يوسف : انا خلصت موضوعك يابدرية وجبت الملف بتاعك وانتى طلعتى ليكى اهل امك عايشة ومتزوجة ومخلفة وبالنسبة لابوكى ميت
بدرية : المهم انى اعرف انا كنت بنت حلال ولا
يوسف : مش هاكدب عليكى هم كانوا بيحبوا بعض ونتيجة الحب ده امك حملت فيكى وهو مات وهى سافرت عند خالتها وولدتك عندها وحطتك جنب الملجآ
بدرية : حضرتك عرفت منين
يوسف : هى كانت حاطة جواب فى هدومك و بتطلب منك السماح
بدرية : اسامح مين ما انا اهو عشت فى ملجآ ومع كده حافظت على نفسى محدش قدر يلمسنى اللى عوزة تحافظ على نفسها هتحافظ انما اللى عوزة تبيع نفسها باسم الحب فدى انسانة معندهاش دين ولا ضمير ياخسارة انا كده تمام اكتفيت
فريدة : هيام فوقى يلا و اهدى
هيام : حاضر شكرا يابشمهندس
عمر : يلا يابنات وهيام خبطت على شقة امها
فاتن : انتم جايتم ليه ماما كانت عوزة البشمهندس يوسف بس هى الحمد لله بقت كويسة
يوسف : السلام عليكم
چورج : وعليكم السلام تعالى
دكتور احمد : وعليكم السلام
خديجة : ليه تعبت الدكتور جورج مادكتور احمد قام بالواجب
دكتور احمد : تشكرى ياحاجة انتى الوحيدة اللى اعترفتى انى دكتور هههه
دكتور جورج : بالعكس انت دكتور شاطر ومتمكن فى شغلك انا جايت قعدت جنبك منتظر اتعشى جعان
لواحظ : نورتوا يابنات حمد الله على السلامة
يوسف : انتى كويسة ياحاحة
خديجة : عوزة البشمهندس يوسف فى كلميتين لوحدنا
دكتور احمد : اجيب المأذون
جورج : لا بلاش زواج ههههه
يوسف : خير ياحاجة انا تحت امرك
خديجة : فاتن تعالى
فاتن : نعم ياماما
خديجة : هاتى الشنطة اللى فى الدلاب واخرجى واقفل الباب وراكى وحضرى الغدا انا جاية اتغد معاكم
فاتن : حاضر اتفضلى وطلعت وقفلت الباب
خديجة : خد دول فلوس تمن بيت ابويه اللى جنب بيت ابوالبنات و ده عقد قطعة ارض مساحتها330متر صافى مبانى عوزاك تشوف مهندس كويس يعمل الدور الارضى محلات ويعمل فوق شقتين عوزها تكون اربع ادوار بس لكل واحدة من البنات شقة وادم زيهم
يوسف يعنى حضرتك عوزة كل بنت دور
خديجة : لا كل بنت من السبع بنات شقة كلهم زى بعض
يوسف : بس دول مش ولادك
خديجة : الام مش اللى بتولد يابنى الام عطاء وتضحية و دول بنات غلابة والرسول صل الله عليه وسلم بيقول من ستر مسلم سترة الله يوم القيامة
يوسف : صل الله عليه وسلم أنا تحت امر حضرتك وبعدين ماحضرتك موجودة
خديجة : الاعمار بيد الله عوزة اطمن بس المحامى هيحضر التصريح اللازمة وليه رجاء خلى بالك من فاتن سلمها لايد عريسها اوعك تخلى منصور وخليل ياخدوها هيبهدلولها وادم خليه ديما معاك انا عارفة انى بتقل عليك
يوسف: انتى بخير وانا تحت امرك يلا نتغدا
خديجة : خد الشنطة معاك وفى دفعة فلوس تانية هناخدها من البائع لما نسجل العقد
يوسف : حاضر انا تحت امرك يلا علشان الكل قلقان عليكى
خديجة : خد الشنطة معاك
يوسف : حاضر
حمدى : ( ابن مديحه ) متعرفش فين قهوة حجازى يااخ
رجل ماشى : اخر الشارع اللى جاى شمال
حمدى : تشكر ودخل القهوة السلام عليكم
الحضور : وعليكم السلام
ميمى ام محسن ( صاحبة القهوة ) شكلك وجه جديد ايه اللى راماك علينا
حمدى : انا بسأل على واحد اسمه خليل و واحد كما اسمه منصور
ميمى : خير فى حاجة
حمدى : هو. انتى تعرفيهم
ميمى عز المعرفة ولد يانص
نص :(صبى القهوة ) أأ مرى ياكبيرة
ميمى : هات شاى للاخ وشوف منصور متلقح فين ورن على خليل ياجى ضرورى
نص : حمامة يا كبيرة
خليل : خير يامعلمة
ميمى : الاخ ده عوزك انت ومنصور
خليل : انا خليل خير اخلص
حمدى : انا حمدى احمد البمبى ابن بنت خاله الست خديجة
خليل _: انجز مش فاضى للكلام الفراغ
حمدى : انا عارف مكان خديجة وولادها
خليل : هى فين اخلص ياض
حمدى : الحلاوة الاول ياخفيف
خليل : اتفضل خد انطق
حمدى : هم فى مركز (٠٠٠٠ ) عيشين فى مزرعة ( الاخوة٠٠٠ )
خليل : اخلع انت
حمدى : حاضر
خليل : منصور انت يازفت
منصور : الحقنى ياخليل خديجة باعت بيت ابوها وفى ناس جايه تستلمة
خليل : وماله هى باعت البيت واحنا نقبض الفلوس هههه يلا البس حاجة عدلة وتعالى نجيب خديجة و ولادها صابر
صابر : نعم ياسيدنا
خليل : هات الرجالة و العربية وتعالوا عوزكم
صابر : أمرك ياسيدنا
ميمى : اهدى كده واسمعنى البضاعة لازم تتسلم النهاردة فخليكم لبكرة وكمان الوقت اتاخر
خليل : انتى شابفة كده ياغزال
ميمى : هههههه غزال فى عينك احنا بين الناس
خليل : وانا بعز الناس هاروح واجاى بالليل حضرى المطلوب
ميمى : احلى عشا وهاشغل قناة ٠٠٠٠٠ ههههههه
خليل : انا ماشى قبل ما اتهور
خديجة : يعنى كده مشكلة سجدة اتحلت
يوسف : ايوه الحمد لله فاضل شهاب وهاشم يسلموا المستندات ومحمود بدران للواء سراج وعلى الساعة 11 بالكتير هيكونوا هنا
خديجة : ربنا كريم
دكتور احمد : بقولكم ايه من الاخر وبدون اعتراض من حد انا عوز اتجوز
دكتور جورج : الحاجة الحمد لله بقت كويسة. وانا اكلت عوز امشى بئه
يوسف : مندور حضرت الحاجة بتاعة دكتور جورج
مندور : ايوه يابشمهندس فى شنطة عربيتة
جورج : حاجة ايه بس هو انت بتبطل داغلب اكلنا من المزرعة
يوسف : عيب عليك انت اخويا عوزين نقضى يوم من اوله مع بعض ابقى جيب مارينا والولاد نقضى يوم
جورج : حاضر يااخويا
دكتور احمد : اترزع ياض لما اخلص الكلمتين
جورج : هههه ربنا يكون فى عونها اللى هتتوكس وتتزوجك
احمد : ليه ياحيوان ماانا مز ودكتور محترم
هيام : مز ماشى نبلعها انما دكتور دى فيها شك
الكل : هههههه
يوسف : اخلص يامز مين العروسة و وعد شبكتك عندى
احمد : قام مسك ايد لواحظ انا يشرفنى لو توفقى تتزوجينى
لواحظ : انت عارف انا مين وفيه ايه وجايت هنا ازاى
احمد : انتى ست الناس
لواحظ : انا معيوبة انا سلمت نفسى لواحد حيوان برغبتى انا لو اهلى شافونى هيقتلونى
احمد : معرفش اللى اعرفة انى اتهببت وحبيتك ازاى وامتى مش عارف
يوسف : انتى لو مكنتيش بنى ادمة كويسة كنت استمريتى فى طريق الضياع انما انتى غلطتى اه بس عفيتى نفسك ومفيش حد معصوم من الخطا
لواحظ : لما اقدر ارفع رأسى قدام نفسى ابقى افكر اعيش زى الناس دانا بخاف انام على السرير جنب اى حد لا الوثه علشان كده بنام على الارض
خديجة : والله انتى انضف من ناس كتير يابتى دكتور احمد انا موافقة بس اصبر لحد ما معدوم الضمير اللى ضحك عليها يكتب كتابة وبعدها يطلقها
أحمد : حاضر ياحاجة تحت امركم يلا ياض روح لمرأتك
جورج : ابقى تعالى العيادة كل يوم ساعتين كده بصراحة محتاجك
احمد : عوز مارينا تضربنى هههههه
جورج : متخفش مارينا بتحبك والله وبتسأل عليك على طول
احمد : حاضر هاشوف ظروفى
هيام يلا ياماما ننام
خديجة : بشمهندس يوسف هو البشمهندس شهاب وهاشم ليهم مكان للنوم ولا بتناموا فى اوضة واحدة
يوسف : بصلها وابتسم كل واحد فينا له اوضتة بحمامها وبعون الله شققهم اسبوع وتكون مفروشة
خديجة : يلا كل واحدة تروح تنتظر زوجها وتظبط فرشتة فاتن
فاتن : نعم ياماما
خديجة : هاتى شنط اخواتك ادم
ادم : نعم ياماما
خديجة _: طلع شنط اخواتك على اوض ازوجهم
هيام : نعععععععمممم ازواج مين اكيد انتى بتهزرى
رواية. / شنطة سفر
( قلوب موجوعة)
الفصل ( 22 )
="="="="="="=
فاتن : نعم ياماما
خديجة : هاتى شنط اخواتك ادم
ادم : نعم ياماما
خديجة : طلع شنط اخواتك على اوض ازواجهم
هيام : نعععععععععممممم ازواج مين اكيد انتى بتهزرى صح
خديجة : ومفيش شغل الا برضى ازواجكم فاهمين يلا اطلعوا
فاتن : مش لما ازواجهم ياجوا وياخدهم بنفسهم دى الاصول ياماما
خديجة : هم مع بعض من اسبوع يابتى وبعدين حتى لو ازواجهم مش عوزين يكملوا معاهم ساعتها كل واحد يجيب مرأتة ويسلمها ليه انا بعمل المفروض يكون
فريدة : انا مش متحركة من هنا الا لما هاشم ياجى ويطلقنى ونفض ام الليلة دى
هيام : هو ده الكلام
خديجة : هو انا مزوجاكم لاطفال شوارع انا مزوجكم لرجالة محترمة هى كلمة كل واحدة تنام مكان زوجها ماينام يلا على فكرة انا بعت بيت ابويه وهنبنى بيت جديد ليكم انتم السبعة وادم كل واحدة شقة ومحل فى الدور الارضى وادم زيكم علشان لو مت اموت مرتاحة ومطمنة عليكم كلكم
فاتن : متقوليش كده ياماما بالله عليكى
خديجة : الاعمار بيد الله يابتى يلا ياقلب امكم
هيام : انتى كدة بتصغرى بينا قدام ازوجنا هم هيفتكرو اننا حمل عليهم
خديجة : متخدوش الحكاية مسألة كرامة كرامة الواحدة جنب زوجها وزرع المودة والرحمة بقول نعم وحاضر وابتسامتها الحلوة
فريدة : بدموع بس انا مطلقة وهو ٠٠
يوسف : ممكن اتكلم
خديجة : اتفضل اتكلم
يوسف : انا لو مكنتش واثق ان اخويه وابن خالتى بيحبوكم فعلا مكنتش حضرت كتب الكتاب فما بالكم انى وكيلكم كمان كلام ماما صح وانا هاطلع انام فى شقة البنات اللى فوق وانتم يابنات انزلوا ناموا تحت مع ماماخديجة
لواحظ : حاضر يابشمهندس تنور يلا يابنات ننزل الحاجة المهمة ونظبط المكان
يوسف : هاطلع اجيب شوية حاجات من فوق تعالى معايا ياعمر
صفية : انا جبت الحاجة ياام ادم يارب تعجب
خديجة : تسلمى ياام خالد عقبال ولادك خدى
يا سجدة طلعى الحاجة دى وخدى فيفى معاكم ظبطوا الحاجة بسرعة
فيفى :: حاضر ياماما وطلعوا
خديجة تعالى يافريدة واخدتها فى حضنها متخفيش ربنا شايل ليكى حاجة حلوة انتى تعبتى واتبهدلتى كتير وشوفى هاشم لو شوفتى منه حاجة ماريحتكيش انا ملزمة اطلقك منة
فريدة : حاضر ياماما
خديجة : وانتى ياهيام بلاش اسلوبك الناشف وعند كلامى لو ماارتحتيش انا ملزمة اطلقك منه
هيام : بس ياماما احنا متفقين ان زوجنا هيكون على ورق
خديجة : اطلعوا ولما ازواجكم ياجوا اتكلموا معاهم واتفقوا وقرر ومع بعض فى هدوء
هيام : انتى كده بتنزلى من كرامتنا بترخصينا بجد
خديجة : لا انا بحافظ عليكم انا لو مكنتش متأكدة من انهم شارينكم مكنتش وافقت على زواجكم اصلا
ادم : انا عوز انا على سرير لوحدى مليش دعوة دول بنات وانا مينفعش انام معاهم
يوسف : راجل ياادم تعالى نام معايا فوق
عمر : هامشى انا سجدة
سجدة : نعم وقربت منه
عمر : عوزة حاجة بحبك والله
سجدة : بدموع بعد اللى اكتشفتة من بلاوى وقرف على اهلى لسة بتفكر فيه والله انت طيب اوى
عمر : انتى معانا هنا من 15 سنة محدش شاف منك غير كل خير ربنا لايحرمنى منك ياقلبى تصبحى من اهلى وفى حضنى
سجدة : بصت فى الارص ووشها احمر مع السلامة
هيام طلعت لقت سيدة واقفة فى المطبخ
سيدة : حمد الله على السلامة نورتوا بيتكم يابناتى
هيام : تسلمى يادادة بتعملى ايه
سيدة : باعمل حاجة حلوة لاجمل عرايس مبروك ياحبايبى
فريدة : تسلمى يادادة ربنا يخليكى
سيدة : ادخلوا خدوا دش وغيروا وانا خلصت وهاحضر السفرة ونازلة
فريدة : ردى فونك بيرن من بدرى
هيام : دشهاب
فريدة : ردى عليه ادخلى البلكونة
سيدة : اوضتك التانية مش دى
هيام : حاضر السلام عليكم
شهاب : ماما كويسة
هيام : ايوه الحمد لله انتم خلصتوا
شهاب : ايوه وبصراحة تعبان وهلكان مش شايف قدامى من التعب
هيام : معلش ربنا يجزيك خير هتاجوا امتى
شهاب : احنا مش عارف وغمز لهاشم
هيام : هننزل المصنع بكرة ماشى
شهاب : اللى يريحك بشرط تريحينى
هيام : افندم
شهام : انتى مبتهزريش ياعبد الباسط
هيام : عبد الباسط فى عينك اقفل سلام
هاشم يخرببيتك انت ليه بتحب تعصبها
شهاب: بصراحة اكتشفت انى بحبها اوى ونفسى اخدها فى حضنى وانسى الوقت والناس
هاشم : واخوك شرحة بصراحة فريدة لسانها طويل بس مش عصبية زى هيام
شهاب : بصراحة عمر طلع جدع اللى قال لينا ان البنات فوق هنتصرف ازاى معاهم
هاشم : بالسياسة ان شاء الله دول بنات غلابة محتاجين صدر حنين
شهاب : صدقت والله وهو ده اللى هيكون
هاشم : مندور ده يا نايم ياقاعد مع صفية
شهاب : انزل افتح صفية دى مزة خليه يعيش حياتة
هاشم : هههه هو مبيشبعش دبقالة 16 سنة عسل
شهاب : ابو فقرك عينك وحشة رد على فونك
هاشم : ديوسف
شهاب : رد ياض شوف عوز ايه
هاشم : اهلا يابرنس احنا هنركن العربية وطالعين نتكلم
يوسف : انا مش فى الاستراحة انا فى الشقة اللى فوق البنات بقولك هيام وفريدة فوق اوعكم تجرحوهم يكفى ثقة امهم فيكم وهى اللى حكمت على البنات تطلع تنتظركم فوق فى صنيتين عشا على السفرة كل واحد ياخد صنية ويتعشى مع مراتة عوزكم تتعاملوا معاهم برجولة دول بنات ناس واصبحوا مسئولين منكم
هاشم : تمام ياحبيبى تصبح على خير
يوسف : وانتم من اهلة وقفل الفون
شهاب : بصراحة انا مش عارف اركز معرفش هاعمل ايه هيام على طول متعصبة
هاشم : حاول تحتويها خدها فى حضنك وبعد كده كل شئ هيمر طبيعى
شهاب : خلى بالك من فريدة دى بنت طيبة اوى
هاشم : انا عمرى ماكنت ظالم وبعدين دى هتكون مرأتى يعنى لازم اتعامل معاها بمودة ورحمة زى رسولنا صل الله عليه وسلم بيقول
شهاب عليه افضل الصلاه وازكى السلام بقولك تعالى نقعد مكانا شوية لحد ما اعصبنا ترتاح وبعدين نطلع علشان نكون هادين
هاشم : هو ده الكلام الصح وارجع رأسة الى الخلف واغمض عينيه
اللواء سراج : حضرة الضابط معتز
معتز : والنبى سمعنى تانى علشان انا حاسس انى بحلم
اللواء سراج : انا كنت عارف انك مظلوم علشان كده انا علقت طلب التماسك
معتز : متشكر ياافندم وتحت امرك
اللواء سراج : انت مكلف بقضية محمود بدران
معتز : ممكن طلب ياسيادة اللواء
اللواء سراج : انا كنت مرتاح منك ومن طلباتك اللى مش بتخلص
معتز : هو طلب واحد عوز محمود بدران يعترف بنسب بن