رواية عائلة الدمنهوري الفصل الثامن عشر18والتاسع عشر19 بقلم تسنيم محمود

(كريم طلع لكريمان)

كريم :ممكن ادخل

كريمان بعياط :مهو انت دخلت خلاص

كريم راح قعد جنبها :في ايه يا روحي بتعيطي ليه مين ضايقك

كريمان بصتله ومردتش

كريم وهو ماسك ايديها:مالك يا روحي مين اللي مزعلك 

كريمان بعياط:مش عارفه بس انا زعلانه ومضايقه جدا 

كريم :طب مين اللي مزعلك طيب وانا اموتهولك 

كريمان :للأسف مش هقدر اعيش من غيره لو موته

كريم باستغراب:مين ده اللي مش هتقدرى تعيشي من غيره ياختي 

كريمان بضحك :للأسف انت 

كريم بفرحه :انا؟؟ طب انا عملت ايه علشان تزعلي مني 

كريمان :علشان مخلتنيش ارقص وانبسط

وتحتركل شويه عمالين يضغطوا عليا وانا علشان مزعلكش سمعت الكلام لكن انت تزعلني عادي 

كريم وهو بيبوس دماغها:انا اسف يا روحي وشوفي انتي عايزه ايه وانا هعملهولك وبعدين انا قولتلك هخليكي ترقصي في بيتك ليل نهار وتقولي انا حرمت يا كريم وغلطانه اني زعلت منك وبعدين في حد يقدر يزعل مني يا كوكو 

كريمان بكسوف وبتحاول تغير الموضوع :انا مضايقه اوووي علفكره 

كريم:من ايه يا قلبي 

كريمان بعياط :علشان كان نفسي بابا وماما يبقو معايا وكمان كان نفسي ابقي زي باقي البنات ابوهم بيسلمهم لعريسهم لكن انا مش هيحصل معايا زيهم يا كريم 

كريم:خلاص يا كوكو كفايه عياط يا قلبي وانتي اكيد عارفه ان بابا وماما في مكان احسن وان هما شايفينا وفرحانين بيكي يا روحي وانا اوعدك اني هبقي ليكي الاب والاخ والزوج وكل حاجه انتي عايزاها انتي لو عايزاني ابقى ليكي الام انا موافق 

كريمان بضحك مع عياط :ربنا يخليك ليا يا حبيبي 

كريم :يلا قومي يا قلبي غيري ونامي علشان تعرفي تصحى الصبح فايقه كده يا عروستي 

كريمان بكسوف :امشي ياض من هنا يلا

كريم :انا بيتقالي ياض طب ورحمة امك لهوريكي الياض ده هيعمل معاكي ايه 

كريمان وهي بتزقه :يلا يا بابا من هنا 

وفضلت تضحك

ودخلت أخدت دش وصلت ونامت علشان كانت مش قادره خلاص من التعب وكان جواها خوف وتوتر كبير من بكره اللي هو يوم الفرح كانت خايفه متطلعش حلوه أو في حاجه تحصل في الفرح وكانت خايفه وحسه ان قلبها مقبوض وكانت خايفه جدا 

كريمان في نفسها :ان شاء الله خير مفيش حاجه هتحصل يا كوكو نامي وكفايه تخاريف 

وبعدها بشويه راحت كريمان في نوم عميق 

..... عند كريم 

الاء وهي بتخبط على الغرفه بتاعته :آيه يا كيمو نمت ولا ايه 

كريم :لا يا اوزعه انا صاحي ادخلي 

الاء وهي بتقعد جنبه :عامل ايه يا كيمو 

كريم باستغراب :الحمد لله انا كويس انتي عايزه ايه يا اوزعه من غير لف ولا دوران 

الاء وهي بتتكلم بدهشه :هو انا بتاعت الكلام ده يا كيمو برده عيب عليك يا راجل والله وبعدين ايه اوزعه دي مش عيب عليك تقولي كده انا انسه كبيره احترمني شويه وبطل تتريق مهو انت مراتك اوزعه تقدر تقولها كده 

كريم :ده انتي ام كده وابو كده كمان اخلصي عايزه ايه عايز اتخمد وبعدين اتكلمي معايا بأسلوب كويس بعد كده ان اخوكي الكبير علفكره وعلى انك اوزعه فهو انا مش بكدب ودي حقيقه ولا ايه يا لولو وعلى مراتي فهي احسن واجمل اوزعه في حياتي كلها ويلا اخلصي عااااااايز اتخمد بقيييييييييي

الاء :ماشي يا كيمو انا زعلانه منك 

كريم :علشان خطري يا لولو بجد هموت وانام وكمان انا عريس يتني لازم ابقى رايق وفايق كده بكره 

الاء :خلاص صعبت عليا هقول خلاص عيزاك في ايه 

كريم:آيه ده هو انتي طلع عندك من الأحمر 

الاء وهي بتقوم :طب والله اقوم ومنا قاعده معاك تاني يا رخم 

كريم وهو بيضحك :لا مقدرش اسيبك  مقدرش والله يا بنتي هتريحيني  وتخليني انام 

الاء بزعل :والله يا ابيه 

كريم :لا يا قلب كريم احكي و اتكلمي وقولي كل اللي نفسك فيه انا قاعدلك اهو مش لازم نروح الفرح بكره كمان لو عايزه 

الاء :قلبي يا ناس لا مش للدرجه دي انت اساسا المفروض تحمد ربنا اني وافقت انك تتجوز انا وافقت بس علشان هي كوكو 

كريم :طب الحمد لله  

الاء :المهم بقى انت كنت مزعل كوكتي ليه

كريم باستغراب:مين كوكتك دي 

الاء :كريمان يا كيمو 

كريم :الله الله كريمان بقت كوكتيك ازاي انتي عايزه تغيظيني  وخلاص 

الاء :لا خالص 

كريم :طب هي اسمها كريمان بس ولا كوكو ولا كوكي ولا كوكتي انتي فاهمه 

الاء بخوف :حاضر 

أنت برده مزعلها ليه 

كريم :وهو هي معيناكي محامي ليها 

الاء :لا 

كريم:طب بتسألي ليه 

الاء :علشان كانت بتعيط بتريقه هستيريه اووووي 

كريم :انا مزعلتش حد ان كل اللي عملته اني قولتلها مفيش رقص بس وهي اتضايقت لما لقت الهوانم عمالين يغصبو عليها انها ترقص وكمان علشان ابوها وامها مش معاها وبعدين انا بقولك ليه اصلا روحي نامي يا بت انتي 

الاء :حاضر يا كيمو ولا دي كمان ماقولهاش علشان ابله كريمان متزعلش 

كريم بضحك :انتي بتغيري عليا من كريمان دي مراتي يا ماما 

الاء :لا خالص مش بغير هغير على نيلة ايه يعني 

كريم :يلا يا بت انتي امشي من قدامي احسن هكلك 

الاء بضحك : لا يا خويا خلاص انا نمت اهو 

وجريت على بره وقفلت الباب 

كريم :والله مجنونه مش اوزعه بس وكان عمال يفكر كتير وفرحان جدا أن هو خلاص هيبقى مع حبيبته ومش مصدق ان بكره خلاص فرحه ومن كتر التفكير نام في نوم عميق 

........ في مكان منعرفوش 

مجهول 1:احنا لازم نخلص عليه  مش هينفع نسيبه يتهنى انت شوفت هو عمل فينا ايه العروسه بتاعته اساسا مزه يعني كل واحد ياخدها حبه 

مجهول 2:انت عندك حق مينفعش نسيبه يعيش 

مجهول 3:لا مش هينفع نقتله كده كلنا هناخد اعدام احنا نعلمه ازاي يتعامل معانا بعد كده بس يعني طلقه بسيطه مش لدرجه الموت 

مجهول 2:علفكره انت بتتكلم صح احنا هنعلمه الادب ولو متعلموش هنوريه 

مجهول 3:بس ثانيه واحده هو احنا هناخد البت المزه دي ازاي في وسط الفرح كله 

مجهول واحد :متخافوش انا هقولك الخطه بصوا................ كده تمام 

الكل ايوه حلوه الخطه دي 

....... في منزل الدمنهوري 

وبالتحديد في غرفة سماح واحمد (والده ووالد كريم) 

سماح قامت من النوم مفزوعه :يارب لا يا رب استر 

احمد بخضه:في ايه يا ام كريم مالك 

سماح:ابني يا احمد مش كويس ابني هيحصله حاجه انا عايزه ابني 

احمد :اهدي يا حجه الواد زي الفل ومفيش اي حاجه 

سماح وهي بتقوم من على السرير :لا انا هروح اطمن على ابني 

احمد وهو بيمسكها يرجعها مكانها يا ستي هتخضي الواد 

سماح :مهو انا ولا هعرف انام ولا اقعد ثانيه من غير ما اطمن على ابني وبدأت تعيط 

احمد :خلاص قومي وكفايه عياط 

سماح قامت وراحت علي غرفه كريم وفضلت واقفه قدام السرير بتاعه لغايه اما قربت منه بعياط: يا رب خير يا رب يا رب مشوفش فيه حاجه وحشه 

كريم بخضه :مالك يا أمي ايه اللي حصل بابا كويس طب في حد حصله حاجه جدي كويس ماما ردي عليا انتي كويس 

سماح وهي بتاخده في حضنها :انا كويسه يا قلب امك انت كويس طمني عليك

كريم: انا كويس يا ماما انتي مالك بجد في ايه انتي اللي كويسه 

دخل احمد عليهم :ينفع يعني اللي انتي عملتيه ده خضيتي الواد استفدتي انتي ايه بقى دلوقتي

سماح:استفدت اني اطمنت على ابني 

كريم:هو في ايه يا بابا 

احمد: مفيش حاجه يا ابني امك شكلها كانت بتحلم 

كريم :والله طب وايه الحلم اللي يخليها تعمل كده 

احمد: كابوس كابوس يا كريم وبعدين انت ازاي تحضن مراتي كده اطلع احضن مراتك يعني 

كريم وهو بيسيب امه :خد مراتك اهي يا حج وسيبوني انام بقى شويه هموت واتخمد

سماح :بعد الشر عليك يا حبيبي 

يلا تصبح على خير 

كريم:وانتي من اهل الخير يا أمي 

...... في مكان منعرفوش

مجهول 3:بقولكم ايه احنا عايزين نظبط نفسي علشان نعرف ناخد حته الكريمه بالقشطه دي يعني من بدايه الكلام كده انا اللي هاخدها الأول اشطا 

مجهول 1:واشمعني انت اللي تاخدها الأول  يعني 

مجهول 2: كفايه بقى مش لما نعرف نجيبها الأول لازم الخطه تنجح

مجهول 3ومجهول 1:ان شاء الله هتنجح بس متفولش انت بس ويلا قوموا ننام علشان نصحي فايقين 

                الفصل العشرون من هنا