رواية الحب ام الغرور الجزء الثاني2الفصل الثالث3 بقلم ملك احمد
وفجأة شعر بنسمة هواء وقلبه نبض بسرعه .... ثم رفع رأسه وقال : توانا ؟
ـ شعرت توانا بأن صوته اخترق قلبها ....
لم تجبه توانا وظلت تنظر النافذه
آدم : توانا ... انا عارف إن دي انتي...
تنهدت توانا ثم التفت ...
صُدم آدم ف هي لم يكن يتوقع أنه سوف يراها مرة أخري ف هي توانا بالفعل التقي بها بعد فراق دام لمدة سنه كامله ...
ـ آدم : كنت واثق إني هشوفك ...
ـ توانا : ا ... انا محتاجه امشي يا فندم عندي تنظيف ...
امسك آدم معصمها ...
آدم : اي ده ؟ انا مكنتش عايزك تشتغلي اي شغلانه ... بس الشغلانه دي حلوه تليق بمقامك ...
ـ افلتت توانا يدها بغضب ...
توانا : انت عايز مني اي ؟ رد عليا يا آدم انت عايز اي مني مش كفايه إلي عملته فيا ؟
ـ اقترب آدم وهمس: عايز ادمرك ...
ـ توانا: انت مستحيل تكون انسان انت محتاج تتعالج يا آدم اسمع مني بجد اتعالج ....
ـ آدم : تؤ تؤ مش المفروض تتعاملي مع الضيوف بطريقه احسن من دي يا حلوه ؟ وإلا كده ممكن تترفدي صح ؟
ـ توانا بغصه : سيبني يا آدم سيبني وكمل حياتك ...
ـ آدم : حياه ؟ حياه اي إلي بتتكلمي عنها دي ؟ إلي انتي دمرتيها .....
ـ توانا : انت برضو مش قادر تصدقني ...
ـ كاد آدم أن يكمل كلامه ولكن دخل حازم ومعه آسيا في يده ....
ـ حازم : آدم انا ....
حازم : توانا ؟
آسيا: توانا ؟
ـ ذهبت آسيا لتوانا مسرعه واحتضنتها بقوه : انتي يا حيوان*ه كنتي فين انا فضلت اتصل عليكي بس كل مره مش بلاقي رد ... وا اي اللبس ده ؟
ـ توانا : انا اسفه بجد انا اسفه ثم أخذت تبكي ....
ـ آسيا : في اي مالك ؟
ـ مسحت توانا دموعها : مافيش بس انا محتاجه اكمل الشغل استأذن....
أوقفها صوت آدم : بقولك صح المكان ده مش نضيف ف اتمني تجيبي حاجه وتنضفيه ...
ـ توانا : حاضر ....
ـ ثم ذهبت ...
وقف حازم وآسيا بجانب آدم
آسيا : آدم اي ده ؟
ـ آدم وهو يرتشف رشفه من كوب القهوه : اي ؟
ـ حازم : متستهبلش يا آدم احنا دلوقتي فهمنا توانا هنا لي ...
ـ آسيا: هي وصلت بيك يا آدم ؟ وصلت بيك تخلي صاحبة عمري خدامه ....
ـ آدم : ولو عليا كنت خليتها ف الشارع اصلا ...
ـ حازم : من أمتي ؟ من أمتي وانت قاسي كده يا صاحبي ...؟
@@@@@@@@@@@@@@@@@@@
بعد خمس دقائق جاءت توانا وهي تحمل ادوات التنظيف ...
ـ توانا : فين يا استاذ آدم ؟
ـ آسيا : بت اقفي كده ...
ـ توانا: دقيقه واحده بس هخلص شغلي ...
ـ ذهبت توانا ونظفت الارضيه التي كان يقصدها آدم ...
ـ توانا : انا هروح احط الادوات دي مكانها ...
ـ آدم : استني ...
ثم اوقع كوب القهوه كله علي الارضيه ...
ـ آسيا بحده : آدم
ـ آدم : ده شغلها ... ثم ذهب....
جلست توانا علي الارض لتنظيف ما فعله آدم ....
ـ حازم : خلاص مش مشكله انا هقولهم يبعتو حد تاني ....
توانا : لا مش مشكله هلمها انا ...
@@@@@@@@@@@@@@@@@@@@
خرج آدم بسيارته وذهب إلي الشاطئ ...
آدم: انا مكنتش عايز اشوفها تاني بس طالما شوفتها ف هاخد حقي منها ... استعدي يا توانا للجاي بقي ...
@@@@@@@@@@@@@@@@@@@@@
عند توانا انتهت من التنظيف وذهبت إلي غرفتها ...
دخلت توانا إلي غرفتها وهي تتنفس بسرعه.... أغلقت الباب وجلست علي الأرض...
ـ توانا في نفسها : انا انا مكنتش متوقعه اني ممكن اشوفه تاني .... آدم آدم مش هيسيبني اكمل شغل هنا .... انا بكرهه ... وأخذت تبكي بشده
@@@@@@@@@@@@@@@@@@@@
في المساء ..... في غرفة آدم ...
كان آدم يقف عند الشرفه ويتحدث في الهاتف ....
دخل حازم
آدم : تمام كده الجلسه بكره ...
حازم : آدم عايز اتكلم معاك شويه ...
ـ آدم : مش فاضي
ـ حازم : انت شايف نفسك صح ؟
ـ آدم : سيبني ف حالي يا حازم ....
ـ حازم : طب متجرب تسمعها ...
ـ آدم : انا قولت لا المكتوب بيبان من عنوانه ...
ـ حازم : انت ظلمتها ...
ـ آدم بغضب : ظلمتها ؟ انا ظلمتها طب وبالنسبه لجرحي وحياتي إلي اتدمرت ؟
ـ حازم : انت كملت حياتك عادي يا آدم لكن هي لا ....
ـ آدم بغضب شديد: انا كده كملت حياتي عادي انا كل يوم مش بعرف انام انا كل يوم بفكر فيها وتقولي كمان عادي؟ ....
لحظه صمت ف آدم قال اشياء لا يجب أن يقولها ...
ـ حازم : يعني لسه بتحبها ...
ـ صمت آدم
حازم : انا هسيبك يا آدم بس ابقي راجع نفسك
ـ ثم خرج حازم
تنهد آدم وهو عند الشرفه رأي شئ غريب .....