلوة لادومة
خديجة : على المطبخ ياهبلة انتى وهى
فريدة: انا هملح السمك
هيام : وانا هاعمل الرز
فاتن وانا السلطة والتحبيش
سجدة : طب وانا هاعمل ايه
هيام : تقعدى تحكى قصة حياتك وبلاش كدب
فريدة : تعترفى اذا كنتى بتحبى ولا نووووو
فاتن : وكمان تمضى على اقولك
هيام : وتجيبى اتنين شهود
خديجة : هههههه هم متعودين يتكلموا كده متزعليش منهم يابتى
سجدة : انا ماصدقت بقيلى عايلة ياامى انا هاحكى بس ياريت تصدقونى حكايتى غريبة وعجيبة وكمان محدش يعرف حاجة عنى انا هنا من 12 سنة واربع شهور وخمس ايام
فريدة : هو انتى بتعديهم كده ممكن تتعبى بلاش تفكير كتير سيبها على ربنا
سجدة : ونعم بالله اللى قدامكم دى تبقى بنت واحد صاحب شركات ومعاه فلوس تكفى بلد وامى من سيدات المجتمع الراقى اللى عندها عربية بالسواق ومشتركة فى النادى وعضو فى جمعية الرفق بالحيوان من الاخر سيدة مجتمع
فريدة: يخرببيتك طب ازاى تسيبك تتمرمطى كده
سجدة : ههههه يارتهم كانوا سابونى ضمن الاحياء ده كتبولى شهادة وفاتى وعملوا العزا كمان
خديجة: هو انتى بنت حد غنى يعنى و كده
فريدة : اوعك تكونى بنت حرام لقيطة يعنى
سجدة: انا بنت المهندس: محمود سعيد بدران صاحب شركات بدران للبناء والتعمير وامى سيدة الاعمال مرفت ماهر ياسين عندها كذا سنتر غير قرية سياحية غير مزرعة كبيرة فى محافظة الغربية
هيام : شكلك بتهزرى صح
سجدة : لا والله هى دى الحقيقة
خديجة : طب لما هم اغنية كده ايه اللى جابك هنا هو حد ضحك عليكى وهربتى وجايتى هنا
سجد : لا طبعآ كل الحكاية امى شافت ابوية مع صاحبتها على سريرها قامت بكل برود جابت واحد تعرفة من ايام. الجامعة وكانوا بيحبوا بعض اسمة حاتم وجه حاتم اللى امى اخدتة ودخلت الاوضة وعوزة تعمل زى بابا ما عمل المهم حصلت خناقة جامدة وانتهت بطلاق امى ونفس المأذون اللى طلق امى زوج ابويه فى نفس الوقت من الست اللى كانت معاه امى اخدت حقوقها وخرجت من الفيلا وبابا اخد عروستة وسافر يعمل شهر عسل وانا فضلت مرمية فى اوضتى اروح المدرسة وارجع اقفل على نفسى بابى لولا دادة مبروكة هى اللى صعبت عليها فكانت بتأكلنى وتراعينى لحد ما جه بابا من شهر العسل اتفاجى انى لسة موجودة فى الفيلا مرأتة بصيتلة وقالت البنت دى تغور من هنا ودلوقت
بابا الفاضل اخدنى من ايدى وراح على فيلا ماما وخبط فتح زوجها اللى معاشر امى عادى لحد ما يكتبو كتابهم لما عدة ماما تخلص رمانى تحت رجل زوجها وقال خد خليها تربيها
هيام : يخرببيت ابوكى وبعدين
سجدة : حاتم مسكنى من ايدى وطبطب عليه ودخلنى
مرفت : مين ياحاتم
حاتم : دى بنتك طليقك سابها ومشى
مرفت : ادخلى اتلقحى جوة لما اشوف ليكى صرفة
حاتم. : خليها تساعد صبحية فى شغل الفيلا
مرفت : حاضر صبحية استلمى الشغالة الجديدة مش عوزاكى ترحميها
صبيحة : حاضر ياستى واخدتنى دخلتنى اوضة فى الجنينة وبقيت اقوم بالتنضيف غسل الاطباق وشوفت الزل الوان من صبيحة وتمر الايام ولاقيت حاتم بدأ يعملنى كويس مرة يطبط عليه ومرة يعطينى فلوس ويضغط على وسطى
فريدة : كان عندك كام سنة
سجدة : 12 سنة لحد ما فى يوم صبيحة راحت تشوف بنتها كانت والدة ونامت معاها لاقيت حاتم دخل الاوضة عندى وبدأ يتحرش بيه قعدت اصرخ ماما صحت وشافت المنظر اتصلت ببابا اللى رفض ياجى فقامت خلت بتاع الامن يرمينى على اول الصحرواى مع تهددى بس كان معاه صاحبة انسان رحيم عطانى عنوان بابا فى ورقة وقالى ده عنوان ابوكى بس انا معطكيش حاجة وعطانى عشرين جنية وركب مع صاحبة ومشى
هيام :يخرببيت امك دى بنى ادمة زبالة وبعدين
سجدة : المهم روحت قعدت بعيد عن الطريق ونمت على الارض من التعب والصبح راجل معاه عربية خضار فات من جنبى ومرأتة شافتنى صحتنى وسألتنى فقلت ليهم ان جاية العنوان ده اشتغل ممكن توصلونى
الحاج عوض : ده عنوان صعب يابتى احنا ناخدك معانا لاول الطريق وانتى تاخدى اى موصلة لهناك
سجدة : ماشى بس انا جعانة
ام منير ( مرأت عوض ) بقولك تعالى نبيع الخضار ونفطر ونسأل على العنوان ونوصلها لله
الحاج عوض: ماشى ياحاجة احنا عندنا ولاية ( بنات )
سجدة : المهم وصلنا لفيلا ابوية قبل اذان العصر لاقيت صوان عزاء سألت وعرفت ان دة صوان عزا.....