بدرية : بدموع ربنا يخليك ليه يااجدع اخ
احمد : بدرية لو فى واحد طالب حلال ربنا توافقى تتزوجيه
بدرية : المهم يعرف ظروفى كويس ويراعى ربنا فيه انا شبعب بهدالة وتعذيب وكسرة نفس
احمد : ربنا يرزقك بالزوج الصالح
ادم : بكرة ياماما نروح مشورانا الدكتور احمد قال ساعتين زمن ونكون هنا
خديجة : كنت عوزة اكون جنب لواحظ يابنى
احمد : صدقينى ياست الكل هنرجع على طول مش هناخد ربع ساعة داخل المستشفى وانتى ناسيه ان وجودك اساسى جنب لواحظ
خديجة : حاضر اللى تشوفه يلا ياابنى كان يومك طويل
احمد : عوزك تحطى فى دماغك اننا كلنا محتاجين وجودك معانا انا معتبرك امى بجد والله تصبحوا على خير الساعة سابعة تكونى جاهزة ماشى لو كده خليك انت ياادم فى شغلك وانا معاها
ادم : لا جاى معاكم بامر الله
خديجة : لواحظ تعالى
لواحظ : خايفة ياامى
خديجة فردت ايدها واخدتها فى حضنها وطبطبت عليها متخفيش انتى لو كنتى بنت مش كويسة كنتى فضلتى فى طريقك انما انتى جواكى خير كتير بأمر الله اخواكى هيسامحك
لواحظ : يارب ياامى
احمد : لواحظ متخفيش انا عمرى فداكى
لواحظ : بعد الشر عنك
ادم : يلا ياامى انا طالع انام مع البشمهندس يوسف وسيف فوق تصبحوا على خير
هيام : ايه اللى انت عملتة ده
شهاب : عملت ايه مش مرأتى وحبيبتى بقولك انا جعان هاشوف اى حاجة فى المطبخ وجاى
هيام : متغبش ماشى
شهاب عيونى للقمر وخرج عمل سندوتشات وجاب كوبتبن لبن وجه تعالى نقعد على الكنبة
هيام حاضر دور وشك عوز
شهاب: مسك القميص البسى وتعالى عوز اخد رأيك فى حاجة
هيام : جلست جنبه خير ان شاء الله
شهاب : انا وهاشم لينا كل واحد شقة فى نفس العمارة اللى فيها شقة يوسف فى نفس الدور جاهزين ننقل فيها اسبوع تكون مفروشة ولا ناخد شقة من سكن العمال هنا فى المزرعة
هيام : لاده ولا ده انا هافضل فى الاوضة دى انا مبسوطة كده
شهاب : بس انا الحمد لله اقدر اشترى فيلا مش شقة
هيام : والله انا مبسوطة هنا يكفينى انك معايا
شهاب : انا عوز استقل بحياتى
هيام : خلينا مع بعض نحس ببعض نتونس ببعض نفرح مع بعض بلاش نبعد انا ماصدقت لاقيت عيلة بتحب بعض والله انا فخور بيك انت و البشمهندس يوسف وهاشم الدكتور احمد وجورج واخواتى البنات
شهاب : ماشى ياقلبى انا قولت ليكى انى بعشقك
هيام : تؤ تؤ تؤ تؤ
شهاب : تعالى اقولك انى بعشقك بطريقتى ودابوا فى عالمهم الخاص
صباح يوم جديد
~~~~~~~~~
ادم : صباح الفل ياهندسة انا نازل هاروح مع امى والدكتور احمد علشان اعمل ليها تحاليل واشاعات
سيف : كويس انك اقنعتها ترجع بالسلامة
ادم : هاشتغل الفترة التانية ماشى
يوسف : ماشى اللى يريحك
احمد : يهاتف لواحظ
لواحظ : السلام عليكم
احمد : عليكم السلام بقولك هاروح مشوار مع ماما خديجة وجاى على طول
لواحظ : خير قلقتنى كده
احمد : لما اجاى هاتكلم معاكى انتى هتروحى الشغل النهاردة
لواحظ : مش هاقدر افضل لوحدى هاخاف
احمد : متخفيش كلنا معاك انا ساعتين واكون هنا
لواحظ : فطرت
احمد : لا مش متعود افطر انتى عارفه مفيش حد افطر معاه
لواحظ : هاحضر سندوتشات وشاى متتأخرش علشان تفطر معانا
احمد : بحبك ياقلبى حاضر جاى صحى ماما
لواحظ :ماما صحت ومنتظرك برة تعالى على طول
هاشم : صحى ودخل الحمام اخد شور وصلى وجلس على حافة السرير وقبل خد فريدة
فريدة : كنت عوز تمشى من غير ماتصبح عليه ماشى
هاشم ياصباح العسل حبيبتى
فريدة صباح اللى بيغنى
هاشم انا نازل علشان ننجز قبل اخو لواحظ والرجل اللى ضحك عليها وصحابتها مايوصلوا
فريدة : استنا انا جاي معاك
هاشم خليكى انتى علشان متتعبيش
فريدة : مهو انا لو منزلتش الشغل ماما هتشتغل انت عارف هى بتحب تاكل من تعبها
هاشم : حاضر ياستى هانفطر تحت
فريدة : هاخلص بسرعة
هاشم : اجاى اساعدك
فريدة : لا. هو انا تياهة عن المساعدة بتاعتك هههههه
هاشم : بت انتى بلاش ام الضحكة دى انا ماسك نفسى بالعافية
فريدة : ممكن تنزل علشان اعرف اصلى
هاشم : حاضر بس متزقيش
شهاب : هو انتى فاكرة انى عويل علشان اخلى مرأتى تشتغل
هيام : لا والله بس انت واخدنى وانا بشتغل انا مش عوزة ابهدل امى ادم عندة مدرسة ومصمم يشتغل فترة تانية علشان مصاريفة فلو انا قعدت ماما هتنزل الشغل
شهاب : اللى يريحك انا كان نفسى نقعد فى شقة لوحدنا علشان تكونى براحتك
هيام : ربنا بيبارك فى اللمة انا وخده راحتى وراحتى مش فى المكان راحتى فى وجودك حنبى وبسم الله ماشاء الله الاوضة كبيرة وفيها حمامها يلا انزل على ما روق المكان
شهاب حضنها من الخلف وباسها هانزل متتأخريش عليه
هيام : عوزة مربى فروالة لو مفيش تحت اشترى لينا علبه بيقول اصحاب المزرعة ناس بخيلة هههه
شهاب : ادفعى تمنها ياماما مفيش حاجة ببلاش وشاور على خده
هيام : بستة يلا يا غلاسة
احمد : يلا ياامى اركبى
لواحظ : خلى بالكم من بعض ومتتأخروش عليه
احمد : هنرجع بسرعة واجبلك شيبسى
فرحة : لا هات شيبسى ليه انا هى كبيرة
احمد : خدى تعالى ابت ياعسل انتى عوزة شيبسى بس
فرحة : و شيكولاتة كتير ولمامى وبسنت وفارس وفادى كمان
احمد: منجيب لبابى هو كمان
فرحة : لا مش تجيبله هو بيقول بت يافرحة بلاش شيبسى وبلاش شيكولاتة علشان اسنانك
احمد : حاضر ياقلبى روحى نامى
فرحة : تصدق انت خنقتنى ياعم راحوا ستو هاتى شيكولاتة وشيبسى خدى فلوس منه هو معاها كتير وشاورت بايدها على احمد
احمد : ابو فقرك طالعة للزفت ابوكى هههه
فرحة : نعم ياخويا ومالوا بابى بئة
احمد : بابى مين ياام بابى غورى ابت امشى من قدامى
فرحة : بصوت عالى بابى الحقنى عمو احمد بيضربنى
سيف : من البلكونة اهى ثبتتك ياخفيف هات طلباتها
فرحة : سيف هو انت هنا ادخل انا د عمو احمد حبيبى
الكل هههههههه
احمد : هو انا ناقص شوفتوا البت عيال اخر زمن
هيام : صباح الفل هادخل احضر الفطار
دادة سيدة : الفطار ياولاد هو البشمهندس يوسف صاحى يابشمهندس سيف
سيف : ايوة فى الحمام يادادة ونازلين
يوسف : خلصت التصميمات
سيف : ايوه خلصت امبارح يااة الحمد لله اول مرة اعرف اركز فى شغلى من فترة
يوسف : بمناسبة شغلك انا عوزة تخلى بالك من فيفى دى بنت غلانة انحرمت من حنان الام والاب فارجوك اديها حقها من وقتك وخلى بينكم مودة ورحمة هى هتكون مرأتك مش شغالة لاولادك علشان هم مش فرض عليها خدمتهم كرم منها فاهم
سيف : فاهم والله كل ده وتشكر انها وافقة عليه بوضعى ده
يوسف : ربنا يسعدكم يارب يلا ننزل استنى لحظة وحط الكريم على وجه ونزل
سيف : انا شايف ماشاء الله وشك بدأ يرجع لطبيعتة
يوسف : الحمد لله راحت لدكتور بسم الله ماشاء الله علية هو دوا تركيب 24 جنية اول مرة وفى الاستشارة كتب بخاخة ارش منها على وشى والكريم ده تمنهم 21 جنية
سيف : معقول دانت صرفت الالف ومكنش فيه فايدة
يوسف : ربك لما بيريد تعرف انا لو كنت منتظم فى العلاج كان زمان وشى رجع لطبيعتة بس انا متعمد الخبط لحد بعد كتب الكتاب
سيف : ليه هى فاتن معترضة على معلش وشك
يوسف : لا والله دقالت انا عوزة قلبك الطيب وشك اخر حاجة افكر فيها
سيف : سبحان الله دول شوية بنات فعلا زى عمر ماقال رجالة ساعة مانحتاج ليهم
يوسف : فكرتنى بعمر هارن عليه ياخد سجدة وبدرية لام بدرية مصممة تشوفها رغم انها ام انانية متستاهلش
سيف : كنت فهمت بدرية كده ومكنتش راحت
يوسف : لازم تواجه امها علشان الموضوع ده ينتهى نفسى الاقى واحد يتزوجها ويراعى ربنا فيها تصدق هى ليها عندى مبلغ كبير وانا ضاعفتة ليها وهابقى اخد بطاقتها واحطة باسمها فى البنك
سيف : ربنا يجزيك خير ويسعدك شوفت حكمة ربنا سبحانه وتعالى. انت تتزوج مين وكمان هاشم وشهاب وعمر واحمد وانا نصيبنا نتجمع ونتزوج بنات جدعان
فرحة : انت يااخ سيف يلا الفطار جاهز
يوسف : ههههه انت متأكد ان دى بنتك
سيف : مع الاسف دى بنتى هههههه
فرحة : نعم ياحبيبى هو انت عوز بابى يزعلنى
يوسف : خد وشال فرحة حدفها عليه بنتك انا نازل احسن
فرحة : حبيبى يا بابى يلا ننزل
سيف : مش قولنا بلاش شقاوة
يوسف: عمر اخلص وخد سجدة معاكم
عمر : سجدة نزلت الشغل ومتعصبة عليه
يوسف : ليه هو انتم لحقتوا خلى بالك البنت دى جواها خير
عمر : هو انا غلطان علشان عوز استقل بحياتى وعوز اريح مرأتى اخليها معززة مكرمة فى بيتها
يوسف : تقصد تاخدها وتقع
رواية / شنطة سفر
( قلوب_موجوعة )
الفصل ( 34 )
~~~~~~~~
°°°°°°°°°°°°°°°
عمر : سجدة نزلت الشغل ومتعصبة عليه
يوسف : ليه هو انتم لحقتوا خلى بالك البنت دى جواها خير
عمر : هو انا غلطان علشان عوز استقل بحياتى وعوز اريح مرأنى اخليها معززة مكرمة فى بيتها
يوسف : تقصد تاخدها وتقعد بيها فى شقتك
عمر : ايوه وهى تسيب الشغل كمان
يوسف : انت شوفت هيام و فريدة النهاردة
عمر : لا زمانهم لسة نايمين هم وهاشم وشهاب مش عرسان
يوسف : تعالى معايا المصنع
عمر : والفطار افطر الاول
يوسف : هاخد سندوتش فى ايدى يلا انا عوز اثبت ليك حاجة مهمة
عمر : اللى هى
يوسف : كل بنت من دول عندها مشكلة ومش بتحس بالامان الا لما بيكونوا مع بعض وفى الشغل هنا انت ناسى ان سجدة اكتر واحدة متمسكة بالمكان هنا د كانت بتنام فى العنبر ولا انت ناسيت يامة شافت من فيفى ولواحظ واتحملت علشان بتحس بالامان هنا
عمر : بس من حقى اعيش مرأتى زى ماانا عوز انا
يوسف : بكده هتخسرها وللابد تعرف ان هاشم وشهاب عرضوا على فريدة وهيام نفس العرض بتاعك رفضوا وازوجهم احترموا رفضهم انت هتعيش فى شقة فى المزرعة هنا انما هاشم وشهاب كل واحد فى اوضة وراضين وسعداء
عمر : يعنى انا غلطت وعكيت الدنيا
يوسف : ايوه واعتذر ليها بص هيام وفريدة وشهاب وهاشم فين
عمر : يانهار ابيض والله كنت فاكرهم نايمين فى العسل
يوسف : دحتى بدرية ولواحظ هنا شوفت البنات تصدق انا فخور بيهم
هيام : يلا ياهندسة ماكنة سبعة واقفة اقف عليها خلينا نخلص وانت يااستاذ عمر ريح لواحظ شكلها مرهق و اقف مكانها
محمود : مين فيكم انت ولا مدام فريدة تختار تكون الريسة
فريدة : وحصرتك رايح فين
محمود : اصل الوضع اختلف دلوقت
هيام : هو فعلا الوضع اختلف بس اوعدك من بكرة هننظم فى مواعيد العمل
فريدة : يااستاذ محمود احنا زى مااحنا شغالين تحت امر حضرتك انت الريس وهتفضل الريس متتكلمش فى الموضوع ده تانى
هيام : ازوجنا برة الشغل مش هنا
هاشم : عوز ارتاح شوية
سجدة : لا ياخفيف كمل لسة فاضل عليك 321 عبوة
هاشم : هو انتى بتعدى ورايا
سجدة : شاورتله لا العداد اللى فى الماكنة مش انا اخلص
هيام : وانت ياعسل شكلك مش هتتغدا معانا وهتفضل لحد ماتكمل شغلك
شهاب : والله انتى مفترية هههههه
يوسف هى الطلبية الغلسة بتاعة الحاج فراج هتخلص امتى
هيام : سلامتك ياهندسة الطلبية زمانها وصلت المخزن بتاعته من ساعة دى طلبية فندق الفردوس وهتخلص قبل الغدا بامر الله
لواحظ : يلا يااستاذ عمر امشى انت وبدرية علشان تاجى بدرى
عمر : يلا ياسجدة معانا
سجدة لسة ادامى 213 عبوة اخلصهم الاول وبعدين خد بدرية وانا هاخلص شغلى واكمل شغلها
يوسف: يلا يابدرية انتى وسجدة احنا هنا مش هنتغدا الا بعد مانخلص
عمر : سجدة انا بعتذر ليكى ادام الكل
سجدة : لا يعنينى اعتذارك فى شيئ انا بعتبر نفسى مولدة هنا ومش هاسيب هنا الا لما اموت
عمر : وانا موافق وهنتزوج هنا فى الاوضة اللى فوق شقة البنات ايه رأيك
سجدة : بتتكلم بجد شاهد ياهندسة انت وهو
هاشم : شاهد و ابصم كمان بنات مفترية ههههه
شهاب : كلام المدام لازم يتسمع ههههه شاهد طبعا
فاتن : واحنا زيهم
يوسف : تحت امر القمر
فيفى : انا خلصت هاروح اشوف الولاد ممكن يااسطى محمود
فرحة : مامى تعالى فادى بيعيط ومدوخ دادة سيدة
فيفى : يلا ياقلبى هامشى يااسطى محمود
محمود : بالسلامة ومفيش فترة تانية النهاردة بتاعوا الصيانة جاين
هيام : ابقى خليهم يظبطوا الماكنة رقم 18 بتعلق والماكنة 5 عوزة تتشحم
محمود : حاضر حاجة تانى
فريدة ايوه الماكنة اللى انا شغالة عليها عوز تتفك وتتشحم كويس ومحدش يقف عليها ممكن تعور اى حد فاهم ياسطى محمود ايدها جامدة اوى
محمود حاضر كتبت كل حاجة فى ملاحظات تانى حد عوز حاجة
هاشم : ايوه ممكن ترفدنى يااسطى محمود
هيام : ارفدنى شكرآ
فريدة: شكرآ بيتغدا عند خالتى
سجدة : خالتى مين
بدرية : خالتى سعيدة
فاتن : سعيدة مباركة
لواحظ : مباركة ماتت
ادم : محدش قالى
فاتن : جايتم امتى ماما كويسة
ادم : الحمد لله هو فاضل كتير
فريدة تعالى مكان بدرية وانا هاقف مكانك ياسجدة يلا اعتمدو على الله ربنا معاكم خلى بالك منهم روحى يابدرية هتلاقى طقم حلو البسية وخدى جزمة بنت الحاج عبدة
بدرية : حاضر منحرمش منكم
هيام : بت ياسجدة عندك جيب وبلوزة لوز بطرحتهم البسيهم بس الجزمة مكنش بنعز انتى رجلك مقاس عائلى هههه
ادم : بدرية عوزك متخديش فى بالك هى الام مش اللى ولدت بس انما احنا اخوات ترجعى بالسلامة
يوسف : ارجعى لينا اوعك تبعدى عننا احنا اهلك انا ابوكى وماما خديجة امنا كلنا
بدرية : بدموع ربنا يخليكم ليه
عمر : يلا يابنات هاخد العربية الصغيرة
هاشم : لا خد عربيتى علشان عيونى اختى بدرية متتاخروش ماشى وحدفله المفاتيح
هيام : كده تمام الحمد لله خلصت
شهاب : تعالى ساعدينى ممكن
هيام : روح خد شور زمان اخو لواحظ جاى
شهاب هنخرج كلنا مع بعض
لواحظ : بنات انا مرعوبة مش خايفة بس
يوسف : متخفيش انا مظبط كل حاجة يلا يابنات اطلعوا الاستراحة ولما ننادى عليكم تنزلوا
فاتن : لا هنطلع الاوضة اللى فوق شقتنا
يوسف : اسطى محمود ابقى شوف حد ياجى ينقل الملفات من الاوضة اللى فوق شقة البنات يوديها المخزن اللى جنب الاستراحة
محمود : ممكن بعد المغرب
فاتن : احنا هنكوم ليكم الملفات جنب الاستراحة وانتم ابقوا شالوها مش عوزين حد غريب يدخل عندنا
محمود : تسلمى ربنا يحميكم بنات جدعة بجد
ادم : انا خلصت
محمود :يوميتك ماشية النهاردة ياادم
ادم : مش هتفرق ياعمى محمود تسلم يلا يابنات
فاتن هناخد تفاح وفروالة وجوافة نعمل سلطة فواكة
يوسف : بس الدكتور منير قال بلاش اكل فروالة
فاتن : بلاش سلطة فواكة نعمل عصير
يوسف : لا ياحبيبى اعملى بس خلى حبيتين فروالة بس فى طبقى
فاتن : يلا الكل مشى
يوسف : يلا قدامى ابت
فاتن : التفت وبصت فى وشك بسم الله ماشاء الله وشك بقاااا بدر منور ومدت ايدها مشيتها على وشه فمسك ايدها وقبلها وشدها فخبطت فى صدرة
فاتن : بصوت متقطع يلا نمشى ارجوك
ادم : انا جاى اخد الكيس اللى معاكى يلا ماما بتسأل عليكى ومسك فاتن من ايدها ومشى
يوسف فاضل واقف فى مكان بعض الوقت يستوعب ماذا حدث لقلبه الذى تحرك وكاد ان يخرج من صدرة واستغرب انه لم يحس بهذا الاحساس عندما كان مع سهام زوجتة الاولى اخت هاشم
بسنت : عمو يوسف فى ناس جت وعوزة حضرتك
يوسف : فاق على كلامها مين يابسنت
بسنت : معرفش سيف هو اللى قالى
يوسف : سيف مفيش بابا
بسنت : هنا لا علشان مش بيعرف يضربنا انما فى الشقة بيكون بابا ونص
يوسف : ههههه انتم هتطلعوا مجانين زى البنات دول يلا ياقمر
سيف : فى راجل ومعاه رجلين وست كبيرة وواحد صغيرة ومعاهم اولاد
يوسف : ايوه ده اخو لواحظ رن على احمد ياجى وانا هاتصل ياجيبوا الولد والبنت
سيف : حاضر يلا يابسنت روحى عند مامى عوزكى
بسنت : حاضر ياسيف
سيف : سيف فى عينك غورى ابت
هاشم : السلام عليكم منورين
شهاب : السلام عليكم هاشوف يوسف وسيف واحمد
يوسف : انا هنا السلام عليكم ازيك يااستاذ هانى ممكن تعرفنى على الناس اللى معاك
لواحظ : يانهار اسود دعمى وابو ممدوح اللى ضحك عليه
فاتن وانتى مرعوبة ليه وربنا ننزل نعلمه الادب علشان يعرف انه قصر فى حق تربية ابنه
لواحظ : بصراحة ده راجل محترم
فيفى يبقى كلام البت بدرية صح هى السوسة اخلاص هى السبب
فريدة هانزل اقدم ليهم حاجة
هانى : ده عمى الحاج مسعد و ده الحاج السيد شاهين والد ممدوح صمم يحضر معايا لما عرف ان ابنه هو اللى غرر باختى
يوسف : انا كل اللى يهمنى ان محدش يأزى لواحظ لانها بجد انسانة محترمة وانا بعتبرها اختى
الحاج مسعد : احنا متشكرين يابنى وجاين ناخد بنتنا ونمشى
احمد : جاى تاخد مين ياحاج
هاشم : اسكت يادكتور احمد نشوف الحاج يقصد ايه
لواحظ : ببكاء لو خدنى هيموتنى انا خايفة
هيام : اهدى ابت بطلى عياط خلينا نسمع رد يوسف عليه
يوسف / وانت ياحاج سيد شاهين جاى ليه
الحاج سيد : انا جاى اعتذر لبنتى لواحظ
شهاب : ازاى يعنى افهم يعنى هتخلى ابنك يعقد عليها ويصلح غلطته
الحاج سيد : ابنى متزوج ومعاة تلات عيال
يوسف : يعنى جاي تقول اسف يالواحظ يابنتى
الحاج سيد : ايوه
يوسف : طب مش المفروض يكتب عليها هو ده الاعتذار المفروض يكون مش انا اسف يا لواحظ يابنتى
شهاب : انت فعلا رجل مستفز
هاشم : ادم نادى اختك لواحظ
ادم : حاضر يا بشمهندس ودخل جاب لواحظ فى ايده وجه
يوسف : انتى بتبصى فى الارض ليه ارفعى رأسك انتى ارجل واجدع من رجالة كتير
هانى : ازيك يااختى وحشانى والله
الحاج مسعد : مسكها من ايدها يلا علشان نلحق نسافر
يوسف : كل واحد قال المفروض يكون من وجه نظرة انما محدش كلف نفسة يسأل صاحبة الشأن هى عوزى ايه
هانى : كلامك صح يابشمهندس انا مش هاضيع اختى تانى انتى عوزة ايه ياقلب اخوكى
الحاج مسعد : دى جابت لينا العار ولس