رواية مهرة الذئب الفصل التاسع9بقلم مايا النجار

تقول بفزع شديد.يخرببت اهلك في حد يطلع كده 

ينظر اليها دياب ويقول بغضب.انتي اللي في حد يخرج من الشقه كده انتي يا بت مش بتحرمي

مهره ببرود.اهدي يا عمو وبلاش العصبيه بدل ما يحصلك حاجه وانت علي وش جواز وصحتك دي انت محتاجها 

تقول اخر كلامها وتغمز بجراءه شديد ليقول دياب ببرود شديد. باينك كده مش هتجيبيها لبر يا بت 

مهره بهدوء.يا عمو ولا بر ولا زفت انا عاوزه اشم شويه هوي ممكن تسبني اشم شويه هوي بقي

دياب بهدوء.طب انتي عامله ايه دلوقتي 

تبتسم مهره بهدوء وتقول.الحمد لله احسن بكتير بس برضو انا لحد دلوقتي مختش حقب وطالما حقي مجاش بايدي يبقي مجاش

دياب ببرود.بصي يا بت عمي انا عاوزك تبعدي عن سمر وامها خالص انتي مش قدهم دول شويه حرابيق وبالذات اعتماد دي ابعدي عنهم يا مهره علشان انا مش ناقص كل يوم قرف 

مهره بغضب.هو انتوا ليه مش بتعرفوا تقولو الحق مين اللي المفروض يبعد انا انا لحد دلوقتي معملتش ليهم حاجه يتقول كلمه حق يا تخرس خالص

دياب بغضب مكتوب.سبحان اللي مصبرني عليكي يا غزاله انتي يا بت هبله ولا عبيطه انا بقولك كده علشان مش عاوزين مشاكل ولا انتي بتعملي كل ده علشان تمشي من هنا 

مهره بتوتر.امشي امشي ليه وبعدين لو عاوزه امشي من هنا محدش يقدر يمنعني علي فكره 

دياب ببرود.بلاش الشغل ده يا غزاله بلاش علشان انتي لوحدك اللي هتزعلي ويكون في علمك حتي لو عمي توفيق قال إنكم تمشو من هنا مش هيحصل يا بت عمي و الموضوع ده تشلية من عقلك الصغير علشان هي وقفت علي كده 

مهره بغضب.انت بتقول ايه وايه الطريقه اللي بتكلمني بيها انت مفكرني الكلبه بتاعتك لا يا عمو انت تحترم نفسك معايا ثم انا لو عاوزه امشي من هنا اقسم بالله العظيم ما محد في الدنيا كلها هيقف قدامي 

دياب ببرود شديد وهو يدخل يده في جيب البنطال.غوري غيري هدومك 

مهره بغضب.لا عجبني ولا انت مش عجبك غور اتخمد وسبني انا هنا

دياب ببرود وهو يقترب منها.غوري يا غزاله بلاش عنادك ده علشان هيزعلك قوي 

مهره بغضب وهي تضرب الأرض بقوه.قولت لا لا لالالا ايه مش بتفهم ما صح واحد زيك خاطب رجل الكرسي دي اكيد مش بيفهم 

يغلق دياب عيونه وهو يحاول أن يهدئ قليلا يسحب الشال الذي علي عنقه ويعطيها ويقول ببرود.غطي نفسك علشان كده فجر علي الاخر ويلا غوري نامي 

تمسك مهره من الشال وتقول بغضب.ايه غوري دي كل شويه غوري غوري انت بتكلم معايا كده ليه متغاظ علشان ضربت حبيبه قلبك بسببي اسم الله عليك انت وهي انا مليش دعوه علي فكره محدش قالك تجيب حق حد وتعمل نفسك  مصلح اجتماعي وانا بعرف أجيب حقي من عين التخين

ينظر اليها دياب وينظر امامه ببرود شديد لتغضب مهره من  تجاهله اليها وتضربه بقوه علي صدره وهي غاضبه بشدة لينظر اليها دياب ويقول ببرود.تعرفي لو انا ردتلك الضربه دي هلاقيك في حضن ابوكي فخافي علي نفسك يا غزاله 

مهره ببرود.انت اصلا متقدرش تعمل حاجه 

دياب ببرود شديد وهو يرفع كم التشرت.ممممم مقدرش اعمل حاجه طب لو 

يقول كلامه ويرفع يده الي الاعلى وكاد ان ينزل علي وجهها ولكن تقول مهره بسرعه وخوف.لالالا خلاص مش هعمل حاجه 

يبتسم دياب بسخرية وهو من اساسه كان لن يضربها ولكن كان يريد ان يجعلها تخاف منه ليقول.ايوه كده يا غزالة اتعدلي علشان مش انا اللي ينفع توقعي معاه عيب لما واحده زيك تعمل كده مع الديب

مهره باستغرب مصتنع.ديب ايه ده انتو بتربو حيوانات هنا

دياب بغضب.يا بت الكلب احترمي روحك يا بت 

مهره بتحذير.لسانك يا عمو عيب الي بتغلط فيه ده عمك ده مش عيب ولا العيب بيجي عندك ومايبقاش عيب غلط كده يا ديب 

ينفخ دياب بضيق وغضب شديد تنظر إليه مهره وتقول.طب انت كنت رايح فين قبل ما انا اجي

دياب بهدوء.كنت رايح اشوف المهره بتاعتي 

مهره بحماس وتلقائية شديد.انت عندك مهره غيري

تبرق عيون دياب بصدمة من كلامها الغير متوقع ويبتسم وهو يراها وضعت يدها علي فمها بصدمة ويقول وهو يضرب علي أنفها بخفه.تهورك ده ان شاء الله في اقرب وقت هيوديكي في مصيبه 

مهره باحراج.طب طب يلا بينا انا عاوزه اتفرج علي المهره 

ينظر دياب حوله ويقول ببرود.غطي نفسك يا مهره 

تمسك مهره الشال تلفه علي كامل جسدها حتي لم يظهر منها سوا راسها لينظر اليها دياب ويمسك طرف الشال الذي علي رقبتها ويرفعه علي شعرها لكي يغطي شعرها بالشال ويقول ببرود.مش فاعم ايه لازمه انك تبيني شعرك علي فكره مفيش في الموضوع اي اغراء انتي طالما مسلمه واجب عليكي الحجاب والمفروض الكلام ده يقوله ليكي ابوك بس شكله ناسي عيب الي بيحصل يا مهره وانتي كبيره كفايه علشان تعرفي ايه الصح وايه الغلط عمر ما انك تبيني اي حاجه من جسمك  دي تبقي حاجه حلوه لا خالص مفيش راجل في الدنيا بيقبل ان يكون مع واحده مبينة شعره منها وممكن يأخدها من باب التسليه بس كزوجه ويبني معاها أسره لا يا مهره افهمي قبل فوات الاوان محدش ضامن عمره يا بت عمي واللي بيتعره في الدنيا هيتعره في  الاخره بلاش اكسبي حسن خاتمه الدنيا دي مش دايمة لي حد اخرتك هي الي دايمة كلنا هنموت فعملي الي يرضي ربك علشان متخسريش نفسك قبل الي حواليكي علشان تعجبي حد

تنظر إليه مهره وتقول بغضب.علي فكره انا مش بعمل كده علشان ارضي اي راجل في الدنيا 

دياب بغضب.تصدقي اني انا غلطان علشان بكلم واحده زيك اعملب اللي انتي عاوزاه يا مهره انا غلطان وابن كلب علشان بتكم معاكي كأنك بنادم 

مهره بغضب.قصدك ايه بالكلام ده وبعدين انتوا كلكم كده عوزين تمشوا الكل علي مزاجكم ليه معرفش ما تخلي كل واحد في حياته مالكم انتوا وبعدين انا جيت وقولتك انت ليه هتتجوز سمر وانت مش عايزها لا ليه علشان ده شئ مخصنيش بس كده طول ما احنا بعاد عن حياة بعض والله العظيم ما هيكون في حقد وغيره

دياب ببرود وهو يذهب.وانتي مين قالك اني مش عاوز سمر

مهره وهي تسير خلفه. باين اوي علي فكره وبعدين لو تسمع مني فانتوا الاتنين  متنفعوش مع بعض خالص ومش لايقين كمان وغير كده مفيش حب حتي سمر هي عايزاك علشان امها عايزه كده وكمان علشان اكيد من يوم يومكم وانتوا بتقولو انها ليك في تعود مش اكتر بس الي بيحب حد عمره ما يكون مبسوط وهو عارف ان الشخص الي معاه مش مبسوط ودي مش انانيه وهي عارفه انك مش عاوزها وقابله بده بس الي مش واخده بالها منه ان هي كده بتبوظه حياتها قبل حياتك وبرضو انتوا الاتنين اغبى من بعض مفيش علاقه بتتبني كده ياريت تفهموا قبل ما تندموا بعدين

دياب بهدوء.كلامك كويس في حاجات وحاجات لا سمر فعلا انا مش بحبها بس هي مناسبه ليا يعني هي الي تنفع تكون مراتي انا قولت كلمه لجدي وانا ما اتعودتش ارجع في كلمه انا قولتها 

مهره ببرود وهي تلوح بيدها.خلاص اخرب حياتك يا عمو 

دياب بغضب.اتكلمب عدل يا بت 

مهره بغضب.متتعصبش عليا انا بقول الحق انت علشان مترجعش في كلامك تخرب حياتك وحياة بنت هبله زيك ايه المنطق ده مش معقول انتوا اصلا ما تطقوش وكل واحد فيكم بعيد عن التاني ما بالك بقي لو اتجوزتو تخلفوا  هتخلوفو ايه

دياب بغضب وهو يجز علي اسنانه.يا بت بلاش طوله لسان انا بتكلم معاكي بأدب 

مهره بهدوء.طب خلاص سوري بس بجد الموضوع يعصب طب تخيل انت كده اتجوزت انت و سمر وطالما مفيش حب بيقي اكيد في مشاكل وجبتوا عيال والمشاكل دي بتكبر كل يوم عن الي قبله ذنبها ايه العيال دول ذنبهم ايه انهم يشوفو اهلهم كل يوم في خناقه جديده ولو قررتوا إنكم تطلقوا برضو في عيال هما اللي هيضيعوا بينكم حرام تعمل فيهم كده يا دياب حرام دول ملمش ذنب في كل ده

ينظر دياب الي شفتها التي تنتطق اسمه لاول مره منذ ان رأها يشعر بان اسمه لذيد بشدة وهو يخرج من بين شفتيها اووووف علي ذلك الشعور ولكن الذي يجعله يحزن عليها انه يري حزنها الذي يظهر امامه بسبب هذا الكلام ليقول بهدوء.طب ما ممكن تكون حياتي معاها كويسه سمر مش وحشه زي ما انتي متخيلة هي بس تبعد عن امها وكل حاجه تبقي تمام 

مهره بغضب. نقول تور يقول احلبوه انت ليه مصر تخليني اطلع اوسخ ما فيا ليه واحنا نفضل نقول ممكن ويمكن وقرف وليله زرقاء علي دماغك انا بقولك عيالك عيالك انت متخيل انا بقول ايه تقولي ممكن  ممكن ايه الله يخربيتك عاوز تتجوز رجل الكرسي روح بس بلاش تجيبوا عيال في اول جوازكم علشان لو ممكن بتاعتك منفعتش يبقي طالق من غير ما تجيبوا عيال يتعذبوا من واركم ممكن يا خويا 

يبتسم دياب عليها ويقول.طب اهدي مالك وبعدين لسانك بقي طويل عليا قوي وده غلط 

مهره ببرود.والنبي ما في غلط غير الي انت بتعمله ده 

ينظر اليها دياب وينظر الي المهره التي في (الاسطبل)الذي يوجد في هذا القصر لتقول مهره بحنان.الله جميله اوي المهره دي هي لسه مولده 

اومأ لها دياب لتقول مهره بطفوله.طب اسمها ايه 

دياب بهدوء.محدش اختار اسمها لحد دلوقتي 

تنظر إليه مهره وتنظر الي المهره وتقول بسعاده.هنسمي طيف ايه رايك 

دياب بابتسامة.حلوه اوي 

مهره بحماس شديد.طب انا عاوزه اركب واحد 

دياب بغضب مكتوب.لا غلط مفيش بنات بتركب حصان

مهره بغضب.مين بقي الي قال كده 

دياب بغضب وصوت عالي.انا يا روح امك وبلاش بقي علشان انا جبت اخري منك وركوب خيل مفيش يا بت وميتين ام الكلام يتسمع احسن ليك 

مهره بغضب.حرام عليك انا عاوزه اركب خيل وبعدين يعني ايه الموضوع مفهوش حاجه علي فكره انت ليه بتحب تكبر الموضوع انا هركب خيل غصب عن ايه حاجه اولهم انت بس 

دياب بهدوء مصتنع.مهره انا بتكلم بالعقل والمنطق ازاي تركبي خيل ممكن تقع او يحصلك حاجه وحشه بلاش بعدين انتي لسه خارجة من المستشفى اهدي علي نفسك علشان انتي من اول ما خطيتي البلد وانتي كل يوم بمصيبه شكل انهدي بقي 

مهره بطفوله.بليز يا عمو انا بجد مركبتش خيل قبل كده ونفسي اجرب اوي خليني اجرب ومفيش حاجه هتحصل لو حصل حاجه انا بقولك انك خليت مسؤليتك مني بس بقي سبني اعمل الي نفسي فيه بليز 

يغلق دياب عيونه وهو يضعف بشدة امامها ويقول بغضب.ماشي يا بت ماشي بس يكون في علمك ان دي اخر مره اسمع كلامك فيها 

اومأت له مهره بفرحه شديده ليذهب دياب ويمسك خيل كبير ويسير به نحو مهره التي تنظر إليهم بحماس شديد ينظر اليها ويقول.حطي رجلك هنا وامسكي الحبل كويس 

اومأت له مهره وتفعل الذي قال وتضع يدها علي كتف دياب وتسحب نفسها الي الاعلي لكي تركب الخيل ولكن الخيل يتحرك وكادت ان تقع ولكن يمسكها دياب من خصرها ويدفشها بخفه فوق الخيل وهو مازال يمسكها خوفا ان تقع او يحدث بها شي كاد ان يترك يدها بعد ما طلعت فوق الخيال ولكن تمسك يده مهره بسرعه وتقول بخوف.انت رايح فين 

دياب بهدوء.هروح فين ما انا اهو 

مهره بخوف.طب خلاص خليك كده 

دياب ببرود.خايفه دلوقتي مش كنتي عامله فيها الف راجل في بعض سيبي ايدي يا بت 

يقول كلامه ويسحب يده منها بقوه لتصرخ مهره بقوه ومن قوه الصرخة يتحرك الخيل بعنف شديد لتقع مهره من علي الخيل ينظر اليها دياب بسرعه ويمسك يدها بقوه ويسحبها عليه تصرخ مهره بقوه لانه سحبها من يدها بقوه كبيرة وهذا وجعها بشدة يمسكها دياب من خصرها ويبعد عن الخيل ويقول بلهفه وخوف شديد.انتي كويسه حصلك حاجه 

مهره بدموع من الوجع الذي تشعر به.انت سبتني ليه كله بسببك 

دياب بغضب.مش انا قولتك بس انتي حماره مش بتفهمي ايه اللي بيوجعك

مهره بوجع.ايدي ايدي وجعاني اوي انت السبب انت الي سبت ايدي وبعد كده سحبتني جامده اوي 

يمسك دياب يدها ويحركها بخفه ولاكن تصرخ مهره بقوه وتقول بدموع.لالالا بتوجعني لا خلاص سيبها 

دياب بهدوء.لازم تتحرك علشان تخف استحملي شويه وتكوني كويسه متخفيش 

ويحرك يدها ولكن تصرخ مهره بقوه ووجع شديد ليقول دياب بغضب.ما تهدي يا مهره قولتك من الاول بلاش بس دماغك زي فردة الجزمه مش بتسمعي الكلام ليه طالما مش قد العقوبه بتعملي كده ليه 

مهره بغضب.انت بتزعلقي ليه دلوقتي انت الي غلطان وانت الي زعلان 

دياب بغضب.ليه قولتك روحي اركبي الحصان وانتي زي الهبله مش بتعرفي تعملي حاجه 

مهره بصوت عالي.لا بس انت الي سبتني  ومشيت في حد يعمل كده كله بسببك والله العظيم انت السبب منك لله يا بعيد منك لله انا غلطانه علشان فضلت مع واحد زيك 

دياب بغضب شديد.مهرررررررره والله العظيم هتضربي صوتك بيعلي وغير قله ادب وانا اه بهزر وبضحك بس هتسوقي فيها تدفني مكانك انتي سامعة  

مهره بغضب شديد وهي تنهض من المكان التي كانت تجلس فيه.لا مش سامعة واعلي ما في خيالك اركبو ابو شكلك انا الي حيوانه من الاول المفروض ابعد عن واحد زيك والحمد لله فهمت قبل ما يحصل حاجه تانيه 

تقول كلامها وتذهب إلى الداخل ينظر خلفها دياب بغضب شديد منها ومن نفسه لانه استمع اليها وجعلها تتجاوز كل الحدود كيف جعلها تفعل معه ذلك من البداية ماذا حدث به وهو معها لماذا يضعف معها بهذا الشكل ينفخ دياب بغضب شديد ويذهب إلى الاعلي في الشقه الخاصه به ويدخل وهو يريد أن ينام لكي يقف تفكر فيها انها اخذت كل تفكره لما يفكر سوا فيها هي فقط يريد ان يوقف ذلك الانه سوف يتزوج من غيره وهو لا يريد ان يتعلق قلبه بيها أكثر من ذلك وهو يعلم بانها سوف تكن من نصيب احد اخر وهذا يجعله يتعذيب بشدة فاذا سوف يحدث مع هذا الذئب 

في صباح يوم جديد كان يجلس في غرفة المعيشة وهو يفكر في اشياء كثيره ينظر اليه الذي كان ينزل من علي الدرج ويميل برأسه ويذهب يجلس بجانبه ويقول.صباح الخير يا عمي

توفيق بهدوء.صباح النور يا دياب 

دياب بهدوء.صاحي بدري يعني بتفكر في ايه

ينظر اليه توفيق ويقول بوجع وحزن شديد.يعني مش عارف يا دياب انت اكتر واحد عارف انا بفكر في ايه وعاوز ايه بس انت مش عايز 

دياب بهدوء.مينفعش يا عمي وانا قولتلك هتكون كويس وانت هتطمن عليهم ومتخفش 

توفيق بحزن وثقل شديد.مش حاسس بده يا دياب اسمع مني دي النهاية مش عاوز توصيه يا دياب عيالي امانه في رقبتك طول عمرك مش عاوز حد يعرف حاجه غير لما الامانه تطلع 

دياب.طيب ليه الكلام ده يا عمي 

توفيق ابتسامه.محدش بياخد اكتر من عمره يا دياب فاكر لما قولتلي ان اجيب مهره هنا ده كان احسن قرار انا خته حاسس انها بتتغير يا دياب وكمان مازن اتعود علي العيشه هنا و دي حاجه حلوه اوي بس برضو لسه خايف علي مهره بنتي مش سهله يا دياب مش سهله خالص انا عارفها دلوقتي تلاقيها بتدور علي اي حاجه علشان تمشي من هنا ولا ده حصل بنتي هتروح بجد خافي عليها اوي ساعات بندم علي دلع فيها بس مهره اتاثرت اوي بعد انفصالي انا وامها ومكنش عندي حاجه علشان انسيها غير ان اكون ليها الام والاب و غصب عني بقيت بدلعها بذياده اوي مكنتش اعرف اني بكده بضيعها 

دياب ببرود.هي مش وحشه لدرجة دي يا عمي وغير كده غصب عنها هتقبل بالامر الواقع علشان معندهش حل تاني انت بس شد عليها شوية وحتي لو حصل ايه اوعي تقولها انكم تمشوا من هنا اوعي يا عمي لو لقتها بتخبط دماغها في الحيطة علشان بنتك لو خرجت من هنا هترجع اوسخ من قبل وانت الي هتتحاسب عليها 

توفيق.انت ليه مش فاهم الفكر مهره مش هترضي بالامر الواقع وخلاص لا دي بنتي وانا الي مربيها وعارف عنها كل حاجه و

يقطع دياب التي قال ببرود شديد.اسمع يا عمي البوقين دول مني بنتك ملهاش خروج من الصعيد تاني وهتمشي زي بنات الناس غصب عن الي جابوها ويارب ماتسمعش الكلام علشان انا جايب اخري منها ومنك انت كمان علشان دي مش تربيه المفروض ابن الحديدي يربيها لبنته لاخر مره هقولك يا عمي بنتك لو عاوزه تخرج من هنا يبقي علي قبرها وانا وهي الزمان طويل خليك انت بعيد عن الموضوع وسبني انا هتعامل معاها بس والنبي مش انا اقرص عليها وانت تاخدها في حضنك واطلع انا ابن الكلب انا بقولك من دلوقتي ابعد عن الموضوع خالص ولا تدفع ولا تهجم سبني انا هتصرف

توفيق بخوف علي ابنته من هذا الذئب.خابف منك يا ابن اخويا بنتي مش هتستحمل كده 

دياب بغضب.عمي هي بنتك دي ملاك ولا شيطان ولا ايه بالظبط شويه تقول عليها قادره وشويه متستحملش بنتك ملتها ايه علشان اكون فاهم

توفيق بهدوء.بص يا دياب مهره مش عارف اقولك زي ايه بس هي مفيش في طيبة قلبها والله بس متهوره و الحريه الزياده دول هي العقده الوحيده الي فيها وغير كده مش بتحب حد يتحكم فيها حتي لو علشان مصلحتها مش عارف اوصفلك ازاي بس هقولك علي حاجه مهره طالما مفيش حد يدافع عنها هتكون ضعيفه وخايفه اوي ويمكن ده الي يساعدك لو انا بعدت عنها مش هتلاقي حد تقف وراه هتنخ وبعدين وانا مش عاوز كده انا مقدرش اشوف بنتي ضعيفه لي اي سبب من الأسباب علشان بعد كده محدش يستغل ده 

دياب ببرود.محدش هيستغل حاجه يا عمي وبنتك محدش يقدر يبص عليها بصه بس يكون ممحي  من علي وش الأرض وانت عملت الصح بس برضو ابعد عنها علشان تلاقي حد تخاف منه 

توفيق بهدوء.ربنا يستر يا دياب وربنا يهدي مهره بنتي 

ينظر اليه دياب ويميل اليه ويرجع راسه الي الخلف ويقول في داخله.هتتربي يعني هتتربي يا غزاله وهتمشي علي العجين ما تلخبطيهوش بس الصبر جميل 

يبتسم دياب في اخر كلامه وهو يخطط الي شئ لاجل ان يربي تلك الفتاه العنيدة فماذا سيحدث في هذه الفتاة التي لم تعرف ماذا ينوي اليها ذلك الذئب وماذا يفكر الذئب 

تفتح عيونها وتنظر حولها وترجع تغلق عيونها مره اخرى وتلف تمسك الوساده وتحضنها بقوه وهي تدفن راسها فيها تستنشق الرائحه التي علي الوساده وتتذكر البرفان الخاص بذئب تشم الرائحة وهي مستمتعه بشدة بهذا البرفان الذي يوجد به رائحته الرجولية التي جعلتها فقدت عقلها تفتح عيونها وتنظر الي الوساده التي عليها الشال التي اعطاه لها في الامس لتمسك الشال وتضعه امام انفها وتشم الرائحه بعمق شديد وهي تغلق عيونها باستماع شديد وهي لم تكن واعيه علي نفسها ولا تريد سوا ان تظل تلك الرائحه داخل أنفها التي تجعل قلبها يدق بقوه كبيرة ويرتجف جسدها بقوه تفتح عيونها وتنظر إلى الشال وياتي عليها لحظه ادراك ماذا تفعل لتبعد الشال من امام وجهها وهي تستغرب الذي فعلته بشدة تضع يدها علي قلبها الذي مازال يدق بعنف شديد تغلق عيونها وهي تحاول أن تهدئ قلبها قليلا وتنهض وتذهب إلى الحمام وبعد قليل تخرج منه بعد ان بدلت ملابسها  

وتذهب أمام المرآة تنظر إلى نفسها وتفرد شعرها وتمشطه وتذهب إلى الخارج تنظر على من تخرج من الشقه الخاصه بها وتقول بدلع وشماته.ده حبيبي سحرتني عيونه وهشلفط وش اللي يبص لها مطوتي هتزغرط على أيها هلهولة

تعبان ودماغي مجنونة 💃

(مهره رايقه النهارده فاكيد في مصيبه 🤣🤣)

تنظر إليها سمر بغضب شديد وتقول. شمتانه يا مهره 

مهره بدلع شديد.لؤه ربنا ما يجيب شماته يا قطه 

سمر بغضب.باين عليكي الشماته يا بت عمي بلاش البوقين دول بس احب اقولك على حاجه عمرك ما هتوصلي للي انتي عاوزاه دياب بتاعي انا ومفيش بنت في الصعيد كله قدرت تاخده مني فاكيد مش هيبص عليكي يا بت البندر 

مهره ببرود شديد.طالما كده محروقه ليه انتي لو عندك بجنيه ثقه بنفسك مكنتيش واقفه قدامي دلوقتي وبتقولي الكلام ده وغير كرمتك الي في ذمه الله وبعدين دياب مين ده الي خايفه عليه مني ده ضربك قدام الكل يا عديمه الكرامه واحده زيك تكره تشوفه قدامها مش جايه ترمي بلاها علي الناس خلي عندك شويه كرامه يا حيوانه

سمر بغضب شديد.اتكلمي معايا عدل يا بت وبعدين بتقولي خلي عندي كرامه علشان تاخديه انتي صح علشان يخلى ليكي الجو معاه صح يا بت عمي بقولك محدش ياخده مني انا وهو مكتبين لبعض فبعدي عنه احسن ليك مش ليا علشان في الاول وفي الاخر دياب ليا شوفي انتي واحد تاني حتي يعرف يربيكي يا فاجره 

تنظر إليها مهره بغضب شديد وتنزل علي وجهها بصفعه قوية وهي تقول بغضب وصوت عالي بشدة.مين دي الي فاجره يا بت الكلب يا زباله انتي بتغلطي فيا يا ربيه $$$$$$ ميتينك علي ميتين الي جابوكب يا كلبه 

كانت تقول كلامها وهي تنزل علي وجهها بصفعها قوية يأتي في هذا الوقت دياب الذي سمع صراخ سمر العالي ينظر اليهم بغضب شديد وهو يري مهره تمسك سمر من شعرها وتنزل علي وجهها بصفعات قويه ليذهب اليها بسرعه ويبعدهم عن بعضهم ويقول بغضب شديد.في ايه يا بت اهدي 

تبعد مهره عن سمر وتقول بغضب شديد الي دياب.ابعد عني يا حيوان يا زباله 

ينظر اليها دياب وعيونه تسود من الغضب ويرفع يده وتنزل علي وجه مهره بقوه كبيرة تضع مهره يدها علي وجهها بصدمة شديده لم يجرء احد ان يفعل ذلك في يوم من الايام حتي والدها لم يفعل كيف تجرا وفعلها ذلك الذئب ولكن هذا لم يكن وقت تفكير بالذي حدث هذا وقت ان تأخذ حقها منه في هذه اللحظه تنظر الي العائله الذين أتوا علي الصراخ وتنظر الي دياب وترفع يدها وووو

                  الفصل العاشر من هنا