فاتن : الحمد لله دى بنت مسكينة عقبالك يالواحظ لما ربنا يفك كربك
لواحظ بدموع : عمر اللى انكسر مايتصلح وخاص الشرف طلما اتلوث عمرة ما ينضف
فاتن : ربنا كبير وقادر ياخد ليكى حقك قولى حسبى الله ونعم الوكيل
لواحظ : حسبى الله ونعم الوكيل انا اللى كنت هبلة ضيعت نفسى وهزيت سمعة اهلى وعلشان ايه علشان بنى ادم طلع معندهوش ضمير
يوسف : هاتلى اسمه وبامر الله مشكلتك تنحل
لواحظ : وحضرتك ذنبك ايه كتر خيرك علشان لمتنا فى مزرعتك لو حد غيركم كنتوا رفضوا وجودنا وكان زمانا الله اعلم فين دلوقت
يوسف : ربنا هو اللى بيرزق مش انا على فكرة يافاتن دكتور منير بيسلم عليكى
فاتن : رفعت وشها وبصتله بسم الله ماشاء الله وش حضرتك بئه كويس دكتور منير بصراحة دكتور رحيم لو حد جه ولاقى حالته المالية مش اوى بيتكفل بعلاجه
يوسف : علشان كده رجعتيله شنطة الفلوس
فاتن : لا انا رجعت الشنطة لانها مش حقى ماما معلمانى اننا مندخلش جوفنا اى شئ حرام حتى لو نمنا من غير عشا
يوسف : بمناسبة العشا انا جعان
فاتن : احنا معندناش اكل يستاهل حضرتك اللى عندنا فاصوليا ورز من امبارح
يوسف : فضل ونعمه
فاتن : حضرى صنية للبشمهندس وحضرتك خدها وروح الاستراحة حضرتك عارف ماما مش هنا
يوسف : حاضر هامشى اسف
خديجة : السلام عليكم عامل ايه يابشمهندس ازيكم يابنات
فاتن : بدموع كنتى فين انا خوفت عليكى
خديجة : كنت عند المحامى معلش اتاخرت
يوسف : انا طالع
خديجة : لا خليك قاعد هنتعشا سوا
ادم : خدى يالواحظ اعملى عصير فراولة ماشى
لواحظ : لا هنعمل سلطة فواكة ماشى
ادم : ماشى ازيك ياماما وحشتنى كتير
خديجة : وانت كمان ياقلب امك اوعك تكون زعلت اخواتك
ادم : لا والله دانا حتى مخلتش حد فيهم يروح يجيب فراولة وتفاح انا اللى رحت
خديجة : راجل خلى بالك من اخواتك
ادم : حاضر احنا لسة متغدناش منتظرينك
خديجة : ليه كده يابنات
لواحظ : كنا عارفين انك كمان مااكلتيش قولنا ناكل مع بعض .
يوسف : هاطلع انا علشان تاكلوا براحتكم
ادم : خليك يابشمهندس ولو اخواتى مكسوفين ياكلوا جوا
لواحظ : احنا جعانين مش مكسوفين
فاتن : يلا شيل الحاجة اللى على الطرابيزة علشان احط الصنية
خديجة : يلا يابشمهندس بسم الله
يوسف بسم الله الرحمن الرحيم
منصور : الحقنى ياخليل
خليل : خير يافقر انجز
منصور : خديجة رافعة عليه قضية خلع
خليل : مهو من خابتك ورينى كده دى كاتبه العنوان على بيت ابوها
منصور : هو انا لازم اروح
خليل : اكيد لازم تروح وتشوف مين المحامى بتاعها ودى فرصة اعرف هى ساكنة فين
منصور : طب شوف حاجة امشى بيها حالى
خليل : تعالى اشتغل فى القهوة قدم طلبات للزبائن وخد اجرتك اخر النهار بدل ماانت قاعد عائلة عليه
منصور : بكرة صحينى بدرى اجرب لو قدرت
خليل : دانت بنى ادم جبلة من حقها خديجة تاخد الولاد وتطفش
منصور : مهو من زنك على ودانى مش انت اللى اقترحت انى ازوج هيام للرجل الكبير ونسفر فاتن تشتغل خدامة للرجل الاماراتى
خليل : ما انا كنت هاستفيد وانت كمان يلا غور من وشى
هاشم : ايه رأيك يافيفى هتقدرى عليه ولا
فيفى : دانا بعون الله اقدر عليه وعلى ابوه كمان
عمر : وانا هاحاول اشغل مرأتة
هاشم : وبعد كده عوزين نروح لامك وهى بتلقى محاضراتها بتاعة الرفق بالحيوان ونفضحها ادام الكل
سجدة : وهو الامن هيسيبك تعمل كده
عمر : نتصرف مع الامن المهم الاول نكسر شوكة ابوكى وبعدين تفرج
فيفى انا عوزة اروح للمكان اللى بيسهر فيه
فريدة : اشمعنى ماتستنى ليوم التنفيذ
فيفى : لازم اعرف كل تحركات الزبون
هيام : يخرببيتك هو انتى كنتى بتشتغلى ايه ابت
فيفى : كل حاجة ياابلتى هههه
هاشم : عندك زمة يااختى
شهاب : يلا كده تمام يابنات شوفوا انتم هتناموا فين
هيام : فى الاوضة الكبيرة
عمر : ليه هو مش كل واحد هيكون مع مرأتة
هيام : بالمناسبة احنا تنتهى مهمتنا مع اهل سجدة كل واحد هيروح لحاله انما بالنسبة للواحظ هنخطف الزفت اللى غرر بيها وغصب عنه هيكتب عليها وبعدين يطلقها وهى بعد كده هتعيش حياتها
فيفى : انا عوزة حقى المكان اللى مرأت ابوية اخدته ترجعهولى تانى وارجع اقعد مكانى والحمد لله معايا. دهب ستى هابيعه واشوف محل افتح محل اى حاجة واعيش حياتى
هيام : بقولك احنا نأدبها ونوجعها هى وابوكى وانتى قاعدة معانا فى المزرعة ابت
شهاب: بالمناسبة انا فى دماغى حاجة لو اتنفذت صح هنخلص مشوار ابوكى فى اسبوع
سجدة : ازاى ممكن افهم
شهاب : لو عمر انجز مرأت ابوكى هتخرج وفيفى هتكون مع ابوكى ونتصرف مع الامن وياجى الصقر يفتح الخزنة وبعد كده نخلص
عمر : تمام انا معايا خط سيرها ومعتز هيخلينى اقابلها صدفة وبعدها هتمم شغلى
هيام : طب وانا وفريدة
فريدة : انا هاشتغلى على حاتم
هاشم : حاتم اخطر واحد فى الموضوع
فريدة : انا بحب الصعب وهابدأ معاه بكرة بروضة
هاشم : بشرط اكون معاكى زى ظلك
فريدة : تمام بس مشوفناش اى سيدهات عن حاتم
شهاب : بكرة هنشوف وهنعرف كل حاجة عنه معتز هو اللى هيوصلكله لان طقم الامن اللى مع حاتم تبع معتز
هيام : ومين الصقر اللى هيفتح الخزنة بتاعة محمود بدران
شهاب : اكيد مش انا
هاشم : هههه ولا انا
عمر : هههه انا لسة عصفور
هيام : غتاتة
فريدة : غلاسة
سجدة : دمكم يلطش
فيفى : يلا ياخفيف انت وهو بيتك بيتك
بدرية : بصوا انا بعرف فى افتح الخزن اتعلمت من الراجل اللى كنت قاعدة معاه لما كنت بشحت والولاد مسكتنى واخدونى عنده وكمان بعرف اسرق هههه ايدى خفيفة اوى اتفضل ياهندسة
شهاب : يخرببيتك انت فعلا ايدك خفيفة والله ماشعرت ازاى اخدت الفون
بدرية. : دى شغلى
شهاب : يالعبك انا جتلى فكرة نقلب خزنه امك بتاعة الرفق بالحيوان
سجدة : كانت رفقت ببنتها
بدرية : انا حاسة ان حكايتك فيها حاجة غلط ابت
سجدة : ازاى يعنى
بدرية : ابوكى لو كان عوز يموتك كان صبر شوية ورتب افكارخ مش يعملك عزا فى نفس يوم خروجك من عند ماماتك
عمر : عندك حق انا كمان فكرت فى كده
هاشم : كل شئ هيبان مع الايام يلا تصبحوا على خير
فيفى : عوزين فطار حلو وشوية دلع انا بنت الحاج عبدة بروضة
هاشم : بص على فريدة الجميل يؤمر
فريدة : احلام سعيدة القلوب لما بتموت مبترجعش تحس تانى
شهاب : يلا يابنى ودخلوا يناموا
صباح يوم جديد
فاتن : مالك ياماما صباح الفل
خديجة : سلامتك ياقلبى انا كويسة حاسة بصداع هنام شوية واقوم كويسة
لواحظ : خلى فاتن معاكى واروح الشغل انا وادم
خديجة : لا انا بخير ياحبايبى يلا على شغلكم
مديحة : حرام عليك البنات غلابة وملهمش ذنب فى حاجة والزواج نصيب
حمدى : طلما رافضة تتزوجنى هاروح اطلبها من ابوها وادفعله وهو هيزوجهليه غصب عنها
مديحة : لو عملت اى حاجة لبنات خديجة لانت ابنى ولا اعرفك
حمدى : لازم ازل البرسيسة بنت خديجة لازم اخليها تحت رجليه خدامة ليه ولاولادى انا رايح لابوها بكرة وهاجيبه معايا لعندها هاخليه يعمل ليهم فضيحة هو واللى اسمة خليل
مديحة : حسبى الله ونعم الوكيل فيك بنى ادم معندوش ضمير
حمدى : مهو مش على اخر الزمن تاجى واحدة زى دى ترفضنى انا
هاشم : الغدا يابنات واخلصوا بسرعة
سجدة : فى جديد
شهاب : انا وبدرية وانتى هنروح نقابل حاتم فى شقته بتاعة الفرفشة
بدرية : انا جاهزة بس هندخل الشقة ازاى
شهاب : معتز مرتب كل حاجة كل اللى عليكى يافريدة تحطى الحباية دى فى الكأس بتاعة وبدرية هتنفضة وبعد كده هنخلية يعترف بكل اسراره
سجدة : اجاى معاكم ممكن
شهاب : لا خليكى بعيد دلوقت لح٠٠٠٠٠٠٠٠٠٠٠٠٠
رواية : شنطة سفر
( قلوب موجوعة)
الفصل ( 18 )
=*=*=*=*=*=
بدرية : انا جاهزة بس هندخل الشقة ازاى
شهاب : معتز مرتب كل حاجة كل اللى عليكى يافريدة تحطى الحباية دى فى الكأس بتاعه وبدرية هتنفضة وبعد كده هنخليه يعترف بكل اسراره
سجدة : اجاى معاكم ممكن
شهاب : لا خليكى بعيد دلوقت لحد ما نعرف اسرار حاتم اللى هيترتب عليه تكمله كل حاجة
هاشم : وانا وفيفى هنشغل محمود بدران
عمر : وانا هاقابل مرأت محمود بدران كمان ساعة
هيام : طب وانا هاعمل ايه
شهاب : اعملى باشمل وبانية
هيام : بتهزر صح
شهاب : نفسى اكل باشمل من ايد مراتى
هيام : انا مش مرأت حد دى مجرد ورقة هههه زى اى ورقة ولا ليها اى لازمة يعنى متتعشمش فى انى هاكون مرأتك او مرأت اى حد تانى غيرك حرام تظلم نفسك معايا
شهاب : تمام انا اسف لانى تعديت حدودى يلا يابدرية انا منتظركم تحت
فريدة : ليه كده انتى غلطانة
هيام : مش عوزة حد يعيش على امل كداب انا معنديش حاجة. اعطيها لحد
فريدة : على الاقل كنت تتكلمى بطريقة كويسة عن كده
هيام يلا اعتمدو على الله
شهاب : معتز هيخلى بتاعوا الامن الخاص بحاتم يدخلكم على انكم عاملات نضافة وبعدين انا هاطلع بعدكم خلوا بالكم من نفسكم
فريدة : متخفش ربنا يستر
بدرية : هو حضرتك هتسجله
شهاب : ايوه وهاخلية يرقص كمان ههههه
بدرية : يالعبك يابرنس
هاشم : ليه كده بقى ده جزاء شهاب دواقف جنب الكل ومعتبركم اخواته
هيام : بص يابشمهندس انا بحله من اى وعد وعدنى بيه فى ظروفنا دى
هاشم : اكيد انتى فاهمة غلط مفيش راجل يقبل يربط اسمه باسم واحدة الا اذا كان مقتنع بيها مليون المية
هيام : زواج الشفقة مبيطولش
هاشم : انت دماغك لوحدها. ومش شايفة قيمة نفسك
هيام : لو ليه قيمة كان ابويه ونزلت دمعة للمرة الثانية من عيونها التى تشبة عيون القطط
هاشم : ادى لنفسك فرصة بلاش تحبسى قلب كده يمكن يموت
هيام : ياريت يموت كنت ارتحت
هاشم : يلا يافيفى
عمر : معتز : رن عليه انا نازل دعواتكم
هاشم : كتب رقم عبدة البواب فى ورقة ده رقم عبدة خلى بالك المكان امان دى عمارتنا مفهاش غير اربع شقق ساكنين بس لو عوزة اى حاجة كلمى عبدة والفلوس على طرابيزة السفرة وخرج
فريدة : خبطت على الشقة بعد ما راجل الامن سمحوا لهم بالطلوع لشقة حاتم
حاتم : ياهلا اتاخرتم وبعدين انا طالب واحدة جاين اتنين ادخلوا
بدرية : علشان نخلص بسرعة
حاتم : انا هاتعب كده دشكلكم ماكن فرنساوى
فريدة : هو المطبخ فين
حاتم : لسة بدرى على المطبخ تعالى اقعدى جنبى
بدرية : انا جنبك ياباشا وميلة على ودن فريدة خلى بالك فى كاميرة حنب باب الانترية
فريدة : تمام يلا اخلصى
بدرية : شقتك جميلة ونضيفة ياباشآ امال عوز حد ينضفها ليه
حاتم : انتى غبية يابت ماانا عارف ان الشقة زى الفل انا اللى عوز اترق يلا تعالى
بدرية : عيونى للقمر عوزة موسيقة و اوريك الرقص الشرقى اللى على اصوله خلى الزفت اللى برة دى تجيب حاجة نشربها
حاتم : انتى يا
فريدة خدامتك بهية تحت امرك
حاتم البار قدامك على ايدك الشمال هاتى كأسين وزجاجة من عندك
بدرية : استنى دى شكلها لخمة انا هاجيب ابت غورى حضرى اى حاجة نأكلها بدل ما انتى واقفة كده انا مبحبش حد يبص عليه انا بتكسف ههههه
حاتم : دى ليلة شكلها فل عوز ادلع
بدرية : ادلعك ياباشآ
حاتم : اشربى معايا
بدرية : عيونى اشرب لما اشوف حاجة البسها
حاتم : عندك جوه وشاور على اوضة النوم
راح ناحية فريدة وشدها من دراعها فاصدمت فى صدرة
بدرية : بئه تسيب القمر وتجرى ورا البت دى ازعل انا
حاتم مقدرش على زعل القمر يالهههوووى ايه الجمال ده اموت انا فى اللون الاسود
بدرية مسكتة من ايده وقعدت على الانترية ومسكت الگأس اللى فيه الحباية اشرب يابيبى
حاتم : عيون بيبى هاتى ياقلب البيبى وشرب الكأس دفعة واحدة
بدرية : قعدت جنبة وفتشته واخرجت ما فى جيوبه بيبي انا عوزة موسيقة علشان ادلعك
حاتم : عندك سيدهات كتير شوفى فيها ومسك دماغه
بدرية : مالك ياعسل
حاتم : دماغى حاسس انه بيلف
بدرية : هههه قابله من الشارع التانى
حاتم : هو انا شربت ايه
بدرية : ههههه حاجة اصفرة ياعينيه يلا قولى بئة اسم دلعك علشان ادلعك
حاتم : ايوه انا نفسى ادلع
بدرية : لحظة : ياعينيه وشاورت لفريدة اللى فتحت لشهاب
شهاب : يانهارك اسود ايه اللى جابك هنا ياواطية والله لا اقتلك انتى وهو
بدرية : بلاش هو واقتلنى. انا هو حرام يموت
شهاب : لا دهو هيموت قبلك
حاتم : بلاش انا والله لسة محصل حاجة انا بهدومى اهو
شهاب : اقلع هدومك
بدرية دخلت اوضة النوم لاقت الخزنة جت موجودة فى اوضة النوم وفى درج فى المكتب مقفول خليه ينطق وانا هالم الليلة يلا يابت اول حاجة نفتح الدرج ده هاتى شنطة بسرعة وفتحت الدرج لاقت بعض ملفات حطتها فيها تعالى ناخد اللى فى الخزنة
فريدة : معاكى المفتاح
بدرية : عيب عليكى انا بدرية المفترية ههههه. اخلصى ابت وبطلى دموع هو كان عملك ايه
فريدة: دمسك ايدي وشدنى عليه
بدرية : كده تمام خلى بالك هو بيفرغ الكاميرات هنا يلا دشكله هيبعبع بكلام كتير
شهاب : قاعد بعيد عند حاتم اللى قاعد بالبوكسر فقط قول ياحاتمو عملت ايه فى سجدة بنت مرأتك يوم مادخلت عليها الاوضة وهى صرخت
حاتم : انا معملتش حاجة سهام مرأت ابوها هى اللى خططت انى ادخل عليها الاوضة واعمل ليها كارت ارهاب علشان تطفش وهى كانت مجهزة كل حاجة
شهاب : ازاى مجهزة كل حاجة
حاتم : كانت عوزة اعضاءها وكان المطلوب منى انى اوصلها ليها فى مستشفى (٠٠٠٠٠٠٠٠٠) و. اخد نصيبى واخلع بس بتاع الامن الغبى البت قبل اللجنة على الصحرواى هربت منهم
شهاب : امال عزا مين اللى محمود بدران. كان عاملة
حاتم : ماانا وسهام رحنا ملجأ للايتام واخدنا بنت فى نفس سن سجدة واخدنا كل اعضاءها وبعدها بلغنا محمود انها بنته وانها ماتت فى حادثة عربية
شهاب : ليه مش المفروض يشوف بنته ويتعرف عليها
حاتم : مكنش عنده وقت وسهام اقنعتة انها شافتها واتعرفت عليها
شهاب : طب ومرفت هانم ازاى مترحش تتعرف على جثه بنتها
حاتم : ما انا اقنعتها انها بنتها
شهاب : يانهاركم اسود دانتم عصابة بئه طب قوم هز وسطك ياخفيف
فريدة كله تمام نخرج
شهاب : لحظة ارن على معتز افرغ الكاميرات الاول
بدرية : انا اخدت كل حاجة فى الخزنة
فريدة : هتعمل معاه ايه
شهاب : بفكر اخدة احجزة لحد ما نخلص مشوارنا
فريدة : كده لو حد اخد خبر ممكن بخدوا حرصهم طلما اننا اخدنا منة اعتراف بانه السبب فى اللى حصل لسجدة هو ومرات ابوها سيبه
شهاب : تمام استنى لحظة انت يازفت انت تعرف سهام منين وايه علاقتك بيها
حاتم : سهام كانت مرأتى وانا طلقتها علشان ازوجها لمحمود بدران واوقع مرفت واتزوجها
شهاب : طب ليه
حاتم : علشان محمود بدران فضلها على اختى واتزوجها
شهاب : ولسة بتتعامل مع سهام
حاتم : هههه انا شاكك ان ولاد محمود بدران يكونوا من صلب