شهاب : حاضر وهاجيب هاشم معايا هو راجل جدع بجد
فريدة : بص يابشمهندس الاستاذ هاشم جدع على نفسه وهو لازم يكون جدع فى تعاملة معانا لانه لو مكنش جدع كان زمانه طفش مننا من زمان
شهاب : انا عارفكم بنات مفترية
لواحظ : سمعنى قولت ايه
فاتن :اشجينى ياهندسة
شهاب : يخرببيتكم انتم مبهزروش ديما مصدرين الوش الخشب امال وانتم قاعدين مع بعض بتكونوا بنات تانية مزز بجد
هيام : اصلنا ملبسوين بنتحول ويلا طريقك اخضر امشى على خفيف
شهاب : انا مش ماشى اللى مش عاجبها تشوفلها طريق تانى
هيام : بت يالواحظ يابت الحاج عبدة شوفوا شغلكم
شهاب : يخرببيتكم هتعملوا ايه ههههه وطلع يجرى
لواحظ : هو انتى كنت هتعملى معاه حاجة
هيام : وهاعمل ايه احنا متحمين فى المزرعة من الناس اللى برة ولاول مرة تنزل دمعة متمردة من عيونها التى تشبة عيون القطط
فريدة : مالك ابت يكفى اننا مع بعض وماما وادم معانا وعايشين كويس الحمد لله
هيام : الحمد لله روحى ياسجدة هاتى مخلل وعوزين جبنة وعيش علشان هنمشى بدرى
سجدة : حاضر وهاشوف شنطة سفر صغيرة عند خالتى صفية
لواحظ : كل واحدة فينا معاها شنطة سفر امزة
يوسف : اية يابنى هو انت كنت فى سباق
شهاب : لا أصل خوفت من البنات ههههههه
يوسف : مش عارف انت والاخ اللى جوة بتخافوا من شوية بنات ليه
هاشم : مش خوف كل الحكاية اننا بنحب نعاكسهم
يوسف : خد الاوراق مظبوطة حد فيكم يروح يقدمها ومش عوز غلطة
شهاب : الحاج صفوت عوز يبيع العشر فدن اللى جنب المزرعة
يوسف : واحنا موافقين شوف عوز كام
شهام : عوز عشر مليون
يوسف : نعم قولت كام
شهاب : ده كلامة انما احنا ممكن نوصلهم للنص او فوق النص شوية
هاشم : ياريت نشتريهم ونخليهم لخضار التصدير خلص معاه ياشهاب
يوسف : لا اتقل شوية عمر ماحد يقدر يشتريها دى تعتبر فى زمام ارض المزرعة
شهاب : انا رأي ندياله اللى عوزة ونخلص معاه صدقنى الارض هتلم تمنها فى اقل من خمس سنين
يوسف : تمام كلم المحامى وخليه يهز المبلغ شوية
شهاب : تمام بالليل علشان يدوب اصلى وانزل عندى اجتماع مع البنات
يوسف : نعم يااخويا سمعنى تانى اجتماع مع مين
شهاب : مع البنات انا وعمر ابن خالتك ربنا يستر
هاشم : خدنى معاك والنبى
شهاب : ماتاجى معانا يا برنس
يوسف : بشكلى ده معتقدش ان فى حد هيتقبلنى
هاشم : لازم تتعود على الناس وتعود الناس عليك مش معقول تفضل حابس نفسك فى الاستراحة متخرجش غير بالليل
يوسف : نصيبى كده الحمد لله انا راضى بحالى ( يوسف اصيب بالتهبات من نوع نادر نتيجة حلق ذقنة فى صالون حلاقة الظاهر عدوى جعلت وجه شكلة مشوه )
هاشم : لازم تحب وتتحب وتتزوج وتخلف يعنى تعيش حياتك زى كل الناس
يوسف : مش لما اكون زى الناس انا انسان مشوه وشى شكله يخلي اى حد يشوفة يتقزز منه
شهاب : انت اللى حساس زيادة عن اللزوم
يوسف : اول حد جرى لما شاف وشى اختك ياهاشم اللى كانت مرأتى دحتى راحت اجهضت نفسها علشان تقطع علاقتها بيه
هاشم : لانها متخلفة وزبالة خسارة فيها راجل محترم وعنده اخلاق زيك
يوسف : سلملى على الاخلاق دى اختك اترعبت اول ما شافت منظرى يلا انا هاخد شور وانزل اروح اركب خيل
شهاب : بلاش تركب خيل بالليل خليك الصبح بدرى
يوسف : بحب الجو دلوقت يلا حد يكلم المحامى ونتقابل الصبح
شهاب : هههههه ده لو طلع عليه صبح انا رايح حصن الوحوش
هاشم : بالله عليك خدنى معاك
شهاب :مقدرش انت ابقى تعالى غتاتة وانت وحظك
يوسف : والنبى اللى يشوفكم يقول انتم لسة فى ثانوى ههههه
هاشم : ابتسامتك جميلة يااسطى
يوسف: اسطى فى عينك غور ياض ربنا. يسعدكم
هيام : العشا يابنات فين بدرية
بدرية : انا هنا ياقمر
فريدة : اناحضرت شنطكم ابقى هاتى بطاقتك وبطاقتى وبطاقة فاتن من شهاب
لواحظ : وبطاقتى انا كمان
هيام : يلا العشا وهاتوا الاجنده نراجع الخطه
ادم : حاضر خدى
شهاب : السلام عليكم شكلى حماتى بتحبنى
فريدة : تعالى مع عمر مش دلوقت احنا عوزين نتعشا
شهاب : اقسم بالله جعان وعطشان
بدرية : دانت لو عملت الفلوس اللى معاك سندوتشات مش هتخلص فكك مننا احنا غلابة نهايتنا طبق فول وحتة جبنة ومخلل زى ما انت شايف
شهاب : فضل ونعم المهم انك ضميرك مرتاح
هيام : فضل ونعمة ابت المهم انه من عرق جبينا يلا يابنات
خديجة : فى بامية من الغدا حد عوز
شهاب : انا نفسى فى البامية بجد
هيام : لا دى باقية من اكلنا وحضرتك
شهاب : اخذ الطبق من ايد خديجة منحرمش منك ياامى
هيام :بصتلة بصدمة وقعدت تاكل وهى ساكتة
يوسف : تعالى شوف : الولد شهاب بيعمل ايه
هاشم : شهاب شكله وقع فى غرام مزة منهم.
يوسف : بطل هبل مستحيل طبعآ
هاشم الايام هتثبت كلامى واحتمال انا كمان احب واحدة منهم هههههه
يوسف : انتم طول عمركم مجانين ايه الجديد
هاشم : انا شايف انك متابع معاهم جامد ايه العبارة افهم
يوسف : باتسلى هو انا ورايا حاجة
هاشم : انا نازل اغتت عليهم خلى بالك لو لاقيت المفترسات هجموا عليه اطلب الاسعاف
يوسف : انتم اغتت ماخلق ربنا يارب تطلع متكسر انت وهو
هاشم : هههههه لا اخوك عرف سكتة دخل من سكة الحاجة خديجة انما انا غلبان
يوسف : مرهقين بجد
عمر : السلام عليكم انت هنا يابشمهندس
شهاب : لسة جاى اقعد
هاشم : السلام عليكم
شهاب : روح جيب شوية تفاح وتعالى خد حد معاك من البنات
ادم : لا اخواتى متخرجش بالليل انا اللى جاى معاك
هاشم : تعالى وانت كمان ياعمر تعالى معايا
سجدة : خليكم انا هاروح اجيب من جنب المصنع وهاجى على طول ادم تعالى معايا
شهاب : خير احنا سامعين
هيام : البشمهندس هاشم مع ان وجوده ملهوش لازمه بس مش مهم الخلاصة انا عوزة مساعدتك يااستاذ عمر
عمر : انا موافق رقبتى سدادة من غير معرف حاجة ايه المطلوب منى
هيام : عوزين نجيب حق سجدة من ابوها ومرأتة وامها وزوجها
شهاب دى فزورة ممكن نفهم
هيام : ابو سجدة اتزوج وطلق امها ومرأته رفضت تخليها معاها راحت لامها فزوج امها كان عوز يتحرش بيها وفى الاخر رموها على الصحروى
عمر : معقول فى ناس مفترية للدرجة دى
هيام : واكتر لما المسكينة دى رجعت لفيلا باباها راحت لاقت باباها عامل. ليها صوان عزاء
شهاب : بصدمة معقول فى ناس مفترية كده
عمر : اقسم بالله لو شوفته لاولع فيه
هاشم : لا داحنا مش نولع فيه ولا حاجة احنا لازم نخليه يعمل التحاليل اللازمة لاثبات انها بنته
هيام : مين فيكم مستعد يساعدنا
شهاب : بس انتى واخواتك ممنوعين تخرجوا من المزرعة
فريدة : ليه ان شاء الله هو احنا فى سج٠٠٠٠٠٠٠٠
رواية/ شنطة سفر
( قلوب موجوعة)
الفصل ( 12 )
ءءءءءءءءءء.
هاشم : لا داحنا مش نولع فيه ولاحاجة احنا لازم نخليه يعمل التحاليل اللازمة لاثبات انها بنته
هيام : مين فيكم مستعد يساعدنا
شهاب : بس انتى واخواتك ممنوعين تخرجوا من المزرعة
فريدة : ليه ان شاء الله هو احنا فى سجن
شهاب : لا بس لو خرجتوا هتدخلوا السجن فعلا
هيام : اشمعنى هو حضرتك متهمنا بحاجة
شهاب : لا مش انا دابن عمكم متهمكم بالسرقة وكمان ابوكم متهمكم انتم و الست الوالده بالسرقة وخطف ادم . اما صاحبه القهوة متهمه فريدة بالاعتداء عليها والسرقة
هيام : مش مهم الاهم البنات الغلابة دول ياخدوا حقهم انا مش هبرر واقول احنا معملناش حاجة لان احنا خلاص عمرنا ما احنا هنرجع تانى للى اسمه ابونا لانه انسان انانى انما خليل اقسم بالله لاعلمه الادب
خديجة : كده مفيش غير حل واحد بابتى
هيام : خير ياماما
خديجة : خالتك مديحة عارضة عليكى تتزوجى ابنها هو كان متزوج ومرأته ميته وعنده بنتين و ولد
فريدة : مستحيل طبعآ كده حرام
شهاب : وانتى موافقة
هيام : لو اضمن ان اخواتى هتكون عايشة مرتاح انا موافقة
فاتن : لا مستحيل عارفة انتى لو بعدتى عننا هنضيع بجد واخذت تبكى بصوت عالى
سجدة : مش عوزة ارجع حقى كفاية انى عايشة فى وسطكم ولو مت هلاقى اللى يقول الله يرحمها
هيام : انا هاسافر معاكى بكرة وبعون الله حقك هيرجع لو جه على موتى
عمر : انا معاكم معقولة فى ناس كده
شهاب : هو انتى ابوكى يكون مين ياسجدة
سجدة / انا بنت البشمهندس محمود سعيد بدران صاحب شركات بدران للبناء والتعمير وامى سيدة الاعمال مرفت ماهر ياسين
هاشم _ : يانهار ابوكى اسود ومين اللى يقدر يقرب ناحيتهم دول حيتان فى السوق واعضاء فى مجلس الشعب يعنى سلطة وحصانة
سجدة : يعنى انا هافضل طول عمرى ميته كده حرام وبعدين دادة مبروكة ماقالتليش انه عضو فى مجلس الشعب
فاتن : اكيد هى متعرفش يعنى مجلس الشعب ست بسيطة يعنى
هاشم : بصوا انا معاكم
عمر : وانا كمان بس عوزين نفكر فى كل خطوة لانه ممكن يقتل سجدة لو حس انها بتنبش فى الماضى
شهاب : صح كلامك بصوا سابونى يومين يعنى السبت اكون جهزت الشقة اللى هنتجمع فيها بس خليكم انتم يا هيام انتى وفريدة
هيام : لا
هاشم مفيش غير حل
هيام : اللى هو
هاشم : تشوفوا حد يرضى بيكم ويتبرع ويتزوجكم
هيام : امشى ياض من هنا و الا اقسم بالله اولع فيك
هاشم : اسف انى قولت كده بس مفيش حل تانى
فاتن: فيه
شهاب : اللى هو
فاتن : ربنا هو اللى فى ايده كل شيئ ربنا كبير
هيام : بكرة هاروح انا وسجدة وهنرجع ناخد باقى البنات ولو محدش منكم عوز يساعدنا فى على الاقل بلاش بفشى سر سجدة علشان الناس مش بترحم
هاشم : عيب عليكى دى اعراض ناس بصوا انا هاخلى حد يعرف خط سير. ابوكى وامك ماشى
هيام : لا شكلكم خايفين وانا كرهت الخوف بجد
شهاب :هيام : ايه رأيك اكتب كتابك علشان اعرف اتحرك معاكم بحرية و اقدر احميكم
هاشم : انا كمان اكتب على فريدة بس تلم لسانها شوية ويوم ماتحسوا بالامان نطلقكم
هيام : لا احنا متحمين فى ربنا هو اللى هيحمينا
فيفى : وافقوا علشان نعرف نجيب حقنا احنا كمان
بدرية : ده امر مينفعش ترفضوه علشان احنا مصدقنا نلاقى حد يقف جنبنا
لواحظ : لو انتم جريلكم حاجة ممكن اخويا يقتلنى
هيام : طب سبوانى ادورها فى دماغى
شهاب : اقسم بالله انا عوز اساعدكم بصدق وخدوا الضمانات اللى انتم عوزينها
هاشم : وانا كمان موافق على اى شروط
فاتن : بص يابشمهندس منك له خدوا رأي اهلكم وشريكم التالت الاول وبعدين ابقوا قرروا
شهاب : هو ده الحل المطلوب علشان تعرفوا تتحركوا وكمان كل واحد فينا مسئول من نفسه احنا اللى نقدر نقرر حياتنا ياانسة
فريدة : بس انا مطلقة
هاشم : مش هتفرق معايا
شهاب : هى دى هتتحسب زواجة عليكى دى كانت رحلة عذاب
فريدة : وعرفت منين
شهاب لما جيت استعلم عنكم لانكم اسرة مع بعض عرفت كل حاجة عنكم من ضابط صاحبى
فاتن : ومن امتى الكلام ده
شهاب من بعد ماجايتوا هنا بعشر ايام
فاتن : طب وليه ممشتناش من الشغل يعنى تبعد عن وجع الدماغ
شهاب: علشان انتم مظلومين وكمان بتاعوا شغل
هيام : المهم نخلص من مشوار سجدة بسرعة
هاشم : عوزين واحد حرامى متمكن فى فتح الخزائن
شهاب : ليه ان شاء الله
هاشم : علشان نمسك محمود ابو سجدة من ايده اللى بتوجعه اكيد عنده بلاوى فى الخزنة
سجدة : ومين يقدر يدخل الفيلا اصلا
هاشم : انا هاشوق طريقة المهم اننا نعرف نقطة ضعفه
سجدة : الستات
فيفى : وانا جاهزة العب عليه
عمر : مش بالسهولة دى لازم نفكر فى كل خطوة لان الغلطة بموت سجدة ودخلونا السجن اللى زى دول وصلين
لواحظ : يخرببيتكم انتم هتخوفونا ليه
شهاب: بصوا انا عندى واحد صاحبى كان ضابط واترفد و دلوقت عنده شركة امن هاخد رأية واشوف هنعمل ايه
هاشم : تقصد معتز
شهاب : ايوه
خديجة : شوفوا لو لازم انا كمان اروح معاكم
شهاب. : ممكن اجيب اخويه يوسف يكون معانا هو يعرف ناس كتير عنى
هيام : دشكلة مغرور الا ماظهر من يوم ما جه المزرعة
هاشم : اصل وشه فيه حبوب و كده يعنى
شهاب : هاخد رأيه وهنكتب كتابنا بكرة علشان امانكم
هيام : وانتم ذنبكم ايه
هاشم : ياستى احنا عندنا اخوات زيكم
شهاب: ممكن نشرب شاى
سجدة : انا هاعمل الشاى
فريدة وهنسافر امتى
شهاب : يمكن على الخميس بكرة نكتب كتابكم وبعدين انا هاسافر فى مناقصة هاقدم الاوراق وافوت على معتز اشوفه هيقول ايه ونشوف الشقة
هاشم : منقعد فى شقة يوسف القديمة
شهاب : تصدق فكرة بس يارب يوافق
هاشم : هيوافق بأذن الله
هيام : طب ومين من البنات هتكون معانا
فيفى : انا طبعآ
بدرية : وانا كمان
لواحظ : وانا معاكم
هيام : انتى لا علشان خليكى هنا فى امان بعيد عن اهلك
فريدة : هتفضلى هنا مع فاتن وخلوا بالكم من ادم الحمد لله اننا فى اجاز