رواية مهرة الذئب الفصل الثالث3بقلم مايا النجار
تنصدم مهره وتنهض وتقول بغضب وصوت عالي.انت عارف نفسك بتقول ايه
توفيق ببرود.صوتك يا مهره انتي واقفه قدام ابوكي احترامي نفسك عيب
مهره بغضب.عيب عيب ايه اللي بتقول عليه يا بابي مين اللي قالك كده مستحيل يكون الكلام ده من دماغك هي الناس دي مش هيسبونا في حالنا في كل حاجه داخلين في حياتنا
ينهض توفيق بغضب ويقول.لا ده انتي زودتيها اوي يا مهره و نسيتي نفسك علي الاخر والكره اللي جواكي تجاه عيله ابوكي د
يقطع حديثه مهره التي قالت بغضب.متقولش عيله والنبي عيله ايه دول اللي عمر ما واحد فيهم فكر يطمن علينا عيله ايه وانا مشوفتش واحد فيهم ولا مره ،دول ما يتسموش عيله دول زيهم زي الغريب ده كمان الناس الغريبه بتسال لكن دول لا دي مش عليتي ولا في يوم هيكونو عيلتي وموضوع ان احنا نروح الصعيد ده تنساه خالص علشان انا مستحيل اعيش في مكان زي ده
توفيق بغضب وصوت عالي.المكان اللي مش عاجبك ده ابوك كبر فيه وانا هرجع لعيلتي يا مهره وانتي هتيجي معايا انا مش هفضل بعيد عن اهلي كتير والموضوع ده منتهي
مهره بغضب وصوت عالي وقوه .بابببببببي بلاش الطريقه دي علشان انت عارف اني مش بحب حد يتحكم فيا انا مش لعبه في ايدك ولا في ايد غيرك ورجعو في المكان ده مستحيل اكون فيه و عايشه فيه ده انا ابقي مجنونه بص يا بابي واخر كلام في الموضوع ده انا من سابع المستحيلات اني اقعد ثواني في المكان ده حضرتك لو عايز تروح كزياره اوكي غير كده لا
توفيق ببرود مصتنع. هتكبري عليا يا مهره تمام انا قولت اللي عندي وبجد الغلط من عندي انا و لأول مره هتسمعي مني الكلام ده يا مهره انا بندم علي التربيه اللي ربتها لك و الدلع اللي دلعتهواك بندم علي حريتك الزايده عن اللازم بندم علي تربيتك دي كلها علي بعضها غلط يا مهره علشان لما يكون ده اخر تعبي فيكي يبقي انا معملتش حاجه يا مهره تعبي راح هدر يا بنتي انا قولت كلمه عايزه تيجي معاي تمام وتبقي بنتي مش عايزه انسي ان ليكي اب
انصدمت مهره وتراجعت خطوه الي الخلف وبتلرغم من صدمتها ولكن وتقول بقوه وغضب.انت بتقول ايه الحريه اللي انت بتقول عليها دي من حقي من حقي اني اعيش براحتي دي حياتي انا ومحدش لي دعوه بيها ومش انا اللي حد يمشيها علي مزتجه يا توفيق بيه
اغلق توفيق عيونه بتعب شديد وقال.براحتك يا مهره اعملي اللي انتي عايزاه انا هكلم مازن ولو عايز يجي معايا تمام مش عايز برضو تمام وساعتها انا مليش عيال يا مهره
تنظر إليه مهره بغضب شديد وترفع يدها وتشد شعرها بغضب شديد وتقول بصراخ عالي.انت بتعمل كده ليه ما احنا كلنا عيشيين من غير القرف ده ايه الي حصل مين اللي قلبك القلبه دي
توفيق بغضب.مهره انتي بتزوديها اوي احترمي نفسك في ايه مفكراني عيل صغير كلمه توديني وكلمه تجيبني انا تعبت انا هنا حاسس اني عايش في غربه حاولت استحمل علشانكم بس خلتص تبعت عاوز ارجع بلدي تاني حرام عليكي انتي ليه اناني كده
مهره بغضب شديد.انت هنا في بلدك اسكندرية بلدك هي دي البللز اللي عشنا فيها كل حياتنا اما الصعيد ده ملناش حد فيها هنروح ليه
توفيق بغضب.لا يا هانم الصعيد هي اللي بلدي انا فضلت هنا علشانكم وطالما عملت زي معملتش فانا همشي يا مهره همشي علشان اعيش مع اهلي يمكن عيال أخواتي يكونوا احسن منك
تنظر إليه مهره وهي لا تستطيع التحدث وفي الاساس عن ماذا ستتحدث امسكت حقيبتها الخاصة وتذهب إلى الخارج قبل ان تقول شي يجعل والدها يغضب منها أكثر من ذلك ركبت سيارتها وهي تتنفس بغضب وجهها احمر بشدة تقود بتهور شديد و هي تضرب محرك السيارة بقوه وغضب عارم وتقول بصراخ.اااااااااااااه ليييييه كلللللللللل ماااا الحاااااال يمشششي تحصل حاجه ليييييه انا عملت ايه لي ده كله
تنهي كلامها وهي تصره بقوه كبيره لا احد يفهمها حتى والدها لت يفهمها وهو اكثر شخص يضغط عليها وهي لا تتحمل كل ذلك تمسك الهاتف وتدق علي اخيها و تنتظر الرد لتقول بسرعه وغضب.مازن انت هتسافر مع بابي
يتنهد مازن بحيره شديد ولكن هو لا يستطيع ان يترك والده وبالاخص بعد ما علم ماذا حدث مع مهره و توفيق والذي يجعله يذهب مع والده لانه يشهع بالفعل ان مهره إذا ذهبت في هذا المكان سوف تتغير وهذا الذي يقتنع به مازن ليقول مازن بهدوء.ايوه يا مهره انا مقدرش اسيب بابا لواحده حتي لو كام يوم هناك وكام يوم هنا بابا سابب بلده علشانا واحنا المفروض نقدر شويه مش نسحب عليه السكاكين زي ما حضرتك عمتلي عيب يا مهره
مهره بغضب وصوت عالي.عيب هو كل واحد هيجي يقولي عيب العيب الي بجد اللي بيحصل ده ويكون في علمكم مش مهره اللي تمشوها علي مزاجكم ومش انت و ابوك عايزين تسبوني تمام يا مازن من النهارده محدش لي دعوه بيا اعتبروني موت باي
تنهي كلامها وتغلق الهاتف بغضب شديد وتنزل منها دمعه حارقه وهي تشعر انها بدون احد لقد تركها الجميع لا احد تفرق له تشعر بظلم شديد و لاول مره تشعر بالكرة تجاههم جميعا وبرغم كل ذلك تتمسك في هذا العناده بقرارها ولا تستسلم ابدا فماذا سيحدث هل ستذهب هذه الفتاة الي الصعيد حتي تلتقي بنصيبها ام سيأتي هو لها ؟ سنري
كان يتسطح علي السرير وهو ينظر إلى سطح الغرفة بشرود لم تتذوق عيونه طعم النوم من كثرة التفكير يسمع صوت رساله في الهاتف يمسكه ويفتح الرساله ويقراها ثم ارسل رساله ونهض وترك الهاتف بجانبه ويذهب إلى الحمام ينزع ملابسه وينزل اسفل المياه التي تنزل عليه بغزارة يغلق دياب عيونه وهو لا يعلم ماذا يفعل في حياته يحمل هم اشياء كثيرة تمني ان يكمل طريقه يغلق المياه ويسحب المنشفه ويمسح بها جسده يذهب إلى الخارج وهو يلف المنشفه حول خصره يقف امام المرآة ثم نظر إلى نفسه ليقول في داخله.اللي جاب سواد علي الكل واولهم انت يا ذئب
ينهي كلامه ويبتسم بسخرية شديد ليذهب إلى (الدولاب) ويأخذ ملابسه عبارة عن (جلابيه)بلون الاسود ويرتدي ملابسه ويسحب (شال)يلفه علي عنقه ليجعل مظهره يخطف الانفاس يمسك زجاجة العطر و يرش منها ويتركها مكانها ياخذ المفتاح الخاص بالسياره الخاصه به والهاتف ويذهب إلى الخارج نزل من شقته وذهب إلى الاسفل دون ان يراه أحد من الرجال استغرب دياب لينظر الي الساعه يري ان الوقت مبكرا وهذا الوقت لا يفيق فيه الراجل بل يفيقوا النساء لكي يحضرون الطعام تنظر إليه سمر وتقول بابتسامه.صباح الخير يا ود عمي
دياب ببرود.صباح النور يا سمر امال امي فين
سمر.چوه اناديها ليك
دياب ببرود.لا خليها
سمر بدلع.طب لو عايز حاچه انا اهو موجوده وتحت رجليك
ينفخ دياب بضيق ويقول.مش عايز حاچه يا سمر لو عايز هنادي عليكي يلا انتي مش وراكي شغل يلا شوفي وراكي ايه
تنظر إليه سمر بضيق شديد لينظر لها دياب ويقول بصوت عالي.انتي هتفضلي واجفه اكده كتير
سمر بغيظ.لا ياود عمي همشي اهو
تقول كلامها وتذهب إلى المطبخ تنظر إلى والدتها التي نظرت اليها لكي تعلم ماذا حدث بينهم ولكن تنفي سمر براسها دلاله علي عدم حدوث شيء تغضب اعتماد وهي تتمني ان تقتل ابنتها التي لا تستطيع ان توقع دياب تسمع ماجده تقول.روحي يا عهد صحي زين علشان يفطر
اومأت لها عهد وتنهض وتذهب إلى الأعلى وهي لا تريد ذلك ولكن ماذا تفعل تفتح باب الغرفة تراه مازال نائم تذهب إلى الحمام لكي تحضره له وتخرج تسير نحوه بهدوء وتقول بعد ما وصلت له.زين زين
يفتح زين عيونه وينظر لها ويقول بنعاس.في ايه علي الصبح
عهد بهدوء.قوم علشان الفطور
يمسك زين يدها ويسحبها له بقوه لتقع عليه عهد وتقول بتوتر.زين ايه ده
زين ببرود. قالبه وشك عليا ليه علي الصبح
عهد.ولا قتلبه ولا زفت سبني علشان انزل
يضربها زين على وجهها بخفه ويقول بغضب.اتكلمب عدل يا بت بدل ما اصبحك علي الصبح ووش امك ده يتعدل بدل ما اعدله انا
عهد بدموع.طب انا عملت ايه علي الصبح علشان تعمل اكده
زين ببرود.ليه مش شايفه وش امك اللي يقرف علي الصبح ده وشي حد يصتبح بيه
عهد بخوف.انت بتعمل اكده ليه طالما مش عايزني اتجورتني ليه من اللول
زين ببرود.عهد اتعدلي انا سكت وبقول عيله بس والله اموتك ومحدش هيقولي عملت اكده ليه ولولا علي الكف إلى خاتيه امبارح ده علشان لسانك وقلت ادبك وانا مش هسمح بده مهما كان احترمي نفسك وبلاش تسيبي ودنك لامك
تنظر له عهد وتقول بقوه مصتنعه.علي فكره انت ملكش حق تمد يدك عليا
يسحبها زين من شعرها ويقول بصوت عالي.انتي ناويه علي ضربك النهارده انتي بتقولي لمين اكده يا بت اعتماد انتي تاخدب بااشبشب وتخرسي خالص مفهوم
عهد بوجع.اااااه مفهوم بس سيب شعري
يترك زين شعرها ويقول ببرود.نمتي فين
عهد بدموع.في الشقه
زين بغضب.ما أنا عارف في الشجه اي زفته
عهد بفزع.بتاعتك
زين ببرود.ايوه اكده عارفه لو شوفتك في الشجه بتاعت امك هعمل فيكي ايه والله العظيم يا بت لهكون دفنك حيه الكلام يتنفذ بدل ما انتي عارفه انا هعمل ايه واخوكي ولا تتكلمي معاه ولا ليكي صالح بيه من اساسه
اومأت له عهد ليقول زين.حضرتي الحمام
عهد وهي تنهض.ايوه
ينظر لها زين وهي تبتعد عنه وينهض ويذهب إلى الحمام بهدوء تنظر خلفه عهد وتمسح دموعها بحزن شديد وتقول.نصيبك يا عهد نصيبك
تقول كلامها وتذهب إلى (الدولاب) تأخذ منه ثياب له وتجلس تنتظره يخرج هو بعد مدة وهو يرتدي سروال قصير لتنهض هي بسرعه ينظر زين الي الثياب ويقول ببرود.لا هاتي چلابيه
اومأت له عهد بدون حرف وتذهب لكي تفعل ما قال وتأتي وهي في يدها الذي طلبه وتمد يدها به ليمسكها زين ويرتدي ملابسه تنظر له عهد وهو يرتدي (جلابيه)بلون الرصاصي وصدره العريض ومظهره الرجولي لتبتسم بحصره ان الشئ لا يكتمل الي النهايه كانت تحلم برجل جذاب وها هو حلمها تحقق ولكن هو جاف وغير هذا قاسي بشدة لم يحن عليها بكلمه واحده لكي يجعلها تشعر بانه يريدها كما هي تريده تفيق من شرودها عليه وهو يخيط كتفها بقوه ويقول بصوت عالي.ايه غورتي فين
عهد بتوتر.اه اهو
زين بغضب.طالما اهو بكلمك مش بتردي ليه
عهد بخوف.اسفه مسمعتش كنت عاوز ايه
زين بصوت عالي.غوري من وشي شوفي حاجه اعمليها
اومأت له عهد بقله حيله تذهب الى الخارج في نفس الوقت الذي تخرج ريماس من غرفتها تنظر لها وهي شاردة لتتنهد بضيق وهي تعلم ماذا حدث لتذهب لها وتقول بمرح لكي تخفف عنها. صباحوا يا مزه
عهد ابتسامه باهته.صباحوا يا قلبي
ريماس.كنت بتعمل ايه
عهد بغيظ مصتنعه.يعني هعمل ايه بصحي اخوكي
ريماس بهدوء.طب يلا علشان نخلص الفطار علشان الرجاله هيمشوا علشان قعدة الصلح دي
عهد.ااه علشان كده زين مرحش الشغل
ريماس بهدوء.المهم عمل معاكي حاجه
تبتسم عهد ابتسامه باهته بشدة وتقول بحزن.وهو من امتي معملش معايا حاجه يا ريماس اخوكي لو مسمش بدني كل يوم يبجى في حاجة
ريماس بحزن عليها.انتي اللي عامله في نفسك كده يا عهد مش علشان بتحبيه تذلي نفسك كده ينعل ابو الحب يا شيخه
عهد بغضب.نصيبي يا ريماس نصيبي وانا دلوقتي مراته عارفه يعني ايه يعني لو اطلقت اقل كلمه هتقال عليا انو بعد ما شبع منها طلاجها وغير كده امي اللي مش بعيد تموتني فيها سبيني يا ريماس ومش كل شويه تقطمي فيا انا والله ما هستحمل كل ده اموتلكم نفسي علشان الكل يرتاح يعني
تضمها ريماس بحب ولهفه وتقول.لا يا قلبي بعيد الشر عنك يا روحي وانا والله بقول كده من خوفي عليكي ومش عوزالك البهدله دي
عهد بدموع وهي تضمها.عارفه بس خلاص الكلام ده مش هيفيد بحاجة هيقطم فيا بس
ريماس بمرح لكي تخفف عنها.طب يلا بدل ما زين باشا يخرج ياكلنا احنا الاتنين
تبتعد عنها عهد وتبتسم وتمسح دموعها ويذهبون الي الاسفل ينظرون إلى بدر الذي يجلس وبجانبه دياب ليذهبون الي المطبخ ينظر خلفهم دياب ويقول ببرود.في ايه يا بوي
بدر بهدوء.عمك جاي يا دياب
ياتي في هذا الوقت زين الذي قال بسخرية.وهو لسه فاكر انو له عيله يا بوي
بدر بتحذير.زين ده عمك احترم نفسك و المطرح مطرحه ياچي في الوقت اللي هو عايزه
يقول زين وهو يرفع كتفه ببرود.طالما اكده خايف ليه
بدر بحزن.ابوي بعد ما توفيق ساب البلد وهو حرم عليه يدخلها تاني كيف يرچع اكدة هتحصل مشاكل
دياب بهدوء.اهدي يا بوي جدي هيزعق شويه ويتاصلحو هو مهما كان ولده والضفر عمره ما يطلع من اللحم
بدر بغيظ.طالما اكدة يبقي انت وجدك وعمك مع بعض وخرجرني انا من الحوار ده انا مقدرش اخسر واحد فيهم
دياب ببرود.اصيل يا بوي ماشي يا ابو دياب اللي يريحك اعمله انا هتصرف متشلش هم طول ما انا عايش
اومأ له بدر وطبطب على كتفه وهو يبتسم بسعاده لانه يعلم ان دياب سوف يحل هذه المشكله كما يفعل في كل شي يحدث مهم وهو لا يريد اكثر من ذلك يريد فقط ان يتصافون توفيق و والده ينزل في هذا الوقت الجد الذي نظر لهم وشعر انه يوجد شيء ليجلس وينظر إلى دياب ويقول.ها يا دياب القعده ميتا
دياب بهدوء.بعد الضهر يا جدي
اومأ له الجد ونظر إلى بدر الذي يشير الي دياب لكي يتحدث لينظر الي دياب ويقول ببرود.جولي يا دياب جولي اللي ابوك مش جادر يجوله
ينظر بدر في الأرض لينظر له دياب ويتنهد ويقول بهدوء.عمي توفيق هينزل الصعيد يا جدي
يغلق مهران عينية بقوه وهو يشتاق بشدة الي والده الذي ذهب من سنوات عديدة ولم يأتي الي هنا وبرغم اشتياقه الشديد له ولكن لم يسهر هذا الان لانه قبل ان يذهب قال له بانه اذا ذهب لن يعود إلى هذا المنزل ابدا ليفتح مهران عيونه ويقول بقوه مصتنعه.واحنا مالنا ياجي ولا لا
بدر.ازاي يا بوي ده اخوي واكيد لما ياجي هياجي علي اهنه و
يقطع حدثه مهران الذي قال بغضب شديد وهو ينهض.انت هتجول ايه ياولد مين ده اللي ياجي اهنه هو مش اختار زمان يبجي ملوش دخول اهنه تاني
دياب بهدوء.مينفعيش يا جدي هو ابنك وله في البيت ده زي اي حد اهنه
مهران بصوت عالي.يبجي تصوفو له فلوسه ويغور من اهنه انا مليش غير ابوك و اشرف الله يرحمه بعد اجده مليش عيال تاني
دياب ببرود.يبجي لما ياةي تجول الكلام ده
مهران بغضب.ديااااااااب توفيق لو رجله خطط السرايا انا اللي همشي
بدر بسرعه.تمشي ايه يا بوي البيت بيتك ده انت الخير والبركة وحيات امي بلاش السيرة دي
مهران. توفيق ملهوش مكان بناتنا يا بدر ملهوش من وقت ما خد بنت البندر وسابنا وانا ما اشتريش حد باعني حتي لو ولدي
زين ببرود.طب اهدي يا جدي اهدي مفيش حاجه لي ده كله واللي انت عايز هيكون
ينظر له مهران ويهز راسه ينظر له دياب ويغلق عيونه وهو يتذكر شئ يؤلم قلبه شئ لا احد يعلم به سواه هو فقط
وبعد قليل كانو يجلسون أشخاصا كثيره ومن ضمنهم دياب و والده و زين ينظر دياب الي شخص ويقول ببرود.جولي يا حاج عيد ايه اللي حصل وبلاش لف دوران
يقول الشخص الذي يدعو عيد باحترام.بص يا عمي دياب انا اشتريت جاموسه من الراجل ده بخمسين الف (ما تستغربوش الرقم اسعار البهائم غاليه
اليومين دول 🤣🤣🤣)
بس مكنش معايا الفلوس كلها واتفقت معاه اني هاجي اخد الجاموسه بعد يومين اكون حضرت لفلوس جيت اول امبارح اخدها يجولي مليكش حاچه عندي وليه ده كله علشان راح السوج بتاع الخميس ولجه سوج الجاموس غالي فرجع في كلمته و
يقطع كلامه الشخص الذي قال بغضب.اظبط كلامك يا عيد عيب اجده
عيد بغضب.ليه مش هو ده اللي حصل يا منصور الكلام اللي تجالي في البيع والشراء بتاعنا كان بين رجاله ولا حريم $$$$$
دياب بغضب وصوت عالي.حاج عيد الكلام جله الادب ده مش أهنه حاسب علي كلامك انت بين رجاله
عيد بصوت عالي.مش هو اللي بيجول كلام وبيرجع فيه يا عمي دياب
دياب ببرود.برضو حاسب علي الكلمه اللي بتخرج من لسانك علشان هتنحاسب عليها
وينظر الي الشخص الذي يدعو منصور ويقول ببرود.جولي يا حاج منصور انت باركت لعيد
منصور بتوتر.الصراحه ايوه يا عمي دياب بس ت
دياب بحزم وقوة.مفهاش بس يا حاج منصور طالما باركت والنيه سمحت في الجاموسه خلاص مش كلام عيال هو
منصور بغضب.ايه الكلام ده يا عمي دياب ده مش بيع وشراء ده سرقه الجاموسه جايبه زياده خمس تلاف جنيه الفلوس ديه اولي بيها انا وعيالي
ينهض دياب بغضب شديد ويقول بصوت هز المكان بأكمله.صوتك يا منصور لولا فرق السن اقسم بالله العظيم ما كنت خليتك تخرج علي رجلك بلاش كلام ماسخ احنا مش عيال معاكم واخر الكلام ده عيد الجاموسه هيتزود عليها الف جنيه وتاني مره ميبجاش في تعامل بناتكم الواحد مش ناقص
عيد باحترام.اللي تشوفه يا عمي دياب ادفع الف جنيه حاضر
منصور بغضب.وانا ليه اخسر اربع تلاف اجنيه يا عمي دياب وانا لو رحت بعته دلوجتي تجيب اكتر
دياب بغضب وصوت عالي.انت اللي بعت من الاول يا منصور والالف جنيه اللي عيد هيدفعه ده مش علشان سعر الجاسوسه لا ده علشان تاني مره ميتعاملش معاك الراجل ابو كلمتين خسارتة احسن ويلا الكل علي مشغله
ينظر اليه منصور بغضب ولكن لا يستطيع ان يعترض ويذهبون الجميع ولم يكن موجود سوا العائله ليقول بدر بهدوء.عفارم عليك يا دياب
يبتسم له دياب ويقول زين ببرود.طب يلا بجي اكيد الوكل جهز
اومأ له الجميع ويذهبون الي داخل القصر نظروا إلى مهران الذي يجلس وهو يشرب الشاي ليقول بدر بصوت عالي. هاتي الشاي يا بت
ويذهب يجلس بجانب والده الذي قال.عملتوا ايه
ليقول له بدر ماذا فعلوا ويتحدثون في عدة اشياء وبعد الكثير من الوقت ينظر مهران الي الذي دخل القصر بغضب شديد وينهض ويقول بصوت هز اركان القصر.وجف عندك يا ولد