رواية خفايا القلوب الجزء الثاني الفصل الثالث عشر 13 بقلم نور محمد
ايوب بحزن ودموع: عزيز يبقى اخويا الصغير والشخص الوحيد الباقي في الدنيا من د*مي
ياسمين وعمر بصوله بصدمه وزهول وايوب تهند بقوه كمل
ايوب بتعب وحنين: عزيز اخويا الوحيد من ابويا وامي بس هو اتولد طفل مش طبيعي مكنش بيتكلم مع حد او حتي يلعب مع الاطفال في عمره طول الوقت قاعد في البيت محبوس في اوضته وبس.. مش بيعمل حاجه تاني وبابا لما شك فيه اخده لدكتور اللي قاله ابنك سليم وكل تحاليله طبيعيه جدا.. فبابا قال يمكن فيه شئ تاني فأخده لشيخ هو يعرفه معرفه شخصيه والشيخ الزفت ده.. قاله ابنك فعلا مش طبيعي بجد ياحسن وفيه حاجه جواه اكبر من البشر العاديين وفضل يزن على ودانه.. لانه في الاصل دجال ونصاب وقاله فيه بيت قديم تحته مقبره كبيره كلها دهب ولو فتحها هيبقى عندك ثروه ملهاش اخر
وللاسف وقتها بابا طمع وقال كده كده هو مش طفل عادي ولو مات مش مشكله هو عنده انا مكانه.. واخده لمكان المقبره دي علشان يعمل اللي قاله عليه الدجال...قاله يحط عزيز على مكان المقبره ويد*بحه هناك علشان د*م عزيز هو مفتاح ومن جبروت بابا عمل كده.. وحطه فعلا فوق المكان ده.. بس اللي حصل وقتها معاه كان اغرب من الخيال.. روايه خفايا القلوب الجزء الثاني بقلم نور محمد
بابا طلع السكـ*ـينه علشان ينفذ كلام الدجال ده ويد*بح عزيز بيها.. بس قبل مايقربها منه فجأه لقى شئ بيدفعه بعيد عن المكان كله.. وبعدها اغمي عليه هناك ولما فاق عزيز مكنش موجود فقال يمكن خاف ورجع البيت لوحده بس عزيز مكنش له اثر في البيت كمان
وبابا خاف يبلع الشرطه تحقق معاه من الاول ويسجن فسكت عن الموضوع كله وتاني يوم انصدمنا كلنا لما لقينا عزيز نايم في اوضته زي الملاك.. بابا اكتر واحد فينا انصدم بس متكلمش وعزيز مكنش بيتكلم معانا خالص عن اللي حصل معاه لغايه مافي يوم دخلت انا عنده الاوضه
فلاش باك في الماضي**
دخل ايوب يطمن على عزيز لانه بقاله اسبوع مش بيخرج من غرفته ابدا فقرب منه بحب وقلق وقال
ايوب بحب وقلق: عزيز ياحبيبي هتفضل حابس نفسك هنا كتير ماتقول لاخوك حبيبك حصل معاك ايه يومها وريح قلبي عليك
عزيز بصله بصمت فكمل ايوب: والله ماهقول لحد حتي ماما وبابا انا بس عاوز اطمن عليك.. انت متعرفش غلاوتك عندي قد ايه وبحبك اوي انت اغلى شخص في حياتي
عزيز قرب منه وقال بهمس وطفوله: وانا كمان بحبك ياايوب بس الراجل الطيب قالي مقولش السر ده لحد.. علشان ميزعلش مني هو خلاني عنده وجاب ليا اكل حلو اوي بعدها قالي هرجعك للبيت بس متقولش السر ده لحد
ايوب بصدمه وزهول: راجل الطيب ده مين.. احكي ليا ارجوك ياعزيز حتي بابا مش عاوز يقولي حاجه عن اليوم ده انا هقف في صفك حتي لو حصل ايه بس قولي
عزيز بتأثر وخوف: ماشي هقولك بس بشرط
ايوب بالهفه: وانا موافق على كل شروطك ياله قول بقى
عزيز بخوف ودموع: الرجل الطيب ده قالي بابا راجل شرير وكان عاوز يد*بحني علشان يطلع الدهب الموجود تحت الارض وهو علشان بيحبني انقذني منه بس انا خايف بابا يعمل كده تاني انا عاوز امشي من هنا ياايوب بابا شرير عاوز يقتـ*ـلني علشان الدهب
ايوب سمعه والصدمه اثرت عليه بشده وزهول كبير
باك عوده للحاضر **
ايوب بتذكر ودموع:ووقتها لما قالي كده انا ربطت الاحداث كلها ببعضها وحسيت انه كلامه معقول لان بابا كان خايف ورفض يبلغ الشرطه وقت اختفاء عزيز وكان شكله مريب وغريب اوي
فقولت لو بابا فعلا عمل كده انا لازم احمي عزيز منه لاني كنت وقتها متعلق بيه لدرجه ان وقت مااختفي فضلت الليل كله بدور عليه لوحدي ومرتحتش غير لما لقيته تاني يوم قدامي.. فقررت مع نفسي اني اخبيه معايا بعيد الكل وفعلا عملت كده وقولت انه رجع اختفي تاني زي اول مره وبابا وماما محدش فيهم بلغ الشرطه تاني على ابنهم لانهم خايفين من عملتهم فسكتوا.. وانا خبيته في مكان بعيد اوي
ووقت ماقرر بابا يمثل عليا حوار الحادث وماما مثلت كمان قدامي جوازها من معتز كنت لسه مخبيه معايا بس بعد ماخططوا للعبه قتل ماما كمان.. معتز بقى يراقبني 24 ساعه لغايه ماوصل لسري وعرف كل حاجه وخطف عزيز مني وفضل يخوفني بيه.. لان عارف عزيز بقى نقطه ضعف ليا وانا كنت بدور خلفه علشان الاقي عزيز واخدته منه وده كل اللي حصل من البدايه.. الروايه بقلم نور محمد
عمر قرب وحضن ايوب بشفقه وحزن: معلش انا حاسس بألمك ووجع ده ياأيوب واوعدك هلاقي معتز من تحت الارض وهعرف منه مكان اخوك عزيز وده وعد من اخوك عمر
ايوب ابتسم ليه وياسمين قربت منهم وقالت: ممكن نمشي من هنا بقى لاني تعبانه وعاوزه اطمن ماما عليا
ايوب قرب مسك ايدها وقال بحب: من عنيا ياقلب ايوب ياله نمشي من هنا سوى
عمر بصلهم ببسمه ولسه هيمشي خلفهم بس اجاه فون ضروري
عمر بقلق وصدمه: نعم يافندم تحت أمرك
سمعه عمر دقيقه وبعدها قال: حاضر يافندم مسافه السكه بس وهكون عندك
ايوب سمعه فقال بقلق: انت كويس ياعمر فيه حاجه حصلت معاك في الشغل
عمر ببسمه: لا متقلقش ده اوامر تبع الشغل بس ولازم اتحرك فورا خلي بالك انت بس من ياسمين وماما لغايه مااخلصه
ايوب:دول في عنيا بس خلي بالك من نفسك
عمر هز له رأسه بطاعه وطلع من المكان بستعجال وايوب اخد ياسمين واتوجه للبيت
وبعد وقت في مكان اخر بالتحديد مركز المخابر*ات العامه **
عمر بقلق وخوف: خير يافندم انت قلقتني اوي حصل ايه هنا علشان تستدعيني بسرعه والاستعجال ده
رأيسه في الشغل: الموضوع خطير اوي ياعمر وبيهد*د أمن الدوله كمان علشان كده انا استدعيتك بالسرعه دي
عمر بصدمه وزهول: أمن الدوله ليه يافندم حصل ايه؟!
رد رأيسه في الشغل بسرد وتوضيح: احنا حاليا وصلنا لاخبار في منتهي الخطوره يامقدم عمر لينا فتره كبير بنراقب الما*فيا وعصا*بات تجاره المخد*رات والاعضا*ء وكنت فاكرين انهم من داخل البلد.. بس وصلنا اخبار سريه بتقول ان المافيا دي من اكبر منظمه عد*وه للوطن العربي كله.. وبيعملوا كده كمان في جميع دول الوطن العربي مش في مصر بس
عمر كان بيبصله بتركيز وهتمام كبير لغايه ماتهند رأيسه بعمق وكمل: دول طلعوا كلهم تبع منظمه الخنا*زير الحقير*ين في الوطن العربي وانت اكيد عارفهم مين.. مفيش غيرهم حاليا اللي عاوزين يحتلوا الوطن العربي كله.. وعرفنا اخبار عنهم شديده الخطوره
عمر عروقه اتشدت بغضب رهيب وتوعد كبير: كمل يافندم.. انا فاهم كلامك كله ايه الاخبار السريه دي؟!
رأيسه قرب منه بهمس: عرفنا انهم من بدايه الحرب وإصابه عدد منهم كانوا محتاجين وقتها اعضا*ء بشر*يه بمختلف انوعها وهو عندهم مبدأ التبرع بالاعضا*ء ده شئ مرفوض لان اجسا*دهم شئ مقد*س ومحر*م العبث فيه.. وتكلفه الاعضا*ء دي في العالم مرتفعه جدا فكانوا بيعملوا ايه بقى علشان يحصلوا عليا بسهوله وبالمجا*ن كمان
عمر سمعه وعينه وسعت بصدمه وزهول ورأيسه كمل بحزن: كانوا بيدخلوا طفل منهم عمره في حدود العشر سنين او اقل.. داخل الدول علشان محدش يشك فيه ويكبر الطفل ده بين شعب الدوله ويبقى واحد منهم.. بس في الاصل هو عميل سري للخنا*زير دول ولما يبلغ في العمر.. يبدأ يشغل في تجاره المخد*رات اللي بتدمر صحه شبابنا ودي كمان بتكون مصيده لهم لقتـ*ـلهم بعدها.. واخد ارو*احهم واجسا*دهم لمصلحه منظمه الخنا*زير دول
لكن بيخرجوا الجثـ*ـث دي لخارج الدوله بطريقه سريه ازاي محدش عارفها.. وكمان العميل بتاعهم ده محدش لحد دلوقتي يعرف هويته او شكله الحقيقي غيرهم هما.. وكام واحد شغال معاه من داخل الدوله من الاشخاص اللي باعوا ضميرهم وشر*فهم ووطنيتهم كمان علشان شويه الفلوس
عمر سمعه للنهايه وبعدها قال بتفهم وتركيز: يعني يافندم انا مهمتي هنا اوصل لهوية العميل الحقيقيه واقبض عليه واعرف الطريقه اللي بيهربوا بيها الجثـ*ـث دي لخارج الدوله بدون علم حد صح كده
ابتسم رأيسه بفخر وقال: طول عمري اقول عليك نبيه ومجتهد ياعمر.. القضيه دي مش زي أي قضيه انت نجحت فيها قبل كده لان الاشخاص دول مش ساهلين ابدا.. عاوزين نعرف نحاصرهم على قد مانقدر ونكشف حقيقتهم دي قدام الوطن العربي كله مفهوم
عمر بطاعه وتحيه: مفهوم يافندم وانا تحت امرك ومن دلوقتي هبدأ بأذن الله في القضيه دي.. والروايه حصريه بقلم نور محمد
وعلى الناحيه الاخرى في منزل ياسمين**
حياه كانت حضناها براحه وسعاده كبيره: الحمد لله يارب انك رجعني لحضني تاني سالمه انا قلبي كان هيقف عليكي ياضنايا
ياسمين ابتسمت لها بحب كبير وايوب قال بخبث: عقبال حضني انا كمان ياحماتي احنا من يوم مااجوزنا وانا متهنتش بحضن واحد منها حتي
ياسمين بصتله بصدمه وخجل كبير وحياه ضحكت بقوه: هههه يخرب عقلك ياواد ياايوب مش كده قدامها حتي.. طيب ياله ياخويا خدها بقى جوه علشان ترتاحوا باين عليكم تعبانين اوي
وقف ايوب بفرحه وسعاده: اهو ده الكلام اللي يطري القلب والله انا من يومي بقول حماتي هي سر سعادتي
حياه كملت ضحك على كلامه وايوب سحب ياسمين منها ودخل غرفتهم بسعاده وفرحه كبيره
وعلى الناحيه الاخرى عند معتز في مخبئه الجديد**
عزيز بتعب: معتز انا حاسس نفسي تعبان اوي خدني لدكتور بسرعه ارجوك
معتز بضيق: عزيز كفايه زن بقى قولتلك الحكومه قالبه الدنيا عليا حاليا ومقدرش اطلع من هنا هجبلك علاج بس اصبر عليا
عزيز نام مكانه بتعب وارهاق كبير ومردش عليه وهنا رن فون معتز ففتح بتوتر ورتباك كبير
معتز بتوتر وارتباك: الوو ايوه اتفضل انا معاك
رد شخص المجهول: انت فين يازفت.. مختفي فين احنا اتأخرنا اوي المره دي على الطلبيه.. والمنظمه عاوزه تخلص مننا اتصرف
معتز بخوف: انا والله حاليا عندي ظروف والبوليس بيدور عليا في كل مكان مش قادر اتحرك من مكاني بس الطلبيه جاهزه ممكن تبعت حد تاني مكاني الفتره دي
صرخ فيه بغضب وتوعد: وانا مالي بظروفك دي يامعتز انت لازم تتصرف مفيش غيرك يعرف طريقه تهر*يب الجثـ*ـث دي اخلص والا انت عاوزهم يأمروا بقتـ*ـلنا لو اتأخرنا عليهم
معتز بخوف ورعب: لا لا خلاص هتصرف هشوف طريقه اقدر اطلع بيها من هنا حاضر اخر الشهر وتكون الطلبيه وصلتهم
ابتسم المجهول بخبث: تمام وانا معتمد عليك ياله سلام
قفل منه المجهول ده بخبث وتخطيط وفجأه لقى شخص تاني دخل عليه الغرفه وهو بيقول
كريم بشك واستغراب: ماما انتي كنتي بتكلمي مين هنا في الفون لوحدك؟!
ملك بصتله بصدمه وزهول:
لقراءة الجزء الاول جميع الفصول كامله من هنا