خشِيتُ الغربه على قلبي فـ اتيتُ إليكِ هارباً
ــــــــــــ.
نظرت غصون الي حمزه الذي تصنع تجاهل تلك النظرات التي كانت تنظر إليه بها وكأنه تخبره ،لماذا احببتني ؟ فأنا لا اجيد فن الحفاظ ،فكل شي أريده يصبح سراب
تنهدت غصون وهي تحاول جهدا الا تبكي ولكنها تذكرت والديها فقالت بصوتِِ بكي:
انت قولت اي
حمزه بهدوء:
قولت اني معجب بيكي ،وعايزك تدي فرصه لقلبك ،لاني بصراحه حاسس انك حاسه بيا
غصون بدموع :
انا مينفعش احس بحاجه لا ليك ولا لغيرك ،انت متعرفش عني حاجه ،متعرفش انا عشت اي ،ولا كملت حياتي ازاي
حمزه بهدوء:
عارف كل حاجه عنك
غصون باستغراب:
عرفت ...عرفت اي ؟ وازاي ؟
حمزه بهدوء:
عرفت انك اجدع بنت ،وانك اطيب واجمل بنوته ،عرفت انك ذكيه جدا وقلبك بعيد عن أنه يعرف الغدر أو الحقد
ثم أكمل بحنان :
عرفت انك مشيله نفسك ذنب موت اهلك ،وانك بتكرهي عيد ميلادك عرفت انك بتخافي القرب من اي مخلوق عرفت أن صفاتك مفيش منها دموعك اللي بتنزل منك وأنتِ بتحاولي تخبيها هي الحاجه الوحيده اللي بتقدري تتكلمي معاها ،ابتسامتك الهادئه عيونك اللي اول ما شفتهم حسيت انهم ملكي انا ،غصون انا مش عايز منك اي رد ولا اي حاجه ،لحد ماقدر اثبت ليكي اني فعلا استحقك
حمزه طارق الرباط ؟
تفوه بهذا الحديث أحد الظباط الذين دلفوا الي سطح المنزل
حمزه بهدوء:
ايو
انا الرائد أحمد:
حضرتك مطلوب القبض عليك
غصون بدأت تمسح دموعها:
فين إذن النيابه
الظابط :
حضرتك مين ؟
غصون بثقه :
انا محامية الباشا مهندس حمزه طارق الرباط
الظابط :
اتفضلي اذن النيابه
غصون بدأت تشوف الاذن وبعدها قالت :
تمام ،اتفضل معاهم يا حمزه وانا هغير واجي وراك
حمزه بأمر :
مشفكيش برى البيت غير الصبح ،ودا أمر مش طلب تمام
غصون حاولت تداري فرحتها بكلامه :
ازاي يعني ، المفروض اني المحاميه بتاعتك ولازم اشوف حل علشان متفضلش جو القسم
حمزه بهدوء:
كلها ساعات والنهار يطلع ،وبعدين انا مش عيل صغير ،المهم اني قولت كلامي خروج برى البيت دلوقتي لا
الظابط باستغراب :
هي تقرب ليك ،علشان تخاف عليها اوي كدا
هتكون المدام أن شاء الله عن قريب ،وانا مش عايز مراتي تخرج في وقت متأخر
تفوه بهذا الحديث حمزه وهو يتحدث بثقه وكأنها يعلم بأن قلبها أصبح ملكه
اندهشت غصون من ما وقع علي مسمعها حتي قالت :
مين دي ؟ وأمته
حمزه بغمزه :
بعدين ،سلام